رواية شيزوفرنيا الفصل الحادي والثلاثون 31 بقلم الشيماء عبيد

لم يكن هناك أفتراق لاننا لم نحصل علي حضن الوداع ولا تمتعت عيناي بدموع الفراق كل الذي أشعل النار بيننا فقط هو الاشتياق!

#بقلمي 

غرام بخوف:الحقني يايونس صرصار 

يونس هو بيحط أيده علي بوقها:بس ياغرام كل ده عشان صرصار…شال أيده 

فصرخت غرام وهي بتقول:يالهوي ده بيطير 

يونس:غرام بس انا معاكي اهو المهم هنخرج من هنا ازاي؟!

غرام:تعالي في باب خلفي جيت منه يلا 

*اول ماطلعوا لقي واحد مستني غرام وبيقولها يلا 

يونس:مين ده ياغرام؟!

غرام:ده جاسر 

يونس بضيق:فهمت انا كده يعني 

جاسر وهو بيسلم علي يونس:معاك الرائد جاسر جلال أنا أعرف حسين بيه والد الانسة غرام وطلب مني أساعدكم 

يونس:تشرفنا 

أماء جاسر له دون أن يتكلم ورحل عنهم وهو بيقول:اشوفكم بكره ياشباب 

غرام ليونس: يونس فيه موضوع لازم نتكلم فيه بكره بس دلوقتي انت هتروح بيتك ….ثم أوضحت:مش بيت أونكل منير 

يونس بضيق:أنا مش عارف ايه اللي حصل حقيقي وازاي ده انا مطلبتش منه اعيش معاهم غير لمصلحة آسر كنت فعلا عاوز مصلحته كل ده عشان اللي حصل مع آسر 

غرام بسرعة:لا يا يونس أنت فاهم الحكاية غلط خالص الموضوع مش عشان انك روحت تعيش معاهم في الفيلا أبدا 

يونس:اومال عشان ايه ياغرام 

غرام:هنفهمك بكره بس تكون ارتحت شوية 

يونس:تمام 

_____________

*تاني يوم غرام اتصلت بيونس الصبح*

يونس بنوم:الو 

غرام بهزار:يا صباح الرعب الساعة ستة وعلي المقيمين خارج مدينة الرعب المحافظة على فروق التوقيت درجة الحرارة في الظل 25وده كويس للزواحف واحتمال يكون جو هايل للكسل في السرير أو النوم أو أقولك الاحسن عمل تمرينات للمخوفتيه اصحي ياشلبيييي 

يونس بضيق:ياربي عيلة صغيرة بحب عيلة صغيرة 

غرام بسخرية:عيلة صغيرة نينينينيني 

يونس ببتسامة علي طريقتها:صباح الخير ياغرامي♡ 

غرام بمرح:صباح اللي بتغني قوم ورانا مشاوير 

يونس:غرام ممكن نأجل المشاوير دي وأي حاجة لبكره لو سمحتي عاوز ارتاح دماغي مش فايقة للنقاش 

غرام بتفهم:تمام يايونس 

______________

*في مكتب حسين العدلي*

خبطت غرام عالباب ليأتيها رد والدها اللي عارف انها هي وهو بيقول:ادخلي ياغرام 

غرام وهي بتنط علي المكتب تقعد عليه وبتاكل تفاحة قالت:أحلي بابا بتعمل أيه يابرنس المحاسبة انت 

بصلها حسين بضحك وقال:بيئة يا حبيبة أبوكي ….ثم أكمل بجدية:أنا بدرس خطة نوقع بيها جمال ده أبعدي انتي عن طريقه ياغرام 

غرام بغمزة:علم وينفذ ياأفندم

*دخل شريف وهو بيقول صباح الخير بصله حسين وسكت فردت غرام وهي بتبص لوالدها بعتاب وبتقول:صباح النور يا شريف 

شريف رد عليها ببتسامة وبعدين قال بجدية:عمي أنا عارف أن حضرتك زعلان من ثقتي في محمود المبالغ فيها وأنه ورطني في حاجات كتير وده اللي خلي حضرتك مش عارف تبلغ وانا كنت جاي عشان اقول لحضرتك أن ده أخر يوم ليا هنا أنا هسافر أمريكا أشتغل وأدير شغل هناك وان شاء الله هبقي انزل ازورك أكيد بس طبعا مش هقدر استمر هنا بعد اللي حصل أرجو أنك متكونش لسه زعلان مني 

بص حسين لغرام وقال:غرام سبينا لوحدنا شوية 

غرام وهي بتقوم تخرج:تمام يابابا 

بص حسين لشريف بغموض وقال:هتمشي عشان اللي حصل في الشركة ولا عشان غرام فسخت الخطوبة ورجعت ليونس 

شريف بحزن:الاتنين أنا مش هقدر أقعد في مكان فيه غرام ومحبهاش واتعلق بيها وفي نفس الوقت مش هقدر احرمها من الشخص اللي بتحبه لمجرد أنها تكون ليا ومش هقدر ألومها لان الحب مش بأدينا….ثم ابتسم بتهكم:لو كان الحب بأدينا مكنتش حبيتها 

حسين:أنا مش عارف اقولك ايه ياشريف انت ابني زي غرام بالضبط مش ابن اخويا وكنت شايف حبك لغرام من الصغر صحيح كنتوا ديما مختلفين في الرأي لكن أنا كنت حاسس أن غرام بتعاند معاك لمجرد العند غرام بنتي عنيدة ولما خدت خطوة الخطوبة مخدتهاش عن تفكير خدتها عن عند ولكني كنت مستغرب فرحتك أنت وتصديقك للمسرحية البايخة اللي حصلت بين غرام ويونس مكنتش اتمني أبدا أنك تكون مجرد حلقة وصل 

شريف:لا يا عمي انا عارف أن غرام حاولت ولكنها في الآخر مقدرتش تكمل أم أنا كنت مكمل ليه انا مستعد أعمل أي حاجة تسعدها حتي لو هكون حلقة وصل توصلها للحاجة اللي بتحبها أنا بس من حبي فيها قربت وصدقت القرب ده والمكانة اللي أخدتها في حياتها كنت حاسس اني بحلم وكان نفسي مصحاش أبدا والحلم يكمل ولكن دي مجرد أحلام غرام مستغلتنيش انا كنت شايف بعيني الوضع وانا اللي استمريت فيه انا همشي يمكن أنسي واتعافي من كل الآثار دي صاحبي اللي طلع خاين حب غرام الخساير اللي سببتها للشركة 

حسين بأسي وهو يربت علي كتفه:ياريت ترجع قريب متنساش انك ابني ومفيش أب يقدر يستغني عن ابنه 

شريف ببتسامة وهو بيحضن عمه:ان شاء الله ياعمي

*خرج من عند عمه راح مكتبه يحضر أوراقه لقي غرام داخلها عليه بحزن ودموع وقالت وهي بتقاوم دموعها:أنت صحيح هتمشي؟!

راح شريف عندها ومسح دموعها ببتسامة حزينة وقال:اه للاسف 

غرام بدموع:هتمشي بسببي؟! 

شريف بحزن:انتي كنتي سبب وجودي ياغرام خلي بالك من نفسك 

غرام بشقهات:أنا مكنش قصدي 

شريف وهو يربت علي كتفها بحنان:ششششش متعيطيش عشان ارجع بسرعة احضر فرحك اوكي 

غرام بدموع:اوكي 

*راح شريف خد شنطة اوراقه ومشي وهو مقرر أنه مش هيرجع غير لما يتخلص من حب غرام 

_____________

*في بيت يونس بليل صحي علي صوت خبط علي الباب بالراحة فتح الباب لقي غرام بتبصله ببتسامة 

يونس بخضة:يخربيتك ايه جابك هنا الساعة 1باليل 

غرام بمرح:مفاجاءة حلوة صح

يونس بضيق:مفاجاءة منيلة جايه دلوقتي ازاي حضرتك لو حد شافك في العمارة يقول ايه 

غرام ببساطة:مااحنا هنمشي 

يونس بأندهاش:هنمشي فين دلوقتي؟!

غرام بعفوية:في الشارع!

يونس بنفاذ صبر:غرام ايه اللي جابك ومين جابك هنا 

غرام:مش جايلي نوم قولت اجي اصحيك ونتمشي  وجيت ازاي جيت بالعربية 

يونس بصدمة:ياسلام 

غرام بأصرار:يلا يايونس متبقاش رخم والا والله هزعق وهلم عليك العمارة اقولهم متحرش 

يونس بسخرية:متحرش وانتي اللي جايلي ده ايه التفكير ده 

غرام برجاء:يلا بقي يا يونس بليز 

*نزلوا من البيت فقال يونس: فين العربية 

غرام:لا ما أحنا هنتمشي علي رجلينا 

يونس بزهق وهو بيزقها من كتفها:قدمي ياغرام قدمي 

غرام برفعة حاجب:طب ماتزوقش 

*وفجاة وقفت قدام يونس وهي بتقولها بطفولة:يونس شيلني 

يونس بعصبية:نعمممم؟!العبي بعيد ياشاطرة اجري  قال أشيلك قال 

*بعد خمس دقايق*

غرام وهي علي كتف يونس:الله المنظر حلو اوي من فوق 

يونس بغيظ:بس يا أوزعة هانم 

غرام بفخر:يابني انا مش قصيرة انتوا اللي طوال 

يونس:غرام انا رجعت في كلامي أنا مش بحبك اصلا 

جت غرام تنزل وهي بتقول بزعيق:ايه بتقول ايه؟!

فكانت هتقع ورجليها اتلوت وهي بتقول:اه اه رجلي 

يونس بعصبية:غبية حد ينزل كده كنتي قوليلي وأنا انزل سيادتك 

غرام بحزن:مليش دعوة شيلني مش أنت اللي نرفزتني شلني بقي عشان مش هقدر أمشي 

*شال يونس غرام علي دراعه وهي عامله تلعب في شعره 

يونس بتنهيدة:غرام متعمليش كده

غرام بعدم فهم:معملش ايه؟!

يونس:متلعبيش في شعري ومتعمليش حاجة تاني وقولي سايبة العربية فين عشان اروحك البيت 

غرام:ليه 

يونس بغيظ:مفيش انا وانتي والشيطان فوقينا بس مش اكتر

ضحكت غرام وهي بتقول بتجاهل لكلامه:أنا عاوزه مصاصة شوكولاتة يايونس 

*راحوا عند محل صغير فاتح وجابلها مصاصة و شوكولاتة وهي بتاكلهم قالتله بحب: يونس غنيلي 

يونس ببتسامة:ماشي ياستي بتحب مين 

غرام بحماس:عبد الحليم 

غني يونس أول مرة تحب ياقلبي لعبد الحليم وهو بيبصلها بحب وقال

ليه بيقولوا الحب أسية ليه بيقولوا شجن ودموع….. أول حب يمر عليّ قاد لي الدنيا فرح وشموع …..

أفرح وأملي الدنياأماني لا أنا ولا أنت هنعشق تاني….

*فجاة غرام موبايلها رن فصلته و  قالتله تعال نروح مشوار بالعربية 

يونس بصدمة وهو بيبص للطريق وغرام سايقة:اسكندرية الصحراوي هنعمل ايه هنا 

غرام وقفت العربية ولقي جاسر منتظراهم بعيد قربوا منه فقال:أنا شتت الكاميرات دي ولسه عاوزين نشتت الحراس 

يونس:أنا مش فاهم حاجة

غرام:استني يايونس هتفهم بعدين 

*حط جاسر جهاز بيعمل اصوات كده بعيد شوية عشان الحراس يروحوا يدوروا عليه وينشغلوا بيه اللي منهم حارس جاسر متفق معاه علي الخطة ومديله فلوس دخلهم البيت اللي كانوا بيحرسوه كان بيت شبه مهجور واتربة في كل مكان ومتقفل من كل ناحية راح الحارس شال السجادة و شالهم من تحتها غطاء كده بيكشف سلم تحت الارض نزلوا السلم ده وساعدوا غرام وكان مع جاسر عصاية حديد خبط بيها علي قفل الباب كسره كل ده ويونس مش فاهم حاجة دخلوا بص يونس علي الاوضة اللي مليانة تراب وبيدخلها شعاع شمس بسيط المكان كان كاتم للصوت والنفس فيه قليل وفجأة وقعت عيونه علي اللي مربوطة من أيديها الاتنين بأساور حديد وأقفال بتبصلهم بضعف مكنش مصدق أن هي دي نطق الكلمة بصدمة وهو بيتبادل نظراته معاه وقال بخفوت:أمي!