رواية عائلة بالإكراه الفصل التاسع 9 بقلم سلمى بسيوني
رواية عائلة بالإكراه الفصل التاسع 9 بقلم سلمى بسيوني
رواية عائلة بالإكراه البارت التاسع
رواية عائلة بالإكراه الجزء التاسع
رواية عائلة بالإكراه الحلقة التاسعة
حنان صحيت تانى يوم الصبح الممرضه جيبالها الفطار صلت فرضها وفطرت وهى بتشوف اخر الاخبار
دخل يوسف عليها بإبتسامته اللى بتخطفها :صباح الخير
ابتسمت بحب : صباح النور ..عامل اى يا يوسف
يوسف :انا بخير طول ما انتى بخير يا حنه
حنان ابتسمت اوى :حنه ؟!! …غريب اوى دا
يوسف :غريب بس جميل ..دلع حنان حنه معروفه
حنان بفرحه :مبسوطه انك قولتلى كدا
يوسف بإبتسامه واخيرا وشه نور برجوع حبيبته :وانا مبسوط انك مبسوطه ..
ظهرت على وهشها على علامات الكسوف والخجل فكمل كلامه بجديه وحب ظاهر فى عنيه : حنان ..انا كنت عايز اقولك حاجه ولازم اقولها …
قاطعهم اسلام بدخوله واخد خياره من فطار حنان : ياا صباح الجمااال
يوسف بعد ما اسلام قاطع كلامهم بيبصله بغيظ : اهلا يا سي اسلام ..منور والله
اسلام :انا دخلت فى وقت غلط والا اى
حنان : لا يا سيدى وسيب الخياره بتاعتى يا بارد
اسلام :انتى اخت انتى !!..رزله بالله
جذب انتباهم فى وسط الكلام خبر على التلفزيون
المذيع : وأيضاً من اهم الاخبار تحرك بوليس الادآب للقبض على احد اكبر رجال الاعمال فى مجال المستلزمات الطبيه “سمير القاضى” بعض ضبطه بأحد المنازل التابعه لملهى ليلى
حنان بقرف :بنى ادم مقزز ..جتك القرف ..وصلت بيه لكدا …دا مقرف ..
اسلام :اللى اعرفه عنه انه حيوان اه بس مش للدرجادى
حنان :وصلت بيه البجاحه للقرف دا
سكتت فجأه وبصت ليوسف السرحان
_ وانا افكر من وراء الموضوع ..اتاريك انت اللى بلغت عنه
اسلام :العب ..انت اللى عملت كدا ينمس
_يوسف : اسكت يلا
اسلام :يعم يعنى هنموت انا خارج رايح اشوف مذاكرتى
حنان بعد ما اسلام مشى : وبعدين بقا حضرتك طب والمجموعه
يوسف: هو يستاهل الموقف الزفت اللى حط نفسه فيه (كانت هتتكلم فقاطعها ) عارف هتقوليلى الشركات هتتأثر والمجموعه هتضعف والحوارات دى..عامل حسابى ..انتى هتطلعى فى مؤتمر صحفى تتبرأى من افعاله
_دانتا مجهز كل حاجه بقا …طب وبعدين ما هوا هيعمل المستحيل ويقعد يومين ويخرج
_ انا مش هدفى انه يتحبس …سيبك بس انتى ..انتى كويسه ؟! …نخرجك ولا نستنى شويه
_انا عايزه اخرج اصلا يا يوسف مبحبش المستشفيات ولا ريحتها ولا اى حاجه فيها سبحان من مصبرنى افضل بس
_طيب هحاول اكلم على واشوف
_ياريت والله ….اه صحيح ..اسراء عامله اى
_كويسه اهى ..وحاسس انها خلاص هتفوق لنفسها بقا ..دى اول مره تطلب تنزل كانت علشانكوا …انا مبسوط اخيرا انها اتحركت واخدت خطوه
_نفسي ترجع تانى بقا يا يوسف .. وحشتنى اوى ووحشتنى صحبتنا سوا انا وباقى البنات ..ربنا يريح قلبها
_هترجع بإذن الله ..انا متأكد من أنها هترجع
★*★*★*★*★*★
_انت اتجننت يا عدلى …ازاى ابنى يبات فى الحجز وسط المجرمين
_يا باشا وانا اعمله اى … دا ممسوك فى ادآب مش سارق فازه
_ انت هتهزر يا حيوان !! …اتصرف ابنى يخرج من الحجز
_هحاول يا باشا حاضر
_ تنتطط يا عدلى ..وتعرفلى مين اللى مقدم البلاغ دا ..فاهم تنطط …تجيبلى اسمه من تحت الارض .. (صرخ بصوته كله ) فاهم !!
_فاهم ..فاهم يا بيه حاضر تحت امرك
★*★*★*★*★*★
صحيت اسراء من نومها وهى واخده قرار جديد ترجع لحياتها
صلت ولبست وطلعت تفطر مع مامتها
اسراء باست مامتها من خدها :صباح الخير يا زوزا
زينب بحب :صباح النور يا قلب زوزا ..تعالى افطرى معايا ..اى دا انتى نازله
اسراء : اهاا ..نازله ..اكلينى بقا عشان انا اللى هرجع ءأكل الناس تانى
امها فضلت شويه تستوعب كلامها وقالت بفرحه ام مستنيه الفرج لبنتها من ٨ سنين :بسم الله ماشاء الله …هتفتحى المطعم تانى
اسراء بضحكه:ايوا ..هفتحه تانى ..بالمعنى الاصح هرجع تانى ..هرجع اسراء
زينب بفرحه :تعالى يا بت هاتى حضن (جريت اسراء تحضن امها ) عارفه يا سوسو انتى فرحتى قلبى ازاى ..ربنا يكرمك يا بنتى ويفتح طريقك ويفرح قلبك ..
اسراء باست اديها :ويحفظك ليا يا ست الكل
نزلت اسراء بأمل جديد وحياه جديده
★*★*★*★*★*★*★
بالفعل خرجوا من المستشفى بعد تعليمات من على بالالتزام بمواعيد الدواء وعطى لساره معاد عشان تفك الجبس
اتحركوا كلهم سوا على بيت جهزته منيره جديد وكان بيساعدها فيه يوسف وكانت سيباه مفاجأه للكل ..
الكل دخل انبهر بالبيت وعجب حنان جداا وفرحت جداا ببيتها الجديد
الكل اخد البيت الجديد بدايه حياه جديده ..
استقرت كل واحده فيهم فى اوضتها واسلام مركز فى كتبه لان امتحانه تانى يوم الصبح
حنان كانت قاعده مع ساره فى اوضتها بيتكلموا وفجأه رن تليفون ساره وكانت صاحبتها نور
_ ازيك يا سوسو ..عامله اى دلوقتى يا حبيبتى
_الحمدلله يا نور احسن
_ والله لولا انى فى دبى مع بابا كان زمانى معاكى يا صحبتى
_والله عارفه يا حبيبه قلبى ..عمو عامل اى دلوقتى
_اهو فى تحسن طفيف الحمدلله
_ربنا يشفيه يارب ويعافيه
_يارب يا سوسو…حنونه عامله اى حالا
_زى القرده قدامى اهى
_طب افتحى الاسبيكر عايزه اسلم عليها
فتحته ساره
حنان بفرحه :نوررر …عامله اى يا قمرره
نور:وحشانى جدا بالله كدا جننتينا عليكى ..اسبوع يا مفتريه محدش سمع حسك ..رعبتينا
حنان :حصل خير بقا
نور :اهم حاجه انكم قمتوا بالسلامه ..وحشتونى يا بنات ووحشتنى اوى اسراء …هى عامله اى دلوقتى
ساره :بعد ما جتلى المستشفى ومشفتهاش تانى …صعب اوى بجد يا جماعه بعد ما كانت وشها منور بفرحتها يحصل كدا من يوم وليله
نور :ربنا يكون فى عونها اكيد مش هتنسي اللى عمله سليم ..ولا حد عارفله طريق لغايه حالا
حنان :انا حقيقى مبكرهش قده …بقى دى اسراء صاحبتنا … كنا احنا الاربعه مابنفارقش بعض ..بصى لحالنا دلوقتى ..محاولتنا معاها مجابتش نتيجه فاكرين لما كنا نخرجها وتفضل قاعده مسهمه ومبتتكلمش ولما زهقت قالت سيبونى انا لما هفوق هفوق لوحدى وانا اللى هاخد القرار ..واهو هى اللى نزلتلنا بأرادتها يوسف اللى قالى
نور :ربنا يصلح الحال يارب ونتجمع احنا الاربعه تانى بقا
ساره وحنان :ياارب
فضلوا يرفوا كتير سوا
نور :هتفكى جبسك امتا؟!
ساره :كمان اسبوع كدا بإذن الله
نور :طب كويس عشان تلحقى المعرض
ساره: تفتكروا هلحق
حنان : افتكر اوى كمان انتى قدها
ابتسمت ساره لاختها بحب
نور:ايوا هتلحقى بإذن الله متحبطيش نفسك انا واثقه فيكى …..كمان انا هحاول بردو بس مش عارفه هعرف اركز دلوقتى ولا لاء
حنان :لا حاولى وبإذن الله خير ..وتنزلى على المعرض بقا ونقضيها ..الله
نور :اصلا بابا هيخلص كورس العلاج بتاعه على نص الشهر الجاى …يعنى هنزل قبل المعرض كمان
ساره :كدا اشطا اوى ..
وهما بيتكلموا جه لحنان اتصال وكانت اسراء ونور لسه على الخط مع ساره
_الو .. ازيك يا سوسو
_ازيك يا حنونه ..وحشانى ..انتوا فين ..
_احنا نقلنا فى بيت جديد بس لسه فى حاجات فى الڤيلا القديمه ..
_ربنا يجعلها خير يارب …المهم ..هستناكوا النهارده
_فين يختى .
_فى لاڤندر
_انتى بتتكلمى جد ..فتحتيه تانى
اسراء ضحكت : ايوا فتحته ..ومستنياكوا بليل عشان وحشتونى اوى بجد يا حنان
حنان بسعاده برجوع صاحبتها : يااه يا اسراء …مقولكيش فرحتى قلبى ازاى …هتلاقينا عندك بليل وهجيب معايا البت المتجبسه دى
اسراء :هى جنبك
حنان :اه ومعاها نور على التليفون من دبى
اسراء: افتحى الاسبيكر بسرعه
فتحته وسلموا كلهم على بعض
نور :بت يا اسراء …انا نازله نص الشهر الجاى ..ولازم نتجمع عندك عشان تجمع النهارده من غيرى دا اسمه نداله
اسراء:انزلى انتى بس وهظبطك ..
نور :ايوا بقا يمعلم
كلهم فضلوا يضحكوا ويهزروا مع بعض ويسترجعوا زكرياتهم سوا
★*★*★*★*★
اسراء اخيرا حطت مفتاح المطعم فى الباب وحركته وسمعت تكه الباب اللى بقالها سنين مسمعتهاش ..ضحكت بفرحه ..وفتحت الباب اتنهدت بإرتياح ويهى بتهمس بحنين وعنيها بتدور فى المكان كله : لاڤندر !
دخلت تتحسس المكان بتتأكد من نظافته بعد ما بعتت شركه تنظيف تظبطه وترجعه زى ما كان ..
جات فى بالها ذكرى
فلاااش بااك
قاعدين على احدى الطاولات بيجهزوا دعاوِ الفرح
سليم :كدا عشرين دعوه عند يسراا …واخيرا كدا خلصنا
اتنهدت اسراء بإرتياح :اخيراا ..
سليم بحب :مش مصدق ان خلاص فرحنا كمان كام يوم ..اخيرا يا اسراء ..
فاقت من ذكرياتها على صوت حد بيقترب منها
_من فضلك ممكن واحده قهوه ساده
بتتلفت لقته يوسف جريت عليه وهى بتضحك بفرحه وهو اخدها فى حضنه
قالت بفرحه : انت عرفت منين
يوسف وهو ضاممها :زوزا قالتلى …اخيرا يا اسراء …(بعدها عنه وبص لعيونها ) اخيراا !!
ضحكت وفرحتها فى عيونها :اخيرا يا جو ..كفايه كده بقا صح ..
يوسف :اكيد كفايه …عايز لاڤندر يرجع لزهوته تانى ..عايز نجاحك يكمل فرحتك … وانا دايما جنبك يا قلب اخوكى
اسراء بفرحه : ربنا يخليك ليا يا جو ..وما يحرمنى من وجودك جنبى أبداً
اسراء فى قمه سعادتها بأخوها اللى دايما فى ضهرها وسادنها ودايما جنبها
★*★*★*★*★*★
سمير قاعد مخنوق فى الحجز وخايف من كل الموجودين فيه بعد علقه الموت اللى اخدها امبارح لما رد على حد فيهم رد معجبهوش ودلوقتى قاعد مش طايق نفسه ولا طايق حد حواليه ..وبيبصلهم كلهم بقرف
واحد من المجرمين : الجميل ماله بس ..ولا وحشته علقه انبارح
رد سمير :بقولك اى يا جدع انت …اخرس خالص
رد عليه :دانتا شكلك نسيت نفسك بقا ونسيت استقبال امبارح ..دانتا ممسوك اداب يا روح امك هتتشطر على اى يا عره الرجال ..دانا كفوفى لسه معلمه على خلقتك
سمير وخلاص جاب آخره وهجم عليه :دانا هورى أشكالك ازاى تتعامل معايا
بعد نصف ساعه
_سميييررر
_نعم يا معلم
_تعال ادعكلى رجلى
بصله سمير وهو خايف يتكلم بعد العلقه التانيه اللى اخدها من شويه
_ ح …حاضر يمعلم
★*★*★*★*★*★
عماد بيكلم اسلام فى التليفون
_الو ..خلصت مذاكره يا صحبى
_لا لسه يا عماد بس تعبان اوى ومصدع وال٣ علب خلصوا …تعرف تتصرفلى فى ٣ كمان اخدهم منك بكرا فى الامتحان
_انت لحقت خلصتهم !! …عموما هشوف لو عرفت اجيبهم هجيبهملك بكرا فى المدرسه
_تمام يا صحبى
قفل معاه وكمل مذاكره وشويه ودخلت عليه امه بكبايه عصير
_ربنا معاك يا حبيبي عملتلك كبايه عصير الليمون تفوقك كدا
_تسلم ايدك يا بيبو بجد ..
اخدها منها وشربها وفضل يقلب فى الورق اللى قدامه وهو قلقان من امتحان بكرا
عبير حست بإبنها فتحت دراعتها له وحضنته وهو ضمها ليه
_عارفه انك قلقان يابنى بس انت عملت اللى عليك وذاكرت فى ظروف صعبه …انا مش هضغط عليك يا حبيبى …انت جيت على نفسك اوى … عملت اللى عليك يبقا متقلقش ..ربنا مش هيضيع تعبك ابدا .. ركز بس بكرا فى الامتحان ..وبكفاياك مذاكره كدا مخك هيقفل ..قوم ريحلك شويه وساعتين وهصحيك تكمل
_انا فعلا تعبان اوى وتعبتك معايا جدا اخر فتره ..ربنا يخليكى ليا يا ماما ..
_ويخليك يا حبيبى يلا ريح شويه عشان تعرف تفوق
اسلام بصلها بحب: حاضر
★*★*★*★*★*★
حنان اخدت ساره ونزلوا لاسراء المطعم بتاعها
اسراء كانت حوا بتغسل الاطباق ودخلت حنان بساره اللى بتزق الكرسى بتاعها
واتكلمت برسميه :من فضلك ممكن نحجز طرابيزه
خرجت اسراء من ورا الحوض من مطبخها اللى بيطل على باقى المطعم وبتمسح اديها فى مريلتها ..
وقالت بإبتسامه عمليه : بس احنا عندنا الحجز غالى جدا يا فندم
ردت حنان وهى مبتسمه وعارفه اسراء هترد تقولها اى : ممكن اعرف تمنه كام لو سمحتى
ردت اسراء وعنيها بتلمع : حضن !!
حضنوا بعض الاتنين وكأنهم غايبين عن بعض من سنين وسنين
_وحشتينى اوى يا اسراء
_وانتى كمان والله ..وحشتينى اوى ..اسفه على كل وقت رفضت اسمعكوا فيه او رفضت محاولتكوا للتخفيف من جرحى ..اسفه بجد بس كنت تايهه وموجوعه
حنان :عارفه …وحاسه بيكى …فرحانه برجوعك فكك من اللى فات بقا
ساره لسه على كرسيها حاطه اديها على خدها وبصالهم :ايوا يعنى عشان انا مكسوره ومش عارفه اقوملك مليش لا حبيب ولا قريب ولا غريب تقومى تسيبينى كدا …اخص مكنش العشم
قربت منها اسراء وفى بتضحك: وانا اقدر بردو ..اخدتها فى حضنها وقعدوا مع بعض فى جو مرح وجميل شويه وتليفون اسراء رن وردت
_الو …ايوا يا استاذ وائل ..يعنى جاهزين …طب مينفعش اخدهم بكرا ..اوف ..طب تمام هتصرف انا شكرا استاذ وائل
قفلت معاه واتصلت بيوسف :الو ..ايوا يا يوسف
_ايوا يا حبيبتى
_فاضيلى شويه ؟!
_افضالك يا قمر ..قوليلى
_اصل انا كنت موصيه على دفعه اطباق جديده للمطعم وهم جاهزين دلوقتى وانا قاعده مع حنان وساره دلوقتى ومش هعرف اجيبهم
ممكن تجيبهملى على المطعم ..
يوسف ابتسم اول ما سمع اسم حنان تلقائي وكأنها قدامه وشايفها بعيونه ..وفضل سرحان لغايه ما فوقته اخته :يا يوسف …الو …سامعنى
_ايوا يا سوسو سامعك ..هروح اجيبهم عيونى حاضر
_تسلملى عيونك يا جوو
قفلت معاه وبصت لحنان اللى سألتها :يوسف دا
اسراء وهى بتبصلها بمكر :اه ..يوسف ..بتسألى ليه
حنان :لا عادى يعنى فضول
اسراء :يعنى مش حاجه تانيه
حنان حدفتها بالمخده اللى تحت اديها وفضلوا يضحكوا ويهزروا وشويه وفتحوا فيديو كول مع نور واتكلموا كلهم سوا
★*★*★*★*★*
اسلام نام شويه امه صحيته يكمل مذاكره وقعدت تتكلم معاه وتحاول تقلل من توتره وخوفه من الامتحان وفضل كل شويه يشرب قهوه
يوسف وصل المطعم ومعاه طلبيه الاطباق وهو شايل كرتونه منها ودخل عليهم وهما بيتكلموا وقاطعهم :يعنى هوا لازم تجيبى اطباق للمجره كلها …قطمت ظهرى يختى
كلهم ضحكوا على منظره وأسلوبه اللى كان واضح عليه الهزار وقاموا كلهم يساعدوه ..
خلص وطلع بره هو وحنان وساره كانت مع اسراء بيرغوا مع بعض
يوسف :انتى كويسه يا حنان
حنان :انا زى الفل اهو ..بس بطل تسأل بقا
يوسف :طب بصى ..هو انا رجعت الشركه النهارده بعد فتره كان ماسكها هادى ..المهم ان انا اكتشفت ان عندنا ايڤنت مهم فى الغردقه بكرا ولا زم نحضره ..فهتقدرى تسافرى ؟!
حنان :لو مهم اوى كدا نسافر ماشى هعرف ماما الاول واقولك
يوسف بتأكيد :هتقدرى تسافرى ؟!
حنان :ايوا والله ..انا كويسه قدامك اهو يا يوسف
يوسف :تمام ..شوفى منيره هانم وعرفينى
حنان ابتسمت :تمام
★*★*★*★*★
حنان وساره روحوا دخلوا البيت ولقوا عبير ومنيره بيتكلموا واول ما دخلوا وقفوا كلام
حنان بإستغراب :بتخططوا لايه انتوا الاتنين
بصتلها عبير ببراءه :احنا نخطط ؟! لالا ابدا
ساره :مش مرتحالك يا بيبو
قعدوا مع بعض شويه ولقوا الباب بيخبط وطلع المحامى رحبوا بيه ودخل قعد معاهم كان جاى بخصوص نسب ساره واسلام لمحمود القاضى رغم ان محدش فيهم طايق يسمع اسمه بس دا لازم نزل اسلام ومضى على الورق وساره كمان مضت ومضت امهم كمان واخد الاوراق ومشى والكل طلع عشان يناموا
*انا زوجك ودا حقى
**انا زوجك ودا حقى
**انا زوجك ملكيش تقوليلى لاء
صحيت عبير من نومها مفزوعه نفس الكابوس اللى مش عايز يفارقها قامت لفت طرحتها عليها وطلعت برا للجنينه تشم هواء على الله تهدا وتعرف تنام تانى
قربت منها خطوات جايه من بعيد ونادى صاحب الخطوات :عبير !!!
يتبع ….
- لقراءة الفصل التالي: اضغط هنا
- لقراءة باقي حلقات الرواية اضغط على (عائلة بالإكراه)