رواية 30 يوم حياة الفصل السادس والعشرون 26 بقلم أميرة اسامة
رواية 30 يوم حياة الفصل السادس والعشرون 26 بقلم أميرة اسامة
رواية 30 يوم حياة البارت السادس والعشرون
رواية 30 يوم حياة الجزء السادس والعشرون
رواية 30 يوم حياة الحلقة السادسة والعشرون
مر خمس أيام وأخيرا جاء موعد الرحله…طوال الخمس أيام مكنش في اي حاجه جديده غير ان صالح ولاحه أتفقوا هما كمان علي معاد زواجهم اللي هيبقي بعد العيد الكبير بشهر واحتمال كبير فرح هيما ومنه لو قدروا يخلصوا شقتهم في وقت قياسي ويشتروا باقي الناقص في شقتهم اما زين فا أبتدا يدور علي شقه تكون مناسبه ولاكن هو لسه عند قراره ان وعد تخلص دراستها او عالاقل يكون فاضل سنه بس عشان متتشغلش أيهاب ورحاب لسه ادامهم سنه عادل وشمس أتفقوا أنهم مع بدايه اول يوم فالسنه الجديده يتجوزوا حتي يوسف ومريم فكروا يتجوزوا هما كمان يوم (عيدهم)🎄 في رأس السنه أما كريم فا كان شايل الموضوع من دماغه لأسباب عمره ماقالها لاكن كان ديما حاسس انه مش قادر ياخد الخطوه خصوصا ان مفيش حد في حياته ولان هو ديما حاسس ان مظهره هو سبب في عدم ارتباطه لحد الوقت… أما عامر فكان بيفكر في كلام زين وبيفكر في منار لاكن مش قادر مش قادر يحس غير ان منار اخته وبس بالرغم من ان منار كانت اقرب واحده ليه فالبنات بعد شهد اخته لاكن كان ديما حاسس انه بيحبها زي شهد مش زي حبيبته او شريكه حياته اللي ممكن تكمل معاه مشواره بالرغم من انه ديما يضحك ويهزر معاها وحاسس ديما انها نفس دماغه لاكن كان في حاجز حاسس انها صعبانه عليه وبالرغم من انه كان عارف حجم حبها ليه إلا انه خد باله اكتر وركز اكتر في كلام زين كانت صعبانه عليه لدرجه انه كان نفسه يفاتحها ويقولها تشوف طريقها وتبص لحياتها لاكن مكنش عنده الجرأه أنه يتحط في الموقف ده…
قبل الرحله بيومين….
فلاش باك…….🌪️🌪️
عامر كان عنده حفله وراجع متأخر من الشغل وكالعاده كيمو اعد فالبلكونه مستنيه عشان يطمن عليه خصوصا بعد اللي حصله اخر مره الشباب اللي طلعه عليه وضربوه بقي يقلق اكتر عليه.
عامر..وصل الشارع وبص علي بلكونت كيمو ياض انت مبتزهقش انا لو أمي كانت عايشه مكنتش فضلت مستنياني كده
كريم…تو ماشرفت يا خويا لسه بدري
عامر…اهو قلب علي مراتي😂😂😂
كريم…بضحك اتأخرت ليه يالا ايه ملكش كبير ولا ايه
عامر….قلب عالحاج حسني أهو اقلب يلا علي ايهاب بما انه اخويا الكبير وكده يعني
كريم…أتنيل أسخن من ستي إلا سيدي هو لسه مرجعش هو كمان
عامر…بس بقي احسن مش طايقه الواطي كان عنده فرح وعارف ناس كتير فيه وعزموه يقضي ليله فالفندق معاهم
كرسم…كمان لا انتوا عايزين كبير يقفلكم🤔
عامر…اهو قلب علي ستي😂😂
خرج يوسف من الشباك وهو منكوش وباين علي عينه النوم كنت فين ياض ياصابع ياض
عامر…اتخض احييييييه يخربيتك قلبت علي روحيه بفتحه شباك المخبرين دي
يوسف…بضحك بس احسن تسمعك وتطين عيشتك
عامر…ربنا يجعل كلامنا خفيف عليها😂😂
يوسف…يارب يا اخويا انا وانت انت لسه جاي
عامر…اه حالا
يوسف…بتكلم مين الواد كيمو ده
عامر…اه مراتي😂😂
يوسف…واد ياكيمو عامل ايه انا مش شايفك
كريم…بضحك اتنيل يعني انا اللي شايفك
عامر…بقولك ايه ياض ياض يايوسف انا لسه جاي وجايب معايا فراخ مشويه ماتيجي
يوسف….لا مش قادر والله انا كمان اتعشيت فراخ مشويه وانا جاي جبتها وكلت ودبيت انا وروحيه مش قادر بألف هنا
عامر…الله يهنيك بص لكيمو ولا ياكيمو مش جعان
كريم…جعان وربنا معاك اكل شكلك
عامر…فراخ مشويه تستاهل بوقك ومولعه جاي 😉😉
يوسف…ودي عايزه سؤال لو كيمو مجاش مين هيجي
كريم…بضحك اهو قالك لو مجتش مين اللي هيجي😂 اطلع ياض بسرعه هفتح الباب
عامر…لا خلينا فالسطح احسن ابوك وامك يصحوا ينفضونا😂😂😂
كريم…اشطا يلا هفتح دخل كريم
عامر…بص ليوسف أيه ياچو مش ناوي تغير رأيك
يوسف…والله ماقادر انا اصلا كنت نايم صحيت علي صوتكم قولت ارخم عليكم شويه
عامر…طب يلا روح كمل نوم
يوسف…اشطا يلا تصبح علي خير سلم عالواد كيمو
عامر…ماشي ياصاحبي وانت من اهل الخير سحب يوسف الشباك تاني وقفله وطلع عامر علي بيت كريم اللي كان واقفله عالباب معاه ازازه مايه وازازه بيبسي وكوبايتين
عامر….بضحك ديما جاهز
كريم…يا ابني مع كيمو مش هتقدر تغمض عنيك
عامر…بصوت واطي طيب يلا اوعي تكون نسيت مفتاح السطح
كريم…😳😳ايه ده ده مش معايا مع ابويا بقولك ايه تعالي هنا
عامر…لا مش هينفع بقولك ايه تعالي هنا عالسلم انتوا سامكم واسع
كريم…بضحك طب استني احيب حاجه نأعد عليها مبعرفش اعد عالارض
دخل كريم جاب كرسيين وتربيزه وحطهم قصاد بعض في طرقه السلم
عامر…بضحك كويس ان البيت ده بتاعكم لو كان معاكم ناس ساكنين كانوا قالوا علينا مجانين😂😂
كريم…طب ما احنا مجانين انت هتمثل😂😂
عامر…يلا بقي انا واقع من الجوع فتح عامر الكيس وطلع الفراخ والسلطات والعيش وكريم حطلهم البيبسي وأبتدوا ياكلوا
كريم…واد ياعامر العامله دي احنا عملناها اد ايه
عامر…وهو بياكل يووووه كتير بس اوعي تنكر ان انا اللي مظبطك علي طول اجيب اكل وانا جاي بليل وناكل سوا
كريم…ده عشان تعرف بس ان انا مرزق 😂😂😂 وبعدين وحيات امك مانا علي طول مظبطك فالمحل اكل
عامر…انت مش ناوي تفتح ام المحل ده بقي انت ساعت رمضان مرضتش تقفله وفتحته فول وطعميه وكنافه هتيجي الوقت بعد رمضان تنام فالخط
كريم…والله عايز افتح يا عامر معرفش مكسل ليه اول مره تحصل
عامر…لا ياعم افتح انت معلمني ان باب الرزق ما ينفعش نوقفه هتوقفه انت
كريم…لا بأذن الله بعد الرحله علي طول هفتح عشان خلاص الرحله كلها يومين ومش هينفع افتح بكره وبعد وارجع اقفل عشان الرحله وتاني يوم الرحله ده بيبقي تعب بردو مش هفتح فا خليني بعد الرحله علي طول احسن
عامر…اصلا مفيش وقت تفتح الوقت المحل عايزله عالاقل يومين بس تنضيف
كريم…ما انا عامل حساب كده عشان كده بقولك بعد ما نرجع عشان ابقي فايقله كده
عامر…يلا ربنا معاك ويرزقك المهم قولي مش عايز فلوس ياض
كريم…لا ياعم مستوره الحمد لله
عامر…ياض انا مبعزمش انا ياما خدت منك انت والواد يوسف ده انا معملتهاش مع ابويا او ايهاب
كريم…عارف والله ياعامر وصدقني لو محتاج برده هاجي اقولك
عامر…طيب عموما لو عايز قولي البومين دول صاحبك ربنا فاتحها عليه
كريم…الله اكبر مايحسد المال إلا صحابه ربنا يزيدك ياصاحبي
عامر…بقولك ايه صحيح عايز اخد رايك في حاجه كده وعايزك تقولي رأيك وانت مفكر مش تدخل فيا زي القطر
كريم…قول شكلها مصيبه
عامر…لا والله بص انا جايلي شغل في قريه سياحيه في شرم وفلوسها حلوه بس اول 3 شهور هأعد هناك مش هقدر اجي عشان هيبقي كل يوم الشغل مش شغل قطاعي زي هنا
كريم….يعني 3 شهور مانشوفكش
عامر…والله العظيم انا عارف انهم هيبقو صاعبين عليا اكتر منكم بس دي فرصه ياكيمو
كريم…انت شكلك مفكر وواخد القرار
عامر…والله ابدا انا محتار وعايز رأيك بس ميمنعش ان الفكره عجباني ومسيطره علي تفكيري كمان مش يمكن ياصاحبي اقابل حد من الناس اللي فوق واحط رجلي علي الطريق اللي بحلم بيه.
كريم…بص بصراحه هي فرصه ومقدرش اقولك لا خصوصا لو فيها ليك رزق وخير ولقمه عيش حلوه روح ياصاحبي بس قبل ما تقرر صلي استخاره وربنا هيدلك عالطريق الصح ولو قررت متنساش ياصاحبي ربنا خليه ديما ادامك انت رايح مكان مش بتاعنا ولا شبهننا عادي انك توصل زيهم بس خليك ديما ياصاحبي متمسك بأوصلنا وعادتنا وتقاليدنا والاهم من كل ده ديننا يا عامر يعني ابعد عن الحريم عن الشرب ياعامر عن اي حاجه تغضب ربنا
عامر…ربنا يخليك ليا ياكيمو ومن غير ماتقول انا رايح هناك اشوف شغلي وبس واظن مينفعش اكون بدعي ربنا يقف معايا واروح اغضبه ياصاحبي انت مش واثق فيا ولا ايه
كريم…لا طبعا واثق فيك واوي كمان بس بنصحك زيادت تأكيد الشيطان وحش ياصاحبي وبيلعب في دماغ اي حد ابويا ديما يقولي ان الشيطان بيلعب ديما علي الحلو اكتر من الوحش عشان الوحش هو اصلا وحش والشيطان سايبه عشان كفايه عليه نفسه ودي اسوء من الشيطان انا الكويس فا ده لعبه الشيطان بيحاول يكسبه لصفه وانت صغير ياعامر ويمكن اللي تشوفه هناك يخليك تنبهر وتقول ميمنعش اجرب صدقني وقتها هتبقي خسرت كتير اوي
عامر….متقلقش ياكريم والله العظيم ما هعمل اي حاجه غلط وربنا شاهد علي اللي جوه قلبي انا ياكريم ادامي حلم عايز احققه من غير اي غلطه عشان يوم ما اكبر ملاقيش حد ماسك عليا زله ولا اكبر وانا ربنا غضبان عليا عشان ساعتها ربنا مش هيبارك في اي حاجه وصلتلها
كريم…الله يفتح عليك ويوفقك وعلي اد ما انا فرحانلك وعارف انك هتبقي حاجه كبيره عشان الحماس اللي في عينك ده علي اد ما هت حشني وال3 شهور دول هيعدوا عليا كتير اوي
قام عامر من مكانه وخده في حضنه
عامر…متقلقش ياض هرجع بسرعه ولو في ايام اجازه هجيلك
كريم…اوعي ياض تكبر وتتكبر علينا وتنسانا
عامر…ياض هو انتوا تتعوضوا بكنوز الدنيا دي كلها انتوا سند ياكيمو مينفعش اعيش من غير ما اكون ساند عليه اقع من غيركم
كريم…حضنه ربنا يخلينا لبعض فالوقت ده خرجت منار من اوضتها لمحت باب الشقه مفتوح وفي كلام بره راحت براحه تشوف فيه ايه لقت كريم وعامر حاضنين بعض
منار…😳😳😳انتوا بتعملوا ايه
عامر وكريم اتخضوا وبعدوا غن بعض
عامر…اعوذ بالله من الشيطان الرچيم انتي هنا من امته
كريم…خضتينا الله يخربيتك
منار…انتوا بتعملوا ايه
كريم…هنكون بنعمل ايه يابت هتلبسينا مصيبه😂
عامر….بصوت بنت عاجبك كده ياسي كيمو ماقولتلك بلاش اطلع
كريم…اتلم ياض هي نقصاك
منار…بضحك لا بجد بتعملوا ايه
عامر…هنكون بنعمل ايه خرجتي علينا الساعه 3ونص الفجر الناس نايمه والدنيا هاديه وانا جايب فراخ مشويه وعشوه حلوه واخوكي مطلع بيبسي ومايه وخرجتي لاقتؤنا بنبوس بعض😂😂😂😂
كريم….اه يا ابن الجزمه انت بتثبتلها المعلومه اللي وصلتلها الله يفضحك تصدق ياض انا غلطان اني وافقت اكل معاك قوم ياض غور
منار…كانت واقفه ميته من الضحك
عامر…الله وانا مالي اختك اللي بتصحي في اوقات حرجه اعملك ايه
كريم…انتي ايه اللي صحاكي انتي كمان
منار…وهي لسه بتضحك كنت راحه اشرب واتوضأ واصلي ركعتين فبل الفجر لقيت باب الشقه مفتوح وفي صوت قولت حرامي فا خرجت اشوف
عامر…نعم قولتي حرامي وخرجتي تشوفي كده عادي من غير ما تصحي حد ده انا اللي اسمي راجل لو اتحطيت في موقفك وربنا ما اخرج لوحدي😂😂😂
كريم…والنبي ولا انا😂😂
منار…..ياعم هي موته ولا اكتر المهم انه مطلعش حرامي
عامر…طب بقولك ايه تعالي كلي معانا
منار…ربنا يخليك ياعامر بألف هنا
عامر…هو ايه اللي ربنا يخليك انا مش بعزم علي فكره يلا تعالي
كريم…تعالي كلي الاكل تحفه
منار…والله ما قادره بالف هنا انتوا مش عايزين حاجه اعملكم شاي
عامر…لامليش فيه تسلم ايدك
كريم…وانا مش عايز
منار…ماشي لو عايزين حاجه ابقي قولولي انا صاحيه لسه
عامر…لا انا هاكل واطير قبل حاج سعيد ما ينزل يصلي الفجر لو شاف المنظر ده هينتحر😂😂
كريم…اتنيل هي اول مره يقفشنا
منار…مش هتقولولي كنتوا بتعملوا ايه
كريم…يابت في ايه الله يخربيت شيطانك عامر جايله شغل في شرم 3 شهور كنت بوصيه علي نفسه فا قام باسني وحضني دي كل الحكايه وانتي طبيتي زي القضاء المستعجل
ملامح منار اتغيرت فورا…وبلعت ريقها بصعوبه اول ما سمعت كلام كريم
منار…انت مسافر
بصلها عامر بحزن علي حزنها وكريم حط عينه عالاكل عشان ميبانش عليه انه اضايق لما سمع سؤالها لعامر بصوتها الحزين
عامر…بهدوء احتمال لسه مش اكيد بس بفكر
منار…طب ليه تسافر وتبعد مانت شغلك هنا كويس
عامر…بس هناك الفرصه احسن يامنار ويمكن تبقي فرصه ربنا كاتبهالي عشان احقق حلمي
منار…ايوه بس انت هتأعد هناك
عامر…لا مش كتير هما 3 شهور وهرجع
منار…ولو جاتلك الفرصه اللي بتحلم بيها ياعامر هترجع برده ولا خلاص كده
بص كريم علي عامر وعامر بصله حاول عامر يبتسم ويغير طريقه الكلام
عامر…يابنتي حتي لو جاتلي الفرصه ما انا هرجع بردو يعني هروح فين هو انا ليا مكان غير هنا واهو هيبقي شغل زي اي شغل
ابتسمت منار نص ابتسامه وكملت بسخريه…وهي حابسه دموعها في عينها أغلب اللي راحو يا عامر وقالوا هيرجعوا مرجعوش عموما ربنا يوفقك ويحققلك اللي تتمناه يلا تصبحوا علي خير…دخلت منار وفضل عامر معلق نظره علي الباب مكان مكانت واقفه
كريم….بصله بأبتسامه حزن متزعلش من منار ياعامر اصل منار اي حد غالي عندها بتحس انه ممكن يبعد بتزعل بس انت عارف هي طيبه متقصدش اللي قالته
عامر…لا طبعا مش زعلان وانا عارف ان منار طيبه وغلبانه وخد نفس طويل وهو شارد ادعيلي ياصاحبي
كريم…ربنا معاك ياعامر ومتنساش الاستخاره
عامر…طيب يلا انا هقوم بقي
كريم…ماتكمل اكلك انت كلت
عامر…لا مش قادر خلاص شبعت يادوب اروح انام وكمل بأبتسامه مصطنعه وانت يلا ادخل قبل ما ابوك يصحي ينفخنا
كريم…بنفس الابتسامه ماشي ياصاحبي
مشي عامر ودخل كيمو ودخلت منار اوضتها وهي مش قادره توقف دموعها ودعائها لربنا وهي بتصلي
وكل واحد فيهم هما التلاته كان جواه حزن غريب خصوصا عامر اللي اول مره يحسه واول مره يحس ان كريم عنده حاجه عايز يقولها ومش قادر….
بااااااااااااك….
الكل كان مستعد للرحله وبعد أقناع الشباب لاهاليهم اللي كانوا رافضين يروحوا معاهم عشان تعب الطريق وان الرحله اللي بتبقي يوم واحد بتكون متعبه اخيرا نجح كل واحد فيهم انهم يقنع هم
الكل كان بيحضر الاكل والسندوتشات الشارع كله كانت ريحته أكل ريحه السندوتشات ابتدت تظهر كان الكل فرحان
وقت صلاه الفجر خرج الشباب ورجاله الحته راحوا صلوا الفجر مع حاج سعيد لحد ما البنات والكل يجهز ولحد ما الباصات بتاعت الرحله توصل كان اغلب الحاره بتاعتهم رايحه وكان في كذا باص عشان يستوعب العدد اللي طالع وزين قرر زي كل سنه يكون في باص خاص بيهم كالعاده عشان يكونوا براحتهم اكتر
ابتدت الباصات تيجي والناس تنزل من بيوتها وهما شايلين الشنط علي كتفهم وملابسهم ظاهر عليها جو الرحلات من شورت لبرمودا لكابات
وابتدوا الشباب يخرجوا الشنط مع البنات بعد ما خلصوا الصلاه
زين…يلا يا امي
مديحه…يلا ياحبيبي مش كنتوا سبتوني انا مليش في الرحلات يا ابني
زين…يا امي انتي بتخرجي بس وبعدين دي رحله بنروحها كل صيف
منه…يلا بقي اتبسطي يامديحه
مديحه…بضحك حاضر ياستي فين وعد
خرجت وعد فالوقت ده انا اهو ياحبيبتي
زين…غمزلها ايه القمر ده
ابتسمت وعد وبصت بعيد
منه…وش كسوف اوي😒
وعد…رخمه😡
منه…😛😛
مديحه…مش هيعقلوا ابدا😂
زين…يلا بينا بقي الكل خرج اوعوا تكونوا ناسيين حاجه
مديحه…لا كله تمام فين الكولمن بتاع الميه
زين…خرجت كل حاجه وحطيتها في الاتوبيس خلاص
مديحه…وشنطه الاكل اوعب تكون حطتها تخت هناكل ايه فالطريق
زين…لا يا امي عالباب هناك اهي يلا بقي
خرج زين بعيلته ونزل احمد العربي بعيلته ومعاهم توته
واتجمع الكل بره معادا يوسف وروحيه اللي كانوا لسه مخلصوش
أبتدا الشباب يحطوا شنطهم فالباص والكل جهز
زين…هو فين چو كل ده
كريم…انا عارف كل شويه ادخله يقول خارج
عامر…استنوا هدخل انا استعجلهم
هيما…طيب يلا بسرعه وحيات امك ياعامر الباصات التانيه كملت وبيستعجلونا
عامر…ماشي
دخل عامر بسرعه خبط عالباب فتحله يوسف الباب وهو علي اخره
عامر…ما يالا ياعم جو بتنيل ايه ده كله احنا رايحين اسبوع ده هو يوم
يوسف…قولها يا اخوبا اللي أعده بتشرب فالشاي باللبن
بص عامر علي روحيه لقاها اعده تحت الشباب ماسكه كوبايه شاي بلبن كبيره واعده تحط فيها بقسماط وتاكل
عامر…ايه ياروحيه كوبايه الشاي دي كلها ده جردل ياما مش كوبايه
روحيه…عايز ايه ياواد بفكر ولا عايزين امشي من غير فطار
عامر…افطري ياروحيه بس مش كده ده جردل شاي بلبن مش كوبايه
روحيه…اهو الجردل ده مزاج عندي مقدرش مشربش الشاي
فالوقت ده لما عامر اتأخر جم الشباب كلهم يشوفوا في ايه قلقوا علي روحيه….
زين…في ايه انت جيت تشوفهم نمت جمبهم
عامر…ياعم انا لانمت ولا اتنيلت بس روحيه بتفطر
هيما…ايه ياروحيه الكوبايه دي كلها انتي سرقاها من بتاع عصير قصب ولا ايه😳
روحيه…انت جاي تحسدني ياواد
هيما…احسدك ايه ياورحيه ما ياما حسدنامي انتي بيحوق فيكي حاجه🤨
صلاح…انت ياعم ماتشوف الحوار ده
هيما….بيت ام البرود اعد حاطط رجل علي رجل
يوسف…أصلكم هتفضلوا تهروا وتنكتوا كده كتير وهي مش هتقوم غير لما تشرب اخر نقطه🤔 فا أنتو كده بتحرفوا كلام كتير عالفاضي
صلاح…قومي ياروحيه انا واخد عدت الشاي معايا هنظلطك هناك انا وصالح
صالح…اه والله ياروحيه وهنهريكي شاي بلبن بس يلا الاتوبيسات كلها مستنيانا😫
زين..قومي يلا ياروحيه
روحيه…انا مش راحه فأي مكان غير لم اشرب الشاي بتاعي
ايهاب…طب بقولك ايه هنجبلك كوبايه بلاستيك او ورق وتاخديها معاكي
أدهم…انت بتستظرف بروح امك هو الجردل ده هتلاقي منه كوبايات بلاستيك
يوسف….ببرود من كتر ما أتعود والنبي لو عملتوا ايه ما هتتحرك غير لما تشرب الشاي بلبن
هيما…انت ياض بارد كده ليه بقولك كل الاتوبيسات مستنيانا ياجدع
يوسف…مش برود ده تعود واهي ادامكم لو تقدروا تقوموها قوموها
روحيه…كانت اعده في دنيا تانيه ولا هنا بتاكل بمزاج وتحط البقسماط وترفع ايدها لفوق تنقط الشاي فوقها زي الاطفال
عادل…هي بتعمل ايه
صلاح…أبعدوا بسرعه دي مرحله القطره بتاعت اللسان
كريم…في ايه ياروحيه انتي بتحطي قطره للسانك
روحيه…قطره في عينك يابعيد😏
زين…يلا ياروحيه بقي طب اسربي بسرعه واحنا هنستناكي
روحيه….اصله سخن
هيما….ياعم ده لو بارد مش هتخلص في ستنتنا السوده دي..دي بتشرب في جردل
يوسف…كان اعد ميت من الضحك
صلاح…اضحك يا اخويا اضحك
عامر…لا بقول ايه كده كتير احنا نحطها ادام امر واقع راح عامر خد من ادامها الكوبايه وراح شالها فالحوض ونزل عليها ميه وخرج
عامر…يلا ياروحيه كده انتي خلصتي
الشباب كلهم كانوا باصين علي روحيه ومستنين رد فعلها
يوسف….يخربيتك🙈🙈 يومك اسود ومهبب
روحيه…تصدق ياولا والله مانا متحركه من هنا غير لما اعمل كوبايه غيرها واشربها
عامر…ده علي جثتي
روحيه…والنبي ما في غيرك عاملها كمان
ادهم…لا ياروحيه حرام عليكي
زين…عيب ياروحيه قومي بقي
يوسف…يا اما قومي هجبلك بدالها والله
روحيه…ابدا😒
صالح…ياستي هظبطك فالرحله الناس مستنيانا يلا
روحيه…مش خارجه غير لما يعملهالي
فضلوا الشباب يقنعوها وهي ابدا مش موافقه لحد ما صممت علب رأيها وفعلا راح عامر عملها غير وفضلوا كلهم مستنين لحد ما خلصت وكلهم بقوا يشتموا ويضربوا في عامر
واخيرا خلصت وركبوا كلهم بعد عذاب وابتدت رحلتهم اخيرا…
في الباص كان راكب ورا فالكنبه عامر وكريم ومنار ويوسف ومريم
والكرسين اللي ادامهم زين ووعد وجمبهم توته وادهم
وادامهم منه وهيما وجمبهم رحاب وايهاب
وادامهم شمس وعادل وجمبهم صالح وبوسي وادامهم صلاح وشهد وجمبهم مديحه وروحيه وبعد كده فاطمه وحاج سعيد ونعمه وحاج فاروق وناريمان وسهير جمب بعض واحمد العربي وعيسي وادامهم حسني وجمبه عمر اللي شغال مع زين❣️
روحيه…ماتغني ياواد ياعامر بالطبله الانت ماسكها دي
عامر…😒😒بس عشان متغاظ منك ياروحيه
سهير….صحيح كل ده ياوحيه يعني خلاص مفيش هناك شاي
روحيه…بصت لمديحه وكلمتها بصوت واطي ودي مين ياختي الوليه الحشريه دي
مديحه…بضحك ياوليه اسكتي عيب الله يجازي شيطانك
سهير…من بعيد بتقولي ايه ياروحيه سمعاكي
روحيه…يا اختي ما تسمعبني وانا هخاف😏
يوسف…من ورا ما تقومي بقي تمسكي فيها ياما عشان ترتاحي مانتي بتخانقي دبان وشك
روحيه…انا ياواد بخانق دبان وشي وبعدين مين الناس دي وانت واخدني فين🤔
يوسف…ياااااارب
ضحكوا كلهم علي يوسف وروحيه.
روحيه…ماتغني يالا ياواد
عامر…طب مش مغني بقي غير لما افطر واهي كبرت في دماغي ياروحيه اشمعني انتي طلعتي عينا🤔
يوسف…حقك ياض
طلعوا الفطار كل ام فيهم مديحه وسهير ونعمه وفاطمه وناريمان وابتدوا يوزعوا عليهم كلهم الاكل
ويفطروا
فالكنبه اللي ورا كان يوسف ومريم راكبين من جمب ومنار وعامر من جمب وكيمو فالنص عشان يفرد رجله في الطرق بتاعت الباص منار وعامر كانوا أعدين ورا كرسي وعد وزين.
زين….يلا كلي
وعد…حاضر
زين…علي فكره شكلك زي القمر
وعد…باحراج شكرا
زين…هو ايه اللي شكرا🤨
وعد…طيب اقول أيه
زين…اي حاجه انا راضي يعني وانت كمان انت احلي اي حاجه😂🤨🤨
وعد….بحبك يازين
زين…بصلها بحب وسكت
وعد…ايه بتبصلي كده ليه
زين…عشان انا بحبك اكتر
وعد….لا انا بحبك اكتر
اتخضوا مره واحده لما عامر اتكلم
عامر….لا انا نروح نقيس بقي مين اكتر من التاني😂😂😂😂
كلهم بصوا لورا ومش فاهمين عامر يقصد ايه ومنار مش قادره تمسك نفسها من الضحك هي ووعد
زين…بصله وقام وقف ومسكه من قفاه انت ياض مش ناوي تعقل وتكبر وقبض أيده عشان يضربه
عامر…ااااه وربنا بضحك
زين…انت بترمي ودنك معانا🤨🤨🤨
ادهم…اديله ده غلس اصله
زين…ده غلس اوي وبص لكريم عشان مش عارف يطول عامر منه وانت باعم ماتبعد شويه مش عارف أضربه🤨🤨🤨🤨🤨😡
مريم…بضحك في ايه ياجدع انت مش عارف تطوله بتزعألي انا
عامر…الله اكبر عليك ياحبيبي يحميك ربنا لشبابك جته …😂😂😂
زين….مالك يا اختي ماتفومي ترقيه احسن يتحسد كل الباص كان ميت من الضحك عليهم
عامر…خلاص والله هبقي مؤدب
زين…خليك في خالك متركزش 😡
عامر…متركزش عشان متهيسش😂😂😂😂
زين….ياض هضربك عيب انت مش صغير😒
عامر…خلاص والله مش هعمل كده تاني
يوسف…لا مينفعش كده انت تقوم تقف وترفع ايدك وادينا ضهرك ياض
كريم…خلاص ياعم انت وهو كلكم عالواد ولا ايه
زين…مابدل ما انت اعد تاكل ومش سأل فالدنيا لاهييه شويه عن اهلي ابو شكلك انت كمان
كريم…بص لعامر عاجبك انت قلت القيمه دي
عامر…بضحك خلاص والله يازين اعد وانا مش هرمي ودني تاني 😁😁
زين…ياض متستفزنيش
هيما.. انا لو مكانك بدهر أيدي زي الخدامين اوقعله صف سنانه عدل
عامر…قام وقف وهو بيشاور بايده كأنه بيتخاتق خليك في حالك ياعم هيماااا بدل ما اقلبه عليك ياض
زين….اعد ياض بدل ما ارميك انت وطبلتك فالشارع
عامر…اوامرك ياسيد المعلمين🙄
أبتسم زين واعد ..واول ما اعد رفع راسه يشوفه لقاه ساكت
عامر…انا سكت بتركز معايا انت ليه
زين…مش مطمنلك ياجدع😡
عامر…لا خلاص انا هاكل انا وكيمو ومنار صح ياشباب
منار وكيمو صح..
وعد…كانت بتضحك
زين…😒😒مبسوطه اوي
وعد…والله دمه خفيف
زين…نعم🤨🤨 ياحلوه مين ده اللي دمه خفيف😡
عامر…انا ياجدع وربنا دمي شربات ايه مضايق ليه هااا
زين…وهو بيجز علي سنانه انت تاني باض هضربك وربنا
عامر…حط ايده علي بوئه🙊🙊 خلاص سكت
عدي حوالي كام دقيقه ورجع زين اندمج تاني مع وعد وهما بيضحكوا ومبسوطين
طلع عامر شنطه وهو بيوشوش كريم ومنار
عامر…بصوت واطي أمسكي انتي الطبله
منار…حرام عليك سيبهم بقي
عامر…لايمكن بقولكوا ايه اطلع الفوم اللي شبه التلج ده ولا الصفاره
كريم…وربنا انت هتاكل علقه انهرده منهم كلهم
منار…بقولك ايه
عامر…ايه قولي
فضلت منار تضحك وتقفل في بوئها مش قادره تتكلم
عامر…بضحك يخربيتك هتفضحينا
كريم…هنضرب من قبل ما نعمل حاجه
منار…بص انت امسك الصفاره صفر هتلاقيهم كلهم بصوا مع بعض اول ما يبصوا ترش الفوم
عامر…يخربيت دماغك
كريم…يابت انتي شر زيه بالظبط وانا شكلي هاخد الضرب كله بدالكم
عامر…مش عاملنلب حبيبه وربنا لا انكد عليهم استني بس
كريم…حرام عليك كلهم مندمجين كل اتنين ماسكين دماغ بعض واكلنا
عامر…ده حتي عم احمد العربي وسهير نازيلين رغي ده الواد عمر بيرغي مع ابويا😂😂😂لازم نقل راحتهم
كريم…انا مليش دعوه لما الاقيهم جايين هقوم واسبهم يضربوك
عامر…متبقاش واطي ياض منار اوعي تسبيني وتستندلي
منار…بحب لا متخافش انا معاك
كريم…يبقي هتضربوا سوا يا اختي
منار…بضحك اهي علقه تفوت ياكيمو وبعدين انا بشوف عامر بحس ان الروح الشريره حضرت عندي😂
عامر…جدعه يامنار تربيتي
منار…يلا كلهم مندمجين
كريم…استر يارب
عامر…جاهزين
منار…يلا
قرب عامر الصفاره من بوئه وخدت نفس طويل وبعدين راح مصفر كلهم صوتوا واتسرعوا واللي حط ايده علي ودنه وقام رافع ايده بسرعه وفضل يرش وهما يخبوا وشهم لحد ما خلص الفوم وحماهم بيه
حسني…يا ابن الكلب ياواطي
حاج سعيد…الله بهديك ياعامر وقفت قلبنا
ادهم…لا الطلعه دي عليا
هيما…والله ماتحصل انا اللي هطلع
زين…وتطلعوا ليه ده ورايا صالح وحيات امي مانا سايبك غير ما تقول عقلت
ايهاب…احسن عيل رخم يارب يقطعوك
عامر…خلاص وربنا حراااامت ااااه طب خلاص خلاص عشان منار هتتعفص كده
زين…سيبوه نروح هناك بس ان مكنتش اغرقك واخلص منك😡
عامر…ماتفك بقي ياصاحبي بهزر معاكم الله وبعدين ياجدعان خليكوا فريش أحنا فرحله علي رأي الاستاذ خلف الدهشوري خلف😂😂😂😂
عادل…والله ناقصلك بدلته الصفرا
عامر…طب خلاص هصالحكم بقي اخر مره
ادهم…مش عايزين من وشك حاجه
توته…نالكم وماله والنبي ده دمه عسل
ادهم…نعم ياعسل اجبلك لحسه يابت😡
توته…بضحك مانتو في رحله صحيح وبعدين انتو تايهين عن عامر ومقالبه
عامر…قوليلهم ياتوته الهي يسترك يابنتي
صلاح..ب.ص لورا ما تشحت ياض احسن😡
عامر…خليك في حالك يا حبيب بدل ما اجي اعد جنب اختي🤨😒😒
صلاح…لا وعلي ايه اعد وبص لشهد عيل غتت
شهد…اخس عليك يالاحه ده عامر ده عسل
صلاح…عسل اسود يا اختي😒
شهد…😂😂😂😂
عامر…يلا جاهزين هتردوا ورايا
زين…اتنيل غني انت هتتشرط
عامر….يلا يابوب أحسن ناس
أيهاب…يلا أحسن ناس
عامر..وابتدوا يغنوا مع بعض وهما كلهم نشاط معاهم والجو بينهم جميل والكل متحمس…..وبعد ما خلص
أحمد…العربي مافيش حاجه كده قديمه حاجه كده عالرايق
عامر…قام من ورا وسع كده ياكيمو راح وقف أدام احمد العربي
عامر…هغنيلك أغنيه عالرايق بس بشرط تغني معايا
أحمد….انا صوتي وحش ياولا اخوك يغني معاك
عامر…لا وانت كمان هتغني
احمد…ماشي ياعم بس الحقوني انتوا بسرعه عشان مانبوظش ودنهم😂
عامر……وبحب الناس الرايقه اللي بتضحك على طول
اما العالم المضايقه انا لا مليش في دول
أحمد العربي ….وبحب الناس الرايقه اللي بتضحك على طول
اما العالم المضايقه انا لا مليش في دول
عامر….ومليش في الدمع لا لا ولا في الناس الشياله
كل اللي فـي قلبه حاجه اول بـ اول يقول
ايهاب….وبحب اللي مخليها على الله اللي ما يحسبهاش
ده العمر قصير ليه نتغير والا منعشهاش
عامر…..😍بقى كم شالوا همي وحرقة دم يا عيني راحوا بلاش
دآهو كده على جرح قال انا ياسلام
في التمام…يا اعم احمد يا عربيييييي
الشباب….هااااااااااي
عامر…فضل يغني كتير وهما كلهم مبسوطين والباص كله مهايبر وفرحان وبعد شويه أبتدوا يهدوا شويه ومل اتنين فضلوا يحبوا في بعض وتوته نامت في حضن أدهم ووعد كانت بتنام لف زين ايده عليها وخدها في حضنه
كريم نام وراح فالنوم والباقي بيحبوا في بعض والكبار بيتفرجوا علي فيلم كوميدي وروحيه اعد تضحك
زين….باس وعد من راسها فتحت عينها ورفعت وشها وبصتله انا مش نايمه اوي علي فكره
زين…وانا مبيهمنيش علي فكره
وعد…يعني مش خايف حد يشوفك🤔
زين…لا انتي مراتي علي فكره وانا مبخفش ولو تحبي اعملها هعملها بس مش هتبقي في راسك علي فكره😉
وعد…😳🙄🙄 علي فكره انت قليل الادب
اتصدم زين من كلمتها وضحك نعمممم انا ايه😳
الله يرحم اللي كانت بتقولي ابي زين😉
وعد..بأبتسامه أيه تحب ارجع اقولها
زين…بتحبي ترخمي عليا انتي صح
وعد…بحب بصراحه اممم
زين…وهو بيقلدها…امممم طب ليه يارخمه بتحبي تشوفيني مضايق
وعد….انا بحب اشوفك في كل حالاتك يازين فضل زين باصصلها وبدون مقدمات قرب بسرعه من شفايفها خد بوسه سريعه ورجع مكانها
وعد…😳😳😳😳😳😳اتصدمت وفضلت بصاله
ضحك عليها زين وقرب ايده من وشها سندها في حضنها نيمها علي صدرها عشان صدمتها تروح
وعد….كان قلبها طاير من السعاده والصدمه والكسوف ومصدقت انه حط راسها علي صدره عشان متبصلهوش تاني ..
بعد وقت كانت الدنيا هاديه شويه
عامر…لمنار بقول ايه تيجي نرخم عليهم
منار…بأبتسامه لا حرام ياعامر بلاش سيبهم احنا من امبارح سهرانين
عامر…بابت ميبقاش قلبك طيب كده خليكي شريره زيي
منار…معلش خليها عليك المرادي اقولك طيب قبل ما نوصل بڜويه صحيهم بكريقتك ياسيدي
عامر….بأبتسامه جميله ماشي كلامك
منار…أبتسمتله بحب وبعدت عينها ورجعت بصتله تاني
منار…ممكن أسألك سؤال
عامر…طبعا
منار…هو انت ليه عايز تسافر
عامر…عشان ده شغل وفي خير ليا وجايز تكون خطوه في حلمي اللي بحلم بيه طول عمري
منار…علي فكره لو ربنا كاتبلك حاجه هتجيلك يعني مش لازم تسافر
عامر…علي فكره ممكن تكون الفرصه دي ربنا كاتبهالي فالسفر بردو وهتجيلي بس لما انا اروحلها ولا أيه
منار….بزعل عندك حق وسكتت وبصت من الشباك عالطريق وسكتت اكتر لما سمعت سؤال عامر
عامر….هو انتي مش عيزاني أسافر يامنار
منار…مكانتش لاقيه كلمه تقولها..هااا لا مقصدش بس انا يعني فكره السفر دي بتضايقني وبصراحه كلكم قريبين مني اتعودت ديما علي وجودكم وبصراحه هضايق لو حد فيكم بعد
عامر…كان عارف انها تقصده هو بالذات بس حبت تجمع لانها متقدرش تقولهاله صريحه انها بتتكلم عليه هو بالاخص…
عامر…بس انتي اكيد تتمنيلي الخير صح
منار…طبعا صح
عامر…يبقي بلاش تزعلي وعايزك تدعيلي كتير يامنار كل ماجي في بالك
منار…بحب انا بدعيلك علي طول ياعامر
عامر..بجد
منار….حست باللي قالته اه بجد انت بدعيلكم كلكم كل بوم واحد واحد
أبتسم عامر ليها ربنا يتقبل منك يامنار
منار…ماتنام شويه
عامر…انا فعلا عايز انام شويه نامي انتي كمان
منار…مش بعرف انام فالطريق هتفرج عالفيلم
عامر…فتح شنطته طيب خدي دي اتسلي فيها😉 ادالها شوكولاته
أبتسمت منار بحب وخدتها من ايده ..شكرا❣️ وفضلت مسكاها في أيدها وبينها وبين نفسها قررت تشيلها ذكري منه دي اول حاجه تاخدها من ايده في سنين عمرها كلها…
عدي الوقت بسرعه ووصلوا اخيرا دخلوا الشاطئ..
عشان يبدأوا يومهم اللي مش ها يخلي من الضحك والهزار واللعب😍😍😍😍😍
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية 30 يوم حياة)