رواية غيبوبة القدر الفصل السادس 6 بقلم رويدا القاضي

رواية غيبوبة القدر الفصل السادس 6 بقلم رويدا القاضي

رواية غيبوبة القدر البارت السادس

رواية غيبوبة القدر الجزء السادس

رواية غيبوبة القدر الحلقة السادسة

سارة: شن صار تفاهمتو انت والراجل ع الموضوع الخدمة .
أنس: هاتي الزردة شرينا الرأس وبإذن الله ❤ يتغير وضعنا للأحسن.
سارة: منين الزردة ياحسرة 😁 لما نخدم حبيبي .
أنس: عولي ع بيبي هاذي أكبر زردة عندي انا .
سارة: لالا. قتلك السنة هاذي لا لا لا.
أنس: باهي خيرك ولعتي وحدة شن جاك 😏.
صدام: هيا اطلعي ولا فالح رن رن قدام الناس حشمتيني .
منى: متأكد منه انت كلامك اهو بالك تقول مش قصدي ونحطك في قائمة العقوبات 🙍🏻‍♀️.
صدام:هههه اصلا تعرفيني بصارتي هكي من يومها.
منى: فوت ع أمك وخولة باش يمشوا معانا 😊 تالا
اهلي.
صدام: مسكينة أمك ومها قداش بيتعبو لين عيونهم
يطلعوا.
مها: وقته هذا توا للي يرن عليا خلي نفتح الخط نشوف شن يبي مني.
مهيب: ألو شن أمورك توا .

مها: الحمدلله شن جوك انت .
مهيب: بخير مدامك انت بخير اسمعي كلمتني توا الهانم
وقتلي شن تبي من المحامية متعي .
مها: اه من قلها ع الموضوع بكل مستحيل انا نتكلم .
مهيب: انا اخر همي هيا لكن نبي نفهم من قلها بس خايف عليك وبلغتك باش يكون عندك علم.
مها: يارب للي في بالي غلط بالك انت احكيتلها 😏 من بيقولها يعني.
مهيب: عاجبتي حق لكن شن هذا خيرا تعمل شرا تلقى 😱 علاش بنقولها انا .
مها: معليشي انا تعبانة اعطيني وقت نرتب افكاري وكان في بالي شخص واحد وبس اكيد هو محمد.
علي: هيا شن عاد ياحاجة مافيش ضيافة وحركات الناس وصلت 😁.
أمينة:بالك ارفعتني نجح ع اكتافك وناسيه نجحوا بعض
ان شاء الله.
علي: معقولة في حد يكره يقولوله ياحاج.
أمينة: وفر الفتاوى متعك انت قلتها زعميتك كبرتي في العمر 😡.
حواء: ربي يهديه نفس كلمة صاحبه متفاهمين عاد 😏.
علي: هو أمينة بروحها مش قادرها وكيف لما تبدأ معاها الدعم المركزي 🤣.
مها:📞 الو امتا عندك خدمة في الشركة نبيك في موضوع ومافيش غيرك يقدر يحله.
هديل: لا هلا لا غلا طول هكي ليك سنتين معاش شفتك وقعدا زي ماانتي كلمة وقص.
مها: اهو تعرفيني كويس مانحبش المجمالات والنفاق الزايد.

هديل: باهي شن كيش بيش باش تعيش كم تعطيني .
مها: ع حسب نصحك معاي في الخدمة وسرعة الخدمات قبل انتي تجيبلي في المعلومة توا انا نبي نقعمز ونسمع بروحي .
هديل: تعرفي لو يعرف حد اني دخلتك الأرشيف نريح فيها ونخش في امور توصلني الحبس.
مها: بلا نظام الدسكات المخبشة اهيا خدمتي معاي زمان من سنتين وصلاتك حاجة ماوصل فيك حد
يعني ريحي روحك.
هديل:شن قضية صعبة شكلها للي تبي فيها مكالمات وجو .
مها: مش موضوعك انت قصتك كلها فلوس وللي تبيه تاخديه .
هديل: تم نتلاقو ياحبي امتا تجهزي الخضر كلميني .
مها: تم.
خولة: شن وين ولا للي قلى احبابه نسى اصحابه معقولة هكي بعتيني بكل .
منى:😁😁 هههه مش هكي راهو.
صدام: اركبو هيا.
منى: اصبر تعالي عمتي اركبي القدام.
خيرية: لالا. عادي خليك يابنتي مش مشكلة .
منى: والله ماصارت اركبي هنيا .
صدام: ذكية احسن حاجة درتها باش ماتزعلش امي منها .
” وين انا شن هذا المكان المظلم نبي حد يفهمني شن صاير بس منى منى علاش ماتردش عليا ”
أنس: هيا حبي الكل وصلو ومن بكري يستنو فينا عطلنا هلبا مش رأي هذا راهو.

سارة: ماهو نلبس شن تبيني نمشي متبهدلة .
أنس: معقولة الزين هذا كله وتقولي مبهدلة هاتي بوسة لحبيبك 🤤.
سارة: لا. لكن بنعطيك حاجة احلى جيت نجري لحضنه
كنت نفرح كل مانفتحله الباب نجري نحصنه زي البيبي
للي يفرح لما بوه يروح.
أنس: نحبك .
سارة: وانا نموت فيك بكل تفاصيلك .
” ياريته كان يغلط فيا ياريته يوم زعلني باش نقدر نكرهه علاش مش قادرة نذكرله غلطة وحدة بس”
طلعنا ووصلنا لحوش العيلة كلهم كانو مجتمعين غادي
طلعت عمتي أمينة استقبلتنا وماما وانس خش المربوعة وانا خشيت الحوش.
مها: اهلين بمرت خوي الغالي.
منى: هلا ياشريرة كيف حالك اليوم.
سارة: الحمدلله كيف حالكم الكل وزي أي عيلة ليبية لما يجتمعوا الضحك والهدرزة والشاهي والعالة لمة تهبل
تمنيت انه الليل يطول ومعاش ايجئ باش نشبع من الهدرزة .
حواء: شن سارة بنتي ماشاء سمتني للي يشوفك تقول كنتي عايشة في مجاعة في حوشنا .
منى: خيرك عليها ياعمتي حشمتيها من الراحة النفسية .
حواء: للي يسمع يقول كانت عايشة قصة حب عظيمة واحنا الشوك للي في الحلق.
أمينة: امك تلوم عليك لانك معاش تمشيلها ومعرفتش تعبر .
سارة: حقك عليا ياغالية .
حواء: توا وانت عارفة روحك رأس بنت طلعت بيها من الدنيا هكي اديري .
سارة: والله ياماما أنس وقته كله عمل .

خيرية: كلهم هكي خليها معاش تحشميها مازالت عريس وتوا تعيش وتشوف.
علي : مبارك عليكم الرأس وان شاء الله ربي يكفيكم شره .
أنس: ان شاء بارك فيك يابوي .
محمود : مبارك ياولدي انس مبارك ياصدام والله فرحتلكم الوقت هذا صعب تلقى شباب معتمدين ع نفسهم .
أنس: الحمدلله يارب .
صدام: توا ماغير واحد يشد بيها الطريق الطويلة ويتوكل يطلب رزقه.
علي: مش كان اديرو عليها سواق خير اقلها انتم مرتاحين والفلوس توصل لعندكم.
أنس: الرزق السايب يابوي يعلم الخنبة .
محمود: في هاذي صدقت ياولدي زمان درت مشروع اغنام وخليت بيهم راعي كل مرة ينقصوا لين بعثهم
وريحت رأسي.
حاجتك كان ماتوقفش عليها بروحك مايدورهالك حد بكل .
صدام: هذا علاش قلنا نخدموا عليه احنا وبعدها ساهل ايدير ربي طريق.
مها: هما يحكو ويضحكو وانا عقلي يفكر في مليون سؤال يلف في رأسي صدمة كان يطلع للي في بالي صح .
وقتها نطمن انه مهيب ع حق وهو في الحالة هاذي مظلوم مش ظالم .
ونعرف اني كنت غبية ومضحوك عليا .
أمينة: شن ياسارة امتا بتجيبولي حفيد نشده ونلعبه
والله قلبي نار نستنى بالدقيقة امتا نشوف صغار ولدي.
سارة: الحق اتفهمنا العام هذا لا باش نفوت سنة في القرايا .
خيرية: وانتم يامنى امتا نشوف صغاركم .
منى: نفس الشئ ملحقة عليهم الصغار خلي نعيش حتى سنة وبعدها ساهل.
حواء: هي خودلك يتسابقو العزايز ع الزياط 🤣 .
سارة: تحشمت سكتت ومنى معاهم كلمة بكلمة .

بعدها بساعة روحنا .
أنس: تعالي حبيبي جنبي خيرك هاربة مني هكي تقول مزعلك ولا فيه حاجة.
سارة: بطني كليت هلبا نحس في روحي مضايقة توا
ارقد ياروحي غدوا وراك تدريب ع القيادة.
أنس: رغم اني راغبك لكن ع راحتك وكان حسيتي روحك تعبانة هلبا نرفعك لعيادة تعايني.
سارة: 🥺 معليشي حبيبي مش بيدي شوي ونرتاح مش محتاجة عيادة وتعب .
أنس: تمام ارتاحي نمشي نديرلك نعناع مهدي للمعدة.
سارة: لالا ارتاح ياعمري .
أمل: وينك اليوم ماجيتيش للمكتب مش من طبعك ولا في حاجة.
مها: عندي المشوار للي قتلك عليه نمشي ونروح جاية طول .
أمل: بتعطلي .
مها: مش عارفة الانسان يقول قول وربي يفعل فعل.
سكرت منها وانا تفكيري كله امتا نوصل ونتأكد بروحي
وصلت مكاني نزلت هديل زي البواب واقفة تستنى فيا .
هديل: هذا الرقم للي طلبتي مني نطلعلك مكالمته من اي تاريخ تبيه .
مها: اعطيني من اسبوعين فاتوا واطلعي وخليني بروحي .
هديل: راك تعطلي اه مش تقعمزي سنة نريح فيها انا.
مها: بعد مكالمات يوم لقيت للي ندور فيه فرحت لانه مهيب مظلوم .
😱🥺 لكن صدمتي في سنين عمري للي ضاعت ع شخص زيه معقولة هكي يطلع وانا للي نفكر كيف عرف
هوا طلع صاحب الكارثة .
هديل: شن صار تميتي بسرعة هكي .
مها: ايه تميت لانه الناس الرخيصة ماتستاهلش نضيعوا
ع خاطرها وقتنا.
هديل: غير من الحمار للي جت لعبته معاك بس.
أمل: شن صار معاك طمنيني وخيره وجهك هكي .
مها: تعرفي طلع هوا للي جايها للحوش وهوا للي هيا خانت مهيب معاه.
أمل:😱 انا نحس انه حقير من قبل لكن عمري ماتوقعت حقارته توصل لدرجة هاذي منحط بلا أخلاق .
مها:لازم نكلم مهيب ونتأسف منه ظلمته كنت نحسابه مسخ طلع انظف واحد فيهم .
” صعبة لما تحبي شخص وتتحملي معاه الحلوةوالمرة وفي الأخير يخونك لكن الحمدلله ديما حبل الكذب قصير ومهما طال الوقت مصيره الحق يبان “.
هلبا زي محمد حشا اسمه يلعبوا ع بنات الناس وفي للي يبعيك هوا للي يخسرك.

يتبع….

لقراءة الفصل التالي : اضغط هنا

لقراءة الرواية كاملة اضغط على : (رواية غيبوبة القدر)