حب رغم الفوارق الاجتماعية الفصل التاسع 9 بقلم زهرة عصام

حب رغم الفوارق الاجتماعية الفصل التاسع 9 بقلم زهرة عصام

حب رغم الفوارق الاجتماعية البارت التاسع

حب رغم الفوارق الاجتماعية الجزء التاسع

رواية حب رغم الفوارق الاجتماعية الحلقة التاسعة

التسقت غزل بوالدها ممسكه زراعية بشدة عله يتراجع عن قراره بشأن اقامتها بتلك البلده
يوسف انتي لازقه فيا كدا لي يا غزل اتاخري شوية يا حبيبتي انا مش هطير ثم أكمل ببرود قائلا و بخصوص اللي في دماغك دا الغيه
نفخت غزل بغيظ تحت نظرات الشماتة من قبل وحيد الذي أقسم بقراره نفسه أن يصلح من شأنها و اعاده تربيتها من جديد
وهدان يلا يا ولدي عشان الغدا و انتي يا بنتي ادخلي مع الحريم جوا
غزل بخوف لا مش هسيب بابا .. ثم تشبتت بزراع والدها أكثر
وحيد بصرامة سمعتي اللي جدك قاله يلا جومي مع الحريم جوا
هزت غزل رأسها نافية ما قاله .. حاولت التحلي ببعض الشجاعة لتقف أمامه فمن هو حتي يأمرها ..
وحيد بخبث و صرامة أكثر يعني انتي مش هتسمعي الكلام ابوكي كلها يوم و هيمشي و هتقعدي هنا لوحدك و.. لم يكمل حديثة حتي انتفضت غزل من مكانها بسرعة قائلة اروح فين..
اشار لها وحيد على غرفة قائلا روحي الاوضه دي هتلاقي الحريم هناك .. أسرعت غزل في مشيتها متجه إلى تلك الغرفة و هي تتمتم ببعض الكلمات الغير مفهومة ..فهي قد فكرت في الأمر ماليا ..والدها لن يتراجع عن قراره و ستبقي هنا بمفردها مع تلك العائلة التي بغضتها منذ البداية ..
وحيد بتقولي حاجة سامعك بتبرطمي و معترضه
غزل بغيظ مبقولش متزفته راحة عند الزفت الحريم اهو .. دا أي الغلب دا بس يا ربي.. دا انا شكلي داخله على مرار طافح ..
يوسف بصدمة دي سمعت كلامك يا وحيد انت متخيل دي ولا بتسمع كلام حد و ممرمطه اخواتها بعندها و انانيتها اوي
وحيد بغرور و انا أي حد وألا اي يا دكتور يوسف دا انا وحيد المرشدي .. سبها بس انت علي الله و أنا و ابويا هنقوم معاها بالواجب
يوسف بقلق بس براحه عليها يا وحيد.. انا عارف انها مش وش بهدله بس هي تخطت الحدود خالص .. ولا راضية تسمع لحد ولا حتي بتحاول تغير من نفسها دي حتى بقت تتمني الموت لاخواتها ..

وحيد بثقة متقلقش يا دكتور يوسف باذن الله هينصلح حالها و هتبقي عال العال و بعدين عندك امي جوا اهي و هتاخد بالها منها و هتعلمها كل حاجة .. انت عارف امي الحاجة هويدة ميعجبهاش الحال المايل
وهدان توكلنا على الله يا ولدي انت هتشد عليها و انا هرخي .. لان مينفعش الكل يشد عليها .. و الحاجة هويدة انا هفهمها تعمل اي
………….💕 اذكروا الله 💕 …….
دلفت إلي تلك الغرفة فوجدت العديد من النساء بها .. نظرت إليهم برهبه فهي لم تعتاد عليهم بعد
هويدة تعالى يا بتي متتتكسفيش انتي بنت الدكتور يوسف
هزت غزل رأسها لاعلي و لاسفل و لم تنطق بحرف واحد
هويدة بطيبه تعالي اجعدي جاري و كلي يا جلبي ..
غزل بتردد لا شكراً يا طنط مش جعانة
سلوى بغيظ سبيها يا مرات عمي اللي ياكل على درسه ينفع نفسه .. هي هتاكل لما الجوع يقرص معدتها مش عارفه بيجوا منين العالم دول .. شايفة نفسك انتي علي اي
هويدة هي كانت كلمتك يا سلوى اياك هملي البنيه لحالها مش هنبتديها غيره حريم من دلوقتي
غزل بغيظ من طريقة سلوي معها فهي لم تعرفها بعد .. انتي بتكلميني كدا لي يا بتاعة انتي .. انتي مش عارفه انا مين وألا اي مسمحلكيش تكلميني كدا تاني ..وألا
قاطعتها سلوي بحاجب مرفوع و ببجاحه وألا اي يا حلوة .. انتي لازم تعرفي مين هما صحاب البيت هنا .. انتي عارفة اني ممكن ارميكي بره البيت دا في دجيجه
غزل بخبث والله البيت دا بيت جدو وهدان يعني تقريباً انتي هنا ضيفة و علي حسب معلوماتي انك بتقولي لتيتا يا مرات عمي يعني انتي عمتي صح يا طنط
نظرت إليها سلوي بغيظ ثم صاحت قائلة …
…….💕 اذكروا الله 💕 …….
أروي بغضب انتوا بتتكلموا عليا انا ؟!
تشجعت احدي الفتيات و وقفت أمامها قائلة ايوة بنتكلم عليكي انتي .. و بعدين هو احنا لوحدنا اللي بنتكلم ما الجامعة كلها بتتكلم و عارفه كل حاجة .. متحاولش تنكري كلنا عارفين انك بتتمحكي في الدكتور صخر عشان تقديرات بس اسليبك دي رخيصة أوي زيك بالظبط

احتدت نظرات أروي لها ثم صفعتها علي وجهه صفحة أعلنت بها عن غضبها
أروي بغضب اسمعي كويس يا بت انتي انا أشرف منك و من عشرة زيك .. مش انا الرخيصة يا حبيبتي . الرخيصه دي تبقي انتي اللي بتخوضي في سيره الناس بالباطل .. خصاره اني اضيح وقتي معاكي اشرحلك حاجة فيه انتي اصلا مش هتفهميها .. ثم نظرت اللي الواقفين معها و قالت عارفه إن دماغك زباله و تفكركم رخيص زيها بالظبط للاسف مش هعرف اغيره حتي لو حطيت ليكم ميت مبرر اللي في دماغكم هيفضل زي ما هو احسنلكم ملمحش حد فيكم قدامي النهاردة عشان مخلهاش مسخره الجامعة كلها .. كادت أن تغادرت و لكن استوقفتها تلك الفتاة قائلة القلم اللي دا هتدفعي تمنه غالي أوي .. بس قبل كدا انا برده عشرة و في وقتها .. كادت أن تصفعها و لكن امسكت أروي بيدها قائلة جربي اعمليها تاني و شوفي هيجرالك اي أما بالنسبة للي ناوية تعمليه هاتي اخرك
ثم تركتها واتجهت إلى مدرجها و قد كتمت دموعها بداخلها .. و ما زالت علامات الغضب على وجهها ..
………….💕 اذكروا الله 💕 …….
سجده يعني كان لازم دكتور سميح يجبنا سكشن النهاردة احنا اصلا مبنفهمش حاجة يجبنا لي دا أي الحزن دا بقي .. مهو اصل انا الغلطانة انا اللي بسمع الكلام و باجي و كل دا عشان الغياب لكن لو عليا طلاق تلاته ما هعتبها .. يكش بس نفلح بعد دا كل
لو ذاكرتي و عملتي اللي عليكي هتنجحي و بتقدير كمان .. نظرت إلي مصدر الصوت ثم ابتسمت بتوتر قائله مهو أنا بعمل اللي عليا والله بس المناهج دي زفت اوي و صعبة اوي
– لازم علشان توصلي لحلمك تتعبي انتي هتاخدي شهادة طب مش بالساهل يا حبيبتي لازم يطلع عينك علشان تبقي مركزه اوي و انتي بتشخصي المريض و تصرفيله العلاج مجلنا دا مفهوش مكان للغلط لازم علطول مصحصه و مركزه
سجده بداخلها و انا عملت اي يا جدعان عشان اخد المحاضرة الطويلة العريضة دي.. كل دا علشان اتكلمت بصوت عالي مع احزاني.. نظرت إلي القابعه أمامها و ما زالت تتحدث و قالت انتي صح معاكي حق. عشان كدا لازم اجري دلوقتي الحق المحاضرة اصل الدكتور مش بيدخل حد وراه سلام فرصة سعيد يا
– سلمي
سجده فرصة سعيد يا سلمي .. ثم تركتها و غادرت مسرعة الي المدرج
…………..💕 اذكروا الله 💕 …….

هنا بصدمة انا يا مها انا اسرقك لي دا انتي صحبتي الوحيدة هنا من ساعة ما دخلت المدرسة دي
مها ببكاء مزيف للأسف كنت فكراكي صديقه ليا لكن هي كدا الخيانه متجلكيش غير من اللي توثق فيهم اوي .. انتي حراميه يا هنا عارفه يعني اي حراميه
نظرت هنا الي المدرسة التي نظرت لها بشك ثم قالت بدموع قهره انا مش حراميه والله العظيم ما أخدت منها حاجة ولا حتى أعرف إن معاها غوايش
مها بكذب و بكاء مصطنع اعملي نفسك بريئة يختي .. محدش غيرك يعرف أن أنا معايا غوايش دهب
هنا بصدمة غوايش دهب .. ثم نظرت إلي المدرسة و قالت والله يا مس مني معرف حاجة عن اللي هيا بتقوله .. ثم اعطاتها الحقيبه قائلة اتفضلي حتي شوفي الشنطة بتاعتي اهي فتشيها
امسكت مني الحقيبه ثم بدأت بتفريغ محتوياتها الي أن أخرجت الأساور من الحقيقة .. نظرت هنا الي الحقيبة بصدمة قائلة مش ممكن انا و الله ما اخدش حاجة
مني بصرامة لكي تنهي الموضوع انتوا الانتين على اوضة المديرة تحت عشان هيتعملكم استدعاء ولي أمر
مها بخوف بس يا ميس مش انا الغلطانة هي اللي اخدت مني الغوايش
مني بزعيق و انتي تجيبي غوايش غاليه زي دي معاكي المدرسة لي .. مامتك عارفه بالموضوع دا اتفضلوا على تحت لحد ما يتصلوا باولياء اموركم
…………..💕 اذكروا الله 💕 …….
منذ أن استمع الى حديثهم و اتهامهم الباطل له هو ومن سكنت فؤاده و هو في حالة من الهياج العصبي .. ينتظر و بشدة موعد محاضرته ليلقنهم درساً قاسياً .. ظل يجول المكتب ذهاباً و ايابا إلي أن أن دقت الساعه الثانيه عشر فتوجه مسرعاً إلى المدرج و بداخله نار علي أتم استعداد لحرق كل من يقف أمامه .. وقف أمامهم و صاح باعلي صوت لديه و بعصبية شديدة .. أروي تعالي هنا … نظرت له و قد تلالات الدموع بعينيها ثم اتجهت إليه بقله حيلة .. وقفت أمامه و نكست رأسها للأسف .. نظر إليها بحزن ثم رفع رأسها بيده قائلا مقولتلهومش لي يا أروي علاقتنا ببعض اي .. نظرت إليه باستغراب و كادت أن تتحدث و لكن قاطعها مجددا قائلاً مقولتيش لي يا أروي انك خطيبتي .. ارتفعت الهمسات بين الحضور بينما نظر أروي إلي صخر باندهاش قابله هو بابتسامة و صغطه خفيفة على يدها لتساير الأمور قابلتهم حبيبة بابتسامة هادئة علي شفتيها .. نظر صخر الي الجميع و قال بصوت مرتفع ايوه أروي تبقي خطيبتي اللي خضوا في عرضها دي تبقي خطيبتي اي حرام تركب معايا العربية .. بلاش دي خدوا الكبيرة بقي عايشين في بيت واحد كمان .. قبل ما ترموا الناس بالباطل يستحسن انكم تسمعوا منهم الأول .. نظر إليها بابتسامة ثم قبل يدها و قال أنا آسف علي كل كلمه سمعتيها و أثرت على نفسيتك .. صدقيني حقك هيرجعلك .. ثم نظر إليهم مره أخري و قال ابقي اسمع حد بيتكلم في الموضوع دا تاني النهاردة مفيش محاضره بس هديكم درس دين قبل ما اخرج يا كبار يا اللي بتقرءوا كتاب ربنا

بسم الله الرحمن الرحيم
(إِنَّ الَّذِينَ يَرْمُونَ الْمُحْصَنَاتِ الْغَافِلَاتِ الْمُؤْمِنَاتِ لُعِنُوا فِي الدُّنْيَا وَالْآخِرَةِ وَلَهُمْ عَذَابٌ عَظِيمٌ) صدق الله العظيم .
ظل صخر يشرح لهم معني الآية الكريمة بينما شرد هي في ملامحه ودت لو احتضنته في الحال و بكت بشدة تشكو له ما تعرضت له .. افاقت علي انتهائه من الحديث و قوله يا رب تكونوا استفدم بحاجة يا متعلمين يا اللي المفروض كبرتوا .. ثم امسك بيد أروي و سار بها إلي الخارج بهدوء .. و ما إن خرج حتي قالت إحدى الفتيات لعبتها صح بنت اللذينه وقعته في شباكها و اتخطبوا .. ردت عليها أخري قائلة اتقي الله بقي انتي ماثرش فيكي الدرس اللي اخدتيه .. بينما قالت الأولي سبنالك الاستفادة انتي يا حبيبتي
…………..💕 اذكروا الله 💕 …….
هي مين دي اللي عمتك يعنيا دا انا اصغر منك يا بت انتي ..
غزل ببرود ايوه فعلا مهو واضح .. انتي واخدة في نفسك مقلب لي يا طنط دا انتي اكبر من امي
كادت أن تجيب عليها سلوي و لكن سبقتها الحاجة هويده قائلا متزعليش يا عزل يا بتي هي أكده سلوي بتاعت مشاكل ثم وجهت حديثها الي سلوي قائلة في أي يا سلوى عاد بتعملي معاها مشاكل و لسه البنيه ما جعدتش حدانا كام يوم لي
سلوى وه عاد يا مرات عمي بجا انا بتاعت مشاكل .. منتيش شايفه كيف عتتحدد عاد
هويدة يا بنت الحلال هي جت جنبيكي في حاجة دا لسه البنيه ما عرفتش اسمك و دخلتي فيها كيف الطور
سلوى بغيظ مهي اللي عتتكبر علينا يا خاله و بعدين خلاص اشبعي بيها اديني مهملاكم و راحه علي دار بوي صح المثل اللي عيقول من خرج مقداره يتقل مقداره ثم تركتهم و انصرفت و هي تتوعد لغزل
هويدة تعالي يا بنتي اجعدي جاري اوعاكي تخافي من شئ مدام اني عايشه على وش الدنيا
غزل شكراً يا طنط هويدة
هويدة بضيق لا جوليلي يا ستي صغيرة انا اياك على طنط دي انا مش سلوي اياك
غزل بضيق حاضر يا تيته
…..💕 اذكروا الله 💕
دلفت الي منزلها و الغضب يخرج من عينيها تتوعد لتلك التي لم يمضي على وجودها يوم واحد
– مالك يا بتي فيكي اي
سلوى همليني لحالي يا اما دلوجيت مبديش احكي مع حد
– افجعي دماغك بالحيط إن حق عليا اني بسالك
سلوى بسرها ماشي يا غزل ماشي انا اصلا كنت عارفه إن مرات عمي هتجوزه حد غيري جيتي لقضاكي يا غزل اني بجا هكون عملك لأسود في الحياة

يتبع…

لقراءة الفصل التالي : اضغط هنا

لقراءة باقي حلقات الرواية اضغط على (رواية حب رغم الفوارق الاجتماعية)