روايات

رواية مجنونه الليث الفصل الرابع 4 بقلم أسماء حبيب

رواية مجنونه الليث الفصل الرابع 4 بقلم أسماء حبيب

رواية مجنونه الليث البارت الرابع

رواية مجنونه الليث الجزء الرابع

مجنونه الليث
مجنونه الليث

رواية مجنونه الليث الحلقة الرابعة

عاصي بسخريه….. راحه علي فين يا نجمه الصباح.
نجمه….. الاوضه ضلمه قولت اطلع اتشمس واوعي تفهمني صح.
عاصي….. لا يا شطره شدي عجلك علي جوه ولو عجلك بايظ اكسسسره وركبلك غيره.
نجمه بتوتر…. ط طب لي العنف دا يا كبتن الله.
عاصي…. يااااااا خضر.
نجمه….. خضر تاني تااااني خضر.
عاصي ببرود……. وعاشر كمان.
نجمه… سبحان الله الواد دهو مبرتحلوش نفسوياً.
خضر جه بسرعه….. اومرك يا كبرنا.
عاصي….. خرج نمساوي من الاوضه و هات شاكر للبت دي وعايز تفتحو عنيكو.
خضر بصدمه…. هو حصل اي يا كبرنا للنمساوي دا دمه سايح.
عاصي بتنهيده…. طلع غبي.
نجمه بفخر….. دا انا ظرفته حته دين بلحه علي نفوخه عنب العناب تحب تجرب.
خضر بعصبيه….. يا كبرنااااا اخلص عليهااااا.
عاصي بص لنجمه….. ههههههه.
نجمه…. ودا بضحك علي اي… يا عم المقنع يا سبيدر مان الزماان! ليش الضحكه ليش يا ولدي.
خضر كتفها….. قدااامي خشي.
نجمه….. يا دي ام التكتيفه بتاعت المعيز.. علي فكره دي مش اخلاق ناس بتخطف تؤ تؤ تؤ
عاصي بصلها وساكت وخضر بكتفها.
نجمه…… علي فكره يا خضر انت انسان مستفز مش تربط جامد اوي كدا تبت زي الي مشغلك.
خضر بغضب….. سمعيني كدا يا بت قولي اي.
نجمه بلا مبالاه….. تبت زي الي مشغلك ولا بنخااف. ومعفن وزبا…
قطع كلمها بكف خضر الي نزل علي وشها….. انا هعرفك يا بنت ال….
وكان هينزل بالقلم التاني علي وشها بس عاصي وسك اديه وبصوت عالي…… خضرررررر.
ــــــــــــــ امام بيت نجمه ـــــــــــــ
نزل عساكر ومعاهم الضابط جمال وروح.. ونسمه نزلت مع العساكر.
نسمه بضيق…. انا ضابط عنصري والله لشلفط وش امه.
جمال علي بعد متر عنها….. قد كلامك.
نسمه…. مين؟ الباشا ! ازيك اخبارك اي واخبار الست الوالده اي بس علي فكره تسلملي عليها امانه اماااانه وتقوللها شكرا يا نحله علي خلفتك السكر دي امال اي والله يا باشا ومليك عليا حلفان كنت بفكر فيها.
روح وبصت لجمال…. علشان خطري سبها دي طيبه معلش معلش.
نسمه وقفت ورا روح بسرعه…. اي اييي يا باشا هتكسر كلاام روح كسره وانا اقول لليث باشا هاا هااا.
جمال مشي بتنهيده غضب.
روح بتكشيره…. عيب بقي يا نسمه كدا.. احمدي بقي ربنا اني كنت معاكي ولا دلوقتي كان زمانك في الحجز.
نسمه وكلبشت في روح… دا انتي كارت الملك الي مبتحرقش اياكي ثم اياكي تبعدي عني.
كان جمال راح لوالد نجمه الي كان بشوي سمك كالعاده….. حضرتك والد نجمه القاضي.
القاضي وبرفع ايده….. اقسم بالله يا باشا انا سليم وورقي سليم.
جمال وبكلم نفسه…. الصبر من عندك يارب…. ياااااحج ينتك المذكور اسمهاااا.
القاضي…. هي المذكور اسمها عملت حاجه لمؤخذه.
جمال وخبط الكرسي برجله بعصبيه ….. ما تنطق يا راجل.
القاضي….. ا اه يا باشا بنتي اهدي بس الله يسترك.
جمال وطلع ورقه من جيبه….. دي ورقتها.
القاضي…. اي طلقتها؟!
نسمه….. اي يا حج متصحصح معانه دول حكووومه ها قصده دا اذن تفتيش باسم نجمه بنتك اتخطفت.
القاضي… والله احلفي كدااااا.
نسمه وبتبطب علي كتفه…. متخفش يا حج الطيبه اكيد هترجع معلش الفراق صعب بس القدر حرمكم م…
قطع كلمها وبعد وبصوت عالي وفي وسط الشارع….. الحقواا يا حاااره نجمه اتخطفت.
الناس في الشارع كانت بتزغرط.
وحده من البلكونه…. ياااا ما انت كريم يارب الشربات عليااا يا حاره.
القاضي….. طيب يااااختي خلي المحروص جوزك يجيب الفلوس الي عليه لرفع عليكو قضيه نصب يا حاااره مفلسه.
والد نجمه رجع للضابط… اتفضل يا باسا علي البيت دي حاره ناكره للجميل.
جمال وبص لنسمه …. هههههه واضح انها كانت طيبه.
نسبه وبتبلع رقها…. مش اوي يعني.
طلع الضابط جمال مع والد نجمه الشقه وكان العساكر بدورو في كل ركن عن الخاتم بعد ما نسمه وصفتلهم حجمه.
عسكري جه من بعيد….. يا باشا احم لقيت خاتم في سيفون الحمام.
القاضي….. ااااه يا بنت ال… لا دا بتاعي يا حبيبي شكراً بس جدعان دا انا لفيت عليه.
جمال…. ودا بقي مخبيه لي في السيفون ان شاء الله.
القاضي…. تؤ تؤ تؤ.. مش انا الي مخبيه هي اصل بعيد عنك دي دمغها لسعه وقعه علي نفوخها وهي صغيره.
جمال…. اااه ربنا يشفهالك.
القاضي ومسدك اي عسكري معدي….. الهي تنستر وانت بدور كدا شفلي شراب اسود مرسوم عليه نمر من علي الطرف اصلو ضايع مني معلش تنستر يا ابني.
جمال…. نعاااااام… شارب اي يا حج متخلنيش اتغابه عليك.
الفاضي…. خلاااص يا باشا بتتزرزر ليه اهدي ماعاش يا باشا الي يزرزرك.
جمال بخنقه….. للأسف عااايش عااايش ونفسي اخنقه هووو وبنته.
العساكر بعد نص ساعه واكتر….. يا باشا ملقناش حاجه؟
جمال…. متأكدين! دورتو كويس.
العسكري…. اه يا باشا متأكدين مسبناش زاويه ومش دورنا فيها.
جمال…. تمام يلا ورايا.
القاضي….. استنا يا باشا اعملك كوبايه شاي تروق بيها نفسك.
جمال بتنهيده…. بص يا عم الحج ادام انت بعيد عني فا انا رايق يبني وتكل علي الله شوف اكل عيشك، وان شاء الله بنتك هترجعلك قريب..
سابه الضابط جمال ونزل وكانت نسمه وروح بيشربو عصير قصب.
روح….. اهدي بقي مش كدا يا نسمه.
نسمه بتعيط وهي بتشرب عصير القصب….. اكيد بعذبوها قلبي حاسس ياااا قلبي يا نجمه يااااا كبدتي يختي يا تري بيعملو فيكي اي يا طهره.
روح….. اكيد مش هيئزوها لانها معاها الخاتم متقلقيش.
نسمه…. اسكتي اصلك متعرفيش نجمه دي مصيبه مبتقعدش سكته حشره نفسها في اي مشكله.
روح…. خلاص بقي اشربي العصير.
نسمه…. هو انا بصراحه مئكلتش من الصبح وانتي هرياني عصير هااا كلك نظر بقييي روقيني بسندوتش كبدله بيتزيايه كدااا عصافير بطني قلبت حيتان مسعوره.
جمال…. حسبي الله ونعم والوكيل في دي مهمه.
نسمه…. لا إله إلا الله هو انا سلفتك كل شويه بتيجي عليا كدا علي فكره انت انسان مش ديمقراطي.
جمال خبط علي العربيه بشلل منها ….. يلاااا خلونا نمشي من هنااا.
نسمه قبل ما تركب…. هو لي علطول خلقه ضيق كدا.
روح…. بسببك اركبي يلا علشان نشوف اي الي هيحصل.
نسمه بتركب…. انتي فييين يا طهره ربنا معاكي يختي.
____ في السفينه ____
كانت نجمه مربوطه في حبل وراجل قصاد منها.
نجمه بصاله بلا مبالاه….. وبعدين هدنك باصصلي كدا كتير عقبك اي في سحنه اهلي دي ما تدير وشك.
الراجل بتعب….. هو انتي مش هتبطلي كلام.
نجمه… ربنا خلقلي لسان اسيبه في حاله يعني.
الراجل…. ياااصبر ايووبى.
نجمه… بقولك اي مش انت زهقان.
الراجل….. هطق منك مش زهقان بس.
نجمه…. خلاص اي رئيك افرفش القعده وقولك نكت.
الراجل….. ما تسكتي بقي مش عايز اسمع صوتك.
نجمه….. بقولك مره فنجان شاي جه يطلق مراته قالتله والتفل الي في بطني هههه ههه هه اي مش حلوه.
الراجل….. بيخه زيك.
نجمه بتفكير….. خلاص اقولك وحده تانيه.
الراجل….. يا مثبت العقل والدين.
نجمه….. بقولك اليابان اخترعو مرايه في المطار الي يقف قدمها تقوله اسمه وميعاد رحلته.
الراجل…. يا شيخه.
نجمه… يا عم اصبر اما اقولها ملها متبقاش فصيل.
المهم واحد جه وقف قدمها قالتله: انت حسنين ابو الليل طيرتك الساعه 2 العصر.
الراجل اضايق وراح غير الجلبيه ولبس بدله ووقف قدمها برضو قالتله: انت حسنين ابو الليل طيرتك الساعه 2 العصر.
الراجل اتجنن وراح بس فستان وميك اب هههه ووقف قدامها قالتله: انت حسنين ابو الليل طيرتك الساعه 2 العصر وفضل اتمرقع لحد اما الطياره تفوتك ههههههههه ههههه هه اي مش عجبتك برضو.
بصلها بزهق…. يعني حلوه بس مش اوي.
نجمه….. علي فكره انت انسان نكدي زي الي مشغلك.
الراجل بصلها…. لمي لسانك.
نجمه بخبث… بقولك يا وحش الي احنا فين كدا بالصلي علي النبي، لا سمعه صوت بياعين خضار ولا بتاع انابيب يصدع في الي جبونا؟!
الراجل….. معرفش.
نجمه بزهق…. طيب هيروحوني امتاااا يا عم سبيدر مان عايزه اروح.
الراجل بزهق….. اسكتي بقي ابوس ايدك.
نجمه بابتسامه…. اقولك نكته…
الراجل بنفاد صبر….. يااااااااااالهواااااي.
في اوضت تانيه كان عاصي شغال علي الجهاز بتاعه وخضر واقف ساكت.
عاصي بصله…..مالك.
خضر… مالي يا كيبرنا ما انا وي الفل اهو.
عاصي قفل الجهاز….. لسه زعلان.
خضر….. هو انا اقدر ازعل منك يا كيبرنا برضو دا لحم كتافي من خيرك !
خضر موبيله رن….. الووو ايوه….. بتقول اييي…. اه….. طيب ماشي سلام.
خضر جري علي عاصي….. الحق يا كيبرنااا الضباط فتشو بيت البت دي ملقوش الخاتم.
عاصي….. اممم طيب.
خضر…. نفسي افهم يا كبرنا انت ساكت لي ما كنا خلصنه عليها وعلي الظابط الي قارفنا دا محنا عرفنه كل خاجه عنه.
عاصي وقف وبيبص ناحيه البحر من الشباك….. لاء ليث دا لعبتي اناااا وبس والبت دي طعم جامد اوي علشان نعرف ننفذ العمليه.
خضر…. انا مبقتش فاهم حاجه…. وعيني يا كبيرنا.
عاصي بصله بهدوء….. انت فاكر ان الرجاله الي بنسلملهم الهروين ناس امينه.
خضر…. ايوه والي كانو بلغو عننا.
عاصي…. عمرك شفت رز مفهوش حصه.
خضر….. لاء.. بس هو انت شاكك فينا
عاصي…. انا لو للحظه شميت ريحه خيانه من حد هطلع روحه قبل ما يفكر ينقل كلمه بس الي شغالين معاهم ناس مترقبه واكيد في مرشدين والي انا عايزه ان البت الي جوه دي شغله دماغ الضابط وتهمه لان معاها الخاتم صح.
خضر…. صح.
عاصي… وعلشان كدا لازم نخلي بالنا منها كويس اوي لان المهمه الجايه لازم تتم وفي اسرع وقت.
خضر…. حاضر.
عاصي قام….. تعاله ورايه.
خضر مشي ورا عاصي وراحو اوضه نجمه.
نجمه وقعده تتكلم مع الراجل الي بيحرصها….. النكته بتقول مره مدرس رياضه خلف تلاته اتنين اتولدو والتالت استنتجوه ههههههه ههههه هه وحشه برضو ولا اي علي فكره العيب مش مني بقي انتي الي نكدي.
الراجل كان رابط راسه من الصداع….. اااااه يمااااا اه.
نجمه…. اقولك وحده كمااان صدقني المره دي هتعجبك.
الراجل بتوسل….. ابوس ايدك يا شيخه كفايه.
نجمه… اخص عليك عايزني اسيبك في شدتك دي واسكت ودي تيجي يا راجل حتي عيب في حقي يا اخي.
دخل عاصي هو وخضر…..
نجمه…. يا اهلا وسهلا شرفت البيت بيتك اتفضل.
عاصي…. فين الخاتم ومش هعيد كلامي.
نجمه بسخريه….. عيد الفطر ولا الاضحي هيئ هيئ.
عاصي…. لمي ظرفتك ودا لمصلحتك.
نجمه….. طيب بص روحني البيت وانا هجبهولك.
عاصي….. الخاتم مش هناك لان بيتك اتفتش.
نجمه بصدمه…. ا ازاي اتفتش انتم هجمتو علي البيت.
عاصي….. فل يكن مين الي دخل او هجم الي يهمني انه فيييين الخاتم.
نجمه بغيظ…. لما تبقي تشوف حلمه ودنك ساعتها هتعرف الخاتم فين.
عاصي….. مش قولتلك بلاش تلعبي معايه.
نجمه بلا مبالاه….. ما نلعب هو احنا ورانا حاجه واديها قعده.
عاصي….. يعني مش هتقولي الخاتم فين.
نجمه….. تؤ تؤ تؤ انا عينااه في مكان ميخترش علي بالك.
عاصي بص جمبها….. خضر فتش الشنطه دي يلا.
خضر… امرك يا كبرناا.
نجمه برقت بعنيها بصدمه ….. اوعي تفتحها ياااا خضر لااااااء.

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية مجنونه الليث)

اترك رد