رواية بنت أكابر الفصل العاشر 10 بقلم ياسمين علاءالدين

رواية بنت أكابر الفصل العاشر 10 بقلم ياسمين علاءالدين

رواية بنت أكابر البارت العاشر

رواية بنت أكابر الجزء العاشر

رواية بنت أكابر الحلقة العاشرة

👑 سبحان الله وبحمده … سبحان الله العظيم👑
ما كنت اعلم قبل بوادر النوه 💘
ان الاسود فرائس الغزلان 💘
(البارودي)
اخذ يونس ماسه الي مكان يحبه.
اسطبل الخيل. اسرعت هي الي احد الاحصنه تمسد علي شعرها بحنان
اشار للجميع ان يبتعدو عن المكان. ليرفع لها النقاب ويري تعابير وجهها التي كانت ممتلئه بالفرحه
يونس: كل ده علشان الخيل
ماسه بفرحه : انا بحب الخيل جدا . كان شبل وانا صغيره بيخدني ونروح الاسطبل
يونس : بتعرفي بقي تركبي
ماسه : اها. بعرف
امسكها من خصرها ليساعدها علي الصعود الي ظهر الخيل .
امسكت باللجام وفردت ظهرها لتنظر له . رأت الفخر في عينه .والاعجاب فهو يحب شموخها . يحب المرآه القويه
ماسه : بتبصلي اكده ليه
يونس : معجب بقوتك
ماسه وهي تلف حوله بالفرس : اومال بنت اكابر يا شيخ
ضحك وهو يحل وثاق الفرس الاخر ويصعد عليه
يونس : كنت بجيب دهب هنا هي كمان بتحب الخيل . بس بتركب ورايا .
ماسه : بس انا بحب اركب الخيل وحدي . ومبخاف
يونس وهو ينظر للامام : نتسابق
ماسه بتحدي : موافقه.
يونس : لحد النخل الي هناك ده .
ماسه نظرت للمكان : تمام ..

يونس : ١&٢ &٣
. لتركض هي بالفرس وهو يلحق بها كان ينظر لها بحب ..وهي تركض بقوه. وهيبه. وراسها المرفوع.
لحق بها وسابقها فهو فالاخير لن يتركها تفوز عليه .
ليسبقها هو. . كانت تتننفس سريعا وهو يلف حولها بالفرس ..
ماسه : انت اللي كسبت
يونس : وباقل مجهود . انتي احسن واحده بتركب خيل. برافووو بجد .
ماسه : اومال. انا مش اي حد انا مرت يونس الراجي
نظر لها باندهاش فهي لاول مره تفتخر بكونها زوجته. ولا تقول ابنه السلماني
يونس : قلب يونس انتي
ضحكت ماسه بحب فهي تحبه بقوته وشموخه وعزته . لا يحاول ان يضعفها ويقلل منها تراه دائما يفتخر بقوتها وشجاعتها لذلك باتت تعشقه
ماسه: انت اللي قلبي يا شيخ الشباب ..
ضحك هو : ودلوقتي فين جايزتي . انا اللي فوزت
ماسه بتفكير : ممكن اركب معاك علي الخيل
يونس بمكر : بس مش ده اللي اقصده
ماسه : اما نرجع البيت يا يونس .
ضحك من قلبه . لتنزل من علي فراسها .
ويساعدها لتصعد معه علي حصانه . ركبت امامه وضمها هو اليه
……………………….. ……………………………..
في بيت شبل ..
كانت دهب تجلس مع شبل واامه .
ام شبل : قومي يا دهب اعملي قهوه
شبل : هنادي زهره
ام شبل : وليه هي متقومش.
دهب : هعمل انا القهوه . تشرب يا شبل
شبل : اشرب
دخلت تعمل القهوه لهم
ام شبل : متخافش عليها اكده . لا هتنقص يد وله رجل
شبل : يا امي. في هنا خدم كتير
ام شبل ؛ وانا عايزه ادوق القهوه من يدها
شبل حرك راسه بتفاهم. وهو يعلم انها تحب ان تضايق دهب
خرجت دهب وبيده الصينيه بها فنجانين القهوه
لتضعها امامهم ..
قدمت القهوه لام شبل . ولشبل. وجلست

لتسمع ام شبل : ايه القرف ده ..
دهب احمر وجهها : قرف ايه
شبل شرب القهوه؛ مالها القهوه .جميله . تسلم يدك يا دهب
ام شبل : قهوتي فيها ملح
دهب : ملح ايه. لا مفيهاش.
ام شبل: هتكدبيني عاد
دهب : لا مش قصدي. بس انا متاكده ان مفيهاش ملح
ام شبل : قولت فيها . هو ده احترام الكبير عندكم
شبل : امي . اكيد هي اتلخبطت بين السكر والملح
ام شبل : اكيد المره جايه هتحطي سم . وتقولي اتلخبطت
دهب : انا متاكده ان القهوه مفيهاش ملح .
ام شبل : هتبل عليكي يعني
دهب : هاتي ادوقها .يمكن اتلخبطت زي ما شبل قال.
ام شبل : خدي دوقي
اقتربت دهب . لترمي ام شبل القهوه عليها
صرخت دهب بفزع وهي تنظر لشبل . الذي وقف امام امه ووقعت القهوه عليه وهي ساخنه
دهب : شبل
ام شبل : ولدي
نظر لامه بعتاب .. لتنظر له بغضب
دهب وادمعت عينها. لتدخل سريعا واحضرت له قطعت تلج
اجلسته امامها وهي تفتح ازرار عبائته بدموع
رات صدره به بقعه حمراء كبيره .
اقتربت ووضعت الثلج عليها وهو ما زال عينه معلقه في عين امه.
دخلت امه غرفتها.
وقف شبل : متخفيش يا دهب . حصل خير
دهب : وقفت ليه قدامي يا شبل
شبل امسك يدها وصعد بها الي غرفته .
ليخلع الجلباب ويبق صدره عاري .
احضرت مرهم الحروق ووضعته مكان الحرق وما زالت تبكي
نظر لها ولطيبتها ليجلسها بجانبه ويضمها بيده جهه الاخري من صدره
اجهشت بالبكاء وهي تلف يدها حول خصره
شبل ؛ بتبكي ليه دلوقتي
دهب : لان اللي حصل ده بسببي . انت ليه وقفت قدامي
شبل : ده قدر يا دهب . وقدري اتحرق
دهب : بس هي اللي رمت القهوه
شبل ؛ مكنتش تقصد . غصب عنها
لا تصدقه ولكن لا تريد ان تحرجه اكثر.
دهب: كنت انحرقت انا .
شبل بابتسامه : بعد الشر عنك . فداكي انا يا دهب
دهب : فداك عمري يا شبل
شبل : يسلم عمرك يابنت الاكابر
قبل راسها . لترفع يده وتقبلها

تنهد ونظر الي فعلتها باندهاش
دهب : شبل انت طيب قوي. بحس انك ابوي واخوي
شبل: مفيش اطيب منك يا دهب . حقك عليا انا
لو عايزه تمشي من البيت هنمشي حالا
دهب : ده بيتك يا شبل . كيف يعني تمشي منه
شبل : انا يهمني راحتك انتي
دهب : راحتي جنبك يا شبل .
شبل : انا جنبك لاخر العمر
امسك ذقنها ورفعها له لتنظر الي عينه التي تعشقها. بسودها ال لامع
ليقبلها🙈
……………….
في المساء.
كان الشيخ السلماني في انتظار ابنه ليتناول الطعام
دهب : هتقدر تلبس حاجه علي صدرك
شبل : في تيشرت واسع
وقف وفتح الدولاب واخرجه ليرتديه .
كان قطني وواسع. ولكن لايطيق شئ علي صدره
نظرت له : بلاش تلبس حاجه انهارده بكره هتكون احسن
شبل ؛ كيف يعني. اخرج اكده ..
نزل معاها
ليمسك طرف التيشرت يبعده عن صدره.
رآي الدموع في عين امه ..ليبتسم لها
جلس .
الشيخ: فيك حاجه يا ولدي
شبل : القهوه وقعت علي صدري يا شيخ
لينظر الي ولده سريعا : مش تخلي بالك يا ولدي

شبل : حوصل خير . الحمد لله جت سليمه
الشيخ السلماني : ام شبل. هاتي. لشبل الخلطه اللي عندي جوه .
دخلت امه. واحضرت العلبه. بها خلطه من الاعشاب التي تستعمل للجروح والحروق
شبل : انا كويس يا امي . متخفيش
بكت هي : اسفه يا ولدي .
شبل وهو يقبل راسها فهي امه في الاول والاخر
شبل : حصل خير يا امي
السلماني ؛: هو انتي اللي وقعتيها
نظرت ام شبل له .
دهب : مكنتش تقصد يا شيخ . اتخبط فيها
شبل بابتسامه : هو ده اللي حصل
السلماني ،: الحمد لله. انا جت . علي قد كده
نظر لها بشكر .
………..ً……………………
يونس رجع مع ماسه بعد ان قضو اليوم بالخارج .
شبل كان يجلس مع امه وابيه ودهب . ليجد الباب يطرق عليهم
نظر لدهب لتصعد غرفتها وامه دخلت الغرفه
فتح الباب ليتفاجا بعمه مطاوع يقف امامهم
شبل بترحيب : اهلا ياعمي. اتفضل
دخل مطاوع ووجهه متجمد
السلماني : حمد لله علي السلامه يا ولد ابوي .
مطاوع : الله يسلمك يا خوي. كيفك
السلماني : بخير . اقعد
شبل : دقيقه والاكل هيجهز
مطاوع : معيزش اكل حاجه . انا مش جاي اضايف

جلس شبل بجانب ابيه
شبل : جاي ليه يا عمي .
مطاوع : جاي اعاتب علي ابوك. اللي دخل بينا الاعداء وراح سلم بنته لابن اللي قتلو ابنه
السلماني: مفيش اعداء بينا والتار خلص. اللي فوق تبق مرت ولدي وفي مقام بتي. وماسه هناك عايشه زي الفل وبيعاملوها زي بنتهم
مطاوع : كيف يعني. انا الكلام ده مينفعنيش . احنا بنا دم وعمره ما هيبق في صلح
شبل : الصلح خلاص حصل يا عمي. انت جيت متاخر.
وقف مطاوع وهو في عينه شر : . انا لسه واصل من السفر وعرفت بالمصيبه دي.
السلماني: اقعد يا خويا واهدا . الفتنه نائمه لعن الله من ايقاظها
مطاوع : تقصد ايه . هتكبر وتخيب عاد وله ايه يا سلماني
وقف كالاسد في وجهه عمه وصوته وعينه كالاسد المفترس.
شبل : اياك تتكلم مع الكبير اكده . ابوي ميتقلوش الكلام ده . قسم عظما لو مكنتش عمي لكان ليا تصرف تاني معاك
. نظرت حقد وغل من مطاوع لشبل.
السلماني: اهدا يا شبل يا ولدي . عمك ميقصدش حاجه . هو خانه التعبير بس.
نظر لهم مطاوع وخرج ولم يتحدث بكلمه اخري
شبل جلس مع ابيه : عمي ناوي علي شر يا شيخ
السلماني : ربنا يستر . لازمن يفهم اننا عملنا صلح.
شبل : هخلي رجالتنا تتابعو. لازم نلحقو قبل ما يعمل مشكله .
السلماني : ان شاء الله خير يا ولدي .
……………
شبل يشعر ان عمه سيفعل شئ.
ولذلك خرج لعتمان واخبره ان يعين رجال ليتابعو تحركات عمه مطاوع. حتي لا يرتكب اي مصائب هما في غني عنها ..

يتبع…