رواية جوازة في شهر الفصل السابع 7 بقلم رحمة نجاح

محمد.ادم طالب ايدك يا ليل وانا بصراحه موافق عليه ..

ليل. ده اللي هو ازاي يعني ..

محمد. ازاي ايه بقولك عايز يتجوزك ..

ليل. انتا بتتكلم جد يا بابا هو لحق عرفني اصلا احنا متقبلناش غير مرات تتعد علي الايد جاب فكره الجواز دي منين وده غير أن حضرتك موافق ممكن اعرف سبب موافقتك  ..

محمد. ليل انا هضطر اسافر كمان يومين ..

ليل بصدمه.نعم ازاي ..

محمد. الشركه اللي في تركيا محتاجه اني اسافر ليها ..

ليل. بابا انتا بتتكلم جد مش هزار صح ..

محمد بحده. ليل انا شايف أن مصلحتك مع ادم ..

ليل. لا سيبك من ادم ده دلوقتي حضرتك بقالك اكتر من خمس سنين رافض فكره السفر ده حتا لما روحت إسبانيا حضرتك مرضتش تسافر معايا وانا عارفه سبب رفضتك ومقدره دلوقتي جاي تقولي انك مسافر خلال يومين  ده غير انك موافق علي ادم وانتا كده شايف مصلحتي ..

محمد. ظروف الشغل اضطرتني اسافر ..

ليل. تمام أنا مش موافقه علي ادم وهسافر مع حضرتك نشوف الشغل ده ..

محمد. اعرف سبب رفضك ..

ليل بهدوء. اعرف سبب موافقتك ..

محمد بحده. ليل انا بسالك متجوبيش عليا بسوال ..

ليل. بابا ممكن تقولي حضرتك انا عندي كام سنه دلوقتي ..

محمد. وده هيفرق في ايه ..

ليل. معلش بس ممكن تقولي ..

محمد. 23 سنه ..

ليل. حلو اوي ممكن تقولي بقا في كل السنين دي حاجه واحده انتا ارغمتني عليها ..

محمد. مفيش عشان عارف قرار بنتي ..

ليل.  حلو اوي طالما عارف قراري يبقا بردو تحترم قراري في موضوع الجواز واني رافضه اتجوز دلوقتي ..

محمد. بس ادم مناسب ليكي ..

ليل. عرفت منين يا بابا أنه مناسب ليا ..

محمد. ليل انا موافق علي ادم وكتب الكتاب كمان يومين ..

ليل. احلف ..

محمد. مش بهزر ..

ليل. حضرتك موافق وكمان حدت كتب الكتاب ايه لازمة رايي بقا في الموضوع كان ممكن تقولي في أول الحوار انك خلاص حدت المعاد ..

محمد. صدقيني عمري ما هختار الوحش ليكي ..

ليل. عارفه يا بابا عن اذنك ..

لتتركه ليل وتصعد الي الاعلي تتركه في دوامته تلك لا يعلم هل هذا القرار الذي اتخذه هو الصواب ام لا …

في الاعلي كانت تلك المسكينه تبكي ولاول مره تشعر أن والدها يجبرها علي شئ دائما ما كان يترك لها حريه الاختيار فما هو سبب موافقته علي ادم بتلك السهولة هل يمكن بسبب ما كانت تقوله له من مواقف أما ماذا هي لم تعلم شئ لكن يوجد شئ بداخلها يقول لها أن سبب هذا القرار يوجد شئ هي لم تعلمه فما هو ياتري ؟!.

وعلي الجهه الأخري ..

ادم. مهااا ..

الام. عايز ايه يا ابن الهبله ..

ادم. والله عيب قله القيمه دي المهم تعالي عايزك في حاجه مهمه ..

الام. اخلص عشان مسلسلي قرب يبدأ ..

ادم. المسلسل اهم مني ..

الام. طبعا اخلص بقا ..

ادم. اصيله يا رحاب المهم كتب كتابي كمان يومين جهزي الفستان بقا ..

يقول هذا الكلمات ثم يتركها ويتوجه الي غرفته ..

الام بتفكير. هو قال ايه الواد ده ثانيه واحده ده قال كتب كتاب نهار اسوح انتا يالاااا ..

قامت الام سريعاً ثم توجهت الي غرفه ادم ..

الام. ولا انتا قولت ايه بره ..

ادم. مش حضرتك قايله عايزه تجوزيني في شهر انا لخصت الموضوع في يومين ..

الأم. لا تعالي كده اقعد واحكيلي ايه اللي حصل وبدل حالك كده ..

ادم. غريبه يعني مسالتيش مين العروسه ..

الام. لا دي معروفه اكيد ليل يعني ..

ادم. ده ايه الثقه دي ..

الام. قدرات واخلص كده واحكي ..

ادم. مفيش روحت طلبت ايديها من ابوها وهو وافق ..

الام. قلبي مش مستريحلك ..

ادم. لا تقلقي ..

الام. ابوها وافق أن الجوازه في يومين ازاي ..

ادم. ابوها مسافر في يومين وانا قولت كتب الكتاب يبقا كمان يومين مع سفر ابوها ..

الام. والفرح ..

ادم. مفيش فرح ..

الام. نعم يا عنيا مين ده اللي مفيش فرح ..

ادم. الراجل وراه شغل ومسافر وشركته في وضع خطر اروح أقوله نعمل فرح ..

الام. تصدق بالله كلامك ده مش داخل دماغي بربع جنيه ..

ادم. انتي مش عايزاني اتجوز وخلاص في ايه بقا ..

الام. بص انا عارفه انك مش هتعمل حاجه غلط ولا ليك ولا ليها انا واثقه فيك يا آدم ..

ادم. شكرا علي ثقتك الغاليه يا ست الكل ..

الام. انا هقوم بقا اتفرج علي المسلسل ..

لتترك ادم في دهشته من هذا الام ..

علي الجهه الاخرى كانت ليل تجلس تقرا وردها اليومي من القرآن وما أن انتهت حتا رأت ايه تجلس علي السرير الخاص بها ..

ليل. خضتيني انتي جيتي أمته ..

ايه. داخله من رباعيه كده ..

ليل. جتك نيله ايه اللي جابك ..

ايه. نهار اسوح انا بتطرد ..

ليل. اعتقد ..

ايه. كنت حاسه تعالي بس كده ايه اللي مزعل بيستي حبيبتي ..

ليل. اتكتروا عليا في غيابك ..

ايه. بلاش اڤوره وقولي مالك ..

ليل. علي اساس اللي جابك مقلكيش يعني ..

ايه. بصراحه عمو محمد قالي انك زعلانه وانا جيت اشوفك مالك وبس كده ..

ليل. ادم عايز يتجوزني ..

ايه. لولولييي علي خيره الله ..

ليل. في يومين ..

ايه. وماله ثانيه بس في ايه ..

ليل. يومين وعلي ما اظن كده مفيش فرح كمان وانا اصلا مش عايزه فرح ..

ايه. ليه أن شاء الله من غير ايد دا انتي حتا عينك ملونه وقمرايه في نفسك ..

ليل. معرفش يا ايه اول مره احس ان بابا جبرني علي حاجه ..

ايه. انكل محمد عارف مصلحتك يا ليل ..

ليل. انتو هتجننوني يا ناس هو ايه اللي عارف مصلحتك عارف مصلحتك ده جواز واحد مشفتوش غير مرتين تلاته ده ايه النيله دي ..

ايه بغمزه. يعني مفيش حاجه كده ..

ليل. وربنا ما في حاجه وانتي عارفه كويس واسكتي بقا عشان ماعدش بيهمني ..

ايه. ماعدش بيهمك !!؟ لحظة واحدة .. مماااعدشش بيييهمك؟ 

جمييل جمييل حاجة كويسة .. اخييرًا الحقيقة باانت.. فكرت فيا!؟؟ ده انا صاحبك اعز اصحابك .. حتى أنا مااهمكش؟؟!!

ليل. بطلي اوڤره بقا هي كانت نقصاكي ..

ايه. عديمه الطفوله ..

ليل. والله مش بهزر اعمل ايه ..

ايه. وافقي ده ادم ده مز والله لولا بس أنه شايفني أخته كنت خدته انا ..

ليل. تصدقي بالله ان شاء الله هتصدقي انتي صاحبه عره اوي ..

ايه. شكرا شكرا ..

ليل. وفي حاجه كمان سفر بابا ناوي يسافر  كمان يومين  تركيا ..

ايه. عمو محمد هيسافر ازاي ..

ليل. معرفش والله حاسه ان في حاجه من ورايا بس معرفش ايه هيا بس هعرف لا وكمان هيسافر يوم كتب الكتاب  ..

ايه.طب باباكي زعلان تحت ..

ليل. امشي يا ايه انا عايزه اقعد لوحدي شويه عشان مطلعش جنناني عليكي ..

ايه. خلاص متزوقيش انا ماشيه ..

لتخرج ايه من تلك الغرفه فهي تعلم أن ليل تخفي وراء هذا الضحك حزن فصديقتها لا تحب أن تظهر ضعفها امام احد لذلك تركتها ..

ما أن خرجت ايه تسطحت ليل علي السرير ثم تخرجت تنهيده قويه قم تابعها هذا البكاء فهي  لم تعلم سبب تلك الزيجه …

يمر ذلك اليومين كانت ليل تجلس في غرفتها لم تخرج  كانت تتجنب والدها وهذا الادم الذي كان في هذا اليومين يأتي أكثر من مره لكي يراها ولكن كانت تتحجج باي شئ لكي لا تراه فهي ولاول مره من موت والدتها تشعر بالوحده فاليوم كتب كتابها اليوم الذي تتمناه اي بنت لكي تشعر به بالسعاده يأتي عليها وهي تشعر أنها وحيده ..

كانت ليل تجلس في غرفتها فهي علمت من سلوي أن الماذون علي وشك الوصول ..

محمد. ليل ممكن اتكلم معاكي افتحي الباب ..

ليل. نعم يا بابا ..

محمد. مالك يا عيوني عامله كده ليه ..

فكانت ليل يوجد علي وجهها التعب وذلك العينين التي كانت دائما يشعان سعاده الان لا يوجد بهم سوا الحزن ..

ليل بهدوء. مالي ما انا كويسه اهو ..

محمد. صدقيني دي مصلحتك ..

ليل بحزن . طبعا حضرتك عارف مصلحتي اكتر مني اصلا الكلام مالوش لازمه الماذون علي من اظن وصل ..

محمد. تعالي يا حبيبتي ..

لياخذها محمد ويتوجه بها إلي الأسفل لم يكن سوا ادم وايه وعامر والده ادم فقط ..

كانت ليل شارده في المستقبل فما سيحدث لها هي لم تعلم اي شئ عن هذا الادم سوا أنه دكتور وصديق عامر لم تعلم عنه شئ اخر فهي خائفه بشده من القادم من انتشالها من شرودها هذا السوال التي كانت تخشاه وهو ..

الماذون. هل تقبلين الزواج من ادم الدمنهوري يا بنتي ..

لتنظر ليل الي يد ادم التي كانت في يد والداها بحزن ثم تنطق ..

ليل. ايوه موافقه ..

لتنظر الي الفراغ بشرود مره آخري ولكن ما آفاقها هذا  الكلمات التي نطق بها الماذون والتي لم تكن سوا ..

(بارك الله لكما وبارك عليكما وجمع بينكما في خير)

لتتوجه إليها ام ادم وتقوم باحتضانها بقوه وهي تقول بفرحه مبروك يا قلبي ..

ليل بحزن ولكن اخفته. الله يبارك فيكي يا طنط ..

الام. لا طنط ايه بقا انتي تقوليلي يا ماما ..

ليل. ماشي يا ماما ..

لتتقدم إليها ايه وتحتضنها هي الأخري ..

ايه. بيستي القمر احلي عروسه يا ناس ..

ليل. يا شيخه اتنيلي ..

لتتركها ايه عندما تقدم إليها محمد ..

قام محمد بتقبيل يديها ثم أعلي رأسها ثم احتضنها بشده بكت ليل في أحضانه فهي لم تستطيع منع نفسها أكثر من ذلك فلتبكي ويحترق الجميع ..

ليل. ليه يا بابا ..

محمد. صدقيني عمري ما هعمل حاجه تاذيكي يا ليل ..

ليل. وانا واثقه فيك انتا هتسافر ..

محمد. لازم اسافر دلوقتي ..

ليل. هتسبني لوحدي ..

ادم. وانا فين بس ..

لتنظر له ليل ثم توجهه نظارتها لأبيها مره اخري ..

محمد. يالا يا قلبي روحي مع ادم شقتكم والداده هتبعت هدومك علي البيت ..

ليل بحزن ولكن اخفته. ماشي يا بابا ..

لياخذها ادم ثم يتوجه بها إلي سيارته كانت تمشي معه في صمت الي أن وصله الي المنزل ..

ادم. يالا نطلع ..

اكتفت ليل بهز رأسها له ..

في الاعلي ما أن دلفت ليل الشقه ..

ليل. فين ماما ..

ادم. راحت تقعد عند خالتي يومين ..

ليل. وهتسبنا لوحدنا ..

ادم. المفروض يعني احنا عرسان ..

ليل. احنا مش عرسان مفيش عروسه بتتجوز في يومين يا آدم تقدر تقولي فين الفرح فين الفستان اقل حاجه العروسه بتحتاجها مش موجوده يبقا احنا مش عرسان ..

ادم. مقدر موقفك ..

ليل. اتجوزتني ليه يا آدم ..

ادم. وده وقته ..

ليل. ده انسب وقت عايزه اعرف السبب وده اكيد مش حب انتا دكتور ومتعلم وفاهم كويس أن مفيش حاجه اسمها حب من اول نظره وإذا كان فيه فا انا مش مقتنعه ممكن اعرف السبب بقا ..

ادم. مش لازم انتي دلوقتي بقيتي مراتي ..

ليل. عندك حق مالوش لازمه ثم توجهت الي اقرب غرفه دلفتها ثم أغلقت الباب خلفها ..

ادم. احنا فينا من كده افتحي طيب هنتفاهم ..

ليل. بعد اذنك سبني لوحدي ..

بالفعل تركها ادم وذهب الي غرفته فهو يعلم تماماً أنها مضغوطه وسفر والداها ليس شئ هين بالنسبه لها ده غير الجواز اللي بالفعل ابسط حقوقها متعملتش ليها ..

بعد مرور ساعه كانت ليل ما زالت في غرفتها مغلقه الباب عليها ولكن استمعت الي طرقات علي الباب كثيرا فظنت أن ادم سوف يفتح ولكن الطرقات بدأت تزداد لتقوم وتفتح تلك الباب ثم تتوجه نحو باب الشقه ..

سلوي . جبتلك يا بنتي هدومك ..

ليل. شكراً يا داده ..

سلوي. يالا عن اذنك بقا أمشي انا ..

ما أن أغلقت ليل الباب استدارت حتا شقهت بخجل ..

ليل. وهو مغمضه عينيها وتسير. ايه قلة الأدب دي يا استاذ .. فكان ادم يقف فقط بهذا الشورت ..

ولكن اصطدمت بادم وهي تسير ..

ادم. فتحي عينيكي عشان تعرفي تمشي احسن ..

بالفعل فتحت ليل عيونها ولكن عندما نظرت له وجدته قريب منها لتصرخ وتذهب سريعاً الي غرفتها …

بالداخل ..

ليل. ما هي مش ناقصه قله ادب من اولها كده في كائن حي عايش معاه اوبس دا انا نسيت الشنطه بره البس ايه دلوقتي بقا طب والله ما انا لابسه حاجه وهتخمد زيي ما انا كده ما هي الإحزان كتير جت علي دي يعني ..

ينتهي اليوم عليهم ويأتي صباح يوم جديد ..

يستيقظ ادم علي صوت الفون لينهض بعد أن علم من من هذ الاتصال ليقوم ويأخذ هذا الشاور الخاص به …

وعلي الجهه الأخري كانت ليل قد استيقظت وكانت تظبط حاجبها علي رأسها فهي الي الان لم تقتنع أن ادم زوجها …

بعد مرور نصف ساعة كانت ادم يطرق الباب علي ليل ..

ادم. ليل انا هنزل ساعه كده وجاي تاني ..

ليل بعدم اهتمام . ماشي ..

استمعت ليل الي اغلاق الباب لتخرج من غرفتها ثم تتوجه الي حقيبتها وتأخذ منها احد البيچامات وتتوجه الي المرحاض ..

انتهت ليل من حمامها لتجد الكثير من الرسائل علي هاتفها بأن ادم يوجد معه بنت في أحد المطاعم لم تكترث الي الرساله كثيرا  لأن ادم طبيب ويمكن أن يكون أحد مرضاه ولكن ما جعل الشك يدخل قلبها ان من المفترض أن اليوم صبحيتهما كما يسمي فما هي تلك لكي يذهب في مثل هذا اليوم إليها ..

بالفعل بدات ليل في تجهيز نفسها لكي تذهب الي هذا المطعم ليس لكي تغار عليه لا فهي انسه بالاخير وإذا بالفعل تركها لكي يذهب الي أحد البنات التي يعرفها فلينتهي هذا الموضوع قبل أن يبدأ ..

بعد مرور نصف ساعة كانت ليل تدلف الي هذا المطعم ولكن رأت ما جعلها تنظر له بصدمه …

يتبع…..