رواية عائلة بالإكراه الفصل الثالث عشر 13 بقلم سلمى بسيوني

رواية عائلة بالإكراه الفصل الثالث عشر 13 بقلم سلمى بسيوني

رواية عائلة بالإكراه البارت الثالث عشر

رواية عائلة بالإكراه الجزء الثالث عشر

رواية عائلة بالإكراه الحلقة الثالثة عشر

حنان عدت على ساره واخدتها عشان يفكوا الجبس وهم فى المستشفى لقوا يوسف واسلام عند على فى الاوضه فدخلوا عندهم
ساره : انتوا بتعملوا اى هناا
اسلام ارتبك جدا خصوصاً انه مش عايز يعرفهم دلوقتى نظراته بتنتقل من يوسف لعلى ومش عارف يرد يقول اى
اسلام ويوسف وعلى فى نفس اللحظه
يوسف بسرعه :اسلام هبط وبنكشف عليه
على بسرعه:يوسف هبط وبكشف عليه
اسلام بسرعه : على هبط وبنكشف علينا ..بنكشف على نفسه ..
كلهم بصوا لبعض بخيبه
وحنان وساره بصوا لبعض وحنان حطت اديها فى وسطها :دى الحكايه فيها إن بقا
ساره رفعت حاجبها : قروا واعترفوا

على بص ليوسف بكسفه : كدا كدا اتكشفنا تقول ولا اقول انا
يوسف اتنهد وشاور لحنان تقعد فسندت ساره وقعدوا شرحلهم الموضوع من اوله وتعابير وشهم بتتحول من صدمه لخوف لارتباك

ساره بخوف : طب هنعمل اى دلوقتى
يوسف :انا حطيت عماد دا تحت المراقبه وقريب هنعرف بيعمل كدا ليه
حنان بقلق : طب واسلام
على :اسلام عملناله تحليل ولسه يومين وتظهر نتيجته
ساره بسرعه : طب مفيش استثناء فى الحته دى …من فضلك لو امكن يا علي ناخدها النهارده
علي بتردد :طب ممكن لحظات وارجع يا جماعه
خرج على
ساره بصت لاسلام : اُس اُس انت كويس
اسلام بزهق :بت انتى …متقوليليش اس اس دى بتعصبنى
ساره : انا كدا اطمنت
**********

سمير اتصل على عماد واستناه فى العربيه فى مكان هادى نوعاً ما
عماد وصل وفتح العربى ودخل لسمير
_انت فين يا باشا ..اسلام خلص ال٣ علب بقاله فتره ..ومستنى الاوامر منك
_ كمل ..اديله المرادى ٦ علب مش ٣ …حتى لو معهوش يدفع ..عايزك تدمره يا عماد
عماد ابتدا يخاف منه : امرك يا باشا بس الدواء دا بفلو…
قاطعه سمير عن كلامه لما حطله الفلوس فى ايديه
ابتسم عماد بخبث وساب العربيه واتحرك ومكنش يعرف بإن في عيون مراقباه
*********

صوت وصول رساله لتليفون يوسف قاطع الكلام العشوائي واسئله حنان وساره اللى مبتخلصش
طلع يوسف تليفونه لقى رساله من حازم فتحها بسرعه كانت صوره لعماد مع سمير فى العربيه ورساله مكتوبه :طلع سمير يا يوسف ..فكر وشوف هتعمل اى وكلمنى
يوسف اتنهد تنهيده عميقه وكلم نفسه : والله انا قولت هيتعدل بس شكله مش مريح نفسه ..تمام اوى
طلع من الاوضه وسابهم واتصل على حازم
_هاا هتعمل اى ..
_هنتحرك بس مش دلوقتى ..اول ما اقولك هيتم
_تمام يا يوسف

قفل معاه ودخلهم
ودخل بعده على
ساره :ها …هنقدر ناخده النهارده …قول اه بالله عليك
علي ضحك:اه …ساعتين بس ويطلع
يوسف بص لحنان :طب اى رأيكوا نتغدا سوا عما يطلع
ساره بأنتبهاه : استنى يا استاذ يوسف … الجبس يتفك الاول يا اخى ..وبعدين نروح وبعدين انت جاى تطلبها بكرا اهدى على نفسك شويه
كلهم ضحكوا سوا واسلام استغرب لانه ميعرفش فساره قالتله وباركلهم فى هدوء
وعلى اخد ساره عشان يفك الجبس واسلام قرر يرجع البيت عشان عنده امتحان الصبح ويوسف مشي معاه لباب المستشفى
_فاضلك كام امتحان
_فاضل اسبوع
_طيب ربنا معاك ..خد بالك ..عماد هيكلمك يقولك انه جابلك الدواء ..اتصرف طبيعى جداا ..ولا اكنك عرفت حاجه ..عموما انا هكلمك اقولك نتيجه التحليل
_ طب لو طلعت نسبه المخدر كتير فى دمى يا يوسف
يوسف بأسف : ممكن تدخل مصحه يا اسلام
اسلام اتصدم مع انه عارف ان دا شئ طبيعى بس عمره ما حس انه ممكن يتحط فى المكان دا عيونه دمعت على حاله وثقته فى الناس بلا حدود واخد عهد على نفسه انه مش هيثق فى حد تانى ويبطل غباءه اللى موديه فى داهيه دا لا لحظه …افتكر امه عبير وهى بتوصيه دايما يسمع الاول قبل ما يحكم ..الناس مش كلها وحشه قرر يسمع صاحبه اكيد ليه عذر دا عشره سنين
رد على يوسف بإنكسار : تمام يا يوسف ..ياريت تتصل عليا اول ما تعرف يا يوسف ..عارف محملك غبائي واتمرمط عشان اللى بيحصل دا ..حقيقى اسف ليك
يوسف : اسف اى يلا ..بطل عبط …محسسنى انى لسه متعرف عليك امبارح …دانا اخوك يا عبيط ..روح يلا ذاكر ربنا معاك
اسلام مشي ..ويوسف طلع لحنان اللى واقفه لوحدها قدام الاوضه
_مالك يا حنه
_ سمير صح ؟!
يوسف اتنهد : صح
حنان بدأت تعيط : يوسف انا تعبت ..تعبت من كل حاجه ….لو عايز الفلوس ياخدهم ياخد كل حاجه …انا مش عيزاهم ..عايزه اعيش انا واخواتى مرتاحين .. مش عايزه فلوس وشركات مش عايزه يا يوسف
يوسف ود لو ياخدها فى حضنه ويبعدها عن كل الهم دا ود لو يخبيها من الدنيا كلها
مسح دموعها : متبكيش …مش هقدر اشوف دموعك وأقف كدا ..حقك هيرجعلك يا حبيبتى وهيتجازى ويتربى ..صدقينى هترتاحى وربنا هيفرجها …ربنا مش ناسينا ابدا يا حنان ..كرمه واسع وانا متأكد انه خير …. اهدى يا حبيبتى
حنان ابتسمت : ربنا يخليك ليا يا يوسف …انت شايل همك وهمنا معاك ..انا اسفه على تحملك لكل دا
يوسف : انتى حبيبتى ودنيتى واعمل اى حاجه علشانك …وبعدين دا مش هم ابدا ..انا مبسوط بوجودى جنبك ومبسوط بثقتك فيا دى فلو سمحتى متقوليش اسفه دى تانى ابدا ..
حنان بصتله بحب : يوسف
يوسف : ايوا يا حبيبتى
حنان : انا …
قاطعهم على بخروجه من الاوضه
واول ما خرج حنان سكتت
علي :اى جيت فى وقت غلط ولا اى
يوسف بغيظ : لا ابدا يا خويا …مواعيدك مظبوطه بالملى ..
حنان ضحكت : طب ساره خلصت
علي :ايوا طالعه اهى
ساره طلعت وراحوا كلهم مطعم عالنيل القعده كانت لطيفه جداا وكلها ضحك وهزار خرجهم شويه من اللى بيحصل ..
معاد التحاليل جه ورجعوا على المستشفى وعلي دخل يجيبها وهما بره على اعصابهم حنان ماسكه ايد ساره بيحاولوا يهدوا بعض ويوسف بيطمن حنان بنظراته وكلهم مستنين
على طلع وخيبه الامل على وشه وفى ايده الورق
************

اديل بتصرخ بعد جردل مايه متلج ادلق فوقها
وقالت بالفرنسيه : ازاى تعملوا فيا كدا يا حيوانات
بصت للينجوي اللى مسطح جنبها على الارض واتنهدت وشتمت فى سرها
**********
حسام العيادى : تدورلى عليهم وتجيبهملى من تحت الارض مش ٢ ولاد كلب يسرقونى ويهربوا سامعنى
_اوامرك يا باشا
**********

ملامح وش على لوحدها تقلق وتخوف وقف قدامهم وفى ايده الورق
_للاسف يا جماعه ….
ساره بقلق : قول فى اى بسرعه
علي ضحك بسعاده : اسلام مش هيحتاج مصحه ..مش هيحتاج
الفرح وحمدلله مفارقش وشوشهم والسنتهم واخيرا قلبهم ارتاح يوسف اتصل طمن اسلام
اسلام فرح وحمد ربنا الف مره

يوسف بهدوء : طيب …فى حاجه تتعمل او اى حاجه عشان صداعه دا
علي : استشرت دكتور صديقى …وقال ان فى دواء هيريحه بس مش مضر ..ولازم ياخد باله من مواعيده ..مياخدهوش على الفاضي والمليان ..
يوسف سمع نصايح على واخد ساره وحنان وروحهم
وروح اتصل عليه راجل من رجاله حازم
_يوسف بيه اعمل اى مع الاتنين دول بالظبط
_بص …احنا استغفر الله العظيم استغفر الله العظيم يعنى مش بنعمل حاجه فى بنات …انتوا تمنعوا عنها اى اكل وشرب ..بالنسبه للينجوي الكلب فدا بقا تروقهولى ..انت عارف طبعا هتعمل اى
الراجل ابتسم :اكيد يا باشا
************

الصبح طلع ويوم مهم والكل صاحى بيرتب هيعملوا اى واى الضيافه
نزلت حنان جاهزه عشان الشركه
_انتى رايحه فين يا حنان
_نزله الشغل يا ماما
_انتى عريسك هيطلب ايدك النهارده
_ماما من بعد موت بابا واحنا فى مشاكل نقوم من حفره نقع فى اللى بعديها لازم اهتم بالشركات يا حبيبتى ..متخافيش والله مش هتأخر
_ خدى بالك من الوقت
_حاضر
حنان وصلت الشركه وهى متحمسه اوى لليوم
دخلت المكتب لقت بوكيه ورد موڤ محطوط على الطرابيزه ..خطفها اوى
كان عليه كارت
فتحته “احلى صباح على عيونك يا حبيبتى استنينى بليل ” حط جنبه وش بيغمز 😉
حنان ضحكت وفرحت اوى بيه وتليفونها رن وكان يوسف
_صباح الخير
_صباح النور يا حبيبتى ..وصلك صباحى
ضحكت ووشها احمر : دا لو صباحك كل يوم بوكيه ورد اوافق بسرعه بقا
_ لا دانا اعجبك اوى
_ شكرا على الورد القمر داا
_ الورد للورد
_ ما احنا مش هنشتغل كدا النهارده
يوسف ضحك :طيب يلا

**************
اسلام نزل امتحانه الصبح قابل عماد
_جبتلك الدواء اهو يا صاحبى
_حبيبى يبنى والله الواحد كانت دماغه هتتفرتك
امسك حقهم اهو
_ اى خدمه ياعم
سابه ومشي وهو متحسر على صاحبه اللى بيضحك عله وهو بيبص لعنيه بكل سهوله
عدا علي يوسف فى الشركه اداله الدواء وقعد مع حنان شويه واسراء عدت عليهم بإتفاق مع ساره انها تعدى تاخدهم ويروحوا عشان يجهزوا سوا
روحوا واسلام طلع يذاكر شويه وساره واسراء وحنان بيجهزوا ومعاهم نور فيديو كول
حنان كانت جميله جدا بحبها اللى منور وشها من غير مجهود منهت وبفستانها الجميل واسراء و ساره كانوا قمرات
شويه ويوسف ووالدته جم حنان كانت متوتره جداا ومنيره اصرت انها هى اللى تفتح الباب وفتحت الباب ليهم وسلمت عليهم ووراها اسراء وساره
يوسف عنيها متشالتش من على حنان فأسلام فوقه
_ اى يا برنس ..اهدى شويه
كلهم ضحكوا عليه وحنان اتكسفت جدا
يوسف لاسراء : هو انتى مش المفروض اخت العريس ..مش المفروض تيجى معانا
اسراء : واخت العروسه كمان على فكره وعاملين تحالف انا وهى وساره ونور فخاف على نفسك بقا
يوسف : حتى نور اللى فى دبى ما رحمتوهاش
اسلام : متخافش يا معلم انا معاك ..
يوسف :شايفين الواد كفاءه
القعده كلها كانت ضحك وهزار ومامت يوسف انسانه جميله جداا وبتحب حنان وحبت جو القعده
قرأوا الفاتحه والفرحه على وشوش كل واحد فيهم حنان هتطير اخيرا هتتخط للى اختاره قلبها
اتفقوا ان الخطوبه بعد اسبوع يكون اسلام خلص امتحاناته وقرروا مكانها فى لاڤندر عند اسراء
اليوم فعلا كام جميل جدا
*************
دخل المخزن وهو مبسوط وبيصفر لقى اديل مربوطه فى الكرسى و لينجوي مربوط ومرمى على الارض وكدماته ماليه وشه
_بقا يا شويه كلاب …بتضحكوا عليا ..
اديل زعقت بالفرنسيه :انت اتجننت
يوسف بزعيق وشد شعرها : لا اعدليلى لسانك يا روح امك ..(قرب من ودنها )…..يا سميره
اديل او سميرة بالمعنى الاصح اتكلمت عربى بلهجه اسكندرانيه : انت عرفت ..
مسك شعرها من جذوره : اترميتى عليا من انهى داهيه يا **** …مين اللى فطمك يا بت ..انطقى
صرخت : هقول بالله هقول …اسمه حسام …حسام العيادى ..مجرد واجهه لراجل كبير اوى ولا عمرى قابلته ولا شفته ولا حد بيشوفه اصلا ..
رزعها على الكرسي تانى : وحسام زفت دا مين
_عصابه كبيره يا بيه ..مأجوره الباشا الكبير دا هو اللى مأجره ..منظر يعنى
بص لينجوي المسطح على الارض ومش فاهمهم : وال*** اللى جيباه معاكى دا ..مبينطقش ليه ..

_ دا خواجه بجديا بيه …كان باعته معايا عشان يسبك الليله
_بس غبى اوى العيادى …معرفش حتى يختار كلابه
يوسف اتحرك وبص للراجل اللى سايبه عليهم :مشيهم
_بجد ..متأكد يا باشا
_مجرد ما يعرف مكانهم هيصفيهم ..مشيهم
_اوامرك يا باشا ..
*********
حسام فعلا مجرد معرفته بمكانهم قتلهم الاتنين من غير حس ولا خبر ..وتأكد ان يوسف غفران مش سهل ..
******
الايام عدت يوسف منهمك فى شغله واسلام اخيرا خد افراج وخلص امتحاناته والكل بيستعد للخطوبه
نور بباها خلص علاجه وقررت تنزل مصر قبل الخطوبه بيوم عشان تعمل مفاجأه لحنان
خلاص الخطوبه بكرا وكله بيجهزلها اسراء بتجهز المطعم وساره راحت تقابل نور فى المطار وحنان فى الشركه
حنان خلصت شغلها واتفاجأت ان الشركه كلها فاضيه بصت لساعتها واكتشفت انها قعدت كتير اوى راحت ليوسف مكتبه تشوفه مشي ولا لأ قربت و سمعت صوت زعيق جاى من مكتبه
هادى بزعيق : يا بنى ادم …لازم تعرفها
يوسف اتنرفز :اعرفها اى يا غبى هتفهمنى غلط … عايزني اروح اقولها كنت بقرب منك عشان تحبينى واوقعك فى الكلام عشان اوصل لسليم ..!!

يتبع ….

• لقراءة الفصل التالي: اضغط هنا
• لقراءة باقي حلقات الرواية اضغط على (عائلة بالإكراه)