رواية بسمة الفصل السادس 6 بقلم شهد ياسر

رواية بسمة الفصل السادس 6 بقلم شهد ياسر

رواية بسمة البارت السادس

رواية بسمة الجزء السادس

رواية بسمة الحلقة السادسة

ردت يسرا بنوم
=طب هحجزلك معاه الصبح .
_مم..مينفعش د..دلوقتي؟
= دلوقتي اية يا بسمة دلوقتي الساعة ١٢ ..وبعدين مال صوتك؟
حكيت ليسرا كل الي حصل
=لا دي حاجه زايدة عن حدها اوي ، ما تقولي لباباكي طب يا بسمة؟
ضحكت بسخرية
_مم..مش ل..لما ي..يحس اا..اني مم..موجودة ا..الاول .
=طب بصي يا بسمة نامي دلوقتي والصبح هحجزلك ونروح .
_تت..تمام ت..تصبحي عع..علي
خ..خير .
=وانتِ من اهل الخير .
قفلت معاها ونمت وبعدين صحيت الفجر علي صوت المنبه بتاعي صحيت اتوضيت وصليت وقعدت اقرأ قرآن شوية لحد ما النهار طلع وقومت انام شويه قبل الدرس .
صحيت علي صوت تليفوني وهو بيرن وكانت يسرا الي متصلة .
= بسمة انا حجزتلك النهاردة عند الدكتور الساعة ٤ .
_تت..تمام شش..شكراً ي..يا ي..يسرا .
=العفو يا بنتي علي اية .
قفلت معاها ونزلت روحت درسي خلصته وكان وقتها الساعة ١٢ لما روحت البيت وكالعادة بابا مخدش باله اني جيت .. انا حتي ساعات بشك انه موجود اصلاً !
بعت ليسرا مسدچ علي الواتساب مضمونها انها تعدي عليها تبقا تاخدني الساعة الساعة ٣ ونص خصوصاً ان عيادة الدكتور جمبنا وممكن تتمشي اصلاً .
صليت الظهر و قعدت ذاكرت لحد ما الوقت عدا ولقيت الساعة بقت ٣ فقومت لبست وعدت يسرا عليا وروحنا للدكتور و قعدنا حبه وبعدين دخلنا .
” اهلاً اتفضلوا .
_شش..شكراً .
=شكراً .
=بص يا دكتور بسمة عندها مشكلة بسيطة يعني فالنطق وكده …..
الدكتور كان قاعد بصصلي و يسرا بتتكلم وتقريباً هو مكنش مركز معاها هو كان مركز معايا انا وكان باصصلي مش بصة وحشة ممكن بصة اعجاب او كده وكان مبتسم جداً .
” تمام احنا هنبدأ مع انسة بسمة من النهاردة لو يعني هي حبة وهنعمل زي exercise بسيط وهو انها تتكلم مثلا مع حضرتك كل يوم لمدة معينة ومع كل يوم المدة دي هتزيد يعني مثلا النهاردة هتروح تكلمك عشر دقايق و بكرة ربع ساعة وهكذا .

_يي..يعني ك..كل يي..يوم ب..بنزود خ..خمس د..دقايق .
“ايوة بالظبط هتفضلي تزودي لحد ما انا اقولك خلاص تمام وتكوني اتحسنتي .
_تت..تمام شش..شكراً .
” هتبدأي النهاردة ولا المرة الجاية ؟
فكرت شوية وبعدين قولت
_اا.. النهاردة .
” تمام يلا نبدأ .
=هو احنا هنبدأ ايه طب؟
“بصي دي جلسات عبارة عن اني اقول كلمات او جُمل بس احنا هنبدأ بكلمات وكده الاول وان شاء الله آنسة بسمة تتحسن .
ابتسملي بعد ما خلص كلامه وقومنا ودانا علي اوضة شبة الاستديو الي بيسجلوا فيه الاغاني وقعد يقول كذا كلمة وانا احاول اقولها بسرعة وعلي بعضها طبعاً مع اول يوم مكنش احسن حاجة بس انا كنت حاسة ان في حاجة حلوة هتحصل .
روحت انا ويسرا واتفقت معاها اني قبل ما انام هكلمها عشر دقايق زي ما الدكتور قالي ونمت بعد ما كلمتها .
عدا شهر اتحسنت فيه كتير ويعتبر رجعت زي قبل وفاة والدتي وانا ويسرا بقينا اصحاب جداً .
اتنهد الدكتور و هو بيقولي
” تمام يا آنسة بسمة النهادرة اخر يوم علاج .. انتِ اتحسنتي كتير عن الاول .
لاحظت ان شكل دكتور محمد متدايق وعيونه باين عليها الحزن وابتسامته الي كانت غايبة المرة دي ولقيت نفسي بلا مقدمات بقوله
_ مالك يا دكتور حضرتك كويس؟
ابتسملي بحزن
” بصراحة لا
اتنهد وقام قعد عالكرسي اللي قدامي وكمل كلامه
” بصراحة يا بسمة انا اعجبت بيكي من اول يوم شوفتك فيه ومع كل يوم شوفتك في حبيتك واتعلقت بيكي وببرائتك وطيبتك… بس انتِ مش هتيجي تاني وحتي لو جيت اتقدمت أكيد باباكي مش هيوافق لأني عارف انه من اكبر رجال الاعمال فأكيد مش هيوافق بيا .
كنت قاعدة بسمعه و لما خلص كلامه قولتله وانا مبتسمة
_تعالي اتقدم واللي في الخير يقدمه ربنا .
بعد ما خلصت الي قولته قومت ومشيت وانا مبسوطة وكلمت يسرا حكيتلها وانا مبسوطة وهي كمان كانت مبسوطة ويمكن اكتر مني بكتير وبعدين افتكرت ناريمان الي طول الشهر دا مشوفتهاش ولا بقت تكلمني خالص .
_يسرا متعرفيش حاجة عن ناريمان ؟
=اوف يا بسمة ما تسيبك منها شاغلة بالك بيها ليه ؟
_خايفة يكون جرالها حاجة يا يسرا .
= ما تموت ولا تتحرق يا بسمة انتِ نسيتي معاملتها ليكي وتهديدها ليكي _ياستي ربنا يسامحها بقا المهم متعرفيش بيتها فين ؟
= لا مش عارفة .. بصي انا اعرف واحدة من صحابها هكلمها يمكن تعرف .
_تمام باي .
قفلت معاها وقعدت اتمشي لحد ما لقيت يسرا بتتصل عليا
_عرفتي بيتها يا يسرا ؟
= ايوة اقولهولك ؟
_لا انا جايه بيتك اخدك ونروح ليها .
= تمام مستنياكي .
بعد ما قفلت مع يسرا خدت تاكسي وروحتلها وبعدين يسرا قالت للسواق عنوان ناريمان
‘ انا اسف يا آنسات مش هقدر ادخل بالتاكسي اكتر من كده عشان دي منطقة لبش وفيها تكسير كتير .
_ خلاص يا اسطا شكراً ليك .. يلا يا يسرا نكمل الباقي مشي .
= يلا .
‘ خلي بالكوا بس يا آنسات عشان فيه شباب مش كويسة فالحتة دي فخلي بالكوا من نفسكوا .
= تمام يا اسطا شكرا ليك .
نزلنا وقعدنا ندور علي بيت ناريمان
~عايزين مين يا حلوين
كان صوت ست في أوائل الستينات واقفه فشباك بيتها الارضي .
_ناريمان حسام
~ اه قصدك مني حسام ؟
= لا يا حجة ناريمان .
~ لا يا حبيبتي هي اسمها مني بس هي بتحب تعمل نفسها من الناس الأكابر الاي زي حالتكوا .
_اه طب يا طنط هو فين بيتها ؟
~شايفين النجار الي هناك دا البيت الي جمبه علي طول .
_تمام شكراً ليكي .
دخلنا بيتها وخبطنا عليها وفتحتلنا وهي علي وشها كدمات كتير واكنها كانت بتتخانق !
* اية الي جابكوا هنا ايه جاين تشوفوني وانا مضروبه ومتبهدله عشان تقعدوا تتريقوا عليا بقا ها صح؟
خلصت جملتها وعيطت خدتها فحضني وطبطبت عليها
_احنا مش جايين نشمت فيكي يا ناريمان انا قلقت عليكي فقولت اجي اشوفك واتطمن عليكي .
كانت ساكته وبتعيط بس فكملت
_ ناريمان هو انتِ ليه كنتي بتتنمري عليا ديماً انا عملتلك ايه ؟
*واحدة زيي عايشة فحارة لابسة توب مش توبها ودايما بتتصنع انها بنت ناس مش بنت راجل سُكري من ساعة ما اتولدت وهو كل ما يحس انه متدايق يطلع قرفه كله فيها ويضربها لازم كنت اكرهك وانتِ غنية وبنت ناس وابوكي مبيمدش ايده عليكي .
سكتت وفضلت تعيط تاني
_اهدي باللَّه عليكي بصي تعالي اقعدي معايا لحد ما تلاقي شغل تقدري تأجريلك بيه شقه تقعدي فيها .
هدت وخدتها ونزلنا وروحنا البيت عندي .
قعدت عندي فترة وبقينا صحاب وهي بقت احسن كتير عن الاول ومحمد جه خطبني وبابا وافق وعملنا الخطوبة ويسرا و ناريمان وقفوا جمبي جداً اليوم دا وكان احسن يوم فحياتي واخيراً حياتي بقت طبيعية ومفيهاش اي تنمر .
تمت♥
“العفو عند المقدره”

• لقراءة الفصل التالي : اضغط هنا
• لقراءة باقي حلقات الرواية اضغط على (رواية بسمة)