رواية لقاء مصلحة الفصل الرابع عشر 14 بقلم نوران جمال

رواية لقاء مصلحة الفصل الرابع عشر 14 بقلم نوران جمال

رواية لقاء مصلحة البارت الرابع عشر

رواية لقاء مصلحة الجزء الرابع عشر

رواية لقاء مصلحة الحلقة الرابعة عشر

خسرنا الصفقة ..
هل ما سمعوه صحيح كيف ذلك لينظر الجميع الي بعضهم بصدمة
سيف بغضب : ليه كده يا جاسر انت عارف ان الصفقة ديه مهمة..
دارين بضيق : ليان الصفقة ديه كانت هتغير حاجات كتير..
جاسر بهدوء : ليان قدامكم اهيه اسألوها ..ليجلس علي الكرسي بهدوء وتحكي ليان لهم ما حدث .

ادهم بإبتسامة : الفكرة جهنمية..
سيف بإبتسامة : انتوا شياطين..
ليان بإبتسامة: بل اذكياء..
لتبتسم دارين ثم بهدوء : بس اتمني ان الخطة ديه تنجح بجد لأن ممكن تفشل ونكون ضيعنا الصفقة وضيعنا فرصتنا كلها ومكسبناش حاجه..
جاسر بهدوء: احتمالية فشلنا بطريقة ليان ديه احتمالية قليلة فالمطلوب ان احنا نحاول بقدر الامكان اللعب ميبقاش مكشوف اوي..
ادهم بهدوء: ايه هي الخطة الجاية ..
ليان بضيق : مش هقول خطط لان كده كده مش بتتنفذ ..
ليعلم الجميع انها كانت تتكلم عن ميرال بإستثناء يارا التي تنظر لهم بغباء
ميرال بهدوء: انا هطلع اوضتي في شوية حاجات عايزه اعملها..
ليان بهدوء وهي تنظر في هاتفها : دايما كده مش بحب الناس اللي بتهرب..
ميرال بغيظ : ليان هو في ايه..
ليان بممر :هو انا قولت اسمك ولا حاجه..
ميرال بغضب : متستفزنيش..
ليان بهدوء: تعالي اقعدي افضل واحكيلنا ايه اللي انتي عملتيه لما مشينا من عند يارا يوميها ..
ميرال ببرود : متؤمرينيش ومتقوليليش اعمل ايه بالاسلوب ده ..
ليان بهدوء وبرود : انا مقولتش حاجه غلط..
سيف بهمس : هو في ايه..
دارين بهمس : هما كده لما بيقلبوا علي بعض ويضايقوا ساعة بالظبط وهتلاقيهم زي السمنة علي العسل ..
جاسر بهدوء : ميرال احنا فعلا عايزين نفهم اقعدي نتكلم بهدوء ..
ميرال بضيق وقد اصبحت مثل الاطفال : مش هقعد وهي قاعده انت شايف هي بتكلمني ازاي وامبارح كانت بتكلمني ازاي وانا بعمل كل ده عشان مصلحتنا كلنا..
ليان بغضب وهي تقف : انتي كنتي هتموتينا..
ادهم بهدوء : لو سمحتي يا ميرال ..
جاسر بهدوء : يالا يا ليان اقعدي ..
دارين بمرح : هو شيطان دخل ما بينا ، وسع كده يا شيطان اقصد يا سيف ..لينظر سيف لها بسخرية واستنكار بينما ضحك الجميع علي تلك المجنونه
ياسين بهدوء : استهدوا بالله كده واقعدوا عايزين نفهم ولا تحكي انتي يا يارا..
يارا بهدوء : ميرال قالتلي متكلمش..
ياسين بسخرية : لا بتسمعي الكلام اوي ..
يارا بضيق : شوفت يا مستر جاسر مستر ياسين بيكلمني ازاي..
سيف بهدوء : ما تهدي بقي يا دارين ما المكان واسع ابعدي من جنبي بتعملي صوت وانتي بتكلي بينرفزني..
دارين بغيظ : اعمل ايه الشيبسي هو اللي بيقرمش وبعدين انا اقف في المكان اللي يعجبني..
ليان بضيق : ميرال انا سكت علي اللي حصل امبارح بالعافية..
ميرال بحدة : فعلا سكتي ده..
جاسر بمقاطعة وحدة : بسسسسسسس في ايه قاعد ف حضانه كلكم دلوقتي تقعدوا مش عايز اشوف حد وقف كلكم يالا..
ليان بحدة : انت بتزعقلي ..
جاسر بهدوء وتوتر من نظرتها : ابدا يا بنتي انا بهدي النفوس ..ثم بحدة : طبعا بزعق يالا اقعدوا..لتنظر ليان وميرال له بغضب ويجلس الجميع بضيق
جاسر بجدية وهو يزيل ساعته ثم يضع قدمه فوق الاخري ويعود بظهره الي الخلف : هنحل مشكلتكم بالدور نبتدي بالمشكلة العظيمة يالا يا استاذة ميرال احكي عملتي الخطة الجميلة بتاعتك ديه امتي وازاي…

ميرال بضيق: لما كلنا نزلنا عشان نمشي وكلكم ركبتوا عربياتكم ومشيتوا جت في بالي فكرة

Flash back
صعدت ميرال الي شقة يارا وطرقت الباب لتفتح يارا لها
يارا بإستغراب: في حاجه..
ميرال بهدوء: عايزه اتكلم معاكي ولوحدنا من غيرهم فبما انهم مشيوا يبقي نتكلم براحتنا..
لتومئ يارا لها بإستغراب لتدخل ميرال ويجلسا هما الاثنان معا
ميرال بهدوء : يارا انا عارفه ان في مشاكل كتير بينك وبين اهلك ومش عايزه ادخل في تفاصيل بس العرض بتاعنا مناسب جدا بالنسبالك ده غير ان احنا فعلا هنحتاجك فهتكون مصلحة متبادلة انتي هتعيشي معانا في امان واحنا هنتخلص من عدونا ماجد صبري .،
ماجر صبري ده مش كويس قتل ناس كتير وسرق ناس كتير واتسبب في موت ناس كتير منهم اهلنا في حاجات في الماضي مش عايزين نفتكرها بس علي الاقل ناخد حقنا وبالقانون احنا بس عايزين نوقعه في شر اعمالة نمسكه متلبس عشان يتحاسب..
يارا بتفكير وحزن : انا عايزه اساعدكم بس اعذريني انا لوحدي يا ميرال وماجد صبري شخص مؤذي واخاف يئذيني..
ميرال بإبتسامة هادئة: طيب يا يارا براحتك ..
يارا بتفكير : ممكن تسيبيني افكر وبكره ارد عليكي ..
ميرال بإبتسامة هادئة: بكره الصبح هتصل بيكي تكوني فكرتي..لتومئ لها يارا بهدوء لتخرج ميرال وعندما نزلت الي الاسفل وجدت ميرال دارين واقفة تنتظرها
ميرال بإستغراب: انتي مش مشيتي..
دارين بهدوء: انتي ناسية ان انا جيت معاكي ومجبتش عربيتي وهما كلهم مشيوا ونسيوني ثم انك بتعملي ايه ده كله فوق ..ثم بمكر : انا مش مستريحالك..
ميرال بضحك : تعالي نتكلم في العربية .. ليجلسا في السيارة وقبل ان تقود ميرال نظرت ميرال في المرايا ثم ابتسمت بمكر وقادت سيارتها
Back

ادهم بتساؤل :وبعدين..
ميرال بضيق : مبحبش حد يقاطعني..
جاسر بضيق : خلاص يا ادهم كملي يا استاذه ميرال..
ميرال بضيق : رغم ان انا عندي احساس انكم بتعملوني علي اد عقلي بس هكمل وخلاص وبمزاجي فاهمين..
ليومئوا لها لتأخذ هي نفس عميق ثم تكمل

Flash back
في السيارة
دارين بضيق : قربنا نوصل وانتي ساكته..
ميرال بهدوء وتفكير : بكره تجهزي نفسك كويس هيحصل هجوم علي الفيلا..
دارين بقلق : مش فاهمه..
ميرال بجدية وهي تركز علي الطريق: في واحد كان بيراقبنا وواضح انه تبع ماجد صبري انا شوفته من ازاز العربية ..
دارين بتفكير: يارا..
ميرال بجدية : انا عارفاهم كويس هيروحوا بكره ليارا بس مش هيقتلوها لانهم محتاجينها زي ما احنا محتاجين ليها..
دارين بقلق : ناويه علي ايه..
ميرال بهدوء : انا من فترة لما كنت مسافرة عرفت ازرع رجاله من رجالتي في رجالة ماجد وانا اللي هسيطر في اللحظه ديه..
دارين بحدة : ميرال كفاية الغاز..
ميرال بهدوء : هستدرجهم هما بكره هيروحوا ليارا مش هيئذوها او يقتلوها هما لإلا هيخطفوها او يضربوها شويه كده في كلا الحالتين انا حطيت الخطة
اولا لو خطفوها هخلي رجالتي يجيبوها لحد عندنا وديه حاجه سهله والثانية لو مش خطفوها اكتفوا بلوي دراعها بس فكده هخلي جاك يجيبها لينا الفيلا عشان نأمنها وماجد ومازن اكيد هيعرفوا وهنا هيهجموا علي الفيلا في الوقت ده رجالتي هما اللي هيكونوا مع مازن هيهجموا علي الفيلا وكل الامور هتمشي زي ما مازن هيخطط بيها وهي بعض الاصابات الخفيفة عشان يخوفنا وفي اللحظه ديه انتي هتدخلي وانا هقوم ويبقي مازن جيه بنفسه لينا ..
دارين بهدوء : ولو حد اتصاب اصابات عميقة او حد فينا اتئذي جامد لازم نقول لليان..
ميرال بتفكير : ليان مش هتوافق فهنفذ من غيرها انا وانتي وجاك والحرس ..
دارين بهدوء : كده كل حاجه هتكون تمثيل طيب ده دعناه ان انتي عايزه تعملي ايه مع مازن..
ميرال بمكر : مش هعمل حاجه احنا ده كله بنلعب بس لكن مدخلناش في الجد انا هلوي زراعه بس واعرفه بوجودنا وان ليان مش لوحدها وهنلفت نظرة ان هو مضحوك عليه وهنسيبه ..
ليان بتفكير : بس هو كده هيقول لماجد صبري وماجد اصلا في اي احظة ممكن يقتل مازن انتي عارفه ان ماجد مش بيهموا حد غير ابنه ونفسه ونفسه اولا كمان يعني مش هنعرف نلوي دراعه بمازن ده غير ان ليان وجاسر وكلهم رافضين ان ماجد يعرف بينا او بتفكيرنا وان انا وانتي اعضاء خفية في كل ده ..
ميرال بهدوء : مش هينفع نفضل مش ظاهرين لا لازم نظهر دلوقتي وفي اقرب وقت صدقيني مازن هيبقي في صفنا بس الخطة ديه لازم تتنفذ بحذافيرها من غير اي تأخير ويارا طالما عرفوا بيها وبمكانها فهي رسميا بقت معانا في العصابة ..
دارين بقلق : تمام يا ميرال لما نشوف اخرتها ..

لتبتسم ميرال بمكر : فهي تعلم ان كل هذا ليس بشئ اساسي او هام ولكنها مضطرة لفعله ولا يجب ان تقول لاي احد ولا حتي دارين بهذا الامر الان فكل شئ سيظهر في وقته المناسب..

Back

ميرال بهدوء : وبس ده اللي حصل..
يارا بضيق : يعني انا هي اللعبة اللي اتلعب بيها وكده غصب عني بقيت في الموضوع بتاعكم ده وانا اصلا مش حِمل كل ده ..
ليبتسم ياسين بسخرية

ليان بهدوء وحدة: انا هحاول انسي اللي حصل بس مافيش اي خطوة تتاخد غير لما اعرفها وكلنا نعرفها اي خطط جانبية تنسوها ارجو ان يكون كلامي واضح ..
جاسر بهدوء : خلاص يا ليان مش هنعيد ونزيد..
ليان بضيق : انت اصلا بتتدخل ليه..
جاسر بضيق : لا حول ولا قوة الا بالله بصي خلاص انا مش هتدخل وانتوا اقتلوا بعض انا زهقت ..
ليان بحدة :مترفعش صوتك عليا..
جاسر بحدة : ما تسكتي بقي انتي عايزه اي مشكلة وخلاص ..
سيف بهدوء: خلاص يا جماعه اهدوا ..
بينما ابتسمت ميرال بهدوء ثم اخفت ابتسامتها اما ادهم نظر لها بشدة وقد لاحظ الابتسامة
ادهم في داخلة : ده مكانش قصدك من الخطة اللي اتنفذت انتي في حاجه في بالك يا ميرال بتخفيها ومش عايزه تقوليها بس مصيري هعرفها وكلنا هنعرفها بس اتمني ان ميكونش متأخر ..بينما نظرت ميرال له فوجدته ينظر لها لتشيح بنظرها بعيدا عندما شعرت بأنه قد شعر بالشك فيما قالته ..

وقبل ان يتكلم اي احد اخر
سمعوا صوت يأتي من الخارج لينظروا الي بعضهم بإستغراب ليدخل جاك فجأه
ليان بإستغراب: في ايه..
جاك بهدوء : الشرطة بره وعايزين يدخلوا ومعاهم ..وقبل ان يُكمل كان رجال الشرطة قد دخلوا .
الضابط : دارين الحاتي ..
لتتقترب دارين قليلا
دارين بهدوء : ايوه انا ..
الضابط بأمر : في قضية رفعها يوسف الحاتي عليكي ..
وهنا توسعت اعين دارين بخوف ليظهر
ليظهر من بينهم شاب غريب وسيم قليلا ويظهر عليه المكر
يوسف بمكر : وحشتيني يا زوجتي المصون ..

يتبع..

• لقراءة الفصل التالي: اضغط هنا
• لقراءة باقي حلقات الرواية اضغط على (لقاء مصلحة)