رواية أحبني متمرد الحلقة الحادية والعشرون 21 بقلم رنا

رواية أحبني متمرد الحلقة الحادية والعشرون 21 بقلم رنا 

رواية أحبني متمرد الحلقة الحادية والعشرون 21 بقلم رنا

رواية أحبني متمرد الحلقة الحادية والعشرون 21 بقلم رنا 

معتز: نور!! اي الصدفه دي!! 

نور بصت لسليم وكانت عايزه تضايقه: معتز!! بتعمل ايه هنا 

معتز بابتسامه: مفيش بقضي كام يوم كده وانتي!! 

سليم حط ايده علي كتف نور: اي مش تعرفيني!! 

نور بعدت عن سليم ووقفت جمب معتز وبصت ل سليم بتحدي: ده معتز مديري في الشركه ال اشتغلت فيها 

سليم مسك ايدها بعصبيه: طيب عن اذنك 

نور بتريقه: لاا معتز استني 

سليم بعد عن معتز شويه ووقفها قدامه بعصبيه: ممكن افهم مين ده وازاي تكلميه قدامي كده 

نور ببرود: قولتلك ده معتز 

سليم بعصبيه: نوررر!!…. نور متخلنيش اعلي صوتي…

نور: نعم!! بقولك مديري في الشغل وشوفته بالصدفه وسلمت عليه مفهاش حاجه يعني

سليم: طيب اعملي حسابك اول مانرجع مفيش شغل 

نور بعصبيه: مش بمزاجك…وانا هشتغل بإرادتك او غصب عنك

سليم: طيب يانور لو شاطره انزلي الشغل ده…

نور بعصبيه: اوك ياسليم… هروح افطر وخد بالك انت بقيت تتدخل وانا سيباك براحتك مع اننا متكلمناش ف موضوعك بس لازم تعرف ان الموضوع مش هيخلص كده بخناقنا وهنرجع عادي..لا ياسليم انت خبيت عليا حاجات كتير وانا مش مسمحاك… سامع!! مس مسمحاك 

سليم مسكها من ايدها: طيب لازم تسمعيني وبعدها احكمي!! هو انتي ايه اي حد ييجي يقولك حاجه تصدقيه!!

نور: لا ياسليم انا اتأكد الاول وسألتك وانت مأنكرتش يبقي متجيش تلومني علي كدبك عليا 

سليم: طيب يانور انا غلطان اني خبيت عليكي…وعرفتي نص الحقيقه لازم تعرفي الحقيقه كامله…موت اروي انا مليش ذنب فيه…

نور بدموع: خلاص يا ياسليم اتجوزتها وماتت! انت بقي ال موتها حد تاني متفرقش 

سليم بعصبيه: هو اي ال متفرقش!! المفروض تكوني واثقه فيا اكتر من كده 

نور ضحكت واتكلمت بعصبيه ودموع سوا: ثقه!! يعني ايه ثقه؟! انت دمرتلي ثقتي فيك وف نفسي… تخيل معايا كده يوم فرحي اللي هو المفروض احلي ايام حياتي اكتشف ان جوزي كان متجوز ومراته ميته مقتوله وياعالم مين قتلها!! اعرف ان جوزي الشخص الوحيد ال حبيته متجوز بالصدفه!!! وتقولي اثق فيك؟!

سليم بعصبيه: خلاص يانور انا اسف اني حاولت اتكلم معاكي اسف اني خبيت عليكي واسف اني اتجوزتك!! عاوزه تطلقي!! اوك ورقتك هتوصلك اول ماننزل….عن اذنك 

نور وقفت بصدمه وهي بتعيط: خاين!؟ غشاش…وكمان عايز تتطلقني 

معتز قرب منها: نور انتي كويسه!! انا كنت جاي اطمن عليكي الاستاذ ال معاكي ده شدك بعصبيه ولقيته بيزعقلك ف قولت اجي اطمن!! في ايه!

نور مسحت دموعها: مفيش حاجه…عن اذنك 

معتز مسك ايدها بسرعه: استني بس…

*نور سحبت ايدها ووقفت تسمعه *

معتز: سوري مش قصدى…. طيب انتي شكلك تعبانه تحبي نقعد نشرب حاجه 

نور: اوك…

معتز: طلبتلك لمون عشان  تهدي…

*نور ابتسمت وسكتت *

معتز: اممم ممكن نكون صحاب..يعني احنا دلوقتي بره الشركه ومفهاش حاجه لو اتكلمنا…عندك مانع نكون صحاب

نور: لا خالص 

معتز بابتسامه: كويس..هاا قوليلي بقي مين ال كان بيزعقلك ده 

نور: ده سليم جو….

نانسي شافتهم قاعدين وراحتلهم: بقي انا بدور عليك ف الفندق كله وانتي قاعد هنا 

معتز بزهق: نانسي!! دي نور معايا ف الشركه 

نور: طيب عن اذنك 

نانسي قعدت مكانها بعصبيه: سايبني لوحدي وجاي تقعد هنا مع السكر دي 

معتز بزهق: عايزه ايه يانانسي مش فايقلك 

نانسي بعصبيه: وفايق ليها هي!! لا يامعتز اهدي كده ياحبيبي انا ممكن اروح اقولها انت جاي هنا ليه!! اعتقد انها مش هتبص ف وشك تاني 

معتز بعصبيه: ناانسي!! متنساش نفسك ومتنسيش انا مين وممكن اعمل ايه

نانسي: لاا يابيبي شكلك انت ال ناسي انا مين!! متنساش يامعتز انه لولا مساعدتي واني وصيت عليك عن جوزي مكنتش بقيت معتز ال قاعد  قدامي دلوقتي…. بس مش مشكله هسامحك علي ال قولته ومش بس كده انا كمان هساعدك توصل للقمر ال كنت قاعد معاها 

*معتز بصلها بقرف وهي كملت * 

نانسي: متبصش كده ياميزو انا عارفه انك عايزها وانا ممكن اساعدك بس بشرط 

معتز: انا مشوفتش ف وساختك 

نانسي: مش اوسخ منك ياروحي… هاا عايزاني اساعدك بشرطي ولا لأ 

معتز: هتساعدني ازاي…وشرط اي 

نانسي: هساعدك ازاي دي سيبها ليا احنا ستات زي بعض وانا هعرف اجيبهالك شرطي هو انك تبقي ليا انهارده ليا انا وبس 

معتز بقرف: موافق…

نانسي بدلع: طيب يلااا 

_______________________

* نور طلعت ولقت سليم قاعد قدام التلفزيون وباين عليه انه متعصب *

نور قعدت ببرود واتصلت بوالدها *

نور بابتسامه: باباا…وحشتني اوي 

مدحت بابتسامه اكبر: حبيبتي وانتي كمان وحشتني اوي اوي…عامله ايه وسليم عامل اي 

نور بحزن: احنا كويسين…المهم انت طمني عليك 

مدحت: انا كويس ياحببتي طول مانتي كويسه..فين سليم عايز اسلم عليه 

نور: حاضر ثواني 

نور قعدت جمبه بزهق: بابا عايز يكلمك 

سليم اخد منها التلفون ببرود: ازيك ياعمي 

مدحت: الحمدلله يابني…كنت عايز اطمن عليك وعلي نور….مش حاسس انها كويسه 

سليم بيحاول يهزر عشان مدحت ميلاحظش: لا ياعمي متقلقش احنا كويسين ونور كويسه تلاقيها بتتدلع بس ههه 

مدحت: خلي بالك منها ياسليم نور طايشه ومتسرعه بس صدقني مفيش اطيب منها 

سليم بابتسامه : عارف ياعمي ومتقلقش هي ف عنيا 

مدحت: ربنا يخليك يابني… طيب خلو بالكو من نفسكو…سلام

* سليم قفل معاه وقعد يقلب ف صور نور *

نور بعصبيه: هو محدش قالك قبل كده انه لازم تستأذن قبل ماتقلب ف حاجه مش بتاعتك 

سليم ببرود: لا عارف بس ده تلفونك يحببتي يعني عادي 

* سليم كان بيقلب ف صورها وكانت متصوره سيلفي بحركات مجنونه وقعد يضحك *

نور شدت التلفون بعصبيه: بتتضحك علي ايه!! شايفني اراجوز قدامك 

سليم: ااه بالظبط 

نور بعصبيه: انت قليل الادب علي فكره 

*سليم بصلها بعصبيه وعو بيقرب منها وهي بتبعد لحد ماوقعت علي السرير *

سليم وهو بيقرب منها: كنتي بتقولي اي بقي 

نور بخوف:سليم لو قربت مني صوت وهلم عليك الفندق 

سليم بعد عنها وهو بيضحك: بجد!! وهتقوليلهم ايه!! الحقوني جوزي بيقرب مني 

نور: لا هقولهم واحد قليل الادب بيقرب مني 

“سليم بصلها بعصبيه وهو بيقرب منها *

نور بخوف لما قرب: سلييم.!! هتعمل ايه 

سليم كان بيقرب منها ومد ايده وهي غمضت عنها وبعدها فتحت لما محستش بيه *

سليم وهو بياخد الفوطه ال كانت جمبها: انا داخل اخد شاور وانتي اطلبيلي اكل عشان مفطرتش 

نور بتريقه: اطلبيلي اكل عشان مفطرتش نينيني 

سليم سمعها وضحك: نووور 

نور طلعت بسرعه: طييب!!

* سليم خلص واكتشف انه نسي يجيب هدوم او حتي بُرنس حمام 

سليم: نوور هاتيلي هدوم 

نور ببرود: اطلع هات لنفسك 

سليم: اخلصي يانور هاتي البُرنس حتي 

نور: مش جايبه حاجه بقولك 

سليم بعصبيه: نوور!!

نور بزهق: طييب!! اوف 

نور جابتله هدوم وخبطت عشان يفتح: اتفضل الهدو….اااه 

سليم شدها وسندها علي الحيطه بعصبيه: كنتي بتقولي ايه بقي!! اطلع اجيب بنفسي هاا 

نور بتوتر: سليم!! ابعد عني 

*سليم فتح الدش فوقها *

نور بعصبيه: سلييم بهدلتني!! لسه مغيره هدومي 

سليم وهو بيقرب منها: هاا مقولتيش كنتي بتقولي اي 

نور بخوف: مش بقول حاجه ابعد عنيي 

سليم شالها بسرعه: ابعد عنك تاني!!!

نور: سلييم نزلنيي 

سليم: اوك هنزلك بس بشرط 

نور وهي ماسكه فيه بخوف: شرط ايه 

سليم وهو بيقرب منها: تبوسيني 

نور بصتله بصدمه وبدأت تضربه علي كتفه: انت قليل الادب نزلني…نزلني 

*سليم قرب منها بسرعه وباسها وهي بدأت توقف الضرب وحضنته *

سليم نزلها براحه وهو بيهمس ف ودنها: كنتي حلوه تحت المايه 

نور بكسوف: سليم اطلع بره 

سليم لبس هدومه وطلع وهو بيضحك: متتأخريش 

* سليم جابلها هدوم وطلعت وكلو سوا *

سليم وهو داخل ينام: ااه مش قادر هموت وانام 

نور بسرعه: رايح فين!! احنا اتفقنا مش هتنام جمبي 

سليم بزهق: نور متشلنيش عايز انام بقولك 

نور دخلت الاوضه وشويه وطلعت: اتفضل مخده اهي وممكن تنام علي الكنبه تصبح علي خير 

*سليم شدها وهي ماشيه وشالها *

نور بعصبيه: سليم نزلني 

سليم دخل الاوضه وقفل الباب برجله وحطها علي السرير ونام جمبها: تصبحي علي خير ياحبيبتي 

نور: انا مش هنام جمبك…انا هطلع انام بره 

سليم بعصبيه مصطنعه: نوور لو منمتيش وانتي ساكته يبقي متزعليش من ال هعمله 

نور بتحدي: هتعمل ايه يعني 

*سليم بص علي جسمها وهي فهمت وحطت ايدها علي جسمها *

نور بكسوف: انت قليل الادب 

سليم بابتسامه: يبقي تنامي وانتي ساكته 

*نور نامت جمبه بعصبيه وسليم نام وهو مبتسم *

________________________________

*نور صحيت ولقت سليم بيلبس هدومه *

نور بصوت نايم: رايح فين بدري كده 

سليم بابتسامه: صباح الخير الاول…وبعدين مش بدري ولا حاجه احنا الضهر 

نور اتعدلت: ورايح فين!!

سليم قعد جمبها بابتسامه: رايح اقابل واحد صاحبي محتاجني في شغل ضروري هو هنا  ف فندق جمبنا ساعتين تلاته وهكون هنا مش هتأخر 

نور: اممم اوك 

سليم: طيب خلي بالك من نفسك ولو احتاجتي حاجه اتصلي بيا علي طول… بااي 

نور بابتسامه: باي 

_______________________

معتز: انا شوفت ال معاها ده خارج من الفندق تقريبا ماشي!! يعني الموضوع بقي سهل 

نانسي: هو مين ده 

معتز بزهق: مش عارف ومش عايز اعرف المهم دلوقتي روحي شوفي هتعملي اي 

نانسي بغيره وعصبيه: اشمعنا البنت دي!!

معتز: مش عارف اول ماشوفتها وهي مجنناني…وقولت مفهاش حاجه 

نانسي: ماشي ال انت عايزو…هروح اشوفها 

معتز ابتسم بخبث: خلاص يانور هتوقعي تحت ايدي!!…….

يتبع..

لقراءة الحلقة الثانية والعشرون : اضغط هنا

لقراءة باقي حلقات الرواية : اضغط هنا

نرشح لك أيضاً رواية عريس من ديزني للكاتبة ندى حمدي.