رواية امرأة بقلب طفلة الفصل الثالث 3 بقلم أسماء كمال

رواية امرأة بقلب طفلة الفصل الثالث 3 بقلم أسماء كمال

رواية امرأة بقلب طفلة البارت الثالث

رواية امرأة بقلب طفلة الجزء الثالث

رواية امرأة بقلب طفلة الحلقة الثالتة

عبد الرحمن :-
هاجر انا
هاجر :-
بس مش عايزه اسمع مبررات انا كل اللي عايزاه انك تبعد عني وتسيبني في حالي
تركته هاجر وركضت بعيدا
هاااجر هااااجر هااااجرررر
نهضت هاجر مفزوعة
هاجر :-
اي ده انا فين
يمني :-
انتي فين اي هو انتي تايهة ولا اي
هاجر :-
انا كنت في الجنينة انا اي اللي جابني هنا
يمني :-
جنينة اي يابنتي انتي كنتي نايمة وانا بقالي ساعة بصحيكي وانتي ولا انتي هنا
هاجر :-
اي ده بجد… يعني ده كان حلم… الحمدلله يارب انه مش حقيقة
يمني باستغراب :-
هو في اي
هاجر :-
لالا مفيش متاخديش في بالك
يمني :-
طب قومي يلا عشان تصلي وتذاكري امتحانك بكرة ياحلوة
هاجر :-
حاضر حاضر قايمة اهو
بقولك اي
يمني :-
قولي
هاجر :-
احنا هنرجع البيت امتي
يمني :-
مش دلوقتي خالص ياستي جدو مصمم اننا نفضل كلنا هنا لحد ما عمتوا تمشي
هاجر :-
مش المفروض امتحاناتهم بدأت ولا اي
يمني :-
لا هيبدأو الاسبوع الجاي فيفضلوا هنا اهو يذاكروا ويغيروا جو في نفس الوقت وهيسافروا قبل امتحانهم بيوم واحنا نرجع البيت او نقعد معرفش بقي

هاجر :-
طب بقولك…
قاطعتها يمني :-
هششش كفاية رغي وقومي ذاكري عشان متجيش تعيطي زي كل مرة وتقوليلي هنقص نص درجة يا يمني
ضحكت هاجر بشدة وعانقت شقيقتها بحب
هاجر :-
طب وهو انا عندي غيرك اقرفه يا يمني
عانقتها يمني وابتسمت بحب :-
اقرفيني ياستي زي مانتي عايزه بس دلوقتي وقت المذاكره يلا ياحلوة
هاجر بابتسامة :-
حاضر
نهضت هاجر ودلفت للمرحاض لتتوضأ وتؤدي فريضتها وتبدأ في الدراسة من أجل الأمتحان
وفي اليوم التالي استعدت هاجر للذهاب للمدرسة وكانت في غاية القلق كعادتها
وعندما خرجت من الغرفة وذهبت للصالون وجدت الجميع موجود
هاجر :-
صباح الخير انتوا اي مصحيكوا بدري كده
عز :-
صباح الفل ياحبيبتي ذاكرتي كويس
هاجر :-
اه ياجدو
عز :-
ونمتي كويس
هاجر بتوتر :-
لا ياجدو معرفتش انام خالص
يمني بمزاح :-
ماتنشفي يابت كده في اي اومال في ثانوية عامة هتعملي اي
عبد الرحمن :-
بس يافاشلة أنتي هو انتي فاكره جوجو فاشلة زيك ولا اي
صمتت هاجر ولم تجيبه فوجه حديثه لها
وهو ينظر لساعته
طب اي مش يلا ولا اي عشان متتأخريش

هاجر :-
يلا فين
عبد الرحمن :-
هنروح الملاهي
هاجر ببلاهة :-
ملاهي اي دلوقتي
ضحك عبد الرحمن بشدة :-
اي ياهاجر انتي المذاكرة لحست دماغك ولا اي
يلا ياماما عشان اوصلك للمدرسة
هاجر بغيظ :-
مسميش ماما
عبد الرحمن بسخرية :-
طب يلا يابابا
هاجر :-
يووه
عبد الرحمن :-
أنتي تطولي يابت اصلا
هاجر بغيظ :-
بقولك اي ياعسل انا مش فايقالك عالصبح فاخفي من وشي الساعة دي
عبد الرحمن :-
عسل! ومش فايقالك عالصبح… بت أنتي اتصبحي عالصبح
هاجر :-
وان مصتبحتش
عبد الرحمن :-
هصبحك بطريقتي
قاطع يوسف تلك المشاجرة الطفولية :-
بااااس انتوا الاتنين انتوا اي مولودين فوق راس بعض
هاجر :-
سوري ياعمو بس ابنك مستفز
تعمد عبد الرحمن استفزازها اكثر :-
ابنه ده ملوش اسم حضرتك ولا اي
هاجر بحنق :-
حد يبعد الكائن ده عن سكتي بدل ما اطلع غلب الامتحانات فيه

عبدالرحمن :-
كائن! اي شايفاني ديناصور قدامك
كان الجميع في حالة ضحك هيستري من هؤلاء الأطفال الذين لا يكبرون ابدا ولا يتوقفون عن الشجار
عز :-
طب اسكت أنت ياعبد الرحمن خليك العاقل الكبير
هاجر بتذمر :-
قصدك اي ياجدو بأنه الكبير العاقل يعني
عبد الرحمن باستفزاز :-
قصده انك عيلة واحنا مبناخدش بكلام العيال يعني
هاجر بعصبية :-
انا ماشية قبل ما ارتكب جريمة
عبد الرحمن ببرود :-
هقبض عليكي وانتي بتحبي الصور يااه هتطلعي قمر في الصور الوش والجمب بتاعت السجن
هاجر :-
يااااااارب
يوسف بضحك :-
خلاص بقي ياعبد الرحمن بطل تدايقها ويلا روح على شغلك
عبد الرحمن :-
منا مستني الهانم عشان اوصلها
هاجر باستفزاز :-
اي ده انت وسعت النشاط وبقيت تشتغل سواق كمان لألا انا بحييك مثال للشاب المكافح صحيح
ضحكوا جميعا بشدة
عبدالرحمن :-
اخلصي يازفته اطلعي قدامي عشان متتأخريش
هاجر :-
انا لسه عند كلمتي مش رايحة معاك هو عافية
عبد الرحمن :-
اللهم طولك ياروح
ياسر :-
في اي ياهاجر مانتي متعودة تروحي مع عبد الرحمن

هاجر :-
بطلت هروح لوحدي او مع صاحبتي
عبد الرحمن :-
بت انتي اخلصي وبطلي لعب العيال ده
هاجر بعند :-
انا مش عيلة ياسيادة الرائد
ياسر :-
خلاص خلاص مش هتقعدوا تتخانقوا لحد ما الامتحان يضيع عليكي يلا ياهاجر انا هوصلك
هاجر :-
اللي تشوفه يابابا
عبد الرحمن باستغراب :-
ياربي علي الادب والهدوء
يمني :-
وربنا انتوا الاتنين عيال
عبد الرحمن :-
اسكتي انتي كمان بدل ما اروقك
انا رايح شغلي بلا لعب عيال
ذهبت هاجر برفقة والدها إلي المدرسة وذهب عبد الرحمن إلي عمله
انتهت هاجر من اختبارها وعادت لفيلا الجد
استقبلها والداها وعانقها
ياسر :-
هاجر حبيبتي طمنيني عملتي اي
هاجر :-
الحمد لله يابابا حليت كويس
عز :-
اي يا ياسر مالك قلقان كده انت مش عارف هاجر ولا اي تعالي في حضني يا حبيبة جدو
ركضت هاجر وعانقت جدها بينما نظرت لهم ريهام بلا مبالاة
لاحظت هاجر وجود بعض حقائب السفر وثم حضور عمتها وابنائها الثلاثة

هاجر :-
اي ده عمتو انتي ماشية ولا اي
داليا :-
اه ياحبيبتي خلاص امتحانات الولاد قربت ولازم نسافر
هاجر :-
معلش ياعمتو ملحقتش اقعد معاكي بسبب المذاكرة
داليا :-
ولا يهمك ياحبيبتي انتي بس خدي بالك من مذاكرتك وتتعوض
هاجر :-
هتوحشيني ياعمتو خدي بالك من نفسك ومن الولاد
معتز :-
عييب اومال انا روحت فين ولا انا مش راجل بقي ياست هاجر
هاجر :-
لا طبعا مقصدش كده المهم انكوا تاخدوا بالكوا من نفسكوا
ثم نظرت لشقيقتها وسألتها :-
يمني ماما فين
يمني :-
ماما راحت مع خالتوا عند الدكتور كمان ساعة وهتجي
هاجر :-
خلاص انا هطلع ارتاح شوية لما تجي ماما قوليلها اني حليت كويس عشان متقلقش
يمني :-
اوك يا حبيبتي اطلعي انتي
هاجر :-
عن اذنكوا
صعدت هاجر إلي غرفتها في منزل جدها واستقلت علي فراشها لتنعم ببعض الراحة

ولكن قبل ان تنام سمعت رنين هاتفها
فنهضت لتجده عبد الرحمن هو من يتصل
شعرت بفرحة في داخلها لا تستطيع ان تنكرها
ولكن اصرت ان تحدثه بنبرة جافة
هاجر :-
الو
عبدالرحمن :-
لمضة هانم عاملة اي
هاجر :-
تمام
عبدالرحمن :-
حليتي كويس النهارده
هاجر :-
اه
عبد الرحمن :-
عندك اي المادة الجاية
هاجر :-
كيمياء
شعر عبد الرحمن بعدم رغبتها في التحدث إليه
عبد الرحمن باقتضاب :-
ماشي يا هاجر بالتوفيق انا لازم اقفل سلام
هاجر :-
سلام
———–
وفي المساء عاد عبد الرحمن من عمله
وجد العائلة مجتمعة في الصالون ومعهم هاجر الذي ابتسمت عندما رأته ولكنها سريعا تراجعت وامسكت هاتفها ولم تنظر إليه
عبد الرحمن :-
مساء الخير
آمال :-
مساء الورد ياحبيبي
كان عبد الرحمن يتحدث ويمزح مع عائلته حتي رأي ريهام تخرج من المطبخ وهي ترتدي بادي ذو حمالات رفيعة وشورت جينز قصير فغلت الدماء في عروقه

ريهام :-
بيبي انت جيت حمد الله على السلامة يا روحي
عبدالرحمن :-
ريهام تعالي فوق عايزك ثانية
ريهام :-
اوك ياروحي جاية اهو
صعد عبد الرحمن وتبعته ريهام وما إن دلفت للغرفة حتي اغلق الباب بعنف شديد
ريهام :-
حبيبي براحة خضتني
عبد الرحمن بغضب :-
اي القرف اللي انتي لابساه ده
ريهام باستنكار :-
قرف انت عارف ده بكام
عبد الرحمن بحدة:-
كام اي وزفت اي
انتي ازاي تنزلي كده اصلا
ريهام :-
انت متعصب ليه وكده ازاي يعني مش فاهمة
عبد الرحمن :-
ازاي تلبسي كده قدام بابا وجدو وعمو انت اتجننتي
ريهام :-
حبيبي مش ملاحظ انك اوفر شوية اللبس عادي مفيهوش حاجة يعني
عبد الرحمن :-
زفت اي اللي عادي انتي بتضحكي علي نفسك ولا بتضحكي عليا اسمعي ياريهام مش انا الراجل اللي يقبل علي نفسه كده مش معني اني مش جابرك تلبسي حجاب تبقي تخرجي بالمنظر ده
ريهام :-
يووه بقي هنرجع للاسطوانه دي تاني انت اي مبتزهقش منها قولتلك انا عيشتي كده وانا لا يمكن اغير من نفسي
عبد الرحمن :-
الكلمة اللي اقولها تتنفذ وبلاش جناني يطلع عليكي ياما لما تخرجي من الاوضة يبقي بحاجة محتشمة ياما تتنيلي تقعدي هنا لحد ما نرجع
تركها عبد الرحمن وغادر واغلق الباب بعنف
ريهام :-
لااا دي بقت عيشة تطهق
—————-

آمال :-
شوفت يا يوسف ابنك اتحول بني آدم تاني ازاي اللي شاف لبس اللي ما تتسمى
يوسف :-
وبعدين يا آمال ما تسيبهم في حالهم بقي
آمال :-
مهي الهانم مش ناوية تجيبها لبر نازلة بالمنظر ده ولا عاملة اي اعتبار لابنك مهو طبيعي يعمل كده
يوسف :-
البنت عايشة طول عمرها بره يا آمال
آمال :-
انت بتدافع عنها ليه
يوسف :-
مش بدافع ياستي بس بحاول التمسلها عذر علي اللي عملته
آمال :-
انا قولت من الاول بلاش الجوازة دي محدش سمع كلامي
يوسف :-
يا آمال دي بنت عمه
آمال :-
مهو قدامه هاجر ويمني الاتنين ما شاء الله احسن من بعض
يوسف :-
الكلام ده ملوش لزوم دلوقتي
ادعيلهم ربنا يهدي الدنيا بينهم
آمال :-
ياارب يا يوسف انا صحيح مش مرتاحلها بس في الاخر كل اللي يهمني سعادة ابني
يوسف بابتسامة :-
طالما انتي بتدعيله ان شاء الله هيكون سعيد
آمال :-
يارب
كانت هاجر في غرفتها فقررت النزول للحديقة قليلا حتي تأخذ قسطا من الراحة لتستعيد تركيزها وتعود للمذاكرة
نزلت للحديقة فرآت عبد الرحمن يقف في آخرها ويدخن ويبدو عليه الضيق الشديد
ارادت ان تعود ادارجها ولكنها لاحظت انه غاضب فترددت هل تذهب إليه أم لأ
هاجر :-
اروحله لالا ده شكله مدايق عالاخر انا احسن حاجة ارجع اوضتي اذاكر
عبد الرحمن :-
ليه مستاهلش تجي تسأليني مالك
لعنت هاجر غبائها لانها تفكر بصوت مسموع امامه
اقتربت هاجر قليلا وقالت بهدوء :-
لا مش قصدي بس قولت يمكن حابب تفضل لوحدك
لم يجيبها عبد الرحمن وإنما شرد في اللاشئ

هاجر :-
عبد الرحمن انت كويس
ريهام :-
الله الله حلو اوي جو الحبيبة ده

يتبع….

لقراءة الفصل التالي : اضغط هنا

لقراءة الرواية كاملة اضغط على : (رواية امرأة بقلب طفلة)