رواية الوقوع في الحب الفصل الرابع عشر 14 بقلم هبوش
رواية الوقوع في الحب الفصل الرابع عشر 14 بقلم هبوش
رواية الوقوع في الحب البارت الرابع عشر
رواية الوقوع في الحب الجزء الرابع عشر
 |
رواية الوقوع في الحب الحلقة الرابعة عشر
وعي ادم من صوت الباب ناض يفتح باهمال اول مافتح الباب خشت غلا بسرعة وصكرت الباب وقف تعليه و تاخذ في نفس بسرعة وشبحت لادم بابتسامة
غلا/ Hallo
ادم/ بنزعاج… لوسمحتي اطلع ما.. قطعاته حطت يدها على فمه ويد ع صدره
غلا/ حابة ابقى الليلة عندك ونتعرفوا على بعض بما انك عايش وحداني…
وعضت ع شفتها ????…
ادم/ عقد حاجبه… وااانا مانبيش انتعرف وياريت تطلعي من غير مطرود…
حط يده ع مقبض الباب بيش يفتحه ويطلعها
غلا/ ضحكت… امزح معك… حطت يدها على يده… انا واقعة في مشكلة ومابعرفش وين اروح دلوقتي …
ورخيت يده ومشيت للصالون قعمزت
ادم/ يشبحلها بغضب… اوووو عليناااا خيييرررك ماااتفهميش هيا اطلعي مش ناااقص هم الزززح… وفتح الباب وقعد واقف
غلا/ صبت وجت لعنده… انت خايف من ايه اطمن مش ح عملك مشاكل انا عايزة ابقى عندك لبكرى و اروح … وحطت يدها ع الباب… عايز تعرف ليه انا جيت هنا
ادم/ بملل… اوووف ليش
غلا/ لانو طلعت اسهر مع صحابي ولما رجعت لقيت ماما قافلة الباب ومش ح اقدر اخوش تاني
ادم/ و جاية تقعدي عندي ماتخافش على روحك مع شخص غريب!؟
غلا/ تؤتؤتؤ انا مابخفش اممم تخليني ابقى عندك عشان ماما ماسمعتش الباب
ادم/ نفخ… ماتخشيني في مشاكل مع عيلتك و ياريت تطلعي قبل مايشوفك حد
غلا/ لوت وجهها… يرضيك امشي ادور في الشوارع ????
ادم/ علاش ماتمشي لحوشكم مش احسن
غلا/ اووووف مااقلنالك ماما قفلة الباب خبطت عليها نيمة ماسمعتنيش… وذبلت عيونها… الله ايخليك الليلة بس و اوعدك اروح الصبح…
قعد ادم ايفكر ومش عارف شن القرار الصح خايف اتجيه مشاكل من واراء مابيتها عنده و مش حلوة منه ايخليها في الشارع
غلا/ بتجداي … بليييييز ????
ادم/ اووووف اوكي المهم ماتقوليش كنتي هنا و ديريلي مشاكل …
غلا/ بفرحة… اااوكي هيااا اقفل الباب ????
ادم/ امري لله… وصكر الباب وكان هيثم جاي لشقته انتبه ان ادم معه بنت بس ماعرفهاش من لان كانت معطيته بضهرها
ادم/هذه الغرفة اقعدي فاها
غلا/ مرسي ????
ادم/ مانبيش ازعاج نعسان بنرقد
غلا/ اوكي تقدر تروح اتنام
ادم/ شبحلها… تصبحي على خير
غلا/ ???? ممكن دقيقة وحدة
ادم/ ايحك في لحيته… شن تبي
غلا/ هوا اانت اسمك ااايه؟
ادم/ ادم
غلا/ واوو اسمك ايجنن…
شبحلها ???? ومشى خش داره وطاح رقد طول
اما غلا قعدت في الصالون و تراسل في صديقها اللي كان جارهم و تتفق معه وين يتلاقوا لانهم مخططين من قبل ايسافروا لامريكا
وقعدت هنا عند ادم عشان بوها جاي الصبح بعد ما دزت عليه طليقته ياخذ غلا اتعيش عنده لان امها سمعت بنتها اتخطط مع صديقها تمشي لامريكا و تحقق حلمها
اللي هو الغناء مع فرقة موسيقية استدعوهم ينظموا لفرقتهم ومشاركة في مسابقات تلفزيونية
ساعة ستة الفجر ناضت امها خشت للحمام وهي طالعة مشيت فتحت باب غرفتها شبحتها راقدة او بالاحرى كانت تشوف لخيال حد راقد في السرير وصكرت الباب ورجعت رقدت
ساعة ثمانية اتصل بيها طليقها وقاللها ساعه ويكون عندهم
خشت لمنال وعتها وبعدين خشت على غلا
ام غلا/ غلا اصحي ابوكي جاي في الطريق
غلاااا ياغلاااا…
وقربت تنحي عليها الورغان ????
ام غلا/ بعياط… يااالهوووي ياالهوي البنت رااحت فييين…
وطلعت تجري ع الباب شافاته لقته مقفل حطت يدها في صدرها ولقيت المفتاح مشيت ادور عليها في دار منال والمطبخ و فتحت البلكونة احتارت وين مشيت لان الباب مفتاحه عندها والبلكونة بعيدة عن بلكون الجيران قعدت ادق على منال الحمام
ام غلا/ يااامنال ااافتحي ااااختك مااالقتهاااش…
ومشيت قعمزت ع كرسي قعدت تبكي ????
منال/طلعت… اازي مالقيتهاش ياماما
ام غلا/ تهز في راسها وتبكي… مابعرفش الباب قافلته طلعت منين بس يااااربي ????
ااعمل ااايه دلواتي…
مشيت منال ادور اخرى بالكي مختبية في الحوش دورت في كل مكان ومالقتهاش
وطبعا غلا متعودة امها تقفل الباب كل يوم قبل ماترقد وتخلي المفتاح معها
و لما خططت مع صاحبها على موعد السفر لامريكا وكان نفس اليوم اللي ح يوصل فيه بوها وطبعا مش ح تقدر تهرب من امها الا لو طلعت من الليل و اول مايطلع عليها الصبح تمشي للمكان اللي متفقين يتلاقوا فيه
لهذا قبل ماتقفل امها الباب وقت كانت في المطبخ حطت غلا مخدة كبيرة وحطتها مكان ماترقد وغطتها بالورغان وتسللت بسرعة فتحت الباب وطلعت ادق على شقة ادم بعد ماتاكدت انه عايش بروحه ومش يرفض اتبات عنده حتى لو كلفها علاقة معه المهم توصل لمرادها وفعلا نجحت في تعاطف ادم وخلاها عنده …
ناض ادم خش للحمام وجاء دق عليها باب الغرفة لما ما فتحتش فتح الباب مالقهاش قاعدة وكانت وقتها في طريقها لملاقات صديقها و كانت رحلتهم ساعة تسعة الصبح
وصل بوها وعرف بنته هربت وصارت عركة كبيرة بينه وبين طليقته و حملها مسؤلية اهمالها و طلب بوها ايشوفوا كاميرات العمارة امتى هربت ومع من
و طلعتها الكاميرة اللي بين الشقق وهي طالعة من حوشهم بالليل وخشت شقة ادم ???? وبعدين الصبح طلعت بروحها
وادم كان يلبس بيش يمشي للمستشفى
دق الباب بالقوة مشى يفتح خش بوها وامها
بوها/ دعس عليه… قووولي بببنتي فييين قبل ماااقتلك
ادم/ ايفك في ايديه… مااانعرفش امشوا دوروا عليهاااا وين مشيت…????
بوها/ ????… ااانااا ح بلغ البوليس ح تقررر غصب عنك
ادم/ تييي شن دخلني فاااهاااا الباارح اول مرة انشوفهااا لو ماااسعدتها كانت باتت في الشارع
امها/ بتعجب… ح تبات في الشارع ليه
حسبي الله ونعم الوكيل…
بوها/ مد اصبعه… انااا ح خليك تدفع الثمن…????… وطلع كيف الثور
ادم/ بغضب… تي ااامشي *** الزززح…
و صكر وراهم الباب بالقوة ????
اشوية وطلع ادم مشى للمستشفى وبعد روح في الليل لقى الشرطة تستنى فيه اول ماوقف ع باب الشقة قبضت عليه ????
و هيثم خاش للعمارة شاف ادم شديته الشرطة مشى لادم
هيثم/ شن صااير
ادم/ مضايق… والله ماداير حاجة بالله عليك يادكتور جوري ماتخليهاش تعرف
هيثم/ لالا ان شاءالله خير هيا ح انمشي وراك…
وادم ايدخلوا فيه السيارة
ادم/ مافيش داعي اهم حاجه جوري دير بالك منها
هيثم/ لا والله مانخليكش بروحك…
و مشى يسرع ركب سيارته لحق ادم
وفي تحقيق حكى ادم شن قالتله غلا وان هي تبي مساعدة ومايعرفش انها تخطط للهروب وووووو حكى بكل حاجة صارت وقتها وطلع ماعليش اي جرم
وروح مع هيثم للمستشفى
و الى الان مايعرفش هيثم ان ادم زوج جوري مش خوها
…………… ????????????????????????????????
تسريع الاحداث
يامن مزال في السجن بعد رفضوا اهل الشاب الدية و يتنازلوا ع البلاغ صح كان قضاء وقدر بس يامن يتحمل مسؤولية الحادث لان هو الغالط بعد ماوقفش كيف باقي السيارات واهل الشاب امحملينه سبب موت ولدهم وعلى مادار الحاج سليمان ورفعلهم تريس مابوش ايتنازلوا
و الحاج معش عرف شن ايدير كثروا عليه المصايب وقعد بروحه يجري بين الصلح و مراكز الشرطة و يزور في يامن من جهة و معاذ من جهة و معش عنده صحة يمشي للشغل
يناري المسكين نزل وزنه و زاد كبر اعوام من الهم اللي شايله ????
اما اني تعلمت سواقة السيارة و استلمت مكانه وقعدت نجري بين الشغل في المصنع والمزرعة ومانوصل للحوش الا وانا قريب انطيح على وجهي غير تفكيري وحنيني ليامن ???????? اللي مسموح بس انشوفه يوم في الاسبوع
بعد اسبوع
في تونس قبل جلسة المحكمة اعترف المجرم بالقتل و المحامي قدم استناف
باصدار الحكم في اقرب موعد
و ساجدة قلقانه من سافر اسامة ماتصلش عليها الا يوم اللي وصل فيه
ومعش فتح نت وهي راقدة رن تلفونها مكالمة مسنجر ???? خذت التلفون ردت عليه
اسامة/ الووو السلام عليكم
ساجدة/ بزعلة… وعليكم السلام وينك يا اسامة معش كلمتني
اسامة/ معليش والله مافضيت وفي الليل تعرفي مش قاعد بروحي ماعرفتش امتى انكلمك
ساجدة/ باهي شن اخبارك طمني عليك انت وبلال
اسامة /والله كويسين أيام ومروحين ماتشغليش بالك شن حال عمتي غاليه وجوري كيف صحتها
ساجدة / ????… كويسه بخير وجوري عمليتها نجحت والحمد الله اكيدة عندكم علم انت وبلال
اسامة/اها قاللنا سامي الحمد الله على سلامتها ربي ينوضها بخير …
ساجدة/بتنهيدة… ياارب ????????
اسامة /اسمعي
ساجدة/ هممم نعم
اسامة/ صوتك مش عاجبني احكيلي شن في…قاطعاته
ساجدة/بزعله وصوت حزين ????… امتي بتروح مش متحملة غيابك نبي نشوفك …
اسامة/خلاص عاد قلنالك ايام وتفرج ونشوفو بعضنا ع خير…
وقعدت ساكته ????
اسامة /الووو ردي عليا نكلم فيك
ساجدة/شي مافيش شي يا اسامة تمام
اسامة /تعالي هنا ماتشغليش بالي قولي وخلصيني ماعنديش في الدلع متاعك ..
ساجدة /بزعله … اسامة انحبك وتعبت وانت هاملني ❤???? ????
اسامة /بتنهيدة… اااه اه يا ساجدة مش لو انشغلت ماكلمتك معناتها مانبيك حتى اني ياقلبي انحبك و مش متحمل البعد عنك بس ضروف في جرت بعضها الواحد قريب ينسى حتى روحه
ساجدة / قعدت تبكي… ???? خلاص اني معاش عندي صبر امتي نفرحو ببعضنا مليت ???? …
اسامة / ان شاء الله ربي يفرجها هيا توا بنسكر نحكو وقت تاني…
ساجدة/ ليش تتهرب كل مانحكي معك على حياتنا
اسامة/عصب… لا اله الاالله انا مانتهربش خيرررك انتي نبي نصكر لان خووك والراجل جوا ماانبيش نكلمك قدامهم ااالزززح…
ساجدة/اووف اووكي خلاص تصبح على خير…
اسامة/ وانتي بخير…
قعدوا لنهاية الاسبوع موعد الجلسة واصدر الحكم ببرائتهم من الجريمة واسقاط التهمة عليهم وثاني يوم روحوا ليبيا
اول ما وصلوا مشيوا للنيابة واستنوا يفرجوا على الشباب
وكانوا موجودين في الانتظار خوت جهاد والحاج سليمان وسامي وبلال واسامة
و تم الافراج عليهم
في حوش غالية
استقبلاته امه بالاحضان والزغاريط
فرحانة بيه طلع براءة
و حوش عمه اهل اسامة قاعدين عندهم من الصبح ملتمين دايرين عشاء شكرانة بطلوع عبود من السجن ونجاح عملية جوري
بعد ماتعشوا قاعدين ايهدرزوا الرجالة في المربوعة والنساوين داخل وساجدة مع البنات يغسلوا المواعين
ام اسامة/ توشوش لغالية… معش رديتي عليا بموضوع بنت جارتي سألتي سامي
غالية/ لا والله ياوخيتي اتشوفي بعينك
ام اسامة/ راهو شينة معش عرفت شن انقوللهم كان معش تبوها تمشي اتشوف نصيبها
غالية/ لا اني عجبتني و نبيها له توا الليلة نقوله عليها وغدوة انرد عليك وان شاءالله مش ح يقولي لا
ام اسامة/ باهي ان شاءالله من نصيبه والله البنت ماتفوتش
غالية/ امغير اتروح جوري طيبة انطلع عرسه الحمدلله شقته جاهزة ماعندا مايعطله
ام اسامة/ كان ايوفق اسامة انديروه عرس جماعي مش خير
غالية/ ياريت ماعنديش مشكلة احسن مانتعبوا مرتين
ام اسامة/ تمي موضوع سامي و اني الليلة نحكي مع عبدالله ايشوف اسامة
غالية/ ان شاءالله ذكريني البنت كم قلتي موليدها….
في المطبخ
شرين تلفون ساجدة وصلها مسج وهي ملتهية في الغسل
بعد مافتحتش عليه رن تلفون بنت عمها
ايمان/ ايوة اسامة
اسامة/ ساجدة وين ؟
ايمان/ شبحتلها… اهيا قاعدة
اسامة/ قوليلها اترد ع تلفون
ايمان/ باهي… صكرت…
ساجدة/ من
ايمان/ اسامة قالك ردي على تلفونك
ساجدة/ نشفت يدها في حوايجها… ماسمعتش ايرن…
ومشت خذاته من ع الرخامة اتصلت عليه
اسامة/ شن اديري
ساجدة/ كنت نغسل في موعيين
اسامة/ باهي تعالي للسور الخلفي
ساجدة/ توااا؟!
اسامة/ مالا امتى هيا قاعد نستنى فيك ماطولش
ساجدة/ باهي شوية… صكرت منه…
توا انجي يابنات
ايمان/ موعد غرامي ????
ساجدة/ اسكتي و نهاركم اتخشوا داخل قبل مانجي مانبيش ايحسوا بيا
اريج/ باااهي هيا ماتعطلش…
ساجدة/ كويسة هكي…
وعدلت وشاحها و فتحت الكاميرا الامامية تشوف روحها
ايمان/ حلووووة اطلعي بس قبل مايفصل عليك ????????
ساجدة/ حليلي منه ماعنداش من وين تخشي فيه حاصل في روحه????????
اريج/ حي عليك وتقرمي فيه نهارك الاحرف يسمع هههههههه امشي طيري …
طلعت من بالكون المطبخ ونزلت ع سور الخلفي
كان اسامة واقف ايدخن وداير وجه جت ساجدة تنحنحت
ساجدة / احمممم طولت عليك
اسامة/ التفت شبحلها وعزق دخانه… يعني شنجو
ساجدة/ الحمدلله… وشبحت للباب القوراج
اسامة/ قلت لبلال نبي نحكي معك ماتخافش
ساجدة/ اي
اسامة/ في موضوع من فترة نبي نقولك اعليه بس قلت انخليه في وقته
ساجدة/ بستفهام… موضوع شنو
اسامة/ نبي انسافر الاردن عندي دورة ثلاث شهور و اول امس بس جتنا الموافقة من الوزارة
ساجدة/ ????بدهشة… ثلاث شهور! وانا؟
اسامة/ بسرعة مايفوتوا الايام راهو مش هلبا فيه اللي طالع ستة شهور وفي اللي سنة
ساجدة/ بزعلة… وعرسنا اللي كل مالاه ايتاجل راهو خلاااص الناس كلت وجهي حاجتي كلها شريتها مش من توااا ????????
اسامة/ عقد حاحبه… شن دخل الناس هذه حياتنااا نحن وبعدين انا مش ماشي نلعب هذا شغلي وفيه فايدة لياااا
ساجدة/ دمعتها نزلت… وعلاش جاي اتقولي بعد انت مقتنع وناوي اتسافر…
وكشخت بغضب ????
اسامة/ تبيني انسافر من غير مانقولك ولا كيف!…
ساجدة/ بزعلة… ماااتفرقش نعرف ولا عمري ماعرفت…
وجت بتمشي شدها من يدها
اسامة/ بغضب… فكني من جو الزعل وتلوايت الوووجه ???? ماشي في شغل افهمي عااد وكبري عقلك
ساجدة/ ببكاء… ااااكبر من عقلي ماافيه ???? دير رااايك انا مادورنيش نزعل ولا حتى انمووت…
نتشت يدها ومشيت ????????
.
.
في حوش ح سليمان
كنا نستنوا اني و صفية ايروحوا
خش الحاج مع معاذ طارت صفية فرحانة تحضن وتبوس قريب ساعة
و معاذ منهك و وجه ذابل
ح سليمان/ خلاااص سادك خليه ايتنفس لا اله الاالله
صفية/ شدته… ياناري عليك كيف صايف الله لا ايسامحهم ????…
ومشيت بيه بيش ايقعمز
معاذ/ بصوت ضعيف… لا نبي نطلع لغرفتي اندوش
انا/ قربت مديتله يدي… الحمدلله ع سلامتك
معاذ/ بنضرة استفهام لامه… من
صفية/ سلم هذه مرت خوك ربي ايفرج عليه…ودمعتها نزلت
معاذ/ مد يده… الله ايسلمك
معاذ/ مرت يامن!! انتي نفسها وردة
انا/ ابتسمت… اي اني وردة
ح سليمان/ وردة مش بس مرت خوك هذه بنتي واللي ايزعلها ايزعلني اني
صفية و معاذ/????
انا/ تسلم ياعمي ربي ايطولنا في عمرك …
طلع معاذ خش داره دوش وطلع تصطح ع السرير كان ناقص نوم ومرهق هلبا اول دقيقتين داخ رقد…
اما يامن ضاربه الكساد والروتين الممل قاعد على سريره و مستند ع الحيط وسارح مع ذكرياتي معه ????????
بعدين نزل رجليه من ع السرير
يامن/ ياشباب حد عنده كراس وقلم…
ناض واحد جابله قلم وكراس
يامن/ صحيت بارك الله فيك…
وخذا منه ورجع استند ع الحيط وقعد يرسم والبسمة على وجه بعد كمل الرسمة كتب عليها
… وردتي❤… ويشبحلها مبتسم مانزلش عينه وبعدين تسطح وحط راسه ع المخدة والرسمة في يده
يامن/ زعما شن اديري توا…
ونقلب ع جنبه ايشوف للرسمة وكان يامن راسم وردة عاد مش رسام ولا حاجة كل مافي الرسمة وجه وشعر منكوش كيف شعرها ???????? ويامن ايتخايل فاها وردة بيش يبرد نار ????اشواقه???????? بعد تركيز لساعة
يامن/ بتنهيدة… ااااه يا وردة ياريت ماضيعت لحظة معك… ورفع عيونه فوق… يااارب صبرني تعبت ????
واحد من المساجين كان ايصلي امام ومعه ثلاث شباب ايصلوا وراه وفيه كيف يامن مايصلوش اللي مقعمز ايدخن واللي يلعبوا في الكارطة
قعد يامن يسمع في صوت الامام يقراء
* أَيَحْسَبُ الْإِنسَانُ أَن يُتْرَكَ سُدًى* أَلَمْ يَكُن نُطْفَةً مِّن مَّنِيٍّ يُمْنَىٰ * ثُمَّ كَانَ عَلَقَةً فَخَلَقَ فَسَوَّىٰ * فَجَعَلَ مِنْهُ الزَّوْجَيْنِ الذَّكَرَ وَالْأُنثَىٰ* أَلَيْسَ ذَٰلِكَ بِقَادِرٍ عَلَىٰ أَن يُحْيِيَ الْمَوْتَىٰ
في تاثر من الآية وحس بالقشعريرة
وضاق صدره هلبا زاد وجع فوق وجعه
خلى لين كملوا الصلاة ومشى لعنده
يامن/ تقبل الله
الشاب/ منا ومنكم صالح الأعمال ياريت صليت معانا جماعة فاها اجر اضعاف الصلاة المنفردة
يامن/ بضيق… نبي نصلي بس خايف ربي مايتقبلش صلاتي ????
الشاب/ استغفر اللة ليش اتقول هك ربي غفور رحيم
يامن/ تنهد… انا مانصليش و نشرب ووو…سكت نزل راسه
الشاب/ حتى لو دام ما انت ناوي التوبة وتصلي الاوقات الخمسة ربي يتقبلها ان شاءالله
يامن/ بحزن… حتى لو كنت قاتل بالغلط
الشاب/ يعني مش قاصد تقتله ولالا
يامن/ لا والله ماكنت قاصد كنت انسوق ومانتبهتش طالع قدامي ????
الشاب/ الله يرحمه
يامن/ اووف الليل مانرقده والله
الشاب/ امشي توضى و صلي الحمدلله ربي ميسرها وبعد ما ربي يفرج عليك صيم شهرين كفارة هك اينحي عليك تأنيب الضمير
يامن/ بس نطلع مستعد اندير اي حاجة بيش ضميري يرتاح…
وصبى خش ايتوضى
وطلع صلى اول صلاة من بعد اسنين
…………. ????????????????????????????????????
في المانيا
د هيثم/بالبسمة… شنو ياجوري تمشي وتسيبينا
جوري/ حقه يادكتور يعني خلاص انروح لليبيا
هيثم/ لا مزال ليبيا اتروحيلها بعد اتكملي علاجك و المراجعة
جوري/ بخيبة… اخسارة قبل فرحت
هيثم/ ضحك … شكلك امرايفة واجد
جوري/ اي هلبا استحشت امي واختي مانحساب نقعد بعيدة عليهم
هيثم/ ان شاءالله اتشوفيهم ويفرحوا بيك
هيا توا ايجهزوك الممرضات بيش اتروحي مع خوك
جوري/ عقدت حاجبها… لا ماانبيش خليوني هنا احسن
هيثم/ابتسم… حرام عليك اتشحوري خوك في جرتك يا دلوعة
جوري/ بزعلة… اوووف
هيثم/ استغرب… كنك
جوري/ بغضب… شي
هيثم/ رفع حاجبه… شن قلنا ع الزعل
جوري/ بس اني…
قاطعها انفتح الباب وخش ادم مع الدكتور الالماني
قعدوا يحكوا الدكاترة ع العلاج والمراجعة امتى ووووو
وادم واقف يسمعلهم و كل شوي يشبح لجوري اللي لاوية وجهها
طلع الدكتور الالماني وقعد هيثم يعطي في تعليمات لادم
هيثم/ وان شاءالله نقعد نبرم عليها من قريب و انتابع العلاج بدل ماتتعب اتجي هنا وتقعد بس عندها المراجعة الاخيرة بعد اسبوعين
ادم/ تمام اوكي
هيثم/ سلامتها ان شاءالله نستاذن منكم… وشبح لجوري بابتسامة … تمام ياجوري
جوري/ ابتسمت بخبث… ايي تمااام…
وادم طلعوا اعيونه قعد يشبحلهم الزوز
بعد طلع هيثم
ادم/بغضب… هذا شنووو
جوري/ بستعباط… شنو
ادم/ تعرفي لمن تضحكي
جوري/بمكر… اي اكيد
ادم/ قعد يشبحلها… مانبيش انكثر عليك عشان صحتك…
مشى وقف ع روشن يشبح من وراء المرش و يستنى في الممرضات ايخشوا
وجوري حتى هي معش تكلمت وكل حد شد مكانه خشوا الممرضات يبوا ينحوا الك و بالطوا المستشفى
جوري/ Stop please… وشبحت لادم بيش فهمنها
ممرضة/ جت لعنده… Go
ادم/ بشبح لجوري… ok…
وطلع قعد جنب الغرفة لعند ماطلعوا بيها بالكرسي
خذا ادم ايدف فاها لعند السيارة وساعدها تركب وهذا كله وجوري ترفض فيه وترد عليه بتذمر
ركب جنبها ومشيوا للشقة وطول الطريق في صمت لين وصلوا ساعدها تنزل وقعد ايمشي فاها وهي لاوية وجهها بعد خشوا للعمارة شافوا عامل واقف جنب باب الاصنصير و معه اثنين من سكان العمارة واحد فلسطيني واحد سوداني
ادم/ السلام عليكم
ردوا عليه/ وعليك السلام
ادم/ بسؤال… شن فيه؟
الفلسطيني/ الاصنصير عاطل جاي المهندس ايصلح فيه
ادم/ اهااا وان شاءالله بس مش امطول
فلسطيني/ قال نص ساعة و ايصلح
ادم/ اوووف هلبا
السوداني/ اايي مافي الا تطلع ع السلم لو مستعجل
ادم/ هذا هو مش ح نستنوا نص ساعه… وشبحلها… تعالي… و مشيوا للدروج
جوري/ الشقة اما دور
ادم/ الرابع
جوري/ الرااابع لا مانقدرش من توا تعبت
ادم/ ومن قالك تطلعي…
وجاء بيحط يده بيش يرفعها
جوري/بارتباك… شششن اديرررر خلينا نستنوااا الاصنصيررر
ادم/ اسكتي و شدي فيا كويس…
وقامها بين ايديه وجوري خافت اطيح عاد ادم طويل وهي قصيرة وخفيفة قعدت كيف الطفلة بين ايديه و شادة ايديها ع رقبته
ادم/ عجباته القطة… شدي اكثر راك اطيحي…????????
ومشى طالع لفوق فاتوا اول دور
جوري/ وجها احمر باحراج… وووقف شوية
ادم/ لا تمام شدي بس…
وكمل مشي بفرحة وتمنى الشقة ع العاشر وصلوا لدور الرابع ❤
جوري/ خلاااص نزلني
ادم/ نزلك ع الشقة…
ومشى لباب الشقة نزلها ونفسه عالي طلع مفتاح من سرواله وافتح الباب
ادم/ نورتي الحمد لله على السلامة
جوري/ خشت… في حاجة مش فهمتها لتوا
ادم/ خشي ارتاحي في دارك بعدين تفهمي كل حاجة…
جوري/ لا نبي نعرف توا…
ومشيت قعمزت بتعب ع الصالون
ادم/ تنهد وجاء لعندها… مزلتي مريضة مش وقت تزعلي وتضايقي روحك
جوري/ اني مانبيش نعرف عن حياتك القذرة ولا اتبرر اللي درته نبي حاجة وحدة بس ليش انت اللي جيت معاي و بلال وسامي وين كيف خلوني معك وانت مش محرم
ادم/ قعمز جنبها… في حاجات صارت منعتهم ايسافروا معك
جوري/ بقلق… كيف شنو اااحكي
ادم/ ماتخافش كل شي تمام توا و….
قعد يحكيلها على قصة عبود وبعدين زلقت منه تزوجوا بيش يقدر ايسافر بيها
جوري/ اااستنى شن قلت!؟ زواج من؟
ادم/ بحزن… زواجنااا ياجوري انتي توا مراتي و عااارف زعلانة وكرهتني بس انا تغيرت… وتنهد بضيق… اووووف بالله عليك خلاص صكري عليه مش وقتها
جوري/ لاااا مممش مررراتك مستحيل نرضى بالشي هذا فاااهم…
وقعدت تبكي ????
ادم/ بيشد يدها… اااوص ماتبكيش اا…
نتشت يدها
جوري/ بعياط… ماااتلمسنيش..
وصبت مشيت دارها تبكي
وادم نزل راسه بين ايديه مضايق عارف جوري اعطاته فرصة وسامحاته اول مرة ومش ح تسامح اخرى خاصا اللي عرفاته صعب ينغفر و ح يقعد حاجز بينهم ماينتساش
.
. عندنا في ليبيا
الصبح كنا نفطروا
ح سليمان/ امشي نوضي معاذ خليه يمشي لجامعته ساد ماضاع عليه
صفية/ بزعلة… من يوم ماطلع وهو مصكر على روحه و منعزل ع الناس اللي ما كان ايجيه صبر يقعد يوم في الحوش
انا/ اللي صار معه مش شوية بس ضروري يجتاز المحنة
ح سليمان/ هيا خليه ينزل خلاص الوضع هذا لازم ايتغير و الله الله يا صفية ادخلي شفت دلعك وين وصلهم
انا/????
صفية/ بزعلة… وانا شن درت ا… قاطعها
ح سليمان/ بغضب… مادرتي شي امغير نوضي شوفي ولدك…
انا/????
صفية/ لوت وجها..بااهي..ومشيت لفوق
انا/ صبيت… تبي مني شي يا عمي
ح سليمان/ لا صحيتي بارك الله فيك ديري بالك من روحك سلم بنتي
انا/ ابتسمت… ان شاءالله هيا بسلامة… وخذيت شنطتي وطلعت
ح سليمان/ الله يرضى عليك ويرزقك بالذرية الصالحة يااارب…
صفية/ بغضب… الله يسترك نوض شوف بوك فكني من هرايجه
معاذ/بعصبية… اوووو شن يبي ما ااااهو مصكر على روحي لا طلعة لا خشة خلاااص خلووووني في همي
صفية/بتجداي… تررربح ياوليدي بوك صحته مش كيف قبل سايره مسايرة الله غالب خايف عليك ويبي مصلحتك
معاذ/ نفخ بزفير طويل…باااهي شوي وننزل
صفية/ هيا توا سلم ولدي ????
معاذ/ نحى الورغان نتش… اااام نق الزح اهوو نااازل…
ولبس سباطه ونزل حتى وجه ماغسله
جاء لعند الحاج وقف على راسه
معاذ/ بملل… صبااح الخير
ح سليمان/ صباح النور قعمز نبي نحكي معك
معاذ/ جاء قعمز… نعم يا حاج
ح سليمان/ لامتى امسيب قريتك وجامعتك
معاذ/ خلاص بطلت معش بنكمل
ح سليمان/ بغضب… علاااش اتبطل شن مزالك هالسنة وتخرج هيا هيا البس ومشي لجامعتك
معاذ/ بتذمر… مانبيهاش الجامعة مش بااالقوة
ح سليمان/ عقد حاجبه وبحزم… مش بمزاجك اتكمل وتاخذ الشهادتك وبعدين اارقد
معاذ/ بعصبية… كاارها الجامعة والدنيااا كلهااا حتى بعد برائتي مزال يشبحوا فيااا اني القااااااتل ???? كيف تبوا اانتحمل نضرتهم لياااا ????…
و مسكاته العبرة قريب يبكي
وصفية دموعها خط تمسح وترد ينزلوا
ح سليمان/ متاثر… هذا امتحان من ربك
بسم الله الرحمن الرحيم…
وَلَقَدْ نَعْلَمُ أَنَّكَ يَضِيقُ صَدْرُكَ بِمَا يَقُولُونَ * فَسَبِّحْ بِحَمْدِ رَبِّكَ وَكُن مِّنَ السَّاجِدِينَ * وَاعْبُدْ رَبَّكَ حَتَّى يَأْتِيَكَ الْيَقِينُ…
و معاذ عيونه جمعوا دموع ونزلت دمعة حارة
ح سليمان/ لو بتقعد خايف اتواجه الناس عمرها ما تمشي حياتك و لان ربي ايحبك كتبلك هكي عشان ايكون درس ليك وأتوب من المعاصي
معاذ/ بوجع… تبت والله تبت و نادم ????
.
.
في الليل خشيت داري و لقيت حنين رانة عليا جيت عاودتلها
حنين/ خيرات وينك
انا/ توا بس شفت تلفوني شنجوك
حنين/ الحمدلله بخير انتي كيفك وكيف حال يامن مافيش اخبار جديدة
انا/ لا مافيش مزال بوه للشاب مصكر راسه
حنين/ باهي لو يتحكم كم ح يقعد في الحبس
انا/ ????♀️ مانعرفش اصلا وين المحاكم عندنا تي ايشيب في الحبس كان نستنوا المحاكم
حنين/ اي صح معك حق ربي ايفرج عليه
انا/بوجع… امين اااه ياربي جو الحوش شين و دار مضلمة من غيره????
حنين/ تضحك????… اوووباااا ااامتى تعودتي عليه وانتي ماصارلك يومن عنده لين خش الحبس????
انا/ خزي عليك شن قصدك ???? حي زعما ايفكر ان اني وجههي شؤوم عليه
حنين/ هههههه وهل في ذالك شك ????
انا/ ههههههه خطرتي عليا اول يوم شبحته فيه ????….
وتلفوني جاه شعار مسج ع الوتس والرقم مش غريب
انا/ حنونة استني توا انرد عليك
حنين/ شن في
انا/ شوية بس…
وصكرت منها وخشيت ع المسج ????
وكان من ???? و مكتوب فيه????
يتبع..
لقراءة الفصل التالي : اضغط هنا
لقراءة باقي حلقات الرواية اضغط على : (رواية الوقوع في الحب)