رواية نغم العاصم الفصل التاسع 9 بقلم هاجر محمود

رواية نغم العاصم الفصل التاسع 9 بقلم هاجر محمود

رواية نغم العاصم البارت التاسع

رواية نغم العاصم الجزء التاسع

رواية نغم العاصم الحلقة التاسعة

“بعد يومين، في بيت دينا”
كانت دينا بتلكم الحج علي في الفون، وفي المكالمه
دينا بصريخ: ماااااات!!!
علي ببرود: ايوه
دينا: لا انا مليش دعوه بيكم انساني
ضحك علي بصوت عالي وقال: انتي يظهر متعرفيش بتتعاملي مع مين
دينا: انا هبلغ عنك لو قربتلي
علي: هتقولي ايه؟ اتفقت على خطف واحد واللي اتفقت معاه قتله جدعنه، ما انتي كده شريكه
دينا: انا اللي استاهل، انت عاوز ايه؟
علي: ايوه كده اعقلي، انتي عارفه ان نغم دخلت المستشفى
دينا: وايه المطلوب؟
علي: هفهمك حالا
******************
وبعد كام يوم، وكالعاده خلص حسام شغله وراح يتطمن على نغم في المستشفى ويعرف حالتها وصلت لأيه، فوصل هناك وطلع للدكتور امجد المتابع لحالة نغم وسأله عن حالتها
الطبيب أمجد: فاقت امبارح، ومن ساعتها وهي ساكته مش بتتكلم
حسام: طيب ينفع ادخل لها
الطبيب أمجد: ينفع بس سيب اي حاجه حاده معاك هنا
حسام: تمام عن اذنك
دخل حسام اوضة نغم وقفل الباب بهدوء، فلقى نغم قاعده وسرحانه بتبص للفراغ، فنادى عليها بصوت هادي، بس هي مردتش عليه، فقعد جنبها وقال: حقك عليا من اللي حصل ده كله
مردتش عليه
حسام: طيب مش عايزه تعرفي اخبار والدتك ولا اختك
بصت له نغم من غير رد
حسام: طيب مش عايزه تعرفي اختك هتسمي البيبي ايه؟
هزت نغم رأسها بأه
حسام: حياة عاوزه تسميها نور زي ما قولتي انتي
ابتسمت له نغم، والدموع اتجمعت في عيونها، في الوقت ده دخلت الممرضه بالاكل فسألها حسام: هي بقالها قد ايه مكالتش

الممرضه: من ساعة ما فاقت تقريبا
بصت نغم للممرضه وهزت رأسها برفض الاكل
حسام: لا سيبي الاكل وهتاكل دلوقتي
سابت الممرضه الاكل عالترابيزه وخرجت، وحسام خد بأيد نغم وقعدها قدامه وبدأ يأكلها، فبعدت نغم ايده عنها لما قرب منها الاكل فقال: وبعدين مش هينفع كده، لازم تاكلي
هزت نغم رأسها بالرفض وغمضت عينيها بوجع
حسام: ورحمة عمي لتاكلي حاجه
فتحت نغم عيونها على اخرهم وبصت لحسام بغضب وبدأت في نوبه من العياط والصريخ، وفضلت ترمي الاكل وتكسر الاطباق، ووقعت عالارض ومسكت حتة طبق مكسور وحاولت تقطع شرايين ايدها، لولا حسام جري عليها واخذها منها وحاول يهديها لكن مفيش فايده وزادت في نوبتها، لحد ما حسام صرخ على فريق التمريض اللي جم بسرعه ومعاهم الدكتور امجد عشان يسعفوها فقال له الدكتور أمجد بأمر: طلعوه بره وهاتولي مهدئ حالا
الممرضه: امرك يا دكتور، اتفضل معانا
خرج حسام من الاوضه وفضل باصص على نغم من ورا الازاز وهي حواليها التمريض اللي بيثبتوها في السرير عشان يدوها مهدئ وهي بتصرخ بأسم عاصم لحد ما راحت في النوم.
******************
بعد ما نغم نامت وخرج الدكتور أمجد قال له حسام: انا اسف يا دكتور
الدكتور أمجد: انت قولتلها ايه؟
حسام: انا كنت بحاول اخليها تاكل وحلفتها برحمة والدها
الدكتور أمجد: طيب انا عاوز اسألك على حاجه؟
حسام: اتفضل
الدكتور أمجد: مين عاصم ده وعاوز اعرف تفاصيل حياتها
حكى حسام تفاصيل حياة نغم لأمجد وبالتحديد الفتره الاخيره من عمرها، فشكره أمجد واستأذن حسام يمشي، ولما مشي حسام استأذنت الدكتورة وعد بالدخول
امجد: اتفضلي يا وعد، في حاجه؟
وعد: انا عاوزه افضل جنب المريضه نغم
امجد: ليه؟
وعد: انا اعرفها يا دكتور كانت اعز صديقه ليا قبل ما اسافر مع اهلي واكمل تعليمي بره، ومتأكده ان في الفتره اللى هقعدها في مصر هقدر اخليها تخف وتبقا كويسه فيها
امجد: طيب انا هكلفك تكوني معاها وربنا يسهل وتخف

وعد: ان شاء الله هتخف وتبقا احسن من الاول، عن اذن حضرتك
امجد: اتفضلي
******************
تاني يوم الصبح، فاقت نغم على صوت الدكتوره وعد وهي بتتابع حالتها مع ممرضه، فبصلتها وعد بابتسامه وقالت بهدوء: حمدلله عالسلامه
بصتلها نغم بتشوش بتحاول تفتكرها، فقالت لها وعد: ايوه وعد، فكراني؟!
أبتسمت لها نغم وحاولت تقوم من السرير عشان تسلم عليها، بس مقدرتش، فقعدت وعد جنبها وحضنتها وقالت: وانتي وحشتيني اوي
دمعت عيون نغم، وبصتلها بنظره يأس فقالت وعد لها: بلاش النظره دي وكل حاجه هتعدي ان شاء الله
ونادت وعد على ممرضه وقالت: هاتوا الفطار حالا
فهزت نغم راسها بالرفض
قالت وعد: مفيش حاجه اسمها لا انا مستنيه نفطر مع بعض
أبتسمت لها نغم وبعدين بصت لنفسها ولهدومها اللي مش نضيفه وتوترت
وعد بهدوء: متقلقيش هساعدك تغيري هدومك وهننزل نتمشى شويه، ودلوقتي يلا بينا عشان نفطر
أبتسمت نغم لها وبدأوا يفطروا مع بعض، وبعد ما خلصوا فطار ساعدتها وعد في تغيير هدومها، ونزلوا يتمشوا شويه في جنينة المستشفى، ومرت الايام وشويه شويه وعد ونغم رجعوا صحاب تاني وبدأت نغم تحكي وتتكلم مع وعد عن حياتهم
******************
وفي يوم كانت وعد ونغم قاعدين مع بعض في جنينة المستشفى وبيتكلموا عن سيف وعاصم
وعد بضحكة: قوليلي بقا اخباركم ايه؟
نغم: سيف ساب هنا على فكره
توترت وعد وقالت بخجل: مش قصدي،اااا
ابتسمت نغم وقالت عشان تغير الموضوع: وانا حبيييت
وعد بمفاجأه: بجد؟!
نغم: اااااه
وبدأت نغم تتكلم عن عاصم، وازاي حبوا بعض وعن الحب اللي موجود جواها له فابتسمت وعد من كلامها وقالت: بتحبيه اوي؟
تنهدت نغم وقالت: الله يرحمه، اه
وعد: هو مات؟!
نغم بحزن: اه هو واخويا سيف في مهمه بره مصر

حست وعد كإن قلبها اتقسم نصين لما سمعت خبر سيف وحاولت تمسك نفسها ودموعها انها متنزلش وقالت بصوت مخنوق: ايه؟! سيف مات؟
فقالت نغم والدموع بتخنقها: ايوه
وعد بحزن: ليه مقولتليش
نغم: انتي اللي اختفيتي فجأه ومعرفتش اوصلك
وعد: غصب عني، الله يجازي اللي كان السبب وفرق بيني وبين صديق الطفوله
نغم بتعجب: صديق؟!
وعد بحزن: ايوه هو اللي قال لي كده، اني صديقه وبس قدام هنا
تنهدت نغم بحزن وقالت: بس سيف كان بيحبك و….
ومكملتش وبدأت تعيط، فحضنتها وعد وقالت بتأثر: معادش ينفع الكلام خلاص الله يرحمهم، اهدي بقا
فهديت نغم وطلعوا لأوضتها ترتاح شويه
******************
وفي الاوضه، قالت وعد لنغم وهي بتديها الدوا: طيب هسيبك ترتاحي شويه ونتغدى سوا ايه رأيك؟
نغم بفرحه: طبعا موافقه
وسابتها وراحت للدكتور أمجد عشان تديله تقرير عن حالة نغم
وفي اوضة الدكتور امجد
وعد: يا دكتور نغم حالتها اتحسنت عن الاول
امجد: انا عارف انا كنت متابعها الفتره اللي فاتت، الحقيقه انتي عملتي معجزه لما خلتيها تتكلم تاني، وده هيساعدها انها تخف اسرع
وعد: ولا معجزه ولا حاجه يا دكتور ده شغلي، وجزء من رسالتي عن اذن حضرتك
امجد: رايحه فين؟!
وعد: انا وعدت نغم اننا هناكل سوا
امجد: طيب اتفضلي……

يتبع….

لقراءة الفصل التالي : اضغط هنا

لقراءة الرواية كاملة اضغط على : (رواية نغم العاصم)