رواية سيقان في الوحل الفصل الثاني و العشرون 22 بقلم منه محمد

رواية سيقان في الوحل الفصل الثاني و العشرون 22 بقلم منه محمد

رواية سيقان في الوحل البارت الثاني و العشرون

رواية سيقان في الوحل الجزء الثاني و العشرون

رواية سيقان في الوحل الحلقة الثانية و العشرون

نيره بعد ما فهمي امر انها تتجوز خالد طلعت توصله بتحاول ترسم علي قد ما تقدر قدامه انها موافقه وراضيه
خالد لف وبصلها: انا عايز اعرف روحتي تلمي البواقي ليه انتي مبدعه في اثاره المشاكل
نيره بعصبيه: انت مش من حقك تهني وده ميخصكش واظن انت عارف ليه هنتجوز
خالد: انا مضايق لاني قدام الكل المقطف الي لسه عايز يتجوزك وطبعا انا موافق مش لسواد عيونك لاء ده لان التمن الباهظ الي هاخده هيعوضني عن غبائي
نيره: انت بتهددني
خالد مد شفايفه كسخريه: لا اطلاقا بس انا عدلت العقد وبعتهولك ابقي اقريه ( ونقل نظره ع بطنها) لان الوقت بيجري
نيره: اطمن هنتجوز بسرعه قبل ما يجري الوقت ومفيش فستان ولافرح هما العايله وبس
خالد: اعملي الي يسعدك انا هدفي مش الفرح ولا الفستان المهم تنفيذ العقد
وركب عربيته وهي مشت بهدوء دخلت غرفتها وقعدت علي السرير تبكي بدون صوت دموعها بس نازله محدش حاسس بشعورها محدش فاهم الي حاسه بيه غير رب العالمين
قربوا منها التؤام مسحت دموعها بسرعه
ملك بعياط وشهقه: انا عايزه وليد
مالك: وانا كمان هو وحشني ممكن تاخدينا نشوفه
نيره بلطف: وليد مش هنشوفه تاني
مالك بدموع: ليه
نيره مسحت ع شعرها: لانه مشغول ومش هنشوفه تاني بعد كدا
ملك وبدء سيل الدموع : لاء انا عايزه وليد
نيره: ايه رايكم احنا الثلاثه هنفضل مع بعض وهخليكم مبسوطين ولا انتم خلاص مبقتوش تحبوني ومبقتوش تسمعوا كلامي
مالك: انا بحبك
ملك : وانا كمان بحبك
نيره: ممكن تبطلوا عياط بقي وناموا حبايبي وبكره هاخدكم طول اليوم وافسحكم واجبلكم جيلاتي اتفقنا تمام ملوكه مالك
ملك ومالك دموعهم نازله وبعد فتره ناموا الاتنين نوم عميق واثر دموعهم علي خدودهم من كتر العياط
نيره مسحت ع شعرهم وباست جبينهم: انا اسفه عملت الي في وسعي والي اقدر عليه
حنان دقت الباب ودخلت: ناموا
نيره: ايوه
حنان: انتي فعلا هتتجوزي من خالد ده
نيره :ايوه لانه افضل حل
حنان باعتراض وحزم : افضل لمين العيال دول هيكبروا من غير ما يعرفوا الحقيقه والطفل الي جاي
نيره بقهره :منا مش هدخل البني ادم الواطي ده في حياتنا
حنان نظرة حزن ولوم : ليه بتتهميه انه واطي
نيره افتكرت كلمته =انا مخسرش قدام حد
نيره: لان هو الي صور الفيديو
حنان: ليه وليد يعمل ده لييييه

نيره: عشان رفضت اديلو فرصه اخد الفيديو وبعته لبابا عشان يجبرني متجوزش خالد هددني وقالي مش بيخسر قدام حد عشان كدا هو وحش واوي
حنان مسكت دماغها: لاء ارتاحي يا نيره ارتاحي ونتكلم لما تهدي
نيره سابتها وراحت لسريرها تنام لعلها تنسى بعض احزانها وقهرها
حنان هزت راسها بقلة حيله وخرجت من الاوضه
………منه محمد……….
وليد طلع ركبه العربيه والأفكار اتلمت عليه راح لبيت منال واول ما فتحتلو
ردت عليه بسخريه وتريقه : ياربي ياتري ايه الي جابك كل الطريق ده لحد بيتي
وليد اتك علي سنانه :هسالك سؤال انتي الي صورتي الفيديو
منال عقدت حواجبها ومثلت اللاستعباط:فيديو اي فيديو انا معرفش حاجه ومش فاهمه حاجه وجايه تمشي
وليد شدها من كتافها بشر كحد الجحيم : لما اكون بكلمك تقفي لحد ما اخلص كلامي
منال بوجع من قبضته: اوعي ايدك
وليد بصلها بكل غل وغضب: ليييه عملتي كدا
منال دفعته عنها وجسمها كله انتفض : بقولك سبنيييييي
وليد بصريخ :بسألك ليه عملتي كدا انطقي
منال بصت للكاميرا وعرفت ان كله بيتصور وراحت حضنته من رقبته وفضلت تبوس فيه بجنون
وليد شد نفسه منها ورماها بنظرات اشمئزاز : انتي بتعملي ايه انتي اتهبلتي ولا فقدتي عقلك
وزقها اتخبطت جامد في الباب
وليد زعق بحدة: جلال قالي انك بعتيلولي الفيديو
منال قربت منه وابتسامتها الخبيثه مرسومه ع شفايفها: وفيها ايه لو انا الي صورته قلت اعمل فيكم خدمه انت وهي وقلت الاهالي تعرف ولو عايز الدنيا كلها تعرف انا مستعده انزل الفيديو ع التواصل الاجتماعي
وليد زقها بقرفه وتهديد: لوعملتي ده وقرصتي قرصتك وقتها هتعرفي انا كمان قادر اعمل ايه وسيرتك مش صعب انبش عنها واجيب قرارها واكشف عمايلك الملوثه قبل ما تدخلي المجال اظن لو نبشت في الماضي حكايتك هتبقي مشوقه اكتر من المسلسل الي بتمثلي فيه وساعتها ممكن نحارب في بعض لو حبيتي
منال قربت منه بغنج:ليه بتكرهني كدا مش يمكن انا احسن من نيره ولو اتعرفت عليا وقربت لي تنسي نيره
وليد بصق جنبها علارض: لاء انا مش بحب الحاجات المستعمله ويمكن استعملت كتير يمكن اي راجل غيري يحب يصاحب واحده زيك بس لما يجي يتجوز يتجوز زي نيره قطه مغمضه مش مدردحه وتلعب بالبيضه والحجر
منال رفعت ايدها تضربه بالقلم مسكها بحده وضغط على ايدها بقوه
وليد بتحذير: لو أذيتي نيره تاني المره الجايه موعدكيش اني مش هأذيكي وهنشوف وقتها مين الي حريف في اللعبه دي انا ولا انتي ورماها بقسوه طارت وقعت علارض
منال صرخت بجنون هي تشد على سنانها: حقير
وليد اتمالك نفسه وراح ركب العربيه وغادر المكان لانه لو استني ثانيه كمان كان فعلا ناوي يخلص عليها ولا يطلعها من بين ايده الا بجنازه
…….منه محمد……
في الكافيه
مريم: انتي متاكده ان منال ووليد شغالين سوي

نيره :امال ايه الاتنين كانوا هناك في المنتجع وانا شوفتهم سوي زمان كان بيبوسها في الجراش
مريم بقرفه:وع منال مع هشام ووليد في نفس الوقت وناويه تعملي ايه دلوقت
نيره: عايزه اتكلم مع منال
مريم وقفت: بسيطه عارفه هي مرزوعه فين يله
وركبوا العربيه وطلعوا علي بيت منال الي اول ما شافتهم
منال بخبث: الله هو كل شويه جيلي ضيف جديد امبارح كان عندي ضيف
مريم: ضيف مين
منال ضحكت ضحكتها الخبيثه : انتم جاين تتكلموا معايا وتسألوني زي وليد لما جه امبارح ده انا نمت بعد ما مشي بالعافيه لو مش مصدقني اتفضلوا شوفه
مريم اخدت الموبيل وشافت الجزء الي منال ماسكه في رقبته وبتبوس فيه قفلت ملامحها باشمئزاز: يع مقرف
نيره من بين وجعها ردت بكبرياء : معني كدا انتي وهو شغالين مع بعض
منال بوقاحه:مش كدا بالظبط تحبي اوريكي الفيديو كامل ده امتع من ده بكتير
نيره حست بنغز في قلبها بيدميه بيطحنه صرخت في وشها:وضيعه تستحقوا بعض شيطانه معفنه وهو شاب فاسد منحط وانا هنا عشان اتاكد ان وراه الفيديو
منال: ولو انا هتعملي ايه
لفت منال وانصدمت بالقلم اللي جالها من مريم من قوته منال وقعت بلأرض ولمعت فكره بنت ابلسه في نفسها: انا هفضحكم للعالم هخالي الكل يعرف ان اخلقكم مش رفيعه زي ما بتظهروا ياولاد الاكابر ومره واحده فضلت تصرخ وتنكش شعرها وراحت ركعت تحت رجل مريم: مريم بلاش تأذيني
وراحت عند نيره ومسكت رجولها: انا اسفه مكنش قصدي اعمل ده
مريم بصت شافت الكاميرا: يله نمشي وغمزت لنيره
نيره زقت منال بالركبه ومشت مع مريم ركبوا العربيه
مريم: شوفتي بنت الجنيه بتصور عشان تاخدها علينا بعد كدا وتقول احنا بنضربها
نيره: تعمل الي تعمله بس انا مش هسمحلها تأذيني لا انا ولا عايلتي
تلفونها رن برقم وليد كشرت واغلقته
مريم تلفونها رن بأسمه برضو رفعت التلفون قدامها
نيره في قمه عصبيتها: اقفليه في خلقته
مريم: مش هتتكلمي معاه
نيره اتنهدت بقهر :لاء انا حاسه بالقرفه منه لانه دمر حياتي ودلوقت خلاها معقده وحواليا دوشه انا لما بفتكر الي حصل منه بكرهه بزياده البني ادم المقرف الي الحياه عنده زيها زي القمار ولما اكتفي بالمتعه سلمني لصديقه ورجع يتفق مع منال انا زعلانه من نفسي اوي يامريم بمجرد ما فكرت لحظه ان البني ادم ده كويس يقدر يحب بصدق ده زي النسر بيلف حوالين الضحيه لحد ما يخطفها
مريم حست بالضيق على حال البنت الي متأكده انها بالاخير هتنتحر ولا هتصبر ع العيشه دي
………منه محمد…….
خلصت شغلها ونزلت من الشركه راحت الجراش تركب عربيتها كان وليد منتظرها وطلع وراها بعربيته فضل يتصل بيها طنشته وفضلت تكنسل لحد ما وقفت وركنت قدام مستشفي استغرب ونزل وراها ودخل متابعها خطوه بخطوه
نيره قربت من الاستعلامات: لو سمحتي عندي معاد مع الدكتوره
الموظفه: ثانيه اشوف رقمك في الكشف
وليد لنفسه: بتعمل ايه دي هنا
بص للوحه لقاها دكتوره نسا وولاده استغرب جدا تلفونه رن اتخبا بسرعه ونيره سمعت النغمه وميزتها لفت بضهرها بس ملقتش حد ووليد خلص مكالمه مع امه ورجع ملقاش نيره قرب ع الموظفه!!!!
وليد :سوري انا جاي مع مدام نيره وكانت هنا من ثانيه هي دخلت للدكتوره
الموظفه: حضرتك قريب المريضه
وليد لسه هيرد لقاها بتنادي عليه لف وبصلها وقرب منها
نيره ربعت ايدها قدام صدرها: ليه ماشي ورايا
وليد بستغراب: انتي هنا ليه ودي مش اول مره اشوفك هنا انتي مخبيه عني ايه
نيره ساكته بس واقفه تبص له بكرهه ونظرات عجز يفسر معناها
وليد مسك دراعها :فهميني انتي هنا ليييه
نيره زقت ايده عنها بقرف وقالت بصوت عالي وعيون دامعة مليئة حقد وكره :ابعد ايدك القذره عني واياك تلمسني ساامع انت مش راجل
وليد بتعجب وحيره: قصدك ايه
نيره عيونها مليانه غضب: قصدي الحقيقه ان منال مش لوحدها المذنبه الوحيده فضلت تغنيها للناس فلكلور ان منال هي الي اذتني لكن الحقيقه انت الي عمال تقتلني ببطئ الي زيك ميستحقش يكون اب
وليد :عارف اني زفت وقطران وغلط بس برضو مش هسكت وانا شايفك بتتجوزي خالد
نيره: ليه ايه الي حرقك اوي بجوازي منه يفرق ايه عنك انت واحد بيحب يلعب مع الستات وانت ومنال تستهلوا بعض اخلاقكم واحده
وليد فتح عيونه وبصلها كتير وبعدين رد وقال:ايه علاقه ده بزفته منال انا مفيش بيني وبينها اي علاقه
نيره ضربته في صدره جامد :برافو مثل كمان بس ياريت تقفل بؤقك لان كل ما بتتكلم بكرهك اكتر

وليد جه يضمها لصدره نيره بصرخه : اااااانت بتعمل ايه لاأااااااااااااااااما تلمسنيش وابعد عنننننننني
وليد بصوت مهزوز: انتي لازم تديني فرصه تقدري تضربيني تموتيني بس اوعي تبعدي عني وتبعدي عني ولادي ارجوكي نيره ونزل قدامها وحدف نفسه جوه وسطها وفضل يعيط اكتر واكتر ويدفن نفسه اكترولسه ماسك وسطها: ابوس ايدك متبعدهمش عني
نيره دموعها نزلت شلال : لو عايز فرصه تكفر عن ذنبك ارجوك سبني وابعد عني انا والولاد خلينا نبدء حياه جديده وابعد عن حياتنا لو فعلا بتحبهم لان ده الشئ الوحيد الي ممكن يكفر عندي كل اخطائك
وسابته ومشت بسرعه قبل ما تضعف وتاخده جوه حضنها اول مره تشوفه بالضعف ده بالحال ده لكن جرحه ليها بيقويها عليه!!!
وليد قعد علارض بحزن السنين وحس ان كل خليه في جسمه اتشلت شد على قبضه ايده بقهر لانها ببساطه رسمتله اسوء سيناريو يكمل بيه حياته ودفعته لجحيم الشوق والألم ونار الفراق وفجأه مسح دموعه وقال لنفسه مقوله(حاول أن تقهر أحزانك وتتغلب عليها فأنت أقوى من ذلك.)
…….منه محمد…….
دخلت تتسحب وطلعت زجاجه شفافه وميلت وصرخت: منال
منال رمت السيناريو الي في ايدها وقامت مفزوعه
مريم بتلوح بالازازه: جبتلك شويه ميه نار يستهلوا وشك
ورشت الماده علي وشها ومنال فضلت تصرخ وتجث وشها ومريم عماله تضحك بتسليه
منال نفخت: يا حماره خدعتيني
مريم :ايوه عملت نفسك ليه عطيتي الفيديو للصحفين احنا ضربناكي عايزه تكوني مشهوره للدرجادي لحد امتي هتفضلي ضدنا
منال بتحدي: انشاالله لاخر العمر كله هتعملي ايه هتضربيني
مريم :انا عارفه الي زيك لا يمكن يحسوا بالندم
منال :انتم الي بدائتو ده معايا
مريم: احنا الي بدئنا وانا الي هنهي ده وطلعت زجاجه ميه نار بجد من شنطتها
مريم :ها ايه رايك ميه نار حقيقي المره دي
منال بخوف :مريم هتعملي ايه يا مجنونه
مريم بتفتح الزجاجه ببطئ ومنال بتبعد برعب
منال:انتي عقلك اتلحس منك
مريم فتحتها ولسه هترش مساعد المخرج قرب يستدعي منال ان المخرج جاهز ومريم خبت الازازه وري ضهرها
منال ابتسمت وقربت من ودن مريم: لو لسه عندك الشجاعه يله
مريم :هنتقم منك بعدين صدقيني
منال دقت بايدها على صدرها:وانا مستنياكي متتاخريش باي
المساعد :فيه حاجه يا فنانه
منال: لا مفيش روح انت وانا هعدل شكلي واحصلك
المساعد هز راسه بتفهم ومشي
…….منه محمد……
بعد ما صلت العشاء لقت رنه الموبيل اخدته وردت
جلال :شوفتي الفيديو الي بعتهولك وليد قالي انه مش هيرجع الشغل
صابرين بهدوء: سيبه براحته وهو لما يهدا هيرجعلك ثق في كلامي
جلال نقر ع سطح المكتب بالقلم: لو مش هيرجع ويبقي تحت طوعي يبقي هو الي خلاه نفسه عدو ليا البيه بيحب بنت فهمي بس انا مهما حصل مستحيل اسيبه يروح لفهمي
صابرين :جلال لازم تسمع للي هو عايزه وتساله هو عايز ايه ومش عايز ايه
جلال صرخ بعصبيه من اسلوبها البارد : ليه هو الي يسمع ويطيع كلام اهله انتي اسكتي خالص وانا هتصرف واغلق الخط
صابرن اتنهدت بصوت مسموع واتصلت بوليد الي كان ماسك صوره نيره والتؤام واول ما شاف رقمها مسح دموعه بسرعه وحاول يتحامل ع نفسه ويعدل صوته ورد: اهلا يا ست الحبايب
صابرين بقلق: وليد طمني الامور مشت ازاي قولت لولادك الحقيقه وامتي ناوي ترجعهملي نفسي احضنهم يابني
وليد نزلت دموعه زي المطر: أذيتها كتير يا امي كتير (شهق) ليه بعاني كتير كدا ليه
صابرين بخوف: ايه الي حصل قولي يا وليد طمن قلبي يا بني
وليد بكاء بنحيب: يارتني ما قابلتها يارتني ماعرفتها من البدايه كانت حياتها هتبقي افضل ومكنتش هتعاني كل المرار الي شافته وعاشته بكره نفسي اوي يا امي اوي
صابرين استوعبت حالته خافت عليه نزلت دموعها معاه وعليه: وليد حبيبي اسمعني حبك واخلاصك هيريحوا قلبها بس انت محتاج شويه تتحمل وتصبر لحد النهايه وانا معاك وجنبك اوعي تفرط في ولادك وحبيبه قلبك
وليد ابتسم كأن مكلمتها ردت فيه الروح والامل: متشكر يا امي انا بحبك اوي
صابرين: وانا كمان بحبك اوي قوم صلي ركعتين وادعي ربك هيفرجها من وسع
وليد مسح دموعه: حاضر مع السلامه
وليد اغلق الخط وقرر انه لايمكن هيتنازل عن حقه فيها وفي ولاده مهما حصل
………منه محمد…..
يوم الفرح الي مقام في الفيلا من غير اي معالم للفرحه مجرد كراسي مرصوصه وورد لا يذكر
ثريا:حاسه اني قلقانه ع نيره
فهمي: ليه مالها النهارده فرحها ولازم تكوني مبسوطه يا ام العروسه
ثريا :ياتري نيره هي الي هتكون مبسوطه وسعيده انا حاسه انها مش بتحب خالد ده خالص
فهمي: بس ده احسن واحد ليها ثريا انا مش عايز اسمع اي خبر عنها يدمر سمعتها حتي لو عارف ان خالد مش الراجل الي بنتك بتحبه بس ده كان قرارها واختيرها
ثريا :ايوه وانا مستغربه ليه اخدت القرار ده ولا يكون فيه حاجه مش عايزه تقولها
فهمي: يله نستقبل الناس وبعدين نتكلم
……….منه محمد……..
فوق عند العروسه الي كانت في قمه حزنها ومريم بصلها وشايفه كسرتها بحزنها و فرحتها المكسوره

الكوافيره: خلصنا يا عروسه طالعه جميله
نيره : ميرسي
مريم بضحكه: معلش ممكن تسبينا دقيقه
الكوافيره: اه طبعا ع العموم انا خلصت هرجع بس الم العده في الشنطه
نيره :ريحي نفسك مش هغير رأي انا قررت خلاص
مريم :عارفه ومش حقولك غيري رايك انا كنت عايزه اقولك جهزي عقلك وذهنك واتقبلي نتيجه قرارك
نيره رفعت عيونها وبصتلها في المرايا وحست بنغزه بصدرها
مريم: اظن انتي عارفه مين هو خالد ومعرفش ايه الي ممكن هتواجيه بعد كدا
نيره لفت ومسكت ايدها: مهما حصل هتفضلي جنبي
مريم ابتسمت بود: طبعا هو انا سبق وسبتك
نيره ابتسمت وقامت حضنتها بكل قوتها في نفس اللحظه دخلوا التؤام مع حنان وجريوا عليها واخدوها بالحضن
نيره :عمتو شكرا بجد ع كل حاجه
حنان مسكت دقنها: انتي بنت اخويا ومهما كان قرارك هقف دايما جنبك
نيره ضمتها :تسلمي
…….منه محمد…….
باسم واقف برا الفيلا يستقبل معارف خالد جات وقربت منها: ازيك يا باسم بقالي يما مشوفتكش
باسم: وانا متخيلتش انك تيجي حسب الي اعرفه انتي ونيره مش طايقين بعض
منال :بس اخر المطاف الاصدقاء بيفضلوا اصدقاء معقول محضرش فرح صاحبتي وكمان اهنيك اخيرا جنيت ثمره تعبك بس بلغ خالد انا ليا مكافأه برضو لان الجواز مكنش هيحصل بالسرعه دي لولاي
باسم: انتي الي صورتي الفيديو صح
مريم :انت هنا ليه مين عزمك
منال :الله صدقتي هتتجوز ينفع والنبي مجيش اباركلها فبلاش نتخانق هنا
جمال قرب عليهم وابتسم لمريم الي بادلته الابتسامه
منال :اهلا وسهلا يا جمال
جمال اتجاهلها تماما وكلم مريم: متخافيش يا انسه مريم انا هراقب منال بنفسي
منال :ماشاء الله انتم متفقين عليا بس هو فيه سر في الجوازه دي ليه خايف مني اوي كدا بس متقلقش معنديش نيه اعمل حاجه النهارده
ودخلت تجري ع جوه ومريم ملحقتش تمسكها وجمال اتنهد ودخل بسرعه وراها
شويه نزلت نيره لابسه فستان ابيض عادي جدا وشعرها ديل حصان مش مرفوع وحاطه توكه نجمه بنفس لون الفستان ومعاها حنان والتؤام ماسكين ايدها
نيره: ملك مالك تعالوا اقعدوا جنبي وراحت قعدت جنب خالد الي عمال يبص لتفاصلها المضايقه والمستائه رماه عليها نظره وبعدها بص للبعيد
وجمال اتصل بوليد اكتر من مره مش بيرد كتبله رساله نصيه
فهمي بسعاده: يله نبدء يا شيخنا ونكتب عشان نحتفل بالعروسه والعريس
ابو خالد: ياريت (ونغزه في كتفه) خالد
خالد لف وبصله:نعم يا بابا
ابوه: الخاتم يابني لبسه للعروسه

خالد حط ايده في جيبه وطلع علبه: اه اهو يا بابا
ابوه: يله مدي ايدك للعريس يا عروسه
نيره لسه بتمد ايدها وليد دخل واقتحم الفرح بكميه ألم في قلبه حبيبته سابته وقررت تكمل حياتها مع غيره صرخ بقوه:الفرح ده يتلغي حالا لان مفيش جواز
جمال وحنان ومريم مبسوطين اوي والتؤام جريوا عليه وحصل حاله من الهرج والمرج
نيره بعصبيه:بتعمل ايه هنا يا وليد
وليد بص لثريا وفهمي: نيره تبقي حبيبتي وهتجوزها
نيره قامت بعصبيه وشدت من ايده التؤام :امشي حالا
وليد بتحدي وقوه:لاء مش متحرك من هنا قبل ما ارجع مراتي ليا
فهمي جز علي فكه وثريا فضلت تهدي فيه وتطبطب علي كتفه
فهمي: ايه الجنان ده جلال هو الي بعتك اطلبوا البوليس يسحبه بره
ثريا: فهمي اهداء واتكلم براحه عشان صحتك
فهمي بغضب وانفعال : مفكر نفسك مين عشان كل شويه تظهر في حياه بنتي
وليد: انا بحبها وعايز اتجوزها واتحمل المسؤليه وكل حاجه حصلت لها بسببي
فهمي لطشه كف لوح فيه موديل وشه: كلب حقير سافل لحد امتي هتفضل تدوس ع كرامه بنتي
وليد اتحمل الاهانه وبلعها: جيت هنا وطالب فرصه يا فهمي بيه
فهمي بصرخه: مستحيل واخرج من بيتي
وليد: انا مش متحرك من هنا
جمال حاول يهدي الوضع : وليد لازم تمشي حالا
وليد بعتراض: لاء انا مش ههرب ياجمال

خالد جاي يهجم عليه جمال مسكه يمنعه فهمي شاف كدا وشاف الدنيا كلها حواليه سوده مسك قلبه وطب ووقع فقد واعيه وثريا صرخت والكل جري عليه بما فيهم وليد
نيره زقته بكل قوتها: اااابعد
وليد وقع قاعد علارض وقلبه اتحول لنار بس مش متفاجاء ده اقل رد ع الي عمله فيها
نيره بتهديد ووعيد : مبسوط دلوقت سعيد بالي عملته بس لو حصل لبابا حاجه هقتلك ساااامع هقتلك
جمال شد وليد الي رافض يقوم كأنه لزق بأسمنت الذنوب تقلت عليه حسها جبال فوق كتافه
نيره بصريخ وكحلها سايح بدموع: قووووم امشي
ورفعوا فهمي للمستشفي ومنال وقفت توثق كل الاحداث بالصوت والصوره ونيره وهي تتحلف وتتوعد انها هتقتله زي ما قتلها لا حول ولا قوه الا بالله

• لقراءة الفصل التالي:اضغط هنا
• لقراءة باقي حلقات الرواية اضغط على (سيقان في الوحل)