رواية عشق الصقر الفصل العاشر 10 بقلم سارة حسن

رواية عشق الصقر الفصل العاشر 10 بقلم سارة حسن

رواية عشق الصقر البارت العاشر

رواية عشق الصقر الجزء العاشر

رواية عشق الصقر الحلقة العاشرة

سرد رحيم ماحدث في المضيفه لزوجته.
امل بفرحه..يعني صقر اخيرا نوي يتجوز
رحيم باستغراب.ده كنت فاكر هتتزعلي ع ايناس
امل..انا افرح لما ابني يتجوز اللي بيحبها وكنت اتمني تكون ايناس علشان عارفه انها بتحبه بس مهم كمان هو يكون بيحبها ونصيبه مع واحده تانيه هانعمل ايه وانا عايزه اشوفله حتت عيل
رحيم بحنان..طول عمرك عاقله ياامل امال انا كل يوم بحمد ربنا عليكي ليه علشان قلبك الطيب ده
امل بسعاده..يخليك ليا ياابو صقر
………..
طلب عتمان من كارما الحديث
كارما..في حاجه ياجدو
عتمان بابتسامه…في ياحبيبه جدك في عريس
كارما بتعجب..عريس ،عريس ازاي يعني
عتمان.. زي الناس ياكارما
كارما بخوف..لا لا مش موافقه مش عايزه اتجوز دلوقتي
عتمان بطمآنينه لها..طب مش عايزه تعرفي مين
رددت بتوجس مين
عتمان..صقر
كارما بدهشه ..صقر
تنهد عتمان وسرد لها ماحدث مع محد
كارما..بس ياجدي يمكن عمل كده علشان يمشوا
عتمان بابتسامه.. لا صقر مش قاصد ده صقر فعلا عايز يتجوزك
كادت كارما التحدث ولكنه قاطعها
ماحدش يقدر يغصبك علي حاجه ولا حتي صقر بس من يوم ماجيتي وانا نفسي ماتبعديش تاني واديكي للي يحافظ عليكي وصقر بيحبك
كارما..بس مش بقالي كتير هنا واكيد مالحقش
قاطعها الجد.. خدي وقتك وردي عليا انا مش صغير واعرف من نظره اللي ادامي هو عايز ايه وواثق من صقر خدي وقتك يابتي
كارما ..حاضر ياجدو
……….
نار، نار تكوي مجد من مقابله صقر له فهو توقع غيظ صقر وقهرته ولكنه فاجاءه بقوته وضربه في ملعبه تمكن الغضب منه هدر باخته لاخذ رقم ايناس هاتفها وسرد لها ماحدث معه
ايناس بغضب ..وهاتعمل ايه
محد بصوت مرتفع..مش انتي قولتي انها عايزاني ازاي وافقت عليه
ايناس.. مش عارفه مش عارفه مش هاسيبهولها صقر ده مكتوب ليا مستحيل اسيها تتهني بيه
مجد ..يعني هاتعملي ايه
ايناس. هاعمل….
………..
اتجه هو لعمله وعقله الشارد بها فابعد محادثته لها امس واعترافه لها ومااسعده تجاوبها الخجول المحبب اليه حتي لو بأبسط الكلمات رقص قلبه طربا لسماعه انا قريبه كانت كفيله لتطمئنه انها معه بعد مواجهته مع هذا المجد نظر لساعته باستغرب ايه ده من امتي ببص في الساعه علشان اروح هاتعملي فيا ايه تاني يابت عمي
،،،،،،،،،
انتهت زهره من محادثه كريم فهي كلما اقتربت منه اكثر زاد حبها له اكثر واكثر
اقتربت من كارما الشارده
زهره ..ايه ياجميل سرحان في ايه
كارما.. انتي عارفه
زهره بابتسامه..والله صقر طيب وحنين انتي خايفه ليه
كارما.. خايفه اتسرع خايفه يكون هو اللي اتسرع قلقانه يازهره قلقانه اوي
قاطع حديثها دخول ايناس
اطلعي شويه يازهره عايزه كارما في كلمتين
توجست كارما فمنذ متي تهتم ايناس بالتحدث معها والتقرب منها
زهره ..طب ماتكلمي وانا هنا
ايناس بحده..جري ايه ياايناس هو انا هاكلها
كارما لزهره. مافيش مشكله يازهره سبينا شويه
تركتهم زهره متوجسه من ايناس
ايناس بغيظ.. اي عاملة عروسه وبتدلعي
كارما..ادلع
ايوه تتدلعي فاكره علشان الكبير طلبك بقيتي مهمه وشايفه نفسك
كارما..انتي بتعامليني كده ليه انا مهما حصل اختك
قاطعتها ايناس يغضب..ماتقوليش اختي انتي مش اختي ولا هاتكوني انتي حراميه زي امك
كارما بغضب متجبيش سيره امي امي ماعملتش حاجه
ايناس بصوت مرتفع من الغضب..ماعملتش حاجه سرقت ابوايا مني ومن امي وعادا الدنيا عشانها حتي ابوه ،اختار يقضي عمره معاكم مش معانا وتقولي ماعملتش حاجه
كارما بغضب.. حاول يرجع ليكم ورفضتوه حتي امك رفضته بعدكم ماكنش سهل عليه زي ماانتي فاكره
اقتربت منها ايناس بغضب وغيظ
اللي امك عملته زمان مش هايتكرر معايا صقر ليا انا احق بيه منك هو بس عجبه انك ملونه شويه نوع جديد لفت نظره بس يومين وهايرجعلي ، كله عارف اننا لبعض من صغرنا حتي هو عارف كده فاماتحلميش بأبعد من يومين كله هايرجع زي الاول هو بس مش بيحب يزعل جدي ويرفض له طلب وجدي عايز يكفر عن احساسه ان ابنه كان عايز يكلمه وهو رفض، وعلشان ورثك كمان مايطلعش بره فوقي وتابعت بتستهزاء يا يااختي
تركتها وسط دهشتها من جرائتها في اظهار كرها لها وصقر عند التفكير بحديثها عن صقر شعرت ان الارض تميد بها
كارما لنفسها..يعني ايه عايز يتجوزني علشان كده عشان جده والورث كلهم فكروا في نفسهم محدش فكر فيا اخذت الدموع مجراها علي وجنتيها وشعورها بالضعف فالو كان موجود لها اب او ام لما وصل بها الحال لهنا صاحب دموعها وجع قلبها فمشاعرها اتجاه صقر بشخصيته و معاملته معاها اخذت مجراها وهي ليست غبيه لترجمه مشاعرها اتجاه شعرت بضيق انفاسها عندما اعلنت لنفسها صراحة انها تحبه

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية عشق الصقر)