رواية تحت بير السلم الفصل الحادي عشر 11 بقلم حنان حسن

رواية تحت بير السلم الفصل الحادي عشر 11 بقلم حنان حسن

رواية تحت بير السلم البارت الحادي عشر

رواية تحت بير السلم الجزء الحادي عشر

رواية تحت بير السلم الحلقة الحادية عشر

بعدما كنت قاعدة …
في الجنينة الي تحت البيت
بنعي حظي…
وبسال نفسي؟؟
وبقول…
ياتري مين الي مسؤال عن الحمل ؟؟؟
ومين الي بيعمل فينا كده؟؟؟
فجاءة…
سمعت صوت جاي من ورايا
بيقولي..
الاجابة …
هتلاقيها تحت بير السلم
يا صفاء
زي ما امك قالتلك

 

 

بصيت بسرعة ناحية الصوت
ولقيت ان الي واقفة ادامي
للكاتبة حنان حسن
هي …(عمرانة)
فضلت متنحلها وانا مستغربة الي سمعتة
لان الصوت الي سمعتة…
والاسلوب
كان مختلف عن صوت واسلوب
عمرانة
والي كان يسمعها
ميقولش ان عمرانة هي الي كانت بتتكلم
ده غير ….
ان الجملة الي قالتها
كانت بتخضع للعقل …والمنطق
وعمرانة طبعا مفروض…
انها من ذوي الاحتياجات الخاصة
وليها طريقة مميزة في الكلام
فا وقفت ابصلها …
وانا مش متاكدة …
ان كانت هي الي اتكلمت
فعلا ولا لا؟
لكن …
عشان مكنش في حد غيري

 

 

انا وهي في المكان
سالتها…
قلت..عمرانة حبيبتي
انتي الي كنتي بتتكلمي من شوية؟
اقتربت مني عمرانة ومسكت ايدي
وقالتلي…..
انا بتكلم يا صفاء زي زيك بالظبط
بس الظروف هي الي عملت مني
(الشيخة عمرانة)
بصيتلها بدهشة بعد ما اتكلمت تاني
وقلتلها….
عمرانة انتي بتقولي ايه؟
ردت عمرانة
وقالت…
ايوه انا الي كنت بتكلم
يا صفاء
واضافت عمرانة
قائلة
انا نزلت وراكي هنا في الجنينة
لاني مكنش ينفع اتكلم معاكي في الشقة فوق
و الي قولتهولك هو الحل
ليا…. وليكي يا صفاء
وهقولهالك تاني
لو عايزة تعرفي مين المسؤال عن الحمل؟
ومين الي بيعمل فيكي… وفيا كل ده ؟
يبقي هتلاقي اجابة سؤالك تحت بير السلم
زي ما امك قالتلك
بصيتلها بدهشة
وسالتها
وقلت…
قبل ما اعرف مين الي بيعمل فينا كده؟
عايزة اعرف؟
انتي ازاي قدرتي
تمثلي طول العمر ده؟
للكاتبة حنان حسن

 

 

انك معاقة ومش بتقدري تتكلمي طبيعي؟
قعدت عمرانة جنب شجرة علي ارض الجنينة
وقالت بحزن
امك هي السبب يا صفاء
بصيتلها بتعجب
وسالتها؟
قلت..انتي بتقولي ايه ؟
استحالة امك تطلب منك تعملي فيها عبيطة
ردت عمرانة
وقالت…
مهي فوزية كرامات
(مكنتش امي)
وطبعا انتي المعلومة دي
يا صفاء
المهم….
عشان كده…
امك ارغمتني اني ابقي
( الشيخة عمرانة)
وغصبتني اعمل اكتر من كده كمان
واضافت عمرانة
قائلة
امك استغلت شكلي الغريب…
للكاتبة حنان حسن
واجبرتني…
اني اظهر ادام الناس بصورة البنت العبيطة…

 

 

المجذوبة
الي بمثابة وسيط روحاني …
بين فوزية كرامات
وبين الجان
وديما كانت بتجبرني اني اكدب… وانصب علي الناس
وبصتلي عمرانة
وقالتلي
امك يا صفاء كانت ست ظالمة
وفي اللحظة دي
رديت عليها بدهشة
وقلت…
عمرانة انتي بتقولي ايه؟
انا مش فاهمة حاجة؟
ردت عمرانة
وقالت… اقعدي يا صفاء وانا افهمك كل حاجة
وبالفعل قعدت جنبها علي ارض الجنينة
وبدات عمرانة… تحكي من الاول ….
وقالت…
انا فتحت عنيا علي الدنيا..
لقيتني في بيت فوزية كرامات…
وكنت فاهمة انها امي…
و انتي …وفرعون اخوكي اخواتي
وبالرغم من انكم كنتوا متربين معايا…
لكن مكنتوش بتشوفوا الي امكم كانت بتعملة فيا
لان امكم كانت علي طول حبساني بعيد عنكم
في الاوضة الضلمة
وبتقول عليا مبروكة ومتصلة بعالم الجن
قلت..وايه الي يخلي امي تعمل معاكي كده؟
ردت عمرانة
وقالت…
لما امك لاحظت ان ملامحي غريبة …

 

 

وشكلي مختلف عن الاطفال
الي في سني
فا افتكرتني عبيطة …
وعقلي علي ادي…
و قالت تستغل منظري ده
وتاكل من ورايا عيش
فا بدات ترغمني….
علي اني متكلمش كتير
وافضل ساكتة ديما
ادام الناس
ومقولش غير الكلام الي هيا تقولي عليه
وتوقفت عمرانة عن السرد
وبصتلي ….
والدموع في عنيها
وقالتلي….
امك يا صفاء قتلت الطفلة الي جوايا بدري اوي
للكاتبة حنان حسن
وبجبروتها….. و قسوتها
حولتني لبنت عبيطة…
في ناس كانت بتشوفها
علي انها هبلة
وناس بتشوفها علي انها
مبروكة
واصبحت كائن غريب
مسلوب الارادة

 

 

بيسمع …..وينفذ بس
بدون ما يتكلم او يعترض
وبدون حتي ما يفكر
وسكتت عمرانة شوية
وبعد ما مسحت دموعها
استطردت
قائلة
بس بيني وبينك
انا كمان ….
كنت بسوق في الهبل
واعمل فيها عبيطة
عشان اجبرها تاكلني كويس…
وتعملي الي انا عايزاه
اصل…بالرغم من ان امك كانت بتعاملني بالطريقة دي
الا اني كنت مضطرة اتحمل واكمل علي كده
لاني كنت فكراها امي..
ومليش حد غيرها
ولا كنت اعرف غير دنيتها
هي بس
لغاية ما حصلت جريمة القتل ..واتقتل الحانوتي ….
ساعتها سمعت امك
وهي بتقولك …

 

 

علي الحقيقة
وهي اني مش بنتها اصلا
وانها اخدتني من فاتيما هانم…
واستبدلتني بابن اختها
وشوفتها بعيني
وهي بتظلمني تاني…
لما بعتتك بدالي لفاتيما هانم علي انك بنتها
وبعد ما انتي مشيتي
فضلوا يهددوني
هما الاتنين
اني لو اتكلمت هيبلغوا عني… ويحبسوني
بتهمة قتل الحانوتي
وهنا استوقفت عمرانة
وسالتها؟
قلت…بتقولي هما؟
هما مين؟
قالت..امك وادهم او بمعني اصح (دهموم)
فسالتها تاني
وقلت…مين ادهم؟
ردت عمرانة
وقالت…ادهم ده يبقي التؤام بتاع رامي
بصيتلها بدهشة
للكاتبة حنان حسن
وسالتها؟؟
قلت…هي امي كانت تعرف مكان التؤام بتاع رامي؟
ردت عمرانة
وقالت…
انا معرفش هي عرفت مكانة ازاي
لكن الي اعرفة
انه هو الي قتل الحانوتي

 

 

لاني شوفتة بعيني
وهو بيقتلة …
وعرفت بعدها
من تصرفاتة… انه حرامي ونصاب..
والبوليس مش بيعرف يوصلة
لان (خالتة )
الي هي امك
كانت مخبياه عن عيون الناس
وكانت متسترة علي
جرايمة
وسالتها..
قلت..وايه الي غصب امي
علي انها تتستر عليه؟
ردت عمرانة
وقالت..عشانك يا صفاء
قلت..عشاني انا؟
قالت ..ايوه
امك بالرغم من انها كانت قاسية جدا عليا
لكن مكنتش بتطيق عليكي الهواء
وكانت بتتعذب كل يوم
لما بتشوف الحانوتي
وهو حارمك …ومعذبك
وعشان كانت في اواخر ايامها عاجزة
ومفيش في ايديها حاجة تعملهالك
فكرت …وخططت
عشان تنقذك من العيشة المقرفة الي انتي كنتي عايشاها
والخطة كانت

 

 

انها تضرب اكتر من عصفور بحجر واحد
واول هدف
كانت بتسعي له
للكاتبة حنان حسن
هو.. قتل الحانوتي
وتاني هدف..
انها توصلك لبيت فاتيما هانم عشان تاخدي مكاني
وتعيشي في العز وتورثيها بعد عمر طويل
والهدف الثالث..
انك تتجوزي من رامي ابن خالتك ..
عشان تعيشي في العز وفي حمي راجل
محترم
يعوضك الي شوفتية
لكن للاسف ..
امك مكنتش تعرف
ان ادهم كان هيستغل الموقف ويهددها
ويسود عيشتها كمان
فسالتها؟
قلت…وادهم هددها باية؟
ردت عمرانة
وقالت…
ادهم بعدما قتل الحانوتي
وانتي مشيتي لقي نفسة مكسبش حاجة
فا استغل فكرة الشبة الي بينه وبين اخوه
وقال لامك
انه هيقتل رامي وياخد مكانة …

 

 

بس الاول لازم انتي تتجوزي رامي
وتخلفي منه حتة عيل
عشان… العيل يورث رامي
وبعدها …ادهم يقتل رامي
ويعيش معاكي
ادهم بعدها علي انه رامي
وشدت عمرانة علي ايدي
وقالتلي…
عشان كده يا صفاء
لازم نوصل لادهم …
ونقضي عليه
قبل ما يعمل الي في دماغة
بعدما سمعت كلام عمرانة
صرخت وقلت
يلهووووي
طيب ما كده حياة رامي
دلوقتي مهددة …
وادهم ممكن يقتلة في اي وقت؟
ده لو مكنش قتلة فعلا؟
ردت عمرانة
وقالت..متخافيش
ادهم ميقدرش يقتل رامي
قبل ما رامي يتجوزك …
وتحملي منه بطفل

 

 

يورث ادهم
قلت..لا مش فاهمة
سبب الثقة الي انتي بتتكلمي بيها دي؟
قالت..هفهمك
دلوقتي ادهم ممكن ياخد مكان رامي
هنا في البيت بالشبة فقط…
وممكن انتي وفاتيما هانم تصدقوا انه رامي
لكن ادهم
ميقدرش يوقع …ويمضي… وبصم بدل رامي
للكاتبة حنان حسن
علي اوراق
ولا يسحب فلوس من البنوك
لان التوقيع …والبصمة مختلفة
فما بالك بقي بشغلانة رامي الحساسة؟
عشان كده
ادهم غصب علي امك
تسجللك بصوتها
وخلاها تطلب منك
انك تتجوزي من رامي
باي شكل
عشان بمجرد ما تتجوزي رامي…
او حتي تحملي منه
ابنه هيورث
وساعتها ادهم هيتجوزك
وتبقي كل حاجة تحت ايده
بصيت لعمرانة بتعجب
وسالتها
قلت..انتي عرفتي كل المعلومات دي ازاي؟
ابتسمت عمرانة ساخرة
وقالت…علي راي المثل
عيش عبيط تشوف الكون علي طبيعتة
يعني لما الناس هتبقي فاكره انك عبيط
هيبقوا علي طبيعتهم ادامك.. وهتعرف

 

 

الي عمرك ما هتعرفة
لو كانوا بيتعاملوا معاك علي انك عاقل
قلت…ايوه انا فهمت كده
لكن دلوقتي؟؟
في اكتر من حاجة بينفوا الي انتي قولتية ده خالص
قالت..زي ايه؟
قلت..اولا …
ازاي بتقولي ان امي كانت متعلقة بيا …
وبتحبني لدرجة انها تضحي بحياتها عشاني؟
وتحليل ال دي.. ان… ايه
الي…
عملهولي رامي وفاتيما هانم
اكد اني انا بنت فاتيما هانم فعلا؟
يعني انا مش بنت فوزية كرامات؟
وثانيا…
ازاي ادهم عايزني احمل من رامي زي منتي بتقولي؟
وازاي خدرني و اغتصبني؟؟؟
للكاتبة حنان حسن
ثالثا وده الاهم…
انتي بتقولي ان البوليس مش قادر يوصل لادهم…
ومعني كده انه مش مسجل عندهم
وانا …وانتي مفيش في ايدينا دليل رسمي…
علي ان ادهم موجود فعلا
يبقي ازاي هنقدر نوصلة ونتتقم منه؟
وهنا ردت عمرانة بثقة
وقالت
مهو عشان كده…
بقولك …ان حل المشكلة دي
اكيد هنلاقية تحت بير السلم
لانك لو افتكرتي الكلام الي امك قالتهولك
هتعرفي انها كانت عاملة حساب يوم زي ده

 

 

عشان كده…
كانت بتقولك احقظي الكلام كويس
بصيت لعمرانة
وفكرت شوية…
وبعدين لقيتني
بقول
ايوه فعلا ؟؟؟
انا افتكرت
امي قالتلي
ان تحت السلم في تعبان
وانتي بتقولي ان ادهم كان عايش تحت السلم
يبقي اكيد كانت تقصد ادهم بالتعبان
وكمان قالتلي
اني هلاقي الكنز والسعادة قي بيت فاتيما هانم
وممكن تكون كانت تقصد بالكنز
ده… رامي …
والسعادة الي ممكن اشوفها معاه
مهو مش لازم الكنز يبقي فلوس
وكمان …لانها كانت عارفة
ان رامي انسان رائع
ومفيهوش غلطة
وثالث حاجة
قالتهالي …
ان السم والترياق هلاقيهم في
مكان واحد
بس الجملة دي انا مش فاهماها
ولا عارفة افسرها
ردت عمرانة
وقالتلي….
امك قالت
ان الحل هتلاقية تحت بير السلم

 

 

يبقي لازم… نروح الغرفة الي تحت بير السلم
يمكن نلاقي اي حاجة تساعدنا علي حل المشكلة
للكاتبة حنان حسن
او …ندور علي اي دليل
نقدر نثبت بيه
ان ادهم موجود فعلا
عشان نقدر نتغلب عليه
ونخلص منه
قلت….
ماشي
وانا موافقة …
اني ارجع معاكي لتحت بير السلم….
ودلوقتي حالا
وبالفعل…
تسللنا انا …وعمرانة اختي
ليلا
للمنطقة التي كنا نعيش فيها
ودخلنا لمنزلنا القديم
وتوجهنا لتحت بير السلم مباشرة
وبعد ما وصلنا للغرفة المسكونة
لقيناها مقفولة بالمفتاح
كا العادة
فا بصيت لعمرانة
وقلتلها…
وبعدين يا عمرانة هنعمل ايه؟
ده الباب مقفول بالمفتاح؟
ردت عمرانة
وقالت…ولا يهمك
ودخلت ايديها في صدرها…
وخرجت مفتاح قديم
وقالتلى
انا اخدت المفتاح من صدر امك
ودلوقتي نقدر نفتح الباب

 

 

وبالفعل…
اخدت منها المفتاح
وفتحت الباب
لكن اول ما الباب اتفتح كانت
المفاجئة المذهلة……….
🤔🤔🤔🤔🤔🤔🤔🤔🤔🤔
يلا كل واحد يتوقع مين اللي علي الباب

يتبع..

• لقراءة الفصل التالي: اضغط هنا
• لقراءة باقي حلقات الرواية اضغط على (تحت بير السلم)