رواية احتواء الفصل الثاني عشر 12 بقلم عزه محمد

رواية احتواء الفصل الثاني عشر 12 بقلم عزه محمد

رواية احتواء البارت الثاني عشر

رواية احتواء الجزء الثاني عشر

رواية احتواء الحلقة الثانية عشر

يحيي سافر هو وفارس سوا تبع شغلهم
ملك كلمت جوري وطلبت منها تيجي تقعد معاها هي وجوري اخت يحيي
شهد لبست وهي نازله فونها رن وكان حسن
شهد: هاي حسن
حسن وهو بيعمل نسكافيه لنفسع في مطبخ بيته : هاي يا شهد.. معلش معرفتش ارد عليكي امبارح كنت مشغول جدا اخبارك انتي وفارس ايه
شهد بفرحه: فارس اعترفلي بحبه امبارح وصارحني بكل شيء فعلا انا مندمتش لحظه اني حكيتلك وسمعت كلامك ونفذت خطتك
حسن ضحك بفخر: طبعا يا بنتي انا حسن ال خططه متخرش الميه
شهد: متتنفخش علينا يعم خلاص
حسن ابتسم: ربنا يسعدكم يا شهد حقيقي فرحان عشانك انتي تستاهلي كل خير… خلي بالك ع نفسك
شهد: انت حد نضيف جدا يا حسن وانا سعيده اني عرفتك والله بعتبرك اخ واكتر كمان
حسن: ده العشم… لو احتاجتي حاجه كلميني
شهد: اكيد طبعا
حسن بتردد: هو انا ينفع اطلب منك طلب
شهد: اكيد طبعا انت تأمر
حسن: ندى بنت عمي
شهد: مالها

 

 

حسن: انا عارف علاقتكم مش حلوه بس ندى غصب عنها انا هحكيلك كل حاجه وارجوكي اسمعيني للاخر
شهد: اكيد اتفضل
حسن حكي لشهد الحاله النفسيه لندى باختصار وبدون دخول ف تفاصيل كتير لان دي برضو خصوصيه ندى بس هو عرفها انها وحيده ومحتاجه حد جمبها وهو بيحبها ونفسه يشوفها مبسوطه…. بس هو ده الموضوع وانا عايزك تبقي جمبها انتي وملك واثق انكم هتساعدوها جدا
شهد صعبت عليها جدا حاله ندى: اكيد طبعا… بص متشلش هم الحوار ده خالص انا هفكهالك
حسن:بجد انا ممتن لوجودك شكرا انك موجوده
شهد بضحك:ده انت واقع اوي كل ده عشان ندى..يلا باي عشان هسوق
حسن:باي
………..
شهد وصلت عند ملك وكانت جورى قاعده معاها
شهد بمرح:هالوووو ع الحلوين
ملك:اهلا اهلا باللي قضتها لعب مع فارس وطنشتني امبارح كله
جورى ملامحها وضح عليا الضيق فملك سألتها باستغراب:مالك؟!
جورى:انا عارفه اني اصغر منكم وجايز متحبوش اني اتدخل بس..بس اانا لازم اتكلم
ملك وشهد قعدوا جمبها كل واحده من جمب:خير في ايه اتكلمي
جورى وهي بتلعب في طرحتها من التوتر :بصراحه كده علاقتك يا ملك ب أبيه يحيي مينفعش توصل للمراحل ال وصلتلها انتي حكتيلي حاجات مينفعش تحصل غير بعد الجواز اصلا ازاي يقربلك كده ويحضنك ازاي تسمحيله اصلا يمسك ايدك
وانتي كمان ي شهد مينفعش خالص مع ابيه فارس
ملك حست بالذنب وبصت للارض وسكتت اما شهد
شهد قامت وقفت:طب ايه المشكله يا جورى احنا بنحب بعض واعترفنا لبعض مم بدري بمشاعرنا وهنتجوز يعني مفيش حاجه

 

 

جورى بود مسكت ايديها وقعدتها جمبها:شهد حببتي انا بعتبرك اختي والله عشان كده حابه اني الفت نظرك لحاجه..الاسلام امرنا اننا نحفظ نفسنا وقلوبنا ونغض بصرنا،محدش ليه حق في لمسك قبل ما يبقي جوزك،محدش يسمع منك كلمه حلوه قبل كتب الكتاب دي تعاليم دينا….ربنا امرنا بالحجاب في ايه صريحه واضحه بسم الله الرحمن الرحيم «وَقُل لِّلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ وَلَا يُبْدِينَ زِينَتَهُنَّ إِلَّا مَا ظَهَرَ مِنْهَا ۖ وَلْيَضْرِبْنَ بِخُمُرِهِنَّ عَلَىٰ جُيُوبِهِنَّ ۖ وَلَا يُبْدِينَ زِينَتَهُنَّ إِلَّا لِبُعُولَتِهِنَّ أَوْ آبَائِهِنَّ أَوْ آبَاءِ بُعُولَتِهِنَّ أَوْ أَبْنَائِهِنَّ أَوْ أَبْنَاءِ بُعُولَتِهِنَّ أَوْ إِخْوَانِهِنَّ أَوْ بَنِي إِخْوَانِهِنَّ أَوْ بَنِي أَخَوَاتِهِنَّ أَوْ نِسَائِهِنَّ أَوْ مَا مَلَكَتْ أَيْمَانُهُنَّ أَوِ التَّابِعِينَ غَيْرِ أُولِي الْإِرْبَةِ مِنَ الرِّجَالِ أَوِ الطِّفْلِ الَّذِينَ لَمْ يَظْهَرُوا عَلَىٰ عَوْرَاتِ النِّسَاءِ ۖ وَلَا يَضْرِبْنَ بِأَرْجُلِهِنَّ لِيُعْلَمَ مَا يُخْفِينَ مِن زِينَتِهِنَّ ۚ وَتُوبُوا إِلَى اللَّهِ جَمِيعًا أَيُّهَ الْمُؤْمِنُونَ لَعَلَّكُمْ تُفْلِحُونَ» الايه واضحه وصريحه بتلزمك بالحجاب والزي الشرعي وان التزين ميبقاش غير للمحارم
بعدها بصت لملك:انتي بعد ما كنتي محجبه خلعتي الحجاب طب ليه يا ملك
ملك وشهد بصوا لبعض وبعدها بصوا لجورى وسكتوا
شهد اتنهدت:عشان كل اا حوالينا كده الجامعه والنادي واصحابنا….حسسونا ان الحجاب ده حاجه بيئه او فلاحي مبصناش للجانب الديني قد ام ركزنا مع الجانب الدنيوي
جورى طبطبت عليها بحنان:لو العالم كله عمل حاجه حرام هتفضل برضو حرام عمرها ما هتبقي حلال…كل واحد في الاخره مسئول عن نفسه يوم يفر المرء من اخيه وامه وابيه
محدش هيشيل عن حد اي ذنب وانتو كبار وواعين ومثقفين مكنش ينفع يبقي المجتمع وااناس شماعه لأخطائكم ومع ذلك ربك غفور رحيم بيقبل التائب ويعود كمن لا ذنب له يعني لسه الفرصه عندكم لو حابين ترجعوا لربنا
ملك مقدرتش تسيطر ع دموعها واتكلمت بندم:انا انا عايزة ارجع تاني انا حتي صلاتي بقطع فيها
شهد بوجع:انا مفتكرش اخر مره صليت امتي….انا فعلا بعيده اوي بعيده كل البعد ذنوبي كتير وكبيره اوي هيغفرلي
جورى بلطف وحنان:ماما كانت بتقولي وانا صغيره مهما كبرت ذنوبك ربك اكبر منها واعظم وربنا غفور رحيم بينا وعارف ان نفوسنا ضعيفه خالقنا وأعلم بينا (ونحن اقرب إليه من حبل الوريد)

 

 

مهما كبرت الذنوب ومهما عظمت باب التوبه مفتوح ويا هناه الي يفوق بدري ويرجع بدري ويتمتع بعمره في رضا ربنا وطاعته…الدنيا ما هي الا دار السعي كل انسان هياخد ف الاخره ع قد سعيه في الدنيا «وَأَن لَّيْسَ لِلْإِنسَانِ إِلَّا مَا سَعَىٰ» سعيت في الخير وطاعه ربنا ورسوله،اجتنبت النواهي والتزمت بالاوامر؛هيكون جزائك الجنه اما العكس فواضح الجزاء هيكون ايه وده مش كلامي ده كلام ربنا
سبحانه:«فَأَمَّا مَنْ طَغَى، وَآثَرَ الْحَيَاةَ الدُّنْيَا، فَإِنَّ الْجَحِيمَ هِيَ الْمَأْوَى، وَأَمَّا مَنْ خَافَ مَقَامَ رَبِّهِ وَنَهَى النَّفْسَ عَنِ الْهَوَى، فَإِنَّ الْجَنَّةَ هِيَ الْمَأْوَى» صدق الله العظيم.
في الاخر الفرصه معاكم ولو محتاجين رأي اختكم يعني انتهزوها فرصه وقربوا من ربنا فرصه ان ابيه فارس ويحيي مش هنا فهتقدروا تنتظموا شويه
ونصيحه ليكي يا ملك تبعتي مسج ل ابيه يحيي انه اول ما يرجع لازم يكتب الكتاب وإلا يلتزم بضوابط الخطبه
وانتي يا شهد ابيه فارس لازم يبقي في بينكم ميثاق غليظ وإلا فالتعامل يبقي بحدود
شهد بتعب:كفايه يا جورى ارجوكي انا حاسه ان الدنيا بتلف بيا وانا بفتكر كل المواقف ال كانت بتحصل مع فارس..وانا بعيد ع ربنا…وانا مش بلبس ال يرضي ربنا…انا..انا وحشه
جورى حضنتها:انتي مش وحشه يا شهد انتي ظروفك كده…مهو برضو مش كل اللوم عليكي لوحدك..باباكي عليه لوم وابيه فارس وحتي زياد اخوكي مينفعش انهم يشوفوكي بتغلطي وسايبينك
شهد بصت لها بضعف:انا وفارس متربناش تربيه دينيه زيك انيت واخواتك محدش كان بيجيب سيره الدين ل البيت اصلا
جورى:عايزة اقولك ان حتي لو التربيه دينيه وانتو مش متقبلين مكنتش هتنفعكم…قدامك يحيي اه بيصوم وبيصلي الفرض بفرضه وساعات ينزل الجامع كمان….بس تهاون في حق ربنا وتعامل بطريقه غلط مع ملك
ملك بندم:انا عايزة ارجع…ابدا منين ولا منين
شهد بحزن شديد:الفكره هبدا منين ولا منين فعلا
حورى بسعاده قامت وقفت:هتبداو باللبس اول حاجه مفيش بناطيل كله فساتين طويله وواسعه او جيبات وبلوزات المهم بناطيل نو

 

 

تاني حاجه الحجاب مش لازم خمار بس ع الاقل حجاب…صدقوني هتفرق اوي وقبل ما تغلطي هتبصي لنفسك ولحجابك وهتخافي وتبعدي عن اي ذنب..طبعا اقصد يعني التلامس بينكم وبين خطابكم..ضحكت…ما تضحكوا يا عيال ده انتو ربنا هيهديكوا حتي للطريق المستقيك
شهد وملك ابتسموا
جوري كملت:تالت حاجه نغتسل نصلي ركعتين توبه لله وونستغفر كتير كتير كتير….جريت فتحت الشنطه بتاعتها وطلعت منها بوكس صغير كده حاطه فيه مسبحات الكترونيه وادت شهد وحده وملك وحده…دي طول ما هي في ايدك هتخليكي تسبحي وتذكري ربنا «الاب ذكر الله تطمئن القلوب»
وبعدها تنتظموا ف الصلاه وانا هبقي معاكم اول بأول اذكر نفسي واياكم بمواعيد الصلاه اتفقنا يا حلوين
شهد وملك حضنوها:اتفقنا ♡
شهد خرجت مع جورى وملك المول يجيبوا لبس جديد و اشتروا كذا فستان بالحجاب وكانت حاجات شيك جدا وغاليه لا هي لبس بيئه ولا رخيص
شهد افتكرت ندي: اوبا نسيت ندي
ملك رفعت حاجب: ندي مين ندي بتاعتنا
شهد حكتلها ال حسن قاله
ملك بحنان: طب ايه هنعمل ايه اكيد مش هنسيبها
شهد: اكيد.. شوفي جوري وانا هكلمها فون تيجي هنا
شهد كلمت ندي: هاي ندي
ندى باستغراب: هاي شهد اول مره تكلميني
شهد بود: ايه مش صحبتي وواجب اسأل عنك
ندى: صحبتك!

 

 

شهد: بصي انا حابه نفتح صفحه جديده سوا وببدأ اني هعزمك علي فنجان قهوه في مول ***
ندى ابتسمت: وانا قبلت هلبس واجي باي
شهد: باي
جوري من وراها: تحيه الاسلام هي السلام عليكم مش هاي وباي يا بتوع المدارس الانترناشونال
شهد وملك ضحكوا وراحوا قعدوا في كافيه يستنوا ندي ووصلت سلموا عليها وعرفوها ع جوري
قعدوا سوا واتكلموا شويه
شهد طلعت شنطه من وسط شنطها ال جابتهم من المول وادتها لندى:دي هديه مني ليكي يارب يعجبوكي…افتحيها
ندى بصتلها بصدمه:هديه!ليا انا؟
شهد ابتسمت بود:مش انا قولتلك حابه افتح صفحه جديده
ندي ابتسمت بفرحه وفتحت الشنطه وطلعت فستان وردي جميل وحجاب ابيض
ندى: الله جميل اوي اوي تسلميلي يا شهد بجد….. بس انا مش محجبه يعني تقريبا الحجاب جه غلط
شهد اتنهدت:لا جه صح..انا وملك هنلبس الحجاب بصت لجورى..ربنا بعتلنا ال يرشدنا ويهدينا للطريق الصح…الحجاب فرض والصلاه عماد الدين واحنا لازم نفوق قبل فوات الاوان
ندى اول مره تشوف شهد بتتكلم كده فاستغربتها
جورى مسكت ايديها عشان تلفت انتباها:بصي يا شبحايه كده انا قايله كلام كتير اوي النهارده فتلاقيني فرهدت انتي انتي جيبي رقمك وندردش بالليل وان شاء اللن تقتنعي كده وربنا يهديكي وتلبسي الحجاب
ندى ابتسمت بفرحه:للدرجه دي يهمك امري
جورى:يا خبرررر طبعا يا بنتي انتي اختي ف الاسلام ولازم يهمني امرك هاتي الرقم بقا يا مزه عشان اسجلك
ملك بتهمس ل شهد:جورى شيخه مودرن اوي بتقول مزه
جورى وهي بتكبت برقم ندى:سمعاكم يالي بتتناجوا عليا سمعاكم
ضحكوا كلهم وقعدوا فتره يتكلموا سوا وبعدها روحوا
ــــــــــــــــــــــــــ

 

 

فارس ويحيي في المهمه
فارس:يحيي
يحيي:ايه
فارس بغيظ:جاك اوا احنا ف المهمه
يحيي ابتسم:لمؤاخذه
فارس ضغط ع سنانه:والله انت هتشلني…تعالي امن ضهري عشان نمسكهم ونخلص
يحيي سمع كلامه وامن ضهره لحد ما طلعوا وقبضوا ع العناصر التك*فيريه
بعدها وصلوا الوحده بتاعتهم
قائد الكتيبه:عفارم عليكم يا رجاله قدرتوا تمسكوا العناصر التك*فيريه كلها…نقيب فارس ونقيب يحيي جالكم ترقيه بدري عشان مجهوداتكم في اخر ٤عمليات
فارس ويحيي ادوا السلام العسكري وانصرفوا لغرفهم
يحيي:يا حلاوه يا ولاد ابقي معلق نقيب مكملتش سنتين الاقي نفسي رائد ايه العسل ده
فارس ضحك:عشان تعرف بس ان شغلنا سوا وش السعد علينا
يحيي بصله:عارف يا فارس
فارس:اممم
يحيي:عايز ارجع بأي شكل ملك وحشتني اوي
فارس بيحاول يداري ابتسامته:انا شهد كل مهمه بتوحشني اكتر من المهمه ال قبلها
يحيي صفر:اومال كنت منشف ريق البت ليه
فارس:غصب عني…خوفي عليها كان متملك مني لكن مع الوقت حبي ليها تغلب ع خوفي
يحيي بيضحك باستفزاز:حبك وغيرتك من سونا
فارس بصله:تصدق انت عيل رخم
يحيي:لا يا فروسه اكسكيوزمي يعني انا رائد اد الدنيا
فارس ابتسم:اولا فروسه متقولهاش شهدي بس ال تقولها
يحيي ضحك وسقف:العب يا عم شهدك كمان لا ده احنا نرجع نكتب الكتاب ع طول
فارس: علي طول ده انا هرجعلها بالمأذون شهد قلبي دي
يحيي بص في ساعته:طب تعالي نتوضا الفجر ع اذان
فارس قام معاه وصلوا مع الكتيبه وناموا عشان يستعدوا لمهمه بكره
ــــــــــــــــ

 

 

تاني يوم شهد لبست فستان أحمر وحجاب ابيض وبصت لنفسها اد ايه شكلها احلي بالحجاب ابتسمت برضا بس مقدرتش متحطش ميكياج خفيف وبعدها نزلت الشركه
ــــــــــــــ
ندي وجورى قعدوا الليل كله تفهمها امور دينها واقتنعت بالحجاب وكلمت حسن الصبح
ندي :صباح الخير
حسن:صباح الفل
ندي:عايزة اقولك ع حاجه…لا لا حاجتين
حسن ضحك:قولي كل ااحاجات يا روحي
ندى:اولا انا عايزه البس الحجاب والبس واسع….ثانيا مش هينفع نسافر سوا ده غلط..ثالثا لو بتحبني بجد اطلبني من بابا ونكتب الكتاب وابقي مراتك حلالك
حسن بص للفون بصدمه وكلمها تاني:هو انتي قولتيلي انك خرجتي مع شهد وملك…مقولتيش انك روحتي لداعيه اسلامي
ندى بقلق:انت ادايقت
حسن’:مش ادايقت لا طبعا بس انا مستغرب
ندي:تؤ متستغربش انا حابه كده
حسن:وانا هحب كده برضو…بس موضوع اطلبك ده مش دلوقتي اصبري شويه
ندي:حاضر هصبرهصبر حتي لو العمر كله 🖤
حسن:بحبك…هقفل عشان رايح مشوار كده سلام
نزل من عربيته و…
ــــــــ

 

 

نهله مع عامر في مبني المخابرات
عامر:للاسف الورق ال معانا مش كافي للقبض عليه بجميع الجرائم ال ارتكبها في حلقه مفقوده في ورق غايب
حسن وهو ماسك ملف ابيض:الحلقه المفقوده اهي
نهله وقفت: حسن! ايه جابك هنا وتعرف اين عن الموضوع ده
حسن حضنها: اعرف ال مخبياه عني ومخصماني عشانه.. او عشان خوفتي عليا… طب ينفع يعني ينفع كده
نهله بصت لعامر:انت ال قولتله
عامر وقف من مكتبه:بعد ما عرفت رغبه راضي في اذيه شهد بحسن كان لازم اعرف كل كبيره وصغيره عن حسن وفعلا طلع نضيف وكلمته وطلبت منه يقابلني ف مكان سري وقعدنا سوا ودردشنا كتير وعرفت منه انه مجرد صديق لشهد بس هو كان حابب يعرف ايه ال انتي مخبياه..وبما ان حسن في الحسابات انا فكرت ان اكيد في ورق مهم ف خزنه من خزن الحسابات وفعلا حسن قدر يهكرها ووصل لورق ال انا عايزه….
نهله:كل ده حصل ومتقوليش
عامر:مكنش ينفع..دي اسرار شغلنا لازم تتم بسريه تامه
نهله اتنهدت وحضنت حسن:اوعي يكون حس بيك او عرف حاجه
حسن:متخافيش عليا كده انا راجل
نهله:سيد الرجال ي حبيبي
ــــــــــــــــ

 

 

عدي اسبوع بسلام
عامر ونهله وحسن بيحاولوا يوصولا ليمعاد العمليه ال جديده عشان يتقبض ع راضي متلبس..حسن قلبه بيوجعه ع ندي وبعدين يفتكر ان راضي قتل كتير واذي كتير فلازم ياخد جزاءه وهو هيقدر يعوض ندي
ملك وندي وشهد معاهم جورى خطوه بخطوه وحياتهم بقيت احلي بعد ما التزموا
اكيد الشوق في قلوبهم لحبايبهم موجود بس بيجاهدوا وهم عارفين ان جهاد النفس اعظم جهاد وان من اتبع الهوي فقد هويٰ
يحيي وفارس مستمرين في القضاء علي العناصر الاره*ابيه
ــــــــــــــــــــ

 

 

شهد وقفت ف اوضه فارس
وحشتني اوي اوي يا فارس ربنا يردك ليا بالسلامه يا حبيبي 🥺❤
ملك دخلت لها:انا يحيي وحشني اوي ع فكره متعودتش يبعد كل ده
شهد حضنتها وغنوا سوا
🎼🎤✨
أنا بسأل النجوم كل ليلة عليك
وبكتب كل يوم غنوة شوق بتناديك
أنا بسأل النجوم كل ليلة عليك
وبكتب كل يوم غنوة شوق بتناديك
وبحلفك تجيني ياحبيبي وتناديني
وبحلفك تجيني ياحبيبي وتناديني
وساعتها حتلاقيني فلحظة بين إيديك
وكفاية طولت في بعادك
زودت في عنادك
طولت في بعادك
طولت في عنادك
مستنياك ياروحي بشوق كل العشاق
مستنياك تعبت تعبت من الأشواق
مستنياك وأنا دايبة ياعيني من الفراق
حبيبي حبيبي🔥

يتبع….

لقراءة الفصل التالي : اضغط هنا

لقراءة الرواية كاملة اضغط على : (رواية احتواء)