رواية 30 يوم حياة 2 الفصل الحادي عشر 11 بقلم أميرة أسامة
رواية 30 يوم حياة 2 الفصل الحادي عشر 11 بقلم أميرة أسامة
رواية 30 يوم حياة 2 البارت الحادي عشر
رواية 30 يوم حياة 2 الجزء الحادي عشر
رواية 30 يوم حياة 2 الحلقة الحادية عشر
شمس….صحيح يا سهر بما انك دكتوره نفسيه وكده انتي بتعرفي تحللي الشخص اللي ادامك
سهر….امممم يعني اكيد
توته…طيب وتقدري بقي تحللي شخصيتنا الوقت انا طبعا من غير ما تقوليلي واحده بتفكر في الانتحار من ولادها🥴
سهر…بضحك بعد الشر عليكي دول حلوين خالص ربنا يحميهم ليكي انتي وبباهم
سهر….ماشي بس طبعا انا اول مره اعد معاكم تقريبا كلكم يمكن شوفت عامر واستاذ عادل قبلكم بس بردو معرفش عنهم حاجه فا هنخمن بس لو صح قولوا يعني عشان احس اني دكتوره شاطره وكده ماشي
الكل ماشي.
سهر….بس من الاول كده لو في حد ممكن يضايق او مش حابب يقول عادي
بوسي….مفتكرش يعني أنك هتقولي حاجه تضايق حد خصوصا بعني متزعليش مني اكيد الاعده بتاعت انهرده دي مش هتقدري تحددي شخصيه كل واحد فينا
توته…اهي دي بقي عدوت الاعده الحلوه ياستي خليها تقول اي حاجه
بوسي…بضحك لا والله مقصدش
سهر…علي فكره هي بتتكلم صح وانا لو فعلا هقول حاجه عنكم هيبقي من خلال الاعده او اللي أستشفيته من شخصيه كل واحد فيكم يعني اللي أتكلم في اي موضوع اللي ضحك حتي اللي ساكت يعني انا مش هقدر اقول اكتر من كده هتكلم عن اللي شوفته وطبعا ده من خلال دراستي
عادل طيب حلو اوي يلا قولي هتبدأي بمين
توته.أبدأي ببوسي والنبي اللي اتسحبت من لسانها وعيزاكي تقطعيها والنبي دي كانت بتشكك فيكي
كلهم ضحكوا علي توته
بوسي…يابت بطلي رخامه والله ما قصد😂
سهر…بضحك خلاص نبدأ ببوسي.
بوسي…سترك يارب🙄قولي كل اللي جواكي هاااا🔪😒
زين…اهي بعد البصه دي هتلاقي المدح نازل يرف😂😂😂
سهر…انا خوفت والله😂🙈
بوسي…لا متخافيش انا كبوت خالص🙄🤔
فاللحظه دي توته وشمس مالوا بجسمهم لأدام وهما بيبصوا لبوسي🤔
أدهم…بضحك وشهد شاهد من أهلها😂
بوسي ..بلاش رخامه بقي😂😂يلا قولي
سهر….بصي مش عيزاكي تزعلب لو قولت حاجه كده ولا كده ممكن اكون غلط يعني انا مثلا شايفه أنك شخصيه مسيطره إلي حدآ ما عنيده شويه
صالح…🙄🙄🙄
الجميع🙈🙈🙈🙈🙈
سهر…بس جواكي طفله جدا وكمان شخصيه طموحه
سهر…بس مقدرش اقول اكتر من كده ايه صح ولا غلط
كلهم ضحكوا😂😂😂
بوسي….بصي يمكن اللي قولتيه ده صح بس العند في حاجه انا شيفاها كويسه بالنسبالي او فرصه بيتهيألي مش غلط ولا أيه
سهر….بصي العند سلوك موجود عند كل الناس لكن بنسب متفاوتة بمعني أنه بيبدأ من الإصرار على الموقف انك تصممي علي موقف معين وبيفضل يعلي لدرجات أعلى ووقتها بيتحول لظاهره في علم النفس احني بنقول عليها العناد وده طبعا لما الشخص بيوصل لدرجه كبيره من التحكم في الرأي ووقتها بيتحول لصفه سلبيه
يعني ممكن نعند او نصمم عالرأي لاكن في حدود متبوظش حياتنا فهمتي
أكتفت بوسي بألابتسامه وهز الراس.
بصلها صالح بطرف عينه وسكت.
عادل…طيب يلا اللي بعده
توته…أنا بقي شالله خليكي والعيال نايمه كده🤔
ادهم…علي اساس لما ليصحوا بتشليهم😒
توته…والنبي انت حبيبي😍
أدهم…والنبي انتي اللي حبيبتي😉
ضحكوا كلهم علي ادهم وتوته ومغازلتهم المضحكه للبعض.
سهر…بأبتسامه بصي يا توته
يعني من خلال معاملتك لولادك ولجوزك وللناس حواليكي فا انا حساكي أم اوي مش لولادك بس لا ام بمعني الكلمه للكل
كلهم في نفس واحد صح
توته…لا كده هعيط والله
باسها ادهم من راسها بحب
سهر…جواكي كميه حنيه غير طبيعيه حساكي جدعه ومش بتتخلي عن الناس اللي بتحتاجك بسهوله قلبك ابيض جدا وده انا حسيته من اول ما جيت يمكن فالاول كنت محرجه جدا وانتي فضلتي تضحكيني وتهزري معايا وبحد والله ياتوته حسيت أنك مني
نزلت دمعه سريعه من عيون توته وهي بتضحك
سهر…لا عياط لا والنبي
ادهم…لا دي علي طول كده
منه…توته دي مفيش في قلبها يا سهر وحقيقي انتي مغلطتيش في ولا كلمه
رحاب…فعلا توته عمري ما حسيت انها مرات اخويا والكلام ده توته اختي اللي كنت بتمني تبقي اختي بجد
شهد….لو عرفتي توته هتندمي انك معرفتيهاش من زمان
مسحت وعد دموعها وباستها من خدها
توته…خلاص بقي وربنا هعيط
زين…لسه هتعيطي دي غبيه يا ادهم😂
أدهم…كسفاني كده علي طول😂😂😂
توته…انا بحبكم اوي يا بنات والله وشكرا يا سهر عالكلام الحلو ده
هيما…مش عارف ليه مش لايق عليكي الكلام بهدوء يا توته مش واخد عليكي غير وانتي بتبلطجي🤨
أدهم…ياض بلاش رخامه انت نقرك من نقرها كده علي طول
توته…مش هرد عليك يا هيما
هيما…بضحك انتي حبيبتي يا توته
أدهم…ما تحترم نفسك ياض🤨
صلاح…هيقفشوا في بعض😂😂
سهر…مين تاني
توته…خدي
أدهم…بضحك ايه خدي ادهم دي😂😂
يوسف….بلاها سوسو خد ناديه😂😂😂
سهر…بضحك ماشي أستاذ ادهم
أدهم…من غير أستاذ والقاب بقي احنا بقينا أهل
توته…شيفاك مبسوط يا خويا وبقينا اهل ومش اهل وناسي اني اعده🤔
سهر….لا خلينا استاذ احسن 😂🙈
أدهم…ايه يابت بتغيري عليا ولا ايه
توته بضحك..لسهر لا انا بهزر علي فكره انا بحب بس ارخم عليه وبعدين استاذ ادهم دي مش ماشيه مع ادهم خالص😂😂🙄
أدهم…ليه يا بت مشبهش ولا ايه
توته…يالهوي ده انت قمر
صلاح…انا بقول نجيب لمون ونسيبهم لوحدهم شويه😂
سهر….بص بقي انا يمكن مش هعرف اقول عنك كتير اوي
ادهم وهو بيرفع كتفه بغرور غامض انا🤨
توته…الرجل الغامض بسلامته😂
سهر…بابتسامه لا مش حكايه غموض بس احنا أتفقنا ان اللي هقوله ده علي حسب الاعده اللي اعدتها معاكم
يعني مثلت انت و أستاذ زين تحليلي ليكم قريب من بعض
يعني حسيت ان انتوا الاتنين
اللي محتويين باقي صحابكم بمعني انكم ملكمش حد غالي علي حد شيفاكم بتتكلموا مع ده وتروحوا لده كأنكم بتطمنوا عليهم
يوسف…براڤو عليكي زين وادهم بحس فيهم اللي قولتيه ده بحسهم الكبار بتوعنا انا مبطمنش وانا في شغلي علي امي غير في وجودهم وخصوصا زين لان هو بيفتح بدري وببقي خارج وانا مطمن عليها
سهر….فعلا ده اللي اقصد اقوله بس خوفت تفهموني غلط والكبار مش بمعني انعم كبار عليكم لا خالص كبار بمعني انهم بيحتوا الكل بيخافوا علي الكل
عادل…ماشي اللي بعده
سهر…ماشي هتكلم عنك انت
عادل…ربنا يستر
سهر….انا مش هتكلم عن اللي عملته معايا ولا هقول انك جدع ومحترم ووقفت معايا بجد من قلبك وطبعا بالنسبالي انا يمكن زي غيري من ناس كتير ديما بقلق من المحاميين جدا وبصراحه مش بحبهم ولا بحب اتعامل معاهم بس حضرتك بجد غير وطبعا بعد اللي شوفته انهرده منكم ومن الناس اللي انت متربي وسطهم من اهلك يأكد أنك فعلا حد محترم ومش ده السبب الاصلي السبب اللي خلاني اقول كده هو انا معرفتي بيك كانت عن طريق عامر وشوفت فيك جدعنه متتوصفش مش بس ليا فكره أنك عايز تعمل حاجه لعامر عشان بس هو طلبها منك دي كفايه انك تقف مع صاحبك مع حد انت متعرفهوش مبقتش موجوده
عادل….عامر والشباب كلهم اخواتي وزي ما قولتي يادكتوره انا قبل اي حاجه انا متربي في حي شعبي واعرف الاصول كويس واعرف اقف مع اي حد حقيقي محتاجني وانا معملتش اي حاجه انتي زي اختي زيك زي منار وباقي البنات
سهر…ربنا يخليك يا استاذ عادل ده شرف ليا
عادل…طيب يلا مين تاني
سهر…ممكن استاذ يوسف
يوسف….اخيرا حد عبرني فالاعده دي😂😂
عامر…مترحميهوش😂
سهر…لا بجد يعني اللي قدرت احسه اولا انك جدع بجد وعارف يعني ايه معني الصحاب وطبعا اللي انت عملته مع عامر يوم ما جيت اول يوم هنا كان كفايه يبين ده احساسك انك بس حابب تفرحه وتعمله مفجأه دي حاجه حلوه بجد وتدل علي انك بني ادم نضيف بس ناس كتير متصاحبين وبيحبوا بعض جدا بس لازم يكون في بينهم غيره بسيطه
ودي احلي حاجه انها مش موجوده بينكم يعني بيتهيألي ان فرحه عامل بأول كليب عمره ما هينساها وديما كل ما هيسمع الاغنيه دي هيفتكر اللي عملتهوله
وتاني حاجه علاقتك بمامتك انا اسفه مكنتش اعرف انها تعبانه استغربت الاول شويه بعد كده فهمت والحقيقه ان علاقتك بوالدتك لوحدها كفايه انها تبين انك شخص نضيف ومحترم جدا
يوسف….ربنا يخليكي يا دكتوره بالنسبه لموضوع عامر انا لما عملته عملته عشان حابب اني افرح عامر يمكن عامر يكون فرحان بنزول الكليب وفرحان اكتر بأنه بقي ترند بس انا واثق ان فرحته وسطنا وسط الشارع والحته كان اكبر وزي ما قولتي عارف انه هيفضل فاكر المفجأه دي انا لو طولت اعمل اي حاجه عشان عامر او حد من الشباب هعملها وعمري ماهتأخر عليهم ابدا وعارف ان هما كمان كده.أما بقي بالنسبه لموضوع أمي
فانا امي غاليه عندي اوي وعلاقتي بيها مش زي اي علاقه ابن بأمه أنا أمي هي نقطعه ضعفي بحس اني مسؤول عنها بحسها بنتي الصغيره بخاف عليها اوي اوقات كتير كانت بتخرج من غير ما حد يحس بيها وتتوه وقتها بحس اني هموت من الرعب وكأني تاه مني بنتي لان حقيقي امي لو خرجت بره الحته محدش هيعرفها ومش هتعرف ترجع كنت بفضل ادعي وقلبي بيتقطع اني الاقيها وتبقي كويسه
علي اد ما انا اللي مسؤول مسؤوليه كامله عنها إلا أن امي دي زي ما قولتلك نقطه ضعفي بحس اني فعلا عيل صغير ومحتاجها حتي لو هي مش هتعملي اي حاجه بس وجودها معايا بيطمني بتضحكني مبعرفش اكل غير معاها بعملها كل حاجه بأيدي
بحميها بلبسها بسرحها بختارلها لبسها بجبلها حجات حلوه زي العيال الصغيره مقدرش اعدي يوم من غير ما اناقرها وتناقرني قلبي بييبقي طاير من الفرحه وهي مبسوطه وبترقص وبتضحك فرحتي بيها زي فرحه أب لبنته اول مره يعيش معاها كل لحظه في حياتها….انا في مره من فتره طويله…واحد عبيط كده قالي كلام اعبط منه مش قادر انساه لحد الوقت…قالي متزعلش مني انت مش بتتكسف لما امك كل شويه تتوه منك وتدور عليها زي العيله الصغيره لما بتقف في اي فرح ترقص وتلعب مع العيال لما تأعد تجري ورا صحابك انا لو عندي ام زيها كنت ربطها فالبيت ومورتهاش الشارع وخليتها تكسفني
يوسف…يومها اضايقت منه اوي وفالحقيقه معرفتش اضربه ولا اشتمه ولا اتعصب بس لقيت نفسي برد بهدوء وبقوله…انا امي مريضه والمرض اللي عندها يمكن مش مؤلم بس مرض لعين بينهش في عقلها وانا معنديش استعداد اني اربطها زي ما بتقول مش هبقي انا والمرض عليها انا امي مريضه يا دكتوره وده شئ لا يعيبها ولا يعبني هيبقي يعبني فعلا لما احبسها لما أتكسف منها انا امي شرف ليا وبتباهي بيها فرحتها وهي بتضحك وترقص وتجري وتلعب عندي بالدنيا بالعكس انا بلعب معاها وبجري معاها وبرقص معاها انا بلاقي نفسي معاها وبرجع طفل زيها بالظبط. انا امي مفيش اطيب من قلبها لا تعرف حقد ولا غل ولا حتي تعرف تكره امي عامله زي العيل الصغير يبقي ازاي بس محبهاش
كانت عيون يوسف مدمعه وباين عليه التأثر حتي الشباب والبنات كانوا متأثرين معاه
أدهم….روحيه دي مفيش زيها دي سبب ضحكه كل واحد فينا
زين…ياريت الدنيا كلها بقلب روحيه دي امنا كلنا وكلما بنحس اننا مسؤولين عنها بجد
عامر…ربنا يخليهالك يا صاحبي ويخليهالنا ومتحرمش من العصايه بتاعتها ابدا😂
ضحكوا كلهم ورجعت سهر كملت
سهر….وعد حساكي خجوله اوي
زين..اوي🙈
سهر..غلط ولا ايه
زين…لا والله فعلا وعد خجوله جدا وبتتكسف اوي
سهر…هي كمان روحها هاديه طفله في نفسها ويمكن يكون طبع وراثه او يمكن سبب حاجه في حياتك مضيقاكي
وعد…خالص بس خالتوا ديما تقول اني بشبه ماما في حجات كتير شكلها هدوئها صوتها كان واطي ملامحها هاديه يعني انا معرفهاش بس شوفت صورها ربنا يرحمها
سهر…انا أسفه والله مقصدش ياوعد البقاء لله
وعد…لا ابدا متقوليش كده وبعدين هي اتوفت بقالها كتير اوي كان عمري وقتها ست شهور ماتت هي وبابا في حادثه وملحقتش اشوف حد فيهم…بس يمكن خالتوا قدرت بجد تعوضني عنها بسمع ناس كتير بتقول ان الام محدش يعوضها يمكن هما صح بحكم انهم عالاقل عاشوا مع امهاتهم بس انا معرفهاش مفتكرهاش ست شهور استحاله افتكرها اصلا بس انا خالتوا قدرت تعوضني عن امي لاني مشوفتش حد غيرها ادامي
سهر…طيب معلش هسألك سؤال رخم شويه
وعد…اتفضلي
سهر…انتي بتقولي عايشه معاها من ساعت ما والدتك ووالدك اتوفوا يعني عمرك كله عشتيه معاها ليه مقولتلهاش ماما ليه بتقوليلها خالتوا
سكتت وعد ثواني وعينها اتملت دموع مع رعشه خفيفه في دقنها حاولت وعد ان دموعها تقدر تسيطر عليها..
وعد…بصوت باين عليه البكاء. انا كنت بقولها ماما وكنت فكراها ماما فعلا لما شويه شويه ابتديت اكبر
كمت فاكره ان انا ومنه وزين اخوات بس لفت نظري ان اسامينا مش واحده فاسالت خالتوا وقتها وقولتلها لما احنا اخوات ليه اسمنا مش زي بعض..يومها خالتوا حبت تفهمني ولأول مره اني مش بنتها واني بنت اختها كان عمري وقتها حوالي خمس سنين كنت فكراها بتضحك عليا اضايقت وعيط هدتني وحكتلي كل حاجه وانهم في مكان احسن وشويه شويه ابتديت اهدي وافهم ولقيتني من نفسي مش عارفه اقولها ماما ولا خالتو وبما اني كنت عيله فا اقنعت نفسي انها خالتوا فا لازم اقولها ياخالتوا وكبرت علي كده والحقيقه انها عمرها ماطلبت مني اقولها ماما عارفه انها حبت تسبني براحتي بس هتصدقيني لو قولتلك اني نفسي اقول الكلمه دي اوي
ونزلت دمعه سريعه وكأنها هربت من عينها ومقدرتش تستني اكتر من كده
لف زين ايده علي كتفها وضمها لصدره بهدوء وهو بيبوس راسها
توته…بصوت باكي لا بقولك ايه وحيات خالتك انا واحده عندها اكتئاب بسبب ولادها مش ناقصه عياط
منار…مسحت دموعها وفضلت تطبطب علي ضهر وعد
سهر….انا اسفه يا وعد والله ما قصدتش انك تعيطي
رفعت وعد وشها بأبتسامه وهي بتمسح دموعها مفيش حاجه والله متتأسفيش
زين…ادامهم كلهم بحبك ياوعد
وعد…اتصدمت😳🥺🥺
الشباب…اييييه ايوه بقي
زين….بابتسامه مالك انا قولت ايه غلط اه بحبك😉😉
أبتسمت وعد بأحراج وبصت بعيد عنه
توته….اهو قالك بحبك يا اختي يارب نهبط ونبطل نكد بقي😒
وعد…بابتسامه حاضر
سهر….هقول بقي كده عن حجات اكتشفتها في اللي هقولهم دول
يعني…منه خساها شقيه مهيبره بس طيبه رحاب بردو شقيه بس عكس منه أهدي شويه
ادهم….يالهوي دي جابتكم علي طول فاضحين روحكم ديما😒
منه…ورحاب ضحكوا
شمس…مش عارفه بس حساكي عكس توته وبوسي هما أجرأ شويه منك حساكي بتخافي وبتتوتري بسرعه
توته…فضلت تضحك اه والله دي علي طول مرعوبه وكأنها عامله عامله😂😂😂
شمس…ماشي يا توته
بوسي…شمس غلبانه اوي وبتخاف بسرعه فعلا وتتوتر من اقل حاجه.
سهر…شهد…بردو حساها فيها شويه من شمس وحساها بردو بتتوتر ورقيقه
عامر…وهو ساند ضهره لورا ومربع ايده. شهد رقيقه لا ملكيش حق يا سهر🥴
شهد…علي فكره انت رخم🥺 بزمتك انا مش رقيقه
ايهاب….لا والله ما حصل😂😂
توته…طب وربنا انتوا مفتريين هي اصلا مش شبهكم اللت طيبه وغلبانه وبتتكسف وفعلا والله زي شمس خوافه جدا كمان
سهر…مريم بقي مش عارفه رايقه كده في عالم تاني مع نفسها خالص
كلهم ضحكوا
بوسي…مريم دي عندها برود يكفي ويفيض لو الدنيا اتشالت واتحطت متسمعيش صوتها
مريم…بضحك انا
توته..شوف البت البريئه والله زي ما بوسي قالتلك كده تحسيها فعلا مع ناس تانيه ملهاش في اي حاجه متشوفيش غير أبتسامتها وبس
يوسف….مالكم انتوا بيها انا حبيبتي رقيقه
توته….لا وربنا هي بارده فعلا
سهر…علي فكره دي حاجه حلوه انك تكوني عيشاها ببساطه كده احسن بكتير
مريم….بصي هو مش حكايه برود بس انا اصلا مش متكلمه اوي فا بسكت يعني لما حد يجي يشتكيلي من حاجه يحكيلي علي حاجه مضيقاه مش بعرف صدقيني اقوله ايه لو موقف يزعل تلاقيني اعدت اعيط معاه موقف يضحك اضحك
صالح…معاهم معاهم عليهم عليهم يعني😂😂
مريم….لصالح ايوه مانا مش ببقي عارفه اقول ايه
هيما…ولا يا چو عارف مريم عامله زي أيه أن شاء الله والف ألف مبروك😂😂😂
يوسف…بضحك بالمللي😂😂😂لما يكون في حاجه مضيقاني فالشغل وتسألني مالك احكيلها الاقيها فالاخر تقولي طيب معلش يلا قوم أتعشي
ضحكوا كلهم علي يوسف ومريم بصاله وميته من الضحك
يوسف…يعني ممكن افضل احكي ساعه ولا نص ساعه وهي ساكته تماما مفيش غير اااه امممم طول المكالمه وفالاخر معلش يلا قوم اتعشي بحس وقتها اني ندمان اني حكيت اوي😂😂
مريم…بزعل طفولي تصدق انا غلطانه
يوسف…واوقات بقي دماغها بتبقي تقريبا مش شغاله او يمكن جيت في وقت غلط🤔متعرفيش…واحكيلها علي موقف يضحك افضل احكي احكي احكي واسكت خلاص خلصت ومستنيها تضحك الاقي الخط ساكت
اقولها مريم انتي نمتي تقولي بكل ببرود لا سمعاك كمل اقولها مانا خلصت تروح قيلالي طيب هتعمل ايه الوقت
ببقي هاين عليا اقولها ابدا هروح انتحر واجيلك هوا
فضلوا كلهم يضحكوا
عامر…يبقي العيب فيك يا چو اكيد دمك تقيل مبتعرفش تضحكها
مريم…بضحك صح يا عامر العيب كده مش فيا صح
سهر..ليوسف…علي فكره ده يدل علي انها قلبها ابيض بجد
يوسف…بضحك لا بهزر والله هي اه مجنناني بس مريم طيبه جدا فعلا وحنينه اوي والاهم من كل ده انها بتحب امي اوي ومهما روحيه بتعمل فيها عمرها ما بتزعل
أبتسمت مريم وفضلت بصاله
ادهم…بضحك طب قوليله اي حاجه شكرا ربنا يخليك ليا يا حبيبي اي حاجه كده
يوسف…لا متحاولش😂😂😂
ضحكت مريم هي والبنات
سهر…استاذ هيما جدع بيحب الحركه جدا يعني لاحظت وانا اعده انه ممكن يعمل ميت حركه فالدقيقه هو ومنه شخصياتهم ماشيه بجد مع بعض جدا الاتنين عندهم حاله حلوه من الهيبره
وحاجه كمان مع كلام كل واحد فيكم هو مبتسم ودي حاجه حلوه اوي انك تكون مبتسم وانت حاسس حد منك بيتكلم واضح انه جدع
بجد وصاحب صاحبه
ادهم…مش اوي يعني
هيما…طب وحيات امك
ادهم…بضحك يا ض انت تربيتي ازاي متبقاش جدع بس
هيما…حبيبي.
فضلت سهر تتكلم عن الباقي
صالح ولاحه انهم طيبين جدا ومحترمين خصوصا صلاح اللي باين عليه الطيبه
وانس اتكلمت عنه بايجاز شديد ووصلت عند منار
عادل….فاض منار وعامر
سهر….بصتلهم بأبتسامه خبيثه وكأنها أتعمدت تسبهم هما الاتنين للاخر.
سهر….هتكلم عن عامر و منار مع بعض لان شخصيتهم بالنسبالي قريبه من بعض
بصوا كلهم لبعض وبصت منار وعامر لبعض وبعدوا عينهم بسرعه..
سهر.. حبيت شخصيت منار مرحه وبتحب الهزار والضحك اوي طيبه وده نفس الكلام بينطبق علي عامر بس مش عارفه حسيت ان في حاجه ورا ألضحك والهزار ده
ردت منار بسرعه بأبتسامه لا ابدا بيتهيألك انا تمام جدا الحمد لله.
فضل عامر ساكت ومبتسم ومردش.
سهر….يمكن يكون احساسي غلط ولا ايه ياعامر
بصوا كلهم علي عامر وهو مربع ايده وباصص ناحيه سهر بأبتسامه بسيطه..
عامر…ايه
سهر…اللي قولته ده ينطبق عليك
عامر….ايوه
منار…علي فكره مش شرط ان نفس اللي قولتيه ده يتوافق مع كذا شخص يعني حتي لو بنتشابه في ضحك في هزار مش لازم نتشارك في حزن
سهر…عندك حق بس انا هقولك حاجه بسيطه واتمني رسالتي توصلك…
محاولة الإنسان الدايمة في أنه يظهر انه سعيد بتزيد الشعور بالاكتئاب..
وفي دراستنا عرفنا ان معدل الاكتئاب الاكبر بيكون في الدول اللي صحابها واخدين السعاده والترفيه رقم واحد في حياتهم..
الناس دي لما بتتعرض لموقف حتي لو بسيط وتافه جدا بيدخلوا في حاله إكتئاب فظيعه واوقات بتصيبهم بالجنون وفي ناس كتير بتنتحر من كتر الاكتئاب لان هما حياتهم متعودين انها للسعاده بس.
يوسف…علي كده بقي الحزن حلو😂
سهر…بالرغم من انك بتقولها بهزار بس احب اقولك انه ليه فوايد او بمعني اصح لازم تدي الموقف اللي يعدي في حياتك حقه حزين احزن وخد وقتك مبسوط افرح وخد وقتك ولا تسيب السعاده تسيطر عليك ولا تسيب الحزن يسيطر عليك مش حاجه كويسه ابدا أنك تحاول تتحاهل حزنك وتفضل تضحك وتبان طول الوقت انك بخير وانت من جواك مش بخير بالعكس انت كده بتضعف نفسك اكتر
رحاب…بس الحزن ده احساسه وحش اوي
سهر…اكيد بس شويه عياط وكام صرخه من القلب بتقدري تخفي وتبقي واحده تانيه اه مبتنسيش بس بتتعلمي…الحزن هو اللي بيعلم ويقوي مش الفرح الفرح ده شعور حلو مع الوقت بيبقي ذكري كل ما نأعد نفتكرها او موقف يضحك من القلب بجد كل ما نرجع نتقابل نتعمد اننا نفتكره عشان نضحك من تاني عليه… لاكن الحزن غير انه ذكري بتبقي حصلت في تاريخ او يوم معين.. فا هو وجع جوه القلب بيفضل ملازمنا علي طول يعني مثلا زي ذكري وفاه اي شخص غالي علينا..بيجي اليوم ده كل سنه بنبقي زعلانين جدا
بس احنا لو ركزنا شويه مع نفسنا هنلاقي اننا كنا طول السنه او طول السنين موجوعين اوي واحنا مش عارفين سبب وجعنا واليوم ده ماهو إلا ذكري للحدث لاكن ما بعد الحدث هو كله وجع…ورجعت بصت لمنار
اضحكي وهزري وافرحي بس اوعي تكذبي علي نفسك وتقولي انك مش موجوعه عشان ساعتها هتبقي بتزودي وجعك الضعف
منار….يمكن تكوني معاكي حق…بس حقيقي انا معرفش انا وجعي فين بالظبط…يمكن عشان قلبي مبقاش فاكر امته اخر مره اتوجع وايه اكتر موقف وجعه واي اكتر كلام سمعه واضايق
اوقات كتير يا سهر من كتر الوجع بتوهي جوه وجعك وبتحاولي تباني كويسه بتضحكي وتهزري عشان انتي اصلا حتي لو اتسألتي عن اللي فيكي مش هتعرفي تقولي مالك اصلي هقول ايه
هقول اني موجوعه علي اخويا اللي كان اغلي شخص في حياتي اني رغم اني مؤمنه وعارفه ان الموت علينا بس مش قادره اقتنع انه مات ولا عارفه اكون راضيه مش اعتراض علي قدر ربنا لاخالص والله بس غصب عني قلبي مش جايبني اوافق انه مات. كل حاجه في موته في بالي شريط صعب اوي بيمشي ادام عيني طول الوقت كل وجع حسيته وقتها ملازم قلبي مش قادره اخرج من الحاله دي ابدا كريم موته حولني من الشخص اللي انتي شوفتيه بيضحك ده لشخص انا مش عرفاه شخصيه تعباني اوي وتاعبه قلبي خنقاني حاسه كأن كل الدنيا حاطه ايدها علي رقبتي وبتخنقني وانا مش قادره ابعدهم عني
كان كلهم متأثرين البنات بيعيطوا في صمت الشباب ملامحهم بهتت والحزن بان عليهم عامر دموعه لمعت في عينه وبقي هاين عليه يقوم ياخدها في حضنه او يمشي بسرعه من المكان.
منار….من بعد ما كريم مات الدنيا سكتت مبقاش في حاجه ليها طعم وبعدها كل حاجه كنت بحبها بقت تبعد عني كل حاجه كنت بتمسك بيها كانت بتروح وقتها ولاول مره كنت احس بموتت كريم وهو بيغرق لاني حسيت نفس شعور الغرق والخنقه لاكن وانا عايشه بقيت عامله زي الطير اللي قطعتي جزء بسيط من رقبته وسبتيه يتعذب لا طايل روحه تطلع ويرتاح ولا طاير حد يعالجه ويخفف عنه الوجع…
منار…صدقيني في حجات كتير جوه كل واحد فينا مش بس تعباه دي مموتاه بالبطئ
سهر…مينفعش تستسلمي
منار…انتي صح بس لما يكون الاستسلام ده مفروض عليكي عشان معندكيش بديل ولا اختيار تاني تعملي ايه
عادل…بنبره جامده مفيش حاجه اسمها مفيش اختيار ولا مفيش بديل اوقات كتير احنا اللي بنوجع نفسنا بأدينا أوقات كتير بنبقي احنا سبب وجعنا اكتر وبدل ما نحاول نخرج نفسنا من الاكتئاب ده لا بنقفلها علي نفسنا ونقول مفيش حل ولا بديل وبنغرز اكتر وبنتوحع اكتر
سهر…صح هو صح يامنار
الاستلام عمره ما كان اختيار بين حاجه والتانيه الاستسلام شعور اي حد بيحس بيع لما بيتعرض لموقف قوي لاكن بيبقي في ايدك تختاري انك تكملي فيه ولا انك تطلعي منه..
عامر….يمكن اللي قالته منار عن كيمو هو نفس اللي حسيته ولسه بحسه كريم كان ابويا مش صاحبي كان انا كنا واحد أللي بتقولوه ده حلو وسهل اوي لاكن صعب تنفيذه علي فكره
انا باكل وبشرب وبخرج وبتفسح بتكلم بضحك بتنطط بعمل كل حاجه فالدنيا بس اخر الليل بفتكر الوجع اللي عملت نفسي بحاول انساه…
سهر….دي حاجه طبيعيه ياعامر خصوصا لما يكون الشخص كان غالي بجد
بس لو الدنيا بتقف علي حد يا عامر ماكانتش بقت زي مانتوا شايفين الوقت لو الواحد بيموت عشان حد غالي عنده مات كان زماننا كلنا ميتين….ولو الدموع والحزن والاكتئاب بيرجع ميت مكنش حد فينا بطل حزن وعياط.
عامر…ده كلام حلو اوي بقوله لنفسي كل يوم اه والله العظيم بس بمجرد ما تقولي اسمه تفتكري بمجرد ما يجي طيفه علي بالك تفتكري تشوفي صورته تفتكري انتي بتجاهدي نفسك انك ترجعي طبيعيه والف حاجه جواكي بتصرخ وتقول لا
سهر….انتوا محتاجين تتكلموا كتير تحكوا كتير حتي لو عن وجعكم لحد ما ترتاحوا واتمني توافقوا اني اكون السبب في راحتكم دي حتي لو حاجه بسيطه
زين…انا عارف انهم هيبقوا احسن وقريب كمان
بص زين لعامر ومنار بطريقه هما فهموها وكأنه بيقولهم لما تبقوا مع بعض هتبقوا احسن…..
يوسف…طيب بقول ايه احنا نغير الموضوع بقي ونتكلم في اي حاجه تانيه فعلا غيروا الكلام وانضموالهم تاني وفضلوا يتكلموا ويهزروا ويضحكوا وحاولوا يخرجوهم من المود الحزين وفعلا اتفاعلوا معاهم
وبعد شويه أستأذن منهم أنس بعد ما سلم عليهم كلهم
ووقف اتكلم مع منار شويه
وسط نظرات عامر
انس….فكي بقي التكشيره دي مش عابز اشوفك كده
منار…متقلقش انا بخير
أنس…يارب ديما مش عايزك تعيطي تاني عشان خاطري وادعي لكريم وادعي لنفسك تبقي احسن وهتبقي ان شاء الله
منار…يارب
أنس…طب اضحكي يلا
منار…أبتسمت
أنس…والله ابدا مش ماشي غير لما تضحكي
ضحكت منار
عامر كان هاينفجر من كتر غيرته
أنس…ايوه كده بالزمه حد يخبي الضحكه دي بقولك ايه يلا انا ماشي ومش هركب غير لما تبصيلي
منار…بصحك انت ايه اللي جرالك
أنس…طب خلاص يا ستي بلاش تبصيلي الحق عليا اني بضحكك😒
منار…طيب خلاص يا سيدي هبصلك واعملك باي كمان
أنس…وانا هجبلك بكره شنطه شوكولاته اد كده
منار…مش كفايه اللي جبتهولي انهرده
أنس….ياستي انا عيوني ليكي وكل يوم هجبلك شنطه اد كده بس انتي تبقي مبسوطه
منار…شكرا يا انس
انس…انا اللي شكرا عاليوم الحلو ده يلا انا همشي بقي ماشي
منار…ماشي لا اله الا الله
انس…بابتسامه سيدنا محمد رسول الله سلام هستناكي تبصي
منار بضحك حاضر
……
راحت منار وقفت عالسور بتاع السطح بأبتسامه حزينه
لحد ما انس نزل وفضل يشاورلها وهي تشاورله بايدها.
اما عامر فا كان في موقف لا يحسد عليه وحس ان قلبه بيتقطع ونفسه يصرخ بعلو صوته ومش قادر
بعد ما مشي أنس لفت منار واول ما بصت بصت بعينها علي عامر
اللي كان مركز معاها وعينه باين عليها الحزن رغم الغضب اللي جواه
حست منار بخوف بسيط من نظرته بسرعه بعدت عينها عنه وانضمت ليهم من تاني
خلص يومهم…
وعدي كذا يوم وفتحت سهر العياده اخيرا كلهم كانوا بيدعموها ووقفين معاها وبيباركولها…
اما كبار الحته كانوا علي استعداد للسفر خلاص
وجه اليوم اللي هيسافروا فيه
لحظه وداع🙄😁
يتبع…
- لقراءة الفصل التالي : اضغط هنا
- لقراءة باقي حلقات الرواية اضغط على (رواية 30 يوم حياة 2)