رواية طفلة ولكن عشقتها الفصل الرابع 4 بقلم شهد محمد

آيه:عمر رودي فين

عمر:اهى وراياا

آيه:يلا يامهزقه ع مكتب الاجتماعات عشان مالك وصلهم وهو هناك كمان

رودينا:طيب مابورااحه

                       _______________________

مالك:قبل مانبدا احب اعرفكو بصاحب شركات A;f..الى موجوده ف اليابان وفى منها فروع كتيره هناا بس الشركه الاصليه هناك..وطبعاا غنيه عن التعريف…استاذ عبدالرحمن الالفي صاحب الشركات دى وجي بنفسو عشان يوقع الورق 

عمر:اهلاا وسهلا بحضرتك مصر نورت

عبدالرحمن بابتسامه:منوره باهلهاا

مالك:طيب احب اعرفك يا استاذ عبدالرحمن..عمر السيوفي شريك ف مجموعه شركات السيوفي..آيه السيوفي رئيسه المهندسين هناا …..رودينا السيوفي..رئيسه الترجمه

رودينا:طيب نخش ف الشغل علطول مش هنقعد نتعرف اكيد 

عبدالرحمن بسرحان:اه اه اكيد

رودينا:طيب دلوقتى حضرتك الورق اللى قدامى بيقول انك عايز تنقل كل شركاتك ف كل محافظه ف مصر وتنقل الشركه الاساسيه من اليابان لهنا..مظبوط؟

عبدالرحمن:مظبوط

آيه:تمم انا شوفت الديزاين اللى حضرتك عايزو وانشاء الله ف خلال 5شهور شركات حضرتك الى ف اوروبا هيبقاا فيه نسخه تانيه منها ف مصر وبنفس المواصفاات 

عبدالرحمن الالفي:تمم

عمر:دا غير الصفقه التانيه اكيد

عبدالرحمن الالفي:اهاا اكيد

رودينا بهمس لأيه:طب ماهو بيتكلم عربي اهو كان اى لازمتى انى اجى

آيه:زين لو سمعك هينفخك

رودينا: ماشيييي

“عبدالرحمن الالفي…عندو 28سنه..خريج هندسه وعندو مجموعه شركات ف أوروبا وف مصر…باباه ومامتو متوفيين.. معندوش اخوات”

                        _______________________

زين:الو..اى يا مالك الصفقه تمت؟…طيب تمم اووى…..طيب تمم انا هجيلكو بكره اشوف الوضع اى…. يلاا باي

شهد:هو انت علطول بتشتغل كدهه 

زين:مانا حياتي كلها ف الشغل اعمل اي ياختي

شهد:تعالى خرجنييي

زين.نعم؟

شهد.خرجناااااااييييي

زين.لا

شهد.طب خرجني لمده ساعه

زين.لا

شهد.طب نص ساعه

زين.لا

شهد.طب خمس دجايج

زين.لاا

شهد.يبنى بقااا سكلتك امك انت هتفضل حابسني ف البيت لامتااا

زين.هو انا خليتك تقعدى من شغلكك ليه؟

شهد.عشان مخرجش من البيت

زين.ومتخرجيش من البيت ليه؟

شهد.عشان فيه خطر عليااا

زين.اما انتى عارفه كدهه عايزه تخرجي لييييههه

شهد.زهقتتتتت 

زين.منك لله يانور بليتيني ببلوه سودههه

شهد.فشررر..دانا قمرر 

زين.انتى هتقوليلي

شهد: زين….هو انت سيبت خطيبتك؟

زين بضيق.اه

شهد.طب هو انت هتطلقني لما الخطر اللى حوالياا يروح؟

“مكونتش عارف انطق ب اي بس لما جابتلى سيره الطلاق..حسيت بوجع ف قلبي كده…وليه اصللا.؟..انا محبتهاش اكييد”

زين:قومى نامى ياشهد

شهد:مش قبل ماتجاوبني 

زين بعصبية.عايزانى ارد ب ايي اقولك لا مش هطلقكك وافضل عايش معاكييي للابد؟..وحتاا لو طلقتك خطيبتي اللى سيبتهاا بسببك وكلكو عارفين قد اى انى كنت بحبها…وسيبتهاا عشان خاطرك..دمرت مستقبلي بسببك..ليه مستقبلي يرووح عشان خاطرك هاا؟..ليييهه

شهد بجمود وخافيه دموعهاا:وانا مجيتش اتزللتلك وقولتلك لا اتجوزني غصببب وانا قبل مانت تعرف الموضوع انا كنت رافضهه انى اتجوزك….وربناا يعلم انى مكونتش عايزه اتجوزك عشان خاطر خطيبتك وعشان زي مابتقول مدمرلكش حيااتك..رغم ان كلكو عارفين ان محدش حياتو اتدمرت قديي..عايشه وكانى مش عايشه…حياتي ف خطرر ومش عارفه اعيش بحريهه زي اى انسانه..ابويا وامى سابونى ف وقت مانا محتجالهم..وبرغم كده عمرى ماحبيت ابقاا عبء ع حد ولما نور طلبت منى اتجوزك رفضت..رفضت بدل المره مليوون عشان مدمرلكش مستقبلك..ولو انا فعلاا عبء عليك اوووى كده طلقني ياسيدى وملكش دعوه بياا ولا بحياتي…مهدده بالموت مش مهدده ميخصكش المهم انى مكونش عبء عليك وخلاص ويكون هم وانزااح

“سبته وقومت ع اوضتي غيرت هدومى ونزلت من البيت جري وروحت ع البحر…اكتر مكان برتاح فيه..وهو حتا محاولش ينزل وراياا ولا يطيب خاطري بكلمتين….الظاهر انى عبء عليهم كلهم مش ع زين وبس….قعدت مده طويله وكان نفسي اعيط بس للاسف حتا العيااط مش بيجيلي……انا بدات اشك ان اعصابي مبقتش تحس…من كتر مانا مش بعيط…فضلت قاعده لحد ما الساعه جت 10…ببص ف فونى ملقتش مكالمه حتا منو…للدرجادى زين بيكرهني ومصدق خلص منى؟…انا خلاص مش هرجعلو ومش هرجع البيت خالص..طب اروح فين؟.. اسافر مع جدو؟…بس لاا حتا جدو مش هيرضا بكده… يارب انا تعبت اعمل اي بس”

                       _________________

رودينا:ولاا ياعمر هيا الساعه كام

عمر:الساعه 10

رودينا:هو عبدالرحمن دا لسه عند مالك جوه

عمر:امم

رودينا:يبنى هو لو هيباات يقول؟…دا الشركه ضلمت بيه والله

:مش هبات لا متقلقيش

رودينا:يافضحتك يدودى سمعنيييي…اى اى اهلاا اهلاا يا استاذ

 عبدالرحمن الشركه منوره والله

عبدالرحمن  بابتسامه:يعنى مش مضلمه؟

رودينا:تؤتؤ منوره

عمر ضربها ع دماغها:قلبتي اشطر كتكوت دلوقتى

رودينا: انا يبنى

عمر:طيب انا هروح اودى الملفات دى لمالك وانتى اقعدى شويه استنيني عشان اروحك عشان آيه روحت من بدري ومش هينفع تروحي لوحدك

رودينا:يبنى انت ليه محسسني انى عندى 5سنين؟انا بعرف اخد بالى من نفسي ع فكره

عمر:هو كلام يحترم وكل حاجه بس انا مش هحترمه وهتترزعي لمده ساعه كمان عشان فيه ورق هخلصو وبعدين اروحك

عبدالرحمن :طب لو مفيش مانع ممكن اروحها انا عادى

عمر:ياريت والله تزيح من علياا هم

رودينا:ايي حيلك حيلك انت وهو توصل مين العب بعيد ياشاطر

عبدالرحمن :انا قولت هوصلك يعنى هوصلك

رودينا:وانا قولت مش هتوصلنى واللى عندك اعملوو

عبدالرحمن بعصبيه:يلاا قدامي قبل ماتعصب

رودينا:طب ياعم هدى نفسك انت قفوش ليه

عبدالرحمن :قدامى يلاا

رودينا:عنيااا يسطاا 

وطلعت تجري

عبدالرحمن بضحك:طفله والله..وكمل بابتسامه وهو بيتلذذ باسمها بين شفايفه:روديناا