رواية قمر مشوه الفصل الخامس عشر 15 بقلم اية عطية

رواية قمر مشوه الفصل الخامس عشر 15 بقلم عزة يحيى

رواية قمر مشوه البارت الخامس عشر

رواية قمر مشوه الجزء الخامس عشر

رواية قمر مشوه الحلقة الخامسة عشر

امينه/مقولتليش مين عاصم دا اللي صرختي باسمه
قمر /عاصم دا يبقي….
قطع حديثها دخول نيلي المفاجئ عليهم
نيلي/انا اسفه اني دخلت كدا بس انا كنت جايه اطمن عليكي
امينه/تعالي يا حببتي
نيلي/انتي عامله ايه دلوقت يا قمر
قمر /انا بقيت احسن و اسفه اني ازعجتكم
نيلي/ايه اللي انتي بتقوليه دا…. دا احنا قلقنا عليكي جدا
قمر /ربنا يخليكو ليا
نيلي/انا عارفه انه مش وقته بس شوفي انا جبتلك ايه
ثم اعطتها حقيبه متوسطه الحجم
قمر /ايه دا
نيلي افتحي و شوفي
فتحت قمر الحقيبه و جدت بها طقم كامل مكون من بنطالون جينز و شميز ابيض و بليزر و كمان الشوز و حقيبه اليد و ايضا علبه صغيره عندما فتحتها وجدت بها هاتف حديث
قمر /كل دا علشاني
نيلي/ايوة
قمر /بس كل دا كتير جدا
نيلي /مفيش حاجه تكتر عليكي
قمر/بس
نيلي/ مبسش اعتبريه عربون صداقه و انسي اي كلمه قولتهالك زعلتك مني
قمر /انتي مقولتيش حاجه تزعل انتي قولتي الحقيقه
نيلي/الحقيقه ان الجمال مش جمال الشكل الجمال جمال الروح و انتي روحك حلوة وقدرتي في وقت قليل جدا تدخلي قلوبنا كلنا بدون استئذان و خصوصا جدو

 

 

 

قمر /حقيقي انا مش عارفه اقولك ايه كلامك دا اداني ثقه اكبر في نفسي
نيلي/خليكي دايما واثقه في نفسك و انا موجوده لو عوزتي اي حاجه
قمر /ماشي
نيلي/اسيبك انا بقه ترتاحي
امينه/اسيبك انا كمان ترتاحي شويه
اومات لها قمر و هي مبتسمه دون حديث
و تركتها و خرجت
🌿🌿🌿🌿🌿🌿🌿🌿🌿
صعد مالك الي غرفته بعد أن فاقت قمر و ظل يفكر من يكون عاصم هذا التي هي تحلم به و اخذ يحدث نفسه(مالك و مالها يا مالك تفكر في عاصم تفكر في غيره ايه شاغلك………..بس مين دا علشان تحلم بيه و تفوق يكون هو أول اسم تنطقها……….في ايه يا مالك ما تفكر زي ما تفكر انت عايز ايه و بعدين سيبك منها و فكر في كلامك و ازاي هتقرب منها…… انت لازم تعرف كل حاجه عنها الأول علشان تشوف هتتقدم امها ازاي و ازاي كمان هتفاتح اهلك بخصوصها )
اخرج هاتفه و قام بالاتصال بتحدي الأشخاص
مالك/السلام عليكم
الرجل/باشا و عليكم السلام
مالك/ازيك يا منعم
منعم/بخير يا باشا طول ما انت بخير
مالك/قاصدك في خدمه يا منعم
منعم/انت تؤمر يا باشا
مالك/ما يؤمرش عليك ظالم
منعم/امين يارب
مالك/بص يا سيدي هديك عنوان عايزك تعرفلي كل حاجه عن اللي موجودين في البيت دا و ياريت لو تجبلي صور لهم و اي معلومه اي معلومه حتي لو صغيره عايز اعرفها
منعم/تحت امرك يا باشا اديني اسبوع
مالك/اسبوع ايه اسبوع كتير قوي هما يومين
منعم/مش هكسر لك كلمه يومين و يكون كل حاجه قدام حضرتك
مالك/ادها يا منعم امال انا مسميك رجل المهام الصعبه ليه
منعم/عشت يا كبير

 

 

 

مالك/سلام
منعم/في رعايه الله
و اغلق مالك الهاتف و جلس يفكر في الخطوه القادمه و لكن أثناء تفكيره في ملاكه جاءت صوره قمر أمام عينه لا يعلم لماذا فقرر الهبوط للاسفل لكي يطمئن عليها
🌿🌿🌿🌿🌿🌿🌿🌿🌿
في منزل شهد بداخل غرفه شهد
و هي تتحدث في الهاتف
شهد/ايوة و انتي عامله ايه دلوقت
قمر /الحمد لله احسن كتير
شهد/طب و اللي حصلك دا من ايه
قمر /و الله مش عارفه يا شهد انا نمت و قمت تعبانه و نمت تاني و حكولي علي اللي حصلي
شهد/طب انتي نمتي زعلانه
قمر /……….
شهد/قمر انتي معايا انتي سامعاني
قمر /ايوة معاكي
شهد/مردتيش عليا نمتي زعلانه حد عندك زعلك
قمر /ابدا و الله كل اللي في البيت هنا بيعملوني كاني واحده منهم مش شغاله عندهم
شهد/طب كويس امال ايه اللي حصلك
قمر /اصل انا …يعني
شهد/اتكلمي علي طول يا قمر
قمر /اصلي فتحت الصندوق
شهد/انتي لقيت المفتاح
قمر /ايوة
شهد/و طلع في ايه
قمر /لا ما انا ما فتحتش الصندوق
شهد/انتي هتجننيني مش قولتي فتحيه
قمر /لا بصي انا كنت مسكها و خارجه بيه لمالك بيه يشوفلي طريق افتحه بيها بس وقع من ايدي
شهد/انكسر و تتفتح
قمر /لا
شهد/ امال ايه
قمر /ما انتي لو سمحتي من غير ما تقطعين تعرفي
شهد/اسفين يا ست قمر كملي قولي و انا ساكته اهو

 

 

قمر /أما الصندوق وقع تتفتح من تحت حاجه كدا زي درج سحري
شهد/درج سحري دا ايه الالغاز دي …ها كملي
قمر /لما تتفتح لقيت في ظرف و جوه الظرف جواب و مفتاح الصندوق
شهد/و بعدين
قمر /قريت اللي في الجواب
شهد/و ايه اللي في الجواب
قمر /……..
و بدات قمر تحكي لها ما بداخل الجواب حتي انتهت
قمر /بس يا ستي
شهد/يا نهاااااار دي حكايه و لا في الاحلام
قمر /شوفتي اللي انا فيه
شهد/ طب وانت ناويه تعملي ايه
قمر/ و الله مش عارفه اعمل ايه
شهد/ طب هتدوري على اهلك و لا مش هتدوري عليهم
قمر /انا خايفه افتح الصندوق و أنصدم اكتر
شهد /متهيالي مش هتتصدم اكتر من كدا بعد اللي انت عرفتيه ما فيش حاجه اكتر من كده تصدمك قمر/ خايفه و الله يا شهد مش عارفه اعمل ايه شورى عليا اعمل ايه
شهد/و الله انا محتاره خايفه اقولك روحيلهم يعملون فيكي حاجه و عاصم يكون لسه زي ما هو علي كلام ولدتك و في نفس الوقت خايفه اقولك متروحيش و لا تيجي و تفضلي طول عمرك بعيد عن اهلك الأهل مهما كانو فهما سند وضهر و انتي بنت و محتاجه سند و ضهر
قمر /انا فعلا فكرت زيك كدا و محتاره و مش عارفه اخد قرار
شهد/ربنا يهديك للحل الصح يارب
قمر/يارب
شهد/طب انا هقفل معاكي دلوقت علشان اسيبك ترتاحي شويه و هكلمك تاني بكرا إن شاء الله
قمر /إن شاء الله مع السلامه يا حبيبتي
,🌿🌿🌿🌿🌿🌿🌿🌿🌿
في الخارج في الحديقه ظل الحديث دائر بين الجميع و انضم اليهم مالك بعد هبوطه من الاعلي و كان مصطفي يشارك في الحديث بالقليل ببعض الكلمات
كارم/اللي واخد عقلك يا مصطفي
مصطفي/ها لا انا معاكم
كارم/مش واضح
مصطفي/انا بس سرحت شويه في الشغل
كارم/بمناسبه الشغل تعالي في المكتب عايز اخد رائيك في حاجه
مصطفي /اتفضل حضرتك

 

 

 

و ذهب كارم و من خلفه مصطفي نحو المكتب
كارم/ادخل و اقفل الباب وراك
فعل مصطفي كما قال كارم و ذهب و جلس مقابل كارم امام المكتب
مصطفي/خير يا بابا في ايه
كارم/عايز اعرف مالك
مصطفي/نعم
كارم/زي ما سمعت …..؟انت مالك متغير انت و مراتك بقالك فتره
مصطفي/لا ابدا يا حج مفيش حاجه هو تلاقيه ارهاق بس
كارم/متلفش ودور عليا انا عارفك اكتر من نفسك و تغيرك دا مش من يوم و لا اتنين دا من قبل ما نسافر بكذا يوم
مصطفي/صدقني يا حاج مفيش و………
كارم/مصطفاااااااااااا
نظر مصطفي للاسفل لا يعلم ماذا يجيب عليه
مصطفي/الموضوع يخصها
كارم/مين اختك
مصطفي/ايوة
كارم/عرفت طريقها
مصطفي /ايوة
كارم/ها و بعدين هي فين لسه زعلانه مجاش معاك ليه كنت قولتلها متخفش و اني عرفت الحقيقه
مصطفي/أصلها يعني
كارم/ايه كرهتنا و مش عايزه تشوفها
مصطفي/لا
كارم/امال في ايه انت عمال تنقطني بالكلام ليه ما تخلص حصل ايه
مصطفي/محصلش حاجه علشان مشوفتهاش اصلا
كارم/رفضت تشوفك شكلها لسه زعلان قوم وديني ليها و انا هعرف ازاي إصلاحها و اخليها ترجع قوم ليا ….أصلها وحشتني و نفسي أخدها في حضني
في ذلك الوقت نظر مصطفي للاسفل و امتلاءت عينه بالدموع التي حرقت عينه من عدم نزولها فترك لها المجال لكي تهبط يمكن أن تهدأ النار الموقده بداخله علي فراقها
كارم/ايه انت ساكن ليه قوم يلا
و قام وقف و ذهب باتجاه مصطفي الذي مازال جالس مكانه
كارم/يلا قوم
مصطفي /مش هينفع علشان……
كارم/انطق علشان ايه
رفع مصطفي عينه نحو والده الذي أدرك حقيقه الامر عندما راي دموع ابنه و لكنه كذب عينه
تحدث بصوت متوتر
كارم/ ع علشان ا ايه
مصطفي /علشان ماتت

 

 

 

لابد أن يخبره عاجلا ام اجلا لابد أن يعلم ما حدث لابنته حاول بقدر الإمكان أن يخفي الأمر ولكنه فشل فكما يقولون وقوع البلاء و لا انتظاره فليعلم أنها ذهبت الي خالقها احسن بكثير ما يتعلق بأمل كذاب علي امل أنها تعود و هي لم تعود
لم يتحمل كارم ما تحدث به ابنه هل هي فعلا فارقت الحياه لم يعد يراه مره اخري لم يأخذها باحضانه لم يلمس وجهها بيده فارقت الحياه و هي حزينه و هي غاضبه منه قابلت وجه كريم و هي لم تعلم أنه سامحها و أنه ندمان علي ما فعله بها و لكن اي ندم ينفع الان رحمتك يا الله
اهتز في وقفته قليلا و سانده مصطفي و تحرك به نحو الاريكه و ذهب لإحضار كوب الماء الذي كان علي المكتب مع اكواب الشاي التي احضرتها امينه قبل البدا في الحديث
كارم/عرفت ازاي
مصطفي/مش وقته دلوقت
كارم/انا عايز اعرف كل حاجه انت عرفتها
مصطفي/حاضر يا بابا هحكيلك كل حاجه
كارم /سمعك
مصطفي/و أحد من رجالتنا اللي كنت مكلفهم أنهم يدور عليها في كل حته اتصل عليا وقالي علي عنوانها مكدبتش خبر و تاني يوم الصبح كنت نازل بدري مستنتش حتي الفطار
كارم/اليوم دا اللي رجعت شكلك متغير فيه و تاني يوم مراتك نزلت تعبانه
مصطفي /ايوة
كارم /كمل
مصطفي /روحت علي العنوان علي طول طلعت علي الدور بتاعهم و فضلت اخبط كتير علي الباب و محدش فتحت فضلت اخبط بردو بس بردو مفيش حد فتح نزلت علي الدور اللي تحت و خبط عليهم فتحت ليا واحده كبيره شويه في السن
فلاش باااااااااك
مصطفي/السلام عليكم
العجوزه/ايوة يا ابني
مصطفي/لو سمحت يا حاجه الناس اللي فوقك فين
العجوز/قصدك علي مين

 

 

 

مصطفي/اللي في الدور اللي فوقك علي طول
العجوز/هو في دور فوقنا
مصطفي/ركزي معايا شويه الله يخليكي
العجوز/ما انا معاك اهو هو انا روحت فين
مصطفي /لا اله الا الله
العجوز/محمد رسول الله يا اخويا
مصطفي /يا صبر ايوب
مين يا تيتا
هذا صوت فتاه جاءت من الداخل
الفتاه/مين حضرتك
مصطفي /انا بسال علي الناس اللي في الدور اللي فوق
الفتاه/ابله عفاف
مصطفي/ايوة هيا
الفتاه/و الله مش عارفه لأن بقالنا فتره مكوناش هنا ولسه جيين فا منعرفش حاجه عنهم
مصطفي/طب اسال مين
الفتاه/ممكن تسال ام شهد هي اكتر واحده ممكن تعرف هما فين
مصطفي/طب أوصلها ازاي
الفتاه/انزل من هنا و خد شمالك خامس بيت علي اليمين الدور التاني
مصطفي/متشكر جدا
الفتاه/لا مفيش حاجه
هبط مصطفي سريعا الي حيث أشارت له الفتاه و صعد الدور المطلوب وطرق الباب قليلا حتي فتحت له ام شهد
مصطفي/صباح الخير
ام شهد/صباح النور خير يا حضرت
مصطفي/كنت عايز اسال حضرتك علي الست عفاف
ام شهد/الست عفاف الله يرحمها و يحسن إليها كانت ست طيبه و بنت حلال و بنتها متتخيرش عنها
ربنا يصلح حالها يارب و يوقفلها ولاد الحلال
اهتز جسد مصطفي قليلا من الصدمه اكيد يوجد خطأ في الحديث
مصطفي/اذا سمحتي واحده واحده كدا
مين يا وليه
هذا صوت والد شهد
والد شهد/مين حضرتك

 

 

 

مصطفي /انا كنت بسال علي الست عفاف
ابو شهد/الله يرحمها مالها
مصطفي/هي ماتت فعلا
ابو شهد/ايوه امال هزار
أدمعت عينه بشده و لاحظ والد شهد تلك الدموع
ابو شهد/هو في حاجه
مصطفي/لا ابدا طب و جوزها فين
ابو شهد/لا دا جوزها ميت من زمان علي كلامها هي جت المنطقه هنا من غيره و عرفنا منها أنهم كانو عايشين في اسكندريه و جوزها مات هنالك و هي مقدرتش تعيش من غيره هناك فجابت بنتها و جت علي هنا أداها تلات سنين
مصطفي/طب و هي فين بنتها دي
ابو شهد/بعد موت امها قررت تشتغل علشان متعش عاله علي حد نفسها عزيزه زي امها الله يرحمها اول ما جت هنا بردو رفضت اي مساعده من اي حد و اشتغلت و صرفت علي بنتها و علي نفسها
مصطفي/طب و هي شغاله فين
ابو شهد /و الله يا بيه ما اعرف اللي شغلتها ام ايمن
مصطفي/طب و فين ام ايمن دلوقت
ابو شهد/دا لسه واخدنها يدفنوها
مصطفي/ايه ماتت
ابو شهد/الله يرحمها و يرحمنا و يرحم موتانا جميعا
مصطفي/اللهم امين طب مش معاك رقمها

 

 

 

ابو شهد/ايوة هي زميله بنتي و اكيد هيا معاها رقمها
مصطفي /طب بسرعه الله يخليك
ابو شهد/انتي يا وليه فين بنتك
ام شهد/راحت تشوف تشتري تلفون جديد بدل اللي وقع منها و انكسر
ابو شهد/طب معاكي رقم بنت ست عفاف انتي و لا بنتك
ام شهد/انا لا و بنتك تلفونها انكسر و هي مش عارفه تطلع من عليه أي ارقام و هتجن من ساعتها علشان مش هتعرف توصلها
ابو شهد/احنا اسفين يا حضرت
مصطفي/متشكر جدا ليك
ابو شهد/مقولتش انت مين و بتسال كل دا ليه
تركه مصطفي إلي الأسفل دون حديث و هو حزين عليها و علي ابنتها التي لم يعرف لها طريق
بااااااااااااااااك
مصطفي/هو دا كل اللي حصل
كارم/و بنتها
مصطفي/بنتها……………

يتبع….

لقراءة الفصل التالي : اضغط هنا

لقراءة الرواية كاملة اضغط على : (رواية قمر مشوه)