رواية ملاك الاسر الفصل السابع 7 بقلم مي عبدو

رواية ملاك الاسر الفصل السابع 7 بقلم مي عبدو

رواية ملاك الاسر البارت السابع

رواية ملاك الاسر الجزء السابع

رواية ملاك الاسر الحلقة السابعة

وقفنا البارت اللي فات لما قعدو في المطعم واسر طلب الاكل وحد قال اسم ملاك
….: ملاك
ملاك بصت عل الشخص اللي قال اسمها: يوسف
يوسف: عاملة اي
ملاك قامت وقفت: الحمدلله وانت عامل اي وطنط وهنا عاملين اي
يوسف : الحمدلله بخير اومال فين اياد
ملاك :اياد مسافر في شغل
يوسف :تمام عايزة حاجة يا لوكة
ملاك : شكرآ يا يوسف يوسف مشي واسر قام وقف
اسر بغيرة وبيحاول يهدي نفسه: يلا نمشي
مريم : بس احنا لسه قطعها صوت اسر الغاضب
اسر: يلا يا مريم سمعتي وطلع فلوس وسابها عل الطربيظة و خرج
ملاك :هو في اي
ادهم :مش عارف بس اللي اعرفه اننا لو مخرجناش دلوقتي مش هنروح عل البيت هنروح عل المستشفي يلا
مريم :معاك حق يلا وخرجو التلاتة وركبو العربية واسر ساق العربية بسرعة مخيفة
مريم :اسر هدي السرعة كدا هنعمل حادثة اكيد
اسر مردش عليها
ادهم ببرود :اسر هدي السرعة مريم وملاك خايفين اسر وقف العربية مرة واحدة واتكلم بزعيق وعصبية وغيرة :اخر مرة تكوني معايا وتقفي تسلمي عل حد او تكلمي راجل تاني المرة الجاية والله فيها موتك وقتها والله ما هحترم احنا فين وان في ناس حولينا فاااهمة
ملاك و مريم خافو من اسر جدآ
وادهم لنفسه: حس ان اسر غيران عل ملاك بس ازاي دي مبقلهاش اسبوعين جت عندنا
ادهم لي اسر: اهدي يا اسر في اي
اسر بصوت عصبية اكتر :ردي فاهمة
ملاك خافت بس اتكلمت بشجاعة :والله دا اخو هنا و زي اخويا يعني عادي وكمان اياد عرفه وبعدين انا اصلآ مش هخرج معاك تاني وهرجع بيتي وهخلي اياد يرجع من السفر او ياخدني معاه وتاني مرة متزعقليش فاهم
اسر تجاهل كلامها وكمل سواقة ومردش عليها
بعد شوية وصلو البيت ونزلو كلهم من العربية
دخلو البيت وكانو كلهم قاعدين سوا وكانت كريمة وسحر قاعدين
سحر : مالكم في اي
سحر وكريمة بصلهم
كريمة :حد يرد علينا مالك في اي
هنا بقا وملاك عيطت
كريمة بخضة قامت قعدت جنبها : مالك يا حبيبتي بتعيطي لي
مريم : بصراحة كدا اسر زعق لي ملاك عشان سلمت عل اخو صحبتها
سحر : وتزعقلها ليه
اسر بضيق : لا والله وهي لما تكون قاعدة مع جوزها وهو يقول اسمها قدام الكل وتقف تسلم عليه عايزاني اعمل اي ها دي تحمد ربها اني قدرت امسك اعصابي يأما كان رد فعلي هيبقا مختلف تمامآ انا ماشي وخرج
سحر : ادهم روح وراه يا ادهم
ادهم :حاضر وخرج وراه اسر
ورد بخبث: بجد عيب جدآ انك تكلمي واحد غريب حتى لو كان قريبك عل الاقل احترمي اسر جوزك اللي كان معاكي
الجد : ما انا قولت هي جوازة زفت من اولها وقام خرج واحمد خرج وراه
صبا : ورد والله لو اتكلمتي تاني لهخدك ونرجع قنا فااهمة
ورد بغيظ : حاضر
كريمة حضنت ملاك اللي كانت بتعيط : بس يا حبيبتي بس متعيطيش
ملاك بعياط : عل فكرة يوسف مش اخو صحبتي بس هو كمان متربي مع اياد وبعتبره اخوياا
سحر : اهدي وكفاية عياط ويلا وروني جبتو اي يلا وخلاص بقا يا لوكة لما يجي هضربهولك
مريم بمرح بصتلها : ماما دا اطول منك انتي بنسبة لي بنتو وملاك حفيدتو
سحر : في دي معاكي حق خلاص اخلي احمد يضربو هما طوال زي بعض
مريم: تعالي بقا اوريكي الدريسات اللي جبناها ونسيبهم يشوفو الحاجة
______^-^____^-^_____^_^________
عند اسر خرج وركب عربيتو وادهم ركب جنبو
اسر: انزل يا ادهم
ادهم :لا
اسر: بقولك انزل
ادهم بمرح:برضو لا انت نكدت علينا عشان متأكلناش انا عارف انت بخيل من يومك
اسر بصلو ببرود: طب انزل
ادهم: يا عم عل قلبك قاعد انا وبعدين انا حاسس ان في حد كان غيران
اسر: يبقا متحسش تاني
ادهم بجدية :اول حاجة هي متعرفش انك هتضايق وبعدين لو انت حد سلم عليك هتقولو لا هتبقا قلة زوق مينفعش وبعدين حرام عليك هي جوا قاعدة بتعيط وانت اتعصبت عليها وهي خافت منك وبعيدآ عن الهزار انت غيران عليها ليه وبتحبها
اسر: قولت انا مش غيران عل حد وهي عمالة تعاند فيا من الصبح وانا ساكت و كل ما تشتري حاحة عايزة تدفع تمنها
ادهم بهدؤ: هي مش قصدها كدا هي متعرفناش غير من اسبوعين تقريبآ وانت ايوآ جوزها ومكتوب كتابكم فا اكيد مش متعودة علينا و مكسوفة مننا لسه وهي مش حابة ان حد يدفعلها حاجة ودا عادي فاهم وياريت تخلي عندك دم وتصالحها عشان هي جوا بتعيط
اسر بضيق :ودي اصالحها ازاي بقا
ادهم: هتلها شوكلاته هي شكلها هبلة زي مريم
اسر: طيب يلا دلوقتي عل الشركة وانا راجع ابقا اجيب لي الاتنين مريم وملاك
ادهم : يلا يا اخويا يلا ساق ادهم العربية ومشيو
______^-^______^-^______^-^_____
سحر :بجد الفساتين شكلها حلو اووي
الجدة : والاهم انها مش ضايقة ومحترمة
كريمة :ملاك ومريم مش بيلبسو ضيق اصلآ
الجدة : ربنا يحميهم الا قوليلي يا ملاك مفيش حاجة جاية في الطريق
ملاك بعدم فهم : لا هي دي الحاجة اللي في الشنط بس
الكل ضحك وملاك استغربت : في اي
كريمة : قصدها انك مش حامل
ملاك بصدمة : ها حمل اي لا طبعآ
الجدة : نعم هو اي اللي لا طبعآ
كريمة بتلحق الموقف : قصدها يا ماما انها لسه مش حامل صح يا ملاك
ملاك فهمت ان الجدة متعرفش ان الجواز مؤقت :ايوآ
الجدة :طيب ربنا يديكم الذرية الصالحة يارب
مريم : انا اكتشفت نصيبة مهمة اووي
سحر وكريمة : اي هي
مريم : انا جعااااانة يا بشر مكلتش ابنك نكد علينا وملحقتش اكل البيتزا ولا اشوفها والله
سحر ضربتها بخفة :قومي يا جزمة من جنبي
كريمة : انا هقوم اعملكم احلا بيتزا في الدنيا
ملاك : اساعدك
سحر : تعالو نعملها سوا انا وانتي ومريم
مريم :ومش هنأكل اسر منها ولا ادهم
كريمة: بس يا بت انتي يلا
سحر :لا مريم طلعي الشنط في اوضتك الاول وبعدين تعالي
مريم :حاضر ثواني وجاية وخدت الشنط كلها وطلعت اوضتها وكريمة وملاك دخلو المطبخ سوا
كريمة :ملاك هتيلي الدقيق من فوق عل الرف
ملاك بصت عل الرف اللي فوق : ودا اطولة ازاي دا
كريمة: استني هجيبو انا يا حبيبتي كريمة جابتو وبدأو يعملو سوا
ملاك: انا عايزة اعجن معاكو
كريمة :تعالي مكاني طيب وقفت ملاك جنبها وبدأت تعمل زي ما كريمة بتقولها
مريم جت: انااااا جييييت
كريمة : مش هتعقلي ابدآ
مريم: انا عايزة اعمل زي ملاك
كريمة :المرة الجاية استني
مريم بمرح: حاضر ومسكت حبة دقيق وحدفتهم عل ملاك
ملاك: مررررريم ومسكت دقيق كتير في ايدها مريم جريت عل برا وملاك بتجري وراها
سحر : والله اطفال
صبا :بس بجد عاملين بهجة في البيت
الجدة:فعلآ بجد شكلهم حلو اووي ربنا يفرحهم
__________^-^_____^-^_____^-^____
عند ملاك بتجري وراه مريم
مريم بضحك ومرح: مش هتقدري تمسكيني
ملاك :مرررريم تعالي طيب مش هعملك حاجة
مريم : لا انتي بتكذبي عليا وجريت منها عل برا وفتحت الباب وجريت تاني في اللحظة دخل احمد واسر وادهم والجد و ملاك بدل ما تحدف الدقيق عل مريم حدفتهم علي احمد واسر
ملاك اتصدمت لما شافتهم
ادهم بضحك :لحقت نفسي شكلكم حلو اووي
مريم بضحك :فعلآ
ملاك بتوتر وخجل :انا اسفة يا عمو والله كنت اقصد مريم مش حضرتك ابدآ والله
اسر :وبنسبة لحضرتي عادي يعني ولا اي
احمد : خلاص يا حبيبتي محصلش حاجة
ملاك : بجد اسفة
اسر : خلاص المهم انا بقا مفيش اسفة ليا
ملاك: انت لا عادي
اسر :ادهم فكرني نرجع شكولاته كلها
ادهم بضحك :حاضر
مريم :هي فين الشكولاته دي انا عايزة
ملاك خلاص هتعيط من غير ما تكلم اسر قرب منها: خلاص يا ستي بهزر معاكي انا اللي اسف خدي دي ليكي
مريم : وانا مليش
ادهم :احنا نقدر جبنالك خدي خوفنا تاكلي ملاك لو مجبناش ليكي
مريم خدت بوكس شوكلاتة وراحت عند جدها :شايف يا جدو بيقول اي
الجد : بس ياحيوان محدش يزعل حبيبت قلب جدها دي
اسر :خدي يا ملاك البوكس دا مليان انواع كتير من الشكولاته اللي انتي بتحبيها ودا كأعتزار مني لأن زعقتلك الصبح بس دا ميمنعش انك غلطانة قطعوه احمد هنتكلم قدام الباب كدا
يلا جوا دخلو كلهم وكريمة والكل قاعدين
الجدة: اي اللي عمل في هدومكم كدا
احمد بضحك :ملاك كانت بترحب بينا
ملاك :مكنتش اقصد والله
كريمة: بيهزر يا حبيبتي
الجد : انا مش عارف دي مراتك ولا عيلة صغيرة عشان تجبلها شوكلاته
اسر : الاتنين هي بنوتي ومراتي عادي
ورد بغيظ لنفسها :والله لطلعك برا البيت دا واخلي يطردك بس استني
كريمة : يلا البيتزا جاهزة يا مريم والعشا جاهز يا عمي يلا
الجد :وانا من امتا باكل بيتزا دي
كريمة :لا يا عمي البيتزا للبنات ورد ومريم وملاك هما عايزين بيتزا اما احنا لا العشا جاهز يلا الكل قام وملاك ومريم قعدو جنب بعض وبدأو اكل واسر اخد قطعة بيتزا من طبق ملاك
سحر : في بيتزا تاني اجبلك
اسر :لا انا خدت من ملاك خلاص
ادهم : يعني انت نكدت علينا واحنا برا وجاي تاكلها منها في البيت
اسر : يلهوي مكنتش قطعة اخدتها منها
مريم : خلاص هو عوضنا بي الشكولاته
الجد :انت مجبتش لي ورد زيهم ليه
اسر :لأني زعلت ملاك ومريم مش ورد
صبا :بابا ورد مش بتحب الشكولاته اساسآ
الجد بضيق : طيب بعد وقت الكل قام من عل السفرة وقعدو سوا ونهلة جت قدمت ليهم الشاي وهما كانو بيتكلمو ومريم وملاك بيتكلمو عن الحفلة
ملاك بهمس :بت قولي لي اخوكي اني هخرج بكرا اجيب حاجة نسيتها
مريم : اي هي
ملاك : هبقا اقولك بعدين
مريم بهمس لأسر : ملاك عايزة تخرج بكرا تجيب حاجة نسيتها
اسر: نتكلم بعدين واسكتي انتي وهي
ورد بخبث : وانتي ناوية تكملي تعليمك يا ملاك
الجد: اكيد لا خلاص هي اتجوزت
اسر : لا طبعآ هتكمل انا عايز مراتي تبقا متعلمة وتحقق حلمها وابقا فخور بيها
الجد: ازاي دا يعني وهي متجوزة
اسر ببرود: عادي
الجد : وافرض كانت حامل
اسر: ومالو يعني الحمل بي بأنها تكمل تعليمها وتحقق حلمها اللي بتتمناه ولو الحمل هيأثر عل حلمها وانها تحقق ذاتها يبقا نأجل موضوع الخلفة لحد ما تكمل تعليمها
الجد بغضب : انت بتقول اي اتجننت ولا اي
ملاك كانت مصدومة من كلامهم و مش فاهمة حاجة من اللي بتحصل
اسر ببرود : لا متجننتش ودا اللي هيحصل حياتي وانا حر فيها
وشد ايد ملاك وطلعو اوضتهم وملاك لسه مصدومة : هو اي اللي حصل تحت دا
اسر ببرود : ملاك ملكيش دعوة بكلام اللي اتقال تحت دا فاهمة
ملاك : دا اللي هو ازاي معلش كنت قولتلو الحقيقة احسن وان دا جواز مؤقت وخلاص لحد ما اياد يرجع
اسر مردش عليها وخد هدوم ودخل الحمام
ملاك : لا بقا انا مبقتش فاهمة حاجة اي الهبل اللي بيحصل دا يوووه وخرجت من الاوضة وراحت عند اوضة مريم وكانت مريم قاعدة ماسكة الفون
مريم : اي يا بنتي مالك
ملاك : ماليش زهقانة قولت اجي اقعد عندك
مريم :وانا كمان زهقانة تعالي اوريكي الصور بتاعتي من وانا صغير
ملاك :ياريت مريم قامت جابت اللبوم الصور
ورجعت قعدت عل السرير جنب ملاك تاني
___________”_______”_________
اياد خرج من المستشفي وكان معاه يزن و وصلو المقر
عبدالله : حمدالله عل السلامة
اياد : الله يسلمك
زهرة : ها جون عزمنا عل حفلة بكرا بليل وانت ممكن متقدرش تروح هنعمل اي
اياد : انا بقيت كويس بكرا هنروح
يزن : هما لي مفيش رد فعل منهم عل الورق اللي اتاخد من الخزنة مش غريبة دي
اياد : لازم رد فعلهم يبقا هادي عشان كدا الحفلة معمولة واحنا لو مرحناش هيشكو فينا قبل اي حد بكرا
عبدالله : تمام بس خلي بالك
اياد :متقلقش
_____________”________”________
عند اسر خرج من الحمام ملقاش ملاك في الاوضة نزل تحت ملقاش حد طلع يشوفها في اوضة مريم كانو قاعدين بيتكلمو
اسر دخل عليهم : انتي بتعملي اي هنا
ملاك : كنت زهقانة فا جيت اقعد مع مريم
اسر : مقولتليش ليه طيب
ملاك : يووووه لازم كل ما اروح مكان تعرف
اسر : ايوآ يا ملاك لازم اعرف ويلا خلينا ننام
ملاك : طيب انا عايزة اقعد مع مريم شوية
اسر :لا كفاية كدا سهر يلا
ملاك بضيق :طيب طيب يلا وخرجت من اوضة مريم واسر خرج وراها دخلو اوضتهم
ملاك خدت ترنج واسع وطويل دخلت الحمام لبستو وقعدت عل السرير مسكت الفون واسر نام عل الكنبة وبعد وقت ملاك نامت واسر فضل يبص عليها لحد منام وتاني يوم ملاك فونها رنت صحيت ردت بصوت واطي اسر صحي
اسر :ملاك بتكلمي مين
ملاك:هااا

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية ملاك الاسر)