رواية رساله مجهول الفصل الأول 1 بقلم نورهان محمد

رواية رساله مجهول الفصل الأول 1 بقلم نورهان محمد

رواية رساله مجهول البارت الأول

رواية رساله مجهول الجزء الأول

رواية رساله مجهول الحلقة الأولى

: خدي بالك من نفسك علشان ال جاى يزعل
نظرت ليلى الى هاتفها بإستغراب
ليلى فى سرها: اى ده
قامت ليلى بإرسال رساله للمجهول
ليلى: مين
تفاجأت ليلى ان المجهول قام بعمل Block لرقمها
ليلى فى سرها: ايوه يعني ايه يعني مش فاهمه ايه الهبل ده وايه الرساله دي ويعني ايه اخد بالى من نفسي
اوووف بقا هو انا ناقصه اكيد حد بيستهبل عليا هما كده شباب اليومين دول منهم لله حتى الشقط مش فالحين فيه
خرجت ليلى من غرفتها وهى تتجاهل رساله المجهول تماما وتوجهت الى المطبخ
ليلى: ست الحبايب عامله ايه
الام: الحمدلله يابنتى والله
ليلى وهى تاكل خيار: لا يا حجه انتي فاهمه غلط انا قصدي اكل عامله ايه يتاكل
الام: اه يابت الجزمه همك على بطنك وخلاص اطلعى بره يابت
ليلى: الله وانا عملت حاجه يالمبى انا بسأل عن الاكل بس مكنش العشم على فكره
الام وهى تمسك الشبشب: يلا يابت من هنا
ليلى وهى تجرى: خلاص خارجه يا وليه مش كده طيب
اتجهت ليلى الى غرفتها ثم امسكت بهاتفها وقامت بالاتصال على اقرب اصدقائها
ليلى: انتى فين يابت مش بتكلمينى ليه
أثيل: اه يابت يا ليلى اه كنت فى الدنيا ياختى
ليلى: بت انتى كنت مع خطيبك وسيبانى صح
أثيل: صراحه اه
ليلى: اه الشارع اللي وراه الشارع اللي وراه ياغاليه بقالك يومين ولا بتكلمينى ولا بشوفك حتى الكليه مجتيش امبارح كل ده علشان عيون سى سيد بتاعك.
اثيل: ااااه يالولتى ااااه قالولى الحب ليه علامات بقا
ليلى: علامات ده انا لو شفتك هعملك اعاهه مستديمه فى خلقتك بس ماشي ماشي يا اثيل الكلب
اثيل: مقبوله منك يا صاحبى
ليلى: تصدقى انى غلطانه غورى يابت
اثيل: كلك طيبه وحنيه كده
ليلى: طب يلا ياختى اما اروح ارخم على ابويا
اثيل: والله ماحد هيجبلهم الضغط والsuger غيرك
ليلى: مين انا ده انا بلسم يابت
اثيل بضحك: طبعا على يدى على يدى ياغاليه والله
ليلى: ماشي ياختى يلا باى
اثيل: باى
ليلى فتاه ذات 22 عام ذات ملامح طفوليه جذابه وعيون عسليه اللون محجبه شخصيتها طفوليه بعض الشئ ومرحه
أثيل فتاه ذات 22 عام ذات ملامح حاده وعيون بنيه محجبه شخصيتها مرحه و جاده بعض الشئ
فى مكان اخر
مجهول: فهمت ال قولتلك عليه
شخص: ايوه ياباشا
مجهول: على اتصال بقا اول ما اقولك تنفذ نفذ واتأكد ان كل حاجه تمام
شخص: حاضر ياباشا
عند ليلى
ليلى: بااااابااااا بااااابااااا مااااماااا
الام: عاوزه اى يا مصيبه
ليلى: ابويا فين
الام: لسه نازل عنده اجتماع فى الشركه
ليلى بدموع مصطنعه: مكنش العشم ياحج لا كده ينزل من غير ما يقولى واحنا اخر الليل الزمن راح فى داهيه ياجدعان
الام وهى تمسك بالشبشب: عيدى كده تاني انتى بتقولي ايه
ليلى وهى تجرى نحو غرفتها: والله ما قولت حاجه يا وليه وخدى بالك السلاح يطول
الام: اااه منك يا قليله الادب يالى متربتيش
ليلى وهى تدخل غرفتها وتغلق الباب: تسلمى يا منال ياحبيبتي كله من ذوقك
بعد مرور عشر دقايق
ليلى وهى تخرج وجهها من الباب
ليلى: بقولك اى يا منال العبد لله هفتان وهيموت وياكل الليهى تنسترى اى حاجه تتاكل مش كده طيب
منال: لا مفيش اكل علشان قله ادبك دي
ليلى وهى تخرج وتتجهه نحو والدتها
ليلى: بهزر معاك ياكبير هو انا اقدر ازعلك برضو
منال: ااه منك يا بكاشه يابياعه الكلام انتى بس اسمعى يابت انتى والله لو اسمعك تقوليلى يا وليه تاني لكون معلقاكى انتى فاهمه
ليلى وهى تقف وتعطى لها التحيه مثل العساكر: علم وسينفذ يا ست الكل
منال بقرف: هبله
ليلى: ياستى مش وقته دلوقتي عاوزه اكل
منال: الاكل عندك جوه روحي اطفحى
ليلى وهى تجرى نحو المطبخ: جيالك ياغالى
فى تمام الساعه 1 بعد منتصف الليل
منال فى نفسها: وبعدين بقا فى الراجل ال ولا بيرد ولا بيرن ده الوقت اتأخر وهو بره وبعدين بقا
اتجهت الام الى غرفه ابنتها وجدتها نائمه
منال بهمس: ليلى ليلى انتى يابت
ليلى بنعاس: الحمدلله بخير
منال: الحمدلله بخير ايه اصحى يابت الهبله اخلصى
ليلى بنعاس: عنيا حاضر
منال: طيب وحيات امك لوريكى
خرجت منال ووجدت زجاجه بها ماء اخذتها واتجهت الى غرقه ليلى مجددا
نظرت الام الى ليلى بخبث ثم سكبت الماء عليها
ليلى بخضه: اى فى اى بنغرق ولا اى
منال: علشان لما اقولك قومى تقومى
ليلى بدموع: ياشيخه حرام عليكي فى حد يعمل فى حد كده
منال: بس يابت ابوكى لسه مجاش وانا قلقانه عليه
ليلى وهى تتوقف عن البكاء: ايوه يعني اى طب رنى عليه او اى حاجه
منال بقلق: رنيت مش بيرد
ليلى: طب اهدي طيب ان شاءلله خير
بعد مرور ساعتين
منال: الو ايوه يا مراد انت فين كل ده
مجهول: حضرتك صاحب الفون ده عمل حادثة وهو دلوقتي فى المستشفى
منال بدموع: مستشفى ايه
مجهول:******
منال: طب انا جايه
اغلقت منال الخط وهى منهاره من البكاء خرجت ليلى من غرفتها تجرى ل والدتها
ليلى: ماما فى اى
منال بإنهيار: البسى بسرعه ابوكي عمل حادثة
ليلى بصدمه ودموع: انتى بتقولي ايه
منال: اخلصى بقولك

يتبع…
لقراءة الفصل التالي : اضغط هنا
لقراءة باقي حلقات الرواية اضغط على : (رواية رساله مجهول)