رواية عيون زرقاء الفصل الثاني عشر 12 بقلم فيروز

رواية عيون زرقاء الفصل الثاني عشر 12 بقلم فيروز

رواية عيون زرقاء البارت الثاني عشر

رواية عيون زرقاء الجزء الثاني عشر

رواية عيون زرقاء الحلقة الثانية عشر

حمدى : هو مفيش حد هنا ولا ايه
ياسمين بتعب شديد : معرفش يمكن ماما فى السوق خد المفتاح افتح انا مش قادره أقف
فتح حمدى الباب ولكن سقطت ياسمين مغمى عليها ولحقها حمدى وسندها
حمدى بلهفه : ياسمين ياسمين مالك
حملها على الفور و دخل بها الى المنزل وهو يحملها يحمل حب عمره بين زراعيه فيريد أن يتوقف الزمن عند هذه
اللحظه ودخل الى الغرفه ووضعها على السرير
حمدى بلهفه وخوف عليها : ياسمين فوقى ياسمين مالك
اقترب منها وفك حجابها ومسك يديها يدلك بها كى تفيق ولكن هى لم تستجيب نظر لها بلهفه وخوف و حب ووضع يده على شعرها ووجهها يتحسسه وبدون وعى منه تحركت بداخله رغبه مكبوته فلا يستطيع مقاومة تلك الرغبة فمال عليها ليسرق قبله ليست من حقه كان يقبلها قبلة عاشق غابت عنه معشوقته واخيرا وجدها وهى الان بين يديه يحتضنها ويقبلها بكل حب ولا يريد أن يبعدها عنه ابدا
تململت على آثار تلك القبله وكأنها قبضت روحها لتفتح عينها ببطء وتنصدم بهذا السارق لتدفعه بيعدا عنها كى تتنفس ولكن هو غارق فى بحر حبها فبدأت تدفعه بقوه واخيرا بعد محاولات عديده ابتعد عنها وهو يلهث ونظر لها نظره مكسوره نظرة خزى لما حدث وليس ندم
ياسمين وهى تحاول ان تتنفس وتصرخ به : انت مجنون
حمدى بانفاس عاليه وصوت متقطع : انا اسف فعلا اسف معرفش انا عملت كده ازى بس مقدرتش امنع نفسى
ياسمين وهى تحاول أن تتنفس : تمنع نفسك من ايه يا حيوان انت اكيد اتجننت
حمدى بصوت عالى وصراخ بهستريا : ايوه انا اتجننت اتجننت بحبك اتجننت لما سيبتك اتجننت لما خليتك تتجوزي واحد غيرى
ياسمين بصوت عالى : انت فعلا مجنون ومش طبيعى إزى تقرب منى و إزى تعمل كده
حمدى بعصبيه : إزى اعمل كده انا كان لازم اعمل كده من زمان ومش بس كده واكتر من كده كمان
وهجم عليها مره اخرى يقبلها بشده وهى كالفريسه الضعيفه بين يديه لا تستطيع أن تفلت منه لا تسطتيع إلا البكاء والتوسل له ولكن هو لا يسمع صوتها لا يسمع سوى صوت شيطانه
ياسمين بضعف وانكسار وبكاء : بالله عليك ابوس ايديك يا حمدى سيبنى متفضحنيش انا بنت عمك وانا… اناااا حامل ابوس ايدك سيبنى

 

 

 

 

فأفاق لنفسه وابتعد عنها وهو يستغفر ربه وينظر إلى حالتها
حمدى ببكاء وانهيار : غصب عنى حبك دمرنى ومش قادر استحمل بعدك
ياسمين ببكاء : انت ابن عمى يعنى زى اخويا وانا زى اختك ترضى لأختك كده بلاش اختك ترضها لمراتك تقبل أن واحد تانى يلمس مراتك
حمدى وهو مازال يبكى : انا مبحبشهاش امى جوزتهالى غصب عنى لما انتى سيبتينى كل ما أقرب منها بتخيلك انتى مكانها يعنى انا لما ببقى معاها انتى اللى بتبقى فى خيالى انتى اللى بتبقى مكانها
ياسمين اتعصبت عندما سمعت هذا الكلام فكيف يتخيلها هكذا
ياسمين : انت مجنون إزى تقولى الكلام ده اطلع بره
حمدى بإنكسار : قوليلي يا بنت عمى اعمل ايه فى حبك اللي مش راضى يفارق خيالي فى صورتك اللى على طول قدامى فى صوتك اللي مبسمعش غيره اعمل ايه
ياسمين بحزن على حال ابن عمها : انسانى يا حمدى انسانى و حب مراتك فكر فيها هى اكيد هتلاقى فيها حاجه حلوه تحبها علشانها عيش وسيبنى انا كمان اعيش انا بحب جوزى وعمرى ما حبيت غيره فاهمنى يا ابن عمي
حمدى نظر إلى الأرض بخجل : فهمك يا بنت عمى و انا اسف واوعدك انى هحاول احب مراتى بس انتى سامحيني على اللي حصل صديقينى غصب عنى
ياسمين : خلاص يا حمدى بس اطلع احسن حد يجى
حمدى : خلاص انا همشى بس هبقى اطمن عليكى من مرات عمى و انا اسف
بدأت ياسمين تظبط نفسها وتلف حجابها
حمدى مسح دموعه وخرج من الغرفه واتجه إلى الباب وقبل أن يخرج وجد حنان و مصطفي الذى نظر له نظره ناريه عندما رأه 😲😠
حنان بدهشه 😲 : حمدى انت هنا ليه
حمدى بارتباك : ااااصل ياسمين
مصطفي نظر له باستغراب : ياسمين مالها وانت مالك ومال ياسمين وايه إلى دخلك هنا
وتركه ودخل مسرعا إليها
ياسمين عندما رأت مصطفي شعرت بالخوف والارتباك وبدون وعى سألته 😲😱
ياسمين بصوت مرتعش : مصطفي انت جيت ليه
مصطفي نظر لها بتعجب وتحدث بصوت عالى : جيت ليه انا اللى جيت ليه ولا الاستاذ اللى بره ده هو اللي جه هنا ليه وكان بيعمل ايه
ياسمين بخوف : أهدا يا مصطفي ووطى صوتك
مصطفي بعصبيه : انا مش ههده ومش هوطى صوتى واحب اعرف دلوقتى حالا إزى انت وهو هنا لوحدكم ومفيش حد فى البيت
ياسمين ببكاء : والله يا مصطفي أنا كنت جيه لماما وقبلت حمدى بالصدفه قرب البيت وكان بيسلم عليا عادى فجأه دوخت وهو وصلنى بس ده الحصل
مصطفي بنرفزه : وانا المفروض يعنى أصدق الكلام ده
عيون زرقاء بقلم : فيروز محمد
ياسمين بغضب : يعنى ايه مش فاهمه قصدك
مصطفي بصوت عالى : ما يمكن تكونو متفقين تتقبلو هنا
تكلمت حنان عند سماع هذا الاتهام الجارح
حنان بغضب : أخص عليك يا مصطفي بقى بتقول الكلام ده على ياسمين
مصطفي ادرك ما تفوه به وتحدث بخحل : آسف يا ماما بس

 

 

 

 

فقاطعه حمدى لكى يخرج ياسمين من هذا الموقف : والله يا بشمهندس ياسمين وقعت قدام البيت وانا خوفت عليها فوصلتها ياسمين زى اختى مكنش ينفع اشوفها كده واسبها
ياسمين ببكاء😭😭 : والله ده اللى حصل انت مش واثق فيا
مصطفي حس أنه تسرع فى موقفه وتحدث بأسف : غصب عنى خلاص انا اسف متعيطيش بقى تعالى نروح للدكتور علشان نطمن عليكى
ياسمين ببكاء 😢😢 : لأ مش هروح معاك
حنان : قومى مع جوزك ياسمين دا جى قلقان عليكى علشان الحجه عواطف اتصلت بيه وقالتله انك كنت دايخه وقابلنى وانا جيه وقالى انه جي يخدك علشان يكشف عليكى قومى يا حبيبتى ربنا يهديكى
قامت ياسمين بدون مجادلات كثيره لأنها تعلم ان مصطفي على حق ولكن لا تستطيع أن توضح هذا وخصوصا ان حمدى وعدها أن يتغير وهى لا تريد أن تأذيه أكثر من ذلك ولا تريد أيضا أن تفضح نفسها فمهما بررت فلن يصدقها
*******************************
ذهبت معه إلى الدكتور وبعد الكشف
الدكتور : مبروك يا مدام ياسمين انتى حامل
مصطفي بفرحه : بجد يا دكتور
الدكتور ابتسم : لا بهزار طبعا بجد
ياسمين : بس الصداع والدوخه وكمان انا اغمى عليا
الدكتور : دا طبيعى فى بداية الحمل وكمان انتى ضغطك واطى و ضعيفه الفتره دى لازم الراحه التامه علشان يمكن يكون توأم
ياسمين بفرح : توأم
الدكتور : ممكن وكمان هنتأكد المره الجايه بس زى ما قولت لازم الراحه وتعملى التحايل دى ضرورى وتمشى على العلاج ده
مصطفي : شكرا يا دكتور
******************************
طول الطريق يحاول أن يكلمها ويعتذر لها ولكن هى لا تتكلم معه فرغم أن هو على حق ولكن لا تتخيل أنه يشك بها ويتهما بهذا الاتهام
وعندما وصلو إلى البيت
عواطف بلهفه : ايه طمنى يامصطفي
مصطفي بفرحه : ياسمين حامل يا ماما
عواطف بفرح : أحمدك يارب انا كنت حسه الحمدلله لولولولولولوى لولولولولولوى الف مبرووك
مصطفي : ههههه الله يبارك فيكي ايه هتفضحينا
عواطف : فضيحة ايه دا يوم الهنا الف مبروك يا ياسمين
ياسمين بدون نفس : الله يبارك فيكي يا ماما
عواطف باستغراب لحال ياسمين : مالك يا ياسمين انتى مش مبسوطه ليه
ياسمين : مفيش بس تعبانه شويه
مصطفي : اصل ياسمين اغمى عليها لما راحت عندهم
عواطف بخضه : يا حبيبتى اغمى عليها والدكتور قال عادى يعنى ولا ايه
مصطفي : الدكتور بيقول ضغطها واطى وكمان هى ضعيفه و لازم تتغذى كويس علشان يمكن يكون توأم
عواطف بفرحه : توأم الله أكبر دا انا هدبح عجل بصى بقى يا ياسمين من هنا ورايح تريحى نفسك خالص وكمان الكليه بلاش تروحى قد كده وكمان بلاش الدلع بتاعك فى الاكل ده لازم تتغذى كويس علشان ربنا يكملك على خير يا حبيبتى
ياسمين بملامح جامده : حاضر يا ماما بعد اذنك اصل تعبانه
عواطف : مالك يا ياسمين مصطفي مزعلك ولا حاجه
ياسمين : ابدا مفيش
مصطفي : بصراحه يا ماما ياسمين زعلانه مني خليها متزعلش و تكلمني بالله عليكى
عواطف اقتربت من مصطفي ومسكت أذنيه : انت يا ولد مزعل بنتى حبيبتى ليه هو انت مفكر انك لما تزعل بنتى هسكتلك قوللى يا ياسمين عمل فيكى ايه وانا هملصلك ودانه

 

 

 

 

ياسمين اخيرا ابتسمت : لا يا ماما الموضوع مش مستاهل
عواطف اقتربت منها : معلش يا بنتى هو فى أول الجواز كده لازم يحصل شوية مشاكل علشان كل طرف مش فاهم التانى بس بالحب والتفاهم لازم تعدى المرحله دى ومصطفي بيحبك
مصطفي : ايوه قوللها والله يا ماما بحبها ومستعد اعمل اي حاجه علشان تسامحني وترضى عنى
عواطف بمكر : اي حاجه اي حاجه
مصطفي : ايوه طبعا وجربى
عواطف : خلاص ياسمين بنتى حبيبتى هتبات عندى فى حضنى النهاردة وانت خش صحى ابوك وخده يبات معاك
مصطفي : من دى اللى تبات فى حضنك معطلكيش يا حاجه
ومسك ايد ياسمين : يلا ياسمين لنا اوضه فوق وهعرف اصالحك فيها قال تبات فى حضنها قال هو انا اعرف انام غير فى حضنها تصبحي على خير يا حاجه
وبعث لها بوسه فى الهواء 😘
ياسمين ابتسمت وذهبت معه
عواطف : ههههه وانت من اهل الخير يا حبيبي ربنا يهنيكم ويكملك على خير يا ياسمين يارب
***************************
فى غرفتهم ياسمين غيرت ملابسها وجلست امام المرأه تمشط شعرها ومصطفي جلس على السرير ينظر لها وهى لا تعيره اى اهتمام
مصطفي : هو الجميل هيفضل زعلان منى كتير
ياسمين بجديه : انا مش زعلانه
مصطفي : طب تعالى اقعدى جمبى
ياسمين : لأ انا مش هنام نام انت
مصطفي : وانا قولت نامى تعالى بس اقعدى جمبى
وقام مسك يدها واجلسها وجلس بجوارها
مصطفي : خلاص بقى ياسمين ميبقاش قلبك اسود كده انا اسف والله غصب عنى الدم طلع فى نافوخى لما لاقيته معاكى وانتى عارفه يعنى انه …..
ياسمين : عارفه ان انت معاك حق بس لدرجه انك تشك فيا يا مصطفي
مصطفى : والله غصب عنى خلاص بقى والله بحبك ومقدرش على زعلك وبعدين النهاردة عندنا مناسبه سعيده مش هنحتفل ولا ايه وغمز لها بعينه 😉😉
ياسمين رغما عنها ابتسمت : لأ طبعا انت نسيت كلام الدكتور
مصطفي : هو انتى على طول كده اغراضك دانيئه دماغك بتروح لحاجات استغفرالله العظيم
ياسمين : ههههه امال هنحتفل إزى
مصطفي : مع ان مفيش مانع يعنى من الاحتفال ايااه بس يالا علشان خاطر ولاد ال ….. نستحمل وربنا يقوينا بس عايز أعزم امك واخواتك وجمال
ياسمين : بس ماما زعلت منك النهاردة ومش هترضى تجى

 

 

 

 

مصطفي : متقلقيش انا هروح اصلحها واكيد مش هتزعل وخصوصا لما تعرف بالحمل يا ام العيال
ياسمين : هههه ماشى يا ابو العيال
مصطفي : بس من دلوقتى اهوه ولد ولا بنت انا عايز عيون شكل عيونك الزرق الحلوين دول مليش فيه
ياسمين : يعنى اعمل ايه
مصطفي : معرفش انا لحد كده عملت اللى عليه ودلوقتي جه دورك ركزى شويه
ياسمين : هههه ربنا يسهل
مصطفي غمز لها بعنيه : مش يالا بقى
ياسمين : هههه يالا ايه
مصطفي : ننام
واقترب منها ليقبلها وحينها تذكرت تقبيل حمدى لها فبعدت عنه على الفور
مصطفي : مالك ياسمين انتى كويسه جسمك بيرتعش كده ليه عيون زرقاء بقلم : فيروز محمد
ياسمين : مفيش بس تعبانه وعايزه انام معلش يا مصطفي
مصطفي : انت لسه زعلانه
ياسمين : لأ ابدا بس تعبانه اكيد من الحمل
مصطفي : خلاص يا حبيبتى نامى
نامت وهى تفكر فيما حدث وهل هذه خيانه لزوجها ولكن عندما قبلها حمدى كانت مغمى عليها ولا تشعر بشئ و رغما عنها وان أخبرت مصطفي ممكن أن يكون هذا تدمر لحياتها فقررت الصمت
*******************************
بعد خمس شهور من الحمل ذهبت ياسمين هى ومصطفي للدكتور لمتابعه الحمل وقبل الكشف
الدكتور : اذيك يا مدام ياسمين ايه الاخبار
ياسمين : الحمدالله يا دكتور انا كده بقالى خمس شهور يكون نوع الجنين بان
الدكتور : نطمن عليكى الأول وبعد كده نشوف
بعد الكشف
الدكتور : عايزه ايه بقى يا مدام ياسمين
ياسمين : كل اللى ربنا يجيبه حلو بس انا بحب البنات
الدكتور ابتسم : خلاص يا ستى مبروك مش بنت وحده دول اتنين
ياسمين بفرح : بجد بنتين
مصطفي بفرح : بنتين الله بس بشرط يجو شكل امهم
الدكتور ابتسم : لحد كده بقى مليش فيه يا بشمهندس ههههه
مصطفي : بس أهم حاجة يبقى هما وامهم صحتهم كويسه
الدكتور بتحذير : ده اللى كنت هقول عليه مدام ياسمين لازم ترتاح على الاخر وممنوع الانفعال الان الضغط عندها مش مظبط و عندها انميا فلازم تاخد بالها من نفسها اليومين دول و تتغذى كويس
ياسمين : والله يا دكتور مش بتحرك حتى الكليه مش بروح خالص وباكل كويس
مصطفي : لا يا دكتور مش بتاكل وعلى طول بنتكلم في الموضوع ده
الدكتور بتحذير : لأ الانميا عاليه فلازم تتغذى كويس علشان لو كده هتحتاج نقل دم
ياسمين : خلاص يا دكتور ه أن شاء الله هأخد بالى
وطول الطريق ياسمين فرحانه
ياسمين بفرح : الحمد لله يارب بنتين الله انا هلبسهم شكل بعض وكمان هسرحلهم شكل بعض
مصطفي : طب ياستى بس انتى خدى بالك من نفسك الأول شوفي الدكتور قال ايه
ياسمين : ايوه الأسماء هنسمى ايه فكر معايا
مصطفي : اللي انتى تختاريه يا حبيبتى
ياسمين بعد تفكير : ايه رأيك في اسم يارا وسارة
مصطفي : يارا وسارة حلو بس ياحبيبتي خلى بالك من نفسك انتى عارفه انا مستغناش عندك
ياسمين : انا كمان يا حبيبى مستغناش عنك انا فرحانه قوى قوى يا مصطفي
مصطفي مسك يدها وقبلها : ربنا يفرحك يا حبيبت قلبى
********************************

 

 

 

 

فى بيت حنان ذهبت ياسمين كى تزورهم
حنان : عامله ايه ياسمين يا حبيبتى
ياسمين بتعب : الحمدالله يا ماما بس مش قدره اخد نفسى خالص عيون زرقاء بقلم : فيروز محمد
حنان : معلش يا بنتى هانت فاضل شهرين وبعدين دول توأم الله يكون فى عونك
ياسمين : بس عارفه يا ماما رغم التعب فرحانه فرحانه قوى نفسى أولد واشوف البنات واخدهم فى حضنى
حنان : يارب ياحبيبتي يقومك بالسلامه وتفرحى بيهم اجبلك لقمه تكليها
ياسمين : لا مش هقدر يا ماما بقولك مش قدره اخد نفسى ياسر وسالى فين
حنان : ياسر فى المحل انت عارفه يدوب بيجى من الكليه يروح على طول وسالى فى الدرس زمنها جيه
ياسمين : ربنا يقويهم وعمى مرسى ومرات عمى أخبارهم ايه
حنان : كويسن
ياسمين بتردد : وحمدى عامل ايه مع مراته
حنان : انا كنت عندهم من يومين ابنه بسم الله ماشاءالله قمر وحمدى فرحان بيه بشكل
ياسمين : يعنى كويس مع مراته دلوقتى
حنان : احسن من الاول بكتير كان الاول على طول بيضرب فيها ومغضبها بس دلوقتى كويس معها وخصوصا بعد ما خلفت برضو العيال بتغير ربنا يهدى سرهم
ياسمين : ايوه يارب
سمعو طرق الباب
حنان دى تلقيها سالى أما اقوم افتحلها دى هتفرح قوى لما تشوفك
وقامت فتحت الباب
سالى : ايه انتى نايمه ولا ايه بخبط بقالى ساعه
فرضت عليها ياسمين
ياسمين : 😂😂 ساعه ايه يا كدابه
سالى بفرح : ياسمييين
جرت عليها واحتضنتها
ياسمين : عامله ايه يا حبيبتى
سالى : الحمدلله يا قلبى وحشاني
ياسمين : انتى اكتر أخبار المذاكره ايه
سالى : الحمدلله ماشيه ايه أخبار الكرنبه دى ايه
ووضعت يدها على بطن ياسمين
ياسمين : 😂😂 الكرنبه دى مطلعا عينى
سالى : مش مهم عينك المهم حبايب خالتهم دول خلى بالك منهم
ياسمين : انا مش مهم طيب لما يجو هخليهم يطلعو عينك انتى عيون زرقاء بقلم : فيروز محمد
سالى : دا هيبقى على قلبى زى العسل
بعد وقت من الحديث قامت ياسمين
ياسمين : انا هامشى بقى يا ماما علشان متأخرش
سالى : ايه هو انا لحقت اقعد معاكى خليكى شويه
حنان : خليكى شويه ياسمين هتمشى إزى استنى مصطفي يجى يخدك
عيون زرقاء بقلم : فيروز محمد

 

 

 

 

ياسمين : معلش انتى عارفه انا جايه بالعافيه ماما عواطف بتخاف عليا من المشى و بصراحة انا تعبت من قعدت البيت فتحججت بزيارتكم علشان امشى شويه ومش عايزه اركب العربيه عايزه امشى اشم هوى
حنان : معلش يا ياسمين خالص هانت
ياسمين : يارب يا ماما علشان انا تعبت يالا سلام عليكم
سالى : استنى هاجى اوصلك
ياسمين : لا خليكى انا همشى لوحدى
حنان : خليها توصلك روحى يا سالى مع اختك
ذهبت سالى مع ياسمين وحنان تدعى الله ان يكمل لها على خير

يتبع..

• لقراءة الفصل التالي: اضغط هنا
• لقراءة باقي حلقات الرواية اضغط على (رواية عيون زرقاء)