رواية حرب السلايف الفصل الخامس 5 بقلم محمد منصور

رواية حرب السلايف الفصل الخامس 5 بقلم محمد منصور

رواية حرب السلايف البارت الخامس

رواية حرب السلايف الجزء الخامس

رواية حرب السلايف الحلقة الخامسة

وقبل ما نبدأ نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
خلصت حلقة امبارح علي ان كوثر اتفقت مع سمير علي انه يتجوز اختها الارمله. داليا فياتري هايتجوزها فعلا ولا هايحصل حاجة تمنع الجوازة دي من انها تتم. الاحداث اللي جاية هتجاوب علي السؤال دة والمهم دلوقتي نعرف
ان محمود اخوة سمير خد مودة وراح بيها للمستشفي المحجوز فيها سامي ودخلت مودة علي نور وسليم اللي رجع المستشفي وكان معاهم فضل وقال سليم اول ما شاف مودة داخلة عليهم
انتي اية اللي جابك
مودة
عايزني اعرف ان بابا تعبان وماجيش
نور
ومين اللي قال لك ان بابا تعبان
مودة
خلود وقعت بالكلام. وشكرا اوي يا نور انك خبيت علية
محمود
مش وقته الكلام دة المهم نطمئن علي عم سامي
نور
هو بخير والله وهايروح معانا النهاردة. ماكنش لازم يا محمود تجيب نور وتيجي. دي عروسة برضو والنهاردة صبحيتها
محمود
ما كنش ينفع نعرف ان عم سامي تعبان وما نجيش
سليم
باين اوي ان دة كلامك انت بس. انما سمير كان لي راي تاني
فيحرج محمود ويبص لمودة فتقول مودة
لا. خالص سمير كان جاي معايا بس جه ناس اصحابة يباركو له علشان كدة ما جاش
سليم باستهزاء
الله يبارك فيكي

محمود
سليم ممكن نخلي اي كلام لبعدين المهم نطمئن علي عم سامي
مودة
انا عايزا اشوف بابا
نور
هاستاذن من الدكتور ونخش له
مودة وهي بتبص لنور
لا. انا عايزه اشوفه لوحدي
فيبصو لها كل الموجودين، ،،،،،،،،،
ومن جوة الاوضة المحجوز فيها سامي تترمي مودة في حضن ابوها وهي بتعيط اوي وهو بيطبطب عليها بمنتهي الحب وهي بتقول
بالله عليك لو زعلان مني قول
سامي
حد يزعل من روحه. دة انتي بالذات عارفة غلاوتك عندي
ويرفع وشها لفوق ويمسح لها دموعها وهو يقول
في عروسة تعيط يوم صبحيتها
مودة
لما العروسة دي تكون السبب في انها توجع قلب ابوها يبقي خسارة فيها الفرحة
سامي بابتسامه خفيفة
بس انا قلبي ما توجعش منك قلبي موجوع من زمان. يوم ما امك صدقت اني بخونها واطلقت مني وراحت لغيري رغم انها عارفة اني غيري دة بيكرهني جدا وكان عايز بس يوصل لها علشان ينتقم مني.
مودة
هو انت فعلا خونت ماما
فيسكت سامي ولا يرد فتقول مودة
اسفة والله بس. اللي حكيتة ماما ليا يخليني
وتسكت مودة فيقول سامي
يخليكي تصدقي. قوليها. مودة حبيبتي انا في الليلة دي خدكم في حضني انتو الاربعه علشان النور كان قاطع وانا اتفاجت لما لقيت الست دي في اوضتكم
وفي هذة اللحظة يفتح باب الاوضة ويدخل ايهاب ومعه دكتور كبير في السن لكن باين علية انه شاطر جدا ويقول ايهاب وهو بيبص لسامي
اعرفك علي دكتور حسن ظافر احسن دكتور في في مصر جايبة علشان يعالجك ما هو ما يهنش علية اشوفك تعبان ومساعدكش
فيبص سامي لايهاب ويبتسم ابتسامه معنها انا فاهمك ،،،،،،
ومن جوة شقة سمير يقف سمير قدام امه ليلي. اللي كانت بتقول له بعصبية شديدة
عايز تجيب لمراتك ضرة في اول اسبوع من جوازكم
سمير
انا حر
ليلي بعصبية

لا مش. حر وداليا اخت كوثر كانت قدامك قبل مودة وانت اللي قولت لا عايز مودة اشمعني دلوقتي حليت داليا
سمير
علشان مودة دي نكد وانا ماكرهش في حياتي اكتر من النكد. دة انا لغاية دلوقتي ملمستهاش
ليلي
هي اللي شافته في ليلة امبارح شوية. اصبر عليها واللي انت بتفكر في هايحصل وهاتكون ليك زي ما انت عايز بس تعدي محنة مرض ابوها اللي ممكن يحصل له حاجة بسببها
سمير
اما. انا متجوز علشان انبسط وادلع نفسي. والاقي واحدة كدة تدلعني. مش تشيليني الهم. دة باين عليها عيشتها تقصر العمر
ليلي
دة معداش الا ليلة علي جوازك منها. اوام كدة حكمت علي عيشتك معها انها هاتبقي عيشة تقصر العمر
سمير
الجواب بيبان من عنوانه وهي باين عليه نكد وكل شوية قواق وعياط. والست ما تضربش الا بست زيها
ليلي
وتربي عيال داليا صح
سمير
وفيها اية يعني. انا كسيب ومعايا فلوس مش عارف اوديها فين هاصرف عليها هي وعيالها المهم الست اللي تدلعني
ليلي
ومودة ما فكرتش فيها
سمير
هايحصل لها اية لا هي اول ست يبقي ليها ضرة ولا اخر ست.
ليلي
وداليا هاتعيش فين بقي
سمير
هنا في الشقة.
ليلي
انت مجنون عايز تقعد اللي اسمها داليا دي مع مودة بنت الناس الطيبة
سمير
الشقة كبيرة. وتاخدنا كلنا. وهي خلاص كلمه وقولتها النهاردة هاكتب علي داليا وخلي مودة عند ابوها تطمئن عليه براحتها. المهم ان في ست تكون في حضني
ليلي
حرام عليك والله حرام عليك وبكرة الايام تثبت لك ان الظفر في اصغر صباع في رجل مودة بمقام اللي انت هادخلها بيتنا دي
سمير
ده بيتي انا. وأدخل في اللي انا عايزه. انا حر
ويسيب سمير امه في الشقة ويخرج من الشقة وامه بتبص عليه وتقول
لا حول ولا قوة الا بالله، ،،،،،،،،،
ومن جوة الاوضة المحجوز فيها سامي ينتهي الدكتور حسن من الكشف علي سامي وسامي عمال يبص لايهاب وبيضحك وايهاب بيبص له وهو مخنوق من ضحك سامي وولاد سامي التلاته واقفين حوالين منه. ويكتب الدكتور حسن علي روشتة بها علاج ويدي الروشتة لسامي ويقول
انت محتاج العلاج دة
فيبص سامي في الروشتة بعد ماخدها من ايد الدكتور ويدي سامي الروشتة لمودة اللي تقول
هاروح اجيبلك العلاج اللي فيها بسرعه
فيمسك سامي ايد مودة اللي كانت هاتمشي وقال
قطعي الروشتة دي.
فتستغرب مودة و كل الواقفين في الاوضة وتقول مودة باستغراب شديد
اقطعها
سامي
ايوة.
فتقطع مودة الروشتة فيقول سامي لايهاب
لو روحي في ايدك. هاموت اكرم لي. شكرا علي الزيارة خد احسن دكتور في الدنيا واخرج. واوعي تفتكر اني هاخليك تشوفني وانا مكسور. فاهم
الدكتور حسن بعصبية
اللي بيحصل دة اهانه ليا وانا اسف اني جيت معاك يا ايهاب
ويخرج الدكتور من الاوضة وهو في منتهي الغضب وايهاب يبص لسامي ويقول. بصوت بطئ مليان شر
الف سلامه عليك يا ابن عمي. عايزك بقي تخف بسرعه علشان اللي جاي محتاجك تتفرج عليه وانت واقف علي رجلك
فيروح فضل ناحية ايهاب ويقول
حاسس من كلامك انك بتهدد ابويا
ويمسك فضل ايهاب من لايقة القميص بتاعه بغضب شديد ويقول بعصبية
وانا اللي يهدد ابويا ادفنه حي
سامي

فضل. نزل ايدك وسيبة يمشي ومتنساش انه برضو ابن عمي واكبر منك
فضل
بس دة بيهددك
سامي
قولت نزل ايدك وسيبه يمشي
فيسيب فضل. لايقة قميص ايهاب. فيضحك ايهاب وهو بيعدل هدومه ويخرج من الاوضة وهو مغلول وسامي بيبص له من فوق لتحت، ،،،،،
وتعدي كام ساعه ويخرج سامي من المستشفي ويرجع لبيته ويدخل اوضة ومودة معه فيبص لها ويقول
خلاص اطمئنتي علية يلا روحي لجوزك
مودة
واسيبك وانت في الحالة دي
سامي
انا كويس والدكتور قال قدامك اني بخير. اسمعي الكلام وروحي لجوزك
وفي هذة اللحظة يرن موبيل مودة وكان المتصل بها سمير فتبص لسامي وتقول
دة سمير جوزي بيتصل اكيد عايز يطمئن عليك
فترد مودة مسرعا وهي فرحانه ان سمير اتصل بيها وتقول
كنت عارفة اني مش هاهون عليك ومع انك مزعلني لكن ما قدرتش اشوف رقمك بيرن وما ردش
وهنا تسمع صوت كوثر تقول
سمير مش فاضي وطلب مني اتصل بيكي اقول لك. باتي عند ابوكي كام يوم
مودة
مين اللي بيتكلم
كوثر
انا سلفتك يا حبيبتي. ومش بس سلفتك دة انا كمان اخت ضرتك. اصل سمير هايتجوز داليا اختي الليلة
مودة بصوت عالي
انتي بتقولي اية
كوثر بصوت اعلي
بت حسك عينك صوتك يعلي علية والا باوسخ جذمه عندي وهانزل بيها علي بوقك. سلام بقي علشان بجهز داليا لعربسها
وتسمع مودة صوت زغروطة توجع قلبها فتعيط بحرقة وتبص لسامي اللي كان بيقول لها
في اية يا مودة
مودة وهي بتبص له وعيونها تاهت وسط الدموع،
سمير بيتجوز، ،،،،،،،،،،،
**اللي عايز يتابع القصة دي كاملة هيلاقيها صوتية علي اليوتيوب قناة حكايات منص ومي **
ومن جوة شركة ايهاب يقف نور مع سكرتيرية ايهاب اللي اسمها مايسة وهي بنت حلوة جدا ويقول لها نور
جالي جواب تعيين من الشركة هنا
مايسة
انت نور سامي. مهندس كمبيوتر صح خريج دفعه 2012
نور
بالظبط.
مايسة
استاذ ايهاب صاحب الشركة مستني حضرتك في مكتبة ثواني ادي له خبر انك هنا
وتتكلم مايسة في الخط الدخلي بين مكتبها ومكتب ايهاب وتقول
استاذ ايهاب. نور سامي جه حسب الميعاد

ايهاب
خلي يدخل
فتشاور مايسة ناحية باب مكتب ايهاب وتقول
اتفضل.
ومن جوة مكتب ايهاب يجلس ايهاب علي مكتبة ويدخل علية نور ويبص له ويقول باستغراب
انت
ايهاب
اتفضل يا نور تعالي
نور
انت صاحب الشركة دي
ايهاب
الشركة دي بتاعتي انا ومامتك. ومن النهاردة انت بقيت موظف فيها
نور
انا مستحيل اشتغل معاك. دة انت وامي كنت هاتكونو السبب في موت بابا
ولسة هايخرج نور من باب المكتب سمع ايهاب بيقول
حتي لو هاديك في الشهر 20000 الف ج.
فيتصدم نور من الرقم ويفضل واقف ويقول ايهاب وهو رايح ناحيتة
دة غير الحوافز والبونز والبدلات يعني ممكن توصل
ويحط ايهاب ايدة علي كتف نور ويقول
30000 الف ج.
فيبص نور لايهاب. فيقول ايهاب
لسة عايز تمشي.
فسكت نور وهو مش عارف يقول اية، ،،،،،،،

يتبع….

لقراءة الفصل التالي : اضغط هنا

لقراءة الرواية كاملة اضغط على : (رواية حرب السلايف)