رواية بنت أكابر الفصل الثامن 8 بقلم ياسمين علاءالدين

رواية بنت أكابر الفصل الثامن 8 بقلم ياسمين علاءالدين

رواية بنت أكابر البارت الثامن

رواية بنت أكابر الجزء الثامن

رواية بنت أكابر الحلقة الثامنة

👑 سبحان الله وبحمده .. سبحان الله العظيم 👑

في اليوم التالي كان شبل يجلس مع دهب في الغرفه ولم يخرج منها وطلب الافطار ان يصعد لهم

دهب : كده هيزعلو منك
شبل: انا هتصرف . متشغليش بالك

دهب : بس
شبل : من غير بس . كلي يا دهب

جلس الاثنان ياكلون ليسمعو طرق علي الباب .

كانت تريد ان تنهض. ليمنعها. : خليكي .متقوميش

فتح الباب ليجد ابيه الشيخ السلماني وامه ايضا

شبل : نعم يا شيخ
السلماني : منزلتش تفطر معانا ليه. وواخد الاكل عندك

نظر شبل لامه ثم لابيه .

اما دهب فارتدت حجابها ..

شبل نظر للداخل ليجد دهب ارتدت حجابها فتح الباب

شبل : اتفضل يا بوووي

دخل الشيخ ومعه ام شبل.

شبل : دهب وقعت علي رجلها من يومين ورجلها كانت وارمه.

السلماني : لا حول الله . سلامتك يا بنتي
دهب : الله يسلمك يا شيخ.

شبل نظر لامه : هي مش هتقدر تتحرك وتقف علي رجلها. وعلشان كده مكنتش بتقدر تنزل وتقف

السلماني: ترتاح طبعا ومتتحركش . خدها للمشفي يا ولدي

شبل : حاضر يا بوي. انهارده هخدها للدكتوره.

ام شبل : هتقعد طول اليوم جارها
شبل : هقعد يا امي

السلماني : اقعد يا ولدي. ولو في حاجه .هكلمك

شبل : ماشي يا بوي

خرج السلماني وام شبل نظرت لدهب بغيظ

 

 

 

خرجت ليخرج شبل خلفها واغلق الباب

شبل : امي لو مش عايزه دهب هنا .هخدها مكان تاني
ام شبل: انت عايز تبعد عني

شبل: عمري ما هبعد عنك . بس دي مرتي وكرامتها من كرامتي . انا عمري ما تعودت منك انك تهيني كرامتي.

ام شبل : دي بنت الراجي. اللي قتل اخوك

شبل : انسي انها بنتهم . وافتكري انها مرتي وهتبق ام لاولادي.

ام شبل: عمري ما هنسي انهم قتلو ابني

شبل : احنا كمان قتلنا اخوها وقتلنا ناس كتير واخدنا بتارنا. . ماسه هناك وسطيهم و بيعاملوها بطيبه

ام شبل: ما يقدر يعاملوها غير بطيب

شبل: يقدرو يا امي. بس ام يونس بتحترم ابنها وبتعامل مرته بحسن وطيبه. ليه انتي مصره تجرحيني.

لم ترد عليه

شبل : ما تضغطي علي نفسك اكثر. انا هروح معاها لمكان تاني.

ام شبل: لا . ده بيتك.
شبل : ودهب

ام شبل : هعاملها كويس يا شبل. ارتاحت

شبل : ارتحت يا امي
…………………………….

يونس اتفق مع شبل ان يذهبو اليوم معا ..

يونس اتصل بماسه وقال لها ان تجهز .

وشبل هو ودهب تجهزو.

حملها شبل . دهب بخجل : هقدر امشي يا شبل

شبل : انا عايز اشيلك

وضعها في السياره. وانطلق في المكان الذي اتفق عليه مع يونس .

لتجد سياره يونس تقف

دهب بفرحه : يونس

نست وجع قدمها ونزلت سريعا من السياره ليضحك يونس ويضمها بحب

شعرت ماسه بالغيره .. وايضا شبل.

دهب وهي متعلقه في رقابته : واحشتني اوي .

يونس : وانتي كمان يا حبيبتي

رفع عينه لتجد عينين تطلعان شراره.

ليبتسم علي غيرتها .

شبل : كفايه اكده.

امسك يدها ليبعدها عنه ..

 

 

 

دهب بدموع : خلينا شويه. لسه مقعدتش معاه

شبل : اقعدي معاه. بس بلاش احضان وكلام فارغ

ضحك يونس

شبل ضم اخته : كيفك يا ماسه
ماسه بغيظ : الحمد لله يا شبل.

. رفعت دهب النقاب وهي تضحك : كيفك يا ماسه

ماسه وهي ترفع النقاب: الحمد لله. انتي كيفك

دهب،: بخير الحمد لله

شبل : اقعدي يا دهب

دهب جلست امام البحر وبجانبها يونس الذي امسك يد ماسه لانها رآها تنظر له بغيره.

ليجلس في المنتصف ودهب علي يمينه وماسه علي يساره

شبل : خبر ايه . بعد يدك اكده عن مرتي
يونس : الله . دي اختي

شبل: خابر. بس كفايه اكده . وانتي نزلي النقاب

دهب: مفيش حد في المكان ..
.
يونس نظر لقدمها : دهب . رجلك مالها. مربوطه ليه

دهب: اصلي وقعت عليها ..

لينظر لشبل ..

دهب : والله يا يونس وقعت عليها.

يونس : قومي عايزك .

اخذها بعيد ليتحدث معاها .
. ماسه جلست بجانب شبل : شبل كيفك

شبل : الحمد لله. انتي كيفك مع يونس .

ماسه: الحمد لله. بخير

شبل : وناسه بيعملوكي كيف
ماسه : الصراحه بيعملوني كيف بنتهم.

تنهد شبل وهو ينظر الي دهب ويونس.

………….

يونس : قوليلي الحقيقه .ومتخفيش واصل

دهب : والله يا يونس وقعت علي رجلي . ومن وقت اما عرف شبل وهو مش بيخليني المس الارض .

يونس: اوعاكي تكوني مخبيه عني حاجه.
دهب : صدقني يا يونس . شبل كيف ما قولتلي عليه طيب وراجل. مثلك بالظبط .

يونس : لو في اي وقت حد عملك حاجه. متسكتيش يا دهب واتصلي بيا وانا هتصرف

دهب: يا يونس. انا متزوجه من راجل وهو قادر يحميني. متشغلش بالك بيا. انا في امان

يونس : الحمد لله .

………….
ماسه : حزين ليه يا شبل

شبل : امك يا ماسه. مزودها علي دهب. حتي وهي رجلها وجعها بتوقفها عليها

 

 

 

ماسه : هي دهب اشتكتلك
شبل : ولا نطقت . انا عرفت لحالي . رجعت البيت ولاقيتها بتزعق . وهي ما اتكلمت

ماسه نظرت ليونس: تفتكر هتقول ليونس
شبل: مخبرش .

ماسه : لو عرف هيزعل. وتحصل مشكله
شبل وهو ينظر لدهب التي تجلس بعيد عنهم

شبل : اللي يهمني هي دهب. حاولت اكلم امك بالعقل . ويارب تفهمني
ماسه: متقلقش يا شبل . ان شاء الله الحال يتغير وامك تتعود علي وجودها
شبل : يارب

.. ..

رجع يونس ودهب وهما يضحكون . لينظر شبل اليها

جلست بجواره ليلف يده عليها ويقربها ليضمها الي صدره

احمر وجهها ونظرت للارض .

…
ماسه بغيره : من لقي احبابه .نسي اصحابه
يونس : ما انتي من احبابه كمان

ابعدت عينها عنه لتبتسم . همس في آذنها ب جمل شعر

يونس : تاهت عيوني في بحور عينيك . واختار قلبي ان يغوص فيغرقك

. ابتسمت بغرور وهي تسمع منهما يرضي غرورها

يونس بغزل : عيونك كالغزال

ماسه بحب : انت هيبتك كالجبال شامخه

………..

دهب : شبل هو
شبل : هو

دهب بضحك : انا لسه مقولتش حاجه
شبل : طيب قولي

دهب : اقول ايه نسيت
ضحك شبل ……

….. …..
شوق زارت بيت الراجي. : خالتي فين ماسه
ام يونس: خرجت مع يونس
شوق بغيره: ماشي

في نفسه تفكر في طريقه لتبعدها عنه فهي في نظرها لا تستحق يونس .

…….

كانو يجلسون الاربعه

دهب : ينفع ازور اهلي
شبل : يوم ثاني. الدكتوره هتيجي كمان ساعه ولازم تكشفي علي رجلك

دهب: مش لازم اروح
شبل : كيف يعني .

يونس : اسمعي الكلام يادهب. روحي مع شبل.
دهب : ماشي. سلم علي امي. وابوي

يونس : يوصل ان شاء الله .
ماسه : انا كمان عايزه اروح لامي

يونس: اي يوم عايزه تروحي قوليلي .بس من بدري
ماسه : اتفقنا

ودعو بعض واخذ يونس ماسه ورحل وشبل اخذ دهب للطبيبه

…….

. فحصت الطبيبه قدم دهب واخبرتها انها بحاجه للراحه
وكتبت علي علاج لها

اخذها شبل وعادو للبيت مره اخري .

مراليوم

بعد يومين

كانت ماسه تجلس في البيت مع ام يونس لتاتي شوق اليهم وتجلس معاهم

وكالعاده لا تخلي جلستهم من تلميحات شوق بان ماسه لا مكان لها بينهم .. وماسه بقوتها لا تتركها وترد عليها

كانت تصنع الغدا. ..

وام يونس : تعالي يا بتي ناكل .
ماسه : دقيقه والاكل يكون جاهز

وضعت الطعام . وعندما دخلت المطبخ لتحضر شئ

وضعت شوق شئ في طعام ماسه.

جلسو يتناولون الطعام معا .. وبعد وقت قصير شعرت ماسه بالم في بطنها.

لتصرخ بوجع ودموعه وهي تمسك بطنها بقوه

ماسه : اااه . بطني .. بموت
كانت شوق تنظر لها بشماته .

 

 

 

لتفزع ام يونس. : من ايه يا بتي.

اخذت شوق طبق طعام ماسه والقته بالخارج وادخلت الصحن كانها لم تفعل شئ.

ليجدو يونس والشيخ الراجي ياتون

كانت تبكي بقوه . وام يونس تعطيها الحليب بالعسل

ام يونس : اشربي يا بتي الحليب. والعسل في شفي

فزع يونس من بكاء ماسه : ماسه فيكي ايه

ماسه بدموع : بطني . بموت يا يونس

يونس وهو يضمها : سلامتك

كانت تنظر لها بحقد وغل تريدها ان تموت لترتاح

الراجي اتصل بالطبيبه لتاتي سريعا اليهم .

اخرجت الجميع ولكن يونس لم يترك ماسه وجلس بجانبها

فحصتها الطبيبه : دي حاله تسمم وباين عليها.

يونس : انتي متاكده

الدكتوره : طبعا. ضغطها واطي والقئ والعرق والتشنحات وشفايفها ازرقت

يونس : اتصرفي بسرعه

كانت تنظر له بدموع ورجاء و تمسك يده . تشعر ان روحها ستغادر جسدها

كانت ستموت حقا وارتخي جسدها من الالم .. ليصرخ يونس بالطبيبه : اغمي عليها .

الدكتوره : متخفش. انا اديتها حقنه ..

…
. في الخارج كان الوضع متوتر .

الراجي : كيف يعني .

ام يونس : والله يا شيخ. احنا كنا بناكل مع بعض وفجاه صرخت اكده
الراجي : لا حول الله يارب .

ام يونس : تكون حامل
الراجي : وهي الحامل بتصرخ اكده.

ام يونس : سقطت يعني
الراجي بتفكير : لو سقطت . مش هيتعبها اكده. ملحقش يكبر

ام يونس : لو الوكل في حاجه. كنت تعبت معاها
الراجي : رينا يستر

شوق كانت ترقص من الفرح بداخلها وهي تدعو ان تموت ماسه وترتاح .

….
انتهت الطبيبه من عملها وخرجت.

وتركت يونس مع ماسه. التي نامت بين يديه

نظر لها بحزن وهو يراي وجهها الشاحب .

يونس : سلامتك يا ماسه .

…

الراجي: كيف حاله يا دكتوره
الدكتوره: حاله تسمم يا شيخ .

الراجي : كيف اكده.
الدكتوره: الحمد لله. لحقنها

ام يونس : بس احنا كلنا معاها .
الدكتوره : معرفش. ممكن تكون كلت حاجه غيركم ..

الراجي : يا ولد ..

 

 

 

نادي الشيخ علي رجل من رجالته ليوصل الطبيبه الي المشفي مره اخري

الراجي : انتي نجيتيها بالحليب اللي شربته. بيفسد اي سموم

ام يونس : هطلع انا اطمن عليها
الراجي : اطلعي انتي وطمنيني.

صعدت ام يونس وطرقت الباب . لتسمع صوت ابنها

يونس : مين
ام يونس : انا ياولدي

يونس : ادخلي يا امي

دخلت ام يونس وهي تنظر الي ماسه التي تنام بين يد يونس

ام يونس : كيفها يا ولدي .

يونس : الحمد لله . الدكتوره قالت انها لحقتها.
ام يونس : الحمد لله .

يونس : امي هي ماسه كلت ايه
ام يونس : كلت الوكل اللي عملناه وانا كلت معاها وشوق كمان. غير كده كل اللي في البيت كل

يونس : اشمعانه هي يعني اللي اتسممت

ام يونس: مخبرش يا ولدي.
. يونس نظر الي ماسه بحزن .. ام يونس: خليك معاها وانا هجبلها حليب تشربه

يونس : ماشي يا امي

. خرجت الام. وتركت يونس في حيره من امره. من فعل ذلك يقصد به آذي لماسه خاصتنا .

قبل جبينها ومسد علي شعرها بحنان. وهي نائمه بتعب

يتبع…