رواية التضحية الفصل الرابع عشر 14 بقلم آية حسن

رواية التضحية الفصل الرابع عشر 14 بقلم آية حسن

رواية التضحية البارت الرابع عشر

رواية التضحية الجزء الرابع عشر

رواية التضحية الحلقة الرابعة عشر

علي: وربي ما نكذب عليك شهودة بجد، كبدت عليك 🤤❤
شهد سكتت ماقدرتش تقوله حتى اني ولا تتكلم، حست حاجة من داخل تقوللها لا ماتقوليش نحبك لاا😔
علي: تحشمتي؟ به تمام ماتقوليش عادي خليها حتى بعدين☺️
في نفس اليوم توصل لشهد مكالمة من مرام اخت محمد💕
شهد: هلا روما عاش من سمع هالصوت، سعدود خليل 😍
مرام: هههه سلمها، كيف حالك وشن اخبارك، وندى شن جوها؟
شهد: الحمد لله اني بخير، وندى والله هايمة كيف ارتبطت وفرحانة قريب اطير 🕊🌸
مرام: يوخيتي سلمها، ربي يتمم عليها بالخير وما يكسرلها خاطر ولايوريها فيه يوم تكرهه🥀
بعدين في صوت دوشة عند مرام شكلها عركة 😱
مرام: انشالله خير يارب في صوت عالي عندنا شوية ونكلمك شهودة 🤯
شهد: انشالله خير، طمنيني عليكم اهم شي 🦋
طلعت مرام لقت محمد يعيط وقالب الدنيا: شن فيه؟ محمد خيرك وخيي؟ 🤔
محمد يتكلم: كلمني مراد خوي وقال ان هو خطب وحدة من طرابلس، امي بدل ما تعارضه زي مادارتلي فرحتله ورحبت بالموضوع، اني مش نكره خوي ومانبيشي يفرح لكن علاش اني لما قلت نبي شهد ناضت وقالتلي لا من قبل حتى ماتعرف اسمها ولا اسم عيلتها 😔💔

مرام تسمع فيمحمد يعيط ويكسر في التحف 💔
محمد: لما اني قلت نبي بنت من طرابلس جيتي ضدي ومراد عادي؟ علاش البنت نبيها علاش هكي درتو، منكم لله💔
مرام مصدومة لما محمد قعد متاثر علي خاطر شهد، خديجة ساكتة ومش قادرة ترد علي ولدها وبرضو رافضة مزال محمد يتزوج من طرابلس، هكي الا محمد مش عارفة علاش؟ 🙄
مرام كلمت شهد وحكتلها اللي صار وان محمد مدمر علي خاطرها، وطلع زعلان 💔😔
بعد ساعة ممكن محمد اتصل ب شهد 😓
شهد: ايوااه محمد كيف حالك وشن اخبارك؟ 🦋
محمد بصوت حزين: الحمد لله وانتي شهودة شن جوك؟ 🥀
شهد: تمام الحمد لله، خيره صوتك حزين شن في؟ مريض؟
محمد: لالا مافيا شي، قلت خلي نطمن عليك بالك زعلانة مني ولا ناقصاتك حاجة. 🥺💔
شهد: مش زعلانة وربي، اصلا علاش بنزعل حني كنا اصدقاء وكل حد شاف حياته، وربي يهني كل حد 🦋
محمد: اي حق كل حد في طريق مختلف، هي سلام 😓
محمد طول كلم ربيع وهو طبعا السبب في كره شهد ل محمد وكان حالفله علي عركة 👌🏻
محمد: وين انت ي برو؟ نبيك ضروري
ربيع: في الحوش، تعالا ياغالي تعشى معاي ونعكسو 💕
مشي محمد لربيع وكانت حالته حالة ربيع انصدم من منظر محمد😱😱
ربيع: خيره وجهك احمر، ايديك دم شن ضارب ولا شن جارحك؟😧
محمد: ضارب مرش السيارة وتوا دورك انت يابرو😠
ربيع: خيرك ياراجل شن جاك؟ شن درنالك النم؟ 😡
محمد ضرب ربيع علي وجهه بوكس👊🏻: كله منك شهد ضاعت مني انت اللي خليتني نكرهها فيا، تعامل فيا ببرود اكتر من قبل، ياريتها قعدت معتبرتني زي خوها ولا كرهتني 💔
ربيع دف محمد: غر حول ياراجل، لو انت تحبها ماكنتش ح تسيبها مهما يصير، حاول كلمها به، زعما في حد في حياتها؟
محمد عيونها امتلت دموع: مش عارف مرات حصلت حد ما ينكدش عليها زيني، المشكله هي مريضة قلب 💔
محمد ما يعرفش انها شفت من المرض 🥲

ربيع: حي علينا شن درنا في البنت، عملة وربي، خيرك ما قلتش من الاول 😔
شهد نكسرت لما محمد رخي بيها لانها تعتبر فيه غالي عليها حتى لو ماكانش حبيب لكن الايامات وندى ونوري جبرولها كسرتها الحمد لله ❤️‍🩹
ثاني يوم.…🔥
كان في قروب ع النت فيه كل من (شهد، محمد، ربيع، علي، مرام)
نزل ربيع تحدي يبي حد يديره معاه، شهد كانت عارفة ان هو سبب عركته هي ومحمد من مرام، شافت المنشور علقتله: اني توا ندير معاك التحدي واللي يربح يسال التاني 🤌🏻
شهد تعرف روحها بتخسر وهي اللي بتجاوب،
يا شهد علي شن ناوية؟ 🥲
ربيع نزل البوست وزي ما توقعت شهد صار التصويت لربيع اكتر منها، اللي جاب العجب ان محمد مصوت ل شهد
ربيع: معقولة تفوت ولد عمك وتصوت لبنت،
ربيع يشعل في الناريبي شهد ترجع، بعد شنو ي ربيع، الفاس وقعت في الراس خلاص توا. 🤌🏻🥲
محمد: هادي بنتي ي برو، ما يخش حد بيناتنا 🤤🤤🫀
شهد بكل غل: بنتك؟ امالا تحسابني شكورطة سيارة😠
هني شهد بردت علي روحها لما طلعت غضبها، مرام شافت اللي صار، علي مش معروف شاف ولا لا 🥲
ربيع من الكلمة معش ولا كلمة ومسح البوست مرة وحدة
ربيع: وربي الا ارتبطت ولا في حاجة تانية شاغلة بالها😒
محمد: لالا تبيني نرجعلها بدموعي، لكن والله ماهي صايرة، اني خلاص معش عندي فيها امل ودرت بلوك خليها تشوف حياتها واني ناخد راحتي😔
ربيع: نظم امورك اني اللي عليا درته، اسمع حصلت خدمة اني وياك في محل حلويات راتب مليح 🤑😍
محمد: عادي اي غر خليها العشية لان الصبح عندي جامعة🥀

في نفس الوقت شهد وعلي يهدرزو، علي كان خجول لكن تشجع وكلم شهد فيديو لاول مرة يشوفها انصدم منها😲
علي: انشالله هي انتي؟ والله من اسلوبك وصوتك شبهتك😁
شهد: متلاقيين قبل ولا كيف؟ عليوة خيرك؟ 🤔
علي: نسيتي يوم السوق اللي جاك واحد سالك علي كريمة😁
خلي نوضحلكم 🦋
الولد اللي في بداية الحلقة التانية كان داخل السوق هو نفسه علي لما شاف شهد في المكالمة طول تفكرها، ذاكرته قوية الله يبارك 🥀😁
شهد: اني تفكرت الموقف لكن الشكل والملامح هربو الحق، انت الله واحد متفكر، عموما خلعتني في البداية 😂😂
ثاني يوم…🔥
مرام: شهودة وينك؟ خداتك الدنيا منا، معاش ادوري، والله مستاحشاتك هلبااا🥺❤
شهد: والله حتى انتي اهو امتحانات قريب نكمل السيمستر الاول الحمد لله جاية العطلة بعد ايامات 🥲🔥
مرام: موفقة، لا انتي ماينخافش عليك شاطرة، عندي خبر وطلب ومن توا ممنوع الرفض ايوااه 😁
شهد: الخبر شن هو هي، بعدين الكلب ساهل عادي🦋
مرام: بندير حفلتي في طرابلس، لان خليل هكي يبي والطلب نبيك تجي ولازم تجي مالياش علاقة بتجي 🥺🥺
شهد: حلو حلو قريبة عليا الحفلة، اكيد بنجي قداش عندي مرام اني؟ 🤤❤
شهد تتكلم: فرحت لمرام هلبا، واخيرا بنشوفها عروسة😍 مزال 4 ايام بس ع الحفلة خديت اذن بوي وامي وشريت شن ناقصني واني فرحانة لان العرس خاص بيا بروحي😁 يعني لا امي معاي لا شي، الي مضايقني ان علي معتبرني حبيبته لكن لا يغار لا وينك لا شي قصدي اي شاب يحب بنت يغار عليها الا اني ولا كيف؟ 🤔اني قلبي خديته منه بسرعة احسن ما يكسره، مش ناقصة بصراحة 💔🥺
جي يوم الحفلة وشهد مع مرام من لما وصلت لدار العروسة من المزين لقت شهد قبلها، 😍
شهد لابسة قفطان اسود ل تحت الركبة بشوية مفصل علي جسمها وشعرها مطروح علي ظهرها مغطيها من الخلف ومش حاطة مكياج لانها اصلا جميلة 🤤🤤
مرام طول حضنت شهد ومحمد انصدم لما خش وشاف شهد 😲

محمد: شهد! معقولة شهد؟ شن اديري هني؟ 🤔😁
شهد: اي شهد خيرك مصدوم؟ جيت علي خاطر روما مش علي خاطرك انت هني روحك😒
محمد طلع فاصل، مراد وربيع طبعاا برا واقفين 🥀
لبست مرام الفيلو وطلعت تهبل 😍🤤
جت خديجة وما تعرفش شهد من تكون بالتحديد 😉
خديجة: مرام بنتي، منو العيل هادي؟ من هني طرابلسية؟
مرام: شهد صاحبتي، اي بنت طرابلس، غريانية اصلها🥀
شهد: ابلة خديجة كيف حالك؟ انشالله صحتك كويسة؟ 🦋
خديجة: الحمد لله بخير، الله واحد عليك وعلي شعرك🧿
خديجة ماتعرفش ان شهد هي نفسها اللي كان يبيها محمد وطول فكرت تخطبهاله لان عجبتها شهد وقريب ماتت فيها
جي محمد ولابس بدلة رسمية: العريس وصل يا امي 🥀
خديجة: الله واحد علي وليدي عقبالك يا غالي مع بنبت حلال تسر قلبك وخاطرك🥺❤وليدي مزال اختك مش واتية، انت دخلها للصالة وبعدين يخش هو 💕
شهد مبتسمة ابتسامة صفراء: علي اساس مرا بيدخلك ولا؟

مرام: زي بعضماعنديش فيهم فرق ياريت الزوز مع بعض 🥺
محمد طلع هو وخديجة برا الدار : عرفتيها منو هادي البنت؟ 🤔
خديجة: صاحبت مرام. لكن قنينة يا وليدي شن رايك نخطبهالك؟ مع اني منحبش بنات طرابلس لكن عجبتني 💕
محمد: صاحبت مرام صح، لكن هي هادي اللي كنت نبيها وانتي رفضتيها هي هادي شهد نفسها ي امي 🥺💔
خديجة: كيف؟ هي هادي نفسها؟ علاش ماقلتش 😔لو نندري عليها راهو وافقت طول والله مانعلم يا ولدي 😔
هني خديجة ارتدت علي فكرتها اللي واخدتها علي بنات طرابلس، لكن بعد شنو ياخديجة؟ بعد ما قلوبهم تكسرو! 💔
شهد طلعت تبي تكلم علي لان مادورهاش كالعادة🥲💔
خشت خديحة لمرام: هي نفسها البنت اللي كا يبيها خوك؟

قعدت تخبط علي وجهها من كسرة ولدها لين طاحت، علي خشت شهد شافتها طايحة 💔
شهد: ابلة خديجة 😧خيرك لاباس عليك؟
شن بيصير في خديجة؟ هدا اللي بنعرفوه في الحلقة الخامسة عشر بعون الله 🥀