رواية ولكن لما الفصل الثالث 3 بقلم زهرة محمد

رواية ولكن لما الفصل الثالث 3 بقلم زهرة محمد

رواية ولكن لما البارت الثالث

رواية ولكن لما الجزء الثالث

رواية ولكن لما الحلقة الثالثة

الحلقة الثالثة

كنت ماشية مع البنات عادي ف طريقنا للمحاضرة وفجأة لقيت حد طلع من قفايا كده مرة واحدة
_سمعت إنك سألتي عني مش كنتي تقوليلي كنت وفرت عليكي الطريق
/بسم الله الرحمن الرحيم انت اي يااخ بتطلع كده ف اي وقت
_مش إنتي ال سألتي عليا
ملك: هو اي هبل وخلاص ونسأل عليك ليه وبتاع اي وبعدين احنا مش هننسالك موقفك الزفت وكدبك علينا
_انسة ملك صح إنتي دكتورة محترمة واتمني إن تعاملك مع الحيوانات ماينسيكيش ازاي تتعاملي مع البشر
/ودا مالفتش نظرك لحاجة
_انتي واخدة بقي ع طولة اللسان
/انت ال مصمم تجيبه لنفسك و..لسه بكمل لقيته بيقرب مني اي دا بيقرب بجد
_ بس حبيت
/هو ال حبيت وابعد كده اي هتلزق
_حبيت طولة لسانك واه صحيح لما تحبي تعرفي حاجة عني ابقي اسأليني بدل مايقولولك معقد ونسوانجي وينتجولك فيلم رعب بس اه صحيح هتسألي ازاي وإنتي مش معاكي رقمي مش مهم انا معايا رقمك هبعتلك ماتعمليش بلوك عشان مااقرفكيش ف عيشتك
/قال كلمتينه وسابني ومشي بكل غرور وانا والبنات واقفين مسبهلين مش فاهمين ال حصل
مريم :هو مين الأخ
ملك:صدقيني لو اعرف هقولك
/شكله كده حظي الهباب

-***-

/روحت البيت بعد يوم طويل مليان تفاصيل دخلت اوضتي قفلت بابي من دوشة اخواتي واترميت ع السرير ماحسيتش بنفسي غير وفوني بيهتز جمبي فتحت من غير ما اشوف مين بيتصل واتكلمت بنعس الو
_بتصل من بدري شكلك نايمة
/مين
_لا زعلان منك ازاي مش عارفه صوتي
/ امم معلش مش مركزة مين
_صوتك حلو وإنتي نايمة مايدلش ابدا ع طولة لسانك وإنتي صاحية
/طيب ماشي
_لا شكلك مش ف وعيك هكلمك لماتصحي باي
/صحيت على الساعة 11بالليل وماحدش كلف نفسه إنه يصحيني واتنسيت كأني ماجيت ببص ف الفون لقيتني مكلمة رقم غريب لمدة 3دقايق نهار اسوح مين ال كلمته دا يالهوي لو حد من قاريبنا انا مااعرفش بتنيل اقول اي وانا نايمة اخر مرة قولت لعمتي امها ماتت ال هي جدتي حية ترزق والدنيا اتقلبت وانا ولا هنا يارب استر اتصلت على الرقم عشان اشوف مين
الو السلام عليكم
_وعليكم السلام أخيراً صحيتي
/اي دا صوت ولد ..نعم مين حضرتك
_لا ركزي كده ال هنقوله هنعيده ولا اي ماقولنا طارق وهو انتي حد هيعبرك غيري
/ولاا هو انا مش هخلص منك يخربيتك بتطلعلي منين كان قرار هباب اني اشتري حاجه من كافيتريا حقوق وقفلت السكة ف وشه
فضل يرن كتير وف الاخر بعت ماسدج مكتوب فيها
_مابحبش الاسلوب دا وانا نبهتك إنتي ال جبتيه لنفسك
/حسيته تهديد خوفت وحسيت إنه ممكن يكون مريض نفسي ويعمل فيا حاجة اي جو الافلام دا انا شكلي هيست نامي يا شمس نامي كملي نوم ياحبيبتي

-***-

فالجامعة
ملك: ياخبر كل دا حصل شمس انا ابتديت اقلق من الشخص دا
مريم:وانا كمان
إسماعيل:بس من كلام باسل هو مابيجريش ورا البنات بس ال شايفه انه هو ال بيجري وراكي ياشمس
ملك:ماممكن برضه تكون دي احد طرقه لجذب الفريسة
/اي يا ملك فريسة اي صلي على النبي كده
(عليه افضل الصلاه والسلام)
/بقولكم اي فككم منه لو قرب مني تاني انا هعمله فضيحة ويوريني بقي
_طب ليه كده انتي بتحبي الفضايح يعني
/بسم الله الرحمن الرحيم الله اكبر اي دا ياخربيتك ياخربيتك انت بتطلع منين
_من وراكي عادي انتي ال كل مرة بتبقي مدية قفاكي ليا مش ذنبي
مريم:انا حاسة إني قطعت الخلف
ملك:انا مش حاساني
إسماعيل :هو حضرتك جني ولا اي بالضبط عشان نفهم

-***-

_صحابك اوفر اوي
/اتعصبت اوي وبكل غضب زعقت فيه انت عايز اي يااستاذ يامحترم متربصلي ف الرايحة والجاية والله لو لمحتك تاني لاطلبلك الشرطة والبسك قضية تحرش تندمك ع اليوم ال شوفتني فيه و…كنت لسه هكمل روشتة الردح قام قاطعني
_ خلاص خلاص لو سمحت اهدي ماينفعش تعلي صوتك كده مش عشاني عشان إنتي بنت ماتخليش حد يفهمك غلط وع العموم انا اسف الواضح إنك مافهمتنيش عن اذنك
ملك:اي دا بجد مشي ياخبر دا طلع بيخاف
إسماعيل:انا شخصيا خوفت
مريم:ايوة كده احسن ناس ماتجيش غير بالعين الحمرة
/كنت بسمع كلامهم وانا من جوايا مش عارفه حاسة اني متضايقه شعور غريب تملكني لما اعتزر وسابني ومشي زي ما يكون صعب عليا او ممكن انا ذودتها حبتين…لا لا ماينفعش يصعب عليا دا واحد مريض احسن كده يارب مااشوفهوش تاني

-***-

يتبع..

لقراءة الفصل التالي : اضغط هنا

لقراءة جميع حلقات الرواية اضغط على ( رواية ولكن لما )