رواية احتواء الفصل الثالث عشر 13 بقلم عزه محمد

رواية احتواء الفصل الثالث عشر 13 بقلم عزه محمد

رواية احتواء البارت الثالث عشر

رواية احتواء الجزء الثالث عشر

رواية احتواء الحلقة الثالثة عشر

يوم جديد علي ابطالنا… بتفتح نهله عينيها وتبص في الفون وتقوم بفزع: ي نهار ابيض انا نمت ازاي كل ده….
لقيت فونها بيرن المقدم عامر
نهله ردت: الو
عامر بابتسامه: صوتك لسه صاحيه من النوم صح
نهله ابتسمت: اها فعلا.. معرفش نمت ازاي كل ده
عامر وهو بيقفل ملف قدامه وبيخرج من المكتب: الفتره ال فاتت انتي تعبتي واتوترتي جامد فطبيعي جسمك يطلب الراحه يعني
نهله: فعلا مكنتش بنام كويس
عامر: احم… نهله ايه رايك لو تجيبي حسن وتيجوا تتغدوا عندنا ف البيت مع شهد وفرصه فارس جاي ونبقي كلنا وتتعرفي علي زياد ابني
نهله قامت وقفت قدام المرايه وابتسمت : اتشرف طبعا بس يعني مش هيبقي ازعاج ليكم
عامر بيركب العربيه : اطلاقا ازعاج ايه بس ده ده انتو هتنورونا
نهله: خلاص اوكي باي
عامر: باي
قفلت الفون وحضنت دبدوبها: وبعدين معاك يا سياده المقدم ناوي لقلبي ع ايه
حسن دخل: انا شايف انك متتعلقيش بيه يا نهله ده كبير عنك بكتير
نهله: كبير ايه بس ده شكله اصغر منك انت شخضيا
حسن: وهي بالشكل
نهله بنفي: مقصدش طبعا… هو طيب جدا وحنون وراجل تعتمد عليه سند بجد و كاريزما ووو..
حسن قاطعها: انتي بتعوضي غياب بابا يا نهله مع اول واحد لقتيه حنين وفي ضهرك عقلك ترجمه غلط هو في ضهرك عشان انتي بتخدمي شغله وبتساعديه ف القضيه بتاعته
نهله بنفي: لا يا حسن هو كان خايف عليا فعلا وقالي لو في اي خطر عليا ابعد ومكملش وكمان بيأمني ويأمنك…. انا مش هتلخبط انا متأكده ان في حاجه في قلبه ليا
حسن: حبببتي بلاش تتعشمي ادي الامور وقتها

 

 

نهله عنيها دمعت غصب عنها: انا خلاص حبيته مفيش مفر من حبه
حسن حضنها: بس اهدي…. والله هيبان يا نهله لو هو شايفك اصلا ولا لأ
نهله:طب احنا معزومين عنده ع الغدا النهاردة
حسن:رأئي بلاش نروح
نهله:ارجوك يا حسن نروح انا قولتله هنيجي
حسن باستسلام:حاضر يا نهله
ــــــــــــــــــــــــــــــــ
شهد: يعني ايه تعزم البنت دي يا بابي ها يعني ايه
عامر: شهد! اتكلمي بأدب متنسيش اني باباكي صوتك ميعلاش
شهد: سورى يا بابي مقصدش بس.. بس يعني البنت دي تيجي ازاي وفارس جاي النهاردة اصلا وهيتغدي معانا
عامر: وايه المشكله
شهد وهي بترجع شعرها لورا ودنها: بابا البنت دي مش مرتحالها وحساها يعني.. عينها ع فارس
عامر اتصدم: معقول…. انتي ايه خلاكي تقولي كده يا شهد
شهد: احنا بنات زي بعض ونفهم بعض واصلا هي بنت ملزقه وانا مش بطيقها
زياد كان قاعد ساكت وملاحظ صدمه باباه مش مستغرب شهد لانه عارف مشاعرها بس ال لفت نظره صدمه عامر قام وقف: وحضرتك اتصدمت كده ليه يا بابا
عامر: مش صدمه بس يعني ميبانش عليها كده.. معقول
زياد دخل اوضته وفتح اللاب بتاعه علي صوره امه وفيديوهات ليها معاهم
بدأت دموعه تنزل: غالبا يا امي بابا هيتجوز… كنت صدقت انه مش هيدخل حد قلبه بعدك بس واضح ان بابا ملوش مبدأ في الحته دي…. جرحه بيلم بسرعه زي ما اتجوزك ومراته مكنتش كملت شهرين متوفيه هيتجوز بعدك
ـــــــــــــــــ

 

 

شهد بتكلم ملك فون:وست زفته دي جايه وفارس جاي
ملك ضحكت:هو مش فارس قالك بيحبك انتي وهي مفيش بينهم حاجه
شهد:سكتي يا ملك لو سمحتي انا مش طايقه نفسي اصلا….هي مش هتسيبه انا مش مرتحالها البنت دي خالص
ملك:حاولي تهدي وتتصرفي بعقل وحكمه ومتنسيش ان فارس هيشوفك لاول مره بالحجاب بلاش تبوظوا فرحتكم
شهد: عندك حق فعلا…. ربنا يصبرني ومجبهاش من شعرها الحلو ده
ملك ضحكت: بس انتي احلي يا شهد والله
شهد: لا ي ملك دي حلوه وعنيها ملونه مش لينسز لا ملونه و شعرها بني وطويل مش انا روحت قصيته…ورشيقه اوي انا حاسه اني تخنت اليومين دول (كانت بتتكلم وهي بتبص لنفسها ف المرايه وبتلف حوالبن نفسها)
ملك بتضحك:البت ولعت خلاص …يابنتي انتي ال ف القلب واقفلي بقا عشان الحق البس متنسيش اني معزومه عند حماتي حببتي روح قلبي
شهد:بتعايريني عشان حماتي ميته يعني
ملك ضحكت:لا والله مش قصدي طبعا
شهد:اقفلي يا ملك اقفلي اشوف هلبس ايه
ملك:تيك كير يا بيبي باي
شهد: باي
فتحت شهد دولابها بعد ما خدت شاور ولبست فستان نصه بالطول اورانج ونصه التاني ابيض ولبست حجاب ابيض وميكياج خفيف
الجرس رن كانت متفقه مع زياد هي ال تفتح ف زياد خبط عليها:هو يلا
شهد ابتسمت وحضنت زياد وفتحت الباب
كان فارس واقف مستني باشتياق يشوفها اول ما شافها فهيأتها الجديده بص ع رقم الشقه وبصلها تاني دقق ف ملامحها وهمس:شهدي

 

 

شهد ابتسمت بفرحه:ايوة شهدك
فارس دخل وبصلها:امتي لبستي كده وازاي يعني انتي مقولتيش ليا
شهد بوزت:ايه وحش
فارس:لا خالص بالعكس احلي واشيك والاهم ان محدش هيشاركني فيكي
زياد دخل:بص يا ابن عمي انت لحد دلوقتي مطلبتهاش رسمي فملكش فيها اصلا
فارس ضحك:ده انا هطلبها وهكتب عليها الليله
شهد فرحت جدا:الليله الليله يا فارس
فارس بحب:الليله الليله يا عيون فارس
زياد:يعم احترم وجودي
عامر خرج من اوضته:حمدلله ع السلامه يا فارس…ايه عاملين دوشه ع ايه
فارس حضن عامر:وحشتني يا بابا وحشتني جدا
زياد:بصي فارس اتجنن خلاص
عامر ضحك:مالكم ف ايه
فارس قعده وقعد جمبه وشاور لشهد وزياد يقعدوا:انا طالب ايد شهد منك
عامر ابتسم لانه كان متوقع ان فارس هيطلب شهد في يوم من الايام بس حب يوقع قلبه شويه:بس شهد جايلها عريس وبصراحه هو مناسب اكتر وجه اتقدم قبلك
فارس بعصبيه:مفيش حد هيناسب شهد قدي ولا حد هيحافظ عليها زيي وبصلها ولا حد هيحبها قدي
شهد دمعت من الفرحه بكلامه:بابا انا مش هتجوز غير فارس اصلا
عامر:اه امر واقع يعني

 

 

زياد:بابا من فضلك من حقها تختار وهي اختارت فارس دي حياتها هي
عامر قام وقف واداهم ضهره وكان بيتكلم بجديه تليق بالمقدم عامر الخولي :حيث كده بقي تنزل يا فارس دلوقتي حالا (لفلهم وابتسم) تجيب المأذون
شهد قامت حضنت عامر وفارس وزياد وراها
فارس:طب ليه كده لازم توقع قلبي
شهد:بعد الشر علي قلبك يا فارس
عامر بصلها:يا بنتي اتقلي شويه مش كده
شهد ابتسمت:واتقل ليه بحبه وبيحبني اتقل عليه ليه هو العمر فيه اد ايه عشان اضيعه ف التقل يعني
فارس:انا هنزل اجيب المأذون مش هضيع وقت اكتر من كده
زياد:انا هاجي معاك
عامر:احم..استنوا اكيد مش هنكتب الكتاب دلوقتي يعني…دي هتبقي كتابه فارس الخولي علي شهد الخولي لازم في مكان يليق بيكم في فندق القوات المسلحه زي يحيي كده ما عمل
شهد بتزمر:لا انا مش عايزة خطوبه انا عايزه فرح ع طول
فارس ضحك: اه فعلا احنا مستعجلين
عامر:تقريبا انا قصرت ف تربيتكم
زياد استغل الموقف:تقريبا مش متأكد يعني..الله يرحمك يا ماما كانت هتفرح اوي بشهد وفارس
فارس:الله يرحمها كانت اكتر حد بيوصيني علي شهد
شهد مسحت دموعها:انا فقدت امي مرتين بس المره التانيه هي ال وجعتني اوي..مفيش زي ريري ف الدنيا كلها الله يرحمها هي ومليكه ومامي وطنط فريده وعمو
عامر افتكر ريهام وقعد ع الكرسي حس انه بيخونها بمشاعره ال اتحركت لنهله:الله يرحمها ادخل يا فارس غير وارتاح شويه علي ما الغدا ال طلبناه يوصل

 

 

فارس:تمام عن اذنكم
ـــــــــــــــــــــ
في نفس الوقت كان يحيي وصل بيته
عزه فتحتله الباب وحضنته بكل قوتها:حبيبي وحشتني اوي كل ده يا يحيي هانت عليك ماما تبعد عنها كل ده
يحيي وهو بيحضن امه ويبوس راسها:والله يا امي غصب عني الشغل اعمل ايه
بعدت عنه بصت في عيونه لقيت عيونه بتلف يمين وشمال فضحكت وباسته في خده:ال بتدور عليها في اوضه جورى قاعدين سوا
يحيي اتكسف:يا زوزو فهماني صح كده ع طول…فين بابا
:بابا في الشغل عنده مأموريه هو كمان ولسه مجاش
يحيي:يجيي بالسلامه يارب..واياد فين الواد ده بقالي اجازتين مش بلمحه
عزه:ف الدرس يا حبيبي ثانويه عامه بقا ونفسه يدخل طب بشري
يحيي: ربنا يوفقه يارب ويكتبله كل خير…. هدخل اشوف البنات بقا
:ادخل يا حبيبي
دخل يحيي بعد ما خبط واذن له بالدخول
جورى قامت نطت ف حضنه: ابيه يحيااااااا وحشتني اوي
يحيي وهو بيبص لل مدياه ضهرها وعمال يدور ع ملك مش شايفها ف اي ركن ف الاوضه
يحيي همس ل جورى:هي لوكا مش هنا ولا ايه
جورى ضحكت:اظهرى يا لوكا وباني عليكي الامان
يحيي بص ع الدولاب فكر ان ملك مستخببه ف الدولاب 😂
ملك لفت ليحيي:حمدلله ع السلامه يا يحيي
يحيي بص لمصدر الصوت وبعدها بص لجورى:انتي عملتي فيها ايه مكنتش كده
جورى:احم قصدك ايه
يحيي بصلها:انتي بتجربي الحجاب ولا ايه

 

 

ملك:لا يا يحيي انا لبسته بقالي حوالي ١٠ايام مش بخرج غير بيه
يحيي اتقدم منها عشان يحضنها وهو بيقول:زين ما عملتي يا حببتي
ملك بعدت عنه ووقفت جورى ف النص:اثبت لتولع مكانك مفيش احضان يا كابتن غير بعد كتب الكتاب
يحيي ضرب الارض بحركه طفوليه:ده ظلم انا مشتاقلها ابعدي يا بت
ملك:لا يا يحيي معلش لازم نخاف من عقاب ربنا وانا لسه مش حلالك
يحيي خرج من الاوضه وراح لمامته :عايز اكتب ع ملك
عزه ضحكت:هي جورى نفذت ال قالته
يحيي:اه بنتك دي مش سهله
:معلش يا حبيبي بس ده الصح
يحيي:ما انا خدت بالي…الحب كان عاميني اوي بس جورى فوقتنا..المهم يعني عايز اكتب ع ملك انا عايز احضنها
:ياواد اتلم بتقولها ف وشي
يحيي:ايه يا جميل هو سيف مش بيحضن ولا ايه وبعدين لازم احضن وابوس كمان اومال هجبلك مروان الصغير ازاي
عزه ضحكت جامد:تصدق انا مربتكش فعلا يا ابني اتكسف
يحيي وهو بيفتح الحلل وبياخد ورق عنب وياكله:الله ورق عنب..اتكسف من ايه من حبي ليها من رغبتي فيها ده شىء ميكسفش
عزه:بطل لعب ف الحلل…يعني بجد بتحبها ونسيت
يحيي قاطعها :مكنش في حد انساه دي مجرد تهيؤات يا ماما ملك اول حب حقيقي ليا والاخير برضو هي وبس
عزه حضنته:ريحت قلبي يا ابني ربنا يريح قلبك
يحيي:يريح قلبي بكتب الكتاب
عزه:اول ما يرجع باباك هنكلم خالك وليد

 

 

يحيي: اتفقنا.. ماما هو يعني…خالي شهاب مش هيرجع من امريكا بقا
عزه بوجع:محدش عارف يا ابني بعد موت جدي وبعدها جدك وجدتك شهاب مقدرش يتحمل وسافر هو وولاده ومراته
يحيي:ربنا يرجعهم بالسلامه يارب….احم اصل يعني
عزه لفتله:مالك عايز تقول ايه
يحيي:واحد صحبي متقدم لجورى شافها فخطوبتي انا وملك واعجب بيها وجه كلمني
عزه سابت السكينه وشردت بحزن:تفتكر هتوافق
يحيي:لو أنس بيحبها كان رجع هو مش صغير كان رجع لوحده عشانها.. رائي تقنعيها تدي فرصه للعريس… ولو كلمتي خالي شهاب هاتي قدامه الموضوع ده
عزه اتنهدت: ربنا يقدم الي فيه الخير
يحيي خرج خد شاور وغير وجورى وملك طلعوا رصوا السفره مع عزه وبعدها قعدوا اتغدوا في جو عائلي لطيف مكنش خالي ابدا من غزل يحيي في ورق العنب (عارفه دماغكم فاكيرنه هيتغزل ف ملك 😂)
ــــــــــــــــــــــــــــــــ
وصل حسن ونهله بيت عامر فتحلهم بنفسه ودخلوت سلموا ع الكل
جت تسلم علي فارس فشهد كلبشت في ايدها:اصل فارس متوضي
زياد وحسن ضحكوا لانهم فاهمين غيره شهد
عامر:اتفضلوا الاكل جاهز
قعدوا وشهد حجزت ع فارس جمبها
فارس همس:والله مش شايف غيرك عنيا اصلا مش عايزة تشوف غيرك
شهد ابتسمت بنصر وقعدت جمبه وبدأت تهتم بأكله (هي عادتها كده بتهتم بيه مش قاصده حاجه)
فارس:يا روحي كلي انتي انا باكل اهو

 

 

شهد ابتسمت بحب وعنيها بتلمع:انا ببقي مبسوطه وانا بهتم بيك وبكل تفاصيل ممكن تسيبني اعمل ال يريحني
زياد:احم ايه جوز العصافير انتو مش لوحدكم يعني
عامر ضحك:بطل تغلس عليهم يا زياد…بعدها بص لنهله:اصل فارس وشهد بيحبوا بعض وهيتجوزوا
نهله ابتسمت بفرحه لشهد :بجد الف الف مبروك انتو لايقين علي بعض جدا من اول يوم شفتكم فيه وانا حاسه بحبكم تجاه بعض
عامر ابتسم بسعاده لانه اتأكد انها مفكرتش في فارس اصلا ودي مجرد تهيؤات عند شهد
شهد:الله يبارك فيكي عقبالك ان شاء الله
حسن حب يغيظ فارس:بس هتتجوزوا ع طول كده يا شهد مش تكملي كليتك الاول
فارس بعصبيه:قولتلك قبل كده اسمها انسه شهد واضح انك بتنسي بسرعه ثم انه مش دخلك تتجوز امتي مش ولي امرها انت
شهد ابتسمت بخبث لحسن:فارس هو مش قصده حاجه يعني
فارس بصلها بعصبيه وغيرته عمياه:قومي يلا اننا هننزل نكمل غدانا بره
حسن ونهله وقفوا وعامر:اهدي يا فارس هو مش قصده حاجه
فار وهو بيسحبها من ايديها:قصده مش قصده مليش دعوه
حسن ضحك:ممكن بس نتكلم مع بعض في البلكونه شويه عشان نحل سوء التفاهم ده
شهد:ياريت يلا يا فارس عشان خاطري
فارس بصلها وتدارك الموقف وان ال عمله غلط فعلا…عدل قميصه وشاورله ع البلكونه ودخلوا
شهد وعامر ونهله قعدوا ع السفره وزياد بيراقب نظرات باباه لنهله
شهد وهي بتلعب بالسكينه:اصل فارس بيغير عليا اوي مش بيتحمل حد غيره يقول اسمي
زياد ضحك:جوليت هانم خلصت

 

 

شهد ضيقت عنيها وبصتله:ايه يا زيزو
عامر باصص لنهله وبيهمس:انا بعتزر عن ال بيحصل ده بس فارس غيرته عمياه فعلا
نهله ضحكت:هو له حق حسن حكي ليا ال كان بيعمله..احم كان بيثير غيره فارس كتير
عامر :ليه
نههله كانت فاكىه انه عارفه بس هي وقعت بلسانها:ها
******
عند حسن وفارس
حسن:اول حاجه انا مرتبط ببنت عمي يعني مفيش اي شيء ممكت يكون او هيكون بيني وبين انسه شهد..ولعلمك بحب بنت عمي من وانا طفل
فارس:بس انت دخلت حياه شهد وبقيت تكلمها كتير وتتقرب منها ليه
حسن:ده موضوع طويل بس احنا كنا بنتفق يعني عشان تغير وتعترف لها بحبك لو بتحبها
فارس اتصدم: انا فارس الخولي يتعمل فيا كده
حسن ضحك: ميجبش الراجل ع وشه غير الغيره
فارس: عارف انا مش هدايق لانك خدمتني خدمه عمري. لولا ظهورك بالشكل ده كانت ممكن تضيع مني
حسن: يعني صافي يالبن
فارس: حليب يا ابو علي وضحكوا سوا
فارس خرج
نهله بتوجه كلامها ل عامر : اااا يعني
فارس:اسف يا جماعه سوء تفاهم واتحل اتفضلوا نكمل غدا يلا
زياد بص لشهد وغمز
شهد خايفه فارس يدايق انها ضحكت عليه

 

 

فارس قعد بهدوء جمبها وكل شويه يبصلها بعنيه نظرات مفسرتهاش..وهو في باله:بقي شهد يطلع منك كل ده وانا ال فاكرك غلبانه اااخ منك يا شهدي عرفتي تجبيني راكع صبرك عليا إن ما رديتهالك مبقتش فارس الخولي
فارس وجه كلامه لنهله:احم….مشرفانا ومنوره البيت والله يا نهله
شهد شرقت وحسن وزياد ابتسموا لبعض اما عامر فرده فعلا كانت عنيفه نوعا ما
عامر رزع المعلقه ف الطبق:انسه نهله يا فارس
فارس استغرب عمه جدا:مقصدش انا برحب بيها
شهد:خليك مع حسن وانا هرحب بيها تحنا بنات زي بعض
عامر:بالظبط ملكش دعوه بيها
زياد شكوكه بتزيد وبقي متأكد منها
نهله:حصل خير يا جماعه انا مش محتاجه ترحيب يعني
زياد وقف:لا محتاجه ترحيب وهتفضلي محتاجه انه يكون مرحب بيكي او لا في بيتنا…عن اذنكم
فارس وشهد استغربوا زياد وحسن كمان..بس عامر فهم ابنه رغم صغر سنه الا ان زياد ذكي جدا ونبيه وقوي الملاحظه…:اسف يا جماعه واضح ان مش مكتوبلنا نتهني بالغدوه
نهله سحبت شنتطها:عن اذنكم لازم نمشي ونزلت
وحسن وراها وفارس نزل يوصلهم وشهد نزلت وراه
فارس:استنوا بس..زيزو اكيد مش قصده حاجه
نهله بدموع:هو واضح وصريح وانا مش مرغوب فيا ف البيت ده فعادي ده حقه
شهد وقفت جمبها لما لقيتها بتعيط:ليه بتقولي كده والله انتي جميله ولطيفه متزعليش ده زياد صغير لسه عنده ١٢ سنه ميدركش الكلام ده
حسن:لا زياد فاهم ال انتو مش فاهمينه….عن اذنكم ي لا يا نهله
ركبوا عربيتهم واتحركوا
شهد بصت لفارس:هو في ايه انت فاهم حاجه
فارس حك دقنه:تقريبا كده بابا هيتجوز 🙂

 

 

شهد شهقت برقه:ايه!!!! مين
فارس ضحك:فتحي مخك شويه…اكيد نهله واضح غار عليها جدا وطول القعده في نظرات وبتاع انا قولت يمكن بيرحب بيها بس فهمت لما زياد خد باله….زياد ذكي جدا واكيد فهم
شهد:يعنيييي…يعني نهله مش عيزاك انت وعايزة بابي
فارس مسك ايديهاعشان يطلعوا:اه يا روحي مش عيزاني دي عايزه الراس الكبيره 😂😂😂
شهد بصدمه:وبابي ممكن يتجوز بعد ريري معقول
فارس اتنهد :ده حقه لا انا ولا انتي ولا زياد نقدر نقول لا…هو تعب معانا وربي وكبر بعد ما ماتت لوحده..ودلوقتي..دلوقتي انا وانتي هنتجوز ونسيبه وزياد مسيره يكبر ويتجوز هيفضل هو لوحده يعني
شهد سحبت ايديها من ايده ودموعها نزلت عل خدها:مش قادرة اتخيل ان حد يحل محل ريري…صعب يا فارس صعببب اوي…وبعدين…زياد…زياد ازاي يعيش مع وحده مش امه ايه يضمن انها تبقي طيبه وحنينه عليه..اخويا ذنبه ايه يتبهدل….اصلا انا مش هقدر اتخيل ان وحده غير ريهام تدخل البيت ده
فارس مسح دموعها:حببتي اهدي عشان خاطري ايه كل الدموع دي..متخافيش انا هتكلم معاه ايوه هتكلم معاه واقوله لو هيتجوزها ميجبهاش البيت ده البيت ده في ذكرياتنا وحياتنا مع ريهام ومش هنسمح ان وحده غيرها تدخله
شهد مسكت ايديه تاني:فارس لما نتجوز عايزة اخويا معايا مش هسيبه لوحده ريهام مسبتناش وربتنا مش عايزة اقصر في حق اخويا
فارس ابتسم بحب وحنان طالع من حنيه: عين العقل يا حببتي
شهد:بس برضو مش قادرة اتخيل ازاي نسيبه يعمل كده
فارس خد نفس عميق واتكلم:لو تفتكرى ريهام كانت بتسعي كل السعي انها تريح بابا وتسعده ولو جوازة من نهله هيسعده يبقي ده شيء ميزعلهاش…لو تقدر تقولنا انها موافقه كانت قالت
شهد بصتله بشراسه:بس انا يا فارس مش كده لو اتجوزت بعد ما امو…
فارس حط ايده ع بقها وحضنها:اوعي تكملي انا بكره الموت ال بياخد حبايبي..مش هتحمل ياخدك انتي…بعد الشر عليكر يا نور عيني
شهد ابتسمت وبعدت عنه:متحضنش تاني
فارس عقد حواجبه:ليه..اول مره تقولي كده
شهد بابتسامتها ال تسحر:مش حلالك..لما نتجوز ههريك احضان..وطلعت تجرى وهو طل وراها
ــــــــــــ

 

 

نهله وحسن وصلو بيتهم
نهله بتعيط ودخلت اوضتها:احنا لازم نسافر انا مش طايقه اقعد ف مصر
حسن:من كلمه عيل صغير
نهله بدموع مغرقه وشها وحزن طاغي علي ملامحها:عامر حتي لو في حاجه من ناحيته ابنه هيمنعه.. عامر نقطه ضعفه ولاده بيحبهم اكتر من نفسه.. انا غلطت لما سمحت لقلبي يحبه
حسن قعد جمبها ع طرف السرير وحضنها: القلب هو العضو الوحيد ال منقدرش نتحكم فيه… الحب مش اختيار… متحمليش نفسك فوق طاقتها ارجوكي
نهله سمحت لنفسها بالانهيار في حضن اخوها: انا فضلت مانعه نفسي من اي حب من اني حتي افكر ف الحب… بس هو… هو حسسني الامان فغصب عني حبيته…. احنا بنحب لما نلاقي الامان والاحتواء يا حسن غصب عني وقعت ف حبه بدل المره الف… سني الصغير ملاحظتوش غير معاه حسسني اني بنت صغيره من حقها تخاف تبكي تفرح تعيش سنها مش وحده كبيره… انا كل ال ضاع من عمري زمان عامر قدر يعوضه في الفتره ال فاتت بحنانه واحتوائه 😭😭😭
حسن باس راسها وقعد يهدي فيها:اهدي ي قلبي..خلاص نحجز ونسافر..بس هنسافر فين
نهله:هدور ع شغل بره مصر ونسافر ولز ملقتش نسافر اي محافظه بعيده
حسن:ال يريحك يا قلب اخوكي فضل معاها يهديها
لحد ما نامت وخرج وسابها
ــــــــــــــــــــــــ

 

 

فارس وشهد طلعوت شهد شافت باباها ف الصالون بصتله بوجع ودخلت لزياد لقيته بيعيط حضنته وقعدوا عاي سريره يعيطوا سوا 🙂
….
فارس قعد مع عامر:ممكن نتكلم
عامر بصله بمعني اتكلم
فارس خد نفس وحك دقنه:بتحبها
عامر:وهيفيد بأيه واضح ان زياد وشهد حكموا من قبل ما اتكلم
فارس:ملكش دعوه بشهد انا اقدر اقنعها بس صارحني يا بابا حبيتها
عامر:ايوة يا فارس…حتي لو هبقي في نظرك خاين..بس حبيتها اعمل ايه
فارس:حقك..الحب مش بادينا عشان نمنعه…لو هتتجوزها بلاش ف الشقه دي..احنا كل ذكرياتنا مع ريهام هنا مذ عايزين حد غيرها يدخل االبيت ده
عامر:لا هتجوزها ولا هتجوز غيرها..قوم شوفهم وسيبني ف حالي
عامى قام نزل شغله
وفارس دخل لشهد وزياد لقيهم ناموا في حضن بعض ابتسم ونام جمب زياد من الناحيه التانيه وحضنه زي ما كانوت بيعملوا وهم صغيرين
ــــــــــــــــــــ
عدي يومين
فارس وشهد وزياد بقيوا يخرجوا سوا ويتفسحوا في محاوله من فارس انه يعوضهم اي احساس فقدوه رغم انه اكتر واحد محتاج ال يحتويه ويعوضه
ملك ويحيي وبينهم جورى في كل خروجه تحت مسمي محرم 🙂😂
عامر مركز ف شغله وف المهمه ال هيمسكوا فيها الغول ودي تطلب انهم يتحدوا مع القوات المسلحه والقوات البحريه عشان المهمه هتبقي في البحر الاحمر ومن بعدها للحدود
ونهله وحسن بيدوروا ع شغل في امريكا عشان يسافروا
نهله:اخيرا يا حسن لقيت شغله وقدمت فيه ورقنا واتقبل اينعم المرتب صغير بس احسن من القعده هنا
حسن:متأكده انه احسن من القعده هنا
نهله بوجع:ايوه يا حسن
حسن:طب ممكن تستني بعد ما يتقبض ع عمك..متنسيش ندي انا مش هقدر اسيبها
نهله:طيب يا حسن نستني ندي 🙂🙂

يتبع….

لقراءة الفصل التالي : اضغط هنا

لقراءة الرواية كاملة اضغط على : (رواية احتواء)