رواية مروضة الرجال الفصل الثالث والثلاثون 33 بقلم سلطان زماني

رواية مروضة الرجال الفصل الثالث والثلاثون 33 بقلم سلطان زماني

رواية مروضة الرجال البارت الثالث والثلاثون

رواية مروضة الرجال الجزء الثالث والثلاثون

رواية مروضة الرجال الحلقة الثالثة والثلاثون

خلص معها كلام وهي خلصت تمثيل وقالها هاتي اكلمها
اخدت منها الموبيل وقولتله أنا هسبهالك انت وامك اشبعو
ببعض قالي خدي التليفون وادخلي جوه .بزعيق ..دخلت
قولتله خير ..قالي أنا قولتلها انها تروح شقتها وانتي بقا لمي
نفسك ومتعمليش حكاية قولتله ولا حكاية ولا رواية
أنا ياعم ماشية خالص أنا قولت اقولك بس علشان تبقي عارف
عبده ..تمشي تروحي فين انتي اتجننتي ولا اتهبتلي
_ اغلط اغلط انت كمان ما أنا الي قبلت علي نفسي كده من الاول
عبده ..يابنتي مش بتنيل بغلط …امي غلطت حقك عليا انا
دي ست كبيرة مش معقول يعني هضربها ولا اعلمها الصح والغلط في السن ده
_ لا تخليها تشتمني وتهزقني وتغلط في اهلي وتقولي شقة
ابني وانتي جايه من الشارع واستحمل علشان الباشا ميزعلش
عبده ..لا حقك عليا انا
وانا لما اشوفها. هقولها خلاص بقا علشان الشغل وبليل هجيلك
_ تمام ماشي برحتك

عبده . يعني ايه برحتك . مش مرتحلك أنا
_ هي دي محتاجه ترجمه برحتك ياعبده سلام
اتصل تاني وانا لا كنت هنزل ولا نيله وكان كل قصدي أنه لو
جيه وطلب مني يدلع هرفض وهقرفه في عشته وخلاص
لقيته في اقل من 10 دقائق جاي بينهج كانت أمه لبست اول
ما شافت عبده رجعت تاني تمثل وتعيط وتتشحتف خرجت
وقفت ع باب الاوضة اتفرج ع المشهد الدرامي ده قالها انزلي
يامه دلوقتي وانا هبقا اجيلك
اتغاظت وقالتله بنت ميتين الكلب دي ملهاش قعاد هنا رجعها
الشارع الي جت منه قالها ماشي يامه انزلي بقا
قالتلي هتشوفي يابنت الوسخه العذاب الوان
قولتله أنا فيا لسان ع فكرة وصبري قرب يخلص ولما هجيب
أخري قسما بربي ماهشوف حد قدامي
اتعصب عليا وقالي لمي نفسك وزعق ل امه وقالها ما تنزلي
بقا ياحجه في أي مالك
قفل الباب وفضل يقرب عليا براحه وانا حسه أنه هيضرب قلقانه مش مش مبينه ده ليه
عبده.. أنا تخليني اسيب شغلي علشان خايف للهانم تهرب
_ اطمنت شوية والقلق راح …قولتله شقتها وشقة ابنها بقا وانا حياله ضيفه
عبده. مين الي قال كده بس
_ امك الي قالت ده انا اتصلت بيك في الاخر خالص بعد ما
بهدلتني ومرمطت بيا الأرض
وانا عماله اقول دلوقتي تسكت
اعقلي يابت متكلميش عبده علشان ميضايقش ولا تعطليه عن شغله
وهي مش سكته كلمتك وهي بتغلط وتشتم علشان كنت

عارفه أنه هتحور وتكدب عليك وهتطلعني في الاخر غلطانه
ياعم انا مليش قعاد في الشقة دي
عبده . اهدي بقا وبطلي الي بتعمليه ده
_ عبده سبني بجد مخنوقه ومش طايقه نفسي خلي كل
حاجه هنا هروح اسبوع بس عند مرات ابويا افك واغير جوه وابقي ارجع
عبده ..بتلمي اي انتي يابنتي الموضوع مش مستاهل كل ده
_ كل شوية اهانه وبهدله وارجعي للشارع ولا اكنك متحوزني تكسب فيا ثواب ولا ابتغاء مرضات الله سبني
عبده..يخربيت دماغك خلاص اهدي بقا
عملت زاي امه وعيطت زيها خدني في حضنه وقالي خلاص
بقا اهدي وقالي أنه مش هيرجع الشغل وهستاذن منهم
ويكمل اليوم معايا وقعد بقا يقنعني اني برشام منع الحمل ده
هياثر وهيضعف الحمل بعد كده ..اخدتها سكة علشان اوصل للي في دماغي
قولتله حلو اهي كملت علشان بدال ما امك تطردني بعيل يبقا بعيلين
قالي يابت دي شقتك واحنا الي ضيوف عندك قولتله اهو يا اخويا كلام
قالي بطلي طب البرشام الي بتخديه ده وانا اخلهولك حقيقية
يابت هو أنا رد سجون ولا مجرم علشان تخافي تخلفي مني

ده اكبر إثبات يابت اني بحبك ..قعدنا شربنا حشيش ولما
اتسطل قعد يحكيلي بقا عن الي حصله لما قولتله اني هسيب
البيت وأنه ساب كل حاجه وجيه جري وقالي كمان أنه كان
كده كده هيكتبلي الشقة ب اسمي لأنه عايزني ومش هيقدر
يستغنا عني

خدني ورحنا لمرات ابويا بالعربية بتاعته وقالي أنه هيعدي
علي واحد صاحبه يقعد معه لحد ما اخلص قعدتي قلعت
سلسلة من الي الاتنين الي كنت لبساهم وحطتها في الشنطة
وفضلنا قاعدين نتكلم وفي النص قولتلها غمضي عينك
فضلت تضحك وقالتلي ايه يابت مالك قولتلها علشان خاطري
بقا ومسخسخه علي نفسها من الضحك ولا اكني قولتلها نكته
لفيت السلسلة علي رقبتها ولسه بربطها لقيتها بتبوس ايدي
وبتقولي ربنا يخليكي ليا وميحرمنيش منك ابدا فضلت ابوس
أيدها ودموعي نزلت وحضنتها اوووي وقولتلها انتي امي
وحبيبتي وصحبتي والله بشم ريحة ابويا فيكي وبفتكره كل
ما تيجي علي بالي
السلسلة وقعت ع حجرها خدتها ركنتها ع جنب وقالتلي
هشلها مع الهدية الي جبهالي ابوكي الله يرحمه
قولتلها هو ابويا جبلك هدية قالتلي اصبري اورهالك
رحت عند الدولاب وجابت علبه صفيح وجبتلي جواز سفره
الي فيه صورته وساعة بتاعته وغوشتين دهب وقالتلي دي
الهدية كانو 5 وبعت ٣ منهم قبل ما يموت فضلت في سيرته
وموقفه معها وحنيته عليها وذوقه وأدبه لحد ما عبده اتصل
بيا ونزلت معايا توصلني وعبده سلم عليها ووصته عليا
بعدها عبده كتبلي الشقة ب اسمي وانا حملت
وبقا تقريبا ينسه أنه متجوز وكنت بخليه يسبني ويرحلهم
بالعافيه وعلي طول مشاكل وخناق معاهم ويحكلهم عني

جيه العيد الكبير وصمم أنه يدبح عندي وفعلا كلهم اتلمو
عندي يوم الدبح وكان متعود يدبح عند أمه أو مراته الأولي
الأولي ده كانت غلبانه الصراحة وفيه شبه من مرات ابويا
التانيه بقا عقربه لسانها عايز قطعه لا راضيه تشيل حاجه ولا
تساعد في حاجه غمزت ل عبده وخدته ع جنب وقولتله
قولها تعمل حاجه علشان أنا مش هقدر اعمل ده كله لوحدي
وخدت بالها اني بتودود معه قالها ما تهزي ياختي لحمك ده

واعمليلك مصلحة بدال ما انتي قاعدة مابتعمليش حاجه
قمت مديها الطبق الي فيه الكرشة والممبار قولتلها خدي
اعملي دول عقبال ما الم الدنيا هنا
قامت قالتله اي القرف ده ده انا عمري ما عملتها. أنا في بيت ابويا
زعقلها وقالها اخلصي يلا وخلي يومك يعدي وبصلي وابتسم
وقمت بعتله بوسه ع الهواء 😘
يتبع بقا خلينا نختمها بالبوس الي ع الهواء 😘😘

يتبع ….

• لقراءة الفصل التالي: اضغط هنا
• لقراءة باقي حلقات الرواية اضغط على (رواية مروضة الرجال)