رواية حب ضايع الفصل الخامس 5 والأخير بقلم هبة محمد الفاقوسي

بارك الله لكما وبارك عليكما وجمع بينكما فى خير .

لسه هيقرب منها..

ندى بخوف_ انت هتعمل إيه! 

حسام_ متخافيش منى.. عارف إن ابوكى فرض رأيه عليكى بإنك تتجوزينى.. وانا ک راجل مقبلش بده وانتى مش مجبوره .

ندى بارتياح_ يعنى انت مش هتدخل فى أى حاجه ليا؟

حسام_ اه بس لازم تكونى عارفه إنك مراتى وصورتى قدام الناس واللى يأذيكى يأذينى فحاولى تحافظى على اللى بينا دا كويس ” بتنهيده ” لما نكمل 6 شهور واطلقك زى مانتى عايزه

ندى بفرح_ حاضر.. بس هنعيش ازاى

حسام_ انا هنام فى الاوضه التانيه 

اخد هدومه ومشى معرفش ليه طاوعها وقلبه عايزها وانها تكمل معاه للآخر .. يمكن نظرة الرفض اللى شافها فى عيونها منعته.

فات شهر وعلاقتهم سطحيه ودا بينهم أما قدام الأهل فهما متجوزين.

حسام_ إيه اللى انتى لابساه ده يا هانم؟

ندى_ ماله لبس كويس ومحترم.

حسام_ طب والكم الشفاف ده بيعمل إيه

ندى_ دا الموديل الجديد

حسام بضيق_ بلا جديد بلا قديم.. اللبس ده يتغير حالا .. انا مراتى متخرجش كده

ندى بزعيق_ ايوه بس انا مش مراتك وباقى 4شهور ونتطلق يعنى ملكش الحق تتحكم فيا

حسام حس بوجع فى قلبه فاكتفى بالسكات ومردش..  اما ندى ندمت على كلامها المتسرع وحاولت تراضيه..

قالت بهدوء_ حسام اسفه متزعلش منى .. بس انا بجد مخنوقه 

حسام_ اعتبرى اننا صحاب واحكيلى

ندى_ انت دايما فى الشغل وانا طول الوقت قاعده لوحدى حتى مبنتكلمش إلا مره او مرتين فى اليوم

حسام_ من دلوقتى مفيش الكلام دا خلاص وهزهقك منى

ندى بلهفه_إيه رأيك لو نخرج سوا؟

حسام بابتسامة_اكيد

كانت خروجه لطيفه جدا اتكلموا فيها وضحكوا كتير… لمحوا ست كبيرة قاعدة فى الشارع وبعد ما ساعدوها

الست_ربنا يديمكم لبعض ويرزقكم ذريه صالحه

بصوا لبعض واكتفوا بابتسامه أما حسام قال فى سره “آمين”

ندى_ انا مبسوطه قوى يا حسام.. بجد كان ناقصنى الخروجه دى وخصوصا معاك.

حسام بخبث_ خصوصا معايا!

ندى بكسوف_ اق.. اقصد يعنى..  يووه فرحت معاك وخلاص

حسام بضحكه_ كل اسبوع هخصص يوم نخرج فيه كده

ندى بحب_ بجد يا حسام

حسام_ بجد.

_______

بعد 5شهور علاقة حسام وندى بقت قويه جدا وقربوا من بعض أكتر وفكرة إن حد يكمل يومه بدون التانى صعبه شويه

حسام_ مش عارف يا سلمى بعد كل حاجه عملتها ورغم انها مرتاحه معايا لكن مقدرتش اخليها تحبنى زى ما حبيتها .. عارفه وانا فى المستشفى كنت بسمعها وهى بتكلمنى وندمت على اللى عملته واخدت قرار انى فعلا لازم اكمل معاها لأنها تستاهلنى وحاولت اتكلم معاها واحكيلها لكن معرفتش 

سلمى_ جرب تتكلم معاها 

حسام_ لأ

سلمى_ مش عايزها تجرحك ؟

حسام_ خايف عليها .. خايف اخسرها واضيع علاقتى بيها ک صاحب

سلمى_ ربنا يريح بالكم ويهديكم لبعض

حسام_ يارب يا سلمى

ندى اتصدمت اول ما سمعت الكلام ده

_ حسام بيحبنى أنا ؟ يعنى كل الوقت ده كان بيحاول معايا وانا زى الهبله ببعد عنه واجرح مشاعره .. انا مش قادره اسامح نفسى وازاى ظلمته وانا أساسا حبيته بجد.. إيه اللى انا هببته ده.

جيه معاد الطلاق وحسام مليان حزن وعيونه فيها دموع

_ هتوحشينى

ندى وهى بتحاول تمسك نفسها_ ليه؟ 

حسام بتعجب_ مش دا قرارك إنى اطلقك؟

ندى بصت فى عيونه_ انت عايز ؟

حسام_ انا عايزك .

ندى بفرحه_ وانا عايزاك

حسام محسش بنفسه غير وهى فى حضنه وبتعيط 

حسام_ بتعيطى ليه دلوقتى

ندى ببراءه_ مقولتليش بحبك

حسام بضحكه_ بحبك.

بعد سنتين..

سلمى_ هتسموا النونو إيه ؟

حسام وندى بصوا لبعض بابتسامه وقالوا_ ” منه ” .