Uncategorized
سكريبت مربية ولكن الفصل الأول 1 بقلم مريم سمير
سكريبت مربية ولكن الفصل الأول 1 بقلم مريم سمير
 |
| سكريبت مربية ولكن الفصل الأول 1 بقلم مريم سمير |
سكريبت مربية ولكن الفصل الأول 1 بقلم مريم سمير
_مصارعه اتجوز مصارعه!!
=وماله مش انسانه؟
_انتي شكلك عشان هي اخت جوزك عاوزه تلبسهالي
=انا اخدت اخوها هي تاخد اخويا معروفه يا احمد
_يخدكم ربنا
مشيت ووقفت على باب الأوضه=إحلق دقنك والبس حاجه حلوه، هما معزومين عندنا النهارده
_احيه!! اخترتي مدارس ولادنا ولا لسه يشهد؟
=لا انا عطيالكم حريه الاختيار في الحته دي، يلا قوم
_انتي فكراني هسكت؟ يا أمي
=ايوه يحبيبي
_شهد بتقول اني هتجوز مريم وانا مش هتجوز بالطريقه دي انا
=منتا فعلا هتتجوز مريم
_اصلا!!
=قوم تحلق دقنك
هي دقني مضيقاكم في أي!! دا حتى الدقن مكياج الرجل واسألوا، حلقت دقني و قرار مني مش أمر من امي لا لا قرار مني، انا لو مش عاوز احلقها مش هحلها وانتوا عارفين
لبست طقم ودخلت المطبخ
_اي دا وليمه؟ لا المحشي الاختراع!
=اطلع برا عما الضيوف تيجي
_انا جعان يماما
=اطلع برا يا احمد
_حاضر
نأجل الحياه بقى عما تشرف ست مريم وجوز اختي والله لنأجل الحياه اهو
الباب خبط وشهد فتحت وسلمت على مريم ودخلت معاهم الصالون
_يا احمد تعالى هنا
هي الايه اتعكست؟ انتوا هتجوزني صالونات؟ ادخل بصنيه الشربات يعني ولا اي؟
دخلت سلمت على محمود وابتسمت لمريم وقعدت
_محمود تعالى نساعد ماما في المطبخ
=والله ابدا انا الي هساعد امي حبيبتي
_اقعد انت هي متبريه منك اصلا، تعالى يمحمود
قاموا وسابوني، انتوا بجد سايبني لوحدي؟ اعمل مغمى عليا طيب؟ هفتح حوار جامد عشان انا بعرف اتكلم وهسألها سؤال مش هتعرف تجاوبه دلوقت
_ازيك يمريم
=الحمد لله
_طب كويس
=أحمد؟
_اه اخو البت إلى جوا دي
=اه
_سلامتك
=نعم؟
_اسف ردود تلقائيه مش اكتر
=انت عارف هما عازمنا هنا لي؟
_عشان يخططوا لجوازنا اه
=فعلا ردود تلقائيه
_قصدي عشان تاكلي المحشي بتاع امي عليها صباع ولا صباع الممبار بق
=انا عاوزه امشي بسرعه
_لي؟
=راحه الجيم
_عاش يبطل
=بتروح؟
_فين
=الجيم
_يعني اي جيم؟ اول مره اسمع الكلمه دي حقيقي
ضحكت=خلاص مش مهم
_يوعدي على الضحكه يوعدي
=افندم؟
_ايدا انتي مصارعه انا نسيت سكتت اهو والله
انا مش بخاف انا بحترمها بس، جيم اي انا لسه بلعب إكس اوه انتوا بتهزروا والله!!
خلصنا أكل وقعدنا كلنا في الصالون
_هو موبايلي فين؟
=اي اتسرق؟ عيطي بسرعه
_انت بتقول اي؟
=خلاص سكتت اهو
..
_هات فونك يا احمد ارن على فون مريم اشوفه فينه
=فينه حبيبي فينه
بصيت على الكل لقيتهم مش بيضحكوا
_انتوا عالم كئيبه وانا خساره فيكم
=هات فونك
_رني من عندك
=فوني فاصل شحن
_من عند ماما طيب؟
=ممعهاش رصيد
طلعت فوني واعطتهولها والفون رن وكان في شنطه شهد، ثواني دي خطه؟ انا في السن دا ويتنصب عليا يعني
_اي دا نسيت انه في شنطتي يشهد معلش
بصوت واطي=دا انتي كذابه كذب الإبل، دا انتي هتولعي في نار جهنم
_بتقول حاجه يا احمد؟
=حبيبتي يشهود
..
_انا لازم امشي عشان راحه الجيم، يلا يمحمود
=معلش يمريوم محمود هينزل معايا نشتري حاجات
_خلاص مش مشكله
=انزل وصلها يا احمد
يستي يخربيت أحمد هو اي متهدوا كده!! هتعملوا فرحنا في قاعه اللؤلؤة ولا حجزتوا قاعه تانيه طيب؟
ابتسمت ابتسامه ساذجه_اكيد طبعا اتفضلي يمريم
=شكرا
وصلتها وكان جيم كبير فيه ناس من الي بيدهنوا زيت من برا دول اه
_انا عاوز ادخل معاكي
=بجد؟
_اه والله استنى اركن العربيه
اي إلى قولته دا، اخد العربيه واجري ولا اعمل حادثه دلوقت!!
دخلنا وكان كل الناس عرفنها هناك، نقص شهرتك لو تكرمتي
، فضلت تتمرن وتضرب وعنف وحاجه نيله، ازاي واحده قمر كده وتلعب مصارعه مش عيب؟ طب والله عيب دا انا بلعب كوتشينه
جه واحد كان واقف ورايا وخبط على كتفي
بصيت لقيت ركب بني آدم رفعت وشي وبلعت ريقي
_افندم
=انت جاي مع مريم؟
_اه
=اه؟
_اقول لا طيب ولا اعمل اي منا مش عارف
=وجاي معاها بمناسبه اي؟
_عاوزين يجوزونا
لقيت ال اه في وشي بتلعب استغمايه، خدت علقه اقسم بالله مخدها وانا صغير، يشيخ حسبي الله في التلقائيه يشيخ، هي الدنيا عتمت لي؟
_احمد
=مين؟
_مين اي، اي إلى عمل فيك كده
=إلى ماشي دا
_يخرابي، دا معجب بيا
=منا عرفت يختي
_انا اسفه اوي انا السبب في دا
=اسفه اي بس دا اترحم من أيدي دا انا خليت وشه دم
_أحمد انت الي وشك دم
=ايوه منا بضربه ب وشي في ايده، حركه محترفين لسه بدري عليكي
جبتلي قطن وبتادين
_دلوقت احسن؟
=انتوا مطفين الانوار لي؟
_النور كله شغال يا احمد
=أحيههه!!!
ساقت العربيه وروحتني
_كنا هنعمل حادثه اكتر من 15 مره
=هيحصلك اي اكتر من الي حصلك يعني
_هو الي خدني على خوانه وعضلاته مقويه قلبه لكن انا واد عصب العضله عندي بتنمو لجوه
ضحكت=ماشي يعم العصب
_يوعدي على الضحكه يوعدي
=انزل يا احمد
_دي عربيتي اساسا
=الاه !!!
طلعت بيتنا
_اي دا هي ضربتك؟
=مين دي، انا الي اتخانقت مع واحد عاكسها
_يعني أعجبت بيك ولا اي
=ودوني على اوضتي الله يستركم
قبل منام فوني رن
_الو
=ايوه يا احمد، انا مريم بقيت كويس؟
_الحمد لله عايش اه
ضحكت =كل لما افتكر شكلك اموت من الضحك
_لي مش مقتنعه اني ضربت واتضربت
=طبعا اومال
فضلنا نتكلم كتير اليوم دا وعرفنا بعض اكتر،مريم كانت ضعيفه ومكنتش بتعرف تاخد حقها وهي صغيره فقررت تلعب مصارعه عشان إلى يفكر يضايقها يقول على نفسه يرحمن يرحيم، وكمان المصارعه هوايتها المفضله، انا النوم هوايتي المفضله يجماعه!!
قربنا من بعض جدا في ست شهور كنا عارفين عن بعض كل حاجه، هي معندهاش صحاب ولا انا كذلك، بس نجحنا نبقى صحاب ونتغلب على الوحده، وتفضل تلقائيتي احسن حاجه في يومها، انا اه بلبخ بس الي في قلبي على لساني، يمكن وقعت مش عارف بس الي عارفه اني بقيت محتاجلها ودا احسن من الحب بكتير
_مال صوتك
=ماله؟
_قمر اهو بس حزين
=اصل حصل موقف النهارده زعلني
_مين زعلك وانا..
=تضربه؟
_ايوه بوشي في ايده ايوه
ضحكت=يبني بق
_يوعدي على الضحكه يوعدي
=عوزاك ضروري تعالى الكافيه إلى جمب الجيم
_حاضر مسافه السكه يصاحبي
روحت وقعدت واتصلت بيها تيجي
_لي اي بقى؟
=مدحت
_ماله؟ جاي يضربني تاني؟ قولي اه اه متتكسفيش
=عاوز يتقدملي
_نعم يختييي؟
=أحمد الناس بتبص علينا
قعدت وضربت ايدي على الطربيزه
_وانتي قولتي اي؟
=قولت افكر
_نعم يختي مالك؟ تفكري في أي
=أحمد
_يروح احمد
=انت مضايق لي
_عشان انا الي عاوز اتجوزك
=تلقائيتك بردو؟
_الأه اعملك اي!
=..
_كده كده احنا متجوزين مع ايقاف تنفيذ الحكم اصلا وكله عاوزنا نتجوز اساسا بس عمرنا منروح نقول
=بس احنا أصحاب
_وماله، اوعدك اني افضل صاحبك إلى بتحكيله كل حاجه وبيساعدك في حل مشاكلك إلى مش بخلص دي، إلى بيحب ضحكتك وعيونك، كل يوم بتبقى قاصده تبيني الوحش إلى فيكي، بس انا بشوفك صح، انتي مفيش احسن منك والله، ضحكت _وبعدين مدحت اي دا كمان حد يتجوز واحد اسمه مدحت!
=يوعدي على الضحكه يوعدي
_كلمتي لو سمحتي متتقالش لغيرك
=..
_ها موافقه؟
=على أي؟
_هننزل نجيب الشبكه الخميس الجاي، مش عارف اشمعنا الخميس بس جت معايا كده
=احمد!!
_يروح أحمد، ها موافقه تتجوزيني؟
=اه عشان اعطف عليك، ربنا يجعله في ميزان حسناتي وزكاه عن صحتي
ضحكت_ بس انا هتجوزك عشان سبب تاني خالص
=اي هو
_عشان بحبك
يتبع……
لقراءة الفصل الثاني : اضغط هنا
لقراءة باقي فصول الرواية : اضغط هنا
نرشح لك أيضاً رواية فوزية القوية للكاتبة اسراء ابراهيم