رواية كسرة القانون الفصل العاشر 10 بقلم أودي الفرجاني
رواية كسرة القانون الفصل العاشر 10 بقلم أودي الفرجاني
رواية كسرة القانون البارت العاشر
رواية كسرة القانون الجزء العاشر
رواية كسرة القانون الحلقة العاشرة
عند هيثم و آيات
كانو ساكتين آيات ادموعها😭سيل و هيثم راقيله😡 من كلام أمه
هيثم كانت غمتله: حبيبي سألتك بالله بلاش ابكاء واللهي قطعتي قلبي💔
آيات🥺
هيثم قرب علي آيات مسحلها ادموعها و ما افطنو الا وهما طالعين من الأشارة الحمره
وتلقتهم سيارة و طاااااااااااف اخبطت فيهم
😱😱
……
آيات افتحت اعيونها لقت أيه و فاطمه فوق راسها
آيات ابصوت دوبه طالع: ويه🤕💔
أيه وفاطمه جاً يجاراً🏃♀️🏃♀️
أيه: الحمدالله ع سلامه❤
فاطمه: الحمدالله ع سلامه❤
آيات: الله ايسلمكاً هيثم وين هو اكويس
أيه: اهاا الحمدالله كدمات خفيفه بكل
آيات غمضت اعيونها😌: الحمدالله
فاطمه: شن حاسه انتِ اكويسه
آيات استغربت معاملة فاطمه يالي تغيرت فجأة: اهاا الحمدالله صداع خفيف
فاطمه: باهي الحمدالله
آيات: بس نحن شن صارلنا لأن من بعد السيارة خبطتنا مش مذكره حاجه
أيه: انتو طلعتو من الأشارة الحمرا و خشت فيكم سيارة و الناس سعفوكم للمستشفى لكن الحمدالله كان حادث بسيط حتى صاحب السيارة ما صارله شي
آيات: باهي الحمدالله هيثم وينه
أيه: عدى هو و بابا وقالو أشويه و ايجي الدكتور ايطمنه عليك
…..
عند أهل آيات
سهام كانت اتنقي فالرز علي خشت فهمي و حور
فهمي و حور: السلام عليكم
سهام: وعليكم السلام
فهمي و حور جو سلمو علي سهام وحبو علي يدها
و راسها
فهمي: أمي كيف حالك
سهام تنهدة و اسكتت
فهمي بستغراب🤔: كنك يا أمي في حاجه
سهام: قلبي ناغزني علي أختك💔
فهمي: فريحه كنها🤔
سهام: أختك آيات يا فهمي
فهمي بعصبيه😡: الفاس## هذي تبرينا منها معش عندي أخت خاطي فريحه
سهام اقعدت تبكي😭: معقوله قلبك قاسي للدرجه هذي علي أختك انت اخر واحد كنت انتوقع منك
انك اتبيع آيات يالي كنت ما اتحمل فيها حاجه
فهمي😡: آيات لما اطلعت من الحوش ماحسبتش احساب سمعتنا ولا احساب الرجاله يالي وراها
وتبيني اندافع عليها لالالا آيات اغلطة و تأكدي انها ح تدفع ثمن غلطتها وصبى فهمي طلع و سهام تبكي و حور اتواسي فيها و قالتلها ان ردة فعله
طبيعيه لأنهم مزال واجعهم يالي دراته آيات
….
عند آيات
كانت تحكي هي و أيه و فاطمه علي خشت سعدوهيثم
آيات بحتت في هيثم و اقعدت تبكي😭 لأنها كانت خايفه ايكون صارتله حاجه بس بعد شفاته قدامها اكويس من فرحتها معش اعرفت تمسك ادموعها
هيثم قدم وجا شورها و طبس علي اركابه و مسك يدها😌❤
هيثم ابصوت واطي: الحمدالله علي سلامتك ي روحي❤
آيات: الله ايسلمك❤
هيثم حب💋 يدها و حطه علي قلبه❤
هيثم ابصوت واطي: حسيتي ب دقاته
آيات هزة راسها معناها اهاا
هيثم: أقريب وقفاً بعد شفتك كيف امنزلينك من السيارة و وجك كله دم
آيات قربت يد هيثم عند فمها وحباتها: أنحبك❤
هيثم: انموت فيك😍❤
(وهذي كانت أول مره آيات اتقول لي هيثم أنحبك❤)
( لَمْ ؛ يُخْلَقْ بَعْد الذِيْ سَ , يٌحِبُكِ أَكْثَرَ , مِنّي😍🔥❤)
سعد: احم الحمدالله ع سلامتك ي بنتي
آيات بحتت في عمها: الله ايسلمك يا عمو
علي خشت الدكتور هيثم صبى ومشى شور باته
الدكتور: الحمدالله على سلامتكم
هيثم و آيات: الله ايسلمك
سعد: دكتور طمنه عليهم
الدكتور: لا تمام هيثم كدمات خفيفه زي ما انت شايف
أما المدام فالأول كنت خايف ع جنين لكن الحمدالله الخطر زال ابقدرت ربك
كلهم ابصدمه: الجنييييييييييييييييين😳😳
الدكتور: اهاا مدامتكم حامل كيف ما عندكمش علم
هيثم ابصدمه😳: لالا مانعرفوش انها حامل
الدكتور: اهاا ممكن لأن دوبها في ثالث اسبوع من الحمل
كلهم😍😍😍
هيثم قدم شور آيات و بدون مقدمات ضمها بالقووووووووووه و آيات ضماته و منفجر أبكاء
😭😭❤
……
مشى الوقت فاليل ع ساعه 9 ونص
روحو كلهم للحوش بما أن آيات اقعدت اكويسه
و خشو سعد و أيه وفاطمه للحوش و فاطمه كانت أقريب اطير من فرحتها لأن آيات حامل و هيثم ركب هو وآيات للشقه وكان يمشي بيها بشويييييش ع الدروج
آيات: حبيبي نقدر نمشي اطلقني نمشي
هيثم بحت فيها: تي انتِ شايله قطعه من قلبي كيف انخليك تمشي ابروحك
آيات تضحك😂: امغير خلينا نركبو ابسرعه عليش نمشو بشويه
هيثم: تبي تركبي ابسرعه
آيات: اها
هيثم طبس عليها و رفعها وقعد يركب بيها
آيات تضحك😂: ووووه هيثم نزلني يا مجنون
هيثم ابصوت عالي: أنحبببببببببببك❤❤
علي طلعت نعيمه من شقتها وبعد شافت هيثم كيف شايل آيات صبت اتبحت فيهم
نعيمه🤨
آيات تحشمة من الموقف البايخ يالي صار☺
هيثم بحت في نعيمه ابنص عين😒 و ما بش اينزل آيات
نعيمه ابصوت مسموع: معش في حد ايتحشم
هيثم سمعها وعرف انها تقصدمهم ف حب يقهرها
هيثم ابصوت عاااااااااااالي: أنحببببببببببببببببببببببببببببببببببك❤❤
آيات تضحك ابصوت واطي😅: حبيبي اسسسس بلاش اهبال
هيثم😍
و افتح هيثم باب الشقه و خشو هما الأثنين
…..
عند نسرين
كانت تحكي هي و مراد
مراد: باهي
نسرين: ع عموم عطيته الشيت و هو عطاني الورقه
مراد: باهي شنو الأمتحان ساهل
نسرين: اهو الحمدالله😅
مراد: باهي انشالله بنجاح
نسرين: انشالله
مراد: نسرين
نسرين: نعم
مراد: لو قتلك ان نبي انتقدملك ونبيك مراتي شن اتقولي
نسرين اسكتت🤐
مراد: كنك سكتي🤔
نسرين: بس علي حد علمي ان انتم ماتخذوش برا العيله ف كيف ح تاخذني
مراد: انتِ ما عليك اهم حاجه رايك انتِ
نسرين: انت شاب محترم و خلوق و كل ابنيه اتمناك
مراد: يعني نفهم من ردك انك اموافقه😍
نسرين: اهاا☺
مراد😍😍
……
عند هيثم و آيات
خش هيثم ايدوش و آيات جت ع سرير و افردت جسمها و بدون مقدمات جت في بالها نسرين و نزلو ادموعها😥
بعد اذكرت حديث صار بينها وبين نسرين و ردت ذاكرتها لي هذك اليوم
..
كان يوم خميس
و نسرين قاعده عند آيات و قعدات مع بعضهن ف دار
آيات: سمعتي
نسرين: شنو🤔
آيات: حور حامل😍
نسرين: يااااااااااي نجك ليا امتى عرفتو😃
آيات: هي كانت شاكه في روحها وقالتها حتى لي ماما و اليوم عدت عاينة وبعد عطوها التحاليل بين انها حامل
نسرين: باهي ألف مبروك يعني تبي تقعدي اعميمه
آيات: اهاا😍
نسرين: آيات تعرفي انِ خاطري نقعد عمه و لا خاله
بس للأسف ربي مش امقدر
آيات: سينو ما اتخلنيش نزعل منك
نسرين: كنك عليشآيات: نحن مش بس صحبات نحن خوات و أكيده ح تقعدي خاله
نسرين: نجك ليا ياريت نقعد خالتو😍
آيات: ان شاء الله ح تقعدي خالتو لي أعيالي و أنا نقعد خالتو لي أعيالك😍
نسرين: اللللللللله😃محلاه اليوم يالي نقعدو متزوجات وعندنا عيال ونحن مزلنا مع بعضنا وكيف الخيات واللهي طول عمري انتمنى نقعدو صحبات و خيات لي أخر العمر
آيات: انشالله يا قلبي❤
نسرين❤
…
آيات بعد اذكرت نسرين و كيف كانن ايتعاهداً ان ما عمرا في حاجه ح اتفرق بيناتهن حست
قلبها مكسور💔 لأنها خانت عهدهن
هيثم طلع من الحمام(حشاكم) وخش للدار لقى آيات تبكي قدم شورها ابسرعه
هيثم ابخوف😟: حبيبي كنك
آيات😭: امرآيفه عليها
هيثم: من هي🤔
آيات😭: نسرين
هيثم: باهي تقدري اتكلميها
آيات: تحكي جد
هيثم: اهاا احكي امعاها بس وثقيها انها ماتحكي الحد علي مكالمتك
آيات افرحت واطلعت خذت فونها و اقعدت اتسجل في رقم نسرين
….
عند نسرين
سكرت من مراد و هي فرحانه لأن مراد ح يزوجها
و أخطرت عليها آيات و لو كانت قاعده قديش كانت ح تفرحلها و فجأة رن فونها بحتت لقاته رقم غريب
فالأول مابتش اترد وبعدها قررت اترد
نسرين افتحت الخط و اقعدت ساكته🤐
آيات والدموع في اعيونها🥺: نيسو حبيبي
نسرين بعد اسمعت صوت آيات طاحت من طولها
و قعمزة ع وطى و انفجر ابكاء😭😭
نسرين وهي تبكي بالعبره😭: ويته ي عمري انتِ وينك ي روحي وينك وين عديتي وسيبتيني
آيات كانت تبكي بالشهقه ابصوت عالي هيثم طلع من الدار يجري وجا قعد ايهدي فيها
هيثم ابصوت واطي: حبيبي خلاص اهدي
نسرين منفجر ابكاء😭
آيات تبكي😭: أنحبك❤ يا نيسو أنحبك❤ واللهي حياتي من دونك ما تسوى حاجه
نسرين😭: ولا حياتي تسوى حاجه و قسماً بالله العظيم مافي ليلة رقدتها من دون ما نذكرك ونبكي
آيات😭: سامحيني ي روحي سامحيني
نسرين: كيف حالك وحال صحتك وشن دايره مع هيثم
آيات: الحمدالله اكويسه و هيثم ايحبني أكثر من روحه و هله كانولي كيف هلي
نسرين: باهي الحمدالله
آيات: نيسو كيف حال ماما و فريحه و عيلتي كلها
نسرين ماحبت تحكي لي آيات ع يالي صاير فالعيله
و انهم تبرو منها
نسرين: تبي الحق الكل بعدك حياتهم ضاعت بس الحمدالله
آيات: نسرين قولي الصدق ماما اكويسه
نسرين: اهاا الحمدالله بس لازم تحكي امعاها لأنها من بعد مشيتك كملتها مريضه
آيات تبكي و اتخبط علي وجها😭😭: حي عليا ماما حي عليا كله مني
هيثم: اسسسسس حبيبي مش اكويس انتِ حامل
آيات🥺: ارجوك قوليلي ماما صارلها حاجه
نسرين: واللهي مافيها حاجه
آيات🥺: باهي نطلب منك طلب
نسرين: أمريني ي روحي
آيات: نبيك اتعدي عندهم و اتقولي لي ماما و فريحه انِ كلمتك و لو سنحت الفرصه خليني انكلمهن
نسرين: حاضر من اعيوني بكره من الصبح ح نقعد عندهم
آيات: شكراً ي قلبي
نسرين: مش امصدقه انِ قاعده نحكي امعاك واللهي امرآآآآآآآآآآآآآآآآآآآيفه عليك واااااااااجد
آيات: و حتى أنا نبي انموت علي شوفتك ما تعودتش ما انشوفكش كل الفترة هذي
نسرين: الله غالب الظروف احكمت علينا
آيات: نسرين
نسرين: اعيونها نعم
آيات: أنا
نسرين: انتِ شنو
آيات: أنا حامل❤🔥
نسرين ابفرحه😃: احلفي
آيات: وقسماً بالله
نسرين اقريب طارت من الفرحه😍❤
نسرين❤: باهي كيف عرفتي
آيات: اليوم ….
و اقعدت آيات تحكي لي نسرين ف يالي صار و نسرين كانت فرحاااااانه قد الدنيا و اقعداً ايهدرزاً قرابت ال3 ساعات وبعدها سكراً وهنا مزال في خاطرهن يحكاً
مع بعضهن
…..صباح يوم جديد
ع ساعه 10 ونص
فريحه وعت بدري من غير عوايدها و خشت غسلت وجها و اطلعت تفطر علي رنة فونها بحتت لقاته نادر ردت عليه
نادر: صباح العسل حبيبي❤
فريحه: صباح الورد🌸🌸 ي روحي❤
نادر: كنه صوتك مش عاجبني🤔
فريحه: لا شي غير دوبي واعيه
نادر: تي صاح خطرتي عليا شن وعاك بدري
فريحه: مش عارفه فتحت اعيوني انحسابها الساعه 12 ولا 1 بعد القيتها 10 اقريب انجلطت
نادر😂
فريحه😂
نادر: عمتي شن دايره
فريحه تنهدة: ماما
نادر: اهاا كيف حالها
فريحه: ماما من بعد ما عدت آيات وهي في حاله ما يعلم بيها الا ربك
نادر: ربي ايصبرها نبي نسألك و رد بالك تكذبي عليا
فريحه: وانا عمري كذبت عليك
نادر: لالا غير انوثق فيك
فريحه: باهي قول
نادر: انتِ كان عندك علم ب يالي تبي اديره آيات
فريحه اسكتت🤐
نادر: ردي عليا كان عندك علم
فريحه ابتوتر😣: لالا ماكنتش عارفه
نادر: حبيبي انتِ وعدتيني مش ح تكذبي
فريحه: اهاا مانكذبش انا نحكي فالصدق
نادر: بس أنا حاس انك كنتِ تعرفي ب يالي كانت تبي اديره
فريحه: لالا ما كان عندي العلم
نادر: باهي تمام غير كنت نبي انتأكد
سهام اتنادي: فريييييحه فرييييييييحه
فريحه: حبيبي ماما اتكلم فيا انعدي انشوفها وبعدين انكلمك
نادر: باهي تمام اساساً انا اشويه وجايكم
فريحه: تحكي جد😍
نادر: اهاا لأنِ ميت علي شوفتك وبالمره نطمن علي عمتي
فريحه: خلاص نرجى فيك😘
نادر: خلاص اتقريب انطق فيكم اساساً انا اقريب منكم
فريحه: تمام باي🤗
نادر: سلام🤗
و سكرو و عدت فريحه لي أمها اتشوف فيها
فريحه خشت للدار: نعم ماما
فريحه😱😱
……
عند نسرين
وعت لقت امها وباتها يفطرو جت تفطر امعاهم
نسرين: بابا نبيك اتشيلني نطمن علي اعميمه سهام
خالد: باهي بعد العصر تو انشيلك
نسرين: لالا توا بعد الفطور نبي نمشي
أمنه: اهاا شيلنا توا لأن ليا اسبوع ما اطمنة عليها
خالد: باهي كملو و تو انشيلكم
وصبى خالد خش للدار و نسرين و أمنه يفطراً
…..
عند هيثم و آيات
آيات افتحت اعيونها علي بنت القهوه بحتت جنبها لقت هيثم مش قاعد صبت آيات بشويش و اطلعت للحمام(حشاكم) غسلت وجها و اسنونها و اطلعت لقت هيثم ايحط فالفطور
آيات: صباحؤؤؤ حبيبي❤
هيثم قدم شورها: صباح السكر ي عمري صح النوم
آيات: سلمك فيش ادير
هيثم: انديرلك فالفطور
آيات: عليش ادير فيه كان خليته بعد وعيت درته
هيثم: لالا مانبيك تقربي شي خاطي انك اتحطي عينك من روحك ومن اوليدي
آيات اقعدت تضحك😂 وقعمزة ع كرسي: باهي يا شيف هيثم هيا نبي نفطر
هيثم: خمسه و يكمل الفطور
وخش هيثم ايجيب فالفطور و آيات تستنى فيه علي رنة فونها بحتت فيه لقتها نسرين ردت عليها طول
آيات: صباح النور ي قلبي
نسرين: صباحك مبروك حبيبتي
آيات: كيف حالك اليوم وكيف حال خلودي و اعميمه أمنه
نسرين: الحمدالله اكويسين قتلك توا نبو نمشو لي هلك و ح انخلي اعميمه سهام و أتو ايكلمنك
آيات: باهي تمام نرجى فيك و معروفك هضا مش ح ننساه طول حياتي
نسرين: بلاش براده نحن خوات و الخوات مافيش بيناتهن معروف
آيات: ربي ما يحرمني منك
نسرين: ولا يحرمني منك هيا باي🤗
آيات: باي🤗
وسكراً و آيات كانت طايرة من فرحتها لأنها ح اتكلم امها و فريحه وطلع هيثم ب باقي الفطور و قعمزو يفطرو
…..
عند أهل آيات
فريحه😱😱
وجت تجري🏃♀️ شور امها يالي كانت سااااااااااااخنه
فريحه ابخوف😟: ماما حبيبتي كنك
سهام يا دوبك تحكي: كلمي باتك ابسرعه
فريحه صبت تجري🏃♀️ و اطلعت برا الجنان لقت باتها دوبه خاش هو و نادر
فريحه تبكي😭: بابا تعال ابسرعه ماما حرارتها عاليه و مش عارفه كنها
خليفه خش يجري هو و نادر و في جرتهم فريحه
خليفه جا شور سهام وطبس: سهام كنك فيش اتحسي
سهام كانت تبي تحكي لكن مش قادره
نادر: عمي خلينا انشيلوها للمستشفى
خليفه كان متفلوج ومش عارف شن ايدير
نادر: فريحه لبسيها ابسرعه
فريحه امصبيه وتبكي😭
نادر ابصوت عالي: فرييييييييحه لبسيها فيسع
فريحه لبستها وخليفه طلع ولع السيارة و نادر طبس رفعها وطلع بيها يجري🏃♂️🏃♂️
و اطلعت في جرته فريحه علي خشت نسرين وهلها تقابلو امعاهم
نسرين ابخوف😟: هييييييي😱 اعميمه سهام كنها
فريحه تبكي😭: مش عارفه بس حراره ناااااار🔥بكل
أمنه: هييييي😱حي علينا
خالد: هيا هيا تعلاً امعايا
و اطلعو كلهم شور المستشفى نادر و خليفه شيلين سهام و فريحه عدت مع نسرين و هلها
بعد نص ساعه و صلو للمستشفى و نزلو ب سهام
و خضوها الدكاتره وحطوها فالعنايه وبعد اشويه طلع عليهم الدكتور كلهم جو شوره
خليفه ابخوف😟: ها يا دكتور مراتي كنها شن صارلها
الدكتور: اطمنو هي اكويسه بس عندها فقر دم و يالي خلها توصل للحاله يالي هي فيها انها عندها حالة اكتئاب وهضا يالي خلاها ما تاكلش و وصلها لي فقر الدم
فريحه: باهي هي شن وضعها توا
نادر بحت في فريحه و فنص😶😡 فيها يعني اسكتي
فريحه🤭
نادر: باهي شن وضعها توا اكويسه
الدكتور: اهاا الحمدالله تقدرو اتشوفوها بس لازم تقعد هنا الليله بيش نطمنو عليها أكثر
خليفه: باهي تمام
وبعد اشويه خشو كلهم علي سهام و اقعدو ايحمدو علي سلامتها
نسرين رن فونها لقتها آيات اطلعت برا الغرفه و ردت عليها
آيات: نسرين كيف صار لعند توا ماعدِتيش لي هلي
نسرين ابتوتر😖: عديت لكن …
آيات: لكن شنو🤔
نسرين: القيت أعميمه سهام …
آيات ابخوف😟: كنها ماما احكي يا نسرين ماما كنها
نسرين: انقولك بس ما ديري شي لأنها هي اكويسه
آيات😟: نسرين احكي واللهي ما عاد عندي اعصاب ماما كنها😩
نسرين: أعميمه سهام ….. و حكتلها القصه
آيات تبكي و اتعيط😭: وووووووه كلا منِ كلا منِ أنا
أنا يالي خليتها توصل هنا أنا يالي سببتلها الأكتئاب كلا منِ الله لا اتسامحني آآآآآآآآآآه ياربي أنا شن درت في عمري عشان انتكافى هكِ
نسرين تبكي و في نفس الوقت خايفه علي آيات ايصيرلها حاجه
نسرين: ويته خلاص يا عمري هي اكويسه واللهي اكويسه
آيات😭: كلا منِ فهمتي يا نسرين كلا منِ هضا غلطي ومعنى غلطي لكن الكل قاعد ايتعاقب عليه الله لا اتسامحني الله لا اتسامحني
نسرين: ويته اهدي ي قلبي انتِ اهدي بس
آيات😭: خلاص أنا ح انجي و انسلم روحي بالك ايريحوني ونقعد جنب مامانسرين ابخوف😦: لا يا آيات رد بالك اديريها و اتجي
آيات: أنا تعبت يا نسرين تعبت كل يوم تفكيري عند ماما المسكينه يالي ملهاش اي ذنب ف يالي أنا درته خليني اجي ومعش نبي شي خاطي ان نبي نقعد جنب ماما😭😭
نسرين: آيات انتِ هبله ع ساس كان جيتي يبو ايخلوك عايشه و قاعده امعاهم لا يا آيات فكري بالعقل انتِ ح اتجي ح يقتلوك و تخسري كل حاجه تخسري اوليدك يالي مزال ما جا ع دنيا تخسري هيثم يالي ما خفتي من حد و هربتي امعاه و عشان حبه عاديتي الدنيا كلها و ح تخسري أمك و أختك يالي مالهمش غيرك ف دنيا
آيات فكري بالعقل ي روحي
آيات اقعدت تبكي كانت خايفه علي أمها و في نفس الوقت خايفه علي روحها😭😭
نسرين: توا هما كلهم جوا امعاها خليهم كلهم ايعدو
و ح انخليك اتكلميها
آيات: خلاص نرجى فيك
و سكراً هنا الأثنين
آيات حطت الفون و اقعدت تبكي😭😭 علي دقت باب الشقه صبت افتحت لقتها أيه جت و اضبطتها
و اقعدت تبكي😭😭
أيه ابخوف😟: آيات حبيبتي كنك ي روحي
آيات😭😭
أيه خشت و سكرت باب الشقه و قعمزاً فالصاله
واقعدت آيات تحكي لي أيه ع يالي قلاته الها نسرين
أيه: باهي مش قالتلك ان هي اكويسه
آيات😭: أنا عارفه ماما بعد تمرض ما تقعدش اكويسه نين اتشوفني
أيه اقعدت اتهدي فيها و رنت علي هيثم قالتله تعال
و خضت آيات و انزلت هي وياها لوطى و قعدت حتى فاطمه اتواسي فيها
(ع فكره فاطمه من بعد الحادث و حملت آيات تغيرت معاملتها مع آيات 180درجه)
….
عند هيثم
بعد كلماته أيه طلع من العمل و جا شور الحوش ابسرعه
( هيثم قعد يشتغل في محل للعقارات)
هيثم خش ولقى آيات راقده في حظن فاطمه وتبكي قدم شورها ابسرعه
هيثم ابخوف😟: حبيبتي كنك شن في عليش تبكي
آيات😭: ماما مريضه من تحت راسي يا هيثم منِ أنا ماما مرضت
هيثم خضها من حضن فاطمه وحطها في حظنه وقعد يمسح علي راسها: اسسسس خلاص انشالله خير
انتِ اهدي بس
(حنيته أتجنن🤤😍)
آيات: نبي نمشيلها يا هيثم نبي انشوف ماما توا توا
كلهم😳
هيثم ابصدمه😳: بس
آيات: لو ماتبيش اتشيلني واللهي انكلم مراد و انخليه ايجي ياخذني وحتى لو يبي يذبحني خليه يذبحني
هيثم: اسسس خلاص تو انشيلك
فاطمه و أيه: كيييييييييييف وين اتشيلها😳
هيثم: خلاص صبي عدي وتي الشنطه يالي نبو نمشو بيها آيات صبت و اركبت فوق
فاطمه: هيثم انت من جدك تبي اتشيلها
هيثم: اهاا لازم انشيلها لأنِ عارف لو ما شلتهاش ح اديرها و اتكلم خوها
أيه: بس يالي انت تبي اديره غلط و فيه خطر عليكم
هيثم: انشيلها انا ونمشي بيها خير ما اتعدي ابروحها
و يقتلوها ليا
وطلع وسيبهم و ركب لقى آيات اموتيه الشنطه خش بدل ادبشه وخضى افلوس و اطلعو هما الأثنين
فاطمه: ديرو بالكم من روحكم و رد بالكم ايشوفوكم
هيثم: الراعي ربي انشالله مش ح ايصير شي
أيه: ويته حطي عينك علي روحك و ع بيبي
آيات: ان شالله
فاطمه: هيثم ماتبيش اتقول لباتك
هيثم: لالا عارفه مش ح ايخليني نمشي ف لذالك مش ح انقوله
فاطمه: بس لو علم
هيثم: لا بس لا شي كلها كم ساعه نوصلو نطمنو علي عمتي و بكره الصبح انكونو هنا
وبعد نص ساعه من الدوه طلع هيثم و آيات شور العصيه😍
…..عند أهل آيات
جو خوتها مراد و فهمي و اقعدو كلهم جنب سهام
وجت نوارة و مسعود و اقعدت الغرفه مليانه علي خشت الدكتور
الدكتور: معلش زوجها وين
خليفه: أنا تفضل
الدكتور: ممكن اتجي دقيقه وطلع الدكتور وطلع خليفه
في جرته
خليفه: شن في يا دكتور خوفتني سهام فيها حاجه
الدكتور: لالا مدامك اكويسه بس ما ايصيرش تقعدو كلكم عندها لأن وقت الزيارة ح ينتهي بعد ساعتين
خليفه: باهي كيف ح تقعد ابروحها
الدكتور: مدامك في مستشفى خاصه يعني ماعندك عليش خايف عليها ولو تبي اتخلي وحده اتساعدها اوكي عادي
خليفه: بس بنتي كيف انخليها تقعد ابروحها فالمستشفى
الدكتور: مزلت انعاود فيها لكِ انتم في مستشفى خاص و انشالله فالحفظ و الصون ما اتخافش عليهن
خليفه: باهي تمام
و رد خليفه خش وقاللهم ع يالي قاله الدكتور مراد عارض فالأول علي قعدت فريحه لكن باته هزبه وقاله مدام هو حي هو مالاش دخل في فريحه و اقعدو ايلمو في حاجتهم يبو ايروحو
…..
عند هيثم و آيات
هيثم كان يجري بالسيارة عشان ايلحق يوصل بدري
و آيات كانت ساكته و ادموعها شلال من اعيونها
هيثم وهو غمتله: بالك خلاص ابكاء من طلعتنا
و دموعك ما وقفاً بكل
آيات ساكته🤐
هيثم: ماتبيش اتردي تم
آيات: هيثم هذي ماما المريضه و اكيده ح نبكي عليها
هيثم: آيات أمك قاعده و مش ميته البعيده عليها
آيات ابعصبيه😡: بعيد السو عليش تحكي هكِ
هيثم: بعيد السو عليها لكن انا انقولك بيش اتوقفي ابكاء
آيات اسكتت و مابتش اترد عليه و اقعدو ساكتين جي ساعه بعدها
هيثم: مش علي حاجه نبيك تسكتي
آيات بحتت فيه🥺
هيثم: لكن ادموعك بعد ينزلاً ايقطعاً فيا في وسط وسط قلبي💔 و انحس ان ح نقلب الدنيا ع يالي زعلك لأن ما اتحملش ادموعك
آيات ابتسمت🙂لأنها عجبتها حنيت هيثم و حطت يدها على جبهته و مسحتله العرق يالي كان نازل من الأعصاب
هيثم مسك يدها وحبها: أنحبك❤
آيات: حتى أنا أنحبك ي روحي❤
هيثم ابتسم وعلق ابسرعه بكل
…..
مشى الوقت
عند أهل آيات روحو كلهم و اقعدت فريحه و نسرين مع سهام أما عند أهل هيثم جا سعد و فاطمه و أيه ما بنش ايقولاً ان هيثم و آيات عدو لي بنغازي
أما عند هيثم و آيات
وصلو بنغازي بعد طريق طويييييييله
……
عند هيثم و آيات
آيات كانت اتبحت في المدينه و اعيونها دمعو وبعد اذكرت كلام هيثم ان ما ايحبهاش تبكي امسحت ادموعها
آيات ابصوت دوبه طالع و مخنوق🥺: حبيبي ممكن طلب
هيثم: اعيوني لكِ
آيات: خطم بيا من جنب حوشنا
هيثم: حاضر
وعدو هما الأثنين شور حوش آيات وبعد وصلو درسو بعيد و سكر الرواشن آيات كانت اتبحت في حوشهم ابنظرت حسرة و وجع لأنها خلاص اخسرت انها اترد مره اخرى للحوش يالي تربت فيه وعاشت فيه طفولتها و كل ذكرياتها فيه
آيات غمضت اعيونها و نزلو ادموعها ابحرقه و فجأة حسة يد تمسحلها في ادموعها وضمتها شورها
هيثم: آسف عارف انا يا سببتلك كل المشاكل و كل يالي انتِ قاعده فيه توا منِ انا
آيات: لا حبيبي انت مالكش دخل ي عمري
نحن الأثنين مالنش اي دخل مش ذنبنا ان حبينا بعضنا و مش ذنبنا طحنا في عيلات كل وحده قانونها
و ظروفها تختلف و مش ذنبنا ان هما منعو قلبين ايحباً بعضهن من بعضهن
هيثم: انشالله بعد اتجيبي و يعرفو هلك ان قعد عندهم حفيد ح ايروق خاطرهم اتجاهك
آيات: ازعما اتصير و انرد انخش لي حوشنا ونقعد بين بابا و ماما و خوتي
هيثم: انشالله ي روحي
آيات قربت وحباته علي خده💋
هيثم ابتسم🙂: خلاص بلاش ابكاء و كلمي نسرين اسأليها ع مستشفى وخلينا نمشو
آيات: حاضر وطلعت الفون و رنت ع نسرين
……
##فالمستشفى##
فريحه كانت اتوكل في امها و نسرين امقعمزة اتلم في دبش سهام ع رنة فونها بحتت فيه لقاتها آيات خضت الفون وصبت اطلعت برا و ردت
نسرين ابصوت واطي: ايوا ويته
آيات: نيسو حبيبتي ماما كيف حالها توا
نسرين: لا الحمدالله اليوم بايته فالمستشفى و انا
و فريحه امعاها و بكره ح ايطلعوها
آيات: باهي انتم في اي مستشفى و من امعاكم
نسرين: في مستشفى خاص أسمه ##$% انا و فريحه بس قاعدين عليش تسألي
آيات: خلاص عشر دقايق ونقعد عندكم
نسرين: باهي ابسرعه😳نعم وين عندكم
آيات تضحك😂: كنك انصدمتي انا جيت و امعايا هيثم
نسرين: آيات انتِ تحكي جد
آيات: واللهي العظيم باهي
نسرين: بس يا آيات خايفه حد ايجي و ايشوفك
آيات: ما اتخافيش كلها نص ساعه نطمن علي ماما ونبي نطلع طول
نسرين: باهي بس نطلب منك طلب
آيات: شنو
نسرين: ألبسي اخمار عشان نطمن عليك
آيات: عارفه حاسبه احسابي جايبه امعايا اخمار
نسرين: خلاص نرجو فيك
آيات: بس ما اتقوليش الماما و فريحه انِ جايه نبي انجيهن فجأة
نسرين: باهي تمام
و سكراً
……بعد نص ساعه وصلو للمستشفى
و البسة آيات الخمار و انزلت هي وهيثم وخشو للمستشفى وسألو على رقم غرفة سهام و قالولهم عليها و عدو شورها
…
##فالغرفه##
نسرين كانت قاعده ع نار و فريحه وسهام ايهدرزاً
نسرين معش اقدرت تقعد امقعمزة صبت تبي تطلع
فريحه: نيسو كنك وين ماشيه
نسرين: ااااا نبي الحمام😅(حشاكم)
سهام: الله ايربحك جبيلي أمعاك أميه
نسرين: من اعيوني يا احلى سوما
سهام: نجك ليا كل ما انشوفك تخطر عليا ويته
فريحه تنهدة و نسرين اطلعت برا الغرفه و سكرت الباب
…
عند آيات
كانت ماسكه في يد هيثم و تمشي و بعد قربت من الغرفه قلبها قعد ايدق ابسرعه وبعد اشويه شافت نسرين اطلعت من الدار
آيات صبت و ارفعت الخمار و اقعدت ترعش
و ادموعها شلااااااااااال😭😭
آيات ابصوت يرعش: نسريييييييييييييين
عند آيات
كانت ماسكه في يد هيثم و تمشي و بعد قربت من الغرفه قلبها قعد ايدق ابسرعه وبعد اشويه شافت نسرين اطلعت من الدار
آيات صبت و ارفعت الخمار و اقعدت ترعش
و ادموعها شلااااااااااال😭😭
آيات ابصوت يرعش: نسريييييييييييييين
نسرين اسمعت صوت آيات بحتت وراها واقعداً ابحتأً في بعضهن
نسرين😳
آيات😳😭
نسرين جت تجري و اضبطت آيات و اقعداً يبكاً ابصوت عاااااااااااااالي
آيات وهي منفجره ابكاء😭: رآآآآآآآآآآآيفت عليك ي عمري
نسرين ادموعها سييييل😭: وانا اكثر ي حياتي انتِ
هيثم كان امصبي بعيد اشويه و متأثر من منظرهن لأن حبهن البعضهن كان باين
آيات: ماما وين
نسرين تمسح في ادموعها: اهيا تعالي
وجت آيات و وراها هيثم
نسرين خشت للغرفه: سوما
سهام: نعم
نسرين: عندي لكن مفاجأة
سهام و فريحه بستغراب: مفاجأة🤔
نسرين بحتت برا: تعالي خشي
سهام و فريحه كانن ايبحتاً فالباب و مستغرابت
آيات خشت عليهن و بعد شافتهن اقعدت تبكي😭
و اتبحت فيهن
سهام و فريحه في حالة صدمه😳
آيات جت تجري و اضبطت امها واقعدت تبكي ابصوت عالي
وسهام ضمتها بالقووووووووووووووووه و تبكي ب اعياط😭😭
سهام ابصوت عالي وتبكي😭: يا نا عليا يا ابنيتي يا حبيبت قلبي يالي مافرحت بيك نا عليا ظلموك بعد تبرو منك ظلموك بعد احلفو عليك بالقتل حيييييييييي عليا يا ابنيتي تو ايعوزوني فيك
نسرين و فريحه😭😭
آيات تبكي😭: عليش الكلام هضا يا ماما مافيش حد ح يقدر ايجي شورك
سهام: ليش رديتي ليش ماقعدتي غادي مع هله و هو مش ايحبك و ياما دار عشانك عليش توا ايسيب فيك و اتردي لي جحيم بوك و عمامك
آيات ابصدمه😳: من قالك هيثم سيبني
سهام: عليش رديتي
آيات: انا ما رديتش انا جيت انشوف فيك و نطمن عليك و اهو هيثم جا امعايا قاعد برا
سهام: يعني ماسيبكش
آيات: لالا يا روحي ما سيبنيش
فريحه امسكت يد آيات
آيات بعدت من امها وضمت فريحه زيييييييييييييين
واقعداً يبكاً و ايعاتباً في بعضهن و بعد اشويه
سهام: كلميه راجلك خليني انشوفه
آيات: حاضر
وعدت آيات اطلعت لقت هيثم قدام الباب
آيات بحتت فيه و ابتسمت🙂: حبيبي
هيثم رفع راسه: نعم
آيات: تعال ماما تبيك
هيثم نزل سوريته و خش و هو امطبس راسه
هيثم: السلام عليكم
كلهن: وعليكم السلام
هيثم جا شور سهام وحب علي يدها وراسها: ألف لاباس عليك يا عمتي
سهام حبت علي راسه: الله لا ايوريك باس يا اوليدي
هيثم: كيف حال صحتك توا
سهام: بعد ماشفت آيات قعدت اكويسه
هيثم: باهي الحمدالله
سهام: نبي انوصيك وصيه
هيثم: تفضلي يا عمتي
سهام: آيات أمانه في رقبتك ليوم الدين و نبيك اتحافظ عليها وما اتخلي حد ايطق فيها
هيثم: آيات في اعيوني و محد ايوصي حد علي روحه والكلام هضا قلته الها و الهلي دبيني حي آيات ما يقدر حد يقربها ولا اينزل دمعه من عينها ودبينه عيني حيه مستحيل انزعلها ولا انخلي حد ايزعلها
سهام حطت يدها علي كتف هيثم: هضا وين عرفة ان بنتي واخذه راجل
هيثم مسك يدها وحبها: اطمني يا عمتي آيات
و اوليدها في اعيوني
سهام ابصدمه😳: اوليدها
فريحه: ويته حامل😍
آيات هزة راسها يعني اهاا
كلهم افرحو أن آيات حامل اقعداً ايباركنلها و ايباركاً لي هيثم وقعدو يحكو مع بعضهم وبعدها هيثم طلع برا عشان يا خذاً راحتهن فالدوه و بالمره بيش يفطاً لو حد جا و اقعدت آيات اتهدرز مع هلها وقالتلهم شن صارلها من أول ما اطلعت من الحوش وقالت انها كلمت نسرين و سهام رقالها من فريحه لأنها كانت عارفه ابطلعت آيات و ماحكتلهاش وقعدو يحكو للصبح و جا الوقت يالي تبي تطلع فيه آيات ودعت هلها بالتضبيط و البكاء و وعدتهم ان ح تقعد اتواصل امعاهم لكن بدون علم حد و اطلعت آيات هي و هيثم برا المستشفى و اركبو السيارة و اسقدو لي القبه
…..
مراً الشهور كأنهن ساعات سهام اطلعت من المستشفى
و اقعدت اكويسه و كانت هي و فريحه كل يوم يحكاً مع آيات و ايهدرزاً امعاه ويسألاً على حملها وحتى نسرين يوماً لازم تحكي امعاها و مافيش يوم ما حكنش فيه مع بعضهن و حكتلها علي علاقتها هي
و مراد و ان يبي يخطبها و آيات أفرحت لأن ح تقعد نسرين من العيله لكن نسرين كانت خايفه ان أهل آيات ما ايوافقوش
(طبعاً اكيده عرفتو عليش عشان القانون🙄)
…..في يوم كان يوم جمعه
كانو عيت هيثم كلهم زاردين و جو خيالي بكل و حتى خوات هيثم المتزوجات أسماء و أحلام عداً امعاهم و اقعدو لعند الليل روحو كلهم و كل واحد ضم حوسته
و دوش و رقد آيات اركبت لي شقتها وكانت تعبانه من الحمل ضمت حوسة الزرده و اغسلت الدبش و دوشت لقت هيثم دوبه خاش للشقه
هيثم: تي معقوله هكِ يا آيات عليش غاسلتيه الدبش توا
آيات: عشان بكره ما يقعدلي شي
هيثم غمتله😠: كلا انتِ مش عارفه كيف قاعده تعبانه وبطنك لعند فمك و تغسلي فالدبش
آيات قربت شوره وحطت يدها علي وجه: خلاص حبيبي كلها كم جينز و ابلوزه و سوريه عليش امعصب
هيثم: لأنِ خايف عليك شوفي وجك لاه كم يوم اصفر و تعبان و انا ما نبيك ترفعي شيء من ميكانه
آيات: خلاص آسفه اخرى مره
هيثم ابتسم و حبها علي خدها وخش للدار
آيات افتحت الباب و اطلعت ع دروج تنشر فالدبش ع منشر وفجأة حست حاجه ساخنه تنزل منها ابحتت تحت لقت اميه تنزل عليها آيات خافت و اقعدت ترعش وجت تبي اتخش بدت الليه تقوى آيات امسكت في حديد الدروج و اقعدت اتعصر وتبكي
هيثم خضى منشفه و جا يبي ايخش للحمام(حشاكم) سمع حس آيات طلعلها يجري لقاها امقعمزه ع وطى
و الميه ماليه الميكان وتبكي😭😭
هيثم ابخوف😟: حبيبي كنك
آيات ابوجع: شكلي نبي انجيب
هيثم صبى يجري جابلها العبايه و الويشاح و خضى ساكو البيبي و نزلها يجري بس مابش ايوعي حد ولا يفجع هله طلع وعدى بيها للمستشفى
….
##فالمستشفى##
كان هيثم جنب الغرفه يرجى علي طلعت الدكتورة
هيثم قدم شورها ابخوف😟: طمنيني شن صار
الدكتوره ابتسمت🙂: مبروك جاتك أبنيه اتجنن
هيثم من فرحته سجد سجدت شكر وثناء للــ لله
….
فالصبح ع ساعه 11 كلم هيثم هله و قاللهم أن آيات جابت و أن هو بعد اشويه راد بيها للحوش بعد اشويه خش علي آيات لقاها دوبها واعيه
هيثم جا شورها وضمها: الحمدالله علي سلامتك يا أم اعيالي
آيات: الله ايسلمك حبيبي
هيثم: كيف حال صحتك تمام
آيات: اهاا اكويسه
في مراه كانت جنب آيات وكانت اتبحت فيهم كيف يحكو
هيثم: شن حاسه اتحسي في حاجه
آيات: لالا واللهي اكويسه
هيثم ايبحت في اعيونها
آيات تحشمت وطبست اعيونها: كنك اتبحت هكِ
هيثم مسكها من حكنها و رد رفع راسها: بحتِ فيا معش اتنزلي اعيونك
آيات اقعدت اتبحت في أعيونه
هيثم: أنحبك❤
آيات: و أنا اكثر❤
هيثم: أنا ماشي انتم في أوراق الخروج و انجيب البنيه لأن لعند توا مزلت ما شفتها
آيات: ولا أنا شفتها
هيثم: خلاص خمسه و انجيك
وصبى هيثم و طلع و قبل ما يطلع رد بحت فيها وضحك😄وطلع
آيات اقعدت تضحك😄
المراه: شكلكم واخذين بعضكم عن حب❤
آيات بحتت فيها: اهاا
المراه: اصلاً باين فيكم الحب و خصوصاً في اعيونه
آيات☺
المراه: ربي يحفظكم البعظكم
آيات: انشالله😊
…
بعد أشويه جا هيثم وماسك في يده البنيه
وخش بيها علي آيات
آيات😍😍
هيثم جا وقعمز جنبها ع سرير
هيثم: شوفيها كيف اتهبل
آيات: يا رووووووووحي اتجنن
هيثم قعد ايحب فيها و فرحان بيها
آيات: حبيبي عطيها ليا
هيثم عطاها الها: هاكِ
آيات اقعدت اتحب فيها: ياربي اتهبل
هيثم: طالعه لأمها
آيات☺
هيثم😂
آيات: حبيبي شن انسموها
هيثم: أنا قلت لو جا اوليد خاطري أنسميه آدم و لو جت أبنيه أنسميها إخلاص
آيات: أسم ايهبل خلاص إخلاص
هيثم: واللهي انتِ يالي اتهبلي
وبعد ساعه تم هيثم اوراق الخروج و اطلعو من المستشفى و روحو للحوش و كانت العيله كلها قاعده بس الوحيده يالي ماحضرة هي رانيا لأنها كانت
متحسرة ع حب حياتها يالي خلاص مستحيل ايردلها
آيات كلمت امها و فريحه وقالتلهن انها جابت و سهام اقعدت اتزغرت و تبكي و باركلنها و رنت علي نسرين قالتها الها و دزتلها صورتها و نسرين ورتها لي فريحه و سهام طبعاً إخلاص كانت نسخة مصغرة من سهام أم آيات
أهل هيثم دارو أسبوع كبييييييييييييير و عزمو عليه العيله كلها و الجيرآن و جا أسبوع فوق الخياااااااااااال
…..بعد مرور 4 سنوات😍
هيثم: هيا بابا تعالي
إخلاص: لالا انت بارد نبي ماما
هيثم يضحك😂: غير تعالي آسف خلاص معش انديرلك شي
إخلاص: انلا😏
هيثم جاها وقعد ايكر فيها وهي اتعيط
آيات: هييييييييي😱هيثم بطل اهبال و انتِ يا بنت اسكتِ
إخلاص: قوليلا هو البارد🙄
هيثم😂
آيات: حبيبتي ماما عيب ما اتقوليش ع بابا بارد
إخلاص: انا نبي انعدي عند ويه
آيات: باهي اشويه تو اتجي تاخذك
هيثم: ماتبيش اتجي يعني
إخلاص: اهاا🙂
آيات: هيثم رد بالك منها انا نبي انكلم ماما
هيثم: باهي تمام
عدت آيات خشت للدار و رنة ع أمها
سهام ردت طول: ايوا حبيبتي
آيات: هلا ماما كيف حالك
سهام: اكويسه الحمدالله كيف حالكم انتم
آيات: الحمدالله
سهام: إخلاص شن دايره
آيات: اكويسه حال الشيطانه و 24 ساعه امناقره هي و باتها
سهام تضحك😂: البنات ديماً هكِ
آيات: كيف حال أتو و اعيالها
سهام: قاعده اتعاني مع أوس و حمادي
آيات: اهاا التؤم وعرين بكل اصلاً ليا يومين ماحكيتش امعاها
سهام: اهاا يعني انتم اموركم تمام
آيات: ما ناقصني غير شوفتكم
سهام ابحزن😔: و انا ميته أرياف عليك ي روحي
آيات: ماما بابا لعند توا مزال شايل منِ
سهام: واللهي ماني عارفه يا ابنيتي
آيات: في خاطري انجيكم و انشوفكم و انهدرز امعاكم و انرد بين عيلتي كيف قبل
سهام: ويته شن رايك نحكي الــ باتك
آيات: علي شنو تحكيله🤔
سهام: انقوله عليك بالك يقعد بعد هالسنين قلبه حن
آيات ابحزن😔: حتى لو هو قلبه حن جدي و شاهين مش ح ايسيبوني في حالي انتِ ما شفتيش ان شاهين لعند توا مزال ما ازوج و اكيده مزال طامع انِ ح انرد
سهام: تي واللهي ما يحلم بيك حتى بالكذب انا خلاص معش انتحمل نقعد بعيده عليك اكثر من هكِ اليوم ح نحكي مع باتك
آيات: ماما انتِ متأكده من قرارك
سهام: اهاا متأكده و متأكده اخرى ان باتك ح يرضى و يسامحك و متأكده انها كم يوم و ح اتردي للحوش
آيات بأمل: انشالله يااااااااااااااااااااااااااارب انشالله
سهام: خلاص انا اليوم نحكي امعاه وبكره انقولك شن صار
إخلاص خشت تجري: ماما قوليله هضا مزال يضرب فيا
آيات: ييييييي عليك قصه يا هيثم عيب عليك
هيثم خش وهو ميت علي روحه من الضحك😂😂 رفع إخلاص و طلع بيها وهي اتعيط
آيات😂
سهام تضحك😂: كنهم
آيات: كيف العاده هيثم و بنته
سهام😂
آيات: خلاص ماما راك تنسي
سهام: لا مش ناسيه بكره ح انرن عليك
آيات: تمام باي
سهام: باي وسكراً
……
عند سهام
كانت اتفكر كيف ح تحكي لي خليفه ع قصة آيات
و شجعت روحها و اطلعت لقاته برا الجنان ايدخن قدمت شوره
سهام: رآيفت عليها
خليفه برم بحت فيها و رد بحت قدام: من
سهام جت وقعمزت ع كرسي جنبه وقررت اتخش ف موضوع طول
سهام: شن رايك نفتحو صفحه جديده و اتردلنا بنتنا
و اتعيش بيناتنا
خليفه ابحسره😔: ياريت نقدر انسامحها و اتردلنا ياريت ننسى يالي هي دراته و اتردلنا
سهام: بس آيات مهما دارت تقعد بنتك و خلاص الموضوع لاه 5 اسنين صاير صح آيات اغلطة لكن اضن ان هي اعرفة غلطها ف هال5 اسنين يالي عاشتهن بعيده علينا
خليفه سكت🤐
سهام: ارجوك وافق و خليها اترد و انردو عيلتنا كيف زمان و نجمعو شمل الخوت
خليفه: و حتى كان نحن سامحناها وين ح انطقو فيها بيش انردوها
سهام طبست راسها: نبي نعترفلك ب حاجه ليا 5 اسنين دستها عليك
خليفه بحت فيها: شن احكي
سهام: تذكر يوم يالي مرضة فيه و خشيت للمستشفى
خليفه: اهاا كنه
سهام: هذك اليوم …. و حكتله القصه
خليفه ابصدمه😳: قصدك هي جاتك و لعند توا اتواصلو امعاها
سهام: اهاا و توا عندها أبنيه
خليفه قعد مستك وساكت🤐
سهام: صفي نيتك و خلي بنتك اترد
خليفه: بس باتي
سهام: عمي فالنهاية مالاش دخل انت باتها و هي بنتك وتبيها اترد و عمي تقدر تقنعه انها اترد
خليفه: خلاص تو انكلمه و انشوف رده
….
بعد يومين
من اقناع خليفه لي باته وافق مسعود على ان آيات اترد لي هلها و جا خليفه خبر سهام و سهام اركبت فيها زغاريت و قالوها للعيله كلها وطبعاً كيف العاده شاهين مش عاجبه يالي يبي ايصير
….
عند آيات
كانت اتغدى هي و هيثم و إخلاص رن فونها بحتت لقتها أمها خضاته و ردت طول
آيات: ايوا ماما شن صار عندكم
خليفه ماسكته العبره: ويته حبيبت باتك
آيات ابصدمه😳: بابا
هيثم😳
خليفه: اهاا باتك يا آيات مش حرآم عليك يالي درتيه فينا و حرمتينا منك مش حرآم
آيات تبكي😭: آسفه يا بابا آسفه والله
خليفه: خلاص انسي كل يالي صار ومن بكره اتجي انتِ و هيثم و بنتك
آيات ابصدمه😳: تحكي جديات
خليفه: اهاا
آيات: و جدي
خليفه: جدك قنعته و عمامك وافقو ع انك اتردي
آيات ادموعها يذرفاً من الفرحه🥺🥺🥺🥺
خليفه: لو هيثم جنبك عطيه ليا
آيات مدت لي هيثم الفون: بابا يبيك
هيثم خضى منها: ايوا عمي
خليفه: كيف حالك يا اولدي
هيثم: الحمدالله انت كيف حالك
خليفه: الحمدالله أسمعهيثم: نعم
خليفه: من بكره اتجي انت و آيات خلاص نحن انسينا كل حاجه و نبو نبدو صفحه جديده و ننسو الماضي
هيثم: و انا اموافق يا عمي من بكره نقعدو عندكم
خليفه: خلاص انتلاقو بكره
هيثم: سلام
و سكرو
آيات صبت و ضمت هيثم و اقعدت تبكي😭
بس ادموعها المره هذي كانن ادموع الفرح
….
ثاني يوم
نزل هيثم و حكى الهله و ياما صار فيهم افرحو من وسط اقلوبهم و آيات كانت اتوتي في دبشهم ابكل فرح و فاليل سلمو علي عيت عمها وطلعو اسقدو شور العصيه😍😍
….
صباح يوم جديد
تحديداً الساعه 4 العصر
كان حوش عيت خليفه حايس العيله كلها قاعده و جايبين حولا و مصروف لأنهم كانو ديرين عشاء كبير بكل و الكل ع نار🔥🔥🔥يستنو في جيت آيات
…
عند هيثم و آيات
وصلو عند شارعهم و درسو جنب باب الحوش
هيثم: حبيبي كنك
آيات ابتوتر😣: مش عارفه خايفه
هيثم مسك يدها: ما اتخافيش أنا جنبك و امعاك و ان شاء الله مش ح اتصير حاجه
آيات ابتسمت🙂: انشالله
هيثم: و نوعدك ان بعد اتفض القصه هذي ح انجو نسكنو هنا و انكملو اقرايتنا
آيات: اوعدني
هيثم: نوعدك
آيات😍😍
هيثم بحت لاورا: إخلاص هيا بابا وصلنا الحوش جدو
إخلاص: بس هضا مش حوش جدو سعد
هيثم: لا يا بابا هضا حوش جدو خليفه بات ماما
ونزلو هيثم و آيات و إخلاص و دقو ع بابا فتحلهم مراد
آيات🥺
مراد معش تحمل وقرب عليها وضمهااااااااااااااا وقعد ايحب فيها😘
مراد و الدموع في عينه🥺: الحمدالله ع سلامه نورتي
آيات: الله ايسلمك
آيات قابلها باتها و أمها جتهم تجري وضبطتهم واقعدت تبكي و اتحب علي يده و راسه و طبست حب علي اكراعه هو و سهام وكانو هما الأثنين يضبطو فيها
و يبكو من جدهم و الكل كان يبكي لأن المنظر كان مأثر وسلمت ع كل و اضبطة فهمي و جدها و استسمحت منهم و سلمت ع صبايا كلهن و خش هيثم سلم عليهم و حتى هو اعتذر ع يالي هو داره و فهمهم ان هو صح يالي داره غلط لكن عشان خاطر ايحب
آيات دار هكِ و اقعدو كلهم فرحانين بيهم و بذات ب إخلاص لأنها كانت تشبه لي سهام و جت نسرين وهلها و قعداً الأجواء خياليه الوحيد يالي كان حاضر و مابش ايسلم عليهم هو شاهين كان بس امقعمز و ساكت(خزي ما حبيته بكل😒)
……
فاليل ع قيس الساعه 9
كانن الصبايا امقعمزات فالصاله و آيات في حظن امها و ايهدرزو خشت إخلاص تجري
إخلاص: ماما ماما
آيات: نعم
إخلاص: البارد يبيك
آيات تضحك😂: هيا جايه
فريحه بستغراب🤔: من البارد
آيات تضحك😂: هيثم
كلهم😂🤣😂🤣
وصبت آيات اطلعت لقت هيثم فالمربوعه
آيات: نعم حبيبي
هيثم قدم شورها و حبها ع فم …
هيثم: رآيفت عليك
آيات: حتى أنا رآيفت عليك ي قلبي
هيثم: فرحانه
آيات: بكل بكل بكل بكل بدرجه لا توصف
هيثم: الفرح باين في اعيونك ي اعيوني
آيات: من يالي خلاني نفرح غيرك
هيثم: نجك ليا أنحبك❤
آيات: و أنا أنحبك ي قلبي❤
هيثم ضمها وقعد قرابت العشر دقايق ع نفس الوضعيه
آيات: حبيبي كنك
هيثم: أنا من توا امرآيف عليك
آيات بستغراب🤔: كيف
هيثم: شي خلاص عدي خشي لكن كل اشويه رني طمنيني عليك
آيات: اوكي حبي باي🤗
هيثم: باي🤗
وقبل ما تطلع آيات
هيثم: اسمعي
آيات ردت ابرمت: نعم
هيثم ابصوت واطي همس: أنحبك❤
آيات ردت عليه بنفس الطريقه: أنموت فييييييييك❤
هيثم ابتسم😊و آيات خشت جوا و ردت اتهدرز و هيثم طلع برا مع الرجاله
….مشى الوقت
وحطو العشاء تعشو و آيات كانت فرحاااااااااااااااااانه ابردتها الهلها و قعدتها امعاهم بعد العشاء دارو شاهي للرجاله و الصبايا قعمزاً فالصاله ع خشت مراد
مراد: آيات
آيات: نعم
مراد: تعالي أشويه
آيات صبت
سهام: تي شن تبي فيها خليها امعانا
مراد: تي دقيقه ما نيش واكلها
كلهم🤣😂🤣😂
مراد مسك يد آيات و طلع بيها
آيات بستغراب🤔: كنك شن في
مراد ساكت و طلع بيها برا الجنان
آيات رفعت أعيونها و شافت …
آيات😧😦😱😳
تباً تعرفاً شن شافت💔😔
.
.
.
.
.
.
.
.
.
شافت هيثم مذبوح وجسمه كله اثر نغزات موس عميقه و دم مالي الميكان💔💔💔💔💔
خليفه: هضا يالي هربتي امعاه و درتيلنا العار عشانه
فهمي: انا حلفت ان نحن ح نغسلو عارنا
شاهين: و نحن غسلناه من النجس هضا اتفووووو💦💦(حشاكم)
مسعود كان امصبي و مبتسم😏😏
ابتسامت هزوة و نصر
يعني معقوله يالي دارهو كله كذب قالو ان هما سامحوها بيش اتجي و ايديرو يالي كانو نويين ايدروه من زمان آيات جتها هستيريه اقعدت تضحك و تبكي في نفس الوقت وشريط اسنينها مع هيثم مره قدام اعيونها في ثواني كيف كان ايحبها و كيف كان يحلف ان ما دام هو قاعد مستحيل حد يقدر ايجي شورها و فجأة
آيات ابصوت عالي بكل بكل: ووووووووووووووووووووووووووووووووووووووووووووووووووووووووووووه😱😱😱
واقعدت اتعيط و تندب و صبايا انفجعاً اطلعاً يجاراً وشافاً يالي صار و انقلبت الدنيا اعياط
و نديب آيات كانت مش امصدقه يالي صار يعني هيثم خلاص عدى الحنين عدى يالي كان ما ايتحمل فيها حاجه عدى ي خسراه لما ايكون في شخص في حياتك زي هيثم تقهرك فيه الموت
(حسبي الله ونعم الوكيل☝️)
بداً مراسم العزاء و اعلمو أهل هيثم و ياما صار فيهم فاطمه كانت اتريش في روحها و أيه اتقطع و اتنتش في روحها هي و خواتها و جت الشرطه لمت
الرجاله كلهم و خضو جثت هيثم و سلموها لي هله يالي كانو اقريب ايموتو عليه و آيات ياما صاير فيها عياط و نديب و الكلمه يالي مزالت إلى
الأن اترن في وذنها لما قال ( أنا من توا رآيفت عليك) يعني مسكين كان حاس ب يالي بي ايصير
😭😭😭😭😭💔💔💔💔💔
…..
كمل العزاء و الكل في حاله لا يرثى لها كيف ما ايقولو حالتهم تصعب ع كافر بعد فتره من العزاء اكتشفت آيات انها حامل و هضا يالي كان امصبرها أشويه
لكن بجد كسرة هيثم مافيش اوعر منها
آيات قالت و احلفت إن الفترة يالي عاشتها مع هيثم عمره ما زعلها ولا جرحها ولا خلى دمعه اتنزل من عينها😔💔
بالنسبه لي باتها و خوتها و شاهين وجدها حبسوهم
كلهم لمدة 15 سنه مشاً الأيام و آيات مش آيات الأوله آيات اقعدت رامضه حزينه طول وقتها ساكته وسارحه بعد فترة جابت اوليد كانت تبي اتسميه هيثم لكن اذكرت ان هيثم كان في خاطره ايسميه آدم ف سماته آدم و اقعدت اتحاول انها اتغير من نفسيتها عشان خاطر اعيالها لكن هي لعند نهار اليوم اتقول من بعد هيثم معش في في اعيوني حياة خلاص طعمت الحياة عدت مع هيثم بس يالي خلاها تصبر ذكرياتها مع هيثم و اعيالها هما يالي عوضوها ع حنان هيثم و حنيته صح مش كيف لكن عقب حاجه من ريحته إخلاص توا متزوجه و عندها اوليدين هيثم|أنس
و آدم خاطب و مزال يقرا أما بات آيات و جدها ماتو من قبل كم سنه أما خوتها أمها اغضبت عليهم
و قالت انها ماتبي اتشوفهم بكل نسرين بعد يالي صار سيبت مراد و نساته بكل لأن بالنسبه الها يالي داره ما يغفرش بكل وبعد موتت باتها قررت انها مش ح تزوج قررت انها ح اتعيش مع امها
وتقعد امعاها لأن القعده مع ماها تسوى مية راجل ولعند لحظتنا هذي آيات ونسرين مزالاً اقرب صديقات
آدم شرى شقه سكن فيها هو و آيات و سهام أما شاهين من بعد طلعته من الحبس عقله تهستر اشويه
قعد يعزق في خيط و خيط يعني قعد مريض نفسي
(هذي عشيمة آيات و كسرة خاطرها و يتم اعيالها)
….
يا قبر عينك منهم
راهم اعزاز يالي فيك دافنهم
ياقبر انريد ننشدك عنهم
غوالي ماريت احن منهم
غابو علي و ما شبعت منهم
الله ونبي يا قبر عينك منهم
كل شي يبره يبره
إلا عزيز و نزلته في قبره
بالحيل وااااااااعره
عندما اشتاق لك اتلكم بـ كلماتك و أكرر اغنياتك و اتصرف
مثلك فقط لأحتوي شيئاً منك ف ليست الغربة فقط مغادرة الوطن
بل هي ايضاً مغادرة أوطان صغيرة من حياتنا كـ قلوب من نحب
هكذا احببتك دون ان القي بالاً لــ المستقبل ’ احببتك بـ تعجل و جنون كــ فقير
وجد لهُ كنزاً لكن الموت فرقنا اعرف ان الفراق الأبدي شاقٌ لكن علينا ان
نتدرب على النسيان لنستطيع العيش اتعلم ان كل دموعي لا تكفي لحظه واحده
جمعتنا سوياً و كل الحزن لا يكفي السعاده التي شعرتها و انا بقربك
ربِ هناك عزيزاً أشتاق لقياه ف بقدر شوقي إليه وسع له في قبره و تجاوز
عن سيئاته ياربي العالمين ربِ ارزقني من الصبر ب قدر اشتياقي لمن فرق بيننا وبينه
الموت ربِ ارحم ارواح تراها ولا نراها واجعلهم في بطون قبورهم مطمئنين
🥺💔
النهاية …
عارفه ان النهايه كانت صعبه ومش بس عليكم حتى عليا كانت صعبه
كنت كل ما نكتب حلقه و نذكر ان هيثم فالنهاية ح ايموت قلبي ايتقطع
عليه واللهي من بداية الحلقه و انا نبكي لعند صارلي صداع من البكاء لأن فعلاً وجعني
كنت شبه يومياً نحكي مع بطلتنا و مرات انتلاقى امعاها شخصياً
صدقوني لما تحكيلي الحب باين في اعيونها وطريقة دوتها ع هيثم الله يرحمه
كان باين انها لعند لحظتنا هذي مزالت اتحبه و مزال في ذكراها كل لحظة
حب عاشتها امعاه بعد تحكيها ليا اعيوني إدمعاً من كلامها لأن ابجد
قصة حب هيثم و آيات كانت من أجمل قصص الحب يالي سمعت بيها
كنت انتمنى اتكون النهاية سعيده و ايعيشو احسن عيشه لكن للأسف الواقع
ما نقدرش انغير فيه فالنهاية ربي يرحم بطلنا هيثم و يسكنه فسيح جناته
و ربي يحفظ بطلتنا الحلوه و يحفظلها اعيالها و حسبي الله ونعم الوكيل ف
يالي كان السبب والله لا اتسامحه في تفرقت حب ما ايتعوض ب اكنوز الدنيا
تمت
- لقراءة باقي حلقات الرواية اضغط على (رواية كسرة القانون)