رواية الميكانيكي الفصل التاسع 9 بقلم روفيده هاني

اسيل لسه هتضرب معتز ويوسف لقت مازن واقف وعينه حمره ومبرقلها وعوج ايدها انا سكتلك كتير المره دي آخر مره هسامحك فيها يا اسيل علي الله اشوفك بتمدي ايدك عليهم تاني فدامهم الف فازه وزعق وقال ادخلي علي اوضتك 

ووطي علي معتز ويوسف وقلهم معلش ياحبيبي متزعلوش وطلع شيكولاته وعطاهلم يلا حضن كبير لخالو وحضنو وراضا اخته واتأسفلها وعطاها اكل جاهز وقلها معلش هتقل عليكي حضرلنا الأكل ده

عبير: ليه يابني اكل جاهز تاني 

مازن: مش عايز اتعبك ياأمي مفيهاش حاجه يعني 

عبير: ربنا يخليك ليا يا حبيبي 

مازن سبهم يحضرو الأكل ودخل لأسيل لقاها قاعده بتاكل في ضوافرها شدها من علي السرير قومي اقفي كده 

فضلت قاعده موقفتش شدها من ايدها مش قولتلك اقفي 

اسيل: هاا عايز اي 

وفجأه نزل علي وشها قلم خماسي 

مازن: مكنتش عايز اخد معاكي التصرف ده بس انتي اصرتيني علي كده احترمي نفسك معايا ومع اهلي يأما هاخد تصرف معاكي مش هبعجبك 

وخرج وسابها 

فضلت في الأوضه تعيط 

هو طلع هايدي كانت حضرت الاكل 

عبير: اسيل مش هتاكل 

مازن: لاء احنا هناكل سيبك منها 

عبير: طيب يابني 

واكلو واختو مشيت هيا واولادها وعبير نامت مازن دخل الأوضه لقاها قاعده ماسكه الفون معطهاش اهتمام غير هدومه ونام 

وهيا بتبصله بغيز 

تاني يوم 

احمد ومازن في الورشه 

مازن واحمد بيتكلمو مع بعض 

احمد: مالك يامازن مش مبسوط 

مازن: مش عارف يا احمد مش مبسوط 

احمد: محبش يطول عليه عشان عارف ان البيوت ليها اسراء 

مازن: ودعاء عامله اي في الحمل عرفت ولد ولا بنت

احمد: اه الحمد لله كانت عند ياسمين امبارح قرت فتحتها وخطوبتها آخر الأسبوع 

مازن: اضايق بس مش لاقي سبب ورد علي احمد قله مبروك 

وحبه وياسمين جت كانت لبسه فستان كشمير كت وتحتي شيميز اسود وطرحه مشجره وكانت قمر بمعني الكلمه مازن سرح في جمالها شويه 

وفاق علي احمد وهو بيقول اي ياعروسه مبروك عشان هتتخطبي هتحلوي علينا يامعفنه 

ياسمين: بس ياعم اقعد ساكت 

مازن: مبروك يا ياسمين 

ياسمين بوجع قلب: الله يبارك فيك هستناك انت وطنط عبير ان شاء الله يوم الخميس 

مازن: ان شاء الله مبروك مره تانيه ومشيت 

مازن سرح في طيفها وقعد يخلص شغل هو ومازن 

وجي يوم الخميس علي ابطالنا اللي الأحداث فيه هتبقي كتير جدا 

عند ياسمين 

دعاء جتلها الصبح قومي ياعروسه 

ياسمين: اممم مازن عايزه انام شويه

دعاء : يلهوي قومي يازفته مازن مين 

ياسمين: اتخضت وقامت مازن مازن فين 

دعاء: اي اللي مازن فين ياختي مازن مع مراته هاا خليكي فاكره النهارده كتب كتابك كمان احمد العريس 

كلم ابوكي امبارح وانتي نايمه يكون كتب الكتاب مع الشبكه  كمان عشان تعرفو تخرجو مع بعض وانتم بتجيبو الشبكه والعفش عادي 

ياسمين: اتنرفوت محدش اخد رأي ليه انا مش موافقه بقي وشالت الغطا وقامت خرجت بابا بابا قلها تعالي يا ياسمين انا في البلكونه 

بابا مأخدتش رأي ليه الأول انا مش مستعده اني اكتب الكتاب دلوقتي 

والدها: قفل المصحف اللي بيقراء فيه ، يابنتي اي اللي يمنع هو وشاريكي وانتي ووافقتي عليه بنفسك محدش جبرك صح ولا غلط 

ياسمين: صح يابابا بس انا مش مستعده 

والدها: حاضر يابنتي انا ميهمنيش غير رضاكي انا هكلمه لما اشوفه اجهزي عشان تنزلو انتي ودعاء وامك تنقوا الشبكه 

ياسمين: باست ايده حاضر يابابا 

ودخلت أوضتها قفلت علي نفسها ورمت نفسها علي السرير وقعدت تعيط بوجع قلب ازاي هتجوز واحد غيره وهيا بتتمني اليوم اللي هيتكب كتابهم فيه وتبقي مراته وتبقي حرم مازن حبيب طفولتها بس هو مش شايفها غير اخت ياااه علي وجع القلب 

ومبطلتش عياط واختها خبطت مسحت وشها وقامت اختها شافتها عرفت ان هيا كانت بتعيط دخلت وقفلت الباب اخدتها وقعدتها علي السرير 

ياحبيبتي هو لو كان خير ليكي كان هيبقي ليكي دي حاجه بأراده ربنا 

ياسمين: بس قلبي وجعني اوي مش متخيله نفسي مع حد غيره والله 

دعاء: اخدتها في حضنها وطبطت عليها والله لو في أيدي حاجه اعملها كنت عملتها بس هو اتجوز خلاص وانتي كمان هتتجوزي ارضي بالأمر الواقع وربنا يريح قلبك واخدتها علي الحمام تغسل وشها 

وراحت معاها تختار هدوم ليها 

اختارت بنطلون واسع زيتي وشيميز ابيض وبلورو زيتي وطرحه بني كانت قمر اوي

وحطت روج خفيف خالص 

واحمد جي أخدهم وراحو وهيا مش بتنقي حاجه دعاء تختار وهيا تقول اه حلو 

واخدت دبله وتوينز واسوره مش من اختيارها كمان اختها بتنقي وهيا مجرد بتقول حلو وبس 

وروحو علي البيت بتحضر نفسها الخطوبه

عند مازن اتفق مع مامته من بليل ان هيجي يأخدها الساعه ٨ عشان يروحو خطوبه ياسمين واتفقوا علي كده 

بس هو نسا ان اسيل عازمه صحابها 

بعد ما مازن راح الورشه اتصلت بأصحابها قالو في السكه جاين 

هيا كركبت الشقه ووقعت هدوم في الأرض كانت عبير قاعده بتقرأ قرأن ومش شيفاها 

اسيل عملت نفسها وقعت وهيا بتنضف 

اسيل: ااااه رجلي ااااه وبعياط مصطنع 

قامت عبير تشوفها وساعدتها قالتلها اقعدي متتعبيش نفسك 

اسيل: عملت نفسها بتقوم لاء مينفعش صحابي جاين عايزه انضف واعمل اكل 

وعملت نفسها داست علي رجلها ااااه رجلي وقعدت تاني 

عبير: خلاص انا هعمل 

اسيل: لا انا هتصل بالداده تجيلي 

عبير: لا مش مشكله انا هعمل ومشيت 

اسيل: سقفت وابتسمت بخبث وبكده خطتها مشيت 

وعبير نضفت وعملت الأكل وكانت الساعه ٥ كان نفسها بيضيق عليها ف هيا اتصلت بهايدي تجبلها وحده من الفلوس اللي شيلاها معاها ومقالتش لمازن عشان كفايه علي مصاريف مراته اللي مبتخلصش 

وأصحاب اسيل جم وكل شويه يطلبو حاجات واسيل عامله نفسها تعبانه وقاعده علي الكرسي وحطه رجلها علي كرسي تاني وده طبعا بأتفاق مع أصحابها 

وحده من أصحابها لعبير حضرتك الداده ام السيد اسيل بتحكلنا عنك كتير 

عبير اضايقت هل هيا في نظرتهم خدامه صعبت عليها نفسها 

اسيل ردت وقالت لا دي مامت مازن 

وحده تانيه ردت وقالت سوري يا طنط اصل هند متعرفش ان حضرتك مامه مازن عشان مجتش كتب الكتاب وفي شبه بين حضرتك وبين الداده ام السيد الكل ضحك 

وهيا وقعت من طولها نفسها ضاق 

اسيل شالتها ومهنش عليها تفوقها وحطتها في الأوضه وشغلت اغاني وعلت الصوت 

الباب كان بيخبط وهيا مش سامعه وكانت هايدي اللي بتخبط ملقتش رد خافت علي مامتها وراحت لمازن الورشه كان بيشتغل هو واحمد 

مازن: هايدي في حاجه ولا اي انتي وخالد كويسين والاولاد 

هايدي: قالتله ان ماما عايزه البخاخه خلصت ومردتش تقولك عشان متزودش المصاريف عليك وطلعت اخبط محدش بيرد وفي صوت دوشه جوه 

مازن: اه واخدها وجري علي البيت وافتكر ان اسيل عازمه أصحابها 

هو جري علي البيت هو وهايدي واحمد راح وراهم بس وصي الولد اللي شغال معاهم علي الورشه 

مازن : فتح الباب بالمفتاح لقي اسيل وأصحابها بيرقصو جرت هايدي علي أوضه امها 

مازن طفي الاغاني وبص بشر لأسيل

هايدي بصوت عالي مااااااازن الحق ماما جري مازن علي الأوضه واحمد كان جي وراح يشوف مازن لقي مازن ماسك ايد امه وبيحاول يفوقها مازن لاحمد عربيه بسرعه مازن شال امه ووراه هايدي 

احمد جري واخد عربيه من واحد جارهم وركب فيها مازن بيسوق واحمد جمبه وهايدي وامها وراء 

وساق بسرعه عليا ووصل المستشفى

وشالها مازن وقال دكتور بسرعه وحطوها علي سرير ونقلوها العنايه المركزه لان عبير عندها القلب ونفسها ضيق جدا وبتاخد بخاخه 

بعد شويه الدكتور خرج

مازن: خير يا دكتور

الدكتور: اتكتبلها عمر جديد هيا دلوقتي محطوطه علي جهاز النفس بكره ان شاء الله لو حالتها احسن تقدر تروح 

احمد راح دفه الحساب 

مازن: سجد علي الارض اغلي حاجه هيا الأم ومتتعوضش ودخل بص علي عبير هو وهايدي واحمد معاه وكان بيعيط كمان هو بيعتبرها امه واكتر كمان دي هيا اللي مربايه ومعتبراه زي مازن بالظبط 

وبعد شويه خرجو

مازن لهايدي في حاجه مخبينها عليا انتي وماما ماما مش بتوصلها الحاله دي الا لما تعمل مجهود كبير وكبير اوي كمان انا سبتها مع اسيل و معرفش حاجه 

هايدي حكتله كل حاجه من ساعه لما ماما دخلت البيت من الغسيل اللي كان نضيف وغسلته وبتتعمد ترمي حاجات علي الارض عشان ماما تغسلها وتخليها تعمل الأكل والكلام اللي اسيل اتبلته علي ماما وماما معملتش كده هيا سمعتكم بالصدفه والله هيا كانت دخله تكلمك في المعاش بتاع بابا والطريقه اللي عاملتلني بيها اول ما جيت عندك 

مازن وشه وعينه احمرت وقال يابنت ال……

والله ماهسيبها 

ومشي بيجري بره المستشفي 

هايدي واحمد بيجرو وراه عشان يلحقوه خايفين يعمل حاجه تضيغه 

هو اخد العربيه ومشي راح علي البيت 

واحمد وهايدي اخدو تاكسي يلحقوه 

بعد شويه وصل مازن لقي اسيل قاعده مع لوحدها 

شدها من ايدها وضربها بالقلم واخدها جرها من ايدها رماها في العربيه وساق بيها علي اعلي سرعه وراح بيها…….