رواية عشقت ميمونة الفصل الرابع عشر 14 بقلم هاجر محمد

نهضت ميمونه علي ركبتيها بغضب ظلت تتأمل مالك بنظرات ناريه دون أن تتكلم

مالك يترقب :- مالك ساكته ليه … طب قولي أي حاجه

ميمونه بغضب :- انت عارف اللي أنا هقوله.. وقولته من الأول بس لا الدكتور مالك صاحب الأخلاق الكريمه ما كانش ينفع يعتذر عن عمل خير  وكمان ما كلفتش نفسك تحكي لي غير لما سألتك بعد ما شوفت الصور

ضغط مالك علي شفتيه بشده  محاولا أن يهدئ نفسه و:- ميمونه ركزي في كلامك شويه انا ما ينفعش تتكلمي معايا كده

ميمونه بسخريه :- أومال اتكلم إزاي.. اقولك شاطر يامالك جزاك الله خير روح كمل ياحبيبي

نهض مالك أمامها بعصبيه و:- لا مش عايزك تقولي كده عايز أفكرك إن ساعتها جيت عندك وكنت نفسي اتكلم معاكي بس كانت حالتك ما تسمحش اكتفيت إني .. إني ابقي بين ايديكي وبس

نظرت اليه ميمونه بشرود وهي تتذكر هذا وبعد لحظات و:-  لما رجعت تعبان كان علشان كده

هز مالك رأسه و:- أيوه كان ساعتها

أمسكت ميمونه وجهه بندم و:- أنا اسفه.. ما كانش قصدي أعلي صوتي.. ب بس بس انا بحبك وبغير عليك وماليش غيرك في الدنيا دي

امسك مالك كفيها وقبلهم واحده وراء الأخرى و:- عارف.. وإنتي نور حياتي كلها.. وأنا مش هروح المركز تاني زي ما وعدتك2

ابتسمت ميمونه بسعاده و:- بجد يامالك يعني هتسيب المركز خالص

مالك :- هسيب المركز خالص.. ينفع نقفل بقي علي موضوع المركز ده ونركز فيكي إنتي

ميمونه :- فيا أنا!! ليه؟؟1

التف مالك حولها وحاوطها بذراعيه و:- هو مش فيكي بالظبط يعني.. هو في امرتي اللي سكنة جوه هنا

ميمونه :- قصدك أميري!! أنا بتمني من ربنا يكون ولد

مالك :- الاتنين نعمه من ربنا… ولكن البنات حاجه تانيه دول المؤنسات الغليات دول اللي يدخلونا الجنه

ميمونه :- ولو ولد صالح هيبقي سند ليك في الدنيا ويدخلك الجنه في الاخره

مالك :- ربنا يرزقنا بالذريه وأيا كان ولد أو بنت ما يهمنيش غير انه منك إنتي

ضمته ميمونه بسعاده و:- ربنا يخليك ليا وما يحرمنيش أبدا…. بعد فتره رفعت رأسها إليه و:- بس  هتعمل ايه مع الزفته همسه دي

أراح مالك رأسها علي صدره و:- اللهم إني صااااااااائم إحنا في رمضان

ميمونه :- يعني برده ما قولت ليش هتعمل إيه؟؟؟

ابعدها مالك عنه و:- تصدقي أنا غلطان إني جيت لك.. سلام عليكم

أمسكته ميمونه من ذراعه و:- انت رايح فيين

مالك :- ياصبر أيوب… نازل أقول لعمي متولي إني مش رايح المركز تاني ممماااشي.

ابتسمت له ميمونه و:- بجد!!!   ماشي جدا جدا جدا

تأمل مالك ابتسامتها باشتياق وقرب رأسها منه مقبلا جبينها و:- وحشتني ضحكتك أوي بتنور لي دنيتي.. اتسعت ابتسامتها أكثر  فتنفس مالك بشده و:- أنا لازم انزل إحنا في نهار رمضان كده حرام

:٪:٪:٪:٪:٪٪٪٪٪٪٪:٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪

في منزل أمينه أخذت سجود معاها إلى البيت بعد إلحاح منها  وجلسوا سويا

أمينه :- منوراني والله ياحبيبة قلبي

سجود بخجل :- شكراً ياطنط ربنا يخليكي

ربتت امينه علي ظهرها و:-  اللهم صلي علي النبي زي القمر

سجود بابتسامه مجامله و:- عيون حضرتك اللي جميله وبتشوف كل حاجه حلوه

حركت أمينه يدها على ظهرها و:- بس مش شايفه إنك رفيعه شويه.. إيه ما بتاكليش ولا إيه2

سجود :- لا باكل الحمد لله كتير كمان.. بس يعني ده كده جسم ميثالي مناسب مع طولي يعني

امينه  :- مثالي إيه وبتاع إيه إحنا زمان كنا في سنك كده كنتي تلاقي الواحده مننا الدراع فيها قدك مش زي سلاكة السنان كده

عشقت ميمونه. هاجر محمد. حبيبة

رفعت سجود حاجبيها بدهشه ة:- سلاكة سنان.. همسة لنفسها بصوت منخفض و:- اممم ده شكل شغل الحموات هبتدي

أمينه :- بتقولي حاجه ياحبيبتي؟!

سجود :- هااا ل لالا أبدا ياطنط أنا بقول لازم أمشي علشان اتأخرت

أمينه :- مستعجله ليه إحنا لسه قعدنا

نهضة سجود و:- مره تانيه ان شاء الله بعد إذن حضرتك

أوصلتها أمينه إلى الخارج  ورحلت سجود.. امام البيت تقابلت مع صهيب يدخل من باب البيت متكأ علي شابيين ويبدو أنه مصاب ركضت ناحيته :- باش مهندس صهيب انت كويس

صهيب بتعب :- الحمد لله ما تقلقيش حاجه بسيطه

سجود بدموع :- بسيطه إزاي ده بايظ علي الآخر

صهيب :- الحمد لله  إني بايظ بس

توجه به الشباب الي الداخل وسبقتهم سجود سريعاً… فتحت أمينه الباب وقبل أن تتلفظ انصدمت من هيئة صهيب ضربت علي صدرها بخوف و:- حبيبي يابني.. مالك إيه اللي عمل فيك كده

عشقت ميمونه. هاجر محمد. حبيبة

أحد الشابين :- ما تخافيش ياحاجه هو كويس بس ممكن تورينا الاوضه بتاعته

أشارت أمينه لهم إلى أعلى وهي تبكي  وصعدت خلفهم

:٪:٪:٪:٪:٪٪٪٪٪٪٪:٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪

في عطارة الحاج متولي دلف مالك وبعد السلام وحوارات عديده أخبره بأنه سيترك مركز التحفيظ

الحاج متولي :- ليه يابني ده أهل الحي كلهم بيدعولك والأولاد بتحبك

مالك بأسف :- معليشي ياعم متولي المسؤوليات كترت وما فيش وقت .. وعقبال ما تفرح بالانسه همسه ميمونه حامل ومحتاجه إني أفضل جانبها

إبتسم الحاج متولي وهلل بفرحه و:- وساكت قول من بادري خلينا نفرق شربات علي الحاره ياواد ياعبده ياواد ياعبده

اتي إليه الصبي سريعاً و:- أيوه ياحاج

مالك باعتراض :- ما فيش داعي ياحاج إن شاء الله لما تقوم بالسلامه ندبح عجل ونعزم الحي كله بس دلوقتي

قاطعه الحاج متولي و:- ده اعمله انت إنما اللي اعمله أنا ما لكش دعوه بيه ده مولود مالك الغالي ابن الغالي

عبده بفرحه :- الدكتوره ميمونه حامل.. مبروك يادكتور

مالك :- الله يبارك فيك عقبال ما نفرح بشهادتك إن شاء الله

عشقت ميمونه. هاجر محمد. حبيبة

الحاج متولي بحده :- انت لسه واقف روح خلي الحاجه فاطمه تعمل فول نابت.. وانت وزع تمر وعصير علي الناس في الفطار ما تخليش واحد يعدي مع أذان المغرب غير لما ياخد تمر وعصير يالا يا واد بسرعه

ركض عبده يحمل شوال من حبات الفول من العطاره وصعد بها إلى الحاجه فاطمه التي فتحت له الباب  و:- إيه ده ياعبده

وضع عبده الشوال في الأرض وهو يلتقط أنفاسه بسرعه و:-  الحاج باعت الفول ده علشان يتنبت ويوزعه علي أهل الحي.

فاطمه بتساؤل :- ليه؟؟؟

عبده :- الدكتوره ميمونه مرات الدكتور مالك حامل

ابتسمة فاطمه بسعاده و:- الدكتوره ميمونه ربنا يتمم لها على خير ويرزقها بالخلف الصالح

عبده :- اللهم امين.. سلام أنا بقي علشان الحق اخلص اللي الحاج قالي عليه.

فاطمه :- مع السلامة.. دخلت فاطمه فوجدت همسه واقفه والصدمه تحتل ملامحها.. اقتربت منها فاطمه وعلي شفتيها إبتسامه تشفي و:- ميمونه حامل عقبالك

ضربت همسه الأرض بقدمها بغل وركضت إلى غرفتها واغلقت الباب في وجه أمها التي ضربت كفا على آخر بتحسر و:- ربنا يهديكي يابنتي ربنا يهديكي علشان خاطر ابوكي بس

:٪:٪:٪:٪:٪٪٪٪٪٪٪:٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪

في محل العطار عاد عبده مره اخرى وهو يركض و:- يادكتور مالك يادكتور مالك الحق الحق بسرعه

نهض مالك سريعاً بقلق و:- مالك فيه ايه

عشقت ميمونه. هاجر محمد. حبيبة

الحاج متولي :- فيه ياواد ياعبده داخل مصروع كده ليه

عبده وهو يلهث ويلتقط أنفاسه بسرعه و:- ا ا البش مهندس صهيب في اتنين مسندينه وشكله عامل حادث كبيره

مالك بخوف :- صهيب أخويا أنا

عبده بتأكيد :- أيوه هو

ركض مالك سريعاً ناحية بيتهم ولحق به الحاج متولي  .. صعد مالك إلى أعلى وبالفعل وجد صهيب ممدا علي الفراش

مالك بلهفه :-  صهيب مالك ياحبيبي انت كويس؟؟ إيه اللي عمل فيك كده؟؟

أحد أصدقاء صهيب :-  حضرتك اكيد الدكتور مالك أخوه الكبير؟؟

التفت مالك إليه و:- أيوه أنا. إيه اللي حصل له انتم كنتم معاه صح

_أيوه كنا معاه. كنا في الموقع.. وفي لوح خشب وقع عليه من علي ارتفاع عالي بس الحمد لله جت سليمه

نظر مالك إلى صهيب النائم وأثار التعب باديه على وجهه و:- الحمد لله.. واقترب من راسه وقبلها … ثم نظر إليهم مره أخرى و:- هي فين ماما؟؟

_ تعبت شويه لما شافت صهيب وكان في آنسه هنا اخدتها اوضه تانيه

مالك بامتنان :- أنا متشكر جدا ليكم  على تعبكم مع صهيب

رد أحدهم بابتسامه و:- ما فيش داعي صهيب أخونا  وأنا فرحان جدا إني شوفت حضرتك صهيب مش بيتكلم غير عليك.. ومد يده يصافحه و:- أنا عمر.. بادله مالك المصافحه و:- أهلا وسهلا

عشقت ميمونه. هاجر محمد. حبيبة

مد الاخر يده و:- وأنا حازم  كان نفسي أعرف حضرتك من زمان بس ياريت كانت ظروف افضل من كده

مالك :- شرفتونا وأنا اللي فرحان جدا بمعرفتكم .. اعملوا حسابكم بقي تفطروا معانا النهارده

حازم :- معلشي يادكتور اعذرني أنا ما اقدرش أفطر بره واسيب أختي لوحدها   فاعفيني أنا

مالك :- المره دي علشاني أنا تنازل ي

قاطعه حازم وهو ينهض و:- صدقني  غصب عني ما ينفعش إن شاء الله مره تانيه

نهض عمر هو الاخر و:-  وأنا كمان ما فيش حد يعرف وهيقلقوا عليه مره تانيه

*رحل الإثنين  واتجه مالك ناحية غرفة والدته  وطرق الباب.. فتحت سجود له الباب و:- دكتور مالك حضرتك هنا

مالك بصوت منخفض :- أيوه ماما عامله إيه1

سجود :- كويسه هي بس داخت شويه ودلوقتي نايمه 

مالك :- الحمد لله.. ممكن تروحي تجيبي ميمونه علشان مش هقدر أسيب صهيب.

حركت سجود رأسها و:- أيوه اكيد..  ه ه هو صهيب ك كويس

ابتسم مالك ببساطه و:- هو متخرشم جامد بس  هيبقي كويس ما تقلقيش

بادلته سجود الابتسامه وغادرت إلى بيت ميمونه……

:٪:٪:٪:٪:٪٪٪٪٪٪٪:٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪

في غرفة همسه ظلت تجوب الغرفه ذهابا وايابا وهي تضرب بهاتفها علي كف يدها  حتي رن الهاتف فردت في الحال و:- الو… بقالي ساعة يتصل

_كان عندي شغل.. فيه أي جديد؟؟؟

عشقت ميمونه. هاجر محمد. حبيبة

همسه :- أيوه ما فيش أي تأثير للصور وكمان ميمونه حامل يعني تمسكهم ببعض بقي أقوي

صدر صوت عالي من الطرف الآخر و:- بتقولي إيه حامل!!!

همسه :- أيوه حامل… هعمل إيه دلوقتي؟؟.1

صمت الطرف الآخر لفتره و:- أنا هقولك تعملي إيه………………..

سمعت همسه منه خطته بفاه مفتوح و:- لا طبعا إيه اللي بتقوله ده أنا كده هفضح نفسي

_مش لوحدك صاحب الصون والعفاف معاكي وكمان هتوصلي للي إنتي عاوزاه مش عايزه براحتك وشوفي لك حد غيري يساعدك

همسه باستسلام :- ماشي خلاص موافقه اعمل اللي انت عاوزه..

ابتسم الطرف الآخر بنصر و:- كده نكمل مع بعض1

:٪:٪:٪:٪:٪٪٪٪٪٪٪:٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪

بعد أذان المغرب أجلس مالك صهيب علي مائدة الإفطار

_ااااه….. ليه سيبتيها تمشي ياماما كانت فطرت معانا

لكزه مالك بخفه و:- اتقل شويه ياعمنا

صهيب :- اتقل إيه ياعم هو أنا بقولك خد لي ميعاد غرامي معاها

مالك :- خف انت بس وأنا هخد لك ميعاد من أبوها لكتب الكتاب علي طول

فز صهيب من مكانه بعدم تصديق و:- بجد يامالك آآآآآه… قول والله العظيم

آمينه :- حبيبي إيه اللي تعبك

صهيب :- أنا كويس ياماما بس قولي لي الكلام اللي مالك بيقولوا ده بجد

أمينه :- آه ياحبيبي بجد أنا ومالك اتكلمنا في الموضوع ده  وهو هيكلم البش مهندس عثمان بس تقوم انت بالسلامه.

مالك :- ماما هي ميمونه فين؟؟؟

تذكرت أمينه ميمونه التي صعدت إلي غرفة مالك قبل آذان المغرب بفتره و:- طلعت قبل المغرب بشويه قالت لي انها تعبانه شويه وهتنام فوق

نهض مالك سريعاً بقلق و:- تعبانه عندها إيه؟؟؟

قوست امينه فمها باستهجان و:- ما تخافش عليها أوي كده  هي أول واحده تحمل ولا إيه.

اندهش مالك من طريقة أمه الغريبه و:- لا ياماما علشان صايمه ومن المفروض تفطر بعد إذنك هطلع أشوفها1

تابع صهيب مالك حتي اختفي من نظره ثم نظر إلى أمه و:- في إيه ياماما إنتي قالبه علي ميمونه بقي لك فتره ليه

عشقت ميمونه. هاجر محمد. حبيبة

عبث وجه أمينه وبدأت في الأكل و:- وأنا هقلب عليها ليه  افطر انت علشان تطلع ترتاح

صهيب :- لأ ياماما فيه حاجه أنا ملاحظ ده من فتره

تجمعت الدموع في عين امينه و:- اخوك بقي ناسيني خالص وما بقاش يهمه حاجه في الدنيا غير ميمونه.. أنا بحب ميمونه وهي بنتي وربنا الاعلم بس هي خدت مالك مني وانت كمان بكره تتجوز وتاخدك مني وابقي لوحدي

امسك صهيب بيدها و:- لا ياست الكل ما حدش فينا يقدر ينساكي أبدا   بس ظروف موت طنط حليمه الله يرحمها هي اللي خلت مالك يفضل مع ميمونه كده

أمينه :- الله يرحمها… أنا هقوم أجيب لك العلاج بتاعك

:٪:٪:٪:٪:٪٪٪٪٪٪٪:٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪

صعد مالك إلى غرفته  فوجد ميمونه متكوره في فراشه وتشهق بشده من كثرة جلس مالك خلفها ومسد علي كتفها وقبله و:- ليه العياط ده دلوقتي

_ابتعدت عنه ميمونه و:- انزل كمل فطارك وسيبني شويه لو سمحت عاوزه أفضل لوحدي

اقترب مالك منها مره أخرى وأدارها ناحيته و:- وهو أنا أقدر أفطر من غيرك وعايز أعرف ليه العياط ده دلوقتي

رفعت ميمونه نظرها إليه وعينيها ممتلئه بالدموع و:- راجع من صلاة المغرب بقي لك أد إيه؟؟

مالك :- من ربع ساعة

تأملته ميمونه بنظره لائمه و:- ولسه فاكر تسأل علي ميمونه ماما حليمه كانت أول حاجه تفكر فيها ميمونه وخلاص هي راحت وما فيش حد هيسأل في ميمونه تاني

رفع مالك رأسها وساعدها لتجلس أمامه و:- ليه الكلام ده ياميمونه!! إنتي دنيتي كلها يمكن اتأخرت شويه بس والله كنت بنزل صهيب لأنه أصر يفطر معانا تحت وأنا أسف إني اتأخرت ينفع تسامحيني الغلط اللي مش مقصود ده؟؟؟

مسحت ميمونه دموعها بظهر يدها و :- ماشي هسامحك المره دي علشان خاطر صهيب.. ب بس بس المره اللي جايا مش هنكلمك إحنا الاتنين

عشقت ميمونه. هاجر محمد. حبيبة

قضب مالك حاحبيه بعدم فهم. وضعت ميمونه يدها على بطنها فتدارك غايتها . ضحك وضمها إلى صدره و :- لااااااا وأنا ما أقدرش خلاص توبه

٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪

في صباح يوم جديد وصل مالك إلى المستشفى ليجد الجميع يتطلع إليه بنظرات غريبه لم يهتم واكمل يومه طبيعيا.. وفي المساء عاد إلى البيت وأثناء مروره من الحاره كان نفس الشيء الجميع ينظر إليه من بعيد  والهمهمات عاليه.. وما أن اقترب من البيت حتى رأي عبده يركض ناحيته و:- يادكتور يادكتور

التفت إليه مالك بتربص و:- فيه إيه ياعبده

عبده بوجه مكفهر :- تعالي كلم الحاج ضروري

مالك :- حاضر هطلع الشنط اللي معايا واطمن علي ميمونه وأنزله علي طول

عبده :- لأ.. الحاج قالي أول ما أشوفك أناديك علي طول

وضع مالك الأكياس التي كانت معه مره أخرى في السياره و ذهب معه إلى عطارة الحاج متولي ليجده متكأ علي عصاه ورأسه للارض

مالك بصوت منخفض :-  إزيك ياحاج متولي..

رفع متولي رأسه إليه و:- أنا!! زي ما انت شايف حالي مقلوب.. وعرضي مكشوف والحاره كلها بتتفرج عليه

لم يفهم مالك كلامه ولكن فكر سريعا في تلك الصور التي رأها مع ميمونه ولكنه ادعي الجهل و:- مش فاهم قصدك ياحاج!!

تنفس الحاج متولي بقوه و:- ليه سبت مركز التحفيظ يادكتور

مالك :- علشان ما عنديش وقت له.. وزي ما قولت لحضرتك قبل كده ميمونه محتجاني جنبها

رفع متولي جهاز إلكتروني في وجهه و:- لأ مش علشان كده انت سيبت المركز علشان ده

لم يصدر من مالك أي ردت فعل وظل محافظا علي هدوئه و:- مالها دي

نهض متولي بغضب و:- أنا اللي عايز اعرف إيه

مالك بنفس الهدوء :- واحده تعبت وطبيب بأدي مهنته وبيكشف عليها علشان ده واجبه

متولي :- بتكشف عليها!!

مالك :- أيوه ياحاج متولي وتاني يوم وأنا صليت مع حضرتك في الجامع سألتك الانسه همسه عامله ايه لو تفتكر

جلس متولي مره اخري بتعب و:- مش فاكر حاجه غير ان بنتي بقت سيرتها علي كل لسان ومش هعرف أرفع راسي تاني وسط الناس الصور بقت في ايد كل واحد وبنتي سيرتها بقت لبانه على لسان اللي يسوي واللي ما يسواش

لاحظ مالك تعبه فنهض إليه سريعا و:- ده سوء تفاهم وتقدر تتأكد من الانسه همسه هتقولك نفس الكلام

عشقت ميمونه. هاجر محمد. حبيبة

صمت متولي وبدأ يأخذ نفسه بصعوبه غير عاديه و:-  ه ه ه

فتح مالك أزرار ردائه بسرعه و:- عبده تعالي بسرعه انقل معايا الحاج متولي

٠.٠.٠.٠.٠.٠.٠.٠.٠٠.٠.٠.٠.٠.٠.٠.٠.٠٠.٠.٠.٠.٠.٠.٠.٠.٠٠.٠.٠.٠.٠

في بيت الحاج متولي  فحصه مالك واعطي له الدواء اللازم

كانت فاطمه تتابعهم من بعيد وهي تبكي   اتجه مالك إليها و:- ماتقلقيش ياحاجه فاطمه ان شاء الله عمي متولي هيبقي كويس

فاطمه ببكاء :- انت اللي تقدر تساعده يامالك  عارفه انك ما غلطش بس ابوس إيدك يابني ساعده وانحنت علي يده تقبلها

سحبها مالك سريعاً و:- العفو ياحاجه إيه اللي بتعمليه ده أنا لو اقدر اساعده بروحي مش هتاخر عمي متولي ده أبويا

فاطمه :- يعني هتساعده

مالك :- مش فاهم اساعده إزاي أنا عملت اللي اقدر عليه

صممت فاطمه قليلاً و :- اتجوز همسه بنتي.. علي الورق بس تقطع السنة الناس اللي بتنهش في عرض عمك متولي    وتخليه يرفع راسه وسط اهل الحاره من تاني

جف حلق مالك من هول ما وقع على مسامعه و:- أ اتجوز م مين؟؟

ضربت فاطمه علي صدرها بخفه ضربات سريعه وهي تترجاه و:- ع علشان خاطر العيش والملح والعشره اللي بينا علشان خاطر الراجل ده متولي هيروح فيها    وابقي طلقها بعدين

استداري مالك بحده و:- أسف ياحاجه ما أقدرش ما اقدرش أعمل كده   ما أقدرش أربط إسمي بإسم واحده غير ميمونه .. صدقيني غصب عني بعد إذنك.

جلست فاطمه علي الارض وامسكت قدميه برجاء ولكنه افلتها منه بحذر و:- سامحيني ياحاجه فاطمه مش هقدر أنا أسف.. وتركها ورحل

٠.٠.٠.٠.٠.٠.٠.٠.٠٠.٠.٠.٠.٠.٠.٠.٠.٠٠.٠.٠.٠.٠.٠.٠.٠.٠٠.٠.٠.٠.٠.٠.٠.٠.٠

عاد مالك إلى البيت وهو يفكر في  عائلة الحاج متولي وعقله  يعيد التفكير في مطلبها  وهل سيسامح نفسه إذا أصابه مكروه. فاق من شروده علي صوت ميمونه وهي تجلس بجواره و:- في حاجه مضيقاك

مالك بابتسامه باهته و:- لا ما فيش حاجه شوية صداع بس

جلست ميمونه وتربعت و:- حط راسك هنا وأشارة علي قدمها

اعتدل مالك ووضع رأسه علي قدمها فشعر بيدها تتخل خصلات شعرها وهي تتدلكه بنعومه جعلته يسترخي بعض الشئ

انحنت ميمونه بعد فتره وقبلت جبهته و:- بقيت أحسن دلوقتي.

أمسك مالك بيدها وقبل ظهرها وباطنها و:- تسلم إيدك احسن بكتير

ميمونه :- بس عينك بتقول ان فيه حاجه  مضيقاك

مالك :- وعيني ما قالتش ليكي إيه الحاجه دي؟؟

عشقت ميمونه. هاجر محمد. حبيبة

ميمونه :-  يعني فيه حاجه بجد؟؟

اعتدل مالك وجلس أمامها وأمسك بكف يديها و:- ميمونه إنتي عارفه انا بحبك قد إيه  مش بحبك بس إنتي بالنسبه لي النفس اللي بتنفسه وقلبي البي بيدق وكل حاجه حلوه في حياتي

ميمونه بريبه :- ليه المقدمات دي كلها؟؟؟؟

صمت مالك قليلاً وبدأ قلبه يدق كالطبول  أغمض عينيه وضغط على يدها بقوه و:- ميمونه أنا هتجوز!!!

يتبع…..