رواية الوقوع في الحب الفصل الثامن 8 بقلم هبوش
رواية الوقوع في الحب الفصل الثامن 8 بقلم هبوش
رواية الوقوع في الحب البارت الثامن
رواية الوقوع في الحب الجزء الثامن
 |
رواية الوقوع في الحب الحلقة الثامنة
حنين/ سراج ممكن تساعدني ماعرفتش نفتح الفيلو
سراج/ شبحلها بدون اهمية… تعالي قربي ليا…
جت لعنده اعطاته بضهرها ونزلت شوية بيش يوصلها وفتحلها رباط الفيلو و شداته قبل ماينزل
حنين/ رجعت وقفت… شكرا
سراج/ عيونه ع tv… العفو…
رجعت للغرفة نحت الفيلو وخذت كريم لوشن دهنت بيه ولبست روب الدخلة وعطرت و قفت ع مرايا خففت مكياجها وزادت بس الروج
بعد كملت معش عرفت تطلع عليه ولا تستناه ايخش وبعد تفكير قعمزت ع السرير واستناته ايخش
فات وقت لين نعست و سراج مزال في الصالة يتفرج والتلفزيون صوته عالي
نزلت من ع السرير وطلعت لعنده
حنين/ وقفت جنب الكنبة… ماتبيش اتبدل حوايجك
سراج/ بملل… انكمل الفيلم
حنين/ باحراج… على شنووو الفيلم… وقعمزت جنبه
سراج/ اكشن مش ح يعجبك…
استغربت حنين منه حتى بعد شبحها بالروب ماشبحلهاش بشغف و شهوة و كانه اللي معه شاب كيفه والمسكينة حبت تغير الجو
حنين/ نمشي انجيب حاجة نتسلوا عليه مع الفيلم…
وصبت مشيت للمطبخ
وسراج لا شبحلها ولا دورها كمل الفيلم وخش بدل حوايجه وخش السرير
طلعت حنين بسفرة مشكلة وشبحت لصالون مالقتاش والتلفزيون طافي
خشت عليه الدار
حنين/ درتلك عشاء
سراج/ شبحلها… لالا متعشي كولي انتي لو تبي…
ونزل راسه ع المخدة وتغطى بالورغان
و حنين طلعت رجعت السفرة للمطبخ و جت خشت جنبه ع السرير قعدت مرتبكة و كل شوية تقول توا يتحرك ولا ايغازلها لين صدمها
سراج/ بيش اطفي الضي تصبحي على خير…
ولف ع جهة الثانية ورقد ????
حنين/????واااانت من اهله…
قعدت تشبحله باستغراب عريس يرقد يوم الدخلة ولا لمسها ولا حتى ابدا باعجابه ومع هذا قالت بينها وبين نفسها يمكن لان مش متعود عليها او يبي اول ليلة مايكونش في علاقة حتى ياخذوا على بعض صح حنين قلبها مع شخص ثاني بس كاي عروس تبي تتهنى لان خلاص هذا زوجها وشريك حياتها و مع الوقت ح تحبه ودير معه عيلة
نزلت راسها ع المخدة و استسلمت للنوم بسرعة من التعب و تجهيزات العرس
.
.
ثاني يوم كان الجمعة مافيش شغل واني ماصدقت انتهزت الفرصة ورقدت لبعد الضهر بيش نضت من فراشي
خشيت دوشت و صليت الضهر…
خشت سيدرا وقفت ع راسي واني ع صلاية
سيدرا/ كملتي
انا/ نحيت الملاية وصبيت… ايه تغديتوا
سيدرا/ مزال بابا ماروحش من الجامع
انا/ شبحت للساعة… كيف لتوا ماروحش ????…
طلعت من الدار وخشيت على نجوى مقعمزة في دار المعيشة
انا/ وين ماشي عزيز
نجوى/ اتابع في مسلسل… طلع ايصلى في جامع…
وعلت صوت tv
انا/ توا راهو ساعة اثنين ونص حتى الامام روح تغدة وشرب شاب و قيل ????♀️
نجوى/ بتجاهل… تلقيه متلاقي مع اصحابه ويهدرز عليهم…
????زعجني برودها رجعت لداري خذيت تلفوني واتصلت عليه قعد تلفون يضرب لين فصل زاد خوفي رجعت عاودت اتصال مرتين ومافيش رد
رجعتلها
انا/ تلفونه معه ولا امخليه
نجوى/ نفخت… واخذا معه
انا/ بقلق… خيره عاد ماايردش…
خشيت المطبخ درت قهوة واستنيت عزيز ايروح او يتصل فاتت ساعة و قلت نتصل على خالي وخلاص على الاقل ايدور عليه
مسكينة الاخت مهما كان خوها صعب معها بس تقعد الاخت الحنونة اللي ماتتحمل فيه حاجة وانا طالعة نبي نتصل بخالي
سمعنا صوت الباب انفتح وكان عزيز
نجوى/ بعراك… الحمدلله ع السلامة وووين كنت ؟
عزيز/ بملل… في الجامع وين نبي نكون هيا سقيلنا الغداء ميت جوع
انا/????
نجوى/ كل هالوقت في الجامع شنو اتصلوا في التراويح????
عزيز/ بنرفزة… برري هااتي الغدي خلينا انتغدوا ماتنفخيش راسي…
وخش بدل حوايجه وطلع قعمز في دار المعيشة و نجوى خشت تسخن الغدي خشيت معها درت سلطة وجبت العصير وقعمزنا كلنا انتغدوا على اذان العصر
بعد ماشربنا الشاي
عزيز/ سيدرا يابابا خوذي خوتك العبوا في السور
سيدرا/ نبي انتفرج ع الرسوم يابابا
عزيز/ توا اتفرجي عليهم بعدين هيا سلم بنتي
نجوى وانا /????????…
طلعت سيدرا وخوتها يلعبوا برا
نجوى/ علاش طلعتهم
عزيز/ مانبيهمش يسمعوا شوفي يابنت الحلال انا تزوجت على سنة الله و رسوله
امبكري بعد الضهر رفعت معاي الشيخ وقرينا الفاتحة
انا/????
نجوى/???? دايرلي فيا مقلب صح ههههههه
انا/????????
عزيز/ بحزم… موضوع هذا مافيش ابصارة
انا مش اول ولا اخر واحد يتزوج على مراته
نجوى / قعدت تعيط… اني تتزوج علياااا ياااعزيز شن قصرت معك واااه علياااااا وااااه ياااا فضيحتنااااا تبي اتضحك علينااا الناااس واااااك يااامراااري …
وقعدت اتعيط عياط على ميت
قاطعها عزيز صكرلها فمها بيده و خشوا سيدرا وخوتها يشبحوا لامهم تعيط وتبكي
عزيز/ فنص فاها… نقصيييي صوووتك ياااهمي رعشتي الصغار وسمعتي الجيران
نجوى/ دفاته… والله ماقعدالك في الحوووش ياااعزيز اني تتزوج علياااا????????
… جت بتطلع عيط عليها
عزيز/ تطلعي من الحوش مش ح اتوليله فاااهمة ولالا ????
انا/????
نجوى/ بدموع… مش نجوى اللي اتجيب عليها ضرررة واتشمت الناس علياااا وتبي نقعدلك في الحوش …
و صار بينهم مناوشات جيت خذيت سيدرا والصغار كانوا واقفين يتفرجوا عليهم ويبكوا
انا/ تعالوا حبايبي ماتخافوش…
ومشيت بيهم لداري طبطبت عليهم واعطيتهم تلفوني يلعبوا بيه وسيدرا حاضنتني وعيونها مدمعة وجعوني و خفت يتاثروا
انا/ نمسح ع شعر سيدرا… حبيبتي خليك مع خوتك ماتطلعش
سيدرا/ بزعلة… صح ماما بتمشي وتخلينا ????
انا/ لا حبيبتي ماما تحبكم كيف اتخليكم وتمشي
سيدرا/ سمعتها تبي تمشي وبابا ايطلقها
انا/ لالا معش تقولي هك بس كانت معصبة هيا امسحي دموعك معش تبكي …
وخرتها مني وصبيت طلعت كان عزيز واقف في صالة ويتكلم بتلفون مع خوها ونجوى خشت تاخذ في حوايجها خشيت عليها وصكرت وراي الباب
نجوى/ رفعت وجهها شبحتلي… جاي شمتانه عاجبك اللي دار خوووك ???? اهو خليتهالكم ????اتهنوا فيه
انا/ اصغارك شن ذنبهم يقعدوا بلا ام ايهون عليك اتخليهم وتمشي
نجوى/ دمعتها نزلت… ليش مافكر فيهم قبل مايتزوج من وراي ويطعني في ضهري
…
وقعدت اطلع من الدولاب وتحط في الشنطة جيت تقربت منها
انا/ حرام عليك تمشي وتسيبيهم لو اتشوفي سيدرا كيف منهارة المسكينة قطعتلي قلبي بالله عليك عشان خاطرهم اقعدي في حوشك مع اصغارك
نجوى/ بنضرة تعجب… ااانتي اتقولي هك مش فرحانة نمشي ونسيبلك الحوش!؟
انا/ علاش نفرح بخرب الحوش ويتشردوا الصغار صح اني وانتي بينا مشاكل بس مش معناتها نفرح اتسيبي حوشك وصغارك
نجوى/ قعمزت ع حافة السرير… معش ليا نفس نقعد بعد اللي داره كرهته وكرهت الحوش… وقعدت تبكي منهارة ????????
انا/ لو اني منك نقعد مع اصغاري وندير بالي منهم مش احسن ماتاخذهم منك ويعيشوا مع مرت اب الله اعلم كيف اتعاملهم
نجوى/ مسحت دموعها… فشر في عينها
تاخذهم مني
انا/ بحزم… مالا هيا رجعي حوايجك واطلعي على اصغارك ولا كانه في حاجة…
وابتسمتلها وجيت فتحت الباب بنطلع
نجوى/ وووردة
انا/ التفت… نعم
نجوى/ سامحيني غلطت في حقك هلبا
انا/ زعما تطلقي اللسانك مع ضرتك ولا بس فالحة غير معاي اني ????…
نجوى/ ضحكت بكسرة… يعطيهالك حتى وانتي اتبصري اللسانك قاطع
انا/ ههههه بس الحق الفضل ليك انتي نميتي فيا الموهبة هذه ????????…
استغرب عزيز من صوت ضحكنا و جاء وقف ع الباب
عزيز/ توا كلمت خوك جلال لو تمشي ايجي يرفعك بس مش ح انروح بيك ايووه
انا/ قاطعته… لا نجوى مش ح تسيب حوشها وصغارها صح يا نجوى
نجوى/ هذا حوشي ماحد يقدر ايطلعني منه ????
عزيز/ سبحان مغير الاحوال… خش داخل… انا ماشي بناخذ العروس لفندق نقعدوا فيه يومين…
سحبت روحي ومشيت داري
نجوى/ بغضب… ان شاءالله ماتهنوا
عزيز/ عذراك مزال جرحك خضر هيا ديري بالك من الحوش … ومشى
قعدت نجوى تبكي بحرقة لو تلقى اتهد الحوش لولا اصغارها كاسرين ضهرها ????
.
……… ????????????????????????????????????????
عند العرسان حنين و سراج
جهزت حنين الفطور ولبست روب احمر وتعطرت وجت نزلت ع السرير
حنين/ سراااج سرااج… وحطت يدها ع صدره توعي فيه
سراج/ فتح عيونه بكسل… همممم
حنين/ هيا نوض ساعة اربعة العصر
سراج/ بعصبية… ااان شاءالله حتى المغرب معش اااتوعيني…
ودار ع جهة الثانية وغطى راسه
حنين/ عمتي دزت علينا ننزلوا
سراج/ من تحت الورغان… تبي تنزلي انزلي ماحد شاادك…
حنين/بلعت ارياقها… بس ممش حلوة ننزل بروحي
سراج/ ااااوف ماااتنقش فوووق رااسي صدددعتي اااامه…
خافت منه وزادت من صدمتها طلعت برا الغرفة وصكرت الباب خلاته يرقد وهي قعمزت ع كنبة في الصالة حاطة يدها على خدها وتخمم شن ادير موقف محرج قعدت فيه و معندهاش حل غير تقعد في شقتها وماتردش ع تلفون ولا تفتح الباب تجنب للاحراج
فات الوقت وساعة سبعة المغرب جت اخت سراج ادق عليهم وحنين كانت راقدة في دار الثانية وماتبش تفتح
بعد مافتحولهاش نزلت
بعد وقت ناض سراج شاف الصالة مالقاش حنين افتكرها نزلت خش الحمام غسل وجه وبعدين خش المطبخ لقى سفرة الفطور كيف ماهيا حط شاي يسخن وقعمز ياكل
سمعت حنين حركة في الحوش طلعت
من الدار واتجهت للمطبخ
حنين/ تنحنحت… مساء الخير
سراج/ مانزلتش!؟
حنين/ وقفت ع غاز تاخذ في شاي… لا مانزلتش
سراج/ بنرفزة… اااحسن مافيش داعي تنزلي
حنين/ حطت البراد وقعمزت… لو عليا اني عادي بس عمتي تزعل
سراج/ فنص فاها… مافيش حد له دخل بحياتنا فااهمة ولالا مادخلنيش لا بامي ولا امك… ????????
حنين/بزعلة… مافيش حد ادخل موضوع مايستهلش اتعصب منه
سراج/ خبط الطاولة????… من قاالك ااااني عصبييييي…
وصبى جاء لعندها شدها من شعرها
حنين/ اااااخ شعرررري ياااسررراج خيرررك
سراج/ عض ع سنونه… لماااا اتشوفيني دوبني واااعي صوووتك مااانسمعش
و لا نقطعلك اللسانك…
حنين/ عيونها تجمعوا دموع… حااااضر بس ااارخي قطعت شعري ????
سراج/ارخيها… صبي منبيش انشوف خليقتك…
ورجع قعمز ياكل
صبت حنين دمعتها ع خدها ومغصوصة جت طالعة
سراج/ بغضب… اااستني
حنيين/ بصوت رعشة… نعمممم
سراج/ معش تلبسي الحوايج هذول ااامشي البسي حااجة اخرى
حنين/ بصدمة… باااهي…
ومشيت دموعها نزلوا خط خشت دارها طلعت بيجامة لبستها وخذت تلفونها وقعمزت ع السرير
قعدت تشبح للتلفون تبي اتكلمني وفي نفس الوقت خايفة من ردت فعل سراج
رجعت تلفون ع كمدينو و ضمت رجليها لصدرها امقعمزة وتفكر في حياتها اللي من اولها هك ????????
.
.
في حوش ح سليمان
نزل يامن يتكلم بالتلفون اشر بيده لصفية وللحاج قاعدين يتعشوا
ح سليمان/ يشبحله… وووين ماااشي تعال
يامن/ وقف ودار رجعلهم… ايوووه ياحاج
ح سليمان/ قعمز تعشاء نبي نهدرز معك
يامن/ متواعد مع اصحابي انتعشاء معهم
ح سليمان/ قصة السهر برا لوجه الصبح تنساها لو تبي تتزوج ما يمشيش الحال هك
يامن/ بملل… باهي توا مستعجل نهدرزوا مرة اخرى …
ح سليمان/ مافيهاش مرة اخرى بطل السهر والكلام الفارغ و اقعد مع خطيبتك شوف شن تبي وشن ناقصها مش هاملها لا تتصل ولا تسأل عليها
يامن/ بملل… بااهي ايصير خير هيا سلااام… ومشى ينفخ ????
ح سليمان/ يشبح لصفية… يستر الله من ولدك امتى يعقل ويقعد راجل ايخاف الله
صفية/ شن دار بس ياحاج شن فاها لو
طلع ايتعشى مع اصحابه اللي يسمعك ايقول مافي الا هو يسهر برا
ح سليمان/ بنرفزة… بالله عليك يا اتقولي كلمة كويسة يا تسكتي ما خلى حالهم هك الا كلامك وطبطبتك عليهم
صفية/ ???? يعني اني اللي غالطة اي حاجة تحطها في راسي اني ياخسارة ماعنديش حظ ☹️
ح سليمان/ لان كل ما نجي انعارك انتي ادافعي عليهم نتمنى مرة بس اتجي معاي ديما واقفة في صفهم انا شن نبي غير مصلحتهم
صفية / توا ايتزوجوا ويعقلوا ماتوجعش راسك
ح سليمان/ ان شاءالله
.
.
عزيز/ درس سيارته واتصل… هيا اطلعي قاعد برا الحوش…
العروس/ هيا حبيبي طالعة…
وخذت شنطتها اتجر فاها وطلعت
نزل عزيز ياخذ في الشنطة
عزيز/ ابتسملها… كيف حالك يا عروس
مريم/ حالي باهي لما شبحتك ????
???????? حي مريم هي العروس ياوالله حالة???? زعما شن ادير نجوى بعد تعرف ضرتها هي صحبتها مريم????
عزيز/ خذا منها الشنطة… جبتي معك جوازك
مريم/ بدلع… اايه معااية…
ومشى فتحلها باب السيارة وركبت تضحك بدلع طلعوا بسيارة ايهدرزوا و ايتغزلوا لين وصلوا لفندق حاجزين فيه ثلاث ايام
خشوا لسويت بتاعهم و مريم نحت على طول عبايتها وقعدت بفستان قصير و فتحت شعرها
خش عزيز بالشناطي وصكر الباب وشبحها وهي تشلح
عزيز/ قرب منها… طالعة حلوووة ????…
ولف ايديه على خسرها
مريم/ بدلع… عجبتك؟ …
وحطت يدها ع صدره تمشي فاها
عزيز/ بشهوة… عجبتيني وبس ااانتي هبلتيني بجمالك وانوثتك…
وطبع بوسة ع شفافها وزاد لصق فاها ويبوس
مريم/ بعداته… مزال حبيبي هيا اطلب عشى قاعدة جعانة
عزيز/ عض ع شفته… لعيونك احلى عشاء…
وخذا هاتف الغرفة وطلب عشاء عرسان عاد يبي اينغنشها ويدلعها جابوا عشاء فاخر وقعمزوا ايتعشوا ويوكل فاها بيده فرحان قريب ايطير و مريم تلعب على رغبته وتدلع بزيادة وحركات اغراء
بعد ماتعشوا خشت مريم طلعت روب احمر شفاف وزادت روج احمر ???? وحطت عطر مغري
طلع عزيز من الحمام وعيونه طلعوا في مريم مستندة ع السرير في الوسط و تلعب بشعرها بحركات اغراء جاء لعندها نحى حوايجه وقعد بحوايج الداخلية وقعمز امقابلها ع سرير محاوطها بيديه
عزيز/ كل هالجمال ليا ااني ???? اااخ بتجلطيني الليلة…
ونزل ايبوس بشغف
مريم/ بضحك الرقاصة… ييي بشوية مش هك عااااد اهههههههههيي
عزيز/ اوووصص دلعيني بس… وسحبها تحته ووو????????????????????????????????????????
ونجوى راقدة في سريرها تبكي وتشوف لمكان عزيز ونار???? شاعلة في قلبها وعقلها ايشيل ويحط خذت تلفونها تتصل بمريم
تبي تشكيلها و اطلع امرارها اتصلت والرد كان الرقم الذي تتصل بيه مقفل او خارج نطاق التغطية.. ???? عاودت من اجديد ونفس الشي تلفونها مقفل وتاكدت لما شافت اخر ظهور ع الوتس كان اليوم ساعة سبعة المغرب قالت في عقلها يمكن طالعة رحلة مع خواتها عاد اليوم جمعة والاغلب يطلعوا في شاليهات ع البحر…
وهي راقدة في حضن عزيز بعد مادخل عليها ????
????هذه هي الصاحبة اللي جابتها لحوشها حسدتها وطمعت في زوجها حطت العين عليه…. هيا تعالوا نعرفوا كيف تزوجوا ????
هذا يوم اللي وصلها لحوش اختها و دارت شوية دراما وحركات خلت عزيز يغير الصورة اللي رسمهولها
و بعد يومين اتصلت بيه واتس ودارت روحها تبي نجوى عشان تبعثلها وماتردش عليها وصار بينهم دردشة ???? و يوم بعد يوم زادت دردشتهم مكالمة فيديو وعاد اشتغلت ع الجو الاغراء والكلام المعسول لين اتساوى ع الاخر وقعد عزيز يتجدا فاها تفتح كاميرة ويهدرز عليها و يطلب منها اتجي لعندنا بيش ايشوفها وفي اسبوعين تعود عليها ومعش يقدر يصبر يوم مايكلمها
لين في يوم اتفقوا يتلاقوا في كافي وفعلا مشيت لعنده وهدرزوا فس فس مطولا وعرض عليها الزواج
.
……….. ????????????????????????????????????????
ثاني يوم
ادم كان طالع ايشوف جوري في الجامعة درست سيارة نزلت منها بنت وجت لعنده
ادم/ ااانتي شن جابك هنا
يسرا/ جيت انشوفك بعد ماتبي اترد على مكالماتي
ادم/ نفخ… قايلك معش نبي نستمر معك خلاص علاقتنا انتهت
يسرا/ قربت منه… مش انت بروحك تنهيها في بينا علاقة تعرف شن معناها ولا انفهمهالك
ادم/ كانت نزوة انا ماكنت نبيها توصل لهك
يسرا/ ماتنساش انت اللي جريت بيش وافقت نطلع معك ليش ماقلت وقتها نزوة
ادم/ بغضب… شششن تبي خلصيني وراي شغل
يسرا/ تعرف شن نبي
ادم/ لا مانعرفش هيا قولي كم تاخذي وتمشي في حالك
يسرا/ هههههه كم ناخذ! ضحكتني
ادم/ دفها… يسرااااا فوتيني احسنلك واللي في راسك تنسيه فاهمة ولالا
يسرا/ فنصت فيه… ماتهددنيش يااادم ولا تعرف وين نمشي ????
ادم/شدها من ذراعها… وقسم بالله اديري حاجة اندمك عليها طول عمرك ومعش نبي انشوف وجهك…
ودفها على سيارتها
يسرا/ استندت بسيارة والتفتت… باااهي يااا ادم نتواجهوا…
وفتحت باب سيارتها وطلعت
ادم/ يشبح بحقد… مستحيل انخلي حاجة اتخرب علياا واتخسرني جوري ????…
.
.
هيا اليوم كملناها اطلوع تعبتكم في جرتي ????
????????
هذا ادم عنده صحبة و صديقات في منهم علاقات سطحية وفي منهم متعمق معهن اكثر من صداقة يعني يطلعوا في مزارع
وصور ليهن بكامرته ياخذلهن في لقطات جريئة لبس ملفت وضعيات مغرية عاد متعود لما كان في ايطاليا لنوع من هالصور
الشي هذا حتى خوته مايعرفوش بيه
ادم عنده جانب من حياته مبهم ومش في العلن
مش كيف يامن معروف بعلاقاته ومفضوحة للناس
كان ادم محبوب عند البنات و هن من يعرضن في انفسهم ليه و يطلبوا منه ايصورهن والاغلب بنات من عائلات ????♀️ عندها انحلالا باسم التحظر
المهم يمشي الامر عادي ولا كانه شي صاير وكل حد يمشي على حاله لين تعرف على يسرا في حفلة لبنت صديقتها جايبته ايصور عيد ميلادها تعرفوا عادي وخذا رقمها وهي خذت رقمه وقعدوا يتواصلوا وزاد التعارف
يسرا بنت وحيدة لعيلتها بوها كان في السفارة وامها اخصائية تجميل واما يسرا تشتغل وجه اعلامي لشركة عالمية عندها فرع في ليبيا
بعد فترة اشتغل معها وقعد مصور لدعياتها
و كا غيرها صار في حتى صور خاصة
تطورت بينهم العلاقة???? وطلعت معه اكثر من مرة وصار شي عادي في اي وقت يتلاقوا في شقة خاصة بيها
نرجعوا الواقعية ????
ادم/ الوو شنجو
جوري/ تمام الحمدلله وانت
ادم/ الحمدلله وين قاعدة
جوري/ في الجامعة شوية ونخش المحاضرة
ادم/ يعني مايصيرش انشوفك توا
جوري/ لا مافيهاش كيف
ادم/ بصوت هادي… باااهي استحشتك
جوري/بحب… حتى اني مستاحشتك
ادم/ امتى اتكملي امتحانات راهو معش نقدر نصبر
جوري/ هانت حبيبي…
وشبحت في رهف اتاشرلها
رهف/ جوررري هيااا
جوري/ هزت براسها… اسفة حبيبي نبي انخش المحاضرة
ادم/ بضيق… اااوكي موفقة حبيبي ديري بالك من روحك
جوري/ ان شاءالله سلام…
وصكرت حطت تلفون بالشنطة ولحقت رهف و مروة خشوا للمحاضرة
وادم كان واقف قدام الجامعة بعد صكر منها ركب سيارته ومشى
فاتوا ساعتين
يسرا/ لوسمحتي ممكن شوي
سوسن/ تفضلي
يسرا/ انتي صاحبة جوري ولالا
سوسن/ بستغراب… ايه
يسرا/ ابتسمت… شن اخبارها
سوسن/ بهدؤء…كوويسة
يسرا/ ليها وحشة جت هي اليوم؟
سوسن/ اهاا عندها امتحان
يسرا/ اهاا ياخسارة معش تلاقيت معها وحتى رقمها ضاع مني بعد غيرت التلفون
سوسن/ عادي استنيها شوية اخرى وتطلع
يسرا/ ياريت بس للاسف عندي شغل مضطرا نمشي توا يستنوا فيا مافيش الا ناخذ رقمها لو عندك
سوسن/ اي عندي توا نعطهولك…
وفتحت شنطتها طلعت التلفون
سوسن/ سجلي عندك صفر واحد وتسعين *******
يسرا/ سجلاته… صحيييتي بارك الله فيك
سوسن/ العفو وفيك بارك الله…
مشيت يسرا بابتسامة خبيثة ???? وطلعت من الجامعة
بعد طلعت جوري و رهف تلاقت مع سوسن واستنوا مروة تطلع وبعدين مشيوا للكفتريا يفطروا وهدرزوا ع الامتحان ونسيت سوسن اتقوللها….
………… ????????????????????????????????????
في المزرعة
كنت في جولة تفقدية و اشرفت على تطعيمات للقطيع و خذانا الوقت نشتغلوا تحت الشمس ودرجة حرارة عالية بعد كملت مشيت المكتب صكرته بالمفتاح ونحيت وشاحي و الكبوط والبلوزة كنت لبستها تحت الكبوط وقعدت بالكت بيش نبرد وتسطحت ع الكنبة
تذكرت معش اتصلت حنين ولا هدرزنا بعد الزواج سحبت تلفون من ع الطاولة جنبي حطيت سمعات في اوذاني واتصلت عليها
انا/ بنغمة…. الووووووو كيف حالها عروستنا
حنين/ بفرحة… اااهلين وردة كيف حالك
انا/ حالي باهي انت شنجوكم شن درتوا هههههه ????
حنين/ بلعت ارياقها… جو تمام
انا/ مممم ياعيني ياعيني عقبالي ياااارب
حنين/ تغيرت ملامحها????… شن جو المزرعة
انا/ يييي فكيني منها وخلينا نهدرزوا على حاجة اتفرح احكيلي شن جو سراج معك وامتى تهنيتي احكيلي من اول ماخشيتوا هههههههه
حنين/ تنحنحت… توا نهدرزوا مرة اخرى ماهو قاعد في صالة مانبيش يسمعني هههه…
وطبعا ماكنش قاعد ولا شي بس ماتبيش تحكيلها لين اتشوف هل وضع موقت ولا دائم
حنين/ لك وحشة امتى اتجي اتزوريني
انا/ لا مش على طول تبي سراج ايلزني ههههه خليها اسبوع الجاي وان شاءالله انجي انتعشاء عندك ????
حنين/ خلاص نستناك ماقلتيلي شن جوك انتي و يامن انسجمتوا ولا مزال
انا/ تنهدت بنفس طويل… ااااه قاعد بس مزال مافيش تواصل هلبا
حنين/ حاولي تتقربي منه قبل الزواج بيش تعرفيه اكثر????????
انا/ تعرفي مرات انقول استعجلت لما وافقت ع طلب الحاج حسيتها مسؤولية كبيرة مش عارفة شن عواقبها
حنين/ و هو شنو يعني في امل يتغير
انا/ من ناحية هذه هو كيف الطفل ساهل جدا تتحايلي عليه واللي نبيه ناخذه منه يعني عجينة لينة هههههه بس مش عارفة لو ايطيح في المصيدة ولااا واني هذا اللي امتعبني لتوا…
و يامن كان جاي للمكتب حط ايده ع المقبض وسمعني نحكي من اول ماقلت من ناحية هو كيف الطفل وسمع باقي حديثي
يامن/ ????عيونه نار وبحقد… صار خاشة ع الطمع ياست شوكة توا اتشوفي العب معاي كيف ????…
ورجع من وين ماجاء
حنين/ بغصة… حبيتيه يا وردة
انا/ بحب… مانكذبش عليك من اول ماشفته قلبي دق ثلاث دقات وحبيته وخايفة مايحبنيش كيف مانحبه ????
حنين/ ان شاءالله ربي ايحببه فيك ويجمعك بيه ياارب
انا/ بتنهيدة… ياااارب ????????
يامن/ طلع يسرع وركب سيارته… ماااشي ياوردة تستغفلي الحاج اللي اممنك على رزقه وتبي تلعبي عليا اني ???? مانكونش يامن لو مادفعتك الغالي والرخيص ????????
.
.
.
الليل كانت جوري تقراء في امتحان غدوة وتراسل مع البنات واتس ايراجعوا في كل شيت يقروه
خش عليها مسج من رقم غريب مادورتش كملت مذاكرة وبعد كملت اتصل عليها ادم هدرزوا ساعة وبعدين صكرت منه وجت بتحط التلفون وترقد جاها شعار من نفس الرقم ارسال صور رجعت فتحت التلفون وهي راقدة على بطنها وفتحت ع المسجات وكانت صدمة ليها جت مقعمزة وتشبح بتركيز ع الصور والكلام اللي مع الصور ????????
جوري/ حطت يدها على قلبها وبصوت ضعيف… سااااجدة ساااجدة… ????????
وساجدة كانت تحت البطنية وتهدرز مع اسامة
ساجدة/ طلعت راسها… هممم شن تبي
جوري/ يدها ع رقبتها وتاخذ في نفس… تعاااليلي مممش قاااارة نتنفسسس…
ورتخيت طاحت ع جنبها
ساجدة/ بعياط… جورررري خيرررك…
وطارت لعندها قيمتها ع حجرها…
ساجدة/ بعياط… جوووري ررردي علياااا ????????
اسامة/ مزال ع الخط…الوووو ياساااجدة شن فيه ساااجدة ررردي الوووو…
وساجدة تضرب ع خدها تعيط بعلوا صوتها وتنادي
ساجدة/ ياااااااسااامي يااااامي اااالحقواااا جوووري ????????…????????????
يتبع..
لقراءة الفصل التالي : اضغط هنا
لقراءة باقي حلقات الرواية اضغط على : (رواية الوقوع في الحب)