رواية قمر مشوه الفصل السابع 7 بقلم عزة يحيى
رواية قمر مشوه الفصل السابع 7 بقلم عزة يحيى
رواية قمر مشوه البارت السابع
رواية قمر مشوه الجزء السابع
رواية قمر مشوه الحلقة السابعة
انتظرت ام ايمن و قمر امام منزل كبير امام البوابه الخارجيه
حتي خرجت اليهم سيده في منتصف العقد الرابع من العمر
ام ايمن/اهي جات اهيه تعالي يا قمر
وذهبو نحوها
ام ايمن/ازيك يا امينه يا اختي
امينه/ازيك يا ام ايمن
ثم نظرت الي وجه قمر و عادت النظر مره اخري الي ام ايمن و سحابتها بعيدا عن قمر و تحدثت بصوت منخفض
امينه/ايه اللي انتي جايبها دي يا ام ايمن
ام ايمن/دي قمر اللي كلمتك عنها
امينه/بس مقولتيش ان شكلها كدا
ام ايمن/هو يعني علشان شكلها متشتغلش و تترمي في الشارع
امينه/انا مقولتش كدا يا اختي انا بس…..
ام ايمن/لا بس و لا مبسش انا غلطانه اني جبت البت هنا
امينه/مش غلطانه و لا حاجه انتي عارفه اني بشتغل هنا زي زيها يعني مليش كلمه و الكلمه كلمه ست وفاء
ام ايمن/و هي ست وفاء دي ممكن تمشيها متشغلهاش
امينه/و الله ما انا عارفه هي ست طيبه و كل حاجه بس مش عارفه اما تشوفها هتقول ايه
ام ايمن/طب العمل ايه دلوقت البت متعرفش حاجه هنا لو مشتها استناها طيب هنا علي ما تشوفي هتعملي ايه
امينه/الهانم لسه مصحيتش ادمها ساعه كدا علي ما تصحي
ام ايمن/طب و العمل هنفضل كدا واقفين
امينه/بقولك ايه امشي انتي و انا هتصرف
ام ايمن/هتعملي ايه يعني
امينه/لو الهانم رفضت انا هستاذن ساعه و اوصلها بيتها
ام ايمن/حسره عليها بيتها الراجل المفتري مشاها منه علشان يبيع الشقه و ملهاش مكان تروحه كان املها الوحيد الشغل هنا
امينه/خلاص اللي فيه الخير يقدمه ربنا و ادعلها ان ست وفاء توافق تشغلها
ام ايمن/ربنا معاها
امينه/طب تعالي بقه نسلم عليها لحسن شكلي بقه وحش قوي كدا
ام ايمن/تعالي
امينه/ازيك يا حببتي
ام ايمن/اسمها قمر يا امينه و دي ابله امينه يا قمر
قمر /ازيك يا ابله
امينه/الله يسلمك ان شاء الله تتقبلي في الشغل معانا
قمر/ليه هما لقو حد غيري
امينه/لا بس ست وفاء هي اللي لازم تقرر مين يشتغل و مين لا و ان شاء الله تشتغلي معانا
قمر /ان شاء الله
ام ايمن/همشي انا بقه و مش هوصيكي عليها يا امينه
امينه /دي في عنيا
ام ايمن/مش عايزه حاجه يا قمر يا بنتي
قمر/تسلمي يا خالتي ام ايمن ربنا يباركلك علي اللي عاملتيه معايا
ام ايمن/متقوليش كدا انا معملتش غير الواجب يلا اسيبكم انا مع السلامه
امينه/سلام يا اختي…. يلا تعالي يا قمر ندخل
وذهب الاثنان معا الي الداخل مرور بالحديقه حتي باب المطبخ الخارجي
امينه/تعالي يا قمر دا المطبخ بندخل و نطلع من هنا لو في حاجه جايه من برا او حد من حرس الفيلا عايز حاجه بدل ما يدخل من الباب الرئيس بيدخل من هنا
قمر /تمام
امينه/اقعدي هنا علي ما اجبلك حاجه تشربيها
قمر /لا شكرا مش عايزه حاجه
امينه/لا ازاي لازم تشربي
فكان مساحه المطبخ واسعه للغايه و في المنتصف منضده متوسطه الحجم و عدد من المقاعد حولها
امينه/اتفضلي يا حببتي
اعطتها امينه الكوب و جلست بالمقعد المقابل لها
قمر /احم احم انا عارفه ان شكلي وحش و محدش بيحب يبص لوشي بس غصب عني فا انا ممكن اتنقب علشان محدش يدايق من شكلي
امينه/ايه اللي انتي بتقوليه دا
قمر /بقول الحقيقه اذا كنت انا مش بحب ابص لنفسي في المرايه فما بالك بالناس و انا محتاجه الشغل جدا
امينه/استني بس اما ست وفاء تصحي و نشوف هتقول ايه
قمر /طب اجيب نقاب بسرعه قبل ما تصحي
امينه/حتي لو جبتي نقاب هترفعه عن وشك بردو علشان تشوفك فهيا هيا
قمر /ربنا يستر و توافق
امينه/ان شاء الله هتوافق انا متفقله خير
قمر /يارب
🌿🌿🌿🌿🌿🌿🌿🌿🌿
في منزل قمر لازالت شهد موجوده في منزل قمر تقوم بلملمه اشياء قمر التي حدثتها عنها لنقلها الي منزلها و اثناء وجودها هي و ولدتها طرق عليهم الباب و ذهبت ام شهد لفتحه لتري من بالخارج
ام شهد/ابو شهد في حاجه و لا ايه
ابو شهد/لا ابدا بس الجدع الي بشترى العفش القديم جه تحت
ام شهد/طب خاليه يطلع
ابو شهد /طب وسعي السكه انتي وبنتك
ام شهد/حاضر
خرجت شهد من الغرفه
شهد/مين يا ماما
ام شهد/ دا ابوكي بيقول الراجل بتاع الحاجات القديمه طالع فضيتي الاوضه
شهد/اها يا ماما اخدت الهدوم اللي قالت عليها قمر و الباقي هطلعه لله او لو حد عايز حاجه منهم
ام شهد/طب يلا
و صعد الاب معه عدد من الرجال اللذين يحملون الاساس
ابو شهد/بقولك ايه يا معلم تعالي نبدا بالاوضه اللي الجماعه فضوها
و ذهب الرجال الي الغرفه لتفريغها
و عند حل دولاب الملابس و جد عليه احدي الرجال صندوق خشبي صغير الحجم محكم الغلق
احدي الرجال /يا معلم لقينا الصندوق دا فوق الدولاب
اخذه منه و اعطاه لابو شهد
ابو شهد/اكيد يخص قمر
حمله و خرج اعطاه لابنته شهد
ابو شهد/خدي يا شهد دا كان فوق الدولاب
شهد/غريبه قمر مجبتش سيرته
ام شهد/تلاقيها نسيت
شهد/يمكن اما اكلمها هقولها عليه
و بعد الانتهاء و اصبح المنزل فارغ نهائيا
ام شهد/الحمد لله معتش فاضل حاجه يلا تعالي ندي المفتاح لابوكي يديه لعم خليل و نروح احنا نستحمي و نغير هدومنا و نعمل لقمه ناكلها
شهد/معلشي يا ماما تعبتي انهارده
ام شهد/دي اقل حاجه نعملها لقمر دي امها مكنتش بتسيب حد خالص ربنا يرحمها و يسعدك يا قمر يا بنتي و يوقفلك ولاد الحلال
شهد/اللهم امين يارب يلا بينا
ام شهد/يلا
و هبط الاثنين معا من المنزل و عادو الي منزلهم مره اخري بعد تفريغ ما به
🌿🌿🌿🌿🌿🌿🌿🌿🌿
في منزل كارم السيوفي
بداخل المطبخ ساعدت قمر امينه في تحضير الافطار
امينه/ما شاء الله عليكي انتي ليكي في المطبخ و كدا
قمر/علي ادي كدا
امينه/لا واضح انك شاطره بقولك ايه جهزي انتي الفطار و انا هروح اصحي الجماعه و اجهز السفره
قمر /حاضر
قامت قمر بتجهيز الفطار التي قالت لها امينه عليه و ذهبت امينه لتفعل ما قالته لها
و عندما عادت وجدت قمر احضرت الفطار علي اكمل وجه ذهبت امينه لترص اطباق الافطار علي السفره و هبط الجميع لتناول وجبه الافطار
و عاده امينه مره اخري الي المطبخ مع قمر
امينه/ يلا تعالي افطري انتي كمان
قمر /لا متشكره مليش نفس و الله
امينه/لا مش ممكن و عودي نفسك مش لما اقولك حاجه تعرضيني
قمر/حاضر
و همت قمر لتناول الطعام استمع لصوت من الخارج ينادي امينه وقع قلبها بقدمها خوفا من انها تكون فعلت شيئ خاطئ اثناء تجهيز الافطار
ذهبت امينه علي الفور عند استماعها للصوت و عادت مره اخري وجدت قمر كما هي لم تمس طعامها بالاضافه الي اصفرار و جهها
تقدمت نحوها امينه في حنو و هي تربط علي كتفها
امينه/مالك يا قمر وشك اصفر كدا ليه
قمر /هما كانو عايزين ايه
امينه/عايزين مايه انتي بقه مالك
قمر /خوفت اكون بوظت حاجه في الفطار و اطرد قبل ما اشتغل
امينه/دا انتي قلبك ضعيف قوي
قمر/…………..
امينه/متقلقيش من حاجه خالص و اصحاب البيت هنا ناس طيبه جدا و مش بيعملو حد وحش حتي لو غلطو بيتكلمو براحه متخفيش منهم خالص هتحسي انك عايشه في وسط اهلك مفيش بس غير الضيوف الموجودين دول هما اللي طبعهم وحش لو ربنا كتبلك و اشتغلتي هنا تجنبيهم نهائي لحد ما يمشو
قمر/و هما هيمشو امتي
امينه/محدش عارف
قمر/ربنا يستر
امينه/هيستر ان شاء الله
🌿🌿🌿🌿🌿🌿🌿🌿🌿
و بعد انتهاء الافطار في منزل كارم السيوفي
ذهب مالك و مصطفي الي العمل و ذهب الجد كارم الي غرفه مكتبه و جلست و فاء و قسمت و نيلي في الصالون
قدمت اليهم امينه المشروبات التي قامو بطالبها و استئذنت وفاء بان تتحدث معها علي انفراد
امينه/بعد اذنك يا وفاء هانم ممكن كلمه
وفاء/بعد اذنك يا قسمت راجعه علي طول
قسمت/اتفضلي
ذهبت وفاء بصحبه امينه الي خارج الصالون
وفاء/خير يا امينه
امينه/البنت اللي كلمت حضرتك عليها جات
وفاء/هي لسه جايه
امينه/لا دي هنا من بدري
وفاء/طب خاليها تستلم شغلها و فهميها تعمل ايه
امينه/طب حضرتك ممكن تشوفيها الاول
وفاء/اشوفها ليه مش انتي ضمنها
امينه/ايوة ضمناها برقبتي دا غير ان شكلها غلبانه قوي و ملهاش حد
وفاء/طب خلاص. شوفي الصح و اعمليه
امينه/بس… يعني… اصل
وفاء/في ايه يا امينه ما تتكلمي علي طول
امينه/افضل حضرتك تشوفيها
وفاء/امرك غريب
امينه/معلشي
وفاء/امري لله هيا فين
امينه/في المطبخ
وفاء/طب اتفضلي قدامي
امينه/حاضر
و ذهبت امينه باتجاه المطبخ و من خلفها كانت وفاء
امينه/احم قمر
رفعت قمر راسها بعد ما كانت منحنيه للاسفل في توتر
قمر /نعم
و لمحت خلفها امراه اقل ما يقال عنها انها جميله و رشيقه و لم تحدد بعد كام عمرها
امينه/قمر دي ست وفاء اللي كلمتك عنها
وقفت قمر من مقعدها تنظر لها و وفاء هي الاخري تنظر اليها و هذا ما جعل قمر تتوتر اكثر فا اكثر و قلبها يخفق بشده لخوفها الذائد بانها تخسر هذا العمل
اما بالنسبه لوفاء فكانت صدمه حلت علي وجهها حينما راتها و تحكمت في اعصابها و تلاشت الصدمه من ملامحها كي لا تحزنها او تحرجه بنظرتها حاولت قدر الامكان ان تكون طبيعيه و هي تتحدث
وفاء/هي دي يا امينه
امينه /ايوة يا ست هانم دي قمر
وفاء/اسمك قمر
قمر /ايوة
وفاء /اسمك جميل
قمر /ربنا يخليكي يا هانم
وفاء/اقعدي يا قمر واقفه ليه
جلست قمر و في مقابلها كانت وفاء
وفاء/شوفي وراكي ايه يا امينه
امينه/حاضر يا هانم
وفاء/قوليلي يا قمر انتي اشتغلتي قبل كدا
قمر /لا
وفاء/طب و عايزه تشتغلي ليه
قمر بتوتر/ع علشان.. ا اصرف علي نفسي
وفاء/انتي مالك متوتره ليه كدا انا بدردش معاكي متتوتريش
قمر /حاضر
وفاء/امال فين اهلك
قمر /ولدي مات من تلات سنين و امي من شهرين
وفاء/ربنا يرحمهم…. و انتي ملكيش حد تاني
قمر /لا مليش
وفاء/لا قرايب مامتك و لا باباكي
قمر/انا وعيت علي الدنيا لقيت اهلي مقطوعين من شجره ملناش حد خالص
وفاء/انا عرفت انك لسه مخالص ثانويه عامه و عايزه تكملي درستك
قمر/ايوة حلمي و حلم بابا انه يشوفي مهندسه
وفاء/طب و هتقدري توفقي بين شغلك و درستك
قمر /ايوة ان شاء الله هقدر
وفاء/و ان مقدرتيش هتعملي ايه الهندسه صعبه
قمر /ان شاء الله هقدر و ان مقدرتش هسيب الدراسه و انتبه لشغلي
وفاء/و تتخلي عن حلمك علشان الشغل
قمر/ما هو الشغل دا اللي هيخليني اعرف اعيش و احقق حلمي من غير الشغل هموت من الجوع و حلمي هيضيع
وفاء/لا ان شاء الله هتكملي حلمك و تبقي اكبر مهندسه
قمر /يارب
وفاء/و انا في ضهرك لو احتاجتي اي حاجه هتلاقيني موجوده
قمر/ربنا يباركلك يارب
وفاء/سؤال اخير
قمر /اتفضلي
وفاء/هو انتي ايه اللي حصلك متهيقلي انتي متولدتيش كدا
عاد التوتر الي قمر مره اخري و لم تعلم بماذا تجيب و بعد مده من الوقت
وفاء/لو مش عايزه تجوبي مفيش مشكله
قمر /لا عادي دي حادثه حصالتلي بعد موت ولدي
وفاء/انا اسفه اني فكرتك بحاجه ذي دي
قمر /لا و يهم حضرتك دي حاجه بفتكرها لما ببص في المرايه او اشوف نظرات الناس ليا
وفاء/ليه انا عايزاكي تبقي عندك ثقه في نفسك و ميهمكيش لا نظرات و لا كلام حد الانسان مش بشكله الانسان بعمله و اخلاقه
قمر/ان شاء الله اكون عند حسن ظن حضرتك
وفاء/ان شاء الله
قمر/طب اتفضلي حضرتك
وفاء/ايه دا
قمر /دي البطاقه بتاعتي علشان حضرتك تطمني اكتر
وفاء/عيني بطاقتك تاني انا اطمنت من ساعه ما شوفتك و اطمنت اكتر لما اتكلمت معاكي
قمر/ربنا يريح قلبك زي ما فرحتيني
وفاء/ان طولت عليكي خالي امينه توريكي المكان اللي هتنامي فيه و توريكي هتعملي ايه
قمر/حاضر
و عادت وفاء الي حيث شقيقتها
قسمت/ايه كل دا يا وفاء كنتي فين دا كله
وفاء/كنت بشوف البنت اللي جات تساعد امينه
نيلي/و انتي اللي بتشوفي الخدامه بنفسك يا خالتو
وفاء/مسمهاش خدامه اسمها مساعده يا نيلي
قسمت/يعني هي مساعده الوزير يا وفاء دي جايه هنا علشان تخدم علينا
وفاء/لا مش جايه تخدم عليكم يا قسمت دي جايه تساعد في تنضيف البيت
قسمت/و مالك محموقه عليها ليه كدا
وفاء/علشان انا مش هسكت لو حد دايقها بكلمه خصوصا انتي يا قسمت
قسمت/انتي ازاي تتكلمي معايا كدا و لا علشان في بيتك قولي بقه انك مش طيقانا و بتطردينا من هنا بالادب
وفاء/لا يا قسمت مش كدا خالص انا بس بعرفك و كفايه قوي اللي مشيو من هنا
قسمت/و احنا مالنا و مال اللي مشيو
وفاء/اوعي تكوني فاكره يا قسمت اني معرفتش اللي عاملتيه انتي و بنتك في البنتين اللي مشيو انا سكت بمزاجي لكن المره اللي جايه مش هسكت
قسمت/دا تهديد يا وفاء
وفاء/اعتبريه زي ما تعتبريه عن اذنك
و قامت وفاء و صعدت للاعلي لتنال بعض الراحه
و ظلت قسمت و ابنتها كما هما
نيلي/هي تقصد ايه بكلامها يا مامي
قسمت/و الله مش عارفه بس الواضح كدا انها عارفه كل حاجه
نيلي/طب و العمل
قسمت /نهدي اللعب شويه احنا عايزين نكسبها في صفنا مش تبقي ضدنا
نيلي/ماشي يا مامي
🌿🌿🌿🌿🌿🌿🌿🌿🌿
و جاء موعد الغداء و جاء مالك و مصطفي من الخارج و صعدو سويا لتبديل ملابسهم و هبطو مره اخري و اجتمع الجميع حول السفره لتناول الطعام
و مازلت امينه تحضر بعض الاشياء مثل الماء و العصائر
مصطفي/ايه يا وفاء اكلك احلو ليه كدا
مالك/فعلا يا بابا حتي الفطار كان طعمه متغير للاحلي
وفاء/معاكم حق اكلك احلو فاجئه ليه كدا
امينه/اخص عليكم يعني كان اكلي وحش في الاول
كارم/هما ميقصدوش هما بس يقصدو ان الاكل احلو فاعايزين يعرفو السر في دا
امينه/علشان………….
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية قمر مشوه)