رواية عشقت مريضي الفصل الثاني 2 بقلم سلمى محمود

رواية عشقت مريضي الفصل الثاني 2 بقلم سلمى محمود

رواية عشقت مريضي البارت الثاني

رواية عشقت مريضي الجزء الثاني

رواية عشقت مريضي الحلقة الثانية

اسراء بصدمه وبعض الشك/ احييييه
يحيى وهو يضع على اذنه / عيب يا طنط ….عيب
اسراء وهى تكاد تصاب بشلل/ طنط مين…حضرتك ركز معايا
يحيى بتذمر/ كل شويه حضرتك حضرتك….هوا انا كبير….انا لسه صغير
اسراء بعصبيه بس ارهاقها الشديد طول اليوم/ صغير ازاى عاوزه افهم بس دا انت تقريبا قد اخويا يعنى ٢٩ سنه يبقى ٧ سنين ازاى
يحيى والدموع تلتمع فى عيناه/ انتى وحشه علفكره وانا مش بحبك
اسراء وهى تحاول تهدئه نفسها ….اقتربت منه ومسحت دموعه وتحدثت بهدوء/ خلاص اهدى ….انا اسفه ….انا بس اتعصبت علشان تعبانه
يحيى بابتسامه جميله اظهرت اسنانه البيضاء/ خلاص مش زعلان…بس مش تزعقيلى تانى
اسراء بابتسامه هادئه/ وعد مش هزعلك تانى خالص….انت بقا اسمك ايه
يحيى/ اسمى يحيى…وانتى؟
اسراء/ تشرفنا يااستاذ يحيى ….وانا بقى اسمى اسراء
يحيى بابتسامه/ ماشى ياايسو
اسراء باستغراب/ ايه ايسو ده
يحيى بضحك/ دلع اسراء عادى يعنى
اسراء / طب ممكن بقى يايحيى اروح بس الاوضه الى جمبنا واجى
يحيى بخوف وهو يمسك يدها ويهز رأسه بنفى/ لاء متسبنيش لوحدى ….انا خايف
اسراء وهى تستشعر خوفه/ خلاص اهدى يايحيى

 

 

انا هفتح الباب…وهنادى لاخويا بس
اتجهت اسراء للباب وفتحته…اقترب منها مازن بهدوء/ ايه الى حصل اتأخرتى جوه ليه
اسراء/ المريض الى جوا …الحادثه أثرت على عقله وخلته عنده ٧ سنين
مازن باستغراب وهو لا يفهم شي/ ايوه عنده ٧ سنين ازاى مش فاهم
اسراء/ مهو ده الى بحاول افهمه… بس شاكه فى حاجه
مازن / وهتعملى ايه دلوقتى
اسراء/ الدكتور أمجد قال انه عمل اشعه على مخه…ممكن تناديه ويجيب الاشعه معاه
هز مازن رأسه موافقه واتجه إلى مكتب الدكتور أمجد…..عادت اسراء الى غرفه يحيى مره اخرى
يحيى/ ايسو هى فين ماما
اسراء/ معرفشى يايحيى…انت عملت حادثه والناس جابوك هنا….بس محدش كان من اهلك
يحيى بحزن/ طب هوما ليه مش بيسألو عليا…هوما مش بيحبونى
اسراء بسرعه/ لاء يايحيى هوما بيحبوك بيحبوك قوى كمان
يحيى/طب هوما فين
دخل الدكتور أمجد وخلفه مازن الى غرفه….امسك يحيى يد اسراء وهو ينظر لهم بخوف
ربت اسراء على يده محاوله تهدئته
اسراء وهى تحدث الدكتور امجد/ ها يا دكتور امجد
امجد بعمليه/ الجرح كبير جدا يا دكتوره اسراء الحادثه مكانتشى بالخطوره دى انها تسبب الجرح الكبير ده
اسراء بجديه/ طب انا شاكه فى حاجه…وجهت حديثها ليحيى
اسراء/ يحيى…ايه اخر حاجه انت فاكرها

 

 

يحيى محاوله للتذكر/ انا كنت بلعب انا وكريم مع اخواتى البنات وجت هدير الوحشه بنت عمتى وضربت سمر بنت عمى…فانا ضربتها علشان هى ضربت سمر
فقامت مسكه طوبه وضربتنى بيها
اسراء وقد تأكدت من شكوكها/دى اخر حاجه فاكره
يحيى/ ايوه
اسراء/ كده كل حاجه اتضحت الخبطه الاولى سببت الشرخ بس متعاملوش معاه صح
الحادثه زودت الشرخ فرجعت عقله ليوم الحادثه..وقت مكان عنده ٧ سنين
امجد/ طيب احنا هنسيبه تحت الملاحظه…لحد اما نقدر نتواصل مع حد من عيلته
مازن/ يلا يا اسراء نروح انتى تعبانه
يحيى وهو يمسك يد اسراء/ لاء مش هتروح…هى تفضل معايا….انتى وعدتينى
اسراء/ مهو انا مش هينفع افضل هنا ….خليك هنا وانا هجيلك بكره
يحيى/ خلاص هاجى معاكى
♧♧♧♧♧♧♧♧♧♧
فى الصعيد فى قصر السوالمى
سفيان/ مالك يامديحه مش على بعضك ليه طول اليوم
مديحه بقلق/ مش عارفه ياسفيان حاسه ان ابنى فيه حاجه …. انا قلقانه عليه
سفيان/ تفائلوا بالخير تجدوه يا مديحه …. ابنك بيدور على ولاد عمه
مديحه/ بس بقاله يومين انا معرفشى عنه حاجه ومتصلشى…اخته اتصلت عليه كذا مره تليفونه مغلق
قلبى مش مرتاح
سفيان وهو يشعر أيضا بالقلق منذ الصباح/ اهدى يامديحه هوا بخير ان شاء الله ….اكيد بخير
لا يعلم يطمئنها ام يطمئن نفسه …فهو الاخر يشعر وكأن شيئ اصابه
مديحه/ ابنك لو معرفشى يتواصل معنا انهارده….بكره تاخد كريم وتنزل القاهره ..انا مش هفضل عايشه فى القلق ده كله
سفيان/ حاضر يامديحه
مديحه/ انت متأكد من قرارك ان ولاد هشام واميره هيجوا هنا…..انا خايفه عليهم…فتحيه مش هتسيبهم…دى شرانيه ومؤذيه

 

 

سفيان/ متقلقيش….انا مش هسيب ولاد اخويا اكتر من كده ….لازم يعيشوا وسط اهلهم….كفايه سنين البعد الى فاتت….اخويا غلط لما قرر يبعد
مديحه/ لاء مغلطتشى…..كنت عاوزه يفضل لحد اما فتحيه تقتله ولا تقتل عياله….هوا حما عياله
سفيان بحده خفيفه/ انتى ليه مصممه ان فتحيه هى السبب
مديحه/ شكلك نسيت ياسفيان….مش دى الى حاولت توقع كذا مره بنا…..مش دى الى حاولت تسمك وتخلص منك بعد موت هشام الله يرحمه….مش دى الى حاولت تسقط اميره مرات هشام لما عرفت انها حامل فى ولد
دى تعبان عايش وسطنا….ماشيه تبخ سمها على الكل
وبردو لسه عايشه وسطنا…لولا سمر انا كنت طردتها
سفيان/ انا عاوزها تفكر بس…مجرد تفكير انها تمس شعره من ولاد اخويا …. قتلها مش هيكفينى
…..فى غرفه سمر…..
كانت تجلس سمر على سريرها وهى تتحدث الى كريم
سمر بخجل/ سلام عليكوا ….ازيك ياكريم
كريم /’ ياااه للدرجادى اسمى حلو كده….اول مره اعرف ان اسمى حلو …..
سمر ابتسم بخجل/ عامل ايه
كريم بضحك/ العب باليه
سمر /ايه الرخامه دى
كريم/ خلاص ….عامله ايه حبيبتى
سمر/ الحمد لله

 

 

كريم/ عاوزك تجهزى نفسك علشان بكره هنجيب شبكتك ياعروستى وقولى للبقره الى حاطه ودنها على السماعه تجهز
ه ….وبعدها هسافر القاهره اشوف يحيى….لانه من ساعه ماسافر واخباره اتقطعت
سمر بقلق/ انا حاولت اتصل بيه اكتر من مره تليفونه مغلق
كريم/ متقلقيش ياحبيبتى….ان شاء الله هيبقى كويس
سمر/ ممكن نأجل كل حاجه لحد اما يحيى يرجع بالسلامه
كريم بحب/ حاضر يا أميرتي انتى تأمرى
فاطمه وهى تأخذ الهاتف من يد سمر/ جرى ايه ياعم النحنوح ماتخف شويه ….البت بقت عامله شبه قفص الطماطم
كريم/ دا انتى عيله فصيله…..اشوفك فيكى يوم يابنت مديحه ويوعدك يابن الحلال الى يطلع عينك ويسحلك وراه
فاطمه/ مش انا الى هيحصل معاها كده…دا انا همشيه على العجين ملغبطوش
كريم / ابقى قابليني. يلا ياختى كملوا رغى
فاطمه بضحك/ حاضر …سلام
فاطمه/ خفوا محن بقا جيتولى حموضه ….كتكوا البلاوى
سمر / مالك يابت مش طايقه نفسك ليه
فاطمه/ اصل انتو هتشلونى ….حب يجيب الشلل جاتكوا الهم
سمر وهى ترفع يدها للسماء وتدعى/ يرزقك بالى يشحططك يابنت سفيان ويربيكى من اول وجديد
فاطمه / بطلى دعى ياختى خلينا نجهز
♧♧♧♧♧♧♧♧♧♧♧

 

 

فى أحد أحياء القاهره الراقيه….فى إحدى العمارات حديثه التصميم…فى الطابق الخامس….منزل ادهم الشريف
دخل ادهم الى منزله يظهر على وجهه علامات التعب…القى نفسه على اول اريكه قابلته واغمض عينيه بتعب
اقتربت منه زوجته جهاد …جلست على الأرض بجواره مسحت حبات العرق من على جبينه
همست جهاد بصوت هادى/ ادهم….حبيبى…قوم يابابا
ادهم بانزعاج/ جهاد.. سبينى والنبى انا جعان نوم
جهاد وهى تسحب يده ليقف/ قوم خد شاور وكل وبعدين نام…يلا ياكسول
ادهم وهو يقاوم حاجته الشديده للنوم/ ياحبيبتى سبينى انام ربع ساعه حتى…مش قادر
جهاد/ اسمع الكلام ياحبيبى…وهسيبك تنام براحتك
تنهد ادهم…واخذ حمام دافئ
كانت جهاد اعدت طاوله الطعام
اقترب منها ادهم واحتضنتها من الخلف
ادهم بحب/ ايه الروائح الحلوه دى ياحبيبتى
جهاد/ عملتلك الاكل الى بتحبه …يلا بالهنا والشفا
جلس ادهم وبدأ فى تناول الطعام
نظر لجهاد التى تعبث فى طعامها وعلى وجهها علامات التوتر
ادهم/ مالك ياجهاد فى ايه
جهاد بابتسامه محاوله لاخفاء توترها/ ولا حاجه ياحبيبى…ولا حاجه
ادهم وهو بربع يده امام صدره/ جهاد ….انا قولت فى ايه
جهاد بتوتر/ مافيش …مافيش حاجه

 

 

ادهم/ جهاد انتى عارفه انى مش بكره فى حياتى قد ال يقعد يراوغ فى الكلام
جهاد / مافيش حاجه ياادهم…..انا هدخل الاكل وهعملك كوبايه شاب تشربها تروق دمك
اقترب منها ادهم وامسك يدها وضغط عليها بقوه وتحدث بعصبيه خفيفه/ انا مش قولت لما بكون بكلمك ماتسبنيش وتمشى…..ليه مصممه تخلينى اتعصب عليكى
جهاد وهى تبعد يده التى تقبض على يدها / مافيش حاجه ياادهم…..انت عارف انى الفتره دى اعصابى بايظه ودايما متوتره ….انا زهقت ياادهم من كتر ماروحت لدكاتره وكلهم قالولى ان مافيش اى امل انى اخلف ولو فى وحصل انا والبيبى هتبقى حياتنا فى خطر
اخذ ادهم نفس عميق واخرجه على مهل ، حاول تهدئه نفسه فهو يفهم حالتها ، اخذها فى احضانه/ جهاد يا حبيبتى انا قولتلك انى مش عاوز اولاد انتى عندى اهم انتى عندى بالدنيا ….خلاص ربنا مش رايد لينا الخلفه…نحمد ربنا اكيد ربنا كتبلنا الخير فى حته تانيه
ربنا بيقطع من هنا وبيوصل من هنا
انا هنا ابنك وجوزك وحبيبك وسندك وكل حاجه
مش حابب البعد ده
ابتعدت جهاد عن حضنه وقالت بتوتر/ طب وافق على عمليه الحقن المجهرى
ادهم بعصبيه/ تانى ياجهاد …الموضوع ده مش كنا قفلناه خلاص وقولت مافيش عمليات هتتعمل
جهاد بغضب/ ليييه….رافض ليييه….ليه عاوز تقطع كل الطرق الى هتخلينى ام ….فرحان وانت شايفنى بتعذب
ادهم / لييه لأنك انانيه وغبيه….كل الى همك هوا البيبى وبس مش همك اى حاجه تانيه عامله تجرى على الدكاتره وتروحى من ورايا وانا ساكت
كل الدكاتره حظرتك ان الحمل بكل طريقه خطر على حياتك وحياه البيبى الى انتى عاوزاه
وانتى مصممه على الى فى دماغك
انا قولتلك طالما البيبى خطر عليكى مش عاوزه….مش عاوز طفل …انا عاوزك انتى ومكتفى بيكى
انا تعبت مش هستنى لما تموتى نفسك
ياتختارينى انا ياتختارى البيبى
جهاد/ انت عارف انا عاوزه البيبى قد ايه ونفس الوقت مقدرشى اعيش من غيرك ياادهم انت عارف انا بحبك قد ايه
بس فكر فى الموضوع الاول
نظر لها ادهم بغضب اهى حمقاء لتلك الدرجه/ انا خارج قبل ماارتكب جريمه
♧♧♧♧♧♧♧♧♧♧♧

 

 

فى الحى الذى يقطن فيه مازن وأخته اسراء
وصلت سياره مازن امام عمارتهم
مازن وهو يوجهه حديثه لاسراء/ يلا يا ايسو صحى يحيى علشان نطلع
اسراء/ مش عارفه انا طاوعتك وجبته هنا
مازن بضحك/ اهدى يا حبيبتى كده نطلع فوق بس ونتكلم فى كل حاجه
قام مازن يأيقاظ يحيى الذى امسك يد اسراء ورفض أن يتركهها …..وصعدوا جميعا الى الاعلى
جلسوا فى الصاله وتحدثت اسراء
اسراء/ بوص يا مازن انا مش مضايقه من وجود يحيى خالص …بالعكس انا مكنتش هقدر اسيبه بعد اما لقيته متمسك بيا بالشكل وخصوصا فى حالته دى بس مهما كان ده شاب
هز مازن رأسه فى تفهم/ انا فاهمك بوصى ياستى يحيى هيبقى معايا دايما هاخده معايا الورشه وانتى تاخديه معاكى الشغل علشان تتابعى حالته بس هوا هيفضل معانا
اسراء وهى تنظر ليحيى الذى يعبث فى هاتفها وابتسمت ابتسامه هادئه/ انا مكنتش هسيبه اصلا…مش عارفه ليه يامازن اول ماشوفت حسيت انى اعرفه قبل كده حاسه فى حاجه بتربطنا ببعض
مازن/ هدور ورا الحادثه بتاعته واتابع فى المستشفى يمكن حد من اهله يسأل عليه
اسراء/ خلاص تمام ياحبيبى يلا نقوم ننام بقا
يحيى وهو يلقى الهاتف من يده ويسرع فى امساك يد اسراء/ انا هنام معاكى
اسراء بصدمه/ هتنام معايا فين بس يايحيى مينفعشى
يحيى وهو يشدد على يدها / لاء هنام معاكى
اسراء/ هوا ينفع بنات تنام مع اولاد
هز يحيى رأسه نافيا/ لاء مينفعشى
اسراء/ خلاص تنام مع مازن
يحيى/ يعنى مش هقعد معاكى بعد كده
اسراء/ لاء طبعا هنقعد سوا ….بكره هنقضى اليوم كله سوا
ابتسم يحيى وذهب مع مازن

 

 

دخلت اسراء لغرفتها…القت نفسها فوق السرير واخذت تعبث فى هاتفها
وجدت كثير من الرسائل على الواتس اب من امنيه
اسراء/ فى ايه ياحجه هوا فرح العمده….ايه كل الرسايل دى
امنيه/ اتأخرتى ليه يااسراء الساعه بقت ١١بليل انتى قايله هتخلصى على المغرب مش هتتأخرى….اشتغلتى رقاصه من ورايا
انحرفتى يابت
اسراء/ انا لسه هنحرف…..انا عندى ميول انحرافيه بس مش لاقيه الى يوجهنى
امنيه/ ها اتأخرتى ليه
حكت لها اسراء ما حدث
اسراء/ بس ياستى ودلوقتى يحيى ومازن نايمين شويه
امنيه/ همممم الموضوع كبير وانتى محتاجه قاعده
اسراء/ عندكوا اكل ايه
امنيه/ ليه ياختى هاتكلى معانا
اسراء/ اه هاكل….انا جايه مهدود حيلى من الشغل.. فانزلى اكل يلا
امنيه/ كنت الطباخه بتاعت ابوكى
اسراء/ يلا يا ماما خلينى انام شويه
اغلقت اسراء مع امنيه
اسراء/ ياترى حكايتك ايه يا يحيى؟!
♧♧♧♧♧♧♧♧♧♧♧♧

 

 

فى الصعيد….فى اليوم التالى…. فى أحد المحلات الخاصه ببيع الذهب
كان يوجد عائله سفيان
سفيان/ يلا يا سمر اختارى كل الى يعجبك عاوزك تخربى بيت الواد كريم
كريم/ ولما تخرب بيتى هأكلها منين
ذكى/ قسما بالله ياكريم لو زعلت سمر فى يوم من الأيام او نزلت دمعه بسببك مش هيكفينى موتك
كريم بخوف مصطنع/ فى ايه ياجماعه استهدوا بالله
وبعدين ياعمى شوفت حد بيزعل روحه علشان ازعل روحى
فاطمه/ ماتبطل محن بقا كتكوا الارف
كريم وهو يدعى عليها/ اشوفك يارب مسحوله السحله السواد دى مع راجل يطلع عينك
فاطمه/ ماترد ياعم سفيان بنتك بتتهزق
سفيان/ ربنا يقبل دعاك ياض ياكريم
فاطمه/ اعوانك باعوك ياريتشارد
كريم/ طب وسعى ياست شجره الدر انتى خلينا ننقى الحاجه
بعد وقت ليس بطويل اشتروا الذهب وعادوا الى المنزل
استقبلتهم مديحه بالزراغيط
هدير وهى تنظر لسمر بحقد كبير/ مبروك يا سمر
سمر/ الله يبارك فيكى يا هدير عقبالك
هدير بغموض/ قريب ان شاء الله
فاطمه/يلا خلينا نخلص
هدير / عقبالك انت كمان يابطه
فاطمه بقرف/اى بطه دى ياختى اسمى فاطمه ياختى… وبعدين انا مش عاوزه اتجوز انا هفضل قاعده مع ابويا وامى حبايبى
سمر/ انا وانتى اهو اما اتجوزتيش قبلى
مديحه بدعاء/امين يارب. يسمع من بوقك ربنا يابت ياسمر
فاطمه وهى تجلس بجوار والدها/ شوف مراتك ياحاج عاوزه تخلص منى…. انتى مش محسسانى انى بنتك لي
هااا… لقيتينى قدام باب المعبد اليهودى قولى متتكسفيش
♧♧♧♧♧♧♧♧♧♧♧

 

 

فى منتصف الليل عاد ادهم الى المنزل مرهقا…ملابسه غير مهندمه…شعره مبعثر…يظهر الارهاق على وجهه بطريقه واضحه ….كان يجوب طوال الليل بالسياره…كان يشعر كمن يمسك برقبته ويضغط عليها بكل قوته
كان يفكر فيما قالته جهاد ….لما هى مصره لتلك الدرجه
تلك الغبيه لا تدرك انها اذا حملت فى احشائها طفل صغير سوف يقضى على حياتها وحياه الطفل
يجب أن يقنعها ان تتنازل عن ذلك
دخل ادهم الى غرفته والقى نفسه فوق السرير
بعد قليل تحرك من مكانه واتجه إلى خزانه الملابس
عندما فتح واخواته وجد الجزء المخصص لجهاد فارغ
جن جنونه فى تلك اللحظه واخذ يصرخ وينادى باسمها/ جهاد …جهااااااد انتى فين
توقف مكانه ووجد ورقه على طاوله الطعام
فتحها وجدها رساله من جهاد
*محتوى الرساله*
ادهم انا سيبت البيت ورجعت لاهلى تانى….انت خيرتنى بينك وبين البيبى…وانا عاوزه البيبى ياادهم
وياريت تفكر فى الموضوع….لو وافقت نعمل عمليه الحقن المجهرى …بس لو رفضت ياريت تبعتلى ورقه طلاقى
حبيبتك
كور ادهم الورقه فى يده بغضب حتى ابيضت مفاصله/ انتى الى اخترتى ياجهاد
♧♧♧♧♧♧♧♧♧♧

يتبع….

لقراءة الفصل التالي : اضغط هنا

لقراءة الرواية كاملة اضغط على : (رواية عشقت مريضي)