رواية عمياء سكنت روحي الفصل الثالث عشر 13 بقلم إسراء ابراهيم

 رواية عمياء سكنت روحي الفصل الثالث عشر 13 بقلم إسراء ابراهيم

رواية عمياء سكنت روحي البارت الثالث عشر

رواية عمياء سكنت روحي الجزء الثالث عشر

نزل عاصم وكانت هانم تحت اول ما شافته اترمت في حضنه
وبقت تعيط ، بنتنا رجعت يا عاصم انا لحد دلوقتي مش
مصدقة ،هششش خلاص يا حبيبتي عشان خاطري بقي بطلي
عياط انا مبحبش اشوفك بتعيطي كدة والله انا كمان مش
مصدق بس الحمد لله اهي في حضننا دلوقتي وهنعوض كل
اللي فاتنا رفع وشها بايده وقالها لسة زي ما انتي شكلك
بيبقي حلو وانتي بتعيطي ، ضحكت بكسوف وقالتله وانت
زي ما انت جميل يا عاصم وكانت عايدة نازلة عالسلم
شافتهم واتجننت ، خلاص يا هانم بطلي دراما اهي بنتك
رجعت لحضنك ، هانم اتنهدت وبصت لعاصم اللي قالها
خليكي في حالك يا عايدة ومتدخليش بينا تاني فااهمة
انا مقصدش يا عاصم انا بس بفهمها ،محدش طلب رايك
يبقي متدخليش ، يا حسييين حضرو السفرة يلا ، امرك يا
باشا ، يلا يا حبيبتي تعالي وخد هانم وساب عايدة واقفة
هتشيط
…………..
كلهم متجمعين عالسفرة واروي حاسة انها محرجة ، وخرج
معاذ واياد من المكتب وقعدو معاهم ، اقدملك يا اياد دي
اروي بنت عمي ، اهلا اتشرفت بمعرفتك ، وده اياد
يبقي صديقي وحضرته ظابط بس فاشل وكلهم ضحكو هانم
قالت لا والله ده شاب ما شاء الله عليه الف بنت تتمناه ربنا
يحميه ، اه والله يا طنط بس انا بقي مش عايز إلا واحدة
بس من الالف دول وبص لسيلا وهيا عملت نفسها مش
واخدة بالها ، وعايدة حبت كالعادة تحط التاتش بتاعها فقالت
قوليلي يا اروي انتي اتعميتي ازاي ، كلهم بصو لبعض واروي
صعب عليها نفسها وكانت هتعيط وعلي جوزها اخيرا نطق
وقالها وانتي مالك يا عايدة ما تخليكي في حالك ، وهانم
حبت ترد كرامة بنتها وقالتلها بنتي مش عامية يا عايدة هيا
بتشوف بقلبها الدور والباقي عليكي انتي اللي الحقد والكره
عاموكي وخلوكي عامية البصر والبصيرة كمان وبنتي خط
احمر عشان لو بعديلك فده كان زمان لاني مكنش بيهمني
حاجة ولا باقية علي حاجة الا جوزي وبس لكن دلوقتي اللي
هيقرب من بنتي او جوزي هاكله بسناني قومي يا اروي نطلع

وخدت اروي ومشيت ، خلي مراتك تلزم حدودها يا علي والا
هيبقالي تصرف مش هيعجبكم وقام هو كمان ، ليه كدة يا
مامي حرام عليكي ليه تحرجيها بالشكل ده دي اروي طيبة
جدا ومتستاهلش كدة وقامت خرجت علي برة ، واياد اتحرج
وحس انه لازم يمشي واستاذن ومشي ، معاذ بصلها بغضب
انتي ليه مصممة تكرهيني فيكي ، يوووه هو حصل ايه لكل
ده مكنش مجرد سؤال يعني ، انتي مصممة تخربي عليهم
حياتهم ليه مش كفاية اتحرمت من بنتها عشرين سنة انتي
ليه مصممة تبقي قاسية اووي كدة انا لولا انك امي كان
هيبقالي تصرف تاني وسابها وطلع علي فوق ، اياد خرج لقي
سيلا واقفة بتعيط صعبت عليه وقرب منها ، علي فكرة غلط
العياط بليل ،مسحت دموعها وقالتله سعات بيبقي غصب
عنك ممكن أسألك سؤال ، طبعا ، هو كدة يبقي حرام عليا اما
احس اني بكرهها ، انتي مش بتكرهيها انتي مش راضية عن
تصرفاتها وده بيخليكي تحسي بكدة بس انتي بتحبيها
وعشان بتحبيها مش عايزاها تبقي وحشة ، عيطت جامد
وقالتله انا نفسي تتغير مش مستحملة نظرة الكل ليها بالكره
يبقي ادعيلها ربنا يهديها وحاولي انتي تقربي منها اكتر ، قرب
منها ومسح دموعها وقالها دموعك غالية عليا ارجوكي
متعيطيش،اتكسفت و بصتله بجد شكرا انك سمعتني انا كنت
محتاجة اتكلم مع حد ، انا موجود دايما لو احتجتي اي حاجة
كلميني وهتلاقيني قدامك ، اكيد طبعا بعد اذنك وسابته
ودخلت وهو فضل يبص عليها لحد ما دخلت وبعدين مشي
………….
تاني يوم في المستشفي احمد ابتدي يفوق وامه جريت
عليه ،حمدلله علي سلامتك يا ابني الحمد لله يارب الحمد لله
الله يسلمك يا امي متقلقيش انا كويس ، ابرهيم قاله الف
سلامة عليكي يا احمد يابني انتي بخير دلوقتي ، الحمد لله
يا عمي انا كويس ، طيب مين يابني اللي عمل فيك كدة
احمد مردش ودخل الدكتور ، صباح الخير الف حمدالله علي
سلامتك يا بطل ، الله يسلمك يا دكتور ، طيب الحمد لله انت
كويس عن الاول انا حبيت ابلغك ان المستشفي بلغت طبعا
لان دي واضح انها مش حادثة دي تعدي ولازم حقك يجي
الظابط برة هيجي باخد اقؤالك ، تمام ودخل الظابط واحمد
قال ان ميعرفش مين دول ولا مين باعتهم ، تمام لو وصلنا
لحاجة هنبلغك الف سلامة وخرج ، ازاي يابني متعرفش مين
دول يعني هيضربوك كدة ازاي ، البوليس مش هيعمل حاجة
يا عمي وحقي انا هعرف اجيبه وبص بعيد كانه بيفكر في
حاجة
……………..

خبطت سيلا علي اروي ودخلت ، يلا يا جميل قدامنا يوم
طويل ، علي فين بقي ، هنروح نعمل شوبنج ، اروي اتحرجت
وقالتلها بس ازاي يعني ، متقلقيش معاذ هيجي معانا وهو
اللي هيدفعلنا واحنا بشواات وضحو سوا واروي قالتلها
ماشي وخرجو وراحو المول واشترو هدوم وحجات كتير ،
نفسي اعرف انت جاررني وراك كدة فين ومخليني لغيت
محاضرة بسببك وجايبني هنا وانا مش فاهم اي حاجة ،اياد
عمال يتلفت يمين وشمال وقاله بطل رغي يا اسر وهفهمك
بس اصبر انت ولقي فعلا سيلا واروي خارجين من محل
وقاله اهم يلا وشدو من ايده وراح ناحيتهم ، ايه ده ايه
الصدف الحلوة دي ازيك يا سيلا ازيك يا اروي ، اروي
ضحكت وكأنها فهمت حاجة وقربت من سيلا وقالت مش ده
صوت اياد صاحب معاذ ، اه هو بتضحكي علي ايه ،مفيش
بعدين هفهمك وعلت صوتها اهلا يا اياد ،ومعاذ دخل عليهم
ايه ده انت جيت هنا ازاي ، لا مفيش اصل كنا بنشتري هدوم
انا واخويا اسر وبالصدفة لقيت اروي وسيلا هنا ، اسر بصوت
واطي ااه يا بن الذين بقي كدة بتعملني كوبري ماااشي
وغمزه اياد في ايده ، فاسر قال صدفة سعيدة يا جماعة والله
تعالو بقي نشرب حاجة ،معاذ قالهم يلا ، وراحو الكافيه سوا
ومعاذ رن عليه ابوه ورد وقاله انهم في المول قاله انه هيعمل
حفلة بمناسبة رجوع اروي وقفل معاه وقالهم وعزم طبعا اسر
واياد اللي كان متابع سيلا ومركز معاها وفرحان انه شايفها
وفون اروي رن وكانت سعاد وقالتلها علي احمد وقامت
وقفت وقالتلها انا جاية حالا ، معاذ قلق وقالها مالك في ايه ،
معاذ لو سمحت وصلني المستشفي احمد عمل حادثة ولازم
اروحله ، طيب طيب يلا بينا ، اياد قاله متقلقش انا هوصل
سيلا وانت خد اروي وروح بسرعة عالمستشفي ، تمام يلا بينا
اياد بص لاسر اللي كان عارف انه هيمشيه وقاله يلا امشي
انت كدة عملت الازم ، اسر بصله وضحك علي اخوه اللي
واقع ، بقي كدة يا اسر خلاص مليش لازمة ماشي مردودة
واستأذن منهم انه عنده محاضرة ومتأخر ومشي
…………….

عفارم عليكم يا رجالة ، متقلقش يا حسام ادناله علقة هيحرم
بعدها يقرب بس منك ، ولسة انا هوريه هو والسنيورة ،
وامل هتعمل معاها ايه ؟ لا دي خلاص ملهاش لازمة بعد
التنازل اللي عملته عن الشقة بس ليا مزاج اخليها كدة شوية
عشان تتربي يلا روح انت وحسابك هتلاقيه مع الراجل
التاني
……………
هدي راحت الكلية وهيا مخنوقة من بعد اروي عنها وحاسة
ان بقالها سنة بعيد عنها وقابلت ميرا وحكتلها وحاولت تهون
عليها كتير وقالتلها طيب تعالي نروح ناكل في اي حتة
وتحكيلي دكتور اسر كان عايزك في ايه اه اوعي تفكري اني
بنسي هتحكي غصب عنك ، ضحكت هدي علي صحبتها
وقالتها مبتنسيش ابدا ماشي ياختي يلا ،وهيا خارجة من
باب الكلية قابلت اسر كان داخل بصلها وهيا حاولت تنجاهل
وجوده مع انها اول ما شافته قلبها دق جامد وكأنه بيكدبها
وخرجت بسرعة قبل ما يكلمها ومشيو واسر فونه رن وكانت
داليا خطبته نفخ وبعدين رد ، خير يا داليا في حاجة ، ايه يا
اسر هو انا كل ما اكلمك متردش ياما قافل الفون ، عشان احنا
بنكدب علي بعض وانتي عارفة كل حاجة وعاملة نفسك مش
شايفة بس انا بقي مش عارف اعمل زيك واكمل في التمسلية
دي ، ليه كدة ده انا بحبك ، متكمليش عشان انتي عارفة رأي
في الموضوع ده وعارفة اني خطبتك بسبب ……….