رواية طفلة أرهقت قلبي الفصل الحادي والعشرون 21 بقلم عائشة البشير

رواية طفلة أرهقت قلبي الفصل الحادي والعشرون 21 بقلم عائشة البشير

رواية طفلة أرهقت قلبي البارت الحادي والعشرون

رواية طفلة أرهقت قلبي الجزء الحادي والعشرون

رواية طفلة أرهقت قلبي الحلقة الحادية والعشرون

” إلهي ..أنا أؤمن .. وأنت قادرٌ
هذا كُلُّ شيءٍ “🤲
محمد خاش ويشح في أحمد من إيده وبعياط: خش ياحيوان ياللي ماتتحشم على وجهك هذا أخرة لودانك وتنسريفك
أيه وسنيه وسرور طلعو من المطبخ بخلعه على صوت عياط محمد اللي دار ضجه في الحوش
المبروك، بخلعه: خيركم شني فيه!! هوا المغضوب هذا روح!!
محمد، بغضب😠: روح وياريته ماروح يابوي وحذفه بقوته لين طاح قدامهم على ركابه
فوزيه، بخوف🤨: أسم الله خيرك يامحمد مع خوك
محمد، بعياط: ماهوش خوي فاهمين، اللي يتعاطى ويتاجر في السم ويضيع معاه شباب في عمر الزهور بكل برود وهوا يضحك ماهوش خوي ولا نتشرف بيه، ورفس أحمد اللي قدامه بكل قوته
المبروك، بصدمه😯: كيف!! ونزل رأسه لأحمد اللي طايح لوطه ويتوجع من رفسة محمد، وبشك: تكلم أنطق حق هالكلام اللي يقول فيه خوك!!
سكوت أحمد وعدم محاولته الدفاع عن نفسه كان كافي يخليهم يصدقو
محمد، بغضب😠: تي هوا اللي قالها بفمه لا وقالك نأخذ مره مره طرف حشيش يحسابه هالشي ساهل ومايضرش هالواطي الحقير هذا، على أخر الوقت خوي يطلع هكي غير علاش مروح بس ياريتك أنت اللي شدوك وتفكينا منك
فوزيه، بدموع😢: لاه عليك ياوليدي تدعي على خوك
محمد زفر بغضب وقعد ساكت
المبروك، بعصبيه😡: هذا الفرخ قاعد ناقصه تربايه وأني عجزت فيه لكن دواه عندي توا نوريه، جبده يكركر فيه للدار، ولحظات وكان صوت ضرب المبروك وعياط محمد هوا اللي مسيطر على أركان الحوش
فوزيه، بخوف😟: لاه عليك يامحمد ياوليدي ليش تقول قدام بوك عارفه مايتحملش، زودله راهو يدير فيه شي حاجه يخليه ملوح طول عمره
محمد، بغضب: إن شاءالله يقتله ويريحنا منه، وتلفت لأيه بغضب😠: هيا أطلعي أنتي، ولف وطلع وهوا معصب
أيه خشت بسرعه لبست عبايتها وخذت تليفونها وطلعت
أما فوزيه وبناتها قعدو مسيطر عليهم الخوف والتوتر وصوت أحمد اللي يعيط من ضرب بوه يرن في كل الحوش، فجأة إنقطع الصوت وطلع المبروك داهش ويلهث من المجهود اللي داره، سكر الباب بالمفتاح وحطه في جيبه وطلع من غير مايقول كلمه
في السياره محمد معصب وواصل حده ويضرب في الدومان بقوته كلها ويسوق بسرعه جنونيه
أيه، بخوف😟: باللهي عليك يامحمد بالشويه نخاف من السرعه راهو
محمد شافلها بضيق وتلفت للطريق وهوا يزفر بغضب😤، وخفض السرعه وهوا يفكر في الكلام اللي قاله أحمد
Flashback
أحمد، بهزوه😏: لا واللهي أنت اللي تسخف، على فكره لو تعرف اللي درته على خاطرك راهو خذيتني بالأحضان، أنت مديونلي برقبتك ياولد العمه😉
حسام بصدمه😯: كيف أنت شني قصدك!!
محمد قعد يشوفله بإستغراب🤔
أحمد، بهزوه😏: خليفه الهادي ال…….، كنت ممكن تكون تحت رحمته توا، لولا أني خلصتك منه وبعته نزهه 7أو8 سنين يغير جوه شويه
حسام، بصدمه😯: كيف!! أنت من وين تعرفه خليفه!! ونزهة شني اللي تحكي عليها، تكلم بوضوح وفكنا من التسهويك
أحمد تسند على الكرسي: واللهي تقدر تقول معرفه قديمه، وربك كاتب أني نسمع تخطيطه، كان بيديرني طعم باش يحصل عليك، مسكين يحساب روحه بيقدر يضحك عليا ويطيحني في فخه
محمد للحظه حس بالفخر بأنه خوه دار حاجه كويسه ونفع بيها حد، بإستغراب🤔: وكيف درتله
أحمد: أني كنت قاعد عنده وسمعته يهدرز هوا وخوه كيف راح يشدو حسام، ويسلموني أني لمركز الشرطه بالبضاعه اللي عندي، فاأني كنت أذكي منه وقررت نتغذا بيه قبل مايتعشي بيا، أستنيتهم لين رقدو وتسللت لسيارته وفتحتها بتل معوج بحكم خبرتي طبعا😌
حسام، بتركيز: أي وبعدين شني صار!!
أحمد: لغمتله السياره ببضاعتي كلها، والكيسات اللي كانت فيهم البضاعه حطيت فيهم صوف المخدات باش ماحدش يشك فيا، ولما طلع الصبح طلعت معاه لنص الطريق ونزلت ووليت خذيت الكيسات ولوحتهم في أول مكب، ونزلت لطرابلس وخذيت شفره بإسم واحد سوداني وبلغت عليه، وبعد ماطلع عمي مصطفي من المحكمة بدقائق الشرطه حاصرت المكان وشدوه في سيارته وفتشوها وطلعو البضاعه منها ورفعوه في البوكس، وبحسب معرفتي ضبط الممنوعات بالكميه هذي أقل شي 7 أو 8 سنوات حبس
حسام قعد فاتح عيونه بصدمه ومش مصدق أنه أحمد دار هكي على خاطره
أحمد، بغرور: راهو ماتفكرش أني درت هكي محبه فيك لا يافالح، بس لو خليته يوصلك معناه أني رحت في خبر كان، فقررت إندير خير في حياتي ننقذك ومنها نتخلص منه هوا، يعني زي مايقولو عصفورين بحجر واحد، واحد خير وواحد شر وقعد يضحك 😅
محمد قاعد مش مستوعب الكلام ويحلل فيه في دماغه، بضاعه وممنوعات وخوه كان قاعد عند قائد كتيبه، بشك: وشني نوعها البضاعه اللي تأخذ السنوات هاذم كلهم حبس
أحمد، بضحكه😁: كوكتيل شوية حشيش على شوية بودره على حبيبات يعني مخلطه
حسام، بشك: زعما هوا اللي كان يبعتلي في رسايل تهديد
أحمد، بإستغراب: رسائل شني لاهذي مانعرفهاش أني، شكلهم أعدائك هلبا يابرو
محمد، بصدمه: شويه شويه أنت من وين جبتها البضاعه اللي تحكي عليها
أحمد، بتوتر: متاع واحد صاحبي
محمد، بشك: أي صاحب هذا اللي يخدم في حاجه زي هذي وأنت كيف تصاحب واحد زي هذا وكيف تأخذ منه حاجات هكي
أحمد أرتبك ومعاش عرف شني يقول، هذا وين إستاقظ أنه فضح روحه، وبتوتر: لا مش صاحبي يخدم معاي بس
محمد : وفاش تخدم أنت وياه إن شاءالله إتاجرو في الممنوعات!!
أحمد نزل رأسه وقعد يحك فيه بتوتر
محمد، بغضب😠: تكلم أنطق ياحيوان هذي الخدمه اللي تخدم فيها!! هذا وين تغيب بالشهر تمشي تسمم في الصغار والشباب بهالسم، الله يلعنك من بين الخوت الله يلعنك ياحيوان، وناض حذفه بقوه هوا والكرسي، وطبس شده من سوريته، وبعصبيه😡: تتعاطي في حاجه تكلم خير مانكسرلك دماغك الخامر هذا
أحمد، بتوتر: لا مانتعاطاش مره مره نأخذ طرف حشيش بس تغيرة جو مش ديمه
محمد، بغضب😠: لا واللهي تغيرة جو صار!! طاح فيه ضرب كفوف ومشي وهوا يشح فيه من سوريته لين وصله لحوشهم
Now
فاق من سرحانه على صوت رنة تليفون أيه اللي ثاني مره يرن وهيا ماتردش عليه، وبإستغراب🙄: خيرك ماترديش!!
أيه، بتوتر: رقم مانعرفاش من بكري يتصل
محمد، بضيق: هاتي جاي، خذي التليفون وقبل مايفتح المكالمه فصلت حطه في جيبه، ورجع يفكر في خوه والمصيبه اللي وحل روحه فيها ضيع عمره وساهم في تضييع ألاف غيره تبع طريق مش ليه ولاتناسبه، وبدل مايكون يجهز لمشروعه وفرحان بتخرجه زيه زي الشباب اللي في عمره، لا ضيع مستقبله بإيديه، كان ممكن يقضي باقي عمره في الحبس لو حد شده أو بلغ فيه
وصل قدام العماره نزلت أيه وهوا قاللها طالع مشوار شويه وجاي، كان في باله يمشي للبحر يبي يقعد بروحه لين يهدي ويرتح أعصابه، بس المسج اللي وصل لتليفون أيه خلا عصبيته😡 تحتد أكثر ولف ورجع للشقه بسرعه
^^^^^^^^^^^^^^^^^^^^^^^^^^^^^^^
سعاد، بإستغراب🤔: تعشي ياحسام خيرك ماتأكلش
حسام اللي كان سارح أستاقظ على صوت أمه، بضيق: لا لا الحمدلله معاش عندي نيه وقف وطلع
دنيا قعدت نتبع فيه بعيوني لين طلع كان مش طبيعي نزلت رأسي وتنهدت بأسف😞
مصطفي، بضيق: هالولد حاله مش عاجبني والله لو يرجع للندن خيرله وأريحله، شكله ماقدرش يتأقلم على الوضع إهنايا
دنيا قمت عيوني بخوف😟 معقوله يبعدوه عليا وأني مني بيا كيف راح نقدر من غيره
سعاد: لا والنبي معاذ تقوله هالكلام شني يرجع مايرجع أني ماصدقت أنه روح وأرتاح قلبي تبي ترده ثاني، هوا غير قاعد ماتعودش على الجو وحتى قلة العمل إمخلياته هكي لو يحصل عمل باهي تشوفه كيف يولي وتتحسن نفسيته
دنيا،.بتوتر: أني عندي عمل ليه بس ياريت هوا يوافق
سعاد، بإستغراب: عمل لحسام وعندك أنتي!! 🤔
دنيا، بإبتسامه😊: أي ياعمتي، بصراحه من فتره نفكر في مشروع نقدر نشغل فيه فلوس المرحوم بابا، مانبيش إندسهم ونصرف منهم لين يكملو ونقعد بعدين نتحسر، قلت أفضل شي نشغلهم ونستفيد منهم وفي نفس الوقت بدل ماينقصو يزيدو، ونفيد ناس غيري
مصطفي، بإعجاب: واللهي ماشاء الله تفكيرك خير حتى من الكبار، وإن شاءالله لقيتي المشروع؟
دنيا هزيت رأسي بإبتسامه: أي مافيش أحسن وأنسب من معمل للحلو والحار، زي ماتشوفو مافيش معمل قريب في المنطقه هذي وهذا شي لصالحنا، وبعدين هذا أكثر شي رابح وينتشر بسرعه
سعاد: ووين بديريه المعمل؟ ومني بيخدم فيه هالحاجات تبي ناس متخصصه وفاهمه؟
دنيا: بالنسبه للمكان المحلات اللي تحت العماره نفتحوهم على بعض، صح يبو شوية خدمه بس مافيش شي صعب، بالنسبه للي بيخدم فيه في هلبا ياعمتي أني وأيه وسنيه وإنتصار وحتى أنتي وخالتي راح تساعدونا ونقدرو إنديرو إعلان ونحصلو ناس كويسه، وبالنسبة للمتخصصين على قولتلك حتى هما ماجوش من بطون أمهاتهم يعرفو كل شي يعني في البدايه كانو زينا ومع الوقت تعلمو وكسبو خبره وتفوقو في مجالهم، وحتى احني راح نكونو زيهم وأفضل بإذن الله
مصطفي، بإبتسامه: أحسن شي في الموضوع أنك متفائله يادنيا، الحق مشروع كويس بس يبي تخطيط وإمكانيات، وبصراحه مانقدرش نقول إلا ربي يعاون إن شاءالله ولو تبو شي أكيد أني من أول الداعمين ليكم
دنيا، بإبتسامه😊: أكيد مانستغنوش ياعمي، وتلفتت لعمتي: وأنتي شني رأيك ياعميمه راهو أنتي وخالتي الأساس اللي عابيه عليه
سعاد، واللهي ماني عارفه شني نقولك يابنتي أني مادابيا حتى نلقا حاجه نلها فيها خير مانقعد مكسده بروحي، بس خايفه عمامك مايوافقوش
دنيا، بضيق: وشني دخلهم عمامي هالشي خاص بيا والموضوع مايهمهمش
سعاد، بتوتر: إن شاءالله يصير خير
^^^^^^^^^^^^^^^^^^^^^^^^^^^^^^^
حسام الحق الموضوع اللي قاله أحمد قاعد مش خاش رأسي ولا قادر نستوعبه، معقوله خليفه طول هالسنين قاعد مانساش اللي صار بينا وناقم عليا لهاليوم، بس شني كان ناوي يديرلي لو فعلا صار كيف ماكان يخطط، بس حتى أحمد مافيشي ثقه زعما مايكونش يضحك عليا والموضوع لعبه منه، ولا مرات يكون متفاهم هوا وياه صح وقاعدين يستدرجو فيا وأحمد قال هالكلام لأنه يبيني نوثق فيه ونصدقه، شديت رأسي بإيديا وأني حاسه بيتفجر من التفكير وقاعد في صراع مابين الحق والكذب، أفضل شي نتأكد من الموضوع بروحي، وخلى نشوف الرسائل هل راح يوقفو أو لا، تلفتت بإبتسامه على صوتها
دنيا، بإبتسامه😊: بصراحه شكلك مش عاجبني قلت احسن شي إنديرلك قهوه ونقصقصك شويه
حسام جبد الكرسي في جنبه: تعالي قعمزي
دنيا مديتله مق القهوه وقعمزت، وبتساؤل: شني فيه ياحسام شني اللي مضايقك
حسام، بضيق: مافي شي ياروحي موضوع مش مستاهل
دنيا ضحكت😅
حسام بإستغراب🤔: قلت حاجه أضحك أني!!
دنيا: لا ماقلتش بس ليك أيام جاف نوعا ما
حسام، بإبتسامه😊: يعني ملاحظه أمتي نكون جاف وأمتي العكس
دنيا هزيت رأسي بإبتسامه
حسام، بغمزه😉: معناها فهمتي توا أني كيف نحس من جفافك معاي
دنيا: يعني حاجه زي هكي، وقاعد نحاول نرطب من جفافي معاك شويه
حسام، بإبتسامه😊: يعني نفرح بجديات توا ولا كيف!!
دنيا: نفرحو مع بعض لما تقولي أنك موافق على المشروع اللي قلته إمبكري، وبرجاء🥺: باللهي خلينا نحاولو أني متفائله وواثقه من نجاحه مليون في الميه
حسام: وشني اللي مخليك متأكده للدرجه هذي
دنيا، بإبتسامه😊: متأكده أنه مافيش شي يقدر يهزمني ويتغلب عليا مادامك أنت معاي وجنبي، يعني برأيك هالشي مش دافع قوي يخليني واثقه من نجاحي مادامك ساندني
حسام، بضحكه😅: اللي يقدرك يجي يحاسبني
دنيا، بفرحه: يعني موافق!! وقعدت تشوفله بنظرة رجاء🥺
حسام، بحب❤: هوا أني نقدر نقول لا لشي أنتي تبيه! وبالذات مع العوامل المؤثره زي تسبيلة العيون هذي، أكيد موافق وجنبك ومعاك لو مهما كلفني هالشي مستحيل نخليك أو نتخلي عنك يادنيتي
” كم هو جميل عندما تقول لأحدهم أحتاجك … ويقول أنا هنا إلي جانبك “❤❤
^^^^^^^^^^^^^^^^^^^^^^^^^^^^^^^
في حوش مفتاح الجو مشحون ومتوتر وعادل قاعد يعيط بغضب وإنفعال لما قاله بوه على رفض دنيا لطلبه
عادل، بغضب😠: كنت عارف أنه في حد قاعد يلعبلها في دماغها، كيف تفكر شهر وبعدين تقول مانبيش ساهله هكي
مفتاح، بضيق: هذا اللي قالاته ماقدرتش نضغط عليها قلت نخليها على راحتها باش مانخسرهاش بكل
عادل، بعياط: تي كيف نخلوها على راحتها كيف!! أني أصلا شاك في شي ومش راح نقعد لين نتأكد منه هالدماغ العاصي اللي عندها لازم يتكسر ومش راح نسكتلها، وطلع معصب ولحقه مفتاح
مفتاح، بصوت عالى: أستني ياعادل مش وقته توا في هالليل، غذوه نجوها ونتفاهمو بالعقل
عادل، بغضب😠: لا غذوه ولا بعده تي هيا ضحكت عليا عليك ولادارتلك إعتبار ولاأحترماتك حتى شويه وأنت تبيني نسكت، ومشي بسرعه متوجه لحوش عمته، ومفتاح وراه
وحالة عادل اللي كان حاس بالإهانه من رفض دنيا، وأنها هازيه ومستخفه بيه، ماكنتش تفرق هلبا على حالة محمد اللي حاس بأنه مغفل وقاعد راقد على وذانه ومش شايف الحقيقه كيف ماهيا، خش للشقه وهوا معصب وبركان على وشك الإنفجار😤، بس المنظر اللي شافه هوا نفسه اللي جذبه ليها وسحر قلبه وعقله خلاه يوقف ويفكر بثبات أكثر ورويه ويتمهل ويعد للمئه قبل مايغلط ويتهور، مستحيل هالشكل يقدر يخدع ويكذب مستحيل، تنهد بضيق وقرب وهوا يسمع في تلاوتها وصوتها العذب المميز اللي يقدر يسحر كل من يسمعه، ثواني وناضت حطت المصحف وتلفتت بإبتسامه كانت عارفه أنه وراها تعودت عليه كل مايخش ويلقاه تقرأ يقعد يسمع فيها بإنسجام لين تكمل من غير مايمل حتى لو طولت
أيه، بإبتسامه😊: مانحسابكش بترجع بسرعه هكي، خلي نخش إنديرلك حاجه تأكلها على السريع
محمد شدها من إيدها، وبضيق: مانبيش شي تعالي قعمزي نبي نحكي معاك شويه
أيه قعمزت وهيا تشوفله بإستغراب🤔 لما جبد الطاوله وقعمز مقابلها
محمد فتح التليفون ومدهولها: شوفي شني وصل لتليفونك
أيه خذت التليفون بإستغراب🤔، وتوسعو عيونها بصدمه 😯وهيا تقرأ في الرساله ” أيه حبي هذا أني أسامه ردي ياعمري مستاحشك “، رفعت رأسها وبدموع😢: والله العلي العظيم ماليا علاقه بحاجه أول مره نشوفه الرقم هذا، هوا من بعد الظهر مابطلش إتصالات وأني مارديتش عليه لأني مانعرفاش، والله يامحمد مانعرف أنه هوا وحتي رقمه مانعرفاش، ومن قبل مافيش بيني وبينه مكالمات باش يكون فيه توا، مستحيل أني ندير هكي مستحيل ونزلت رأسها وغطت وجهها بإيديها وقعدت تبكي😭
محمد تنهد بضيق وهوا يفكر في خاطره مستحيل أحساسي فيها يخيب بس مني اللي يلعب بيا هذا، مد إيده ونزل إيديها من على وجهها وقعد يشوف لعيونها اللي معبيه براءه وشاف الصدق فيهم، تنهد من قلبه: أمسحي دموعك ياأيه وأسمعيني
أيه مسحت دموعها وهيا تشوفله برجاء🥺
محمد أبتسم😊: ماتخافيش أني مش شاك فيك ياأيه، بس حطي روحك في مكاني، شني كنتي راح تفكري وقتها، أسمعي نتصل توا وتكلميه عادي فاهمه حاولي على قد ماتقدري تخليه يقولك من وين جاب رقمك
أيه، بتوتر: بس أني مانقدرش نكلمه أصلا حتى لما كنا مخطوبين مافيش بينا مكالمات نهائي
محمد، بضيق: معليشي ياأيه حاولي المره هذي مرات نحصلو منه رأس خيط يوصلنا لشي يفيدنا ونعرفو منه مني اللي قاعد يلعب معانا بالشكل هذا، شد إيدها وضغط عليها، وبإبتسامة😊: أني جنبك أهو وراح نخلي المايك مفتوح ماشي، أبتسم لما هزت رأسها وفتح التليفون وأتصل وثواني وجاه الرد
أسامه، بفرحه: ألو أيه كيف حالك شني إمدايره؟؟
أيه، بتوتر: أنت من وين عرفت رقمي!!
أسامه: مش مهم من وين جبته، وصلني خبر أنك أنتي اللي لعبتي بالصور، مادامك تبي ولد خالتك وماتبينيش ليش وافقتي عليا من الأول ليش تخليني نتعلق بوهمك ونبني عليك مستقبل، وبعدها تخذليني وتحشميني وتخليني مضحكه بين الناس
أيه إنهارت بالبكي وهيا تشوف لمحمد وتهز في رأسه بالنفي، ماتبيشي يصدق أنها هيا اللي دارت هالشي
محمد أبتسم😊 وضغط على إيدها أكثر تشجيع ليها
أيه، بدموع😢: اللي قالك هكي يكذب عليك أني عمري ماكنت هكي ولا راح نكون، بس لو نعرف شني مصلحته في هذا كله اللي قالك هالكلام، أنتم شني تبو مني خلوني في حالي
أسامه، بضيق: يشهد الله عليا ياأيه مافيش يوم كانت نيتي سيئه من إتجاهك، بس الصدمه اللي كليتها أني ماحدش يتحملها، لا واليوم نعرف أنه كان من تخطيطك كيف تبيني نتحمل ونسكت عادي
أيه: كيف تصدق أي كلام ينقالك؟ أنت منين جبت رقمي ورحمة أمك تقولي
أسامه، بضيق: مانقدرش نقولك بس ردي بالك من الناس القريبه منك،وفصل الخط
أيه، بدموع😢: حسبي الله ونعم الوكيل، مني الناس القريبه مني مافيش حد يعرف رقمي هذا إلا أنت وأمي وسنيه ودنيا بس، معاش نبي تليفون بكل خليه عندك
محمد، تنهد بضيق: خلاص ياأيه أنسي الموضوع، واضح كل شي أصلا في حد قاعد يلعب بينا، بس لو نعرف من هوا والله ماني راحمه
أيه، برجاء: محمد أنت مش شاك فيا صح!! أني م… وقبل ماتكمل كلامها تفاجأت بمحمد اللي خذاها في حضنه وهوا يمسح على رأسها بحنيه
محمد: الله يبعد الشيطان ويخزيه، حسبي الله ونعم الوكيل في أي واحد كان السبب في نزلة دموعك حتى لو كنت أني منهم
أيه تهلل وجهها بإبتسامه😊 وحاسه من بعد هالموقف اللي بان فيه قداش أنه محمد شخص عاقل وواعي وهوا الأنسب ليها، أنه ربي عوضها بالشخص اللي كان هوا إستجابة الله لدعائها الدائم بأنه ربي يرزقها بزوج صالح ويكون سند وراجل معاها مش عليها
محمد شخصيه عاقله ومتزنه وديمه حكيم في المواقف، مايحبش يتسرع وينظر للموضوع من جانب سلبي، كان يتمهل قدر المستطاع في ردات فعله وهالشي اللي مخلي شخصيته مميزه عن الكل، كان يحمل كافة مواصفات الزوج المثالي
“”من أراد زواجاً حقيقياً يدوم، يجب أن يكون ناضجاً عاطفياً،
وأساس هذا النُضج العاطفي هو: تحكيم العقل والتحمُّل والتسامح والعطف””
بينما العكس صحيح عند حسام😓
وصل عادل وتفاجى بدنيا وحسام اللي مقعمزين في الجنان يهدرزو ويضحكو، صفق بهزوه: ماشاءالله ماشاءالله هذا ليش رفضتيني يابنت عمي، باش ضاحك عليك ولاحس عقلك قوليلي
مفتاح اللي وصل داهش، أستغرب من وجود حسام ودنيا مع بعض وبروحهم في هالوقت🙄
دنيا وقفت بتوتر أول ماشافت عمها
عادل تلفت لبوه: تعالا شوف بنت خوك المصونه كيف واخذه راحتها هيا والكلب هذا على الأخر، هذا أخرة سكاتكم ليها
حسام وقف بغضب😠: تعرف تسكر فمك وتحترم نفسك أحسنلك
عادل، بعياط: لا الإحترام خليناه دابك أنت يامحترم يامتربي ياللي عارف أنه هالشي اللي قاعد إدير فيه قبل مايكون عيب هوا حرام
حسام، برفعة حاجب🤨: أنت شني تقول دماغك هذا وين رافعك
عادل، بعياط: رافعني وين ماأنت عارف، تلفت لدنيا: وأنتي كيف ترضيها على روحك هالحركات هذي يضحك ويلعب عليك وأنتي ساكته وعاجبك لكن العيب مش عليك على عمامك اللي مخلينك ساكنه مع هالكلب هذا ودايره كيف ماتبي
حسام، قدم بعصبيه😡: أنت شكلك ماشعفتش من الطريحه الأولى ويلزمك تأديب ثاني
مفتاح، بغضب😠: أوقف مكانك أنت وين تحساب روحك عايش في غابه، إدير عملتك وتجي بعدين توري في فلاحتك
أحتد النقاش على أخره وتعالت الأصوات مما خلا سعاد ومصطفي يطلعو بسرعه وهما متفاجئين باللي صاير، وحتى بشير اللي كان حوشه أقرب واحد، وصله الصوت وطلع هوا وولاده ومرته على الصوت العالي
مصطفي، بإستغراب🤔: شني فيه!! خيرك شني اللي صار!!
مفتاح، بغضب😠: هذي أمانة خوك ياسعاد اللي زعميتك محافظه عليها وحاطيها في عيونك، مخليتها مع ولدك قليل التربيه هذا ومقعمزه أنتي الداخل ولا عندك علم باللي يصير من وراك
سعاد، بصدمه😯: كيف!! شني قصدك ياخوي بكلامك هذا!!
حسام، بغضب😠: راك قاعد تغلط هلبا ياخالي، خليني محترمك ومانبيش نطاول عليك
بشير، بعياط: شني اللي صاير فهمونا
مفتاح، بغيض: من فتره خطبت دنيا لعادل وهيا قالت تبي تفكر واليوم بعد قريب شهر ونص كلمتني قتلي مش موافقه ولما جيت أني وعادل بنكلموها وبنفهمو منها لقيناها مقعمزه هيا والحيوان هذا والله أعلم شني بينهم
هالكلام اللي قاله مفتاح كان جديد على سمع الأغلبيه وهالشي اللي خلا لحظات سكوت تخيم على الكل من الصدمه، قبل مايقدم بشير ويشد حسام من تشيرته بغضب😠: ياحيوان ياللي مش متربي، كيف إدير في بنت خالك هكي كيف!!
حسام نفض بشير بقوه، وتكلم بعصبيه: أنتم أكيد خرفتو تكذبو الكذبه وتصدقوها، مافي شي من اللي في بالكم
بشير، بغضب😠: وأنتي ياواطيه ياللي مش لاقيه مني يربيك ويشكمك، زي مارفضتي عادل أكيد حتى ولدي رافضتيه على خاطر الكلب هذا وهوا يأشر على حسام
دنيا، بحده: مانبي حد فاهمين أني مش سلعه في إيديكم باش تحذفوني من واحد لواحد، ولادكم لو كأنو أخر رجاله في العالم ولا واحد منهم يحلم يلمس شعره مني، ياريت تخلو هالشي في بالكم وتنحو الخرافات اللي قاعدين تنسجو فيها في مخيلتكم، وخشيت بسرعه
حسام، بهزوه😏: على ماأعتقد بعد اللي سمعتوه معاش فيه لازمه لوجودك إهنايا يلا أفرقونا بريحه طيبه
مصطفي، بحده: حسام تحشم على وجهك
مفتاح، بغضب😠: ماهو لو أنت مربيه راهو عرف يتحشم قبل مايعلي صوته على اللي أكبر منه، ويفكر مليون مره قبل مايوسخ سمعة بنت خاله
حسام، بعصبيه😡: أنت شني اللي تقول فيه راك زودتها سمعتها أهم من أرواحكم كلكم عندي، والله لو أطر الأمر نفنيكم كلكم على خاطرها فاهمين
بشير، بعياط: هالشي معاش يساعدني مادام ماقدرتيش تحافظي عليها ياسعاد وماكش قد المسؤوليه معناها تتنزلي لواحد مننا على وصايتها أحني اللي نعرفو كيف نربوها
حسام، بغضب😠: ولاتحلمو حتى الحلم أنها تقعد تحت رحمة واحد فيكم، أنتم عارفين أنكم تبو هالشي مش محبه فيها قد ماهوا طمع في رزقها، بس طول ماأني عايش وقاعد النفس يخش ويطلع ولا واحد فيكم يقدر يوصل فيها بكلمه ولايغصبها على شي هيا رافضاته، الأفضل تروحو وتفضو هالموضوع بالتي هيا أحسن
مفتاح، بعصبيه😡: عاجبك هالكلام اللي يقول فيه ولدك يامصطفي
مصطفي، بحده: واللهي أني وأنت عارفين انه كلامه صح، طمعكم خلاكم تشوف أشياء مش موجوده أبدا، بصراحه هالشي راجع للبنت نفسها ومادامها ماتبيش خلاص ماحدش يقدر يجبرها
عادل، بعياط: واضح أنه مش الولد بس اللي طامع لا حتي البو خاطره شوره، لكن لا مش كيف مات…… وقبل مايكمل كلامه طاح على طوله من البوكس اللي تلقاه من حسام ومش هكي وبس، خذي طريحه ماتقلش على المره اللي فاتت، ورغم جهود مفتاح ومصطفي وسامر إلا أنهم ماقدروش يبعدوه من عليه لين فش غله وخلاه مرمي زي الجثه، وفي الوقت اللي الكل إلتهو بعادل، أستغل حسام الفرصه وكمل على سعد وهوا يردد بغيض: تبي تتزوج صح نوريك الزواج كيف نخليك راجل قبل، خلا الإثنين ملوحين وسحب أمه وبوه وخش ببرود ولا على باله شي
سعاد، بخوف😟: شني هاللي درته ياوليدي ربي يهديك
حسام، بعياط: خلي الكل يفهم أنها ليا فاهمين ولا حد يفكر حتى التفكير في أنه يأخذها مني، وركب لداره بسرعه
أما مصطفي هز رأسه بأسف وهوا يشبح لسعاد اللي خايفه والقلق بيأكلها مأكله
دنيا ماكنتش متخيله أنه الأمور توصل للسوء هذا كانت هالليله بداية الكوابيس المستمره من عمامي بشير ومفتاح وكل ليله تنتهي بنفس القصه بأنه حسام مايقدرش يتحكم في أعصابه ويتحمل كلامهم ويتهور، وأخر مره مد إيده حتى على عمي بشير، ويوم عن يوم تزيد المشاكل أكثر وحاسه أنه وجودي في حوش عمتي راح يحطهم في مشاكل أكبر ويزيد يأزم الوضع وحسام المضرر الوحيد من هالموضوع، بس وين بنمشي مانقدرش نحط خالتي في وجه المدفع ونسببلها مشاكل هيا في غني عنها، وفي نفس الوقت مانقدرش نمشي لواحد من عمامي مستحيل نقدر نقعد دقيقه عند واحد منهم وحسام مستحيل يرضي بهالشي أصلا
^^^^^^^^^^^^^^^^^^^^^^^^^^^^^^^
بعد مرور شهر
_أحمد من هذيكا الليله معاش حد شافه، لأنه من الصبح طلع مع بوه وروح المبروك من غيره، وكل مايسألوه عليه يقوللهم حطيته في مكان يتربي فيه
_أما أيه ومحمد حياتهم هاديه نوعا ما وكأنهم قاعدين في فتره خطوبه وقاعد كل واحد يتعرف على الثاني، من هذيكا الليله وتليفون أيه عند محمد بس معاش إتصل حد
_وقفت الرسائل اللي كانت توصل لحسام مما خلاه يتأكد أنه خليفه هوا اللي كان وراهم، وزاد تأكد لما إستفسر وعرف أنه الكلام اللي قاله أحمد مزبوط، محكوم بي 8سنين حبس، إلا أنه هالأمر معاش أصبح يعنيله شي في ظل المشاكل اللي قاعد يواجه فيها يوميا، وهوا بروحه مش عارف لأمتي يقدر يصبر ويتحمل، أطر أنه يسيب الحوش من الضغط اللي صار عليه وقعد في فندق، باش يخليها هيا تحت جناح أمه وهكي راح يكون مستريح عليها أكثر
أما دنيا فكانت عايشه صراع داخلي عنيف مابين كرامتها ومابين سلامة الناس اللي تحبهم، وهيا تفكر في حل تنهي فيه هالجدال اللي صاير من غير ماتكبر المشاكل وتزيد الخسائر
حسام على الفايبر، بإبتسامه😊: خلاص أفردي وجهك شويه، إستاحشت ضحكتك الزفت
دنيا، بحزن😔: سامحني ياحسام، قاعده نحمل فيك فوق طاقتك، والله خايفه عليك منهم ياريتك ماكسبت عداوتهم، راهم هما هلبا وأنت بروحك والكثره تغلب الشجاعه، لو حطوك في رأسهم مستحيل يخلوك ترتاح
حسام، بإبتسامه😊: حبيبتي النكديه من قالك أني بروحي أصلا مادامك معاي أنتي وكأنه العالم كله في صفي، حبك هوا اللي عاطيني القوه باش نقدر نواجه أي حد، ماتخافيش ياروحي مافيش حد منهم يقدر يدير شي، رأس مالهم الدوه، حقا غذوه وتي روحك عندنا مشوار من الصبح
دنيا، بإستغراب🤔: مشوار شني!! وين بترفعني!!
حسام، بضحكه😁: بنخطفك وبنرتاح، الله قداش خاطري أني وياك نكونو في مكان واحد وبعاد على الكل لو أمي يهديها ربي وتوافق وتعطيك ليا بالله مانقعد بيك هنايا دقيقه
دنيا، بضيق: عمتي عندها حق ماتقدرش إدير هالشي كلهم راح يحطو اللوم عليها ويفكرو أنها أستغلت وصايتها وزوجتني من ولدها
حسام، برفعة حاجب🤨: ولدها صار!!
دنيا، بإبتسامه☺: لا قصدي حسام، لا ولد عمتي، لا خوي في السكن سابقا، خلاص حبيبي ياودي😅
حسام، بحب❤: ياروح حبيبك أنتي، لازم تنشفي ريقي وتشيبيني باش تقوليها
دنيا، بغمزه😉: مافيش حاجه تجي بالساهل
حسام، بحب❤: أنتي كل شي يجي منك صعب وحلو رغم صعوبته، ربي مايحرمني منك ياقلبي
الحب قوة، الحب إكتمال ، الحب عمره ماكان ضعف،
أنك تشوف اللي تحبه متمسك بيك رغم كل المشاكل والخلافات هالشي يعطيك دافع.. ويكسبك قوة.. تخليك تواجه كل شي ممكن يوقف في وجهك أو يعرقل طريقك، وأنت عارف وواثق أنه وجوده جنبك كافي يخليك تحارب كل مشقات الحياه برحابة صدر❤
^^^^^^^^^^^^^^^^^^^^^^^^^^^^^^^
في حوش مفتاح
علا، بضيق: معقوله تنسحب هكي وتخليها عايشه كيف ماتبي بعد اللي داراته فيك
أسامه، بغضب😠: أسمعي البنت تزوجت ومعاش تعنيلي، وأني عندي خوات وخايف عليهم ومانبيش إندخل روحي في مشاكل أني في غني عنها، لو كان نعرف أنتي شني هالحقد اللي في قلبك عليها، في صاحبه تكره صاحبتها هكي!!
طبعا علا كانت مفهماته أنها صاحبة أيه، باش حتى لو تكلم وقال ماحدش يعرفها أو يشك فيها
علا، بغضب😠: أنت واحد خواف وجبان، مادامك مش قادر إدير شي، وصل عنوانها لعمامها بس وهما توا يأخذو حقك وحقي وبالزايد، سمعت أنهم قاعدين متغلالين عليها
أسامه، بغضب😠: عمري ماشفت واحده حقوده زيك، أنتي من أي جنس لو كان عندك ذرة كرامه وإحترام لنفسك معاش تتصلي بيا ولا تبعتي رسائل، أصلا رقمي راح نغيره اليوم، وإن شاءالله ربي يشفيك لأنك فعلا إنسانه مريضه، وسكر الخط في وجهها
علا لوحت التليفون بغيض: خزي واحد حيوان وتافه وجبان ماقدرتش نستفيد منه في شي، بس لازم نوصل لعمامها لازم، وتلفتت لأختها اللي مروحه فرحانه وحالتها حاله، من بداية الإسبوع عبير بدت تشتغل في مصحة قريبه عليهم في الإستقبال
عبير، بفرحه: يهبل ياعلا يهبل، شكله مش عادي بكل وواضح عليه فلوس لين خلاص، تعالي نوريلك شني جابلي اليوم
علا شافتلها بهزوه😏 وطلعت وقربعت الباب، أما عبير من فرحتها ما أعطتش إهتمام لشي وقعمزت وقعدت أطلع في الحاجات وتشوف فيهم وهيا بطير من الفرحه
أما علا طلعت وتلاقت هيا وعادل اللي حالته مدهوره هالأيام كثر الضرب من حسام وهوا وجهه قاعد أشكال ألوان ورغم هالشي قاعد مش مستسلم، خش لداره وقربع الباب
علا إبتسمت لما خطرت على بالها فكره، وتوجهت لدار عادل وهيا فرحانه وأخيرا
الشر مستحيل يموت هالشي مربوط بإستمرار الحياه، لو مات جزء يطلع جزء ثاني أشر منه، بس أكيد الظالم ليه نهايه، ويويله من نهاية الأخره لما ربي يبدع في تصفية الحسابات
” ولا تحسبنَّ الله غفلاً عما يعمل الظالمونَ”

” قد تمر الأيام عليك مرورًا ثقيلًا، تشعر أنك غير قادر على الاستمرار، بعدها يُنعِم الله عليك سكينته ويجعل الطمأنينة في قلبك، يُرضيك ويرزقك من حيث لا تحتسب إن الله على كل شيء قدير ”
فقط👇
#كن_مع_الله_يكون_الله_معك
طلعت علا من عند عادل وشويه ووصلوه صور على الفايبر، وأنفتح فمه بصدمه وهوا يشوف فيهم، طلع بسرعه وهوا ينادي علا ياعلا، وقرب وفتح باب الدار فجأة
عبير قعدت تلم في الحاجات اللي قدامها وتغطي فيهم بالعبايه، وبخوف😟: خيرك ماطقش هاد هدان
عادل، بشك🙄: وخيرك أنتي شني درقتي!!
عبير، بتوتر: حاجات خاصه، شني تبي أنت!!
عادل، بغيض: علا الحيوانه وين!!
عبير: مش عارفه مرات في الجنان
عادل طلع وهوا يشوفلها بشك
ناضت عبير سكرت الباب بسرعه وهيا تزفر براحه
علا خاشه من برا، وبإستغراب🤔: خيرك تنادي شني فيه
عادل، بغضب😠: الصور هاذم بالحق ولا تتسهوكي عليا
علا: وخيرك مش مصدقهم!!
عادل، بغضب: لأنه مستحيل دنيا وحسام يديرو هكي وبالذات حسام راهو أني نعرفه أكثر واحد حركات المراهقين مش ليه، تكلمي أنتي صورتيهم حق ولا حد باعتهولك
علا، بتوتر: أني اللي صورتهم هما ماكانوش هكي الصور، بس أني سخفتني الأيام اللي فاتو كيف صاير فيك عندي واحده صاحبتي نعرفها قتلها عليهم وضافتلهم وغيرت فيهم حاجات بسيطه، كله لمصلحتك راهو لما تفضحهم وتوري الصور لبوي وعمامي تشوف كيف يصير مستحيل يخلوهم مع بعض، بس أني شفتهم مره بعيوني في رمضان هما الإثنين في حوش عمي سعيد بروحهم، والله أعلم شني كانو يديرو
عادل ماكنش مصدق اللي تقول فيه علا، بس مطر يصدق ويأكد هالشي على خاطر مصلحته، بحده: تعرفي نلقاهم الصور هاذم طالعين منك، نذبحك ذبح، والكلام هذا يقعد بينا فاهمه!!
علا هزت رأسها بخوف😟
طلع عادل وهوا يبتسم بهزوه😏: تخلطت عليك ياسيد حسام لكن مازال خلينا نصبرو شويه باش نجيبهالك براد معجون، وأتقو شر اللئيم إذا غضب
أما علا فرجعت للدار لقتها مسكره بالمفتاح، توجهت للمطبخ وهيا تفكر في شي، بعد شوي فتحت تليفونها ودارت أيميل ثاني على الفيس وكتبت اللقب وقعدت إدور لحد ماطاحت في اللي تبيه وضحكت بإنتصار لما طلع هوا المقصود
^^^^^^^^^^^^^^^^^^^^^^^^^^^^^^^
ثاني يوم الصبح
“أحبك بالقدر الجميل الذي يجعلني اصحو كل يوم وابتسم لمجرد وجودك في حياتي”❤ صباح الورد يادنيتي🦋
دنيا مقعمزه على سريري ونقرأ ونعاود في الرساله فوق العشرين مره وإبتسامتي شاقه وجهي😊، أنك تنوضي وتلقي كلمتين حلوات كفيلات بأنهم يزيدو الصباح جمالاً ويعطوك طاقه حلوه لتكملة اليوم بإيجابيه أكثر، الكلام الحلو زي جرعه من جرعات الأكسجين لشخص مريض من فتره لفتره يحتاجها وتنتعش روحه مجرد مايأخذها، وأنك تعرفي قداش أنتي مهمه عند شخصك المفضل هالشي مش هين أبدا ليه تأثير كبير جدا على قلبك وروحك وتعزيز ثقتك في نفسك، مش عارفه منين يلقا في الكلام هذا، اللي مجرد مانقراه ننسي أي شي شاغل بالي وكأنه الدنيا مافيهاش إلا هوا وبس، رغم كل المشاكل والهموم اللي مسيطره على تفكيري في الأيام اللي فاتو، بس مجرد مايحضر هوا حتى ولو خيال، يفني كل شي كان في عقلي قلبه، تاريته الحب مش ساهل بكل يابنات يخليك زي الهبله حق😅 إديري حاجات ماكنتيش متخيله حتى أنك تعرفيها
سعاد واقفه في باب الدار: هيا يادنيا حسام قال كيف خاش من الشارع، خلي نطلعو أحني قبل مايوصل ويلقا البوابه مسكره شني يحزها بعدين
دنيا وقفت بسرعه، وبتوتر: وكان شاف سيارة عمي ومرشها المكسر، شني بنقولوله!! ( طبعا سعد ولد عمي كل ليله شكله يأخذ في حاجه ويجي ياأما يبدأ يحذف في الرشاد على البيبان، ياأما يعيط ويقول في ألفاظ زي وجهه، ومرتين يكسر في مرش سيارة عمي مصطفي، مستغل غياب حسام، وعمي ساكت ويقول معليشي مادوروشي فكونا من المشاكل)
سعاد، بضيق: لا لا مدرقه وراء الحوش إن شاءالله مايشوفهاش، أطلعي بسرعه أنتي هيا
دنيا خذيت شنطتي وتليفوني وطلعت: خلاص كملت هيا، طلعت أني وعمتي للبوابة، وأول ماوصلنا كبهت عمتي من الباب الصغير لما شافت حسام أشرتلي نطلع
حسام إستغربت🤔 لما شفتهم طالعين من الباب الصغير والبوابه مسكره نزلت بسرعه
دنيا، بإبتسامه😊: صباح الخير
حسام، بإبتسامه😊: صباح الورد وأشرت لدنيا تركب في السياره، وتلفتت لأمي بإستغراب🙄: خيركم طالعين برا أستنيتو شويه لين خشيت، وخيرها البوابه مسكره
سعاد، بتوتر: عادي مافيها شي ياوليدي الدنيا صبح ومافيش حد في الشارع، قالو السحاب فاسد مافاسد
حسام، بإستغراب🤔: كيف فاسد!! وكبه من البوابه، وبشك🙄: خيره سياراتهم كلهم الداخل كيف دخلوهم إمالا
سعاد، بضيق: وين نندري عليهم أني، هيا ورأس وليدي أركب، وتوجهت للسياره وركبت
حسام زفر بضيق وهوا يحاول يمسك نفسه، وركب من غير مايقول كلمه وحرك السياره وطلع
سعاد: ماقلتش وين رافعنا من هالصبح؟؟
حسام، بإبتسامه: بندللكم اليوم شويه، إن شاءالله غير مافطرتوش!!
سعاد، بضحكه😁: لا والله على أساس أنت خليتنا نفطرو شوف الساعه حتى 8 ماطقت قاعده، ياذوبك لحقت درت لبوك حاجه على السريع
حسام: باهي كويس معناها نفطرو قبل وبعدين تبدأ رحلتنا، بوي قاعد قصدك إمالا سيارته وين ماشفتهاش!!
سعاد، بتوتر: قاعده غير أنت ماركزتش
حسام بشك🙄: مش عارف مرات!! وكيف بيطلع مدامه البوابه مسكره
سعاد، بضيق: قال كلم صاحبه الصديق من إمبارح بيخطم عليه
حسام حاس بأنه فيه شي مش طبيعي، بتساؤل: من أمتي فاسد السحاب؟
سعاد، بتوتر: أمس بس
حسام، بإستغراب🤔: وكيف دخلو سياراتهم إمالا!! وخيرهم ماصلحوشي؟
سعاد، بضيق: وين نندري على بلاهم أني
دنيا عرفت أنه حسام شك في شي وزاد توتر عمتي الملحوظ خلاه يشك أكثر، حاولت نغير الموضوع بسرعه، بتوتر: حسام كنت نبي المصرف شويه
سعاد، بإستغراب🙄: وعلاش المصرف شني بديري بيه عندك حساب أنتي؟
دنيا: أي عندي بس قبل بابا كان وصي عليا مانعرفش توا شني ممكن يصير، الحق كنت نبي نحط الشيكات اللي عندي، وحتى الفلوس اللي عندي في الحوش خطر يقعدو في الحوش بعد اللي صار( كنت قاصده حركات سعد، كنت خايفه أنه يتجرأ ويخش للحوش وخصوصا أنه فاضي)
حسام، بشك: ليش شني اللي صار!!
دنيا بدل مانكحلها عميتها بكل😓 توترت وماعرفتش كيف نتصرف ماكناش نبو نقولوه على شي مانبوشي يغرق في المشاكل أكثر، قعدت نلكلك في الكلام وتنفست براحه لما تكلمت عمتي وأنقذتني😞
سعاد، بتوتر: ماهو اليومين اللي فاتو قالوا أنه في خانب خش لحوازة الحاج عيسي اللي جنبنا، هذا قصدها دنيا
حسام قعدت نمرر في نظري عليهم بشك كنت حاس أنه فيه شي مدرقينه عليا ومايبوش يقولولي، وتوترهم زاد أكدلي شكي وأحساسي، بس شني اللي صاير وهما مايبوش يقولولي، هكي زدت خفت عليهم أكثر لو صار شي بوي بروحه مش راح يقدر يحميهم، قررت نخلي هالموضوع شويه توا نعرفه بطريقتي، تنهدت بضيق: خلاص يادنيا نمرو على المصرف قبل، شني مصرفك أنتي؟؟
^^^^^^^^^^^^^^^^^^^^^^^^^^^^^^^
في شقة محمد وأيه
محمد خش للمطبخ، وبإبتسامة😊: الله شني الريحه اللي تفتح النفس على الصبح هذي
أيه،بنص عين😒: الناس تقول صباح الخير مش أنت تنوض تفكر في بطنك على طول
محمد قرب وهوا يشوف فيها تحرك في القهوه، قرب وخطف بوسه من خدها بسرعه، ووخر وهوا يضحك على شكلها اللي تلون بالأحمر وكيف قعدت جامده في مكانها من اللقطه الغير متوقعه اللي دارها
أيه ماتوقعتش منه هالشي، نزلت رأسي لما أنتبهتله كيف يضحك تحشمت هلبا
محمد، بغمزه😉: هكي المتزوجين يصبحو على بعض الدوه مافيهاش فايده
أيه، بغيض: بارد😒
محمد، برفعة حاجب🤨: بارد صار باهي، هيا من وين الريحه الحلوه هذي شني إمدايره!!
أيه، بحده: حاجه حلوه بس مافيش شوف روحك كيف وليت من المأكله وزنك زايد هلبا، هيا أطلع شويه ونجيبلك القهوه
محمد قعدت نشوف لروحي وكأني نتأكد هل صح وزني زايد أو لا، وبغيض: ماهو كله منك أنتي اللي من لما شرينا الماعين وأنتي تلبزي وتجيبيلي
أيه، بهزوه😏: وماشاء الله أنت تقول مش ضايق شي من قبل الناس تأخذ طرف وإثنين وأنت ماترتاحش لين تقضي على كل شي
محمد قرب وباسها من جديد، وبغمزه😉: ماهو في حاجات كل ماتأخذ منهم يغروك تأخذ أكثر ماتقدرش تمنع روحك زي هادم مثلا، وشد خدودها الإثنين بإيديه وهوا مبتسم😊
أيه، بغضب😠: محمد القهوه سخونه راهو شني رأيك تتبزع عليك بالغلط وتمنعك من التسهويك
محمد بعد بخوف😦: خلاص يامهبوله تلعبي بالنار، وتلفت وطلع لما سمع تليفونه يرن وهوا يقول: لو ماكليتش من الحاجه الحلوه اللي إمدايرتيه توا، طول اليوم قاعد على قلبك وشدي التسهويك على أصوله بعدين
أيه هزت رأسها وهيا تضحك😂، وطفت على القهوه وطلعت لما سمعت محمد يقول” أهلين ياخالتي، لاعادي إنوضو بكري أصلا”
أيه، بإستغراب🤔: هذي أمي!! وقربت لما محمد هزلها رأسه بأيه، وماقدرش محمد على قد ماحاول أنه يكون طبيعي ويسيطر على ملامح الفزع والخوف اللي كسو وجهه لما سمع اللي قالاته خالاته، إلا أنه حاول يتصنع الإبتسامة وهوا يقول: خلاص ياخالتي يوصل إن شاء الله حتى هيا تسلم عليك
أيه تشوفله بشك: خيرها أمي متصله في هالوقت، وليش ماعطيتنيش كلمتها!!
محمد، بإبتسامه صفره: ماخيرهاش تسأل علينا، ألبسي نحطك في حوش بوي قبل مانمشي للجامعه
أيه، بإستغراب🙄: توا صبح يافتاح خلاها حتى العشيه
محمد، بنفي: لا لا نحطك خير ماتقعدي بروحك مرات نعطل، ومشي خش للدار وهوا يقول: خفي روحك تأخرت أني
أيه ماقدرتش نعترض أكثر كنت ملاحظه تغيره المفاجئ بعد مكالمة أمي زعما شني قالتله، درت في حافظه من القرينات اللي درتهم وطلعنا وحتى القهوه ماباش يشرب منها، وطول الطريق ساكت وسارح، خفت بصراحه وفكرت أنه مرات يكون بوي أو واحده من خواتي صايرلهم شي وهوا مايبيش يقولي، أول ماوصلنا قدام حوش خالتي، شديت إيده قبل ماينزل، وبرجاء🥺: محمد ورأس أمك قولي شني فيه ماتخوفنيش شني قالتلك أمي!! بوي صارتله حاجه ونزلو دموعي😢
محمد، بضيق: واللهي مافيه حاجه خيرك تفاؤلي عليه من هالصبح، أمسحي دموعك وأنزلي ماتنكديش عليا من الصبح بعدين يقولو مرته نكديه وضحك غصبآ عنه باش يحول الشك من دماغها😅
أيه مسحت دموعي ونزلت، وفي بالي أني نكلم أمي من تليفون خالتي باش نطمن أكثر
محمد خش من الباب وتلاقي هوا وبوه طالع، أبتسم: صباح الخير يابوي كيف حالك اليوم؟
أيه، بإبتسامه: صباح النور ياعمي نهارك سعيد؟
المبروك: صباح الخير نهاركم أسعد، الحمدلله في نعمه، خشو وإمشي بيطلع
محمد: لا أني بنطلع تأخرت، أستناني يابوي شويه نبيك، وتلفت لأيه لما شاف بوه هز رأسه وطلع من الباب، وبحده: اللي في إيدك هذا ياويلك مانلقاش حصتي لما نروح، وهوا يأشر على الحافظه اللي فيها قرينات الشكلاطه، وطلع وهوا يأشرلها بسلام👋
أيه، أبتسمت😊: في أمان الله، قعدت إتبع فيه بعيونها لين طلع وسكر الباب تنهدت ولفت بتخش
” من كان يدري أن مايخبئه له القدر أجمل بكثير مما كان يظن “❤❤
^^^^^^^^^^^^^^^^^^^^^^^^^^^^^^^
في مكان ثاني مركز الشرطه بالتحديد، كان عادل مقعمز مع الضابط حمد خاله اللي ليه فتره ماشافاش
حمد وهوا يشوف للتقارير بتركيز: يعني هذا باش شفنا وجهك من الصبح، باهي اللي إذكرت أنه عندك خال في وقت مصلحتك، وأبتسم بهزوه😏
عادل أيه علينا توا بيدلني بيها، أبتسم😊: لا ياخال والله ماصارت أنت عارف الدنيا تلاهي وكل واحد يجري على حاله، مافيش شي يجيك بالساهل لازم الواحد يتعب معاش عندنا وقت باش نواصلو ونتفقدو بعض، لكن اللي في القلب في القلب راهو مش ناسينكم
حمد شافله بنص عين😒: قتلي القلب صار!! مني هذا اللي بتشكي عليه؟؟
عادل، بتوتر: غير قولي قبل بحسب التقارير اللي تشوف فيهم كم ينحبس؟؟
حمد رجع يشوف للتقارير، وبضيق: 4 أو 5 شهور بالكثير تأديب بس، مادامه مافيش عاهات مستديمه
عادل، بضيق: كيف!! شويه ياخال الزفت، دبرها بمعرفتك وخليها سنه ورحمة العزوز
حمد، بغضب😠: تي كيف بندبرها تبيني إنلفق للراجل تهمه مش ليه ولا كيف، وبعدين مني هذا وشني فيه بينك وبينه لين ناقم عليه بهالشكل
عادل، بضيق: هذا حسام ولد عمتي، هوا اللي حاط رأسه من رأسي، تشوف في التقارير أغلبهم ليا شوف حتى وجهي قاعد عليه أثار الضرب، ونبي نأخذ حقي منه بالقانون نبيه يتأدب ويشعف ويفكر مليون مره قبل مايتخطي عليا حتى بكلمه، دبرها ياخالي من عندك أول مره نوقف عليك في خدمه الزفت فيدنا شويه، باهي حتي 9 أو 10 شهور على الأقل، غير طوله المده شويه بس
حمد، بإستغراب🤔: عادى بيكم كنتو صحاب أنت وحسام شني اللي حول الصحبه لعداوه، إن شاءالله غير مش بنت خشت بينكم بس
عادل بإستغراب🙄: وأنت منين عرفت ياخالي!!
حمد، ضحك بهزوه😏: كاثره هالمشاكل هالأيام صحاب يتعاركو على خاطر يبو نفس البنت، بس مني هيا بنت أمها اللي خلاتك تفكر تحبس ولد عمتك وصاحبك
عادل، بضيق: مش ضروري تعرف ياخالي، شني بتخدمني ولا نشوف واحد ثاني، ووقف بغضب😠
حمد شافله بحده ورجع بنظره للأوراق اللي قدامه، وزفر بضيق: واللهي غير أول مره توقف عليا كان هذا ماتحلم بيها، 7 شهور بس هذا حد قدرتي غيرهم ماتحلمش
عادل، أبتسم😊: باهي كويسات، شكرا ياخال معروفك هذا في رقبتي مستحيل ننساه
حمد أبتسم وهز رأسه: على الله يثمر فيك بس
عادل، بضحكه😁: يثمر يثمر، بس ها مانوصيكش بينا راهو، خلاص الليله نحصل عليه ونرن عليك
حمد: خلاص تمام
عادل أبتسم وطلع وهوا طاير من الفرحه، ويبتسم بهزوه: خبطتين في مكان واحد يوجعو ياسي حسام توا نشوفو شني إديرلك قوتك وتسكيرة رأسك تحساب روحك فالح😏
^^^^^^^^^^^^^^^^^^^^^^^^^^^^^^^
سعاد، بإبتسامه😊: أهو ياحنه تمينا مشوار المصرف، وفطرنا وتبحبحنا وتوا على وين إن شاءالله
حسام: خيرك ياأمي مليتي ولا كيف!!
سعاد: لا واللهي ليا وقت ماطلعت غير نسأل فيك وين بترفعنا بس
حسام شفت لدنيا في المرايه لقيتها مركزه معاي أبتسمت😊: بنرفعكم للسوق بالك ناقصتكم حاجه، وحتى المدرسه تبدأ الأحد راهو
سعاد، برفعة حاجب🤨: أها قول هكي من الأول متفاهمين صار غير تجبدو فيا وراكم
دنيا، بسرعه: لا ياعمتي والله ماصارت حتي أني ماعنديش علم بكل والله
حسام، بضحكه😅: شني الحويجه غارت من كنتها ولا كيف!!
سعاد ضيقت عيونها😒: غير يولد ويصير منه هوا، هذا اللي ناقص بس وبحده: رد بالك مازال تعاوده هالكلام فاهم!!
دنيا إضايقت من كلام عمتي يوم عن يوم نحس فيها ترفض في علاقتنا أكثر، حولت من وراء حسام بسرعه لما حسيت دموعي على وشك الإنهيار، تنهدت بقوه وتلفتت للروشن
حسام تلفتت للخلف شفتها مغيره مكانها ومتلفته للروشن وراسمه ملامح البرود كعادتها زفرت بضيق وزدت السرعه شويه، وساد الصمت لين وصلنا للسوق
دنيا كنت بارده كالعاده نتجاهل في نظراته وكلامه على قد مانقدر مش عارفه ليش نتصرف هكي بس نحاول إنفس على الغضب اللي كنت حاسه بيه فيه هوا، خديت شوية حاجات وكل مره نحرجه قدام صاحب المحل ومانخليشي يدفع هوا، كنت ملاحظه أنه على وشك الإنفجار من حركاتي، كنت نمشي قدامهم سبقتهم وخشيت للمحل الثاني وخليتهم ورائ
حسام من تصرفاتها واضح أنها إضايقت من كلام أمي، بغضب😠: ماكنش فيه داعي ليه كلامك ياأمي، عارفتيني نبيها وله، ليش تحرجيها وتحطيني في موقف بايخ قدامها الزفت
سعاد، بضيق: أنت أكيد هبلت البنت عيل قاعده معاش تدوي معاها على الدوه هذي
حسام، بغضب😠: تي أي عيل ياأمي ندادها بصغارهم، وبعدين عيل ولا عجوز أني عاجبتني ونبيها زي ماهيا، باللهي ماتزيديهاش عليا حتى أنتي اللي فيا سادني، كنت نحسابك أول واحده بتفرحيلنا مش هذي دنيا اللي ميته فيها قبل
سعاد، بنص عين😒: ومن قالك كرهتها توا، بنت خوي وقاعده غاليه عليا كيف قبل وأكثر، لكن العوج مايرضي بيه حد، راهو كلامي لمصلحتك انت اللي ماتبيش تفهم، يعني عاجبك هالمشاكل اللي حطيتنا فيها مع خوالك، كنت صبرت هالسنتين لين طقت ال 18 وبعدين ماحد يقدر يقولك ربع كلمه مادامها البنت راشده ومتحمله مسؤولية نفسها وهيا اللي تختارك بإرادتها
حسام، بعصبيه😡: تي باللهي تدوي تقولي مش شايفه اللي صار، ماك تشوفي فيهم كيف يتجارو عليها زي الكلاب( حاشاكم ) تبيني نسكت ونقعد نتفرج ونخليهالهم، تي إن شاءالله يطربقو مع بعضهم ماليا علاقه بحد مادامها هيا راضيه وتبيني، وتلفتت بسرعه لما لمحتها أختفت من قدامنا وخشت لمحل من غير ماتقول، سرعت خطواتي وخشيت وأني نشوف فيها كيف واقفه وتتفرج على مليكانه محطوطه في وسط المحل كانو ملبسينها عبايه ولافين عليها حجاب
قربت وأني مبتسم مجرد ماتخيلت اللي تفكر فيه😊
دنيا بصراحه المنظر لفت إنتباهي، إذكرت كم مره حسام يلمحلي على هالموضوع وأني إنساير فيه، بصراحه حابه نتحجب وأني على قناعه كامله بهالخطوه مش لإرضاء حد، تلفتت لما حسيت بيه قريب مني
حسام ركزت على اللي تشوفله، وأبتسمت: ديمه الستر أحلى، عمره ماكان الحجاب تقليل من جمال البنت بالعكس يزيد يحليها أكثر وأكثر
دنيا، بحده: بس هالشي لازم تكون هيا على قناعه كامله بيه مش فرض من حد
حسام، ضيقت عيوني😒: وليش مني اللي يقدر يفرض عليك شي أنتي!! نحاولو نقنعوك بيه وربي يقدرني أني ويهديك أنتي، وبرجاء: خلاص أنسي اللي قالاته أمي وبطلي حركاتك اللي إديري فيهم حتى أني ضايقني كلامها بس أنتي إموليه حساسه هلبا ومعاش تتحملي تخلي فيا نخاف عليك بزياده هكي
دنيا تنهدت ومشيت من جنبه لما شفت عمتي خشت للمحل
حسام زفرت بغضب😤 وأني حاس أنه هالموضوع راح يولد حساسيه مابين أمي ودنيا، وأني عاجز عن إيجاد حل، الدنيا كلها معاكستني أحترت مني نرضي، كملنا من السوق والقرطاسيه، وصار موعد المفاجأه، درست وقعدت نشوفلهم كيف يشوفولي بإستغراب🤔
^^^^^^^^^^^^^^^^^^^^^^^^^^^^^^^
في المطار مقعمز محمد والمبروك اللي الخوف والقلق مسيطر على تفاصيل وجوهم ويستنو في موعد الرحله اللي بتطلع لبنغازي
محمد كان مقعمز وسارح في مكالمة خالته الصبح اللي ماكانتش لا على البال ولا على الخاطر، بعد ماهدى وتصلح وضعه هوا وأيه شويه وحاسها باديه تتجاوب وتنسجم معاه وبدو يأخذو تدريجيا على بعض، طلع هالموضوع اللي لو يكبر هما أكثر الخاسرين منه
Flashback
حنان، بضيق: سامحني ياوليدي نوضتكم من النوم
محمد: لا ياخالتي أحني إنوضو بكري أصلا
حنان، بحزن: اسمعني يامحمد رد بالك تقول لأيه، والله من إمبارح وأني كبدي والعه فيها نار وماصدقت الصبح صبح باش نكلمك، إمبارح ولد سلفي قال وصلاته رسالة على أساس أنه أيه هيا اللي لاعبه بالصور وهيا اللي مخططه لكل شي ومتفاهمه معاك، وعمامها لما سمعو مانحكيلك مادارو، إمبارح ليلة عدوينك واللي يكرهوك صارت فينا، وأبصر مني مقايللهم على عنوان الشقه اللي قاعدين فيها وراهم يتحلفو فيكم وقالو بينزلو لطرابلس وبيروحو بيها، وأني الحق خايفه عليها منهم راهم متغلالين عليها من الأول وزادو توا، حييي عمك الهادي ناض توا نكلمك بعدين وسكرت
Now
محمد تنهد بضيق وهوا يفرك في جبهته بتوتر
المبروك، أبتسم وهوا يحاول يطمن ولده: ماتخافش ياولدي أني نمشي ونتفاهم معاهم ونفهمهم بالهداوه وبإذن الله مايصير إلا كل خير
محمد، بحزن😔: الموضوع ولا مسؤوليتك يابوي، أنت والنصيب اللي جبرتوني نأخذها وزي مافرضتها عليا فرض، نبيك تفرض واقع أنها ليا لعمامها وأني مستحيل نفرط فيها، خليهم يفهمو أنهم مستحيل يقدرو يأخذوها مني لو مهما دارو هيا توا مرتي وماحد ليه كلمه عليها غيري
المبروك، بإبتسامه😊: وهيا ليك ماتخافش، ووقف لما سمع النداء للرحله
محمد سلم على بوه وقعد واقف يشوفله لين خش لصالة الإنتظار ولف وطلع وهوا الدنيا ضايقه في وجهه
^^^^^^^^^^^^^^^^^^^^^^^^^^^^^^^
في حوش مفتاح
مفتاح، بصدمه😯: وكيف إدير هكي من رأسك ليش ماشاورتش قبل
عادل، بحقد: يستاهل وأكثر من هكي غير هذا اللي قدرت إنديره لو كان في إيدي شي أكبر راهو ماقصرتش معاه، ماتشوفش فيه كيف طاغي ومش إمداير حساب لحد لازمه تأذيب خليه يتربي كويس
مفتاح، بضيق: هوا غالط ماقلنا شي، بس حتى أنت زودتها شويه البنت ماتبيكش مش بالسيف هوا، مش معقوله إدخل ولد عمتك للحبس على خاطر موضوع زي هذا، حتى عيب قدام الناس شني راح يقولو علينا
عادل، بنص عين😒: إمالا كان تشوف الشي الثاني شني راح تقول، تبينا نقعدو نتفرجو لين تقعد سيرتنا على كل لسان، أنت عندك بنات والمفروض تخاف على سمعتهم من الشي اللي قاعد يصير، فتح التليفون ومدهوله: شوف ها العار على أصوله تخيل لو هالصور وصلو ليد حد ثاني شني راح يكون موقفنا وقتها
مفتاح إنفتحو عيونه بصدمه من اللي قاعد يصير فيه، كان عنده إحساس أنه موضوع دنيا وحسام مش صح ميه الميه وعادل قاعد يكبر في الموضوع لأنه يبي دنيا بأي وسيله، بس هالصور نفو إحساسه بالكامل وخلوه يثور وهوا في حالة غضب شديده😠
عادل، بحقد: لا ومش هكي وبس حتى علا شافتهم كم مره بالصدفه في وضع مش تمام، وتحشمت تقولك عليه أنت
مفتاح، بعصبيه: هالكلاب اللي مايتحشمو الله يلعن هاليوم اللي جت فيه هالكلبه بنت ال🤬، ياريتها ماتت مع بوها وريحتنا من عارها، وقف وطلع وهوا معصب على أخره
اما عادل أبتسم بإنتصار لأنه قدر يخلي بوه يتأكد من شكه وأكيد هالمره راح يحسم قراره، ودنيا راح تكون ليه بعد اللي راح يصير
^^^^^^^^^^^^^^^^^^^^^^^^^^^^^^^
سعاد، بإستغراب🙄: وين جايبنا مش هذي عمارة المرحوم خالك؟؟
حسام، بإبتسامه😊: أيه ياأمي، هيا إنزلو بنوريكم حاجه، وفتح الباب ونزل
دنيا قعدت ساكته ونتفحص في المكان من برا أني مش شايفاته إلا مره خطف ممكن كنا فايتين من إهنايا، كانت عماره من ثلاثه دوار فيها ستة شقق وتحتها 4 محلات واضح من مساحة القطعه أنهم كبار، لاحظت أنهم كلهم مسكرات، زعما خيرهم!! إذكرت أنه اليوم 15في الشهر وعمي مصطفي ماجابليش إيجار الشهر اللي فات كان كل يوم خمسه في الشهر يوصلني، زدت إستغربت أكثر
حسام وقفت وفتحت واحد من السرانتيات، وبإبتسامة😊: هيا تعالو خيركم خايفين تقول بنخطفكم
سعاد، بإستغراب🤔: وين صحاب المحلات خيرهم مسكرات شني اليوم عطله؟
حسام فتحت باب المرش: لا ياأمي مش عطله بس سيبو ليهم فتره، تي هيا تعالو خيركم تقول يشحو فيكم التالي
دنيا قاعده محافظه على صمتي، وزدت إستغربت🤔 كيف سيبو وعمي ماقاليش شي، تبعت عمتي اللي خشت ومجرد ماخشيت فتح حسام الضي، قعدت نمرر في نظري على المكان بعدم إستيعاب🙄، نمشي شويه ونتلفت لحسام نلقاه يبتسم ونرجع نمشي ونتلفت وأني مش مصدقه اللي نشوف فيه قدامي، كانو المحلات مفتوحات على بعض ومساحتهم كبيره هلبا أكثر من ماكنت نتصور مزوقات ومخدوملهم ديكور حلو جدا، وكان فيه جزء مقطوع وكله رخامات من الداخل واضح أنه ديكور مطبخ من الداخل، صح كانو مش كاملات بس قاطع شوط كبير فيهم، دمعو عيوني😢 من فرحتي باللي داره على خاطري، حتى في عز مشاكله والهموم اللي فوق رأسه مش ناسي أني شني نبي، أني بروحي نسيت مع المشاكل اللي صارت ومعاش فكرت في الموضوع ماتخليتش أنه هوا يسعي بكل جهده باش يسعدني ويفاجأني بالموضوع
حسام، بإبتسامه😊: شني رأيك ياأمي في المكان
سعاد، بإعجاب: ماشاء الله الحق واسع ومشرح ويفتح النفس
حسام، بفرحه: مازال لما يكمل تشوفيه كيف يولي يبي شوية وقت بس، وتلفتت لدنيا لما مشت أمي تستكشف في المكان، وأستغربت لما شفتها تشوفلي وتبكي، قربت بقلق: دنيتي شني فيه علاش تبكي ماعجبكش المكان!!
دنيا هزيت رأسي بالنفي
حسام، بتوتر: باهي خيرك مريضه تحسي في شي يوجع فيك!!
دنيا هزيت رأسي بالنفي وزدت في البكي😭
حسام، بخوف😟: تكلمي يادنيا ماتنشفيش ريقي من الخوف عليك، مش متحمل دموعك راهو شني فيه!!
دنيا، بدموع😢: حسام أنت أحلى شي صار وراح يصير في حياتي أني نحبك❤، هالكلمه ممكن كانت أصدق شعور نحسه ونعبر عليه في وقته، حسيتها طالعه من قلبي فعلا أول مره نحس هالشعور اللي محسيتاش حتى مع بوي وأمي اللي المفروض كانو يكونو أقرب الناس ليا، بس حسام خذي مكان الكل عندي كسب كل شي فيا بجداره قدر يسحبني من نفسي، عاود تشكيلي داخليا بإتقان
” لما تلاقي إللي يحبك بالافعال قبل الكلام وإللي يخليك تحبي نفسك وتتغيري للأحسن بإهتمامه وحبه ويطمنك بإنه جنبك وراح يوقف في وجه حتى نسمة الريح القويه قبل ماتوصل لوجهك، أعرفي وقتها أنك لقيتي راجل ومش كل البنات محظوظات زيك ولقو اللي لقيتيه أنتي ”
حسام إنصدمت😲 من كلامها اللي جي في وقت مش متوقعه نهائي، تلفتت لأمي لقيتها بعيده علينا ومش مركزه معانا بكل، رجعت شفتلها بصدمه وقربت أكثر ونقول في خاطري أكيد أني سمعت غلط، بلهفه😍: شني قلتي!!
دنيا، أبتسمت من بين دموعي: اللي سمعته
حسام قربت وشديت إيديها ومسحت بيهم دموعها، وبحب❤: أنتي كلي يادنيتي
دنيا أبتسمت☺: شني كلك!!
حسام نزلت عيوني لإيديها وقعدت نأشر عليهم بالواحد، وبحب❤: أنتي سعادتي وحبيبتي وحياتي وقلبي ودنيتي وجنتي، وشديت الأربعه اللي فضلو، وبإبتسامة: هاذم نخلوهم لوقت ثاني باش تكوني زوجتي الأولى والثانيه والثالثه والرابعه، ياكلي أنتي❤
دنيا أبتسمت بفرحه متمنيه الحياه توقف على هاللحظه معاش نبي نفكر في أي شي ثاني، خاطري ننسي كل شي معاه، نهرب من الدنيا كلها ليه هوا وبس، قطعت عمتي هاللحظه لما قالت
سعاد، بتوتر: كلمني بوك ياحسام وقال روحو توا أبصر شني فيه إن شاءالله خير
^^^^^^^^^^^^^^^^^^^^^^^^^^^^^^^
في حوش المبروك
محمد، بضيق: هذا اللي صار بالضبط وبوي مشي باش يكلمهم ويتفاهم معاهم، باللهي معاش حد يسألني ولا يقول شي مش متحمل سامع كلمه راهو
فوزيه تنهدت بضيق وهيا تدعي في خاطرها أنه ربي يسهل هالموضوع اللي بدي من أوله بالمشاكل وإن شاءالله ينتهي على خير، من غير مايضرر حد
سنيه شافت بحزن لأيه اللي غطت وجهها بإيديها وقعدت تبكي😭
فوزيه، بحزن: ليش تبكي يابنيتي كوني في روحك، بإذن الله مايصير إلا الخير، عمك المبروك توا يقنعهم ويهديهم كيف ماأقنع بوك من قبل
أيه، بدموع: هاذم مايقدرهم حد ياخالتي مايقدرهم حد، ديمه هكي إمدايريلنا مطاولين علينا لأنه أحني ماعندناش خوت نتسندو عليهم، وتشوفي مادامهم سكرو رأسهم على شي راح يديروه، وأني ماعنديش مني يحميني منهم بوي مايقدرش عليهم
محمد، بغضب😠: ماعندكش سند صار!! وماعندكش مني يحميك!!، وأني شني تشوفي فيا إمالا بواب ولا شني قصتي، لو يصير فيها الدم ماحد يقدر يطلعك من إهني ولايأخذك مني، وطلع وقربع الباب وهوا يزفر بغضب😤، تفاجئ بعمه اللي خاش من الباب الخارجي وملامحه ماتبشرش بالخير
مفتاح، بعياط: وين بوك وينه!!
محمد، بضيق: بوي طلع لبنغازي عنده موضوع يحله ومروح غذوه بإذن الله
لف مفتاح وطلع وهوا يسب ويفكر ( أستغفر الله) ومش مراعي حتى عمره
محمد تنهدت بضيق وفضولي خلاني نطلع ونشوف شني صاير، وتفاجأت بعمي بشير وولاده وعادل واقفين قدام حوش عمتي وسعد يقربع بالقوه على الباب
محمد، بإستغراب🤔: خيركم شني فيه!! علاش هذا كله!! مافيه حد الحوش راهو( كان عندي علم، حسام مقايلي أنه راح يطلعهم اليوم ويوريهم اللي داره في المحلات)
مفتاح زفر بغضب😤 وطلع تليفونه وأتصل بمصطفي وأصر عليه بأنه يجي بأسرع مايمكن ويكلم حتى سعاد معاه
محمد كنت نشوف بخوف😟 لعمامي اللي عباره عن براكين موقوته قابله للإنفجار في أي لحظه، وندعي في خاطري ياربي سلم ياربي سلم اللهم ماأجعل كيدهم في نحرهم، لاحظت من نظرات عادل أنه فرحان والله أعلم على شني وبعد شويه شكله دار مكالمه ورجع وأبتسامته شاقه وجهه أكثر من قبل، وعلى قد ماسألت شني فيه شني صاير، ماحدش جاوبني سكتت وقعدت نستني زيهم
^^^^^^^^^^^^^^^^^^^^^^^^^^^^^^^
دنيا دقائق ووصلنا لأنه العماره ماكنتش بعيده عن الحوازه، تلاقينا أحني وعمي مصطفي نازل من تاكسي قدام البوابه اللي كانت مفتوحه
حسام، بهزوه😏: أهي البوابه مفتوحه شكلهم صلحوها
دنيا هيا لا كانت فاسده ولاشي بس سعد كان ديمه يسكر فيها هكي كفر، وقداش مره أطر عمي مصطفي يخلي سيارته برا، ومرتين يسكر عليه حتي في الباب لين يكلم عمي المبروك يطلع ويفتحله، دوارت نشاف زي مايقولو
سعاد توترت وهيا تشوف في خوتها وولادهم واقفين قدام حوشها، وبخوف😟: ياربي أستر زعما شني فيه، ونزلت بسرعه وهيا تشوف لمصطفي اللي خش على رجليه وراهم، وبتساؤل: شني فيه يامصطفي شني صاير!!
مصطفي، بضيق: الله أعلم علمي علمك قاعد مانندري على شي
دنيا نزلت وأني متوتره من وجودهم مايجتمعوش إلا لو فيه كارثه أو ناويين على مصيبه
حسام أبتسمت بتشجيع: ماتخافيش خليك قويه زي مانعرفك ماحد يقدر عليك
دنيا أبتسمت ومشيت وراء عمتي، وكانت العيطه الأولى لعمي مفتاح
مفتاح قدم لدنيا اللي تحامت وراء سعاد وهيا تشوف فيه هاجم عليها، وبعياط: ياحرايميه يابنت الحرام ياللي مش متربيه يافاجره، عيله كامله تستغفليها وإديري مايحلالك أنتي والكلب اللي معاك
حسام ماقدرتش نوقف ونشوفه وهوا يتحزز عليها ويهين فيها زي توا قدمت وإيدين محمد هما اللي منعوني، وبغضب😠: حول يامحمد خلي نعلمه كيف يتكلم
محمد، بحده: أصبر ياحسام راهم يستفزو فيك زي كل مره، الباين أنهم يخططو لشي كبير هالمره ربك يستر سيطر على روحك شويه
سعاد، بغضب😠: شني هالكلام اللي تقول فيه ياخوي، راهو عيب عليك أحترم حتى سنك شويه
بشير، بعصبيه😡: علاش أنتم خليتو فيها إحترام، شكلك حتى أنتي وراجلك عاجبكم الموضوع وراضين على اللي قاعد يصير مادابيكم عاد تضحكو عليها بكلمتين وتكوشو على كل شي يانعن🤬
مصطفي، بحده: شني هالكلام أحترمو نفسكم شويه هاديين علينا في حوشنا وتتواقحو زياده، شني اللي تبوه بالضبط تكلمو زي الرجاله وسيبو لعب المفرخ لصغاركم اللي طالقينهم علينا زي المكلبه
حسام تلفتت لمحمد بتساؤل: شني دارو هالكلاب هاذم في غيابي؟؟
محمد، بضيق: مافيه شي أنت تحكم في أعصابك بس
مفتاح، بغضب😠: توا طلعنالك مش رجاله يامصطفي، ليش وينها رجولتك وأنت طالق الكلب ولدك يلعب في شرف خوي الميت ويستغل بنت خاله العيل ويدير مايبي
الكلمه كان وقعها كبير على الأغلب
حسام يحاول يفك روحه من إيدين محمد اللي ماسكه بقوته كلها، وبعياط: الله يلعنكم من بين الخوال، تستاهلو الحرق وأنتم حيين على حقارتكم وذنائة تفكيركم وين وصلتكم، خزي على العيله اللي أنتم منها
قرب مفتاح وفي إيده التليفون ومده لمصطفي، وبهزوه😏: شوف عار ولدك اللي على أساس رجاله أنت وياه
مصطفي ولأول مره حد يستفزه لوح التليفون على طول حذفته ودف مفتاح بقوه، وبعصبيه😡: أنتم لوين تبو توصلو بالضبط ها جايين تشككو فيا في ولدي اللي أني عارف كيف مربيه، ياحيف على الرجاله اللي زيكم ياخساره هالشنابات اللي راكبين على عواويل ياخساره، هذا أخر شي وصلتوله تطعنو في شرف بنت خوكم الميت البنت اليتيمه اللي المفروض أنكم أحن عليها من نسمه الهواء البارده، ماعندي مانقول إلا أنه الدنيا جابت ماعندها خلاص الفلوس عمو على قلوبكم، قعد يصفق في إيديه في بعضهم وهوا يقول، بأسف: لا حول ولاقوة الابالله العلي العظيم
دنيا كنت خايفه بشكل غير طبيعي ونرجف مع بعضي، حطيت في موقف لاأحسد عليه نشوف في الناس اللي أؤوني عندهم وحموني قاعدين يتعرضو للمشاكل والسب والشتم والإهانات على خاطري، لا ومن عمامي اللي المفروض أنهم يكونو أقرب الناس ليا وهما اللي يحموني ويخافو على مصلحتي، نزلت دمعتي وبسرعه مامسحتها لما تلفتت لحسام ولقيته يترجا فيا بعيونه أني مانضعفش
مصطفي قدم جهة سعاد ودنيا وهوا يحاول يحميهم، وبضيق: هيا تعالو خشو هاذم فاضيين ماعندهم مايخدمو
بشير، بعصبيه😡: دخل مرتك لكن بنت خوي معاش تقعد عندك دقيقه لو تنطبق السمي على الأرض
مصطفي، بحده: أنت بالذات خليك بعيد أنت وولدك ماتخلونيش نلجأ للقانون ضدكم بتهمة التعدي على حرمة حوشي وإقلاق راحتنا في نفاصات الليالي وإتلاف ممتلكاتي بالقصد
عادل، بهزوه😏: ماعندك ليش إتعب روحك أهي الشرطه والقانون جايين لحد عندك
وماهيا إلا لحظات وتلفتو حسام ومحمد ومصطفي وسعاد ودنيا بصدمه😲، وبينما الباقي مبتسمين بهزوه وهما يشوفو في سيارتين شرطه خاشيين من البوابه
مفتاح، بحده: أهم عمايلكم شوفو لوين وصلوكم، تلقو توا اللي جبتوه لرواحكم
نزل الشرطي وقرب منهم: معانا أمر بالقبض على المتهم حسام مصطفي ال…..، وينه!!
الأنظار كلها توجهت لحسام اللي واقع الصدمه كان عليه كبير، وهوا يفكر شني اللي داره باش تجيه الشرطه لحد حوشهم
سعاد، بخوف😟: حييي عليا وليدي شني تبو فيه، تكلم يامصطفي
مصطفي، بتوتر: شني فيه ياأفندي فاش متهم باش تلقو القبض عليه فهمونا!!
الشرطي: تفهمو في المركز إن شاء الله، وتوجه لحسام اللي قدر يعرفه من النظرات الموجهه ليه
وسعاد ومصطفي مشوله يجرو
الشرطي، بحده: أنت حسام، ولما شافه هز رأسه بإيه، طلع الكليبشات من جيبه وهوا يقول: أطلع معانا من غير شوشره
سعاد، تعيط: ووووووه عليا وليدي وين رافعينه
مصطفي، بتوتر: ماتخافش ياولدي أكيد سوء تفاهم أهو أحني لاحقينك وبإذن الله تروح معانا
حسام، برجاء🥺: باللهي يابوي دنيا أمانه عندك ماتسلمش فيها لحد، ياأمي ردي بالك تخليهم يقهروني فيها ردي بالك، ماكنتش قادر نشوفلها مانقدرش نقاوم لمعة الحزن اللي في عيونها، بس عيوني كالعاده خانوني ومن غير إراده مني إرتفعولها، وأول ماأنتبهت لحالتها الغير متوازنه، بعياط: دنيااااااا لا، لا باللهي عليك لا
دنيا كنت جامده زي الحيط كل المشاعر والأحساس وقف عندي في هذيكا اللحظه حتى حواسي وقفو عن الخدمه، نسمع في دوشه أصوات هلبا مداخله مع بعضها مش قادر نفهم منهم حرف، مانشوفش إلا فيه هوا والشرطي يشح فيه، مش معقوله ياربي تأخذه مني وفي هاليوم ليش تكسر فرحتي ليش ياربي ليش، مديت إيدي للحيط نحاول نستند عليه، بس فزيت بسرعه بمجرد ماسمعته ينادي بإسمي وكأنه صوت إعادة إحياء لروحي الي ماتت من دقايق، وكأنه يستنجد بالقوه مني رجعت توازنت وأني نشوفله بحزن وهوا يترجا فيا بعيونه مانضعفش
عادل بصوت عالي ممزوج بهزوه😏: إن شاءالله ماطولش محكوميتك بس، باش تحضر عرسي أني ودنيتك ياااااصاحبي
حسام كنت عارفه الواطي هوا اللي لاعبها، حاولت نفك روحي من اللي شاديني بس كانو أقوي مني، ودخلوني للسياره بقوه
محمد، بغضب😠: خزيه ياعادل عمري ماتوقعتك بالحقاره هذي تفييي عليك ( حاشاكم )، ومشي بسرعه هوا ومصطفي ركبو في سيارته ولحقو سيارة الشرطه
دنيا قعدت واقفه بثبات وعيوني متعلقات بالفراغ اللي خلاه وراه
” كانت نظرته الأخيرة لي عميقة وكأن عيناه تحفظ ملامح
وجهي لأيام طويلة، وكأنها تعلم أن اللقاء مرة أخري
سيكون بعيدا…..!! “

يتبع….

لقراءة الفصل التالي : اضغط هنا

لقراءة الرواية كاملة اضغط على : (رواية طفلة أرهقت قلبي)