رواية قمر مشوه الفصل الثاني 2 بقلم عزة يحيى

رواية قمر مشوه الفصل الثاني 2 بقلم عزة يحيى

رواية قمر مشوه البارت الثاني

رواية قمر مشوه الجزء الثاني

رواية قمر مشوه الحلقة الثانية

و كانت المفاجعه و الصدمه الكبري لهم هي موت فاضل موت الظهر و السند و لم يتبقي لهم في هذه الحياه بعده غير الله
تولت رجال المنطقه جميع الامور الازمه لانهاء اجراءات الدفن و وقفت نساء المنطقه بجانب عفاف و ابنتها اللتي لم تتركه ثانيه واحده
و تم انهاء كافه الاجراءات و تم الدفن بصحبه عفاف و قمر و نساء و رجال المنطقه و بعد الانتهاء عادو الي المنزل و قامو بنصب الصوان له للعزاء فكان رجلا شهما معروف بين اهالي منطقته و المناطق المجاوره فكان دائما يساعد الاخرين و لا يبخل بالمساعده عن احد هو و زوجته فكانت لهم معزه خاصه في قلوب سكان المنطقه و المناطق الاخري
و مرت ايام العزاء و هم لم يصمتو عن البكاء
و بعد عدده ايام عاد الجميع كما كان و عادت الحياه تمشي مره اخرى و لم تعود كما كانت بالنسبه لعفاف و قمر فا بعد ما كان المنزل يعلو صوت ضحكاتهم الان يعلو صوت بكائهم و مرت الايام علي هذا الوضع و بدات امتحانات قمر لانهاء الصف الثالث الاعدادي
و في تلك الاثناء قررت عفاف الذهاب من هذه المنطقه بل من البلد كما قرر زوجها قبل وفاته خوفا من عائلتهم من الحصول عليهم فانتظرت حتي انتهاء امتحانات قمر
و بعد انتهاء امتحانتها فجائتها عفاف باللذي سيغير مسير حياتها تماما
قمر /ايه اللي انتي بتقوليه دا يا ماما
عفاف/اللي بقوله دا لمصلحتك
قمر /مصلحتي ازاي يا ماما
عفاف/و الله من خوفي عليكي بقول كدا
قمر /خوف ايه يا ماما انتي كدا هضيعي مستقبلي
عفاف/انا دا انا عايزه احافظ علي مستقبلك
قمر /تحافظي علي مستقبلي ازاي باللي انتي عايزه تعمليه
عفاف/بكرا هتعرفي ازاي و هتعرفي اني بخاف عليكي اكتر من نفسي
و ظلت تبكي و شاركتها البكاء قمر و بعد وقت ذهبت كلا منهم الي غرفتها و ظلت تفكر في المستقبل و ما الذي تخبئه لهم الايام

و بعد مده من التفكير ذهبو في سبات عميق
و في الصباح الباكر جهزت عفاف و قمر شنطه خاصه بكلا منهم و ضعو بها بعض من ملابسهم و اوراقهم الخاصه و الصوره الخاصه بهم و تركو المنزل و ذهبو بعد ان تركو ظرف الي احدي جيرانها و به مفتاح المنزل لكي تبيع عفشهم و تسلم المنزل الي صاحبه و ترسل لها المال الخاص ببيع العفش الخاص بهم و انها سوف تتواصل معها لكي ترسل لها المال
و اخذت عفاف ابنتها قمر و ذهبو خارج المنطقه و منها إلى محطه القطار و صعدو بالقطار المتجه الي القاهره
قمر/انا رايحين مصر نعمل ايه
عفاف/ارض الله واسعه هنورح نقعد في اي حته و انا هشتغل
قمر/تشتغلي ايه يا ماما
عفاف/هشتغل اي حاجه
قمر/طب ما دام بعدنا مفيش داعي تعملي اللي قولتي عليه
عفاف/لازم ياقمر سامحيني يا بنتي لازم اعمل كدا
قمر/انا كدا ضعت و ضاع مستقبلي
وظلت تبكي الي ان وصل القطار الي القاهره و هبطت عفاف و قمر منه و اتجهو خارج المحطه
و بدات عفاف بالبحث عن مكان للمكوث به و بعد مده طويله في البحث وجدت شقه صغيره جدا في احدي المناطق الشعبيه
لا يوجد بها غير فراش واحد و اريكه صغيره و بعض ادوات الطهي القديمه و دولاب صغير جدا
بعد تفحص المكان ابتدت عفاف و قمر بتنظيف المكان و جعله قابل للمكوث به و بعد الانتهاء تركت عفاف قمر بالمنزل بعد ما اكدت عليها بان لا تفتح لاحدا المنزل
و ذهبت هي لجلب بعض الطعام و تبحث عن شيئ لتنفيذ ما قالته لقمر
و بعد مده كبيره عادت عفاف الي المنزل و معها بعض الحقائب التي بها بعض الاطعمه
و بعد العشاء ذهبو الي النوم
و في الصباح الباكر استيقظت عفاف و و ذهبت لتأدي فرضها و احضرت طعام الافطار و ذهبت لتوقظ قمر و تناول الطعام معا
عفاف/يلا قومي اجهزي علشان نزلين
قمر /و النبي يا ماما بلاش علشان خطرى
عفاف/خطرك علي عيني يا قمر بس مينفعش
قمر /بس دا ظلم
عفاف/هي كلمه قولتها قومي يلا
ذهبت قمر تبدل ملابسها و هي تبكي علي حالها
و بعد الانتهاء
عفاف/خدي دي حطيها علي وشك
قمر /ايه دا
عفاف/دي طرحه داري بيها وشك
قمر/ليه
عفاف /من غير ليه
و فعلت قمر ما قالت عليه عفاف
و ذهبو بعد مده كبير تقريبا بعد مرور نصف اليوم
عادو مره اخري الي المنزل و ذهبت قمر الي الغرفه و اغلقت عليها الباب و ظلت تبكي حتي ارهقها البكاء و نامت كما هي علي الارض خلف الباب بعج مده طويله
استيقظت قمر علي طرقات الباب يصحبه صوت ولدتها و هي تنادي عليها باسمها قامت و هي متعبه و فتحت لها الباب ونظرت اليها و عيونها منتفخه من كثره البكاء
راتها ولدتها تالم قلبها عليها و لكن ما باليد حيله فهي خائفه بشده عليها فلابد من الحفاظ عليها
عفاف/قومي يلا يا بنتي كفايه كدا تعبتي قلبي عليكي اكتر ما هو
قمر /خلاص يا ماما انا كويسه
عفاف/طب يلا قومي يا حببتي علشان نتعشا
قمر/حاضر يا ماما
و بعد تناول العشاء ذهبو للنوم

و في الصباح البكر استيقظت عفاف و قمر و اعدت عفاف الافطار و بعد تناول الطعام
عفاف/بصي يا قمر انا هنزل اشتري ماكنه و اشتغل عليها و اقدملك ورقك في المدرسه و انتي نضفي البيت و جهزي الغدا علي ما ارجع
قمر /حاضر بس هو انتي هتتاخري
عفاف/ان شاء الله لا
قمر/ماشي
و ذهبت عفاف لشراء الماكينه و قامت قمر بتنفيذ المطلوب منها
و بعد وقت عادت عفاف و معها رجل يحمل الماكينه و هي تحمل بعض الحقائب اللتي توجد بها بعض الاطعمه للمنزل
بعد وضع الرجل للماكينه في المكان اللذي اشارت اليه عفاف ذهب الرجل و جلست هي لتستريح
قمر /اتاخرتي ليه يا ماما
عفاف/علي ما قدمت الورق و بعدين روحت اتسوقت و بعدين اشتريت الماكنه و جيت
قمر /طب قومي خدي دش علي ما احضر الغدا
عفاف/ماشي
و تناول الغداء معا في صمت تام
و بعد الانتهاء من تناول الطعام قامت قمر بعمل كوب من الشاي لولدتها و ذهبت لتجلس بجانبها
قمر /قدمتيلي فين يا ماما
عفاف/في المدرسه الثانويه اللي في اخر الشارع
قمر /ثانوي ايه يا ماما مش انا قولتلك بلاش ثانوي
عفاف/بلاش ليه
قمر /يا ماما مصاريف الثانوي كتير و احنا يدوب ماشيين
عفاف/ان شاء الله هشتغل علي الماكنه و الناس هتعرفني و ربنا هيرزقنا
قمر /يا ماما بس
عفاف/من غير بس دا كان حلم ابوكي تدخلي ثانوي و تجيبي مجموع هندسه ان شاء الله
قمر /الله يرحمه و يجعل ماواه الجنه ان شاء الله
عفاف/اللهم امين
و مرت الايام عليهم و بدات عفاف بالعمل علي الماكينه و تعرف عليها اهالي المنطقه و كونت صدقات عده مع بعض النساء
اما قمر فلتزمت غرفتها و لم تخرج منها في وجود احد النساء
و جاء موعد بدا الدراسه و استعدت قمر الي الذهاب الي المدرسه
و في اول يوم دراسي ذهبت قمر
بصحبه عفاف الي المدرسه لانها لا تعرف طريقها و هذا اول يوم خروج من المنزل منذ ان اتو الي هذه المنطقه
و تركتها عفاف و ذهبت لتتعرف هي علي اصدقاء جدد
و لكنها لم تجد احد فكلما تكلمت مع احدهم نظرت لها نظره مشمئذه و لم تجد ما يحادثها حتي بعض المدرسين نظرو لها هكذا
ذهبت الي الحمام و ظلت تبكي به حتي انتفخت عينها و بعد وقت خرجت من الحمام بعد ما جففت دموعها و عادت مره اخري تتسال علي المكان الخاص بها
بعد البحث وجدت المكان و ذهبت اليه و جلست في الوراء بعيد عن انظار الجميع بعد ما كانت تجلس في الامام و لديها من الاصدقاء الكثير الان لا يوجد احد بجانبها و بعد انتهاء اليوم الدراسي عادت الي المنزل و هي تكتم شهقاتها و عندما وصلت الي المنزل انفجرت في البكاء و ذهبت الي الغرفه مباشرا و عندما راتها عفاف بهذا الشكل ذهبت اليها لكي توسيها
و مر حوالي اسبوعين علي وجودها في المدرسه و لم يكن لديها اصدقاء و اطلق عليها زملاءها في المدرسه بالمشوة لوجود بعض التشوهات في وجهها اخفت معالمه تماما و بعد ما اطلق عليها قمر اربعتاشر قبل وفاه ولدها اطلق عليها الان قمر مشوه
قررت هي عدم الذهاب الي المدرسه حتي موعد الامتحانات و مرة الايام و هي كما هي بداخل الغرف لم تخرج منها غير وقت احتياجها الي طعام او الذهاب الي الحمام
و في منزل عفاف في يوم كان يوجد بالخارج احدي نساء المنطقه هي و ابنتها لاستلام الملابس اللتي قامت بتفصيلها عفاف لهم
خرجت قمر من الغرفه و هي لم تعرف ان احدا بالخارج فتفاجئت بهم
قمر /السلام عليكم
الجميع/و عليكم السلام
عفاف/دي قمر بنتي
الجاره/ازيك ياقمر
قمر الله يسلمك

عفاف/و دي ام شهد و دي شهد بنتها
قمر /ازيك
شهد/ازيك انتي
ام شهد/و انتي في سنه كام يا قمر
قمر /انا في اولي ثانوي
شهد/في انهي مدرسه
قمر /في مدرسه(……. )
شهد/ازاي انا كمان في اولي و في نفس المدرسه
عفاف/اصلها مبتروحش
ام شهد/ازاي
عفاف/اصلها قدمت شهاده مرضي و بتذاكر في البيت
شهد/احسن حاجه عاملتيها و الله ينفع ابقي اجي اذاكر معاكي
قمر /عادي مفيش مشكله بعد اذنكم
وذهبت الي غرفتها علي الفور
و في اليوم التالي جائت اليها شهد و تفاجئت بها قمر لانها كانت لا تتوقع انها بالفعل ستاتي اليها استقبلتها و ذهبوا الي الغرفه تحدثو سويا قليلا ثم اكملو مذاكرتها
و مرت الايام هكذا و حتي موعد الامتحانات و مرت شهد علي قمر لكي يذهبوا سويا الي المدرسه و بعد مرور عدده ايام انتهت الامتحانات و جاء وقت الاجازه و مر اسبوع و لم تخرج قمر من الغرفه و لا من المنزل حتي جائت اليها شهد و استئذنت و لدتها بان تاخذ قمر و تخرج معها قليلا
عفاف/انا مش ممنعه و الله يا بنتي بس هي توافق
شهد/انا هخليها توافق
و ذهبت باتجاه الغرفه و طرقت الباب و انتظرت حتي اذنت لها قمر بالدخول
شهد/قمري عامل ايه انهارده
قمر /ازيك يا شهد عامله ايه
شهد/ايه يا بنتي من يوم ما خالصنا امتحانات و انتي و لا حس و لا خبر
قمر /هاعمل ايه يعني
شهد/نعمل ايه…. نخرج مثلا
قمر /نخرج لا يا ستي البيت احسن
شهد/قومي يا قمر البسي انا استئذنت ماماتك علشان نخرج شويه
قمر /هنخرج نروح فين يعني
شهد/في اي حته نتمشي شويه و نرجع حتي
قمر /مليش مزاج يا شهد روحي انتي
شهد/انا مش هخرج من غيرك
قمر /بس
شهد /مبسش
و بعد وقت بدلت قمر ملابسها و خرجت مع شهد
وفي الخارج
قمر /ها يا ستي هنروح فين بقه
شهد/تعالي نروح نقعد علي الكورنيش شويه
قمر /اللي انتي عايزاه
و ذهبو باتجاه الكورنيش
شهد/تعالي نقعد هنا
قمر /ماشي
و بعد جلوسهم امام بعض
شهد/قوليلي بقه يا ستي مالك
قمر /مالي في ايه يعني
شهد/دايما حزينه و مبتخرجيش خالص ليه
قمر /مفيش
شهد/كدا يا قمر بتخبي عليا
قمر /مفيش يا شهد
شهد/براحتك واضح كدا انك مش بتعتبريني صحبتك و اختك زي ما انا اعتبرتك اختي بالظبط
قمر /متزعليش مني يا شهد
شهد/انا مش زعلانه منك يا قمر انا زعلانه عليكي و عايزه اخرجك من اللي انتي فيه
قمر /اللي انا فيه خلاص مش هقدر اخرج منه ابدا
شهد/ليه بتقولي كدا
قمر /……………

شهد/السكوت عمره ما كان حل اتكلمي يمكن تلاقي الحل عندي او حتي ترتاحي لما حد يشيل معاكي
قمر /وعد اني مهما اقول الكلام دا ميطلعش لحد
شهد/عيب عليكي يا قمر…. ها قولي بقه
قمر /بص……
شهد/بس استني هو انتي يعني هو ايه اللي عمل فيكي كدا
قمر /امي
جحظ عين شهد بشده
شهد/ايه
قمر /زي ما سمعتي كدا
شهد /ازاي يعني
قمر /بصي يا ستي………
و بدات تقص عليها ما حدث و كيف كانت حياتها في وجود ولدها و كيف وصل بها الحال
شهد/يالهووووي كل دا و ازاي مامتك تعمل فيكي كدا دي كدا ضيعت مستقبلك
قمر /اصلها خايفه عليا
شهد/خايفه عليكي ازاي يعني…. خايفه عليكي تقوم تشوهك كدا
قمر /اللي حصل بقه هنعمل ايه
شهد/معلشي يا قمر بكرا كل حاجه تتحل
قمر /ان شاء الله
شهد/يلا نقوم
قمر /يلا
و عادو الي المنزل مره اخري و مرت الايام هكذا عليها
و مره عام و التاني و هما الان في نهايه العام الثالث الثانوي و غدا اول يوم لهم في الامتحانات
في المساء في منزل عفاف كانت قمر تحدث شهد علي الهاتف
قمر /خالصتي و لا لسه
شهد/ايوة الحمد لله
قمر /طب كويس
شهد/هنلبس ايه
قمر /انا هلبس الدرس الاسود
شهد/اول يوم اسود ربنا يسودها عليكي يا شيخه
قمر /ههههههههههه حرام عليكي ليه كدا
شهد/يا بنتي البسي الوان فاتحه كدا علشان ربنا يفتحها علينا
قمر /هههههههه و الله انتي مخك لاسع
شهد/انا
قمر /ايوه…. بقولك ايه اقفلي ماما بتنادي عليا هكلمها و ارجعلك
و خرجت قمر من الغرفه بعد ما اغلقت الهاتف مع شهد
قمر /ايوة يا ماما
عفاف/تعالي يا حببتي قيسي دا كدا
قمر/ليه كدا بس يا ماما ما انا عندي كتير
عفاف/اسمعي الكلام و اقيسي
ذهبت قمر الي الغرفه و بدلت ملابسها و ارتدت الملابس اللتي اعطتها لها ولدتها و خرجت اليها
عفاف /بسم الله ما شاء الله
قمر /تسلم ايدك يا ماما الطقم تحفه
عفاف/دا انتي اللي جميله و بتحلي الحاجه
قمر /القرد في عين امه غزال ههههههههه
عفاف/فشر هي مين دي اللي قرد دا انتي ست البنات
قمر /ربنا يخليكي ليا يا ماما
عفاف/و يخليكي ليا يا حببتي و خدي دا كمان علشان شهد خاليها تعدي عليكي بكرا بدري تلبسه من هنا
قمر /كمان ست شهد تكونش بنتك و انا معرفش
عفاف/هههههه لا علشان انا بحبها لانها قدرت تخرجك من اللي كنتي فيه
قمر /الحمد لله يا ماما شهد فعلا طيبه قوي هي و مامتها
عفاف/ربنا يديم الصحبه الطيبه
قمر /يارب
عفاف/يلا روحي نامي بقه علشان تصحي فايقه الصبح
قمر /حاضر تصبحي علي خير
عفاف/و انتي من اهل الخير يا حببتي

و ذهبت قمر الي الغرفه و حدثت شهد مره اخري و طلبت منها ان تاتي ليها باكر قبل موعد الامتحانات ضرورى و لم تخبرها بأمر الملابس اللتي احضرتها عفاف لهم
🌿🌿🌿🌿🌿🌿🌿🌿🌿
في مكان لاول مره نذهب اليه في احدي مناطق القاهره الراقيه بداخل منزل كبير لعائله كبيره و هي عائله السيوفي
كان يجلس علي مقعده بوقار و هيبه كبيره
كارم السيوفي / الشغل عامل ايه يا مصطفي
مصطفي الابن الاكبر لكارم/الشغل تمام و مفيش اي مشاكل
كارم/امال ابنك فين لسه بيدور علي……….

يتبع….

لقراءة الفصل التالي : اضغط هنا

لقراءة الرواية كاملة اضغط على : (رواية قمر مشوه )