رواية نسمة أمل 2 الفصل السادس 6 بقلم حنين ابراهيم

رواية نسمة أمل 2 الفصل السادس 6 بقلم حنين ابراهيم

رواية نسمة أمل 2 البارت السادس

رواية نسمة أمل 2 الجزء السادس

رواية نسمة أمل 2 الحلقة السادسة

كان هلال يجلس مع والده بعد أن عزمه على العشاء في المطعم مر وقت طويل منذ أن رءاه كان يظن أنه إشتاق له
في الحقيقة أصبح يرى الأمور من زاوية أخرى بعد حديثه مع والدته قرر أن يرى الصورة كاملة قبل أن يحكم على الشخص فهو في البداية كان قد حكم على امه فقط قبل أن يسمع منها
كان يراها إمرأة قررت التخلي عن دورها الأساسي في بيتها و مع زوجها وإبنها لتكون سيدة أعمال لذلك والده تزوج بامرأة ماكثة في البيت لتتفرغ له لم يكن يعلم أنها كانت سكرتيرته التي خان والدته معها و هي من خططت للإيقاع بوالده من أجل أمواله و بعد زواجه منها قررت ترك العمل لتستمتع بإنفاق الأموال ببذخ تلك الأموال التي كانت من حق والدته في المقام الأول فهي من صبرت على والده إلى أن وصل لتلك المكانة
قاطع شروده صوت والده: إيه يا إبني روحت فين؟
هلال بابتسمة مصطنعة: سامعك يا والدي
نرمين زوجة والده بإبتسامة: لا الواضح إني في حاجة شاغلة بالك إحنا بقالنا ساعة بنكلمك و إنت ولا إنت هنا
هلال: معلش ضغط الشغل الفترة دي بس
سميح: منا كنت مقترح عليك تاخد أخوك معاك يساعدك ويشيل عنك
هلال بسخرية: والله هو لو كان حمل مسؤلية كان نفعك الأول بدل ما وقع أسهم الشركة بقراراته المتسرعة
نرمين بخجل من إبنها: معلش يا هلو أي واحد ممكن يغلط ودورك بقى إنك توقف جنب أخوك و تسنده عشان شركة _٤١٠ ما توقعش
هلال: والله يا مرات أبويا كان نفسي أساعد بس خيار الشراكة ده مستبعد نهائي
سميح بضيق: ليه إن شاءلله
هلال: عشان امي مش هتوافق متنساش إنها من مؤسسين الشركة مع خالي
ثم إلتفت إلى زوجو ابيه الذي كان يعتبرها صديقته ويتمنى ان يجد زوجة مثلها من قبل: مش معنى إنها سابتلك جوزها و تعب السنين الي فاتت معاه إنها هتسمحلك تقربي إنتي و إبنك تاكلو شاقاها وهي تتفرج
سميح بصدمة: إيه الكلام الي إنت بتقوله ده يا إبني إحترم نفسك و إنت بتكلمنا بس ده مش كلامك ده أكيد الست والدتك الي ملت دماغك بيه
هلال بضيق: بابا من فضلك ياريت تتكلم عن أمي بإسلوب أحسن من كده وخصوصا قدام مراتك هي كل لي حاكتهولي الحقيقة الي إنت فضلت تخبيها بتبريرات خيانتك ليها اصل هي مكانتش بتاخد بالها من البيت أصل هي مش مهتمة بيا و عشان كده روحت دورت على الي تهتم بيك
قال اخر جملة بإنفعال
سميح بتوتر: حط نفسك مكاني كنت هتعمل إيه لو.
هلال: لو كنت مكانك كنت راجعت تصرفاتي ناقشت مراتي الأول أعرف التقصير بسبب مين فينا و نحل مشاكلنا مع بعض مش ابقى بحاسب اهل بيتي على المليم الي بيتصف فيه وبرة البيت اصرف ملايين على عشيقتي وأنا مبسوط
ممكن تكون الست هي حيطان البيت الي بتدينا الدفا بس الراجل برده هو أساسه لما يبقى الأساس معووج البيت مسيره هيتهد على أهله
كانت نسمة في ذلك الوقت دخلت للمطعم مع والدتها وصديقتها التي عزمتها للأحتفال بعيد ميلادها
عندما سمعت حديثه لتحترم وجهة نظره لأول مرة ذلك المدير القاسي يبدو أنه يخفي جرحه بقسوته مثلها
أحلام وهي تطرق أصابعها أمام عينها: يا بنتي سرحتي في إيه؟
نسمة بإنتباه: هاه؟ ولا حاجة يا أحلام
أحلام بعد ان إنتبهت لما تنظر له صديقتها: إيه ده؟ مين المز الي هناك ده
نسمة بضيق: مديري في الشغل
أحلام بتوهان: هوده؟ يا بختك أنا لو مكانك أصحى للشغل بكل نشاط
نسمة: أحلام إتلمي ها؟ إتلمي عشان مزعلكيش
أحلام بضحك: وتزعليني ليه هو يخصك في حاجة؟
أمل كانت تنظر لها بترقب ولاحظت توترها و سكوتها لتبتسم عليها
في اليوم التالي أمل إتصلت بروميسا و أخبرتها أنها تنتظرها اليوم لتفرح بذلك و تنتظر قدوم ولدها فاتحته في موضوع الزواج وقالت له إنها وجدت عروس مناسبة إن كان هو لا يوافق ستطلبها لفراس
هلال: تبقى مين بقى ست الحسن الي إنت متمسكة بيها كده
روميسا بخبث: نسمة
هلال بتوتر: نسمة؟ طيب يا امي الي تأمري بيه انا موافق لو ده هيرضيك
روميسا بابتسامة: ربنا يرضى عليك يا حبيبي
على الجانب الأخر أمل أخبرت نسمة أن هناك ضيوف قادمون من أجلها بعد ان كانت رافضة بشكل قاطع في البداية عندما أخبرتها أنها روميسا و إبنها
أخبرتها بخجل أنها ستصلي إستخارة
و بعد ان فعلت و إرتاحت للموضوع أخبرتها بموافقتها بشروط
و إتصلت بوالدها لتطلب منه الحضور و التكلم مع العريس
سعد لطلب و سافر على الفور
أمل: دي أحسن حاجة عملتيها
نسمة بحزن: مش عايزاه يفكر إني مليش ظهر ويكسرني زي ما الحياة كاسراني
أمل بعطف: إن شاءلله ربنا هيجعله خير ليك وهو الي يعاملك زي ما تستحقي ويقدرك
بعد أن حضر والدها و جلس مع هلال في غرفة المعيشة وطلب منه نسمة للزواج
أمين: أتشرف بيك يا إبني أنا سألت عليك من أخر مرة إتقابلنا الناس كلها شكرت فيك
هلال: الشرف ليا يا عمي
بعد بعض الوقت دخلت نسمة بصينية العصير و جلست معه ليتحدثا وقبل ان يقول أي شيء نسمة بدات الحديث و أخبرته أنها كانت ترفض الزواج من أجل والدتها و حكت له عن زاواجها السابق التي أقنعتها به والدتها و ما عانته مع زوجها و أكله حقها لذلك إن وافقت هذه المرة تريد ان تظمن حقوقها معه
هلال: طبعا ده حقك إليه تأمري بيه هيتنفذ
نسمة: أولا أنا عايزة ماما تيجي تعيش معانا
هلال: والله لو أبوك معندوش مانع البيت عندنا كبير وهي تقدر تيجي تعيش مع ماما في الدور الي تحت
نسمة بكبرياء: طبعا إنت مش ملزم إنك تصرف عليها عشان كده أنا بفكر أأجر البيت ده عشان أصرف عليها وعلى أدويتها منه
هلال: بعد الجواز إن شاءلله مش هحتاج إنك تعرفيني إلتزماتي إتجاه حماتي لأنها هتكون في مقام أمي و ده يبقى حقها عليا أنا بلاش تقللي مني
نسمة: لا انا مش قصدي أقلل منك بس عشان نبقى على نور من الأول
هلال: و عشان نبقى على نور أنا كمان عندي شرط
نسمة: إتفضل
هلال: أنا مش عايزك تشتغلي بعد الجواز

يتبع…

لقراءة الفص التالي : اضغط هنا

لقراءة باقي حلقات الرواية اضغط على : (رواية نسمة أمل 2)