رواية طريق الظلام الفصل الثالث 3 بقلم عمرو علي

رواية طريق الظلام الفصل الثالث 3 بقلم عمرو علي

رواية طريق الظلام البارت الثالث

رواية طريق الظلام الجزء الثالث

رواية طريق الظلام الحلقة الثالثة

حاااسب
” عربية بتجري بسرعة جنونية وبتقرب منها ولكن فجأه اللي بيسوق داس على الفرامل عشان تقف العربية على بعد خطوة منها ، العربية وقفت ونزل منها شاب
انت مجنون
= تعالي معايا
سيب ايدي
= تعالي معايا يا أميرة بالذوق
وانا مش هركب معاك
= أنتي ملكيش اختيارات
“شدها من ايدها وفتح باب العربية ، خلاها تركب بالعافية ومشيو ، كنت بتابع كل دا من مسافة مش بعيدة ولكنها واضحة ، رفضت اني اتدخل لانه امر ميخصنيش وثانيا انا مش بحب المشاكل ، رجعت اكمل شغلي ولكن اللي كان شاغل بالي هو مين الشاب دا ، وليه هي مش عايزة تروح معاه ، خلصت شغلي و رجعت البيت وبرضو مش عايزة تروح من دماغي ، جايز عشان لقيت حد اهتم بأمري لأول مرة ، تفكيري مستمرش كتير لاني نمت بدأت تعدي الأيام وهي غايبة مش بتيجي ، لكنها مش بتغيب عن بالي
فيك حاجة غريبة
= حاجه ايه
مش عارف بس حالك مش عاجبني
= مالو حالي يا حسام
ولا حاجة ، بس بصراحة شايف بالك مشغول بحد
= تقصد مين
ماهو دا اللي عايز اعرفه منك

= لا اطمن ، بالي مش مشغول بحد ، انا لسة خارج من مصيبة قريب ومش عايز اكررها
الجواز طول عمره مصيبة بس للاسف مضطرين
= على اساس انك مش متجوز
ما انا بقولك كدا عشان متجوز
” ابتسمت وكملت شغلي ، يمكن فعلا الجواز فيه مشاكل كتير بس عشان تتجنب المشاكل دي او على الاقل جزء منها لازم اختيارك يكون صح ، اما انا اختياري مكنش صح نهائي
انا عايزة اوضة النوم دي
= بس يا سهام دي غالية اوي
مليش فيه ولا انا مش من حقي اختار عفش بيتي على مزاجي
= حقك طبعا يا حبيبتي
خلاص يبقا تجبلي اوضة النوم دي
= حاضر
وليد انا محتاجة 4000 جنيه عشان الميكب ارتيست
= ليه 4000 جنيه ، مش كتير شوية وبعدين انا حاليا مش معايا غير 1500 و دول هدفعهم عشان تشطيبات الشقة
اعمل ايه يعني ، اتصرف
= اتصرف منين دا انا صرفت المرتب بتاعي كله و احنا لسة في اول الشهر
معرفش شوفلك حل
” والحل كان اني استلفت من ناس كتير عشان اقدر اكفي طلباتها ، مواقف بسيطة ممكن متلاحظهاش غير بعد فوات الأوان
اييه ، سرحت فين
= لا أبدا
طب انت عارف يا وليد ، مراتي دي عليها شوية نكد تستاهل جايزة اوسكار والله ، بس عارف يا وليد مراتي دي عليها شوية حنية تستاهل تتشال جوا العين والله ، ست جدعة ومقدرة جوزها وبتعمل اللي عليها ، عمري ما حسيت بتقصيرها معايا رغم ان انا اللي بقصر معاها وكتير كمان ورغم كدا هي شيلاني وشايلة البيت ، بس هرجع واقولك برضو الجواز خنقة ، لكن بيني وبينك انا مبسوط بالخنقة معاها
” وهي دي اللحظة اللي الكل ينتظرها ، لحظة الاعتراف ب كل شئ جميل يقدمه الطرف الآخر دون مقابل ، حتى ولو كان فيه بعض من المشاكل ف دا عشان الملل ، قرأت قبل كدا ان العلماء اثبتو ان المشاكل بين الزوجين تكسر روتين الملل
خلينا بقا نكمل شغلنا يا عم وليد بدل ما نترفد
= يلا
” بدأت اكمل شغلي ، كنت براجع على الحسابات ولكن سبت الشغل لما سمعت حد بينادي عليا
وليد
” بصيت عشان الاقيها واقفة باين عليها الإجهاد ، مش زي ما شوفتها اخر مرة
= أستاذة أميرة ، ازيك
من غير أستاذة

= حاضر ، إنما حضرتك ليه مكنتيش بتيجي ولا هي كانت صدفة انك تيجي قبل كدا
لا مش صدفة ، بس كنت تعبانة شوية
= باين عليكي ، تحبي تحكي
مش هينفع هنا
= ممكن نطلع برا عادي
مش عايزة اعطلك عن شغلك
= انا قدامي بالظبط نص ساعة و اخلص شغل
خلاص هستناك برا
= مش هتأخر
” مكنتش لسة كملت كلامي بس سكت عشان سمعت صوت انا عارفه كويس وهو بيقول
ازيك يا واد يا وليد
” رفعت عيني عشان اشوف واحدة لابسة دهب من فوق ل تحت لدرجة انه مالي كل دراعها
سهام!!

يُتبع ..

• لقراءة الفصل التالي : اضغط هنا
• لقراءة باقي حلقات الرواية اضغط على (رواية طريق الظلام)