رواية ألمي الفصل الثالث 3 بقلم السمراء

رواية ألمي الفصل الثالث 3 بقلم السمراء

رواية ألمي البارت الثالث

رواية ألمي الجزء الثالث

رواية ألمي الحلقة الثالثة

الدكتـور: للاسف المريض حالته خطيره جدا ادعوله..
-مصدومه مش قادره انصدق يعني شنوو يعني نا قتلت حدا مقدرتش انتحمل طحت مغُمه عليا قبل ما نسمع باقي كلام الدكتور…
-فتحت عيوني ونسمع في صوت بابا يقرأ في قرآن بصوته الي نحبها…
-بابا…
بابا: بنيتي وعيتي.. شن إتحسي في روحٌك توا..
– الحمدلله كويسه.. شن صار
بابا: طحتي مغُمه عليك.. اكيده من الصدمه
– شخبار.. صقر
بابا حس في عيوني إني خايفه من رده.. ضحك في وجي..
بابا: متخفيش الحمدلله اكويس.. لكن!
-شن في شن صار أحكي يا بابا متخبيِش عليآ حاجه!!!
بابا: للاسف صار امعاه شلل…
-نشوف في بابا بصدمه معقوله… نبكي وشبه صارت امعاي حاله هستيرية
-بابا هذا كله مني انا… خليت حالت الشاب هك.. يارب
بابا: وبشر الصابرين الذين إذا أصابتهم مصيبة قالوا { إنا لله وإنا إليه راجعون}..
– إنا لله وإنا إليه راجعون.. وين الدكتور نبي إنشوفه..
بابا: تعالي امعاي…
-مشيِت نا وبابا للدكتور..
بابا: السلام عليكم
الدكتور: وعليكم السلام.. اهلين شيخ احمد
-إنسيت نقولكم إن بابا شيخ..

بابا: أهلين.. دكتور كيف حالك
الدكتور: الحمدلله..
-الدكتور وعيون عليا..
الدكتور: كيف حال صحتك يا ابله..
-الحمدلله.. نبي نسألك يا دكتور معليش..
الدكتور: تفضلي؟
-نا الي ضربت الشاب صقر، نبي نسأل كيف حال صحته!
الدكتور: عارف الشئ هذا… بالنسبه ل حالت صقر.. صار امعاه الشلل النصفي السفلي هو الإصابة الناجمة عن تلف في المخ، وفي هذه الحالة يبدأ المريض فقدان الإحساس بالوخز أو انخفاض الإحساس في الخصر والساقين، .. ولكن صقر الحمدلله حالته مختلفه ممكن لو أستمر في العلاج الطبيعي ممكن.. يقدر يمشي شوي شوي
-كأنه ميه بارده نزلت عليآ وطفت النار بعد كلام الدكتور
بابا: الله يبشرك بالخير يا دكتور..
-هوا وين توا نقدر انشوفه.!
الدكتور: للاسف حاليا لا، لان مزال ما وعه من البنج.
– كيف امتى طلع من العمليات!
الدكتور: العمليه استمرت 6 ساعات..
– ونا وين من هذا كله
الدكتور: للاسف صار امعك إنهيار عصبي. وعطيتك مهدئ
لك 4 ساعات مغمُه عليك…
-معقوله لياا أربع ساعات شن صار بعده وكيف حال أهله توا مية سوأل في عقلي.. استاذان نا وبابا من الدكتور وطلعنا
وصلت عند غرفة العمليات الي فيه صقر.. شفت ام صقر واب صقر والبنتين وأنس خوه واربع شباب اخره..
بابا: السلام عليكم..
اب صقر: وعليكم السلام.. شخبار صحت بنتك..
بابا: اكويسه الحمدلله.. ألمى سلمي عليهم يا بابا..
-السلام عليكم..
مفيش حدا رد عليا غير اب صقر والباقي نظراتهم حقد مقدرتش انتحمل دموعي نزلنا لا ارادة مني
– إسفه والله ما كأن قصدي مش عارفه شن صار عشان طلع فجأ هك قدامي..
أم صقر بصوت شبه عالي: آسفه شن نبي اندير بيه حرمت وليدي ان يكون زي أي إنسان حسبي الله ونعم الوكيل فيك
-انا مقدرتش انرد من حقها اتقول اي حاجه لو كانت مكانه كأن درات اكثر من هك..

فجأة صبت البنت يمكن عمرها في 20: حسبي الله فيك عارفه ان فرح خوي بعد يومين.. يارب ايصير فيك زيه..
-بحتت فيه بصدمه معقوله… يعني حرمته فرحته اخره
بابا طبطب عليا: لأ حول ولا قوة الا بالله العلي العظيم. لعله خير..
البنت: شنو الي خير .. ياريت تخذ بنتك.. وتمشي..
اب صقر وبصوت عالي: أروى كيف تحكي هك ونا موجود اعتذري من الشيخ احمد..
أروى وهي تبكي ومشت تجري بدون ما تحكي..
اب صقر: صفاء الحقي اختك بسرعه
بابا: والله عارف منقدرش نعوضكم لكن الي تبيه مني حاضر يا أستاذ سالم
اب صقر: شكرا ما تقصر.. والحمد لله على كل حال..
– كانت تقرييا الساعة 11 الليل..
بابا: هيا نمشوا يا ألمى..
– خايفه نمشِي اتصير حاجه يا بابا
بابا: ان شاء الله خير..
-جيت نبي نمشِي نا وبابا وتطلع.. الممرضه
الممرضه: وين أهل المريض، صقر سالم
اب صقر: نعم
الممرضه: الحمدلله على السلامه.. سيتم نقل صقر هل تبو غرفة خاصه او لا
اب صقر: اها اكيده غرفة خاصه
الممرضه: ياريت يجي حدا يكمل امعايا الأوراق
اب صقر: أنس وايمن الحقوا الممرضه.. معليش بس هل فتح عيونه
الممرضه: بكرا باذن الله
اب صقر: تمام شكرا
بابا: يلا يا ألمى بكرا باذن راح نكون عندك يا أستاذ سالم
اب صقر: وأنت طيب..

-طلعت ونا بابا أول مره يجني الإحساس هذآ إني طلعت ونسيت حاجه ليااا… وصلت للحوش وسلمت على ماما وهذا كله لعند توا مش وكله حاجه ومش قادره قالت ماما نحطلك حاجه تاكليها قلتلها حطي ل بابا منبيش مشيت لداري وأخيرا وصلت ل فراشي نبي نرقد وخلاص وهذا كله اول ما حطيت رأس جاء طول في عقلي صقر شن راح تكون ردت فعله لم يسمع أن مش راح يقدر يمشي تعوذت من الشيطان مشيت درت حمام وصليت وقريت شوي قرآن واليوم هذا مقدرتش نرقد ونا نفكر بكرا كيف راح يكون….
-وعيت على الفجر ولقيت ماما وبابا واعين وطلع بابا لي الجامع وصليت نا وماما درت فطور وطلعت عبايتي فطرت نا وماما وبابا ..
ماما: ضروري تمشي يا ألمى
– أكيد يا ماما هذا كله مني
بابا: يلا نطلعوا
-وصلنا للمستشفى الساعه 8:30 سأل بابا على غرفة صقر طلعنا لغرفة صقر ولقينا ناس واجده قدام الباب زي الناس الي شفتهم أمس.. سلم بابا على اب صقر.
بابا: شخبار صقر
اب صقر: الحمدلله لكن الغريب أن مازال ما وعه من البنج
-عمو عادي انخشّ انشوفه
اب صقر: تفضلي أم صقر جوه
-دخلت للغرفة وما لقيتش ام صقر يمكن طلعت كنت نبي نرد لكن مقدرتش انتحكم في رجلي ودخلت وصلت للسرير هذا صقر الي ضربته سبحان الله ملامحه مش زي وهوا متغطي بالدم..
شكله أسمر ما يشبهه لحد من اهله مختلف ملامحه
قاسيه وحزينه نزلنا دموعي ونزلت راسي وسمعت صوت
صقر: من انتِ..
-لم سمعت صوته انصدمت بحتت فيه ودموعي ينزلنا وخلاص..
صقر بصوت ضعيف: من انتِ.. ونا وين وشن صار
-مقدرتش نرد طلعت نجري.. ونبكي
بابا: ألمى كنك!؟
-صقر فتح عيونه
اب صقر: الله يبشرك بالخير
-طلعت نجري وسيبتهم نبكي وخلاص اكيد تقول عليا انتِ أوفر لو نقولكم عن شعوري مستحيل اتصدقوني يارب ما تصير من حدا اتحسي روحك إنك سلبتي حياة حدا ومتقدريش اتعوضي لو مهم درتي…

-عند صقر وعيت وشفت وحده تبكي فوق رأسي ونا قعد على السرير ومش حاسس بحاجه شن في لم سألت من انتِ طلعت تجري وبعده دخل عليا باتي وخوتي واصحابي عليا
صقر: باتي شن صار ليش مش حاسس بحاجه
سالم اب صقر: أنس اطلع إنت والشباب برا وكلملي الشيخ أحمد.
-استغربت من باتي حولت اني نرفع روحي لكن راجلي متحركتش
صقر: باتي شن في ليش مش قادر انتحرك
-باتي نزل رأسه لوطه ودخل عليا شيخ من وجه اتحس بالراحه
الشيخ أحمد: السلام عليكم والحمد لله بالسلامه يا صقر..
صقر: وعليكم السلام الله يسلمك.. ممكن حدا يقولي شن في
الشيخ أحمد: يا وليدي انت شخص مؤمن.. وعارف إن الله إذا أحب عبدًا ابتلاه صاح
صقر: ونعم بالله… شن صار امعاي
الشيخ أحمد: للاسف تعرضت ل حادث سياره واصبت بشلل نصفي وبنتي توا الي كانت عندك هي الي ضربتك
-نسمع بصدمه ومش قادر انصدق يعني انا معش نقدر نمشي معقوله….
صقر: أنا لله وإنا إليه راجعون الحمدلله على كل حال
الشيخ أحمد: ماشاء الله والله ما توقعت ردك راح يكون هك الحمدلله الي جتك على هك..
سالم اب صقر: لعله خير يا وليدي
صقر: امتى صار الحادث؟
اب صقر: أمس
صقر: يعني بكرا موعد فرحي
محدش رد عليا شفت الشفقة في عيونهم
صقر: ياريت تطلعوا وتسيبوني بروحي
طلعوا ودخل على الدكتور وحكلي على صحتي وطلع مقدرتش نمسك دموعي بكيت وقلت شن راح تكون ردت فعل حبيبتي وشريكة عمري أسماء راح تكمل معايا يارب ليش هك ليش من دون الناس صار امعايا هك .. استغفر الله العظيم الحمدلله على كل حال ربي عطني فرصه ثانيه حتى لو كانت مشلول….
دخلت على امي وخواتي أروى وصفاء
ام صقر بدموع: حسبي الله فيها يا وليدي كل منه
صقر: هذا قضاء الله يا أمي.. أمي أسماء سمعت بلي صار
أروى: طلعت حقيره اول ما سمعت انك تميت مشلول…….

يتبع….

لقراءة الفصل التالي : اضغط هنا

لقراءة الرواية كاملة اضغط على 🙁رواية ألمي)