رواية حكاية وهج الفصل السابع 7 والأخير بقلم تولين آدم

سيبتها ومشيت وقلبي واجعني بس كان لازم اقولها اني همشي قبل ما اسمع منها انها زهقت من الكدب الل عشناه وتعبت من وجودها مع شخص مش قبلاه، هسافر ومش هرجع يا وهج وهسيبك لحياتك يا وهاجتي.. تاني يوم لقيت مكالمة من ليل وقالت انها عايزة تقابلني ضروري روحت وحكتلي ع كل حاجة وفهمت اني اعترفت لوهج بكل كلمه حاسسها من نحيتها، فرحت ان هم من قلبي اتشال وهو اني كنت خايف من رد فعلها، خدت ليل وروحت اجيب لوهج ورد علشان اصالحها بيه وف اللحظة دي شوفت وهج بتمشي من قدامي وهي بتعيط جريت وراها لحد ما وصلتلها ووقتها كنت نفسي اخدها فحضني من كتر عياطها بس مقدرتش لأنها لسه مش مراتي..

حتى انت يا ادم طلعت زيه، وكمان ليل؟

انا غلطانه عشان وثقت فيكم بعد الل حصل، انا غلطت لما قلت انكم مش زيهم..

ممكن تهدي ومتخليش عصبيتك دي تخسرك ناس بتحبك! ليل مش زي زهرة وأنا مش شبه حد يا وهح، ليل جت وحتلي كل حاجة علشان عارفه اني بحبك وعايزك وهي بتحبك جدا وعمرها ما تخونك..

انت قلت اي؟

عمرها ما تخونك

لا الل قبلها

جدا؟

ادم بطل رخامه

بحبك وعايزك يا وهج

وهج بتحبك اكتر

تتجوزيني؟

افكر.

لا بصي جو التقل دا مش عليا، ثم ان يهانم لابسه اسود ليه مش أنا قلتلك تلبسي ازرق دايمًا عشان بحبك فيه؟

يعني لو لبست حاجة غيره مش هتحبني!

انا بحبك حتى لو لابسة شوال

في دكتور قمر زيك يقول لبنت قمر زيي شوال

وفي واحده كتب كتابها بعد اسبوع تبقى بتعيط كدا!

نعم؟ كتب كتابي اي يا ادم انت بتهزر

” ضحك عليا وفعلا كتبنا الكتاب انهاردة وبقى جوزي وحلالي “

………

” لما سمعت جملة بارك الله لكما وبارك عليكما وجمع بينكما في خير، لقيتني فحضنها وحاسس بقلبها بيدق فقلبي أنا، سنين كتير بحلم بالحضن دا معاها ومش عارف ازاي حصل بس قد جعلها ربي حقًا، وبقت من حقي “

…………….

“بعد خمس سنين اتخرجت من كليتي وبنتي وجوزي فحضني، وبحتفل ب افتتاح الصيدلية انا وادم وكتبت عليها اسم بابا، ومعايا ليل لسه موجودة وطلعت خير صديق وبتمنى تبقى طول العمر، ليل اعترفتلي انها كانت مرتبطه بمؤمن وسابها برضو عشاني زي ما سابني عشان واحده تاني، ماما ربنا يديها الصحة مش بتسيب تولين الصغيرة معانا ووخداها دايما مننا، مؤمن اتجوز زهرة وجابوا ولد وانفصلوا عن بعض بسبب انهم بيشكوا فبعض دايما.. وأنا وجوزي مكملين لنهاية العمر، جعلك ربي لي خير سند وخير صديق وانيس وحبيب”

وكـأنه اتـى لِـيُـصـلـح مـا تـبـقـى مِـن حـطـام قـلـبـي..”❤️