رواية ملتزمة تزوجت من رجل أعمال الحلقة العاشرة 10 بقلم جهاد سعيد
رواية ملتزمة تزوجت من رجل أعمال الحلقة العاشرة 10 بقلم جهاد سعيد
 |
| رواية ملتزمة تزوجت من رجل أعمال الحلقة العاشرة 10 بقلم جهاد سعيد |
رواية ملتزمة تزوجت من رجل أعمال الحلقة العاشرة 10 بقلم جهاد سعيد
استيقظت خديجه من النوم.
خديجه. الحمد لله الذي احياني بعد مااماتني واليه النشور. وقامت. خديجه. اتوضت. وصلت ركعتي الضحي. اجرها عظيم عند الله. وراحت تشوف ايه اللي وراها من شغل البيت. وطبعا الترتيبات. اللي بتتعمل لعريس الغفله.
خديجه بزهق. كفايه بقا. كل ده عشان عريس. امال لوكانو دسته. كنتو عملتو ايه.
ام خديجه. هو اي حد. ده ابن ناس. وحاجه كده. الله اكبر عليه.
خديجه. هو حد كان قايلك. انو مش ابن ناس.
ام خديجه بفرحه. لا ده باين عليه من عيله مبسوطه وحاجه تشرف كده.
خديجه بضحك. طب كويس هتجوز في عيله بتضحك علي طول. بدل النكد اللي عايشه فيه. هبقي جهاد مجاهد. بضحك بسرعه. هيهيههي
ام خديجه بضحك. ههههههه بجد انتي حكايه. مش عارفه هتعجبيه. ولا هياخد جزمته. وينقذ نفسه من المصيبه. اللي كان هيبتلي بيها
خديجه بمزاح. ده انا قمر. اول مااشوفو. هقله مادام انكشفت عليك هتتجووني يعني هتتجوزني.
ام خديجه. وهو طبعا. هيخاف وهيتجوزك
خديجه بغرور. طبعا. لاما احطله سم فران.
ام خديجه بصدمه. اييه ربنا يهديكي يابنتي يارب وتعجبي الراجل. خليني افرح بقا
خديجه بجديه. ايه ياامي انا لسه في التعليم. ولما نصيبي هييجي. مفيش كلام بس الواحد يحسن اختياره عشان مندمشي بعدين ويكون سبب ضياع ديني
ام خديجه بحزن . الناس كلت وشي ياخديجه. هي بنتك هتتجوز. بعد اللي عملاه في نفسها وكلام يسم البدن وانا مبقتشي قادرة استحمل كلام الناس اكتر من كده. انتي شايفه البنات هنا بتتجوز علي 14و15سنه وعايشين اهم. اما انتي داخله علي 23سنه. يعني كل ماتكبري فرصتك في الجواز هتقل.
خديجه بجديه. ياامي. الجواز قسمه ونصيب. وهو رزق. ومستحيل حد يموت من غير مايستكمل رزقه ولا تقولي نقاب ولاحجاب. وبعدين كلام الناس مبيخلصشي. وهما مش هيدخلو القبر. يتحاسبو معايه. الناس اللي بتتكلم وبتقول ايه اللي هي عملاه في نفسها ده. مش هيدخلو معايه القبر ويجاوبو مكاني. علي سؤال الملكين اهم حاجه رضي ربنا وانا متاكده اني ربنا مش هيضيعني. ابدا.
ام خديجه. ونعم بالله. ربنا يجعله زوج صالح ليكي.
خديجه بابتسامه. ربنا يختار ليا اللي في الصالح ياامي.
ام خديجه. طب يلا البسي عشان هو خلاص. قرب يوصل.
خديجه. بتبص علي نفسها. طب ماانا لابسه اهو.
ام خديجه بصدمه. هتطلعي ليه بالعبايه السمرا برده.
خديجه بجديه ايوه طبعا لازم يشوف طبيعة لبسي. عشان في شباب مبيحبوش البنات اللي متشددين قوي في لبسهم عشان نبقي واضحين من دلوقتي ميجيش بعد الجواز ويقول. ايه اللي عملاه في نفسك ده
ام خديجه. بس دي رؤيه شرعيه. يعني ينفع يشوفك. بلبس الوان عادي ومن غير النقاب
خديجه عارفه ياامي الكلام ده. بس انا معرفشي هو مين. ولا هوافق عليه ولا لا. وبعد كده بأذن الله هرفع النقاب. واخليه يشوفني
ام خديجه بحنق من بنتها. لانها محبكاها جامد من وجهة نظرها. اللي شيفاه صح اعمليه انا تعبت معاكي
خديجه بابتسامه ادعيلي انتي بس. وربنا هيجبر بخاطرك.
ام خديجه برجاء ربنا يكرمك يابنتي ويفرح قلبي بيكي وانتي عروسه
خديجه اللهم امين.
وصل عريس الغفله. قصدي. العريس اللي هيخطب خديجه. وهو طبعا باسم باشا.
باسم باحترام. اتشرفت بمعرفتك ياعمي.
ابو خديجه. ده شرف لينا احنا ياابني.
باسم بجديه. شكرا
عبدالرحمن اخو خديجه. اصغر منها بتلت سنين. (في سن اخويه. البارد )
عبدالرحمن. بيهمس. لباسم. انت هتتعصر اسئله النهارده. اختي بتحضر ليك ورقه من امبارح. مذاكر ولا هتاخد صفر وهتكسفنا
باسم بذهول. بيتكلم بصوت واطي. هو انا داخل امتحان.
عبدالرحمن. ده افظع من امتحان الثانويه العامه. تحس انها. فيثاغورث قدامك.
باسم. ليه كده يعني.
ابو خديجه. بتقولو ايه.
باسم بجديه. لا ياعمي. مفيش حاجه. ممكن حضرتك تنادي الانسه خديجه. عشان مستعجل
ابوخديجه. لسه بدري يابني.حاضر هنادي عليها. روح ياعبدالرحمن نادي اختك من جوه.
عبدالرحمن. حاضر يابابا. دخل عبدالرحمن. تعالي ياختي. عشان تقابلي العريس. انا مش عارف. تاعب نفسه وجاي ليكي علي ايه. يعني الواد حليوه وباين عليه ابن ناس كفايه العربيه اللي ركبها. يسيب بنات مصر كلهم ويجي ليكي انتي.
خديجه بغيظ. وانت مالك انت متغاظ ليه. غيران مني بعني عشان احسن منك مثلا. هو انت تطول. تتجوز واحده زي.
عبدالرحمن. الحمد لله انك اختي ياخديجه.
خديجه بغرور ، ليه.
عبدالرحمن. عشان مقعشي فيكي
خديجه. بغيظ. يامتخلف. بقي انتي خايف تتجوز واحده زي.
عبدالرحمن. ده حتي ضميري صحي. وحاولت اطفش الراجل. خايف عليه وبعدين رجعت في كلامي. قلت. عايز اخلص. من البلوه. مليش دعوه حد قالو ييجي. .
عند باسم. كل شويه يبص في ساعته. اول مره ينتظر حد. عايز يقوم يتخانق ويسيب المكان ويمشي. بس. هيخسر. التحدي قدام ابوه. ده اللي بيحاول يقنع بيه نفسه.
نرجع للغتت عبدالرحمن.
عبدالرحمن وهو بيخبط علي دماغه. ياااه نسيت اقلك. تعالي يلا. عشان بابا عايزك.
خديجه بغرور مستفز. طب امشي ورايا
عبدالرحمن بغيظ. يكشي تقعي علي وشك وانتي مش شايفه قدامك.
خديجه مش هرد عليك عشان انا. طيوبه
عبدالرحمن بقرف. انتي عفريته. اي حاجه غير طيوبه دي
خديجه بطل بقا. تحبط قدراتي وقلي شكلي حلو.
عبدالرحمن الرحمن. قمر ياناس. ورفع ايده لسماء. سامحني يارب علي الكذبه دي
خديجه بتخبطه علي دراعو طب يلا يابارد. مش لاقيه غيرك واخد رايك.
دخلت خديجه المطبخ.
خديجه بحنق. هو لازم ياماما ادخل شايله. العصير
ام خديجه. ايوه. طبعا. هي دي العادات
خديجه بزهق. يخربيت دي عاده.
ام خديجه شيلي يااخرة صبري. ويلا بقا
خديجه بتوتر. حاضر.
دخلت خديجه وعنيها في الارض.
خديجه السلام عليكم
كلهم وعليكم السلام ورحمة الله
باسم رد السلام بصوت واطي. هي مركزتش من شدة خوفها وتوترها. ولسه برده مرفعتشي عنيها
ابو خديجه تعالي يااحمد انت وعبد الرحمن. نتكلم في الصاله. ونسيبهم يتعرفو علي بعض.
خديجه رفعت راسها لباباها.
عبدالرحمن متخافيش ياحبيبتي احنا هنقعد قصادكو بس. عشان تاخدو راحتكو في الكلام.
خديجه في نفسها. الله علي الاحترام. ياااه. لو يفضل يحترمني كده.
عبدالرحمن. بيهمس في ودنها وهو طالع. اي خدمه. اديني بحترمك اهو بس لمايمشي هسلم علي قفاكي لاني وحشني الضرب عليه الصراحه
خديجه بتلقائيه حطت ايديها علي قفاها وكزت علي سنانها بغيظ تحت النقاب. وباسم عمال يحاول يسمع. اخوها بيقول ليها ايه في ودنها معرفشي. بس حس بشعور غريب. لما اخوها قرب منها. اتغاظ منه.
باسم. احم. اذيك ياخديجه
خديجه بصدمه. عرفته من صوته. انت.
باسم بجديه. ايوه انا. ايه رايك بقا في المفجأه دي.
خديجه. مفجأه متفرحشي الصراحه.
باسم بحده. قصدك ايه.
خديجه بحده. في كلامها. قصدي اني لو اعرف اني حضرتك العريس. مكنتش هوافق. اني ارضي اقابلك. اصلا
باسم بغيظ. وليه بقا. انتي اصلا كنتي تحلمي انك ترتبطي بواحد زي
خديجه باستفزاز. عندك حق.
باسم ابتسم بغرور.
خديجه بجديه. لاني متمناش اني اسمي يربط جنب اسمك
باسم بعصبيه. انتي عارفه انا مين. وازاي تتكلمي معايه كده
خديجه بجديه. واحد مغرور. بص ملوش لازمه الكلام انا عارفه. اني يجوز الكلام. في الرؤيه الشرعيه بس ده لو فعلا بفكر اني ممكن ارتبط بيك. عشان. كده.
ياريت حضرتك تعمل فيا معروف. بعد ماتروح من هنا تتصل علي بابا وتقول ليه. كل شئ قسمه ونصيب.
باسم. في نفسه. ده فعلا زي مابابا قال. هترفض.
باسم بغيظ ولو قلت لا وهتجوزك يعني هتجوزك. برضاكي. غصب عنك هتجوزك. وده اللي عندي.
خديجه بغيظ. من اسلوبه. غصب عن مين يااخينا. بقلك. مش عايزه اتجوزك هو بالعافيه. وبعظين سبت بنات مصر كلها. وملقتشي غيري. روح يااخينا دور علي حد غير
باسم بذهول. اخينا. بصي بقا. انا قلت ليكي. اعملي حسابك انا مش هتجوزك عشان سواد عيونك. لا انتي مجرد. حاجه جديده. والمصيبه. اني اهلي طالعين بيكي السما. قلت اخلص من الزن بتاعهم شويه
خديجه باستغراب. اهلك. ووهما يعرفوني منين
باسم. ياسمين تبقي اختي.
خديجه بصدمه. اختك. يامحاسن اللي بتغني.
طب ياسمين مقالتشي ليا خالص علي رغم انها مكلماني الصبح
باسم بجديه. انا منبه علي الكل محدش يقلك. خليها مفجأة
خديجه بحنق. ومفجأه. استغفر الله العظيم الصراحه.
باسم بغيظ. انا مش مستعد اتكلم معاكي اكتر من كده. انتي بني ادمه مستفزه.
خديجه بفرحه. طب الحمد لله. يلا بقا هقوم انا. وانت كلم اهلي وزي ماقلت ليك. انا مرتحتش معاها وكل شئ قسمه ونصيب
باسم. اتفضلي يلا
خديجه فرحانه. انها هتتخلص منه. ولكن انصدمت. الحلقه اللي جايه بأذن الله هنعرف ايه اللي صدم خديجه وبرده هنعرف هي مني مختفيه ليه. وايه سبب اختفائها.
يتبع..
لقراءة الحلقة الحادية عشر : اضغط هنا
لقراءة باقي حلقات الرواية : اضغط هنا
نرشح لك أيضاً رواية أسيرت قلبي للكاتبة فاطمة العربي.