رواية أحبني متمرد الحلقة الرابعة عشر 14 بقلم رنا

 رواية أحبني متمرد الحلقة الرابعة عشر 14 بقلم رنا 

رواية أحبني متمرد الحلقة الرابعة عشر 14 بقلم رنا

رواية أحبني متمرد الحلقة الرابعة عشر 14 بقلم رنا 

*سليم وعمر كانو بيتخانقو * 

سليم بعصبيه  وهو ماسكه من رقبته وبيخنقه: هقتلك 

*عمر زق سليم بعيد وكان في علي الترابيزه سكينه وعمر راح خدها وكان بيقرب من سليم واتخانقو وعمر ضربه ف جمبه *

سليم بوجع: اااه يبن ال….

* عمر كان لسه بيقرب منه بس سليم طلع المسدس ال كان معاه وضرب رصاصه جت ف رجله ووقع علي الارض *

طارق دخل بسرعه واول ماشاف سليم ف الارض راحله: سليم فيه اي!!! ايه ده اي الدم ده 

سليم: متخافش انا كويس 

طارق بخوف: كويس ازاي انا سمعت صوت ضرب نار 

* كانو ببتكلمو وعمر مسك السكينه وكان بيقرب منهم براحه وهو بيزحف بسبب الرصاصه *

سليم شافه وبعد طارق وضربه برجله ورمه السكينه بعيد: لسه محرمتش يابن….

*طارق اتصل بالبوليس علي طول *

طارق: اهدي ياسليم وقولي اي ال حصلك ومسدس مين ده 

سليم: بتاعي كنت عارف انه وسخ وممكن يعمل حاجه 

طارق: وعورك ازاي 

سليم: ضربني بالسكينه ف جمبي وانا عشان اعطل حركته ضربته ف رجله مع اني كان نفسي تيجي ف دماغه وتخلصني منه بس متقلقش انا كويس 

* البوليس وصل وخدو عمر وخدو اقوالهم وقالولو انه ضربه دفاع عن النفس وانه متهم في محاوله قتل مراد *

طارق نزل وهو وسليم ف العربيه: تعال اوديك المستشفي قبل مايجرالك حاجه 

سليم بتعب: لا لا انا كويس روحني بس البيت وهخلي زينه تلفهولي وخلاص 

طارق: انت بتقول ايه هو معورك بمبرد دي سكينه ياسليم وممكن يحصلك حاجه كده 

سليم: خلاص ياطارق انا كويس كفايه مراد واللي فيه..مش عايز اقلق نور اكتر من كده..هي فيها ال مكفيها..اسمع كلامي ووصلني البيت بس 

طارق: عارفك عنيد ومش هتريحني 

_______________________

*امنيه دخلت مع نور *

نور: اتفضل عصير فريش اهو الدكتور سمحلك 

مراد بعصبيه وهو بيبص ل امنيه: اكيد ده الدكتور قمر اوي 

نور ضحكت: بتقول ايه 

مراد: مفيش.. بقولك يانور انا بقيت كويس صدقيني لازم تروحي تغيري هدومك دي وترتاحي شويه 

نور: يامراد انا مش مضايقه…انا عايزه افضل جمبك 

مراد: يانور بطلي عِند بقي وروحي وريحيني 

نور بابتسامه: طيب انا هروح بس اغير هدومي واجيلك علي طول…هتيجي يا امنيه!!

مراد بتريقه: والدكتور هيقول لمين اني كويس او محتاج حاجه 

امنيه بصتله بعصبيه: يلا يانور 

مراد: يبقي احسن بردو…مكنتيش جيتي 

امنيه بدموع وهي متعصبه: انا فعلا كنت غلطانه اني جيت هنا عشان اطمن عليك مش عارفه ليه كنت قلقانه وهموت من القلق وانت…… عن اذنكم 

نور: ايه يامراد الكلام ده.. انت مشوفتهاش كانت عامله ازاي وانت ف العمليات انا مش عارفه ايه ال بينكو تخليها تعمل كده واي ال بينكو بردو تخليك تزعقلها كده!!

مراد قعد ساكت وكان بيفكر ف كلام نور واد ايه طلع غبي عشان اتعصب علي امنيه *

نور: انا هروح الحقها وهجيلك تاني..مع السلامه 

_________________________

زينه بخوف: سليم!! مالك ايه ال حصل؟

سليم: متخافيش يازينه حاجه بسيطه 

زينه: حاجه بسيطه ايه بس.. اي الدم ده 

طارق: كنا عند عمر واتخانقو وعمر ضربه بالسكينه ف جمبه ومش عايز يروح المستشفى 

زينه: طيب اقعد بسرعه انضفهالك 

سليم قعد: طيب بسرعه قبل مانور تيجي..مش عايزها تشوفني كده 

زينه: سليم انت غبي!! الجرح عميق ولازم دكتور متخصص..

سليم ضحك بتعب: انا غبي!!

زينه بجديه: يا سليم اسمعني بجد لازم تروح المستشفى 

سليم: زينه قولت خلاص مش عايز.. خلصي اعملي ال تعرفيه 

* زينه متكلمتش لانها عارفه ان سليم عنيد ومش هيسمع كلامها *

زينه: طيب انا خلصت لازم تطلع ترتاح خالص وانا هعملك حاجه تاكلها تعوض الدم ال نزل منك ده 

سليم: لا انا رايح ل مراد الدكتور قال انه ممكن يخرج 

طارق: خليك انت وانا هروح اجيبه 

سليم بابتسامه: ماشي.. انا هطلع اغير هدومي 

زينه: اجي اساعدك!!

سليم ضحك: لا مش للدرجادي 

زينه بزعل: يحبيبي مفهاش حاجه لو ساعدتك انت تعبان.. متكابرش ياسليم 

سليم قرب منها وحضنها: ربنا يخليكي ليا يحببتي بس صدقيني انا كويس وهقدر اغير لوحدي 

زينه: ماشي ولو حسيت بتعب قولي علي طول 

سليم ابتسم: اكيد يادكتوره 

_____________________

نور بابتسامه: جدو عامل ايه 

زينه: كويس طلع اوضته يرتاح وعمي بيغير هدومه وقال هيروح ل مراد..بس طارق رايح يجيبه 

امنيه: طيب عن اذنكم هطلع اغير هدومي 

نور: طيب طارق جه هنا وراح يجيب مراد.. وسليم فين!!

زينه بتوتر: هو كويس…

نور: في ايه يازينه…بقولك هو فين 

زينه: في اوضته نايم شويه 

نور بابتسامه: اوك 

* نور دخلت علي طول من غير ماتخبط ولاقته كان نايم فعلاً وقربت منه بهدوء وقعدت جمبه *

نور بابتسامه: مش عارفه ليه بيحصلنا كده وكل مانقرب خطوه تحصل حاجه..بس خلاص انت بقيت جوزي ومش هسمحلك تبعد عني… ههه مش عارفه انا بقول الكلام ده ازاي مش مصدقه انك جمبي… مش مصدقه اني كرهتك ف يوم لمجرد انك قريبي..بس خلاص زي ماقولتلك مفيش حاجه هتبعدني عنك تاني…

*نور قربت من وشه وطبعت بوسه هاديه علي خده *

سليم كان صاحي وسامعها وكان عايز يسمعها وفضل ساكت لحد ماخصلت ولما قربت وباسته مقدرش يسكت اكتر من كده وقرب منها بسرعه وخد بوسه من شفايفها وحضنها كتييير *

نور بصدمه بعد ماقدرت تبعد عنه: سليم!!

سليم حضنها تاني بهدوء: ششش متبعديش عني تاني 

نور بابتسامه وكانت بتحضنه وحطت ايدها مكان الجرح غصب عنها *

سليم بتعب لما لمسته: ااه 

نور بعدت عنه بسرعه: في ايه ياسليم 

سليم بابتسامه: مفيش ياحببتي انا كويس 

نور: لا في حاجه!! جمبك ماله 

*.شدت الغطا ال كان عليه ورفعت التيشيرت بسرعه ولقته لافف جمبه *

نور بصدمه: ايه ده ياسليم!؟ ايه ال حصل؟

سليم بابتسامه: مفيش يانور عادي اتعورت 

نور: اتعورت من ايه!! اه صح انت كنت فين اصلا…سليم عشان خاطري قولي الحقيقه 

سليم: طيب تعالي ف حضني وهقولك كل حاجه 

نور: ياسليم يلا بقي متقلقنيش عليك 

سليم بابتسامه: طيب طيب اهدي… مش عايزك تعرفي حاجه كل ال عايزك تعرفيه ان عمر مش هيتعرضلك تاني ابدا ومش عايزك تخافي من حاجه 

نور: عمر!! انت قابلته؟ هو ال عمل فيك كده 

سليم: واحنا كنا بنتخانق اتعورت عادي…اصابه عمل هههه 

نور: انت بتهزر!!

سليم حضنها تاني: ياحببتي متخافيش انا زي القرد قدامك اهو 

نور بابتسامه: ربنا يخليك ليا ياسليم انت لو جرالك حاجه انا هموت فيها 

سليم: بعد الشر عليكي…اه صح مراد عامل ايه 

نور: كويس تلاقيه تحت دلوقتي…انا هروح اغير هدومي واجيلك 

* كانت ماشيه وشافت مراد رايح اوضته وسندته ودخلت معاه *

نور: حمدلله علي السلامة 

مراد بابتسامه: الله يسلمك 

نور: طيب ارتاح انت دلوقتي وهجيلك بعدين 

مراد: نور!!

نور: نعم!!

مراد بتوتر: هي امنيه فين!

نور: تقريبا ف اوضتها…في حاجه!! 

مراد: لا لا مفيش 

نور بابتسامه: انت بتحبها!!

مراد: ايه!! احبها ايه؟! لأ طبعا 

نور: وليه بقي امنيه حلوه وذكيه و…

مراد بسرعه: وايه!!

نور ضحكت: وحاسه كده انها كمان بتحبك 

مراد: بجد!! عرفتي منين 

نور ضحكت: ههه باين فعلا انك مش بتحبها 

مراد: اكيد مش هحبها بالسرعه دي 

نور: خلاص ياعم متزعلش مبتحبهاش… معجب بيها مرتحالها!!

مراد: انتي عايزه توصلي ل ايه يابت انتي 

نور: عايزاك تعترف 

مراد: قولتلك لأ بس انا عايز اعتذرلها علي طريقتي ومش عارف المفروض اعمل ايه 

نور: اممم عندي فكره…ايه رأيك تجيبلها ورد وتحطه ف اوضتها من غير ماتعرف 

مراد بابتسامه: فكره حلوه….انا هطلب اجيب ورد دلوقتي وانتي لما تلاقيها بره الاوضه بتاعتها قوليلي 

نور بابتسامه: اوك 

*نور دخلت غيرت هدومها وراحت تشوف امنيه ولقتها مش ف اوضتها وراحت لمراد تقوله *

نور: امنيه تحت هنزل اعطلها لما تحطه وتطلع علي طول 

مراد بابتسامه: اوك 

نور: حلو اوي الورد اكيد هيعجبها 

مراد: يلا بسرعه انزلي قبل ماتطلع 

نور ضحكت: ههه طيب 

* نور نزلت تشوفها وكانت واقفه ف المطبخ بتعمل نسكافيه*

نور قربت منها ولسه بتكلمها لقت النسكافيه وقع عليها*

امنيه: اووه..مش تحاسبي يانور 

نور: سوري يا امنيه مخدتش بالي 

امنيه: اوك..انا هطلع اغير هدومي 

نور بسرعه: بس

امنيه: ايه!!

نور: مفيش روحي غيري 

* امنيه طلعت تغير هدومها وكان عمر لسه بيحطه وكان طالع من الاوضه بس سمع صوت امنيه وهي بتفتح الباب ودخل الحمام ال ف الاوضه بسرعه *

امنيه قلعت هدومها بسرعه عشان النسكافيه كان سخن ودخلت الحمام تاخد شاور: اخد شاور بسرعه واورح اشوف الزفت مراد ده…..

يتبع..

لقراءة الحلقة الخامسة عشر : اضغط هنا

لقراءة باقي حلقات الرواية : اضغط هنا

نرشح لك أيضاً رواية عريس من ديزني للكاتبة ندى حمدي.