رواية راهنت عليك الفصل العاشر 10 بقلم عبير فاروق

خرجت ملك مبتسمة ومجهزه نفسها الباروكه، والأسنان، واللنسيز 

Good morning  …

أول ما شافها ميشو صرخ بصوت أنثوي واتخض من شكلها

ميشو و ملك في صوت واحد

– عاااااااااااااااا

– بس يا ميشو أهدى كده في إيه؟ انت شفت بعبع دي بنت، متأفورش كده وانتي اكتمي لازم تطلعي مرة وحدة كدة تخضيه.

ملك اتنرفزت، وشكل هدهد بهتت عليها؛ ردت بعنف وصوت عالي لأول مرة :

– نعم ..نعم !! كنت عايزيني أطلع على حلقات ولا حته حته؟ 

آسر في ذهول تام من أسلوب ملك التي كانت طول الوقت مسالمة وخاضعة لكل اومره، لكن ميشو رد قبله:

– إي ..إي.. إي، والله البعبع بيخاف من التنتين عم تئنعني انه هدول بنتين.. 

هدهد هنا ما قدرتش تتحمل كلامة المايع طلعت (المطوة) من الشراب كالعاده وفتحتها في وش ميشو، وهو مرعوب ورا آسر ال جرى بينهما، وملك بتحاول تمسك هدهد وهي طالع ظربنا ع الآخر ..

–  أوعى بس أنت، لما أشوف البتاع ده جنسه إيه؟ إحنا بعبع يخاف منا طب تعالى بقى.

– ياماااااميي، اسوره والله أنا بحمايتك. 

– بس عيب كده ياهدهد، دي مش جدعنه اضربي واحد قدك .

اقتنعت بكلام آسر وعرفت إن ميشو مش قدها فعلا في اي مشكلة تنزله المطوه.

– اللهم اغزيك يا شيطان.

ملك من وراها قاعدة تاخذ نفسها وتنهج كتير؛ لأنها كانت ماسكه جامد قوي وآسر استرخا بعد ما هديو شويه اتفاجؤا بميشو بيزعق جامد (مع الاشتباك وشد وجذب ضافر منه طار )

– أي أي أي يبعتلك المخفر وقوات الأمن أن شالله ……. اضافري الناعمين انكسرو يكسر ايدييييك قول أمين يا حق..

التلاته بصو لبعض وضحكوا كتييير على منظر ميشو، وهو بيتمم على نفسه ويدعى ويلعن فيهم. 

وفي الآخر آسر قدر يعرفهم على بعض ويصالحهم، وفهم هدهد انه ميشو هو الوحيد اللي يقدر يثق فيه إنه يغير من كل تفاصيل شكلها في سرية تامة؛ عشان كده هو استعان به واتفق مع ميشو ان في خلال أسبوع هدهد لازم تظهر قدام الناس بشكلها الجديد في الحفلة السنوية لشركه آل خطاب. 

____________________

الأيام عادت كل يوم بيمر على كل ابطالنا بالحلو والمر وهتعدى.. 

عزيزه وعبده مازال تعبان بعد ما خرج من المستشفى، قلبه خلاص بقى ضعيف مبقاش يقدر ينزل يشتغل في ورشه، وعزيزه قاعده جانبه تمرضوا وترعاة، بس قلبها مقسوم نصين على بنتها وعلى جوزها شريك عمرها اللي ما شافت منه يوم وحش، ولا كلمه تزعلها ابتسمت لما افتكرت كلامه مع هدهد، وضحكهم ولما يتفقون عليها ويهربوا منها هي مهما كانت أو اشتغلت أو حلمت هي أم خايفه على بنتها من غدر الزمن اللي هي شربت كأسه للنهاية، دمعها نزلت بتدعي ربها يخرج بنتها من شدتها، وترجع لحضنها ولا عايزة فلوس، ولا غني مش عايزة من الدنيا غير بنتها وجوزها وبس، بنتها اللي من يوم ما كبرت ما شافت يوم حلو من حادثه أمها لموت أبوها وسره المدفون معاه والدنيا بتلطش فيها   يارب هون.

______________________

دياب كل يوم بيمر عليه وشر كبير جوه اكثر واكثر، وبيدور على هدهد باستماته اتحول بقى فعلا ديب بشع، هو مش تحول قوي هو كان كده، بس الناس ما كانت تعرف انه بالبشاعه دي كده بقى يظهر على حقيقته قدام اهل الحاره؛ بقى دايما متواجد هناك ربى الخوف والزعر للناس اي احد يحس ان هو يعرف حاجه عن هدهد يمسكه ويديله الطرحه التمام، وفي الاخر يسيبه متكسر والكل شايف و ساكت يشكو لمين ما هي حميها حراميها، كتير قوي بيجا يهرب من الحاره بسببه وفي الراحة والجاية قارف بطة وهدد ماهر أنه يلفق له قضية ويسجنه لو عرف عنها شيء ومبلغه حتى عزيزة وعبده ما سلموش من أذاه ومن يومها ولا في حس ولا خبر عن هدهد، وهو جنانه عاميه مش شايف شغله، مش شايف اي حاجه في الدنيا غير هدهد اللي بعترت كرامته في الحاره وقدام زمايله في القسم والمامور.

_________________________

نروح لي هدهد ومغامراتها مع ميشو .. اعتاد أنه يزورهم كل يوم على الأقل 5 أو 6 ساعات بيعلمها فن الكلام، واللاباقة، والاتكيت، والتعامل مع الناس وكله كوم وتعلمها الميك أب ده كوم تاني. 

– يااااالله ارحم حالي شو سوي في هااااالبنت، طق عقلي منها والله شوفيلك صرفه معها ملك. 

– استنه بس يا ميشو هدهد شاطرة وهتنفذ كل كلامك. 

هدهد اتعصبت منهم:

-أيوه شطوره وهشرب اللبن، واغسل رجلي، واغسل اسناني قبل ما أنام كمان، ايه أنتم فاكرني ايه مش هاعمل اي حاجه من اللي أنت بتقول عليه ايه ده. 

(بصت لي ميشو)وأنت يا توتو عمال تتآمر عليا حطي هيدا وشيلي هديك وعمال الخلط في خلقتي  وقال ايه ميكبب مالها خلقه ربنا نلون فيها ليه ولا الجزمه بمسمرين، وامشي يا هدهد أمشي بمسمار إزاي (بصت لي مالك) وانتي يا أبله نظيره مسكالي شوكه وسكينه قال ايه غزي اللحمة باليمين وتكليف بالشمال، نكفر بقى عشان حتت لحمة ماتمسكيها بإيدك كده؛ وتهبريها على مره واحده، واسمه ايه تكتيك واله عجايب يا ناس 

يا شيخة  روحي كده. 

ملك وميشو بيسمعوها ومصدومين على الآخر، بس ملك استوعبت وفضلت تضحك عليها وعلى تعبير وشها واللفظها لكن ميشو مسك قلبه وداخ منهم، ملك سندته فهد على الكرسي بدأ يولول .

– يالله راح تجلطني هالبنت بعلمك فن فن يا جهله، هاد الميك آب مش (ميكبب) تنكبي أن شالله اليخلي واحده مثلك أنثى يا عديمه الانوثه، وهاد مانو شو اي مسامير هاد كعب رفيع للمديلز بحثي يسيرو بأنف مرفوع مثلى هيك(ميشو بيتكلم وبيمثل ومتفاعل جدآ بالحديث معاهم) 

ضحكوا الاتنين على جنان ميشو ولسه بتعدي الأيام وهدهد بالها مشغول على أمها وعبده وصحته عشان كده مش مركزه هي ذكية جداً بس عدم تركزها بيغلطها كثير. 

_______________________

آمر هيتجنن من اختفاء آسر كل يوم بيختفي ومش مدى له اي مبرر، ومقصر كثير في شغله وآمر كل احواله اتغيرت، قلق باستمرار وخوفه الكثير على عمه، وعلى آسر، ونفين هم دول اللي فاضلين في الدنيا خائف من المجهول اللي بيهدد ده وبيفكر كثير في البنت اللي في خياله يا ترى هيلاقيها أمتى؟ هيشوفها إزاي هو مش عايزها حبا في البنت لا هو بيحلم بشخصيه خيالية وهو بس اللي شايفها ياترى ممكن الخيال يتحقق ولا الخيال هيفضل طول عمره خيال …؟! 

_____________________

فاطمه قاعده بتفكر في صاحبتها وفي حياتها هي جوزها، حياتهم لحد دلوقتي مستقره و سعيده هي وجوزها على قد ما الحاله ضيقه وبيجروا كتيرعلي أكل عشهم لكن راضيين باللي ربنا قسمه لهم، لكن قلبها مقبوض حاسس بشيء هيحصل بس إيه هو مش عارفه دخل عليها ماهر ومعاه صينية البسبوسه 

– خذي يا بطتي البسبوسه اللي بتحبيها .

– حبيبي يا ماهر  انت لسه فاكر  أنا بحب البسبوسه دي. 

– طبعا هو أنا أقدر أنسى، دي من اشهر محل حلواني في البلد أنا عارف إنك طفصه بس ولا يهمك الغالي يرخصلك يا بطتي.

بطه خطبته على كتفه:

– بقى كده أنا طفصه طب مش وكله. 

ماهر بيتوجع قوي باين على ملامح الالم، اتخضت عليه :

– يا لهوي يقطعني مالك يا أخويا فيك ايه..؟ 

– لا لا ما فيش حاجه كنت محمل نقلتين طوب على العربيه وشلت مع البانيين عشان  أخلص وانجز شكلي كتفي انخلع.

– ليه كده يا ماهر؟ ما قولت لك بلاها تحمل حاجه تتعبك وخلينا في الشغل القطاعي على شغل الكُشك وبارك الله فيما رزق. 

– يعني اعمل ايه؟ هو أنا جايب العربيه علشان اركنها جنبي واقعد اغني جنبها ما هو لازم، واشقئ واسعي وقرش من هنا على قرش من هنا ويسدد اقسطها، ادعيلنا انتي بس بالتسهيل وسعي بقى عشان أنا هلكان ومش قادر خالص ركنت العربيه تحت البيت ما قدرت ارجعها الجراج حتى. 

– روح يا ماهر يا بن فخريه ارتاح وربنا يرزقك، و يسعدك ويطعمك ويرزقنا برزق حلال  (صوتها في الجمله الاخيره عالي شويه) ويبعد عنك ولاد الحرام. 

– أنا عارف انتي تقصدي ايه ومش هارد عليك اوعي بقى (خبطها في كتفها ودخل الاوضه ينام. 

بطه بصت رافعه حاجبها:

– ايه هو ده؟ أنا قلت حاجه غلط حِكم..

__________________________

شقه كاميليا حفله زي كل يوم صافي عندها، كاميليا خلاص بدأت في تنفيذ خطتها في السيطره عليها، بأي وسيلة وتخليها غصب عنها تبقى هي السبيل الوحيد لها، بتعمل كده ليه وعشان ايه السبب جواها هنعرف هيحصل ايه فى الاخر.. 

وهي واقفه على البار بتحضر كأس لصافي، طلعت كيس من ايديها لونه ابيض ودوبت منه حبه في قلب الكأس بدأت تتقدم لها خطوه خطوه وعلى شفيفها ابتسامة خبيثة 

– اتفضلي يا صافي. 

– ميرسي، ها عملتلي ايه فى اتفقنا؟ 

– كله تمام يا صافي حبيب القلب تحت الميكروسكوب 24ساعه، جوه الشركه وبراها كمان حتى بيته ممكن أقولك لون ستاير أرضه نومه ايه؟ 

صافي شربت الكأس  بدأت تضحك بهستريا، ومش عارفه توقف خالص وحسه ان دماغها عالية اوى بس طبعا ما تعرف ايه السبب وبقت كل ليله هي اللي بتطلب من كامليا تجب لها الكأس بنفسها؛ لأن إي كأس تاني ما بيأثر ولا نفس المفعول، قرب عليهم شاب اسمه جاسر عينه على صافي من زمان وكل هدفه أنه يوقعها في حبه، اول ما عرف فكر في حيله تانيه  عشان يملكها وبدأ بالخطة.

______________________

اثنين يتسحبوا في ظلام الحاره، والتالت واقف بعيد يراقب، دخلوا على عربيه مركونه في لمح البصر كانوا بسلكه واحده فتح باب العربيه شد سلك الدبرياج ولمس سلكتين ببعض العربيه دارت، ركبوا فيها بسرعه والتالت نط معاهم وخرجو من الحاره ولا من شاف ولا من داري

__________________________

في جراج الاوسطى صلاح قاعد والشيشة في أيده، ومعاه سيد، و حُن في انتظار الأمين دياب، سيد بيعدل الشيشه للاسطي صلاح وبينفخ فيه النار زادت وحرقت حجرها. 

زي حقدهم وظلمهم ما حرق قلوب ناس كتير على أولادهم، المظلوم هنا متجسد في شخصية هدهد لكن اللي اتظلم كتير وربك هو المطلع يمهل ولا يهمل.

حُن قاعد مش على بعضه ماسك تليفون جديد سرقه من بنت كانت ماشيه خطفه وجرى وعمال يشغل اغاني شويه ويشغل الكاميرا عمال يلقط ليهم صور، وبيتنطط حواليهم

سيد: 

-شوفت دياب واللي عمله؛ ده كان ناقص يوقفهم صف ويضربهم بالنار. 

صلاح بغضب :

– دياب بقى زي الغول المسعور واللي يقف قصاده هيبلعه.

حُن بيرجع لوري خبط في سيد زقه على الحيط وقع منه الفون تحت كرسي، سيد ضربه وحُن غضبان ازاي سيد يضربه، حب يرد له الضربه سيد طلع مطوه رفعها في وشه. 

– لو ايدك اتحركت هخليك تحزن عليها؛ زي وشك من ضربته هدهد.

– طب وريني كده ويكون آخر يوم في عمرك.

صلاح زعقله :

– ما تترزع منك له خلينا نشوف البلوه الجايه كمان.

دخل عليهم دياب وحاله مقلوب غضب على حقد وكره، ونظرت الغدر في عيونه عايز يفرغ شحنات الهزيمه في أي شيء، ماسك في أيده بندانه حاجه كده زي ايشارب صغير خطفه من هدهد في مره زمان كان بيغلس عليها، ولسه محتفظ بيه مش قادر يحدد هو أشتاق لها، وحب ولا تملك ولا أي حاله هو وصل لها، الكل سكت وانتبه له لما قال بصوت قوي صداه رن في المكان:

– بعتينلي ليه ..؟ 

صلاح: 

– طب اقعد الأول. 

شد كرسي وقعد عليه بالمقلوب وسند أيده الاتنين على ضهر الكرسي .

– هااا انجز مش فضلكم. 

– يعني يا دياب قضيه هدهد أنت شلت ايدك منها، والظابط الجديد ولا دور ولا أتحرك من مكانه، والاتفاق 

مكنش كده؟ 

دياب بغضب:

– مين قالك انى شلت ايدي اتفقنا زي ماهو؟ 

سيد : باشا من غير لف ودوران الخبر شاع في المنطقة كلها انك خلاص (بيكمل بضحك) فستك ولا تقدر تجبها البت فص ملح وداب.

حُن واقف على جنب متابع الكلام بيضحك وفي أيده المطوه بيفتح  ويقفل فيها.

دياب بشر:

– والمطلوب؟ 

صلاح: تقب وتغطس بي البريزة عشر تلاف جنيه. 

سيد بصوت عالي :

– ما ينقص منهم مليم احمر، كده كده هدهد هتطلع منها، وإحنا مش يلزمنا الحوار ده، والمحضر كله تلفيق عشان بهدلتنا في المؤقف قدام الخلق عُزنا نأدبها بس الحوار كبر وملوش لازمة عندنا، والناس بتنسي بسرعه يعني تطلع بالبريزه ونفضها سيره.

دياب يشد على البندانه اللي في ايده:

-وأن قولت ملكوش حاجة عندي ..؟ 

حُن أتحرك تكه من مكانه بيمشي المطوه على وشه بيظهرها لدياب ومستعد لاي شيئ.

سيد بغدر:

– يبقى أنت ال….

قاطع كلامه صلاح :

– بس منك له هو مافيش كبير هنا ولا ايه..؟ 

دياب قام:

– لا اركنلي أنت على جنب يا كبير(وجه كلامه ل سيد) يبقى ايه بقى يا معلم؟ 

دياب هجم عليه وحُن بيضربه على ضهره، وصلاح بيحوش ما بينهم سيد مش قادر عليه يدافع عن نفسه، دياب أضخم منهم واعنف حُن ضربه بالمطوه في كتفه جرحه، دياب زاد جنانه أخد المطوه منه جه يضربه في بطنه الضربه جت في صدره جنب القلب، دياب كان معمي زي المجنون ضربه3 مرات ورى بعض حُن بينزف وجسمه بيتنفض. 

سيد بخوف جرى عليه:

– حُن قوم ما تخفش اتصل بالاسعاف يا سطي. 

الكل في حاله ذهول وفي ثانية خرجت أنفاسه الأخيره . 

صلاح مسك في دياب وبيهزه جامد؛ 

– أنت عملت ايه الله يخرب بيتك أنا هوديك في داهيه قتلت الواد بلغ الحكومه ياض يا سيد بسرعه.

دياب بيزق في صلاح ولسه ماسك فيه، دياب لسه المطوه في أيده بيهوش صلاح عشان يبعد عنه، وهو متبت فيه دياب بيهدده بقتله، سيد مصدوم ان صاحبه بين أيده ميت وملحقوش، لسه الخناقه ما بين الاتنين بيشدو في بعض صلاح موت حُن جننه، و دياب مش عارف يسيطر على الوضع مصدوم أنه قتل وإيده غرقانه دم، وفي نفس الوقت مش قادر يبعد صلاح ومره واحده بيزقه جامد من وشه وبايده المطوه، صلاح بيزقه بقوه أكبر عكس الاتجاه وبعنف المطوه دبحت رقبته وفي ثوانى اترمى على الأرض جنب حُن.

دياب لون الدم عامي عيونه، سيد مرعوب منه دياب بيقرب عليه، سيد بيسحف ل ورا لحد ما خبط في كرسي، وما بقي في مفر من دياب رفع أيده والمطوه غرقانه دم سيد رفع أيده يشوح بيها بي لأ. 

سيد برعي:

– لأ ،لأ أن..ت.. أنت ما عملتش حاجه هم .. أيوه هم الغلطوا .. ان… أنا ماشوفتش حاجه، ولا سمعت حاجه والأرض هتنشق وتبلعني ولا تـ..تشرف وشي تاني .. بس سبني ..

دياب نزل بمستواه:

– لو لمحت وشك حتى لو صدفه يبقى الله يرحمك ويحسن إليك. 

سيد هز رأسه برعب، دياب رجع عن الجثث مد أيده أخد البندانه بتاعت هدهد؛ قربها من وشه غمض عيونه وشمها بقدر كبير  وبسها ومسح بصماته من على المطوه بيها والدم اللي على أيده ورمها على الأرض هي والمطوه، وخرج من الجراج.

يتبع..