روايات
رواية أحببتها صغيرة الفصل الثالث 3 بقلم سلمى حجازي
رواية أحببتها صغيرة الفصل الثالث 3 بقلم سلمى حجازي
رواية أحببتها صغيرة البارت الثالث
رواية أحببتها صغيرة الجزء الثالث
 |
رواية أحببتها صغيرة الحلقة الثالثة
ميرفت / يااالهوووووي …. الحقني ي جلال
جلال / ف اي ي ميرفت
ميرفت / البت بتك مقصوفه الرجبه هربت
رضوان / ايييه يعني ايه الحديد ده
جلال / اهدى بس يحضره العمده البت صغيره هتهرب تروح فين بس
رضوان / بتك جابتلنا العار ي جلال وان مكنتش انت عرفت تربيها ف انا هعرف اربيها كويس
امر رضوان الغفر بالبحث عن فرح ولكن لم يجدوها
ف سياره صقر
فرح / هو انت موديني ع فين
صقر / هتعيشي معايا
فرح / ايييه الحديد الماسخ اللى انت بتجوله ده انت اتجننت ولا اي
صقر / لسانك طويل ومحتاج قطعه
فرح / فرجيني اكده هتجطعهولي كيف …. انا هبلغ الحكومه واجولهم انك خاطفني
صقر / انا مخطفتكيش انا انقذتك
فرح / وه كيف يعني
صقر / انتي عارفه اللي كان هناك ده كان اي
فرح / ايوا فرحى
صقر / كويس … وتعرفي اي بقا عن الجواز ي شاطره
فرح / الحربايه جالتلي انه ……
ضحك صقر بشده ع تلك الكلمه التي تفوهت بها فرح ( الحربايه )
صقر بضحك / استني بس مين الحربايه
فرح / مرت ابوي
صقر / طب وفين مامتك
فرح / امي اتوفت من وانا صغيره
صقر / ربنا يرحمها ي رب …. كملي ي فرح
فرح / هي بجا جالتلي اني هتجوز العمده وهيجيبلي لعب كتير وهيوكلني اكل حلو جوي جوي وهيجيبلي كل اللي نفسي فيه
صقر / بس قالتلك كده بس
فرح / ايوا
صقر / وانتي طبعا عشان ببطن ف فرحتي و وافقتي
فرح / اختشي و اتحدد معايا كويس اومال
صقر بابتسامه / ماشي ي ام لسان طويل
فرح / برضك
صقر / بصي ي فرح مش انتي كنتي هتتجوزي وتسيبي باباكي ومراته الحربايه دي وتروحي عند العمده عشان يجيبلك كل اللي نفسك فيه
فرح / ايوا
صقر / خلاص انتي هتعيشي معايا وهجيبلك كل اللي نفسك فيه واكل ولعب كتير اوي وكمان هوديكي المدرسه تكملي تعليمك وتكبري وتبقى احسن ….. الا انتي نفسك تطلعي اي
فرح / والله ي بيه انا كان نفسي اطلع من بيتنا واستريح من الحربايه وخلاص
ضحك صقر بشده
صقر / دمك خفيف ي فرح
فرح / انت عمال تجولي ي فرح ي فرح وانا مش عارفه اجولك اي
صقر / انا اسمي صقر
فرح / ماشي ي ابيه صقر
صقر بابتسامه / ماشي ي فرح
ف منزل رضوان ~~~
الغفير / دورنا عليها ي حضره العمده ف الصعيد كلها ملهاش اي اثر
رضوان بعصبيه / كيف يعني انشجت الارض وبلعتها ولا اي
الغفير / والله جلبنا عليها الدنيا ملجينهاش
رضوان / طب غور من وشي عاد
افتكر رضوان ان ابنه صقر كان وعده بحضور الفرح ولكنه لم يأتي
اخذ هاتفه وقام بالاتصال به عده مرات ولكن هاتفه كان مغلق
رضوان / ابراهييم … ي ابرااهيييم
ابراهيم / ايوا … ايوا ي حضره العمده
رضوان / انا مش كنت موصيك تجابل صجر ابني
ابراهيم / ااا … اا .. ايوا ي عمده
رضوان / ايوا اي هو جه ولا لا
ابراهيم / مم .. ماجاش
رضوان / كيف يعني ده هو كلمني وجالس انه جاي
ابراهيم / مم ..مخبرش
رضوان / مالك متوتر اكده
ابراهيم / مافيش انا كويس
رضوان / طب روح روح
بعد عده ساعات وصل صقر الي منزله وكانت فرح قد ذهبت فى نوم عميق فحملها وصعد بها وتركها ف غرفته واستعد للنوم ع الاريكه بالخارج
ف صباح يوم جديد
ف الصعيد ~~~
استيقظت ميرفت مبكرا فوجدت جلال مستيقظ بجانبها
ميرفت / ايه اللي مصحيك بدري اكده يخويا
جلال / انا مجاليش نوم عاد
ميرفت
ميرفت / هنعملوا اي بس ماهي مجصوفه الرجبه دي متربتش
جلال / بسسس بجااا انتي السبب انتي اللي زنيتي عليا عشان اجوز البت لحد ما طفشت منك لله ي ميرفت انا مش مسامحك
ميرفت / دلوجت اللوم كله ع ميرفت … ميرفت اللي فضلت مستحمله جرفك انت وبتك خمس سنين
جلال / عليا الطلاج ي ميرفت لو ما جفلتي خشمك معايا لكون مطلجك هه
ميرفت / ي حظك المهبب ي ميرفت … ي ميله بختك ي ميرفت
خرج جلال وهو ف غايه العصبيه وذهب الي منزل العمده رضوان وسأل عليه الغفير لكن اجابه الغفير بأنه سافر الي القاهره الي ابنه صقر
ف القاهره ~~~
استيقظت فرح مبكرا وظلت مندهشه من الغرفه ولا تعلم اين هى تكون فخرجت من الغرفه فوجدت صقر جالسا ع الاريكه
فرح / ابيه صقر
صقر / صباح الخير ي فرح
فرح / صباح النور …. هو ده بيتك ي ابيه
صقر / ايوا ي فرح
فرح / بسم الله ماشاء الله بيتك حلو جوي جوي
صقر بابتسامه / اهو انتي ي فرح هتعيشي معايا هنا لحد ما متكبري
فرح / بجد ي ابيه
صقر / ايوا بجد
فرح / طب انا كنت نايمه ف مندرتك صح
صقر بضحك / بصى ي فرح من هنا وجاي انتي هتتكلمي زيي انا عارف انك بنت شاطره وهتتعلمي بسرعه ف انسى لهجه الصعيد دى عشان هدخلك مدرسه هنا كلهم هيبقوا بيتكلموا زيي كده ف انتي اتعودي عشان متبقيش مختلفه عنهم اتفقنا
فرح / اتفقنا ي ابيه
صقر / اه صحيح …. خدي الشنط دى فيها هدوم ليكي وكل حاجه هتحتاجيها وانا كلمت عمال هيجوا يظبطولك اوضه عندي وتبقى اوضتك الجديده
فرح / الله ….. شكرا ي ابيه صقر
صقر بابتسامه / من هنا وجاي متشكرنيش بقا انا زي اخوكي الكبير ماشي
فرح / ماشي
صقر / يلا قومي غيري ع ما احضر الفطار
فرح / حاضر
بعد قليل رن جرس المنزل ف تعجب صقر
صقر / ميين ؟؟
رضوان / افتح ي ولد انا الدك رضوان …
يتبع ……
لقراءة باقي حلقات الرواية اضغط على (رواية أحببتها صغيرة)